فزاعيه للامام الحسين عليه السلام
وزن الانصاري


تكسراضلوع اسمع خيل اميه
ترض فوك الصدر سوده عليه


اسمع خيلهم كسرت لضلوع
مات حسين تالي بهاي موجوع
فوكاها لمصيبه لراس مكطوع
اضل الطم على عيوني بديه


مسابك بالركض وبصوت لصهيل
صار حسين ملعب ساحه للخيل
من كثر الحوافر رايح الحيل
بوكت غروب ساعات المنيه


عشره خيول ومسابك يركضون
فوك حسين وبضلعه يسحكون
بالحمه ع الارض بيه ويعجنون
ومحد من هله اهل الحميه


من عمده وحسافه تدوس بعناد
اجت تركض عليه وبدرب الابعاد
دارت عله حسيني وكل لبلاد
مو يدرون اخيي ابن الزجيه


هذه اليوم يصعب هذه لمصاب
جبد حسين من العطش هالذاب
ميت منشمر فوك على لتراب
نايم بالشمس حر الوطيه


خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك
يازهراء

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

مربعه للدفنه
كل ميت يموت اهله يشيلونه
بس حسين مطروح ويدوسونه
ــــــــــــــ❀•▣
ايلوج عله التراب ويابس السانه
مذبوح وتدوس حسين عدوانه
زينب شافته اموذر بميدانه
بچت وتصيح ياكوم شتطلبونه
ــــــــــــــ❀•▣
نخت ياگوم ميلو خل اتچيله
بلكي ايروح وياي لمداليله
ضرب اسيوفكم والحر هدم حيله
سمعوهة الكفر يسحگونه
ــــــــــــــ❀•▣
سمعوهة الكفر داسو على صدره
صاحت ياعلي ويافاطمة الزهرة
هذا حسينكم مطروح عل غبره
والدم والرمل يابس عله اعيونه
ــــــــــــــ❀•▣
يازهرة الرمل يابس عل اجروحه
يمة اگبال عيني فرفحت روحه
عينه للخيم والحرم مشبوحه
نايم والشمر يسحگ عله امتونه
ــــــــــــــ❀•▣
صحت يحسين خويه والدمع يهكل
ردنه للخيم حر الشمس يكتل
هضموني العده وللهضم مااحمل
عليل ابنك ينادي وانخطف لونه
ــــــــــــــ❀•▣
عليل ابنك عليك ايهلن ادموعه
ايگلي وين ابوي وبلگلب لوعه
اگله اشلون عمه رضو اضلوعه
وبحبل الخشن باجر يچتفونه
ــــــــــــــ❀•▣
سمعهة وبلعليل حسين وصاهة
ردت للخيم تعثر بممشاهة
لگت ذيج العده مروعه يتاماهة
وصيوان الحرم ضلو يحركونه
ــــــــــــــ❀•▣
صدت للنجف وانتخت ياكرار
سلبو خيمتي يحامي الجار
بويه حسين نايم بلسموم الحار
يوم الطاح ماواحد وكف دونه
ــــــــــــــ❀•▣
يوم الطاح محد غسله وشاله
باجر لليسر يردون بعياله
عازو فاطمه واليون هنياله
وابو السجاد ماينسه اليذكرونه
ــــــــــــــــــــــــــــــــــــ
بقلم الشاعره ام ريام الركابي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه ليوم الثالث عليهم السلام شده

.................

ثالث يوم عافتهم لولياهه
....................

زينب خذوهه ميسره
بيه ولا واحد دره
دحضر بنيتك حيدره
حزنت عليه سماهه
..................

ثلث تيام بحر الشمس
عنهم مشت يوم وامس
يلجانو عليه ونس
مواحد ضل وياهه
.................

وياهه الروس اخذوهم
بس جتاف عافوهم
شمطلوبين ذبحوهم
وسجاد وياهه
...................

ويه السبي اخذونه
لحبالهم جتفونه
ولماي ما ينطونه
احا يجور اعداهه
...................

من عافت اعزاز الكلب
مطروحه جثاث وبدرب
يايومهم ولله صعب
وتهل دمع عيناهه
..................

جم طفل ماتو منهم
وسجاد دفنهم
مضلومين يكللهم
دوم ام علي ولعين يا مجراهه

ام علي السعدي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نزله للدفن
---------
ياعلي السجاد تكليفك صعب
الليله دفن احبابك بين الغرب
------
ياعلي شد حيلك انت اعله الهظم
وگوي گلبك للمصيبه ولا تهم
الليله دفن اجساد متوذره وتلم
يساعدك الله الدمع منك يصب
----------
ياعلي حالك يلوب ولا هجع
حگك تنوح الفجيعه بالدمع
تشوفها الاقماروبهذا الوضع
مگطعه الاشلاه وبلايه ذنب
--------
ياعلي الاشلاه متگطعه وذر
ممتحن بيهن وحالك مايسر
شلون يازين العباد بهالامر
وانت بين اعداك مايمك محب
---------
ياعلي ماكو محب ينعه المصاب
وحدك تعاني الدفن كلش عذاب
الليله صعبه شلون لو هلت التراب
ومن ترد الزينب ونارك تشب
---------
ياعلي ورديت وشتحجي بعد
وبيدك اتراب المنيه والحد
دافن العباس وحسين العمد
وريحه الاحباب بجفوفك تهب
----------
ياعلي وترد نحيل ومنهدم
وينظر ابن ازياد شامت مبتسم
وزينب الحره تطب وسط الزلم
گلبك بهالحال دامي وينشعب
-------
امل فلوحي الموسوي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده مربوعه للدفنه.


يادفان عندي عتاب لابن امي ارد اعتبنه
ولا حظرت جنازتكم ولاكبرك ارشـــــنه
●▬▬✿ــــ♥️۩♥️ــــ✿▬▬●
لاجادر نصبت عليك وينه الي يساعدني
مهضومه وضعيفة حال ابن امي يخليني
تمنيت احضر انه وياك هالليله دتانـــيني
والم اضلوعك من الكاع والصدرك اشمنه
●▬▬✿ــــ♥️۩♥️ــــ✿▬▬●
وعينك يالدفنته اليوم بالك تلجم ضلوعه
گلب اهله وعمامه عليِ يعمه حيل مفجوعه
گالو عنه خويه حسين وسفه مخترب نوعه
عمه ياعلي اني وياك اريد الوالي اشوفنه
●▬▬✿ــــ♥️۩♥️ــــ✿▬▬●
بالحر والشمس نايم متعين عله الوالي
هدم حيلنه ياناس من راح نشده بالــي
وحيده محيره بطفال بس الدمع يصفالي
صحت ياهل خلك ردو اخيي اليوم اريدنه
●▬▬✿ــــ♥️۩♥️ــــ✿▬▬●
يادفانهم گالي شلون وجوه اهاليــــــنه
اعتب والعتب مسموح بله لا تخليــــنه
كاتلنه القهر والضيم ماواحد فزع ليـنه
وين الينده العباس اخيته اليوم احشمنه
●▬▬✿ــــ♥️۩♥️ــــ✿▬▬●
اكلله الحمل ميال نومه ليش عفـــتونه
اصيح وانده ابن امي ماجنكم تسمعونه
بغربه وماشيه للشام يخواني تخلونــــه
اريد امشي العد عباس بالغيره اندهنه
●▬▬✿ــــ♥️۩♥️ــــ✿▬▬●
صدك مضروب ياعباس گالي وين العمامه
وجفينك بقت عل كاع ومصوب ع الهامه
يادفانهم علكيف اخاف ترضرض عضامه
نزله بالگبر بهداي ودمع العين ارشنـــــــه
●▬▬✿ــــ♥️۩♥️ــــ✿▬▬●

✮شـا؏ـــرة اهل البيت الـﻋلويـه
✮ام بـــهاء الديـــن المــوســوي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للسبي

✭----✺✺----✭

زينب خذوها ميسره

بس العليل ويـــــاها

✭----✺✺----✭

وينك يسبع الگنطـره

زينب وحيده امرمره

ابين الغـــرب محيره

وتهل دمع عينـــــاها

✭----✺✺----✭

تجري الدمـع وتنادي

وينك يـــروح الهـادي

ماتدري بيه شسـادي

عيني العدوا بچاها

✭----✺✺----✭

جاوين اهل المرجله

تلحگ تشوف العايله

مسبيه تمشي بالفله

وعله الهزل مشاهــا

✭----✺✺----✭

مشاها ما بين الكفر

وينـك ياعباس الگمر

يهظمها تقبـل الشـمر

وسفه النذل ضرباها

✭----✺✺----✭

ضربـاها ياحيف النذل

صعدها وسفه عالهـزل

جم طفله وياها وطفل

تبجي بهظم خلاهــــا

✭----✺✺----✭

تــــمت بعون الله تعالى
بقــــ✍🏻لم خـادمة العقيله زينب عليها السلام
*الشـــاعره مريـم الحجـيمي*
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الفزاعيه_بديوان_بحر_الولاء_الجزء_٣_.


فزاعيه ليلة ١٢ محرم


مهزوله النياگ اليوم
واعليهه يرچبونه
❥━──➸➽❥💔❥━──➸➽❥💔
جابو نوگهم لينه
اومايدري ابو سكينه
ضل علگاع والينه
واحنه اوياهم اخذونه
❥━──➸➽❥💔❥━──➸➽❥💔
اخذونه اومادري لاوين
مايدري العزيز حسين
بينه اليابلد ماشين
كفره اوما يرحمونه
❥━──➸➽❥💔❥━──➸➽❥💔
رچبونه اوعندي عيال
ماكو للحمل شيال
حرمه والدمع همال
واهلي ابغرب عافونه
❥━──➸➽❥💔❥━──➸➽❥💔
حرمه اوماشيه هليوم
بينه مادره المضلوم
ويانه علي مهضوم
كل ساعه يضربونه
❥━──➸➽❥💔❥━──➸➽❥💔
يضربونه واتسيل ادماه
قيد الجامعه اذاه
ماواحد امنهله اوياه
والكفره يقيدونه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعية لمسير السبايا الى الكوفة ( ومحمد بطه اعليهه )


ماضل حيل بيه اوداعت الهادي
اشلون امشي واعوف حسين بالوادي
ماخلاني اودعه استعجل الحادي
يمحمد تصيح ام عون وتنادي


     ( الفزاعية )


يمحمد تصيح ام عون
ومحمد بطه اعليهه


اگعد يالولد صاحت
امك لليسر راحت
بايد حيلهه وطاحت
وخالك مادره بيهه


خالك فايضه ادمومه
وامك طرت الحومه
ماتگعد شهالنومه
تلحگهه وتوديهه


گوم ابساع والحگهه
وامك لاتفارگهه
عالهامه الدهر طگهه
وضيم البين گاضيهه


ضيم البين كاتلهه
ابساع ابساع گوم الهه
المن رايحه گلهه
واتريدك تحاچيهه


واتريدك توادعهه
امك لاتضيعهه
محمد گوم رجعهه
وي حسين خليهه


رجعهه لبو اليمه
خلهه اتبات يم جسمه
ضل امخضب بدمه
ومامدفون واليهه


لامدفون لامشيول
ضل اموذر ومچتول
وامك حايره شتگول
والذباح سابيهه


✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*(( لطميه فزاعيه لسبي العقيله زينب عليها السلام ))*


ام عون للوليان ... مانصبت عزه
الحادي بيهه عل جثث مر وجزه
🏴🖤🏴

الحادي اخذهه بلعجل للكوفه
شلون تنصب فاتحه المجتوفه
مرني گالت للگفيل نشوفه
( مايرضه يمرهه ... لواليهه )
🏴🖤🏴

عل نهر مايرضه ايمر بيهه
رادت جروح الولي اداويهه
الحادي مابي رحم ميخليهه
( ومعذوره ... مانصبت مأتم )
🏴🖤🏴

شلون تنصب مأتم المسبيه
عذرني صاحت يلولي شبيديه
شلون تنصب فاتحه وتعزيه
( وممنوعه ... حتى من الدمعه )
🏴🖤🏴

وداعت الله تصيح من علناگه
وناركم حدر الضلع حراگه
وي الضعن روس العزاز رفاگه
( برماح الروس ... معلگيهه )
🏴🖤🏴

يعين الله زينب عله مصابهه
ماسده عله احد هضم دولابهه
عافت عله الرمله گل احبابهه
( اليحديهه ... ذباح اخوتهه )
🏴🖤🏴

يحدي بضعن العقيله اللعين
يعاند الحره ويطك راس الحسين
وابد مايرضون اذا سمعو ونين
( مايرهم مأتم ... علناگه )
🏴🖤🏴

*(( كلمات الشاعره ام عون الحلاويه ))*


اطلب منكم تندعولي ان الزهراء تقبل خدمتي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للسبي

✭----✺✺----✭

زينب خذوها ميسره

بس العليل ويـــــاها

✭----✺✺----✭

وينك يسبع الگنطـره

زينب وحيده امرمره

ابين الغـــرب محيره

وتهل دمع عينـــــاها

✭----✺✺----✭

تجري الدمـع وتنادي

وينك يـــروح الهـادي

ماتدري بيه شسـادي

عيني العدوا بچاها

✭----✺✺----✭

جاوين اهل المرجله

تلحگ تشوف العايله

مسبيه تمشي بالفله

وعله الهزل مشاهــا

✭----✺✺----✭

مشاها ما بين الكفر

وينـك ياعباس الگمر

يهظمها تقبـل الشـمر

وسفه النذل ضرباها

✭----✺✺----✭

ضربـاها ياحيف النذل

صعدها وسفه عالهـزل

جم طفله وياها وطفل

تبجي بهظم خلاهــــا

✭----✺✺----✭

تــــمت بعون الله تعالى
بقــــ✍🏻لم خـادمة العقيله زينب عليها السلام
*الشـــاعره مريـم الحجـيمي*
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

🔥اصدار حصري وجديد فزاعي سريع بدايتها هوسه للحسين عليه السلام (للراسه معلكينه) من ديوان الميدان الزينبي 👈 ٦ج 🔥

الزهره اعله ابنها تريد عوانه
مذبوح ويون ضل وسط ميدانه
نون اوياج يازهره يحزنانه
على حسين الذبيح وضال بمجانه

(نزلت الفزاعيه)

وين العازت ام حسين
للراسه معلكينه
➖➖➖➖➖➖
وين العازت الزهره
لحسين وكطع نحره
وياها الدمع يجره
نكابلهه اعله ابوسكينه
وين العازت ام حسين
➖➖➖➖➖➖
نكابلهه ونهل العين
نصيح بصوت اه يحسين
عالتربان ضل ارهين
يالصدره مكسرينه
وين العازت ام حسين
➖➖➖➖➖➖
وين الونت اوياها
يوم الولد فجعاها
تهل ام حسن عيناها
وللمذبوح ونينه
وين العازت ام حسين
➖➖➖➖➖
راسه مرتفع بسنان
جسمه ضل على التربان
وصدره داسته العدوان
وياها احزام شدينه
وين العازت ام حسين
➖➖➖➖➖
وياها نشد احزام
ونلطم لطم فوك الهام
مارحموه هالضلام
يالجمسه موذرينه
وين العازت ام حسين
➖➖➖➖➖➖
وياج نون يمضلومه
ماننسه الولي ويومه
بحق حسين ودمومه
يوم الحشر حضرينه
وين العازت ام حسين

(نون اعليه//حسين ويومه)

(وني اوياها //والزهره تون)

(للكطعو راسه//نشد احزام ونلطم)

(وام حسين نعازيها//نون للضل عالغبره)


تمت✍️ الشاعره والمله ام حسين العامري

غير مبري الذمه من يحذف اسم الشاعره وينسب الكلام له

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطمية للدفن يوم ١٣ محرم
طور ( يازينب وين سويت عزا حسين )
السيدة زينب مع الإمام السجاد ع


يادفان أرد اسأل عن حسين
♥︎♥︎♥︎♥︎♥︎♥︎
حبيب القلب خويه وناظر العين

يادفان أرد اسأل عن حسين

ابن حيدر علي مشّيد الدين

يادفان أرد اسأل عن حسين

غسله ماي لو بمدامع العين 😭💔

يادفان أرد اسأل عن حسين

ودفنه شلون خويه وياضي العين

يادفان أرد اسأل عن حسين 💔

وشحال قلبه المنكسر وصار شطرين

خبرني بعجل دلالي نصين 💔

قلها راح ياعمه شيخ السلاطين 😭

ماحصّل غسل ماحصّل التكفين

بليا راس بويه زيدي لونين 😭💔

نعزّي النبي سيّد الكونين

ونعزّي الطاهرة ست النساوين

وتظل تنعاه الشيعة طول السنين

أبد ماتنساه ياعمه الموالين

يادفان أرد اسأل عن حسين

♥︎♥︎♥︎♥︎♥︎❥♥︎
تمت بحمدالله وتوفيقه
كلمات : فاطمة المسلم
ام محمد

اللهم عجل لوليك الفرج
السلام عليك ياصاحب الزمان


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فراعيه للسبـي { عرجه الناكه }
من ديوان #مواجع_الطف_الجزء_الثاني


عرجه الناكه ياعباس
جابوها اصعد اعليها

•───✧◐◐✧───•

من تعثر تهد حيلي
ومنها مانمت ليلي
عالشط طايح اكفيلي
حال الراح واليها

•───✧◐◐✧───•

الدرب بعيد ياخويه
وميوكفونه شويه
الناكه تأذي رجليه
واختك حيل مابيها

•───✧◐◐✧───•

كلما تعثر احنه نطيح
ياعباس خويه نصيح
ياذينه مهب الريح
والعدوان سابيها

•───✧◐◐✧───•

انه اختك العلويه
رحت للشام مسبيه
الناس تباوع اعليه
الحشمه بروحي اخليها

•───✧◐◐✧───•

هذ الحال ياعباس
يالغيرتك فوك الراس
ماقصرت يافراس
بروحك انت فاديها

•───✧◐◐✧───•

اعذرني من احشمنك
يالزاچي حليب امك
بعتبي خاف اجرحنك
وانت ماي عينيها

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للدفن

×××××××
هم غسليت حسين/يادفانه.
والماي جبته منين /يادفانه.

محروم من الماي
اخيي ورفيف جلاي.
من شفته ماظل راي.
نشف دمع عبنانه/



رشيتو كبره شلون.
ماي ودمع العيون.
ونعيتو لليبجون.
عالطايح  بميدانه/



اخياته احنا نريد.
نحضر دفنت الحيد.
بس مايصح بالايد.
ماشين وي عدوانه/



محد من اهله هناك.
شال الجثث وياك.
فاضت دمع عيناك.
دافن هله وخوانه/



بس اخيي من دفنوه
بالماي ماغسلوه.
ولا بجفن  لفوه
وحنه عليه احزانه/




ياحركت المدفون.
الما عليه ينعون.
ولاحضرو يشيعون.
محد عليه عازانه/


*ناعية الخيام*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه جنوبيه لدفن الحسين ع

بدفن حسين ماطلعت عرضات
لاتجفين لا بيرغ اوهوسات
..........
ياشيخ العشيره وسيد الكون
غير عليك بالبيرغ يهوسون
وين اسباع هاشم خل يفزعون
يشيلون النعش وعليك ونات
.........
العابد وحده ويسجب بالادموع
يصيح احاه يامكسور الاضلوع
ليش بدفنتك ماطلعت جموع
يبن المرتضى وسيد السادات
........
ياهيبة الساده وكرة العين
لاتابوت لاتشيع يحسين
يالبدمك حييه الاسلام وادين
عليك اليوم ماشالو الرايات
..........
يشيعه اليوم سووله عراضه
هذا ابن النبي وابن الفراضه
وشيلو نعش ابواليمه عالراضه
مصوب والجسد متروس طعنات
.........
نعش المنذبح هاليوم شيلوه
عزيز ام الحسن عالراس خلوه
وميدان العراضه عليه عدلوه
يسو النوح عز الهاشميات

هوسه
(اليوم بيهبه انشيعك / ياشيخ الساده )

✍أم زينب كربلاء غير مبري الذمه من ياخذ الكلام وينسبه له او يحذف الاسم


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

حصريا موشح 👇
لسان حال مولاتي زينب عليها السلام
〰️〰️〰️〰️〰️〰️〰️〰️〰️

البين ماخلالي من اهلي زلـــــــم
حسين راح وراح شيال العلــــــم
〰️〰️〰️〰️〰️〰️〰️〰️〰️
احسين راح وراح سبع الكنطــره
كضو كلهم ولد قالع خيبــــــــــره
وانه بطفال ونسه متحيــــــــــره

والعدو اعله اخيامنه بناره هجم
〰️〰️〰️〰️〰️〰️〰️〰️〰️
بيوم طاحو عالثرى كل اخوتـــــي
العدو بنار وجهه خيمتـــــــــــــــي
هايعالم والله حیره حیرتــــــــــــي

من هلي ياحيف ماواحد سلــــــم
〰️〰️〰️〰️〰️〰️〰️〰️〰️
بعد ماكو ازلام المن اشتچـــــــــي
وبعد ماكو واحد اعليه انتچــــــي
راحو اشيوخ الفراضه والحچـــــي

وانه وين امشي عکب اهل الشيـم
〰️〰️〰️〰️〰️〰️〰️〰️〰️
والله لو حاضرني كفال الضعـــــن
عيون زينب ابد جا مادمعـــــــــن
بس عمت عينه غدر بيه الزمـــــن

تمنیت اخواني موتتهم حلـــــــــم

〰️〰️〰️〰️〰️〰️〰️〰️〰️
ورغم کل هذا وحق جدي النبــــي
احتركنه ومانزعناها العبـــــــــــــي
وحته لو باجر خذونه للسبــــــــــي

راح اكابر وابد ماهم بالخصــــــــم
〰️〰️〰️〰️〰️
بقلمي عاشقة العباس الشاعره ام عراق الشمري البصره صاحبة ديوان قائد الطف ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفردات

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده خفيفه للدفنه{{مادفنيت جثمانه}}

عفته اعله الثره العطشان
مادفنيت جثمانه
❥❥❥❥ـــــــــــــ❁❁ـــــــــــــ❥❥❥❥
عفته ورايحه اميسره
وأخذت من الولي نحره
عفت عظامه مطشره

ودمه صابغ الوانه
❥❥❥❥ـــــــــــــ❁❁ـــــــــــــ❥❥❥❥
عفته اعله الثره موذر
احا يمصاب ابو الاكبر
جسمه علثره ويفتر

رأسه ويه عدوانه
❥❥❥❥ـــــــــــــ❁❁ـــــــــــــ❥❥❥❥
رأسه ويه العدو وجسمه
مامدفون ابو اليمه
ياويلي شكثر هظمه

موذر ضال بمجانه
❥❥❥❥ـــــــــــــ❁❁ـــــــــــــ❥❥❥❥
بمچانه بقه وعريان
ماصح للولي دفان
واخته رافگت عدوان

لأرض الشام حزنانه
❥❥❥❥ـــــــــــــ❁❁ـــــــــــــ❥❥❥❥،
لرض الشام رحت اني
مادفنيت خواني
عشت العمر بحزاني

ومن أحزاني تعبانه


الشاعره رسل الإبراهيمي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة شدة للسبي الى الكوفه
من ديوان #مواجع_الطف_الجزء_الثاني

يبن امي راح نروح عنكم سبايه
للكوفه متعنين ماعدنه حمايه

•───✧◐◐✧───•

ماشين عنكم يخوتي غصبن علينه
ظلت جثثكم بالشمس لا مو بدينه
ماقبلو انغسل الجثث كلنه مشينه
يفرون بينه هالعده اولايه ولايـه

•───✧◐◐✧───•

لاتعتب اعليه وتكول اختي نستني
كوه رحت عنكم يلجثثكم عمتني
ذاري الترب بجروحكم حيل اتعبتني
من على الناكه وداعكم صار النهايه

•───✧◐◐✧───•

وياكم يخوتي الليوم ودعنه المحنه
ايسنه ماترجع بعد كعدات اهلنه
من اوداعنه هذا المسه نكطع الضنه
وداع المفارك مااله رجعه وبدايه

•───✧◐◐✧───•

ماشين عنكم بالعجل للكوفه والشام
ونشوف انواع الغصص كل هاي الايام
راح الدلال بوكته هسه احنه وي ظلام
لاعدنه خيمه ولاسكف بس العبايه

•───✧◐◐✧───•

تـوجع يهلـنه طبـت الكوفه عليـه
بت حيدر اني وادخل اعليهم سبيه
واسمع تكول الناس هاي الهاشميه
كل ديره اطبنها يسمعوني حچايه

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده جنوبيه للدفنه{{شدت احزام}}

بيوم الدفنه زينب شدت احزام
تگول اجروح گلبي شلون تلتام
❥❥❥❥ـــــــــــــ❁❁ـــــــــــــ❥❥❥❥
تگول اجروح گلبي امخزنه الليله
اخوي من الذبح ميت رگد حيله
كلف يوم الاخو ياناس شيشيله

عافاني بعد يا ردته احلام
{{شيشيله // يايوم الحمل}}
❥❥❥❥ـــــــــــــ❁❁ـــــــــــــ❥❥❥❥
بعد وجه حلم عندي اشوفنه
گون احسين يگعدلي واشمنه
اريد اليوم انه بالهفه احضننه

واكله احسين گوم وياي لتنام
{{يحسين اگعد // عالو بينه}}
❥❥❥❥ـــــــــــــ❁❁ـــــــــــــ❥❥❥❥
اريد اشبع وداع من الگضه العشره
وعاف أخته سبيه ويه الگطع نحره
ماشوفه الحنين الرايح لگبره

رايح وين عن اختك يهمام
{{وعاف أخته ويه //الماهابوها}}
❥❥❥❥ـــــــــــــ❁❁ـــــــــــــ❥❥❥❥
اليوم جروح جسمك بالگبر تهده
بس راسك يظل فوك الرمح بعده
وگلبي بجرحه يبقه محد يشده

ياهو الي جروحي يشدهه بلثام
{{شيطيب جروحي //اعله فراكه}}
❥❥❥❥ـــــــــــــ❁❁ـــــــــــــ❥❥❥❥
رايح يالحنين وروحتك روحه
مثل نحرك يروحي اعليك مذبوحه
عله گبر الاخو تمنيتهه النوحه

ومادري زماني بعد الي شضام
{{مضيومه // ظليت خلافك}}


الشاعره رسل الإبراهيمي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشتر

*قصيدة للدفنه (بوية يحسين)*
*(من ديوان 📚 عبرات وأنين في رثاء الطاهرين ج٤)*
❥━──➸➽❥❂❥━──➸➽❥❂
*لسان حال الامام السجاد(ع) عندما رجع الى كربلاء وجاء ليدفن جسد ابيه الامام الحسين(ع) وهو يبكي ويخاطبه ويقول:*

      *اشلون اوسدك باللحد* 
          *يالابو گلبي انمرد*

بوية يحسين          بويه يحسين
❥━──➸➽❥❂❥━──➸➽❥❂
بوية گلي اشلون اوسدك آه يغالي
وجسمك بلاراس هذا الهظم حالي
راح من عگبك يغالي كل دلالي

*راح وياك العمر … بعد ماعندي صبر*

بوية يحسين          بوية يحسين
❥━──➸➽❥❂❥━──➸➽❥❂
بعد ما عندي صبر بويه بغيابك
على گبرك يالولي تنحب احبابك
يا عضمها مصيبتي وقصة  عذابك

*آه من ظلم الدهر ... عذباني من الزغر*

بوية يحسين          بوية يحسين
❥━──➸➽❥❂❥━──➸➽❥❂
اه منه هالدهر حرمانه منك
موذر عله الغبره يالغالي انضرنك
تحيرت يحسين گلي اشلون ادفنك

*وانت نايم عالتراب… اموذر ودمك خضاب*

بويه يحسين.              بويه يحسين
❥━──➸➽❥❂❥━──➸➽❥❂
نهدم حيلي آ يبوية من نضرتك
سابح بدمك واشوف موذره جثتك
شنهي سوت بيك الخيول من اجتك

*طاحنه اضلوعك طحن…شفتك وظليت اون*

بويه يحسين                 بويه يحسين
❥━──➸➽❥❂❥━──➸➽❥❂
حفرت گبرك بيدي والمدمع اهله
وجيت اريدن جسمك بگبرك انزله
لملمت يحسين بيدي وصله وصله

جثتك گوة شلتها…وصله وصله لملمتها

بويه يحسين           بويه يحسين
❥━──➸➽❥❂❥━──➸➽❥❂
*بقلم ✍🏻 خادمة اهل البيت ع*
*الشاعرة العلوية مريم النور نسألكم الدعاء الفاتحة الى روح اختي ولأمواتكم:🍃*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك