قصيدة وصية السيدة رقية للسيدة زينب (ع)
                 {عمه لو رحتيله}

عمه لو رحتيله يوم الاربعين
سولفيله اشلون طگاني اللعين

سولفيله عن طبع السياط بيه
حفضي عمه ابداعتي هاي الوصيه

مثل حنيته بعد ماكو الحنين
عمه لو رحتيله يوم الاربعين
❥❥❥❥ـــــــــــــ❁❁ـــــــــــــ❥❥❥
سولفيله اشلون طگاني اعله متني
وشمي بتراب الكبر يا عمه عني
وگولي اله يتمني ليش ابزغر سني

وفدوه لو رديتي منه مري بيه
حفضي عمه ابداعتي هاي الوصيه

اتراب جيبي لكبري من كبر الحُسين
❥❥❥❥ـــــــــــــ❁❁ـــــــــــــ❥❥❥
اتراب جيبي لكبري من كبر ابو اليمه
چانت امنيتي من اموت اندفن يمه
حته من اشتاگله اترابه اشمه

يدري هوه اشكد تحب عطره رقيه
حفضي عمه ابداعتي هاي الوصيه

ويمه عن الذبح عمه كون تنعين
❥❥❥❥ـــــــــــــ❁❁ـــــــــــــ❥❥❥
انعي عمه اعله الذبح والزهره وياچ
اهناك لو رحتي تجي تبچي اعله مبچاچ
وروحي يم كبر الكفيل المشه وخلاچ

نصبي يم اكبورهم عمه عزيه
حفضي عمه ابداعتي هاي الوصيه

اتذكريني اوياچ بالطف من تلطمين
❥❥❥❥ـــــــــــــ❁❁ـــــــــــــ❥❥❥
اتذكريني اوياچ بالطف لو لطمتي
ايعينچ الله اعله الجرالچ آيعمتي
آخ من يوم الذبح چم موته متي

عشتي للحسرات من سوده عليه
حفضي عمه ابداعتي هاي الوصيه

اوحيده ضليتي ابغرب لا مالچ امعين
❥❥❥❥ـــــــــــــ❁❁ـــــــــــــ❥❥❥
اوحيده ضليتي ابغرب عافوچ الخوان
وحرتي بعيال وحرم واطفال رضعان
ياهظيمه احزام ظهرچ مات عطشان

جاي احس الليله تلفيني المنيه
حفضي عمه ابداعتي هاي الوصيه

عذبتني وعذبتچ هاي السنين
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطمية للسيدة رقية عليها السلام ( بالشام الفواطم )


بالشام الفواطم سون اقرايه
سكنه الفاگده وام عون ملايه


گعدن بالشمس يتلاطمن كلهن
وامصاب الزغيره اجروح چملهن
لاصيوان لامله الترد الهن
لاچادر ولاقرآن لارايه
بالشام الفواطم ... سون اقرايه


لاچادر ولاقرآن لاشمعه
لخوها وبت اخوها ام الحزن تنعه
فرگاهم يهد الحيل ويصدعه
ياضيم التحمله وضيمهه اهوايه
بالشام الفواطم ... سون اقرايه


ياضيم التشيله ام عون وتحمله
لاسوت ثواب ولاقرت مله
تنخه اعضيدهه امن ابعيد وتگله
اگعد شوفني وعوف المسنايه
بالشام الفواطم ... سون اقرايه


اگعد شوف لوني يابعد لوني
وانطيك الزند والروح وعيوني
فجعوني برقيه اعداك فجعوني
اجوها براس ابوها حسين عنايه
بالشام الفواطم ... سون اقرايه


شافت راس ابوها وضلت تنادي
حسبالي عدل والگاك بالوادي
من ماتت رقيه ماتن افادي
طفله ولاذنب عدهه ولاسايه
بالشام الفواطم ... سون اقرايه


مظلومه رقيه ولاذنب عدهه
مثل خد الزچيه ورموا خدهه
من ارجع شگل لحسين والدهه
ودت للحنين ادموع واحچايه
بالشام الفواطم ... سون اقرايه


ودتله عتب وادموع مهضومه
رقيه ومارتاحت من اهد يومه
گالت كون ميته اوياك بالحومه
ولاضل بين ناس الموش وفايه
بالشام الفواطم ... سون اقرايه



✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لسان حال للسيده رقيه ع للسبي
========


