#الطميه_بديوان_بحر_الولاء_الجزء_١٨_.


لطميه للسيده خوله عليها السلام


خوله بلدرب عجبه يناكتهه
طاحت واكربت ليهه منيتهه
❥━──➸➽❥💔❥━──➸➽❥💔
خوله بلدرب طاحت يهاليهه
ما يدري اضنه اليوم واليهه
عنهه اشعطلاه اوما كعد ليهه
الدرب ابعيد اضن ما سمع ونتهه
❥━──➸➽❥💔❥━──➸➽❥💔
من فوك الجمل طاحت المحزونه
مهضومه الابنيه وحالهه شلونه
تريد ارجال للهودج يعدلونه
بس زين الاعباد المسح دمعتهه
❥━──➸➽❥💔❥━──➸➽❥💔
بيده غسلاهه او تهمل عيونه
واسياط العده تلعب على امتونه
وابهاي المصيبه غيرت لونه
يشوف اخته الزغيره شلون موتتهه
❥━──➸➽❥💔❥━──➸➽❥💔
طاحت بلدرب وحسين ما جاهه
بس اعليل عدهه امحير اوياهه
هوه الشالهه وبلكبر خلاهه
وعيونه عمن ويلي ابمصيبتهه
❥━──➸➽❥💔❥━──➸➽❥💔
من فوك الجمل طاحت المهضومه
وما يدري ابوهه النام بلحومه
ضل اعله التراب امغيره ارسومه
وزينب بلهظم دفنت عزيزتهه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الطميه_بديوان_بحر_الولاء_الجزء_١٨_.


لطميه للأربعين


اجت زينب حزينه يم الأكبور
تسوي فاتحه لخوتهه واتزور
يم اكبور اهلهه      دمعتهه تهلهه
واتعاتب اهلهه ابكلب مكسور
اجت زينب حزينه يم الأكبور
❥━──➸➽❥💔❥━──➸➽❥💔
وصلت بت علي يم كبر الاحنين
كعدت يم اخوهه اتجر الاونين
تكله اكعد يخويه او نشف العين
من يسري اجيت اليوم يحسين
اجيت اليوم يمك     الف اجروح جسمك
فاركتك يخويه صارلي اشهور
اجت زينب حزينه يم الأكبور
❥━──➸➽❥💔❥━──➸➽❥💔
اجت تنصب عزيه او فاتحه اليوم
للي مات من الماي محروم
تحلف ابن امهه خويه ابداعتي كوم
لو تسمعني طر كبرك يمظلوم
اجت ليه الحزينه      واتسوي اربعينه
على اكبور الاحبه ضلت اتدور
اجت زينب حزينه يم الأكبور
❥━──➸➽❥💔❥━──➸➽❥💔
اجت تشكي الهظم والمر عليهه
بلكت لو سمع يكعد وليهه
يطر كبره ويكوم ابساع ليهه
راحت بليسر ما يدري بيهه
اميسريهه الشماته      واتباري بناته
كلفهه ابيتاماه او بلاخدور
اجت زينب حزينه يم الأكبور
❥━──➸➽❥💔❥━──➸➽❥💔
زينب حشمت يم الكبر حيل
ما تدري تكله اشسوت الخيل
هجمت علحريم ابتالي الليل
وانه امنلمصيبه اتهدم الحيل
واخذونه سبايه     اولا زلمه اويايه
بس اعليل عندي او كلبه ماجور
اجت زينب حزينه يم الأكبور
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الطميه_بديوان_بحر_الولاء_الجزء_١٨_.


لطميه للرسول صلى الله عليه وآله


الزهره اتنوح وي جبريل بلكون
شال المصطفى واولاده يبجون
❥━──➸➽❥❂❥━──➸➽❥❂
ما نامت الزهره ساهره الليل
بس غمض ابوهه هجمت الخيل
حركو دارهه واتهدهد الحيل
عنهه وين شايل يلنبي وين
❥━──➸➽❥❂❥━──➸➽❥❂
عنهه وين ابوهه حمل او شال
يمصيبت الزهره اتهدم الاجبال
مكسورة ضلع والدمع همال
تكله ارجع يبويه اوفتح الاعيون
❥━──➸➽❥❂❥━──➸➽❥❂
تكله ارجع او شوف اشسوت اعداك
اريدن للمنيه اخذني اوياك
ما اصبر يبو ابراهيم لولاك
واليفكد عزيزه يصبر اشلون
❥━──➸➽❥❂❥━──➸➽❥❂
الزهره اتنوح والاملاك حزنت
وي جبريل عالي الصوت نحبت
شايل يا رسول الله او ونت
ظلمه دنيته والكون مرجون
❥━──➸➽❥❂❥━──➸➽❥❂
شال المصطفى الليله ابونينه
والزهره تون ونه حزينه
تصيح بصوت ارجع ياولينه
والحسنين ضجو ما يسكتون
❥━──➸➽❥❂❥━──➸➽❥❂

*تـــمت والـــــفضـــ🤲ـــل لله تعالى*
*بقلم✍الشاعره أميره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك