فزاعي حصريا
للوداع،،،، نصاري 😔👇
〰️〰️〰️〰️〰️〰️〰️〰️〰️

اليله اوداع ويه الهاشمیــــــــات
ولتمن علی احسین العزیـــــزات

اليله وداع زينب والعزيزيـــــــــن
تگول امودع العباس وحسـيــــن
وبس اليله وباجر مرحليــــــــــن

ومن حکی علیکم اجر ونــــــات
〰️〰️〰️〰️〰️〰️〰️〰️〰️
خویه افراکم یرید عــــــــــــــوان
حکی اعلیکم من ابچی یالاخـوان
صدک باجر اضل بغير وليـــــــان

ولوصار العصر جا عدمن انبـــات
〰️〰️〰️〰️〰️〰️〰️〰️〰️
لو صار العصر وجلجل الــــــــيـل
وانتم عالترب كلکم مجاتيــــــــل
من هسه يخويه راكد الحيــــــــل
ـ
ویاکم کضینه ایام حلـــــــــــوات
〰️〰️〰️〰️〰️〰️〰️〰️〰️
بس اليله وياكم يالاحنــــــــــــان
يهد اوداعكم يكتل يخــــــــــوان
صدك باجر عرايه على الـــــتربان

وعنكم نمشي لديار البعـــــيدات
〰️〰️〰️〰️〰️〰️〰️〰️〰️
خويه اوداعكم هدالي المتـــــون
لليله لصبح ماتغفه العـيــــــــون
ولو طر الفجر خافن تروحـــــون

وحرايمكم تضل باجر يتيمـــات
〰️〰️〰️〰️〰️〰️〰️〰️〰️

بقلمي عاشقة العباس الشاعره ام عراق الشمري البصره صاحبة ديوان قائد الطف ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفردات

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الطميه_بديوان_بحر_الولاء_الجزء_٢١_.


لطميه للوداع


باچر تهجم العسكر     على حسين
اضل ابچي واصيح اهلي مشو وين
❥━──➸➽❥💔❥━──➸➽❥💔
باچر نبگه وحدنه
لا زلمه يضل عدنه
وبعيده بلد جدنه
تضل اهلي على الغبره مطاعين
❥━──➸➽❥💔❥━──➸➽❥💔
نضل نسوان لا والي
ابغربه والعرض غالي
هذا اوداعنه التالي
بس نسوان مابين الملاعين
❥━──➸➽❥💔❥━──➸➽❥💔
ابچي ابحرگه هليله
اشوفنه يشد خيله
الليله التمت العيله
عساني بلعمه اولا اتشوفك العين
❥━──➸➽❥💔❥━──➸➽❥💔
هل عدوان مرجونه
اشعدهم واشيطلبونه
الهم ثار يردونه
باچر يبگه جثه بلميادين
❥━──➸➽❥💔❥━──➸➽❥💔
باچر من يساعدنه
نضل انوح وحدنه
بس ادموعنه ابخدنه
والعدوان تحرگ هلصواوين
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