عمه  خل  نرجع  لهنه

اليسر  لا ماهو  النه

فگدنه ابونه والحنان
بديره  مابيها  امان

عمه خل  نرجع  لهنه

=========

عمه ابونه راح مايرجع بعد

وعمي نام اعلى الشريعه وماگعد

عمه حتى الطفل راح البلمهد

عمه ماضلت زلم
بعد مانحمل الم

عمه خل نرجع لهلنه

🏚️🏚️🏚️🏚️

عمه ضلتنه شني گليلي

تره سياط الشمر هدت حيلي

ويلي من ظيم العلى ياويلي

عمه  ماضلي  صبر
توجع سياط الشمر

عمه خل نرجع لهلنه

🏚🏚🏚🏚

عمه شوفي الشمر حد سيوفه

وعنده اطباع الغدر معروفه

جاينه للخيمه عمه نشوفه

بيده  اسياط  الغدر
عمه  مايرحم  شمر

عمه خل نرجع لهلنه

🏚🏚🏚🏚

جانه للخيمه ويفرهد بيها

ونار احقاده دوت ندريها

عمه ضلتنه شني تاليها

لوطن جدي خل نرد
ابد  مانرجع   بعد

عمه خل نرجع لهنه

🏚🏚🏚🏚

عمه جر ترچيتي من ذاناتي

مورمات لهسه ياوجناتي

عمه تسعر بلگلب وجعاتي

حتى ابونه مادري
من  يگله  علجره

عمه خل نرجع لهلنه

🏚🏚🏚🏚

عمه ردّينه صفينه بديره

ابد ماعدهم عدل لاغيره

اشوف گلبچ عمه ضل بحيره

عيونج اتصب من دمه
ونتي بت حامي الحمه

عمه خل انرد لهلنه


=========
خادمة ال البيت الحجيه ام علي البصره نسألكم الدعاء

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

مربعه للسيده رقيه عليها السلام


تعبانه وغفت والدهاجاوينه
زغيرونه وكلبها الله تره يعينه


مذبوح الولي و تريدهه هليوم
بس تنزف جرح متروسه اهموم
ومحتركات حيل ابنار الهدوم
ويسمع يارقيه ودمعته ابعينه


ابد ماسكتت اليله ولاساعه
تون الحسين ابوها مكسره اظلاعه
تبجي عله الولي كثرانه اوجاعه
وجابوه بلطشت مذبوح ابوسكينه


مهظومه وكتلهه افراك الحسين
مشتاكه البوها وتحسب اسنين
مغربه للكبر عذبهه البين
تسولف بلسوالف هاايوالينه


اميره امدلاله وحسين دلالها
شبعت ظيم جم شمات عذبها
جر منهه التراجي وبيده عورها
تكلهه خلاف عينك مارحم بينه


صرخت حيل بويه بصوت مهظومه
وتبجي تريد ابوها زغيره مالومه
بعدهه من الطفوله بهاي محرومه
ومن كثر الظرب الراس ماذينه


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
نسالكم 🙏🙏الدعاء

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نعي للسيدة رقية ع{بابه اريده}

بابه اريده عمه وينه
خل يجي يحط اعليه عينه
عايفنه مايدري انسبينه
❥❥❥❥ـــــــــــــ❁❁ـــــــــــــ❥❥❥❥
عايفنه عمه شلون ابونه
مشتاگه انه لذيجه عيونه
اصبر صعب عمه بدونه
❥❥❥❥ـــــــــــــ❁❁ـــــــــــــ❥❥❥❥
كلش صعب انسه النساني
ويلي عله افراگه العماني
ليش الابو لا ماجاني
❥❥❥❥ـــــــــــــ❁❁ـــــــــــــ❥❥❥❥
ليش الابو ما اجه ليه
ولا كال يبنتي رقيه
ينشد قبل كل ساعه بيه
❥❥❥❥ـــــــــــــ❁❁ـــــــــــــ❥❥❥❥
ينشد يكول شلون بنتي
وهسه تهد بعده حسرتي
تموتني بجفاه ياعبرتي
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة لرقيه ع(انسه كلشي)
❥❥❥❥ـــــــــــــ❁❁ـــــــــــــ❥❥❥❥
بويه بويه :: خـل اضمنـــــك لصدري
بويه بويه :: من اضمك يطفه جمري

من اشـــبگك انسه كلشي
زغيره بس شيبت رمشي

بويه .............................بويه
❥❥❥❥ـــــــــــــ❁❁ـــــــــــــ❥❥❥❥
فكلي عينك حيل مشتاكه لنضرها
بنيتـــــــك بعدك تره وشل صبرها
بـــفركـتــــك اه يالابو زايد قهرها


طفله بس زورگلي متني
مارحمنــــي بزغــر سني

بويه .............................بويه
❥❥❥❥ـــــــــــــ❁❁ـــــــــــــ❥❥❥❥
وياك عندي اعتاب يالعايف رقيه
زغيــره كلي شلون مشوني سبيه
بويه هم تدري القهر شمسوي بيه

مرد جبدي قهر كلبي
بويه كلي شنهو ذنبي

بويه .............................بويه
❥❥❥❥ـــــــــــــ❁❁ـــــــــــــ❥❥❥❥
خل اسولفلك يبويه شسوه وكتي
نمشي ويضربون بينه انه واختي
حارت ونــادت يربي الصبر عمتي

نشلع بعدك گلب زينب
وينكم يخــواني تندب

بويه .............................بويه
❥❥❥❥ـــــــــــــ❁❁ـــــــــــــ❥❥❥❥
خلي نطوي السالفه ونسولف اعليك
افراگي لو من العطش صفره معانيك
منو بويه الكطع راســك ياوسف ليك

ادنـــــــه ليه خل اشمك
حيل مشتاكه ارد اضمك

بويه .............................بويه
❥❥❥❥ـــــــــــــ❁❁ـــــــــــــ❥❥❥❥
انه ردتك تلزم ايدي وانته بس راس
جاي احــسن هــايه اليه اخر انفاس
راح اشمك شمـه بيها الوفه ينقياس

الوفه يعني وياك اموتن
يابــــــعد ذني اليشوفن

بويه .............................بويه
❥❥❥❥ـــــــــــــ❁❁ـــــــــــــ❥❥❥❥
#للشاعره غدير الحساني

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

السيدة خوله عليه السلام 👇👇👇👇

لطميه للسيده خوله عليها السلام( يا شجعان )


يا شجعان بتكم هاي حضروهه
ماتت باليسر عدوان ضربوهه
❥━──➸➽❥💔❥━──➸➽❥💔
أشعطلكم عليهه أتريد دفانه
خوله أتعذبت وأتموت نحلانه
وهالليله الحرم تنحب أو حزنانه
《 دفانه يحسين أحضرلي 》
❥━──➸➽❥💔❥━──➸➽❥💔
أشعطلكم علينه يالنوينيه
وعدكم بالدرب متوفيه علويه
ويا عباس يا فارس الحربيه
《 يابو الغيره للطفله أگعد 》
❥━──➸➽❥💔❥━──➸➽❥💔
كون حسين متحزم يجي لينه
وبيده أيشيل نعش أبنيته والينه
ومچبوح الزمان الما رحم بينه
《 عطشانه ماتت لبنيه 》
❥━──➸➽❥💔❥━──➸➽❥💔
خوله السوط ماذيهه وتون منه
ويشتمهه الشمر يا حيف أسمعنه
أتگله الماي أريده وهوه لاچنه
《 ما ينطيهه عطشانه تون 》
❥━──➸➽❥💔❥━──➸➽❥💔
طفله والجمل ما تحمل أرچابه
ومنه طاحت ودمعتهه سچابه
ما تلحگ تصيح أعليه يا يابه
《 شوف السادي يا بويه الحگ 》
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الثلاثاء / ٢٦ من شهر محرم الحرام
الموافق / ٢٠٢٥/٧/٢٢

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

مربعه لمولاتنا خوله ع
اني خوله هم اخت رقيه
اعتب عليكم واريد عزيه
//////////////////
ياشيعه لكبري ليش  متزورون
واريد بحظرتي كلكم تطوفون
ومن اشوفوكم  تفرح العيون
ليش ناسيني... وماتدرون بيه
//////////////////
من تجون افرش الكم داري
واحجيلكم على مصابي والجاري
وخلي الدمع بعيونكم ساري
بت حسين خوله... ابجوا عليه
////////////////
جينه لكربله تصارخ العيله
خوله ورقيه الدمع تسيله
والعمر خلص  ويامه قليله
شفنه بليسر اهموم واذيه
///////////////////
حركوا الخيم وركضت عمتي
وركضت الايتام وزادت علتي
بذيج الساعه تمنيت موتتي
عدوانك يابويه اخذوني سبيه
///////////////////
من ضرب السياطه مورمه المتون
ومن كثر الدمع عمت العيون
ناموا  كل هلي بيه مايدرون
فراكك يابويه ناره جويه
////////////////\/
متت بلدرب مثل رقيه
اصيحن وينكم بهلي الحميه
محد بجه  وسوالي عزيه
عيني عالدرب تجون ليه
//((/////////////////(
تمت بقلم
  خادمة الزهراء
🍃✍️ العلويه ام يوسف


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

الطميه بديوان بحر الولاء الجزء ١٨


لطميه للسيده خوله عليها السلام


خوله اتريد دفانه امنهاليهه
لا واحد حضرهه او لا اجو ليهه
❥━──➸➽❥💔❥━──➸➽❥💔
اهل الخيل ما حضرو الدفنتهه
او لا جوهه ولا شالوا اجنازتهه
ابعيد الدرب ميسمعون ونتهه
بس يمهه العليل او يبجي اعليهه
❥━──➸➽❥💔❥━──➸➽❥💔
ماتت بلغرب ما تدري ولياهه
لا واحد سمع ونتهه وابجاهه
ما تحمل زغيره السوط اذاهه
بيد الشمر لازمهه او يعت بيهه
❥━──➸➽❥💔❥━──➸➽❥💔
خوله اتريد اهلهه تحضر الليله
بلكاع النعش وايريد الايشيله
ابدرب الشام ماتت ويلي انحيله
اضنه مادره العباس واليهه
❥━──➸➽❥💔❥━──➸➽❥💔
اتريد اليوم اهلهه للدفن تحضر
بس عدهه العليل او بيهه متحير
يا ضيم الهظم والشافته الخدّر
تجدد مصايبهه او بواجيهه
❥━──➸➽❥💔❥━──➸➽❥💔
متعطله الجنازه اتريد دفانه
ما يدري ابوهه النام بمجانه
ما ضل بي نفس بخيول عدوانه
وين اهل الامروه الي تواريهه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

مربعة و فزاعية (  للسيدة خولة بنت الحسين ع )


*نعي قبل القصيدة*
😭

ونت موت صارت فوگ الاهزيلة
سمعتها ام طهر والتفتت انحيلة
بأرض لبنان طاحت خوله ابستان
گالت خبر موتج عمة شيشيلة

.....

*نزلة القصيدة*
🙅‍♀️

اهلها احيود خولة    هاي الابنية
بت حسين وسفة گضت مسبية


گظت عل هزلة خولة ومادرة عنهة
ابوها الدللاهة ما سمع ونهة
تون اعليه يوم اللي مشة منهة
ومن النوگ طاحت سوده اعلية

طاحت علثرة ابستان يم غربة
مهضومة بجت عمتها الاحبيبة
الماعدهة ولي والله شكثر صعبة
تگلها شبيج عمة گعدي اشوية

اگعدي اوياي خولة نمشي للوالي
نرد اردود عمة لشوفة الغالي
اريد انصب عزة ومني الدمع هالي
والطم للبقو اجساد عارية

خولة يل حبيبة شوية سمعيني
اريد اطلب عذر منج توصيني
شگل لحسين من ينشد بعد عيني
اگلة شلون ماتت بل مهضمية

ماتت بل درب كلفة يموتتهة
زرگة من الضرب خافت امغسلتهة
توجع يل يتيمة هناك ونتهة
تهد الحيل يا ونة المسبية

اريد انصب عزة للراحن من ايدي
ياروحي مشن و بونتج زيدي
امانة شگد عليهن وصه اعضيدي
وكل يوم امن ادية تروح علوية

---------------------------------------------------
*بقلم ✍آلــشــا؏ـرة وآلمـلا رغــد آلـبــھہادليِہ

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده المولاتي خوله «ع»


خولـه بالـدرب مـاتت يــوالينه
تعبها السبي بتك يبو سكيــنه

ساعه تصيح بويه وساعه ياعمي
ضاگت كـل مـرار البيـن يبن امي
شيب رمـش عيني ونته مو يمـي
عليها اني وعلـي السجـاد ونينـه

بـدروب الخطـر يـحسين مرونـه
وتتفـرج علينــه الناس خلـونــه
الطفل لو طاح مني ما يرحمونـه
بلوه العـدو خويـه حسين باليـنه

شسولفلك على الظيم الجره بيه
بنص الدرب ماتت عنـدي البنيـه
يماي العين خويـه الحگ اعليـه
عمت عين الدهر كلش گطع بينه

من گد الضرب والحـرگه ولوعـه
طلعت روحهـا بنيتك المفـجوعه
ابعلبك ادفنتها ورحت موجـوعه
اثـر دمعـات يـــم الگبـر خليـنه

اعـذرني يـبعـد الـروح يالـوالـي
اذنـي المصايـب ونـشده بـالـــي
خويه وداعـتك ماينوصف حالي
وگلبـي المنكسر بس الله اليعينه


تمـت بـعـون الله تعالـى
بـ✍️خادمـة الحسين "عليه السلام"
الملـه أم مـجتبـى 
نسالكـم الدعـاء بتعجيل الفـرج لصاحـب الزمـان( عـج)

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده لخوله ع {{ الج ونات }} .. 😭

الج ونات خوله نجر بثر ونه
واسمج كل حبايبنه يندبنه..

((ما ننساه// اسمج بالماتم))
❥❥❥ـــــــــــ✿🪶✿ــــــــــــ❥❥❥
الج ونات خلت بالگلب عله
قصة موتتج مولاتي مو سهله
ماعندج ابو ظل عاري ونگله

((ميسريها // عندك مهظومه))
❥❥❥ـــــــــــ✿🪶✿ــــــــــــ❥❥❥
ماتت من هضمهه واه يمسبيه
صدگ يحسين لو من الفراگيه
ندري الشوگ يا خذهه يالبنيه

((تحن ليها // وعيونك حيل))
❥❥❥ـــــــــــ✿🪶✿ــــــــــــ❥❥❥
تشوف الراس عدوانك يمشونه
تشوغ الروح منها واه محزونه
خوله اسمج الشيعه لو يذكرونه

(( يهلوها // دمعات العين ))
❥❥❥ـــــــــــ✿🪶✿ــــــــــــ❥❥❥
نذكرج وي رقيه ونهمل الدمعه
ونين الفاگده نونه الج ونسمعه
شگد ونيتي لحسين وكسر ضلعه

((التاريخ يگول // نهضميتي ))
❥❥❥ـــــــــــ✿🪶✿ــــــــــــ❥❥❥
شلون بزينب بساعة طبگ عينج
بضرب السوط عدوانج امأذينج
صحتي بويه اه ويمي جا وينج

(( مخليني // بيد العدوان ))
❥❥❥ـــــــــــ✿🪶✿ــــــــــــ❥❥❥
#الشاعرة الملة هاجر الزينبية
لا اجيز الحذف او التلاعب بالكلام ❌

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

🏴لطميه للسيده خوله عليها السلام🏴
●طور::--*يالزغيرونه يالزغيرونه مات ابوج حسين*


يابعد عيني يابعد عيني
خوله بنت حسين يابعد عيني

❂❂❂❂❂❂❂❂❂❂❂❂❂❂❂

كون دم ودموع تبجي اعيوني
واعله خوله كون ينشبح لوني
بالبجي وانياح انه خلوني
اعشكت خوله اولاتلوموني

خوله عذريني...خوله عذريني
طفله المذبوح...خوله عذريني

❂❂❂❂❂❂❂❂❂❂❂❂❂❂❂

عندي ابوي حسين غالي اوغالي
دنيتي والروح هوه وامالي
طفله من زغري وانهزز حالي
عالأبو صياحي وابد ماجالي

وينك حسيني...وينك حسيني
خوله هاي انه...وينك حسيني

❂❂❂❂❂❂❂❂❂❂❂❂❂❂❂

كوم ياعمي اورايده ذخري
كوم بينه شوف واشعمل دهري
طفله يابويه اتيم ابزغري
عني رحتوا وين واحترت بمري

لاتخليني...لاتخليني
ويه ذباحك...لاتخليني

❂❂❂❂❂❂❂❂❂❂❂❂❂❂❂

حالي من زغري امتوني الطاحت
والسياط اشلون لزينب اوراحت
بويه هدمتني اختي من صاحت
احس ريح اسياط من متن فاحت

بويه ضربونه...بويه ضربونه
خوله وارقيه...بويه ضربونه

❂❂❂❂❂❂❂❂❂❂❂❂❂❂❂

تمت والحمد الله تعالى
✒️بقلم الشاعره العلويه/ بضعه الزهراء عليها السلام

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده عن السيده خوله عليها السلام



ياخوله الغريبه
و یا اعضم طبيبه
مريضه اليوم اجيتج مولاتي
ونخيتج یا اعضم طبيبه
🤍🥀🤍
مريضه اليوم جيتج واشكيلج احوالي
عبره اباب صدري وادموعي تلالي جربتج واعرفج ما واحد حجالي
مثل الحسن وحسين بالشده تحضرین
هيبه وخوش هیبه یا اغضم طبيبه
🤍🥀🤍
هیبه وخوش هیبه وللشيعه تجيه
عليج اقسم يخوله بسكينه ورقيه
بس انتي النخيتج غيرج ما أليه
ادك بابج وانادي انطي امرادي
ياشفجه ونجيبه ويأعضم طبيبه
🤍🥀🤍
یا شفجه ونجيبه ياديوان وفادي
عن بابج ولاروح منج رايد امرادي
امشي عليج عباس واعضيدج والسجاد وحماي الحميه وزينب والزجيه والمخضوب شيبه يا أعضم طبيبه
🤍🥀🤍
امشي عليج الاحباب واعزازج يخوله اجيت بضيمي اكلج غيرج ماأكله
اذکرج دوم اذكرج ذكرج مأأمله
ما أنساج طحتي بويه حسين صحتي وحسين شيجيبه ويا أعضم طبيبه
🤍🥀🤍
بالطف عودج حسين والطف عنج ابعيد ماكال البنيه بویه اتصیح شترید
بسج لاتعتبين بیش اعتابج ایفید
نام ابين الاتراب ماضل يسمع اعتاب الزاجي حليبه يا أعضم طبيبه


بقلم الشاعره ام غصون العمارجيه
کتاب آیات الشهاده الجزء العاشر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#من_ديوان_دموع_و_عبرة_ج2
قصيدة للسيدة رقية (العقيلة تحيرت)
❥━──➸➽❥❂❥━──➸➽❥❂
شبگت الراس وغفت
        والعقيلة تحيرت
    يا رقيه          يا رقيه
❥━──➸➽❥❂❥━──➸➽❥❂
شبگت الراس الزغيره والدمع منهه يسيل
تگله يالذبحو وريدك فطرو مني الدليل
ليش خلوني يتيمه وما الي غيرك سبيل
ردتك الحضنك تضمني تالي شو راسك اشيل
يا مصيبة انه شفت / والعقلية تحيرت
            يا رقيه             يا رقيه
❥━──➸➽❥❂❥━──➸➽❥❂
يا مصيبه ارقيه شافت راس ابوها يصب دمه
زغيره ما تحمل هظيمه على فراگه مألمه
شمته وصاحت ابوي حسين حزني لملمه
طفله ما تحمل مصابه بگت عالخد لاطمه
صوتها لمن خَفت / والعقيلة تحيرت
       يا رقيه         يا رقيه
❥━──➸➽❥❂❥━──➸➽❥❂
نادت الحره العقيلة عمه نمتي للأبد
جاوباها علي يگلها عمه ماتت ما ترد
ماتت رقيه يعمه خل نوسدها بلحد
تندفن بديار غربه خل نودعها بعد
على قصتها نحت / والعقيلة تحيرت
       يا رقيه        يا رقيه
❥━──➸➽❥❂❥━──➸➽❥❂
ناحت المهظومه زينب والدمع عالخد جره
حيريتيني يعمه وين ادفنچ يا ثره
وبالمجالس گعدونه بعيده عنه المگبره
منين اجيبلچ مغلسه تغسلچ يالطاهره
ريت وي موتچ متت / والعقيلة تحيرت
         يا رقيه     يا رقيه
❥━──➸➽❥❂❥━──➸➽❥❂
منين اجيبلچ مغسله وانه بديار الغرب
والتغسلها الغريبه عليها هاي شگد صعب
والله يمصابچ هدمني وهدم حيلي والگلب
ريتها اخذتني المنيه ولا اشوفچ عالترب
دمعي عالوجنه يكت / والعقيلة تحيرت
             يا رقيه        يا رقيه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للسيده رقيه ع وهي تنضر الئ بنات الشام مدللات ....كاني بها تتكلم مع الامام الحسين ع
❥❥❥❥ـــــــــــــ❁❁ـــــــــــــ❥❥❥❥
هنيـــــــــالهن عدهن ابو هنيالهن
يجي المغرب ينشد اعله احوالهن

اه بس انـــه سبيه
بيد گوم بلا حميه

هنيـــــــــالهن عدهن ابو هنيالهن
يجي المغرب ينشد اعله احوالهن
❥❥❥❥ـــــــــــــ❁❁ـــــــــــــ❥❥❥❥
هنيالهن عــدهن ابو يتفگد الهن
مدللات العايشـــات ابيت اهلهن
ماحرگ جمر الخيم بويه جدمهن

بس انه نمت بخرابه
وتلجم بذاني الترابه

هنيـــــــــالهن عدهن ابو هنيالهن
يجي المغرب ينشد اعله احوالهن
❥❥❥❥ـــــــــــــ❁❁ـــــــــــــ❥❥❥❥
بس انه ضلــــيت بنت بلايه والي
ولايجي يوميه ينشد عله احوالي
حالتي بعدك بگت بــس دمع هالي

مادريت بحالي بعدك
يالروحي بگت عندك

هنيـــــــــالهن عدهن ابو هنيالهن
يجي المغرب ينشد اعله احوالهن
❥❥❥❥ـــــــــــــ❁❁ـــــــــــــ❥❥❥❥
كلي يالهاين عليك شلــونك انته
انه اذا تسئل علـــيه المر جرعته
جروا الترجيه مني ومتت سكته

كل وجع فدوه الك
گلبي بفراگـك هلك

هنيـــــــــالهن عدهن ابو هنيالهن
يجي المغرب ينشد اعله احوالهن
❥❥❥❥ـــــــــــــ❁❁ـــــــــــــ❥❥❥❥
بابا من يــــوم الرحت مانمت باليل
اشتاگلك والدمعه تبگه مني اتسيل
من السبي والضرب بويه بايد الحيل

بسوطهم ورموا متني
وانته ابد ماداري عني

هنيـــــــــالهن عدهن ابو هنيالهن
يجي المغرب ينشد اعله احوالهن
❥❥❥❥ـــــــــــــ❁❁ـــــــــــــ❥❥❥❥
هنــــيالها العدها ولي ينشد عليها
ولو بـــجت يعيونها يسكت بجيها
بس يروحي بغير والي شلون بيها

يالرحت يمته ترد
مرمر احوالي البعد

هنيـــــــــالهن عدهن ابو هنيالهن
يجي المغرب ينشد اعله احوالهن
❥❥❥❥ـــــــــــــ❁❁ـــــــــــــ❥❥❥❥
للشاعرة غدير الحساني

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نوحية للسيدة رقية عليها السلام ( وي ام عون )


وي ام عون الطمي وساعديهه
ماتت بت اخوها ابين اديهه
يالوليان صاحت ... زينب مارتاحت
امصاب اهل الشيم كافي عليهه
ماتت بت اخوها ابين اديهه


فوگ امصابهم هاي المصيبه
طفله وعالنحر ماتت غريبه
گلب ام الحزن ثاجب لهيبه
ابوها اتگول مدري امنين اجيبه
لامفگود لاغايب وليهه
ماتت بت اخوها ابين اديهه


لاغايب واگول حسين غايب
مات وعافني بنص المصايب
گلبي انحيل من ضيم الخرايب
لاوليان عندي ولاحبايب
مطروحه الجنازه اشلون بيهه
ماتت بت اخوها ابين اديهه


مطروحه الجنازه اتريد تشييع
خلت بالگلب ونه ومواجيع
حار اصوابهه ايشيب المراضيع
عالهامات نتلاطم مفاجيع
تبچي وهدمت حيلي ابچيهه
ماتت بت اخوها ابين اديهه


تبچي ولاسكن ونهه ودمعهه
افراگ حسين صوبهه بضلعهه
من بعيد تشچي وماسمعهه
والذباح شتمهه ودفعهه
يشيل السوط كلساع ويجيهه
ماتت بت اخوها ابين اديهه


كلساع وضربهه بسوط حاقد
يلچم راس ابوها الشمر رايد
حيلي وحيلهه امن اليسر بايد
بالميدان حلال الشدايد
عينه امصوبه وماگام ليهه
ماتت بت اخوها ابين اديهه



✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

# قصيده ثقيله للسيده رقيه بنت الحسين عليه السلام

بـويه العده ضربوني: بـويه العده ضربوني
روحي الهظم گاضيهه
وعيني الدمـع عاميهه
أگعد وشوف أمتوني: بــويه الـعده ضربوني

✿────↻✿...✿↺────✿
يابويه ظل مني الگلب :: بهمومه غرگـان
ميسوره امشي وي العده ::ولگلب خلصان
ناديت. ماتفزع الي. ::: عـالت العــدوان
ميسوره. أظل تاليهه
وعيني الدمع عاميهه
ويسيل دمع اعيوني : بــويه العده ضربوني

✿────↻✿...✿↺────✿
يابويه هضموني العده :: شدو أديه
.ومـن أذني جروها التراجي أل اميه
مشيت ميسوره واهـل..دموع الرزيه
روحي الالم ظل بيهه
وعيني الدمع عاميهه
أخلافك العـده أذونـي. بويه العـده ضربوني

✿────↻✿...✿↺────✿
للشام سرنه بالغصب :: ولحاله صعبه
:نحدي وي اجناب وكفر....ولدمع أصبه
ياهو ليشاهد. حالتي :: ينـلجم گلــبه
بتك حــزن غاطيهه
وعيني الدمع عاميهه
يتيمه بغرب عفتوني. بويه العده ضربوني

✿────↻✿...✿↺────✿
ونيت بحــزان ألگلب ;;أبتالي الليل
يوم الرحت وتغربت. مابــگه اي حيل
تمنيت بويه بشيلتك. أرويحتي أنشيل
روحي بحزن تدريهه
وعيني الدمع عاميهه
من شوفتك حرموني. بويه العده ضربوني

✿────↻✿...✿↺────✿

ظليت أبجي بغربتي.. وذكر حنانك
أشلون تتركني ونه.. العشت بلسانك
اتمنه هالساعه تجي. وغفه بحضانك
شنهي الراح والـيهه
وعيني الدمع عاميهه
ومنك خابت أضنوني. بـويه العده ضربوني
✿────↻✿...✿↺────✿
تــــمت بعون الله تعالى
بقــــ✍🏻لم خـادمة السيده رقيه عليها السلام
الشـــاعره سهام علي المـــالكــي
لااجيز حذف الأسم
من ديوان مجالس الأتقياء في مأتم كربلاء الجزء الثاني
نسالكم الدعاء بتعجيل الفرج لصاحب الزمان ((عج ))

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#فزاعيه جنوبيه للسيده رقيه عليها السلام
🖊️


كلف يومج رقيه يرهن الحيل

ريت نروح كلنه وياج ونشيل

✦✦•━•━••━•✦🍫✦•━•━•━•✦✦

كلف يومج رقيه وحيــل ياذينه

يعمـه أشلون تــــرحين وتخلينه

وجمرات الهظم ياعمـه تجوينه

((عمه أعليج ضل ملجوم الدليل))

✦✦•━•━••━•✦🍫✦•━•━•━•✦✦

يافگـدج رقيـــــه أيذوب الــروح

مهظــوم الگلب لمصابج أينــوح

نعوفــج بالغـرب أشلـون ونروح

((محتاره يعمه أوهمي أثجيل))

✦✦•━•━••━•✦🍫✦•━•━•━•✦✦

رقيه لشوفتج ياعمه محتامــــه

مالومـه عليـج أوليلي مـانـامــه

صوبني الزمـــان اليوم بسهامــه

((ماخله ولي الحملي أيشيل))

✦✦•━•━••━•✦🍫✦•━•━•━•✦✦

صرت بعد الولي ياعمه ابحيره

بحالي مادره عـباس ابو الغيره

مشيت ميسره من ديره الديره

((أون الفراگهم لوجلجل الليل))

✦✦•━•━••━•✦🍫✦•━•━•━•✦✦

أون لفــراگهم والدمع يــجـري

خــــلاني الدهر محنيه ضـهـري

أونار أغيابهم بـحشاي تســري

(( أبهمي مادرو وهم المداليل))

✦✦•━•━••━•✦🍫✦•━•━•━•✦✦

تــــمت بعون الله تعالى
بقــــ✍🏻لم خـادمة السيده رقيه عليها السلام
الشـــاعره سهام علي المـــالكــي
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك