قصيدة *[ #فرحة_العبَّاس ]*
في ذكرى مولد #السيدة_زينب عليها السلام ، 1441 هـ .
________________

المستهل /

خامس جمادى الليله والإحساس
طاير فرح إلـ فرحة العبَّاس


1 /

ابصُلب الأمير اورود تتناثر
حي الله زينب ينده العبَّاس

2 /

معلِن فرح وي الحسن واحسين
اُو لو كيفه وياهم يجي جلّاس

3 /

خَذها النبي اُو قال الأسم "زينب"
صاح اُو نِعم ياتاج فوق الرّاس

4 /

نادى اكفلِتها يا ابو ابراهيم
بنتك وديعه ابشارب العبَّاس

5 /

وصلوا سلامي إلفاطمه الزّهرا
اعلى الحُرّه لازم راسها ينباس

6 /

اُو بويه علي إلـ ليه هي زِينه
هنياله والله ابذهبه مو ألماس

7 /

واحسين خويه والحسن اطلب
عوذوها عني ابرب جميع الناس

8 /

وانتوا يَشيعه اتوصوا ابزينب
علنوا الفرح اُو زَينوا البلد بالياس

9 /

اما چِلِمْتي إلزينب الليله:
كل عام وانتي فرحة العبّاس .

___________

بِـ قلم /خادمة وليِّ النعمة ( قصائد وليِّ النعمة )


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيدة *[ #المخدرة ]*
في إستشهاد #السيدة_ زينب عليها السلام ، 1441 هـ .

________________


*" رُوي ان ابن زياد لعنة الله عليه اراد ان يصوب إلى السيّدة زينب عليها السلام بسهام الشماتة ، وأن يتلذذ باذلالها في مجلسه وأمام الملأ .*
*فالتفت نحوها قائلاً : من هذه الجالسة ؟ "*

*فخُيّل لي رد أحد جُنده:*

________________

هاي اللي ما سبها احد
هاي اللي ما طقها احد
هاي اللي متمنيه اللحد
هاي ..

هاي إلمصيبتها جلي
هاي اللي صيحتها هلي
هاي العقيله بت علي
هاي ..


*فقال له:*

اوه هاي اهي المخدّره
اشهالطول هاللي انظره
هايه إذًا بت حيدره
هاي ..

جيبوا لها راس الأخو
نزلوه من فوق العلو
ذبوه يمها هالعدو
هاي ..

قيدوا ايديها بالعجل
اُو خل ننطر ايجيها الكِفل
وينه؟ تِأخر ما وصل!
جاي ؟ ..


يالخارجيّه ابقبضتي
صرتي دِاْنطري اسوايتي
إلـ اْخليچ آنه ابخِربتي
اُو داي ..

________________

بِـ قلم/ خادمة وليِّ النعمة ( قصائد وليِّ النعمة )


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيدة *[ #الفرج_بِاْيدِچ ]*
توسل بِـ #السيدة_زينب عليها السلام ، 1441 هـ .
________________

المستهل /

أمِد كِلتَا اليَدين .. إلى اِخت الحُسين
واْنادي اِبكسره يابِنت الزِچيَّه


1/
بِدايات الكلامْ .. عَلى الأُم السَّلامْ
سلام الله على الحوره الأبيَّه

اِلسَّلامْ اِعلى الجَلال .. اِلسَّلامْ اِعلى الكَمال
سلام الله على الدُرَّه النقيَّه

2/
مع الحُب والهَيام .. أيا بِنت الإمام
أبِثْ لِچ رايد الحِزن إلي بيَّه

إلِچ شَحچي اُو شَقول .. يَمولاتي يطول
أتوق اِلـ نظرِتِچ مِنِّي عليَّه

3/
يَزينب بِت علي .. وحَق ذاكَ الولي
وحق المرمي فوقاها الوطيَّه

اِجيتچ مِبتلي .. دِفرجيها إلي
أحلفِچ بِـ اللي تحت الأعوجيَّه

4/
هُمومي اِشكثُر .. أَدُورْ اِلـ كِل كِتُر
وَلَكِن مالي غير الهاشميَّه

الفرج بِاْيدِچ غِده .. يَرُوحي السيَّده
أمَلْ غيثِچ يِهل قبل المنيَّه

5/
أتاني جَيَّتِچ .. أناطِر رحمَتِچ
يَمولاتي يَزينب صِدِّي ليَّه

العُمُر ينعاف إذا .. يظل دومه أذاه
يَتِرياق القلِب مِسحي عليَّه!

6/
وإذا ليلي يجن .. مَيغمضلي جِفن
أقابل صورة القُبَّه السَنيَّه

إلِچ والله أحِن .. اُو لخطوه بِالصَّحِن
يَيُمَّه ازيارِتِچ أرجو عطيَّه

7/
اُو نِهاية الحچي .. أظل دوم اِبَّچي
دعيت الله فلا يوقف مسيَّه

دمِع مقبول أريد ..أيا إخت الشَّهيد
ينوِّرلي القبر وايصير ضيَّه .
________________

خادمة وليِّ النعمة ( قصائد وليِّ النعمة )



الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيدة *[ #راح_الأبو ]*

لسان حال #السيدة_زينب عليها السلام بعد إستشهاد والدها #أمير_المؤمنين #الإمام_علي عليه السلام، 1441 هـ .
___________________

المستهل /

راح الأبو منَّي .. زاد اعليَّه حزني
وهذا العيد اِجَنِّي .. اشهالهضِيمه!


1 /

راح أمان البيت كله راح ماظل لي أماني
راح ما حبَّيت راسه ادماه حبَّتَّه مُكاني
راح والرَّاح اشيرِدَّه وهذا قانونه زِماني
راح خيمَتِّي الچِبيره راح وآنه اندَهله تاني!

يا بويه قِلت له .. اتمهل أشَرِّت له
راسي مسَّحَن له .. يعني يِتيمه


2 /

شلون أنام الليله وآنه ماقِلت له اتصَبِّح ابخير
طاوعه وشلون قلبه راسه عنِّي ايميله ويدير
"هَب لي الجِد في خشِيتك" من إلسانه والدي غير
"لأبكيِّن اعليك" تبچي ابشدِّه وإلمحرابه اتشير

مفتقده بُكائه .. و"ياربِّ" ندائه
متسليَه ابدِمائه .. اُو ونَّته القديمه


3 /

رِحت داره اُو بالعمايم صِرت بدموعي اقلِّب
ساعه بهدومه اشمن ساعه بهدوم أمي چَلِّب
يا ذُخر عمري لعمري مابقيتوا اندَه وانحب
ماعليكم لوم لومي الموت اشبيه اُويه زَينَب؟!

من زغري صِحبني .. خَذ أمي وحِرمني
وابُّويه صُفعني .. ابهاي الجريمه


4 /

طب عليَّه الدار عبَّاس ابلحظه شِفتنَّه ابويه
مسَّح ادموعي وِاخذني الصَدره من قلتله خويه!
اِنتِحَبت اعليه وآنه قِلَّه يا عبَّاس چويه
راح ابونا ابشهر الله وجاي لينا عِيد خويه


باچر عيد ايجينا .. والأسود علينا
ياخويه اِنسَلينا .. دنيا أليمه


5 /

هدَّه صيحاتي ابحنانه ابچِلمته لا تبچي يكفي
آنه يمچ قال إليَّه اُو فدوه لچ يا خيَّه چفي
سافر ابهايه چِلمته بالي إلْطف بيه حَتفي
هيچي وتخيلته ميِّت وبَنِي اميَّه تجري خلفي

وصَّلني خيالي .. لأجساد الغوالي
وي مُهر إلِّي خالي .. ينده الظليمه


6 /

آنه أدري ابتالي زينب اُو عقب ابويه اعليَّه شيصير
هيَّ من أسمي تِبيِّن زينة الوالد واهو ابخير
لچن من ايروح عنَّي الدنيا ماترحمني واتجير
كل حقدهم بيني يرموا وانسِبي وامقيَّده سِير

آه إلوجدتي آه .. ايضربوني عِدا الله
وأندا "واعلياه" .. يلحق حريمه


7 /

هيَّه اِلتُفقد أبوها شِلها بالدنيا وعُمرها
الله لا يفجع ابنيِّه بموت أبوها ويْحَرمها
لا أمان ابلايه والد تخاف من كلشي يُمرها
صعبه من تتمنى بوها تالي ابلحظة رُعبها

لا قولولي ما نام .. بويه وهايه أحلام
ماريد أندا بالشام .. وألقى الهِضيمه .
_____________________

بِـ قلم /خادمة وليِّ النعمة ( قصائد وليِّ النعمة )



الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيدة *[ #امسجِّل_التاريخ ]*
في إستشهاد #السيِّدة_زينب بنت أمير المؤمنين عليهما السلام، 1442 هـ .
____________

المستهل /

كلمه امسجِّل التاريخ
ليها وموقف وصوره
ربي اتقبَّل القربان
يم اعظام مكسوره

لا تعجب .. من زينب
بنت الداحي خيبر


1 /

تتحسس .. تتنفس
زينب من علي والدها من روحه
حِلَّتها .. بمحنتها
أيوب النبي بس زايده اجروحه
دمعتها .. اُو ونَّتها
يعقوب النبي ببچاه وبنوحه
ومن احسين .. تاخذ زين
نصره اعلى الظُلم من هدَّم اصروحه

مقيوده وذليله تسير
للكوفه تقول الناس
وتقول اهيَّه للسجاد
نفتح جينا والعبَّـاس

دِخلتها .. اُو قلبتها
و چن الجاي حيدر


2 /

من عاشت .. ما شافت
غير الهم يرافقها من الخامس
لزغيره .. اكبيره
وأمها أودعتها حسين إله حارس
وبالتالي .. هالغالي
صار ايرافقنها امرافق الهاجس
اوياه تقعد .. وتردد
لعيونك لربَّي ست مية عابس

حُره الحُره بت احرار
چالزهره رساليِّه
احترقت عالزچيه الدار
وخيمها اتحرق هيِّه

للوالي .. متبالي
تعثر وتمشي عالمجمر


3 /

شتتوصف .. وبعد الطف
رغم آلامها وسوط العدا والهم
قبال العين .. راس احسين
وشفت آنه الجميل تقول وتتكلم
فضحتهم .. قهرتهم
واهتز الدعي ابعرشه واتلعثم
بالسجاد .. يفتك راد
ووالي ليها من الذبح ما يسلم

حامت إلعلي وتقول
قبله يالعدو اقتلني
خلي والي للشيعه
واقتص لو ردت مني

سيدها .. وقائدها
تفدى ليه المنحر


4 /

وقفتها .. كلمتها
كد كيدك فلا تمحي ذكر لينا
تتخلد .. تتسيَّد
سيف احسين هيَّه واخته وعينه
افتكروا مات .. بس هيهات
ماتوا هم وعايش هو على سنينه
حيرتهم .. خَيلتهم
ساعه احسين چنها وساعه والينا

لو توقف يشوفوا احسين
وبيده ماسكه سيفه
تتكلم يجي الكرار
حِلته ولهجته وحيفه

ما ذلَّت .. واتعلَّت
نفس احسين واخطر


5 /

الذوبها .. ومرمرها
الأيتام العلى ذمتها مكفوله
كل ساعه .. مرتاعه
طفله بنومها وماتهدا بسهوله
عمه آنه .. عطشانه
تجيها ثانيه من العطش مذهوله
شتبدي .. شتخلي
العمه المن تعبها هيه منحوله

من قعده تصلي الليل
وتهمس لـ الله بالقوه
مهنَّى يا عسى العباس
خويه اليروي ابدلوه

ما نضما .. لو يمه
چنه وماي يحضر


6 /

حسرتها .. نِظرتها
من ابيوت المدينه تالي شافتها
رِدِّينا .. ما جينا
بابن الزهرا بالله ردِّي حَدْثتها
اطلعت اوياه .. وجيت ابلاه
خل تهجر جميع الناس زينتها
راح احسين .. نور العين
تسامحني الزچيه والعزا إلها

وما مهلتها ايد الموت
بأول ذكرى إخذتها
شمعه ومن اثرها تذوب
والطف طفى شمعتها

بالغربه .. للتربه
تروح وربها قدَّر .
____________

بِـ قلم/ خادمة وليِّ النعمة ( قصائد وليِّ النعمة )


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

بـ طور / يخيمات للملا عمار الكناني
قصيدة *[ #بالعيون ]*
في وداع #السيِّدة_زينب لإخوتها يوم الحادي عشر، عام 1443 هـ
_________

المستهل /

بالعيون .. راح أدفنكم بقلبي وبالعيون
راح أتوادع اوياكم أني أم عون
شسوي اِلخاطِر تردوا وترجعون

1 /

يا أخوتي آنه الاِخت، المدللـه المُصانه
يا أخوتي ما ظل خدر، آنه فـ لاهي آنه
انتو انذبحتوا يَخوتي، وضيم الأسر لفانه
جابوا هزلهم والحبل، وحلفوا ترى بأذانه

يصيحون .. يتاماكم يخوتي مو يصيحون
عليكم يندهوا لخاطر تحضرون
يلوذوا بيّه وآنه مورمه امتون

2 /

يا يومه هالحادي عشر، شاتحصَّلَت مصايب
خِلصت حرب وبِدأت حرب، وما اقسى هالحرايب
تتقوى أشباه الزلم، عالنسوة الغرايب
حرقوا خيمنا وبالضرب، استولونه الأجانب

يشتمون .. بنات النبي ابلا خجله يشتمون
بقلبنا من الفقد لا مايرحمون
انهضمنا يَخوتي من شوف العيون

3 /

أمرونا نركب عالهزل، وتدروا الهزل طويله
ركَّبت أنا العيله وبُقيت، يركَّب منو العقيله؟
مدلي العليل ايده بصعب، وركبني عالهزيله
ومدوله اسياط العدا، ومارحموا ابدليله

بضربهم .. علي السجاد ركبوه ابضربهم
عليل امن المرض ما يقوى إلهم
ألف آه اشحمل قلبه امن اثرهم

4 /

الحادي قِصد يآذي القلب، ويمكم قِصد يمرني
كل ما مشينا بهالترب، قطعه الاقي مني
هزني الحزن وانزل ردِت، اوداع اُو تغيبوا عني
لن ابندا هد خاطري، وعن رغبتي صرفني

يَعمَّه ..رحمي ابجسمي الناحل يَعمَّه
منهو لو نزلتي ايصَعدچ اهنه
لَتزيديلي عمْتي ابصدري ونه

5 /

ابلايا دفنكم أعتذر، راح أمشي ابكسرتي
يَحسين يا عباس أنا، مخنوقه ابعبرتي
لَتقولوا خوَّتكم نسيت، وعنَّا يَأختي رحتي
مارحت أنا جسمي الرحل، وروحي بُقت اُويا ونتي

وداعي .. من عالناقه عذروني وداعي
ما عندي أنا اليمسك ذِراعي
المكفوله كفيله اهيَّه وتِراعي .
ـــــــــــــــــــــــــــــــــــــــــــــــــــ
خادمة وليِّ النعمة ( قصائد وليِّ النعمة ) .

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك