قصيدة *[ #عام_أسود]*

على أعتابِ السيدة "خديجة" و سيد البطحاء "أبو طالب" (ع) ..
تُلقي الرُّوح مع "نبيّ الله" (ص) ما أثقلها من فقد.

في ذِكرى وفاة #أبو_طالب و #السيدة_خديجة عليهما السلام ، 1442 هـ .
_________

المستهل /

راحو أحباب .. والهوا غاب
انهِجر چم باب .. ابلا هَله

1 /

وين يا باب الحبايب الچانوا ايمرونك
وين ضحكات الأحبة وين اِلينورونك
خِطف سهم الموت منِّي اعزاز سِكنَوا دُورك
وحشه خيعوني أناظر يمَّك وخيعونك

آنه ويَّاك .. انعاني وانعاك
ابقلبي ذكراك .. أحمله

2 /

بقلب كل فاقد شراره بس اهو اليحتاجه
حتى قصة فقده ترجع بحر حزن أمواجه
ماي عيني الموت مني بغفله اِخذَه وباجه
چي لهسَّه ما مصدق مِشو اْهَل لإبهاجه

ابلايه توديع .. ألقى تشييع
خبر ويذيع .. وأبچي له

3 /

بالليالي الحلوه أذكر من يكونوا اويانه
أهل نتبادل محبَّه الوگت ما يحوانه
كلنا لـ الله اُو ليه مردنا أدري بيها آنه
لچن تعبت روحي تِلفي اعزاز بالجَبَّانه

لو بدلهم .. ومو بعدهم
عيشي عنهم .. مَأثقله

4 /

النبي عاش ابهالمصيبه وبنفس هالجمره
ابّـوعلي عمَّه وخديجه أم بضِعته الزهره
سمَّى عامه أحزان من راحو ترى بفد مره
حسره من تفقد حبيبين ابنفسها الفتره

عدهم امتد .. ينعى أحمد
عام أسود .. خذ هَله .
______

بِـ قلم / خادمة وليِّ النعمة ( قصائد وليِّ النعمة )


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw