#لطمية_عتاب_للعباس_لسبي_زينب
فكرة//خادم ام ابيها (ملا علي المياحي)
/وزن فائزي/

{لسان حال ابي الفضل العباس ع}

لتگول زينب انسبت مايرضى عباس
هاي الاميرة ام الخدر مرفوعة الراس
*ﭼـفيني الها اتگطعت..لتگول زينب انسبت*
::::::::::::::::::::::::::::::::::::::::::::::::::::::
انطيت روحي والجسد واثنين ﭼـفين
لاجل الاميـرة الطاهـرة بنت الميامين
صـح انـة يـم المشرعة وافـاني البين
فدوﯼ ادية اتگطعن لزينب والحسين
*وياها ادية من مشت..لتگول زينب انسبت*
✺✺✺◐◐✺✺✺◐◐✺✺✺◐◐✺✺✺
لمن طحت عالمشرعة صاحت يعباس
اسمعها بس ماجاوبت مگطوع الانفاس
لـو أشرت گالت يخَي يفتر لها الراس
يعرفون هيَ بذمتي اتصد عنها الارجاس
*تلگاني لو هيَ حچت..لتگول زينب انسبت*
✺✺✺◐◐✺✺✺◐◐✺✺✺◐◐✺✺✺
امشيـت ويـة ام الخـدر لمـن خذوها
مااسمح الينطق كـلام اختـك سبوها
ايديـة بحماهـا ومشت ابزود اخوها
بيهـا شجـاعـة حيـدرة لـو وصفوها
*من طيحتي تأثرت..لتگول زينب انسبت*
✺✺✺◐◐✺✺✺◐◐✺✺✺◐◐✺✺✺
مـاتنسبي بنت النبي وعبـاس موجود
احميهـا انـة بـت علـي وانطيهـا الزنود
كل الخلگ تعرف منو عباس ابو الجود
اختي اميـرة امدللة عاشت مِحَن سود
*اعليها دمعاتي جرت..لتگول زينب انسبت*
✺✺✺◐◐✺✺✺◐◐✺✺✺◐◐✺✺✺
اجرحت گلبـي مـن گلت زينب سبية
وشصـار بيـة مـن گـلت بيـد آل امية
زينب تظـل مهيوبـة هـاية الهاشمية
لا مـو اسيرة ولا انسبت بنت الزﭼـية
*نيران گلبي اتوجرت..لتگول زينب انسبت*
✺✺✺◐◐✺✺✺◐◐✺✺✺◐◐✺✺✺
تــمــت بــعــون اللــہ
29/10/2017
✍🏻 #ولائــية_وافتــخر (دعـاء العامـري)
🚫غير مبرئ الذمة امام اللـہ والزهراء من يحذف اسم الشاعرة🚫
🔴اجيز شرعاً للأخوة الرواديد لعدم ذكر اسمي لمن يصعب عليهم بالمجلس وكذلك يحق لهم التصحيح عند الوقوف في بعض الكلمات🔴
نسـألكم الـدعـاء....
▁▁▁▁▁▁▁▁▁▁▁▁▁▁▁▁▁▁▁▁
قناة للقصائد النسائيه لجميع مناسبات العتره
👇👇👇
https://tttttt.me/joinchat/AAAAAELdvGssZMurwfLsJA
كروب قصائد والحان منبريه
👇👇👇👇
https://tttttt.me/joinchat/AAAAAD7f0FNmkN2JjlNIBw