#زينب_والاربعين

اجت زينب قوم ليها كمر يالاسمك دوى
مو علي الكفلك بيها وانته شيال اللوى

اجت زينب والمحامل شايله هموم والم
وماكو واحد من اخوتها كام يبنيها الخيم
حسين وينه وين الاكبر وينه شيال العلم
هالاجت زينب عجيبه وحيده تبقى بالفلا


الرايته ترف اعلى رأسي وينه وينه كافلي
شو اجيت وماكو أحد وين خواني وهلي
وين خويه ردته يدرى ضيفه عنده بت علي
اني زينب هالاجيتك خويه ويه العايله


اربعين نهار مرت إخواني ماالهم خبر
الدهر ياحيف خاين شتتاهم اعلى النهر
المرتضى منهو اليخبره زينب بنص الخطر
يكله هالمسبيه زينب ردت لطف كربلا


لفت من الشام ثكلى شتنوصف اهواله
حقد وي حجي الشماته بس دمع هماله
جامعه وقيد وعليل والله باصعب حاله
خان دهري وخلى زينب حايره ابين الملا


خادمة الزهراء / ليلى زغيب


قناة للقصائد النسائيه لجميع مناسبات العتره

👇👇👇
https://tttttt.me/joinchat/AAAAAELdvGssZMurwfLsJA


كروب قصائد والحان منبريه
👇👇👇👇

https://tttttt.me/joinchat/AAAAAD7f0FNmkN2JjlNIBw