قصيدة للامام الحسين ع 🚩

#الوزن موشح ..

#عن لسان مولاتنه زينب ع🚩

جيت للوالي وندهته// وكون بيدي مالجمته

خوية وجهك ماعرفته// على النحر طحت وحضنته


* رد عليه يلحنين
*انفطر كلبي من الونين
*وكون بيدي مالجمته
..........


خوية جيتك راكضة ودمعي يسيل
دوريتك بين موته وبلخفى اجر العويل
كلبي احسنه انخمش والك صايرلي دليل

دورت وجهك واون
صوتي اتسمعه اضن

اسمع امن بعيد ونته
.وكون وبيدي مالجمته


...........

ايون اخويه وفوك ما تنزف اجروحه
اعلى الخيم واعلى البنات تحوم روحه
واه ياجرح النحر والدمه المسفوحه

الجرح شديته بعباتي
ويكول روحي يم بناتي

كوه وصاني وصيته
وكون بيدي مالجمته

...........

اه ياخوية يزينب ماي رايد لون عندج
اضن بس دمعه بعيونج انه شفتج
وبلسبي ايخلونها تنزل دمعتج

يلعقيله اتمهلي
وصيحي بوية ياعلي

الشمر شمسوي بركبته
وكون بيدي مالجمته

.........

من الكفه مذبوح اخيي بعيني شفته
ابسيفه الملعون كلش حز ركبته
باخر الانفاس ياعالم وصلته

حسين ونك بطله
راح اشوفن بهذله

وبلزجية حلفيته
كون جرحك مالجمته

✍

تمت بقلم خادمة الزهراء
المله ولشاعرة زينب المالكي
#الملقبه ام ادم الزهرائية

غير مبري الذمه من يحذف الاسم من القصيدة ويتلاعب بها


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

#قصيدة ثقيله 💥 عن لسان حال زينب ع

#الطور ثقيل



*اه يا خدري / اليوم خواني ضحايه*
*خلص صبري/ماكو والي وماكو رايه*

*اه يخدري ...... اه يخدري*

...............

ماكو والي اليوم عدنه ولا كفيل
شلون ترضاها العده بينه. تعيل
بس حرم واطفال احنه والعليل
اركب الناكه واخافن لو تميل

اه يخدري // اه يخدري

.................

اركب النوك واروحن خويه عنكم
ومايخلوني حسافه يهلي يمكم
ماحضرت بساعه الدفنو جثثكم
ولاعزه سويت يااعزازي الكم

اه يخدررررري // اه يخدري

.................

عزه ماسويت لخواني وهلي
بس دموع الخد بقت والله اتهلي
مخدرة. تعرفونها يابت علي
اخلافكم يسباع صعبة تنولي

اه يخدري // اه يخدري

................

اخلافكم ياحال زينب بلهضايم
بقت بس اطفال عدها والحرايم
وسفه اخوتي اعلى الترب والعمايم
متربه اوجوه الاحبه وكلبي لايم

اه يخدري // اه يخدري

............

اه يالوعات كلبي ويا ونينه
توجهت صوب النهر ياوالينه
خوية شنهي نومتك الوعد وينه
كوم ياعباس يا خوية انولينه

اه يخدري // اه يخدري

...............

# تمت بقلم خادمة الزهراء
المله ولشاعرة زينب المالكي
#الملقبه ام ادم الزهرائية



غير مبري الذمه من يتلاعب بلقصيدة ويحذف الاسم منها



الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747