……
لطمية
للطفل الرضيع عليه السلام
طور
(سلامات)
……..
دلالات …طفل ابو اليمه انفطم
علامات …..والفطام ابلا رحم
طفل ابو اليمه انفطم من منحره
هل الفعل يوم السقيفه قرره
دلالات
علامات
…..
هلجره مثله مُحال
هذا واقع لو خيال ….جاوبوني
طفل وصغير يصير
ينذبح شنهو الدليل ….خبروني
ليش وشذنب الاطفال
بالسلم لو بالقتال ….عجبوني
للاطفال الاحترام
والمحبه والسلام ….انصفوني
يهلناس ….هلطفل جده النبي
يهلناس ….انذبح بيد الناصبي
مثل قصة هلطفل ما ظن جره
هلفعل يوم السقيفه قرره
دلالات
علامات
…..
انه ابو اليمه الحسين
جدي سيد المرسلين وانه سبطه
والابو حيدر علي
للنبي هو الوصي اوباب حطه
امي مرأة الاله
بيها ايبن رضاه اوبيهاسخطه
بينا الباري يجود
اوبينا اوجد هلوجود احنه خطه
هدايات ….احنه الكل الخلگ
اشارات…. بيها دين الله انوجد
ذبح طفلي حقد طغمه كافره
هلفعل يوم السقيفه قرره
دلالات
علامات
…….
احنه قبسات الانوار
احنه مشكاةالاغيار …. احنه سره
احنه ايات الوجود
احنه عنوان العهود….. انفذ امره
ارتضينه ما يشاء
يجري اعلينه القضاء اوما نأخره
انطينه للباري عهود
بالارواح احنه نجود امره يجره
قرابين…..بينه تحكم كلمته
قرابين….. اوما نخالف حكمته
يعلم الباري بوليدي اشجره
اوهلفعل يوم السقيفه قرره
دلالات
علامات
…….
الطفل عنوان النقاء
بيه يتجلى الصفاء …. حبه رحمه
الدين وفرله الامان
ابكل زمان ابكل مكان ….امن الله نعمه
ألأمه تربيته وقاء
بيه مقبول الدعاء…… حسن اسمه
جم سنه هو امير
اومن بعدها كلوزير….. اوبيها علمه
عجيبه …. أگلوب مابيها رحم
عجيبه…. صبو اعلينه الالم
اطفالي ياربي گضت متمرمره
اوهلفعل يوم السقيفه قرره
…..
الطفل عبدالله انذبح
گلبه الظامي انجرح …. شنهو ذنبه
حسين شاله بين اديه
ايداعبه ايعاين عليه ….. ابنحره حبه
صاح يا قوم الظلال
اسگوه من ماي الزلال … يبس گلبه
هلطفل ماله ذنب
انسكه من دمه اليصب…. او گضه نحبه
يزينب … خويه اخذيه للطفل
يزينب….ايگلها والمدمع يهل
والسهم يا خويه صوب منحره
اوهلفعل يوم السقيفه قرره
…..
الحاجة ام احسان الخاقاني

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة مربعة وفزاعيه للحسين

من ديوان #انوار_الشفاعه_جزء_الأول

{ مستهل القصيدة }

ثجيله الفاتحه — وتريد عوانــه
منصوب العزه لحسين واخوانه

•───✧◐◐◐◐✧───•
ثجيله الفاتحه ومنصوب چادرها
بثواب الحسين الليله نحظرها
فواتحكم الزهره تجي وتنظرها
تدك عالراس عالمذبوح حزنانه

•───✧◐◐◐◐✧───•
منصوب العزه لحسين ابو اليمه
تحلاله المناحـه غارك بدمــه
وين الفاكده تتكابل اويه امــه
تنوح اويه الزچيه حيل نعبانه

•───✧◐◐◐◐✧───•
فواتحكم يشيعه من تنصبوها
باأسم حسين والكرار خلوهـا
تنفعكم ليوم الحشر تلكوهـا
هنياله اللطم يلكاه بميزانـه

•───✧◐◐◐◐✧───•
لطمتنه لهل زينب لطمناهــا
ونقره الفاتحه والهم هديناها
الله يساعد ام عون اعله بلوها
فكدت كل اهلها وبقت حيرانه

•───✧◐◐◐◐✧───•
وين الفاكده خلتجي فزاعـه
تدخل وسطة الميدان هالساعه
وتلطم للحسين الداسو اضلاعه
وبنص العزه خل تلطم اويانــه

•───✧◐◐◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه جنوبيه للرضيع ع



يفرفح گام // بيديّه الزغيرون
ضربته ليش بالمنحر يملعون


گولو بياذنب ابني تصوبوه
يفرفح مثل طير بحضني خلوه
بدال الماي من دم نحره رووه

ويابس ريجه//عطشان ابني



يغمض عينه ويفكها عليه
يگلي بيا ذنب جتني المنيه
انومك بالحد ويلي المسيه

((متنام بحضن //الوجعانه))



شلل بيدك يكون الصوبيته
گلب أم الزغيّر مرمريته
شربة ماي لبني مانطيته

((وتاليته //عطشان اتموته))



جبته ماي اشربنه وارجعه
گلي بيا ذنب نحره تگطعه
مات ابني وفجعني شلون فجعه

((رديته // لخيامي ابدمّه))



رديت الطفل سابح ابدمه
كل ظنها رويته وفرحت امه
تگلي اوليدي جيبه وخل انومه

((وانصدمت // من شافت حاله))

ـــــــــــــــــــــــــــــــــــــــــ


الشاعره رسل الإبراهيمي
ونورس الحلفي
ورضاب الاسدي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطمية للوداع (( هذا حسين ))


هذا حسين روحي امعلگه بروحه
خافن من اودعه يفزن اجروحه


روحي بروح اخوي حسين مشدوده
ياليلة وداعه امكدره وسوده
بالسبعين الف وگفوا عله احدوده
وعينه امساهره وللحرم مشبوحه
هذا حسين روحي امعلگه بروحه


عين اعله الحرم والثانيه اعليه
يودعني ويوصيني بغواليه
خاف يروح ويعيل الشمر بيه
احلف دين مابطل بعد نوحه
هذا حسين روحي امعلگه بروحه


انوحن طول عمري النوح ماعوفه
وحق چف الكفيل وغاليه چفوفه
ودعت الحنين اوداع ملهوفه
بعتاب وهضم وادموع مسفوحه
هذا حسين روحي امعلگه بروحه


بدموع وهضم ضليت اودعنه
اشمن منحره وبشوگ احبنه
عن سيف الشمر چا وين اضمنه
ونبلة حرمله بالخاصره اتلوحه
هذا حسين روحي امعلگه بروحه


باچر ينطعن بالخاصره وگلبه
وذيچ الگوم كلهه امحزمه الحربه
مصيبه امصيبته وياغربته غربه
وكل انصار ابو السجاد مذبوحه
هذا حسين روحي امعلگه بروحه


ماكو انصار ضلت عد ابو اليمه
بس هاي المسيه ايبات بخيمه
باچر بالحوافر ينسحگ جسمه
واشوف اجنازته امگطعه ومطروحه
هذا حسين روحي امعلگه بروحه


اعوف اجنازته مطروحه اخليهه
والعدوان مايرضون اغطيهه
اگله اشلون تنسه اختك يواليهه
وانت الخوتك بالطيب مملوحه
هذا حسين روحي امعلگه بروحه


✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*((من ديوان 📗 عبرات وأنين في رثاء الطاهرين الجزء الثالث))*

*قصيدة للسيده زينب تخاطب أخيها الحسين*
❥━──➸➽❥❂❥━──➸➽❥❂
الف  و تسعمية  جرح  بيك
لاجرح حتى اكعد واداويك
خويه يحسين الخيل داست فوك صدرك
خويه يحسين چم سهم نابت بظهرك
شباقي بيك ... شباقي بيك
❥━──➸➽❥❂❥━──➸➽❥❂
حسين مكسور الضلوع وخيل اميه داسته
يوم شفته ايلوج اخيي والشمر حز رگبته
خويه ريت العين عميه ولاالمنحر شافته
زينب بمعصبها گامت جرح اخوها شدته
خويه يحسين اشلون بعيوني انظرك
خويه يحسين جم سهم نابت ابظهرك
شباقي بيك ...  شباقي بيك
❥━──➸➽❥❂❥━──➸➽❥❂
لملمت خويه اليتامه وتاهن أبين الزلم
وشفت چم لوعه ومصايب عشت بالهم واﻷلم
وحملت كل النوايب خويه من شتم وهظم
ردت حيدر كون حاظر يحمي وياي الحرم
خويه يحسين شلون اشوف بعيني نحرك
خويه يحسين چم سهم نابت بظهرك
شباقي بيك ... شباقي بيك
❥━──➸➽❥❂❥━──➸➽❥❂
خويه يمصابك فجعني آه يمحزوز النحر
والدمه من عيني ينزف على الرأس الي انطبر
ومنذبح يا خويه شفتك عاري والسيف انشمر
الدرع والسيف ضلن والعضيد اعله النهر
خويه يحسين ريت أبو فاضل يحظرك
خويه يحسين چم سهم نابت بظهرك
شباقي بيك ... شباقي بيك
❥━──➸➽❥❂❥━──➸➽❥❂
يا حسين أطفال تنحب تاهت تريد الولي
وأنه يا عباس وحدي من يباري محملي
من بعد عينه بهظيمه وصرت احشم كافلي
راح حماي الضعينه و عني راحو كل هلي
خويه يحسين مو جرح واحد واجبرك
خويه يحسين چم سهم نابت بظهرك
شباقي بيك ... شباقي بيك
❥━──➸➽❥❂❥━──➸➽❥❂
جرح فوگ الجرح جسمك يا جرح تتحمله
وظل رضيعك عالغبره الچان صدرك شايله
وأنه مهظومه وحزينة ولعيالك كافله
ايتامكم ضلت تنادي منين اجتنه كربله
خويه يحسين اذتني هاي ايام هجرك
خويه يحسين چم سهم نابت بظهرك
شباقي بيك ... شباقي بيك
❥━──➸➽❥❂❥━──➸➽❥❂
حسين عاري الجسم عفتك خويه عنك وارحلت
والا طفال اتصيح باسمك وانه وياها صحت
هذا يبچي ايصيح بويه وسكنه محنيه وبچت
ريت حاضر يبو الحمله ايشوف ناري الوجرت
خويه يحسين هدم افادي يكسرك
خويه يحسين چم سهم نابت بظهرك
شباقي بيك ... شباقي بيك ❥━──➸➽❥❂❥━──➸➽❥❂
*بقلم ✍🏻 شاعرة اهل البيت*
*العلوية مريم النور نسألكم الدعاء الفاتحه إلى روح اختي ولامواتكم

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه يوم العاشر للحسين ع

الدنيه دموم صبت من كطع راسه
لزم شيبه الشريف وبالرجل داسه
..........
هذا يانحر ياضالم اتشيله
هذا الجان وحي الله يلوليله
الدنيه غيمت والكون يبجيله
(اهتز كونه / الباري عليك)
........
هذا حسين وبن المرتفع شانه
خص بأية التطهير ربه وطهر ابدانه
كلبته عله الكفه وكطعت شريانه
(عله مصابه / دم سال الكون )
........
صيحو الله وكبر ماجرت هايه
حسين بن النبي ومفسر الايه
كطعو منحره وركبته مدمايه
(ويه ادماه / الكون أمطر دم)
.......
دنيانه عليه اليوم مرجونه
هذا مصاب لافوكه ولادونه
نصيح بياذنب راسك يكطعونه
(وهوس بيه / الظالم شاله)
..........
زينب ماسده ولاصار بلواها
يمها ركبت المظلوم شالاها
شال عمامته وعالترب ذباها
(وأم عون اليوم / شضل بيها )
..........
تركض والحرم ركضن الركضتها
وخيول المشت لحسين شافتها
تكسر بضلع واسمعت كسرتها
(ياخيل بهون / عله ضلوعه)

✍أم زينب كربلاء غير مبري الذمه من ياخذ الكلام وينسبه له او يحذف الاسم من كتاب   المآسي الزينبيه الجزء الحادي عشر
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

موشح لمصرع الامام الحسين عليه السلام (اليوم زينب)


اليوم زينب حيل ماضل بيهه
والسيوف اتناوشن واليهه


السيوف اتناوشنه والسهام
صارت الدنيه حزن كلهه وظلام
نار لهابه تشب بين الخيام
اشلون تطفه ومحد يطفيهه
اليوم زينب حيل ماضل بيهه


تسعر النار وتشب وماطفت
لاكفيل ولاخيم زينب صفت
عين ابو السجاد بالحومه غفت
عالتراب اجنازته اموزعيهه
اليوم زينب حيل ماضل بيهه


الجنازه اعله التراب اموزعه
ايعينهه الله اليوم زينب ضايعه
تسحگ النار وتجر الفاجعه
وين ماتمشي العدو ايلاگيهه
اليوم زينب حيل ماضل بيهه


وين ماتمشي تلاگيهه العده
زينب وشافت مصاب الماسده
حسين مسلوب العمامه والرده
وانذبح مايگدر يحاچيهه
اليوم زينب حيل ماضل بيهه


انذبح واشلون يحچي الينذبح
طاح بين انذال وخيول وسلح
وانوخذ راسه وتعلگ عالرمح
يعاين اطفاله ويون اعليهه
اليوم زينب حيل ماضل بيهه


ايعاين اطفاله سبايه اميسره
ينلچم گلبه الحنين ومنحره
وزينب تگله عفتني امحيره
گوم خويه العيلتك حاميهه
اليوم زينب حيل ماضل بيهه


گوم يبن امي لبناتك شوفهه
الحبل والسوط لاح اچفوفهه
اشلون مابين الشماته تعوفهه
ياحسافه اتنام وتخليهه
اليوم زينب حيل ماضل بيهه



لشاعرة اهل البيت
ام هجران العمارچية
غير مبري الذمة من يمسح اسم الشاعره او يغيره او ينسب الرثاء لشخص اخر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الفزاعيه_بديوان_بحر_الولاء_الجزء_٣_.


