#محرم1440هـ_2018م
#شهادة_الامام_الحسن_ع
#مربعه + فزاعيه

*اليوم اعله الحسن نبجي ونهل عبره *
*كضة سبط النبــي ريحانــة الزهره*

❅❆❅❆❅❆❅❆❅❆

صرخت نادبة وتنحب يامسموم
اجيتك يالحسن وبكلب مهظوم
على افراكك يغالي الدمع مسجوم
ياابن الامام درة وابن درة

❅❆❅❆❅❆❅❆❅❆

عجيبه اعله النعش بسهام يرمون
عليك ابجي واون واعميها العيون
خلص عمرك ييمه بكلب محزون
بظلعي المنكسر انعالك واقره

❅❆❅❆❅❆❅❆❅❆

زينب تنتحب لاجلك يوالي
وياحال الهظم عكبك يحالي
عكبك بس حزن دمعي حلالي
فكدناك بحزن والكسر شيجبره

❅❆❅❆❅❆❅❆❅❆

ويانعشك ييمه أسهام صابوه
غدروك بحقد والجبد سموه
حفيد المصطفى بالنوح شالوه
وبرمي السهم عادولي هالسطره

❅❆❅❆❅❆❅❆❅❆

اون اعله الحسن دمعتي اجريها
مسموم وكضه يوليدي تاليها
ردتك للطفوف اختك تباريها
تشاهد غربته والعده يحز نحره

❅❆❅❆❅❆❅❆❅❆
تمت بحمد الله
16/10/2018
✍🏻آلــــّ؏ــلّويِـــــه آلّمٌوسويِــــۿ

https://tttttt.me/joinchat/AAAAAELdvGssZMurwfLsJA

#شهادة الرسول المصطفى
#طور يابو فاضل طيحة ايدك
"ملاباسم الكربلائي"

آه يبويه .. يصعب اعليه غيابك
آه يبويه .. عشت بلوعة مصابك
آه يبويه .. ريت متوسده ابترابك
آه يبويه ..
▁▁▁▁✿✿✿▁▁▁▁

يصعب فراكك يبويه آه يــاغــالي
ظلمة من عكبك حياتي بلايه والي
يهدم الحيل البــعد غيّــر احــوالي
ضاع بعدك بويه كل عــزي ودلالــي

من عفتني .. روحي جن طير وذبحته
من عفتني .. كلبي بغيابك شعبته
من عفتني .. شعظم الفراك وكسرته
آه يبويه ..

▁▁▁▁✿✿✿▁▁▁▁


حزنت الأكوان كلها لأجل شخصك
ارتجت الارض وسمه لفقدان علمك
تظل وحيده فاطمة تحتاج عطفك
عكبك يظلموها والمنظر يألمك

آه ياهادي .. عكبك ابنيتك وحيده
آه ياهادي .. والعدو يسطرها بيده
آه ياهادي .. وهم يكيدونه الصميده
آه يبويه ..

▁▁▁▁✿✿✿▁▁▁▁


عكب عينك الدنيه خلتني يتيمه
الأبو خيمه وهسه آنه ابلايه خيمه
روحي ماتعنيلي بعدك جنهه هيمه
اتعذبت منهم يبويه ياهظيمه


يالعفتني.. اظلمت الدنيه عليه
يالعفتني.. لو تشوف الصار بيه
يالعفتني .. كلبي مايحمل رزيه
آه يبويه ..

▁▁▁▁✿✿✿▁▁▁▁


أنظر اديارك يبويه بعيني ظلمة
شكد ثكيله غيبتك والدار تنعه
صعبه ياجلمة يتيمه بيها هظمه
بعدك بهم وهظم عمري اشيجرعه


عكبك آنه .. فرحه مابيها حياتي
عكبك آنه .. ريت وي شخصك مماتي
عكبك آنه .. اعليه زادت نايباتي
آه يبويه ..

▁▁▁▁✿✿✿▁▁▁▁


ارد اسولفلك يوالي ع اللي بيه
زادت اعداكم يبويه بالآذيه
خذو حيدر كيدوه لآجل الوصيه
خالفو شرع الله والمرسل نبيه


بعيني دمعه.. ادري من بعدك عذابي
بعيني دمعه .. يخلص بعمري شبابي
بعيني دمعه .. ياعذابي واغترابي
آه يبويه..

▁▁▁▁✿✿✿▁▁▁▁

تمت بحمد الله
5/11/2018
✍🏻#آلــــّ؏ــلّويِـــــه آلّمٌوسويِــــۿ
❌لاإجيــــز حذف الأسم❌


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

#شهادة الأمام الحسن العسكري
#فزاعيه


*على امصابك يبو المهدي *
*دموع العين نجريها *
▁▁▁✹✹✹▁▁▁

اليوم العسكري مفكود
على افراكه الكلب مضهود
ننوح اعليك يابو الجود
*والزاجيه نعازيها *

▁▁▁✹✹✹▁▁▁


نعازي فاطمة الزهره
مصابك بالكلب جمره
غريب ومارحم دهره
*بأحزانك نواسيها *

▁▁▁✹✹✹▁▁▁


أنهد الدين اركانه
والأفــلاك حزنــانه
على مصابك يمولانه
*و شيعتك تخليها *

▁▁▁✹✹✹▁▁▁


علينه يصعب اغيابك
حزنانه تره أحبابك
غالي مكلف أصوابك
*راح الجان واليها *

▁▁▁✹✹✹▁▁▁


سامره لغيابك تون
مهمومه عاشت بالحزن
والمهدي دمعه اعله الوجن
*عداكم لارحم بيها *

▁▁▁✹✹✹▁▁▁


توحش غدت ديرانك
تجوي الكلب نيرانك
وسفه خالي امجانك
*شال الوالي راعيها *

▁▁▁✹✹✹▁▁▁

تمت بحمد الله
10/11/2018
✍🏻#آلــــّ؏ــلّويِـــــه آلّمٌوسويِــــۿ
❌لاإجيــــز حذف الأسم❌

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747