العلي الأكبر ع
هوسات مع رباطات بطور (حسين بكربله سحگته الخياله)


علي يبني منو الخضب جمالك
منو الي ما رحم جملة خصالك
بعد زاد الشهاده اعله كمالك

((فاجعني العدو // ابجسمك الدامي))


الحگيني يزينب ذبحوا اوليدي
صعب دم منحره جاري على ايدي
بعد ساعه أنه هم يگطعوا اوريدي

((راسي اويه علي// الأكبر يگطعونه))


شبيه المصطفى نايم على الغبره
واجت له زينب اتناديله بحسره
يعمه گوم وارحم گلب أبوالعتره

((شوفه يحتضر// واينادي آ يبني))

📝 #الشاعرة_الملاية_زينب_المؤيد

تمت بحمد الله تعالى
*ونسألكم الدعاء لتعجيل الظهور*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

هوسات جنوبيه ل علي الاكبر عليه السلام
========


شباب وصوّب الدلال ماينحمل يفراگه

عفتو امكم تون بلدار
على الحلوين مشتاگه

اگعد ياوسيع العين ترها الفرگه حراگه

نايم ياعزيز الروح وماضن بعد نتلاگه


يمه الولد //  مالايگتله النومه

تعمي عيوني لامته وهدومه

غالي عليه اوليدي مصب يومه

ماصدگت يوم الوصلني اعلومه


وگالولي // طايح بلحومه

!¡!¡!¡!¡!¡!¡!¡!¡!¡!¡

گالولي وگع من مهرته الشگره

وبصفه هوت يعماته الخضره

ياوسفه الولد نايم على الغبره

وعاف الروح تسعر نارها وجمره


ماحسبت // امك يضيع ارباها

راح الولد والوالده عافاها

انت الچنت ياسورها وملفاها

بلهظم يومك يلولد خلاها


ومهضومه // امك من غيرك

!¡!¡!¡!¡!¡!¡!¡!¡!¡!

اضن صارت صدگ يمه الفراگيه

من يوم الطحت ساعة الحربيه

ياوسفه السنين وياك مگضيه

فلت ونتهت وياك والليله الوداعيه


يمه الولد // فرگاك عامي عيوني

عميه ييمه الوادم يدلوني

مانحمل فراگ الولد يدروني

يم الگبر اگضي العمر خلوني

وماريده  //  ياعمري خلافك


========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده لـ علي الاكبر ع {رموشي شيبتها}


روحي ماتصبر بدونك يالعفتها
بفرگتك حته رموشي شيبتها
@@@@@@@@

روحي ماتصبر درد الهه بسلامه
حضني عشك يالجنت مثل الحمامه
جفني من يوم الغبت بطل منامه

وداعتك عيني بغيابك سهرتها
روحي ماتصبر بدونك يالعفتها
@@@@@@
ليلي مانمته وگلت هسا يجيني
يرحم بحالي ويسكنلي حنيني
فاگده مبينه ييمه من ونيني

الضيعت اعزيز الگلب گلهه اعرفتها
روحي ماتصبر بدونك يالعفتها
@@@@@@
كلهه تعرفهه ييمه من الملامح
وانه زرگه اجفوني گلالي اليلامح
انته صح عايفني بس گلبي يسامح

امك تريدك تمر يالوجعتها
روحي ماتصبر بدونك يالعفتها
❥❥❥❥ـــــــــــــ❁❁ـــــــــــــ❥❥❥❥
تريدك تمر وتجي تنشد عليها
بفركتك ياحيل يمه ضال بيها
تنسه الفراگ وهمومه لو تجيها

بفركتك روح العزيزه موتتها
روحي ماتصبر بدونك يالعفتها
❥❥❥❥ـــــــــــــ❁❁ـــــــــــــ❥❥❥
ماتت امك ونكسر جنح الحمامه
افراگ وجهك يمه تذبحني سهامه
امناطره جيتك عليه بالسلامه

جلمه اليمه بدونك هل سلتها
روحي ماتصبر بدونك يالعفتها

#الشاعره_رسل_الابراهيمي
والشاعره غدير الحساني

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*(( موشح لعلي الاكبر عليه السلام ))*


طاح الاكبر ليله خنعازيهه
علشباب الراح من ايديهه
🏴🖤🏴

علشباب اليوم ليله مكدره
يعين كلب الفاكده شيصبره
هامته كالو بسيف مطشره
مايفيد ضماد شتضمديهه
طاح الاكبر ليله خنعازيهه
🏴🖤🏴

ضماد ماينفع چبير صوابه
واصل لحد الجدام خضابه
حسين شاله ودمعته سچابه
يون يمه وهامته يشم بيهه
طاح الاكبر ليله خنعازيهه
🏴🖤🏴

حسين كله شيوجعك حاجيني
بويه يل اكبر يشمعة عيني
وحدي بين العده لتخليني
وهاي امك يبني لتخليهه
طاح الاكبر ليله خنعازيهه
🏴🖤🏴

يبني امك رادتك وياهه
شلون وسط المعركه تنساهه
تنزف جروحك الشديناهه
حيل كلفه ولادوه يداويهه
طاح الاكبر ليله خنعازيهه
🏴🖤🏴

ياعلي الاكبر جروحك مكلفه
بعد مايرهم علاج ولاشفه
امك تنادي عله الدنيه العفه
كالت الدنيه فلا اشريهه
طاح الاكبر ليله خنعازيهه
🏴🖤🏴

هاي دنيه اطباعه تطش الشمل
كون امك ميته وانته تضل عدل
بياذنب ضامي ييمه تنجتل
وجثتك تسحك الخيل عليهه
طاح الاكبر ليله خنعازيهه
🏴🖤🏴

تبقى علتربان جثه معفره
والزلم تهجم علي وانه مره
عمك عله النهر بينه مادره
والضعينه اجناب تحدي بيهه
طاح الاكبر ليله خنعازيهه
🏴🖤🏴

*(( كلمات الشاعره ام عون الحلاويه ))*


اطلب منكم تندعولي ان الزهراء تقبل خدمتي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه العلي الأكبر ( ع)( لو يالولد ناسيني)

وصيت بيه من رحت
لـــو يالـولـــد ناسيني
ــــــــــــــــــــــــــــــــــ
هداني فگدك يالولد
بسهام صابالي الجبد
ماعيش يالاكبر بعد
اعليك الدمع عاميني
ــــــــــــــــــــــــــــــــــــ
اعليك عيني مــاغفت
وهمـوم بغيابك شـفت
ياريت وي موتك متت
يوليدي ياضـي عينــي
ــــــــــــــــــــــــــــــــــــ
يولـيدي افراگك صعب
اشلون اصبــر هالگلب
وعليك دمعاتـي تصـب
وحيـل البعـد ياذينـــي
ــــــــــــــــــــــــــــــــــــ
ياذيني فگـدك يالـولي
بعدك يالاكبر منهو الي
ياهـو اليشيله محملـي
اگعد الـــي وحاجيني
ــــــــــــــــــــــــــــــــــــ
اگعدلي يبعد رويحتي
ياعلـي انتـه سلـوتــــي
خـلافـك ظلمه دنيتــي
وشلون اگضي اسنيني
ــــــــــــــــــــــــــــــــــــ
أگضي العمـر امرمــره
ما انسه يايمـه الجـره
نارك ابروحي امسعره
ومـا ابطـله اونينـــــي
ــــــــــــــــــــــــــــــــــــ
تــــمت بعون الله تعالى
بقــــ✍🏻لم خـادمة السيده رقيه عليها السلام
*الشـــاعره سهام علــــــي المـــالكــي*
من ديوان مجالس الأتقياء في مأتم كربلاء الجزء الثالث

لاأجيز حذف الأسم
نسالكم الدعاء بتعجيل الفرج لصاحب الزمان ((عج ))

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

هوسات للاكبر وشجاعته

الك ساس الشجاعه والك خياله
اهلك بالحرب ردت العياله
شلت بيرغ هلك واهلا يشياله
((اهلك بالملعب.... خياله))


شلت بيرغ العم الحيد ابو النخوه
جنك ابوفاضل من تهد بلوه
كلها تصيح شوفو الاكبر شتسوه
((اعله احدوده.....طفار الدم ))


بس دم وعلي والرؤس طفرها
رادو عطوه من حسين يصدرها
كض ابنك كضانا الحومه صفرها
((بالحومه..... يهد ويرعد))


جن حيدر دخل هيبة اجتافاته
ساعه يصير ابو فاضل بطكاته
وساعه حسين من يصول فزعاته
((انشال الطف......من فزعاته))


صاح بصوت وين الزلمه يدنه
اله اعظام برض الطف اطشرنه
ثار العم اجيت اليوم اطلبنه
((ثار النيبه..... اليوم اعرض))


احنا الساده مانسكت عالعيله
العادانه يويله والف ياويله
وي الغيم هاي اعلامنه الليله
((اعالغيمه....الرايه اترف))


هاي اعلوم هاشم ترفع الهامه
شلون اوجوه لاكت ليها العمامه
كلبي اليوم يمهم ذاب اهضامه
((مر بذوله....... يالعندك هم))



✍🏼إسراء اللامي ام ذو الفقار

غير مبري الذمه اليتلاعب اويغير في الكلمات او ينسبها لغير شاعرة مشكول الذمه

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعية بهوسة لعلي الاكبر
يفنيها علي من يچهب الحومة
يخليها الطفوف تسولف اعلومة
(تشهد هالگاع … بصولاته)
. ——••••••———••••••——
يخليها الطفوف تسولف بصيته
بهاي يكول انا حسين وصيته
گبل ليروح حيل بنحره شميته
(واعليه امه… تظل ملچومة
——••••••———••••••——
ملچومة تظل عل الاكبر ويومه
وتظل طول العمر يا ناس مهمومه
مهنه تكول يبني وطوّل النومه
(مهنه يالولد…وابنومتك هايه)
——••••••———••••••——

مهنه يالولد ا بنومتك هاي
يالب الكلب يابزره احشاي
ضيعتك ييمه وضيعت دنياي
( وبالحومة.... ضيعت وليدي )

——••••••———••••••——
رفع راسي الولد من صال بالحومه
وتشهد كربله لصولاته واعلومه
وهاي الروح لجله تبقى مهدومه
(مهدوم الگلب… يا يمه اخلافك)
——••••••———••••••——

مهدوم الكلب اخلافك وحيلي
وانعاك بحزن يايمه كل ليلي
واكولن للدموع عالولد سيلي

( ومن دم عيوني ... اجريها )
——••••••———••••••——

تمت بعون الله تعالى
بقلم خادمات الحسين عليه السلام
زينب الفياض- هدى المرزوق
تحت إشراف تجمع خادمات الذبيح
#محرم_الحرام
#علي_الأكبر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*هوسه مع قصيدة ختاميه للاكبر(عليه السلام)*
❥━──➸➽❥❂❥━──➸➽❥❂
*المقدمه تقرأ بشكل نعي:*

يالفگدت ولد خل تبچي هذا اليوم
راح الغالي مني والگلب مالوم
مهظومه وحزينه والگلب مهظوم
            *القصيدة*

*حزينه امك عفتها اشلون ترضاها*
مهظومه وتهل دموع عيناها
والفگدت ولد خل تبچي وياها
راح الولد منها وضيع ارباها
شبان المشت چاوين نلگاها
نامت باللحد واتراب غطاها
ذيچ ارسومهم هالضيعيناها
نون ويه العقيله ومانسيناها
يمصاب الشباب النحل اعضاها
صوبها وهظمها وذوب حشاها
وين التنتحب واتعلي ابچاها
*((اتواسيها//بالراحو منها))*
❥━──➸➽❥❂❥━──➸➽❥❂
*بقلم✍🏻خادمة اهل البيت*
*الشاعرة العلويه مريم النور*
*نسألكم الدعاء الفاتحه الى روح اختي ولأمواتكم:🍃*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه علي الاكبر عليه السلام
========


شعنده الموت

بس ياخذ الحلوين

وبعمر الورد توهم مزهرين

===========

شعنده الموت ياخذ بس العزاز

راح البي محنه وليه نعتاز

توها اشواربه خطت يجناز

  ذوله اصبايا // ياموت ابعد

💚💚💚💚💚

شعنده الموت ويانه هليام

اضنه على الشباب الگبر محتام

چم شاب المشه وحدر الترب نام

حار اترابه // والگبر اظلم

💚💚💚💚💚

شعنده الموت وياكم يشبان

ستعجلتو المنايا ورحتو يحنان

عفتو الدور وسكنتو التربان

هدت حيلي // ياروحتكم

💚💚💚💚💚

شعنده الموت ويه اوساع العيون

زغار على المنيه وين تردون

الگبر اظلم اوحشه لاتنزلون

وعوف ترابك // انهض يمه

💚💚💚💚💚

شعنده الموت وياكم يحلوين

مالايگ عليكم نومة الطين

ماشافو اللذه ولامعرسين

متانيته // يومك يازين

💚💚💚💚💚

شعنده الموت ويه هلشبابات

حرماهم الدنيه والملذات

كلها زغار راحو ياحسافات

ارحم بينه // ياموت شبيك

💚💚💚💚💚

شعنده الموت وياكم يلولاد

گلب امكم عليكم نار وگاد

رحتو ديار غربه وصرتو ابعاد

ارحم بيها // يلوالي امك


========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله الزهراء

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

١٤٤٧ - ٩محرم

گومي ليلى انودع الأكبر علي
آنه أبچي وانتِ صحي وولولي


راجع الأكبر يليلى ابيا وضع
راسه واضلوعه تهشم والضلع
منذبح عطشان وما يروى ابدمع
وغارگ اببحر الدمه راجع إلي


ودّعي الامگطعینه هالعده
وانسي بسماته وجماله ابمسجده
ذابت اخدوده ولا هي امورّده
واعله الامشكر ونيني يعتلي


عالولدنا گومي نبچي من دمه
غادر الدنیا ووصل أعلی السمه
وواگفه تتلگی الأكبر فاطمه
ويه حيدر والنبي وي كل هلي


ودّعي ابنچ ولا اتتاني أبد
انقتل اگبالي هم جسمه انمرد
اتخيّلي ما چان عندنه أي ولد
صعبه بس انسي وفراگه اتقبّلي


هالوداع الي كسر منه الگلب
شفتي اولیدچ يفرفح عالترب
وراسه عالرمحه تشوفي مختضب
وانتِ مسبيه ويگودچ عاذلي

📝 #الشاعرة_الملاية_زينب_المؤيد

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده فزاعيه لعلي الاكبر  « ع»


يمـه يـاعـلـي    عـدمـن مخليـني
رتـك بـالكـبـر انـتـه الـتـبـاريـنـي


  يـمـه يـاعـلـي   يـا ريـع   دلالــي
بموتك يالولد شوف اشسده بحالي
غالـي يا علـي يبـني شـكثـر غـالـي
يا روحي وحياتي ويا ضوه عيوني


يالچنـك ورد مطروح بالحومـه
نـايـم يالولـد محلاتهـه الـنومـه
يبو وجه الحلو متغيره ارسومه
اگعـدلي ييمـه فـدوه حـاحـيني

جسمك عالثـره يالولد مـتوذر
خليت الگلب مجروح يتحسر
ما بطـل ونيني اعليك يالاكبر
بغيبـك بـعد يـاهـو اليسليـني


يالاكبر يغالي ويا ضوه عيوني
ما حسبت يمه تخيب اضنوني
بعدك بالحبل  يـمه  يگيـدوني
اديه من الضرب يبني تاذيـني

ريت المـوت اليه ياعلي يبنـي
يومك يالولد هـد حيلي تعبني
دولبنـي زمـاني بيـك دولبـني
عاميني مصابك والله عاميني

دولبي زماني وطگني عالهامـه
خـلانـي عليك  اليـل   مـانامـه
گلب امك ياوالي كـثرت الآمـه
مصابك شيباني وهدم اسنيني 


تمـت بـعـون الله تعالـى
بـ✍️خادمـة الحسين "عليه السلام"
الملـه أم مـجتبـى 
نسالكـم الدعـاء بتعجيل الفـرج لصاحـب الزمـان( عـج)

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه العلي الاكبر (ع)(اليوم منك أيست)

ياعلي الاكبر يماي عيونـي
ليش منك يالولد حرموني

الــيوم مـنـك أيست
ريت وي موتك متت
ياعلي الاكبر يماي اعيوني
ــــــــــــــــــــــــــــــــــــ
اليوم حرموني العده من شوفتك
ريـــــت يبني رحـــت ويه روحتك
ولا اشـــوفنها السهام الــــصابتك

بحسره يايمه صحت
ريت وي موتك متت
ياعلي الاكبر يماي عيوني
ــــــــــــــــــــــــــــــــــــ
بحسره انـوح اعليك يبني ياعلي
بعد عينك يالولد منـهـو الـــــي
بطيحتك هل طاح يمه محملي

ضيم من بعدك شفت
ريت وي موتك متت
ياعلي الاكبر يماي عيوني
ــــــــــــــــــــــــــــــــــــ
شفت من بعدك ييمه النايبه
اعليك هاي الروح ظلت ذايبه
والنوايب بالگلب هل صايبه

اوياك يالغالــي ردت
ريت وي موتك متت

ياعلي الاكبر يماي عيوني
ــــــــــــــــــــــــــــــــــــ

اتمنى كون اوياك موتتنه سوه
ولا اعيش ولا اشـم عذب الهوه
گلبي بجمر الحزن يمه انچوه

مـنــي يوليدي رحت
ريت وي موتك متت

ياعلي الاكبر يماي عيوني
ــــــــــــــــــــــــــــــــــــــــ
رحت مني وگلبي يوليدي انشلع
ودمعي علوجنات يـــايمه انطبع
حين راسك علرمح يبني انرفع

حيـل يمه اتکـدرت
ريـت وي موتك متت
ياعلي الاكبر يماي عيوني
ــــــــــــــــــــــــــــــــــــــــ
تــــمت بعون الله تعالى
بقــــ✍🏻لم خـادمة السيده رقيه عليها السلام
*الشـــاعره سهام علــــــي المـــالكــي*
من ديوان مجالس الأتقياء في مأتم كربلاء الجزء الثالث

لاأجيز حذف الأسم
نسالكم الدعاء بتعجيل الفرج لصاحب الزمان ((عج ))

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

((فزاعية للامام علي للاكبر عليه السلام ))


تلوج يبني عله الترب
شيوجعك حاجيني
🏴🖤🏴

يمه يسباح الگلب
شسوي نايم بلدرب
بلخيل خافن تنضرب
يابعد روحي وعيني
🏴🖤🏴

يابعد عمري وروحي
وجروحك من جروحي
اكعد وهود نوحي
يومك صعب يگضيني
🏴🖤🏴

يومك يلاكبر موسهل
علوالده ماينحمل
تشوف ابنهه منجتل
ارجعلي وخذ سنيني
🏴🖤🏴

ارجعلي وانطيك العمر
يانار فگدك تستعر
يمه يلاكبر يضخر
ضميتك تباريني
🏴🖤🏴

ضميتك لتالي الوكت
جاليش مني تعذرت
يمه يلاكبر حشمت
اليوم العده تسبيني
🏴🖤🏴

العده حرگو خيمتي
محد سمعهه نخوتي
اه ياعذابي وبلوتي
ترضه اجنبي اليحديني
🏴🖤🏴

*(( كلمات الشاعره ام عون الحلاويه ))*


اطلب منكم تندعولي ان الزهراء تقبل خدمتي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه لعلي الاكبر ع

""""""""'''''''

ليله تنتحب واتصيح
مالــي روح اعــوفنه

""""""""'''''''

ليله الـيوم مـهضومه

الاكـبر طبها للـحومه

خاف اتضيع ارسومه

اتخاف ايروح المجنه

""""""""'''''''


اتنادي يصعب اغيابه

نــار الــولـــد لــهــابــه

خـل اتــوسـد اتــرابـه

خــوفــي لا اضــيـعنه

""""""""'''''''

خل اتوادع انه اوياه

وليدي ماحمل فرگاه

گلبي ما اضن يسلاه

سـهـام الـبين صابنه

""""""""'''''''

اتـضـل ادموعي سجابه

مــن ايـــودع احـبــابـه

صـابـو گـلـبـي بـصوابه

مـنـه انـگـطـعت الضنه

""""""""'''''''
رايــح يـالــولـد يــبني

يــلــي اربــاك تــعـبني

بالـــفـرگـــه تـعـــذبني

بعـد ما ضـن اشوفنه

""""""""'''''''

شبه المصطفى مذبوح

يا روحي تزيدي النوح

خـلـه بالـدلـيل اجروح

او ابــنـي ايـسـت منه

""""""""''''''

تـــمـ بعون الله تعالى ـــت
بقـــ✍ـــلمي خادمة ال البيت ع
ام سجاد العسكري من ذي قار
لانجيز حذف الاسم
🙏🏻ونسالكم الدعاء🙏🏻

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده لعلي الاكبر «ع»


طايح الاكـبر عـالثـــره
وامـه تــــون حـزنـانـه



تبچي وتنوح اعله الولد
الگلب  من عدهه  انمرد
رايدتـــه للعازه  سنــــد
وعليـــه بگـت حــيرانـه


طـــايح شبيه المصطفـه
بـعده على الدنيه العـفـه
نــــور البلعيـون  انطفـه
اعليه  الروح    لـهفـانــه
ـ

الاكبر طريح اعله الترب
دمـــه على الغبره يصب
امـــه تـنـــوح وتنتـحب
تگــول الولـد  مـاجانــه


اعلـه الولـد عــــازوهـه
بيـه الكفــــر فجعـوهـه
تبچي وتــــون خلوهـه
هـل ظـــلام  عــدوانـه


حـدر الضلوع اصــوابـه
ونــــار  الگلــب لـهـابــه
تصيـــح بصـوت يايابـه
الاكـبر خـــالــي مچـانـه


آ  يــالشباب  ويــومـه
ليـلى عليــه  مـالـومــه
مصوب علي بالحـومـه
وسفــــه بگـه بميـدانـه


تمـت بـعـون الله تعالـى
بـ✍️خادمـة الحسين "عليه السلام"
الملـه أم مـجتبـى 
نسالكـم الدعـاء بتعجيل الفـرج لصاحـب الزمـان( عـج)

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

(( لطمية لعلي الاكبر عليه السلام))
.........

ليله تصيح يبني ويا ضوه العين
صدعني بيك اه يوليدي البين
جرحك ارد اشده
بدموعي ونحيبي
=======
اه يبني ياحبيبي
ياثمر عمري يغالي
يبني عذبني اصيارك
واسهرت بيك الليالي
كول لاتخفي عليه
منو غيرك عندي والي
يبني جرحك ياكتر
دلالي يبني منفطر
من شفته مليت العمر
واصرخت والدمع هالي
يبني الروح لمصابك نحيله
وامك ياعلي بعدك ذليله
جرحك ارد اشده
بدموعي ونحيبي
========
اه يبني وضوه اعيوني
اه يالغالي عليه
اه يابهجه حياتي
اتروح خوفي من اديه
يمه عذبني زماني
وتدري دهري خان بيه
من يوم اجيت الكربلاء
وانه عليك اموجله
وادموعي يبني هامله
ريت وافتني المنيه
يمه للكلب انت دليله
ودمعي ياعلي غصبا اسيله
جرحك ارد اشده
بدموعي ونحيبي
=========
اه يبني ياعزيزي
اه يابهجه الدنيا
العمر مايسوه يمه
وانت المحلي عليه
الدنيا ماتحله بعيني
اله مانكعد سويه
انضر لطولك ياعلي
ياربي خلي اوليدي الي
هذا عزيزي من هلي
وحك فاطمه الزجيه
الهي بجاه ضلع امه الزهره
كلبي عله افراكه ربي صبره
جرحك ارد اشده
بدموعي ونحيبي
=========
اه يا دهري دبسك
بس بعد يادهر مني
كلبي مايحمل مصايب
لو اوليدي راح عني
شنهو يحصل انه بيدي
غير شوغاتي اووني
مالومه والله عله الولد
وافراكه لحيلي يهد
ياخوفي ابني مايرد
اه يبني صحت يبني
يبني والده وتدري شحالي
غيرك كل امل ياعلي مالي
جرحك ارد اشده
بدموعي ونحيبي
=======
والله هاضمني يالاكبر
من اشوفنك رميه
تلوج يايمه كبالي
ادير بعيونك عليه
امنين اجيب الماي يبني
اتريد انكطلك اميه
الماي وينه ياعلي
وناديت اه يمدللي
اشرب ادموعي الي تهلي
وانه الك فدوه وضحيه
دير الموت لامك ياعلي اليوم
شلي بالعمر يبني يمحروم
جرحك ارد اشده
بدموعي ونحيبي
=========
يا علي هاك اخذ مني
اعتاب عندي اوياك يمه
كلبي شيصبره يغالي
وحك عينك فاض همه
اشلون بيه اشلون بيه
ابني اشوفه يسيل دمه
موقف علي والله صعب
جرحك اشوفنه يصب
هاك اخذ من عندي كلب
يبني يالغالي عليه
جرحك ارد اشده
بدموعي اونحيبي
============
الحاجه ام إحسان
كتاب مجالس الثقلين ج 1
لطفاً لا تحذف اسم الشاعرة


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#من_ديوان_قُربانُ_الطف_ج_٣
#قصيدة لعلي الأكبر(تاخذ هالروح)
❥━──➸➽❥❂❥━──➸➽❥❂
امودع الله عمه يالاكبر صحت
انكسر ضهري وهاي بعدك مامتت
شحال لو عني تروح .. وياك تاخذ هالروح
امودع الله عمه يالاكبر صحت
❥━──➸➽❥❂❥━──➸➽❥❂
وداعت الله ياعلي من عمتك
گلبي يشبه گلب ليله لربتك
لجدي الهادي يعمه وداعتك
چنت من اشتاگ انظر طلعتك
يالغلاتك من غلاة حسين ابوك
بجدي الهادي صدگ من شبهوك
افراگك يهيج جروح .. وياك تاخذ هالروح
امودع الله عمه يالاكبر صحت
❥━──➸➽❥❂❥━──➸➽❥❂
بالخيم بعدك واحس بمصرعك
تصيح ياناس العطش چني اسمعك
وچني اشاهد هالسيوف اتگطعك
وبالحصير حسين اخوي ايجمعك
وكل جمالك عمه غاطيه التراب
وما اميز وجهك انه من الخضاب
چنه دمك مسفوح .. وياك تاخذ هالروح
امودع الله عمه يالاكبر صحت
❥━──➸➽❥❂❥━──➸➽❥❂
صاير السانك مثل قطعة خشب
وضاهدك ثگل الحديد من الحرب
اصفر من العطش مدري من التعب
گلبي من هالحال ياعمه انشعب
عمه وابالي اجت اشگد صور
مصرعك گدامي ياعمه حظر
فگدك يهد صروح .. وياك تاخذ هالروح
امودع الله عمه يالاكبر صحت
❥━──➸➽❥❂❥━──➸➽❥❂
طولك الهيبه يعمه چن گصر
بكل كتر وصله انتَ متگطع وذر
وين صارت سيف يخسفله گمر
آه يا عمه شكبر غدر الدهر
شوفتنه المانشوفه كربله
موت ويه العطش وانواع البله
وشچم عزيز المذبوح .. وياك تاخذ هالروح
امودع الله عمه يالاكبر صحت
❥━──➸➽❥❂❥━──➸➽❥❂
اوداعت الله روح حارب يالولد
ماكو شي ياعمه حته احچي بعد
هذا المقدره الله النه يالسند
لا اعتراض اعله الحكم لو عالعهد
حكمة الله شائت نشوفك چتيل
اعليك واعله القاسم المدمع يسيل
ويبقه طولك مطروح .. وياك تاخذ هالروح
امودع الله عمه يالاكبر صحت
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