فزاعيه ليلة ١١ محرم


حدهه ويه اخوي حسين
فلت خوتي الليله
❥━──➸➽❥💔❥━──➸➽❥💔
ضيع خوته وياي
تيهني ابين اعداي
وينك يلكلت بحماي
اكعد واحمي العيله
❥━──➸➽❥💔❥━──➸➽❥💔
حدهه اليوم يبن امي
يلخليتني ابهمي
ماواحد بكه يمي
حملي منهو ايشيله
❥━──➸➽❥💔❥━──➸➽❥💔
ابن امي تعذرني
ماكلي يعمت ابني
بلخوه تطالبني
او عكبي ظلت اذليله
❥━──➸➽❥💔❥━──➸➽❥💔
حدهه اليوم خوتنه
وابن امي تعذرنه
يدري ابكينه وحدنه
من ضيم السده انحيله
❥━──➸➽❥💔❥━──➸➽❥💔
يدري بس حرم وايتام
واعيونه اشلون اتنام
جرح الكلب مايلتام
بس المدمع اتسيله
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*(( موشح للوحشه ))*


اليوم بت حيدر الحره شحالهه
بلمعاره مذبحين ارجالهه
🏴🖤🏴

اليوم زينب بلغرب مهضومه
خوانهه بلحرب كلهم نومه
مذبحين وروسهم مهشومه
ولا خيم ضلت تضم عيالهه
اليوم بت حيدر الحره شحالهه
🏴🖤🏴

داويه الخيمات ماضلت خيم
اليوم ضيم الحره واصل للعضم
من بعد خوانهه شكد تنهضم
خلاف واليهه العدو يبرالهه
اليوم بت حيدر الحره شحالهه
🏴🖤🏴

من بعد عباس يهضمهه الشمر
الدنيه خانت بلعقيله ام الخدر
عل هزل مجتوفه تمشي لليسر
بيهه مايدري شسده گفالهه
اليوم بت حيدر الحره شحالهه
🏴🖤🏴

علعقيله الحيد مايدري شسده
ولادره بخيام اخيته مفرهده
ومادره العباس جتفوهه العده
ضيعوهه وبس لطم يحلالهه
اليوم بت حيدر الحره شحالهه
🏴🖤🏴

بلغرب ضلت وحيده بت علي
لا اخو يمهه ولا يمهه ولي
تكول بين عداي عافوني هلي
طايحه حمولي ومحد شالهه
اليوم بت حيدر الحره شحالهه
🏴🖤🏴

حشمت محد گعدلي الليله
طاح حملي الحمل ياهو يشيله
و فاره بنص المعاره العيله
والهزل گادوهه من احبالهه
اليوم بت حيدر الحره شحالهه
🏴🖤🏴

شلون ترضوني اروح عله الهزل
ايدي مجتوفه ويجروهه بحبل
وين ابو فاضل تمنيته عدل
جان حد هاي الزلم حطالهه
اليوم بت حيدر الحره شحالهه
🏴🖤🏴

*(( كلمات الشاعره ام عون الحلاويه ))*


اطلب منكم تندعولي ان الزهراء تقبل خدمتي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

جنوبيه للوحشه {{ويعيل بالعيله}}..😭

وين البي يفز ويعيل بالعيله
وحشتكم جرح ما يلتم بليله
❥❥❥ـــــــــــ✿🪶✿ــــــــــــ❥❥❥
وين البي وشالة حيل ظلتله
يگويهه ويگوم لأخته نادتله
گد جروح جسمه احاه ونتله

وهو البالحوافر هدموا حيله
(( امسلبيه ** الحيل اليوم ))
❥❥❥ـــــــــــ✿🪶✿ــــــــــــ❥❥❥
عال اليل بيه وموش عدوانه
وحشتكم عمر ماتنفل احزانه
گلبي امچتلين يشوف خوانه

والشامت يگول هواي حنيله
(( ما تلگينه ** واليج لا ))
❥❥❥ـــــــــــ✿🪶✿ــــــــــــ❥❥❥
تعثرت بجسم واحد موذرينه
عاينت ولگيته الغالي ابوسكينه
اشبگه منين شو ملعب مسوينه

وصوا خيلهم عالصدر هوسيله
(( مكسريهه **وضلوعه احاه))
❥❥❥ـــــــــــ✿🪶✿ــــــــــــ❥❥❥
يحرگون الخيم من گتله ونالي
وجنه يگول زينب هذا يا حالي
وبالج عالعبايه يصيح واطفالي

وبعيونه يصد يبجيلي وابجيله
(( ووناته ** گعدتني اگعاد ))
❥❥❥ـــــــــــ✿🪶✿ــــــــــــ❥❥❥
هدت حيلي وناته وطحت يمه
يم اوصاله اونن بس ردت شمه
صابغهه الضلوع وماوگف دمه

وهليله الدمع يا عيني غسليله
(( بتربانه ** ملچوم حسين ))
❥❥❥ـــــــــــ✿🪶✿ــــــــــــ❥❥❥
#الشاعرة الملة هاجر الزينبية
لا اجيز الحذف او التلاعب بالكلام ❌

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#قصيده_للوحشه_من_ديوان_مسير_الفواطم_ج٣
❥━──➸➽❥❂❥━──➸➽❥❂
وحشه هالليله علينه         حسين خويه شلون بينه
لاخيام ولا حنين                     بالبراري ضايعين
انسبينه وانولينه               حسين خويه اشلون بينه
❥━──➸➽❥❂❥━──➸➽❥❂
انسبينه وانولينه                 حرگت اعداكم خيمنه
وين نشكي وين نمشي        عالرمل نامت زلمنه
حسين خويه مادريتو          انهضمنه وانظلمنه
الدمع بالعين هالي     ...       بين غربه وماكو والي
وصلت النار العبينه              حسين خويه اشلون بينه
❥━──➸➽❥❂❥━──➸➽❥❂
وصلت النار لعبينه           وين هالليله نروح
اعتنيت الگمر نايم           ويمه ضليت انه انوح
نومه كل اهلي واخوتي        ومابگت بيه ابد روح
مالي حيل نكسر ظهري   ...     بحالتي بس الله يدري
الكفلني انطفت عينه            حسين خويه اشلون بينه
❥━──➸➽❥❂❥━──➸➽❥❂
الكفلني انطفت عينه       نام مرمي اعله الشريعه
العمد صوب جبينه          وضاگت اعلينه الوسيعه
وين اروح بهالفواطم       والحرم عندي وديعه
كلفيتوني بحرمكم     ...    خويه بس الليله يمكم
صحنه اگعدو وحشمينه        حسين خويه اشلون بينه
❥━──➸➽❥❂❥━──➸➽❥❂
صحنه اگعدو وما گعدتو        وما سمعتوه العتاب
يمكم گعدنه وبچينه            وما سمعناه الجواب
صعبه حيل علينه كلش        آه يا فرگه الاحباب
صعب ما يراد الفراگ      ...    روحي الكم حيل تشتاگ
گومو يالخوان لينه               حسين خويه اشلون بينه
❥━──➸➽❥❂❥━──➸➽❥❂
گومو يالخوان لينه         ننخه ماواحد يگوم
هاي ساعات الكلافه        وهاي ساعات اللزوم
ماسمعتونه نعاتب          نبچي وانوح ونلوم
نصرخ ومحد سمعنه   ...    العتب بيمن نفعنه
امن السياط امورمه ادينه         حسين خويه اشلون بينه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

شده ليلة الحادي عشر من محرم
*
كسرن خاطري إبنيات الحسين
و مايدرن ابوهن وين ماوين
****
كسرن خاطري من عتبن إعليه
ابونه حسين راح وما إله جيه
يعمه شعطله وكت المغربيه
اجيبلهن صبر يهل الوفه منين
****
شكلهن راس ابوجن بالرمح صاعد
وجسمه اعله التراب امسلب الوالد
ويانه الضيم هاي الليله متواعد
وباجر باليسر للكوفه ماشين
****
اطفال ويتامه ابلا ولي ظلن
من حركو خيمنه خافن وفرن
غريبات وعليه كلهن إلتمن
واهلنه عالترب كلهم مطاعين
****
لاذن بالعبايه إمحركات اجدام
داسن عالجمر من فرن من اخيام
بنات حسين دارت بيهن الايام
جانن بالخدر متشوفهن عين
****
ياعمه اسمعن هاي الحجايه
باجر للسبي ترحون ويايه
كفال الضعن عباس والرايه
ظل اعله النهر وابلايه جفين
****
ماعندي كلب احجي شنو صاير
رقيه تموت اذا تدري الجره بعاشر
من حسين كلشي ماخذ الحافر
لا ضلع البقه ولاخنصر ايمين
****
أم علي الكاظمي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

ليلة الوحشه


الابوذيه

اليله جليلت عزم ضليت  ياناس
حرمه وفاكد الخوان       يا ناس
ادور اوجوهم ماهي ويه    الناس
منهد الضهر ماردو عليه

نعي
اليله الفاكده شنهي وضعهه
على الخوان ضل محني ضلعهه
حنينه اختهم ومايحمل كلبهه


اعاين والتفت والعين صبت
ونيران الحزن بحشاي شبت
ما تسمعونهه زينب شطلبت


طلبت اخوهه كبل الغروب
ام عون ضلت روحهه تلوب
امنين اجي وتيهت  الدروب


شلون اليل يكضي بين شمات
وحشه وعليه كثرت الحسبات
تذل الاخت لو الاخو مات


جاني الليل وانه امحمله هموم
والعسكر علي صوبين  ملموم
وانه مابيه حيل اعثر بالهدوم


ضلام اليل  ودرهن اعيوني
من حشمت شو ما لفوني
والله الحبل كصص امتوني 
وسفه عليكم نسيتوني

مني العذر شنهي يوالي
غير الهضم كلي شبقالي
تمنيتك تجي وتشوف حالي


عفيه الوكت بيه شكثر عال
اكوم  وتعثر  بالذيال
جاوين اخوي الجان خيال


لخادمة الحسين ((ع))العلويه ام اياد لا يجوز حذف الاسم

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#قصيده_ليلة_الوحشه
#صلاة_اليل_وزينب

المستهل👇👇

صلاة اليل ويه زينب تواسيها
من كعده تصلي اليل تاليها

•───✧◐🕊🌻🕊◐✧───•

تعبانه ونحيله ام عون هاليله
لله اتوجهت باليل تشكيله
من ضيم العليها المدمع تسيله
وبليل اهدعش كل حيل مابيها

•───✧◐🕊🌻🕊◐✧───•

محد واسه زينب ليلة الوحشه
تواسيها صلاة اليل للغبشه
وباجر تستعد وتروح للممشه
تعوف اخوانها وتمشي اويه اعاديها

•───✧◐🕊🌻🕊◐✧───•

تصلي اليل ماتركت السجاده
ورفعت ايدها لله بالعباده
تدعي للفقير امعلمه كالعاده
امعلمه بت علي حيدر امربيها

•───✧◐🕊🌻🕊◐✧───•

مايمنعها شي لو رادت اتجمعه
كل ضيم اليمرها راسهااترفعه
بس لله تدنك زينب بركعه
وهاي الروح زينب ماتهم بيها

•───✧◐🕊🌻🕊◐✧───•

مثل امها الزجيه ابساعة الشده
ماهمها الضلع صاحت علي رده
كل همها صلاة اليل تتأده
ولاتترك فريضه ماتصليها


•───✧◐🕊🌻🕊◐✧───•


بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه عندما جن اليل على زينب من كربلاء

نمت عباس هالنومه شلك بيها
هذا الليل زينب جلجل عليها
...........
خويه اليل اجاني بسك النومه
ماترضه لخواتك نومت الحومه
تفزع ياسبع لختك المهظومه
كوم الخاطري والنومه خليها
...........
خويه الخاطر اختك اكعد شويه
شوف شلون عملات الدهر بيه
غايب والضلام ايجلجل عليه
يحيد مدللاتك وين اوديها
............
وديت العتب للغمضت عينه
عكبك يبوفاضل ذلت سكينه
بكينه بس حرم محد يحامينه
كضت روحي النوايب حيل مابيها

...........
نريد انبات يمك يابو الامروه
بس نسوان ضلن مالهن تجوه
دكعد يبوالغيره بداعت الخوه
وادري خوتي عباس شاريها
.........

باجر يبوفاضل نصعد الناكه
الشمر لو مر عليكم والضعن ساكه
تراني الفزعتك عباس مشتاكه
تراهي اليوم روحي تريد اهاليها

...........

✍أم زينب كربلاء غير مبري الذمه من ياخذ الكلام وينسبه له او يحذف الاسم

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده ثگيله للوحشه{{صار ليل }}

صار ليل وگلت اروح انشد عليك
بلكي الگالي نفس ياخويه بيك

بلگي الگالي نفس
چان بهمومي تحس

انه اعرفنك حنين وكلت اجيك
❥❥❥❥ـــــــــــــ❁❁ـــــــــــــ❥❥❥
صار ليل وگلت اروحلك دمع
اشگي يمك ونتي الماتنسمع
بذبحتك ذاب الگلب مثل الشمع

ذوبتني من الذبح
وباجر ايغثني الصبح
إنه اعرفنك حنين وگلت اجيك
❥❥❥❥ـــــــــــــ❁❁ـــــــــــــ❥❥❥❥
باجر ايغثني الصبح جايب سبي
ليل وحشه وصبح بي شگت عبي
شلون بيه لو شتمني الاجنبي

انشتم واسكت وجع
كبالي لو راسك طلع

إنه اعرفنك حنين وگلت اجيك
❥❥❥❥ـــــــــــــ❁❁ـــــــــــــ❥❥❥❥
اكبالي لو راسك طلع اشبع قهر
واختنگ من خنصر ايدك للنحر
ارد احضنك خاف الچمنه الصدر

خاف الچمنك بحضني
شيوجعك ياسبب وني
إنه اعرفنك حنين وگلت اجيك
❥❥❥❥ـــــــــــــ❁❁ـــــــــــــ❥❥❥❥
شيوجعك حاجيني ينجوم السمه
جروح نحرك لو ضلوع مهشمه
اسمعت ونك جيت اركض هايمه

گلت اضمدنك حنين
بلكت تبطل الونين
إنه اعرفنك حنين وگلت اجيك
❥❥❥❥ـــــــــــــ❁❁ـــــــــــــ❥❥❥❥
انته خير ورحت ماظل عندي خير
هسه لو عايش يبو اليمه شيصير
بكل حرب بيهه يبو سكينه اسير

وأنه نتيسر الباجر
بس نساوين ومناحر
إنه اعرفنك حنين وگلت اجيك


من ديوان مصيبة السماء

بقلم الشاعره رسل الإبراهيمي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطمية لليلة الوحشه ( عدمن تباتين )


يادهر يالمابيك غيره
خليت بت حيدر اسيره
وچانت عله الوادم اميره
واتحيرت بالحرم حيره


      ( اللطمية )


عدمن تباتين يامهضومه
حسين ميت والخيم مهدومه


ليش بالوديان والبر هايمه
وانتي عالهضمات موش امعلمه
وين جدچ وين حماي الحمه
وين عنچ فاطمه المظلومه
عدمن تباتين يامهضومه


وين جدچ والحسن والطاهره
وين حماي الحميه حيدره
مات ابو السجاد ماواحد دره
هدمن حيلچ مصابه ويومه
عدمن تباتين يامهضومه


هدمن حيلچ مصابه اوحشته
لااصياح ولاغطه اعله اجنازته
وين تلگين العلم واعمامته
والشمر سلب جميع اهدومه
عدمن تباتين يامهضومه


الشمر فرهد اهدومه ومحبسه
ماتخاف الله الخيول الترفسه
عدمن تباتين من يمسي المسه
لاسگف عندچ ولاجيدومه


لاسگف عندچ ولاعندچ ولي
انتي زينب موش زينب تنولي
گومي للميدان صيحي ياهلي
بلكت يگعدون زلم الحومه
عدمن تباتين يامهضومه


بلكت يگعدون شجعان الحرب
مايقبلون الفواطم تنضرب
لو عدل عباس يگلبهه گلب
نام گوه المايريد النومه
عدمن تباتبن يامهضومه


ماينام اعله النهر لو بيده
والفواطم للكلافه اتريده
وين يلگنه الشريعه ابعيده
طاح چفه وهامته مهشومه
عدمن تباتين يامهضومه


✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعية سريعة لزينب ع تخاطب الزهراء ع

بلوعة فاگدة ناديت
يايمة تعي لية

صحت ادخيل يازهرة
لحگي زينب الحرة
وحدي اليوم متحيرة
راح الحيل مابية

طاحو عالثرة خواني
نامت كلهة ولياني
وانة الشمر اذاني
يضربني علة ايدية

ماواحد سلم منهم
عالتربان اشوفنهم
شحچيلچ بعد عنهم
وينچ ماالچ جية

وحدي اليوم حضريني
واعلة النوح عينيني
خلصت روحي تدريني
ظليت ابمهظمية

بين الگوم محتارة
وگلبي تشتعل نارة
ذاك حسين وانصارة
ظلو جثة مرمية

ظلو عالرمل نومة
وانة انحب ومهظومة
احا يالولي ويومة
عليه العين معمية

*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك