#قصيده_لسان_حال_الزهراء_ع
=========💔======
انه الزهره ياعباس
وبكلبي جمر عاشور
اجيت لمصرعك انشد
يوليدي بضلع مكسور
صحت يبني ..وكثر وني
يوليدي بضلع مكسور

======💔=======

انه الزهره ياعباس
و بكلي جمر نارين =
نار الخلفت دخان
ونار من السهم بالعين=
اجيت لكربله أنشد
من حرگوها لصواوين=
و منك طاحت الجفين
ياحامل لواء حسين=
يهل دمعي :::::: وكثر وني
يوليدي بضلع مكسور
=======*==============**===

جيت لمصرعك عباس
ودموع الجفن أربع=
طحت يبني وشمر عگبك
على صدر ابني تربع =
وزينب حايره بايتام
تجري وي الحرم المدمع=
تشيب لحالها الاطفال
قلبي يبني اتصدع =

ثگل همي ::::::: وكثر وني
يوليدي بضلع مكسور

=========*=======*
الهم خيمه ما ضلت
وداست على اطفال اخيول =
آه يا لوعة الطف اه
منها اتحيرت العقول =
هاي امة ظلاله اليوم
بيديها السبط مقتول=
ماحفظوا لطه عيال
سيف الغدر ظل مسلول=
كثر نوحي :::::::::: وكثر وني
يوليدي بضلع مكسور
==========*===*==========
بالقوه اشهگ ألانفاس
و الأم الضلع بيه/
مني الحيل كلش باد
للطف جيت محنيه/
شفت اعله الثرى موذرين
وافت ولدي المنيه /
ونايم عالشريعه الحيد
ويمه الجربه مچفيه /

بجت عيني ::::::::::وكثر وني
يوليدي بضلع مكسور

=========*=*===============

أيدي اعله الضلع يبني
واجيت ابجي بدمع هالي=
انشد عالعقيله شلون
ما ضل الها اي والي=
وحيده و بالطفوف اختك
و تنشد عالولي الغالي =
حسين اعله الثرى امدد
ودم النحر متوالي=
آه يبني ::::: وكثر وني
يوليدي بضلع مكسور=
==========*=*=====
#تمت_بحمدالله_اللهم_تقبل_عملنا_خالص_لوجهك_الكريم
#خادمة_الزهراء_ع_ام_كرار_الطائيه
يحرم على رواديد الدجيDj
17/8/2018✍️

الناشر عباس التميمي:
قناة للقصائد نسائيه لجميع المناسبات
👇👇👇
https://tttttt.me/joinchat/AAAAAELdvGssZMurwfLsJA
كروب قصائد والحان منبريه
👇👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر على @Abas747