#حصريا_جديد_٢٠٢٢
*قصيدة للزهراء (يم الحسن گبرچ وين)*
❥━──➸➽❥❂❥━──➸➽❥❂
يم الحسن گبرچ وين يايمه
ننشد عليچ امضيعين يايمه
عونه اليشم اترابچ ... اتصيح كل احبابچ / يايمه
❥━──➸➽❥❂❥━──➸➽❥❂
كل ميت انزوره ونروح الگبره
نبچي بحزن والعبره تاخذ عبره
بس انتِ ضايع مرقدچ يالزهره
ما ندري وين انروح وين اندوره

ماضل صبر بالدلال يايمه
فراگچ صعب ماينشال يايمه

وادموعنه امغرگه العين / يم الحسن گبرج وين / يا يمه
❥━──➸➽❥❂❥━──➸➽❥❂
يمته نجي وعالگبر نشعل شمعه
ونطلع مشي لزيارتچ يالبضعه
ونشيل رايات الحزن بالدمعه
ونلطم عله الهامه عليچ وننعه

وانصيح يا زهره بصوت يا يمه
وياچ كون احنه نموت يا يمه

نوصلچ كون بهالحين / يم الحسن گبرچ وين / يا يمه
❥━──➸➽❥❂❥━──➸➽❥❂
ما شفنه وجهچ بس نحس بملگاچ
امنيه عدنه نبقه احنه بحماچ
كل شيعي هذا اليوم گاعد ينعاچ
تغطينه كلنه يالزچيه ابيمناچ

شما ندك فوك الهامات يا يمه
ونبچي ونهل الدمعات يا يمه

وياچ نبقه مقصرين / يم الحسن گبرچ وين / يا يمه
❥━──➸➽❥❂❥━──➸➽❥❂
بكل گلب شيعي الچ مرقد منصوب
يا فاطمة ما عدنه غيرچ محبوب
والصبر يا مولاتي يكتل چندوب
نار وبقت تسعر بوسطة الگلوب

ما تنطفي هاي النار يا يمه
ولا ينسي يالبسمار يا يمه

ولغيبته مهمومين / يم الحسن گبرچ وين / يا يمه
❥━──➸➽❥❂❥━──➸➽❥❂
محتاجه تشتم ترتبتچ هاي الناس
يمنه الحنونه تراب گبرچ ينباس
نخدمچ نبقة لحد گطعة الأنفاس
نقسم قسم بالذي گطعوله الرأس

للموت نندب زهراء يا يمه
كسر الضلع ما ننساه يا يمه

لزيارتچ مشتاگين/ يم الحسن گبرچ وين / يا يمه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك