#زينب_والزهراء

كأني بزينب لما رجعت الى مدينة جدها رسول الله صلى الله عليه وآله ذهبت الى قبر امها الزهراء تشكي لها ما جرى في كربلاء


جيتك يمه يا الزهره اريد لحضنچ تضميني
مصايب قلبي شايلها قومي يمه عينيني


اجت زينب على قبر البتول امها تون وتنوح
قعدي يمه اخبرنچ ترى قلبي امتلى بلجروح
نزلت بكربلا يمه وحسين البيها ظل مطروح
على الغبرى من عفته تمنيت يحين انه حيني

قعدي يمه ياالزهره وانسي ضلعك المهشوم
عندي اخبار يا يمه تخلي بالقلب الهموم
اخويه حسين من شفته ييمه غارق بالدموم
تمنيتك ييمه هناك على مصابه تعينيني


شوصف يالحنونه اخبار جسام الولد ممدود
دمى خضابه يايمه وعليه قلبي غدا ممرود
جابه احسين يا لزهره ودمعه يحفر بالخدود
نار مصابه يايمه بوسط اضلوعي تچويني


والاكبر آه يالاكبر ناره للقلب تچوي
بطوله اتمدد اعله الگاع ابوه وامه بس تنعي
جابه مگطع الاوصال وعليه دمعه ظل يجري
يقله وليدي يالاكبر عقبك شلي بسنيني


وطفل الحسين يايمه خلى بالقلب حسره
طفل يرضع يا الزهره ما وصّل سنه عمره
جابه احسين للخيمه مطوق بالسهم نحره
وامه تولولي بالاهات سهم عبدالله مآذيني


يمه آه يايمه خدري اتوذر اعله الگاع
من طاح الگمر يمه زينب ظلت ابلا اقناع
محنيه الظهر ظليت مني مكسره الاضلاع
تمنيت الوصي يحضر وانتي وياه تلفيني


خادمة الزهراء / ليلى زغيب


قناة للقصائد النسائيه لجميع مناسبات العتره

👇👇👇
https://tttttt.me/joinchat/AAAAAELdvGssZMurwfLsJA


كروب قصائد والحان منبريه
👇👇👇👇

https://tttttt.me/joinchat/AAAAAD7f0FNmkN2JjlNIBw