١٤٤٧ - ٩محرم

خيرة الله من هلي
خويه وين ابنك علي
وين الأكبر * وين الأكبر
&&
من لگیتك طاح حيلي
حالتك حرگت دليلي
ويمتى الأكبر يعتني لي
ابشوفته ايبرد غليلي

خوفي ما يرجع إلي
خويه وين ابنك علي
وين الأكبر * وين الأكبر
&&
منهو هذا العل ترايب
ليش أشوفك يمه ذايب
گوم نرجع للغرايب
ولا تظل بين الحرايب

ليش يضحك عاذلي
خويه وين ابنك علي
وين الأكبر * وين الأكبر
&&
خويه أحلفك ابرقيه
گول لا تخفي عليه
ليش دمعاتك جريه
چنه الأكبر عالوطيه

ودمعتك ليش اتهلي
خويه وين ابنك علي
وين الأكبر * وين الأكبر
&&
منهو الي امگطعینه
ليش امهشم جبينه
والدمه امغطيه عينه
وياهو هذا الذابحينه

ياللي بالهم مبتلي
خويه وين ابنك علي
وين الأكبر * وين الأكبر
&&
گلبي گلي خاب ظنك
لا تگلي هذا ابنك
مختنگ واتموت چنك
لا تون يذبحني ونك

والصوايح تعتلي
خويه وين ابنك علي
وين الأكبر * وين الأكبر
&&

📝 #الشاعرة_الملاية_زينب_المؤيد
📚 #إصدارات_المؤلفة_٨٩_كتابا

تمت بحمد الله تعالى
*ونسألكم الدعاء لتعجيل الظهور*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده لعلي الاكبر عليه السلام

للحومه نــــزل شـــــرد الخياله
علي الاكبر شبيه النبي باافعاله

  ✿┈┈••  •✦♡✦•  ••┈┈✿
نزل للحومه بـﭼـه الڱوم بفنونه
قائدهم يصيح دخيل خلصونه
هذا ابن الحـــسين الماتعرفونه
هجمو فرد هجمه وڰطعو اوصاله
  ✿┈┈••  •✦♡✦•  ••┈┈✿

بالميدان خلاها الجثث طشـــار
ٲحتارو ياجهه يصدونها الكفار
الله ياجمـــــاله يشبه المــــختار
الدرع والطاس بيده السيف يحلاله

  ✿┈┈••  •✦♡✦•  ••┈┈✿

شاهر سيفه وينادي منو ينازل
خل يڰــرب سبعكم ليه ويقاتل
خلطـــتو بخوفكم حابلها بلنابل
انه ابـــن الهــمام اليرد عــــياله

  ✿┈┈••  •✦♡✦•  ••┈┈✿

ابـﭼـي العــــايل واڰلبها القــيامه
اتحـــده الشمر ينرل على جدامه
موش يودي واحد الي من ازلامه
اذا بي خير يقاتل موش برجـــاله

  ✿┈┈••  •✦♡✦•  ••┈┈✿

من الخوف يدز ارجاله للــــميدان
ماينزل بنفسه يقـــاتل الفرســـان
يدري بروحه يتفشل ويرد خسران
ويـخيب القائد ويڰــطعها امـــالـــه

  ✿┈┈••  •✦♡✦•  ••┈┈✿
تـםـت بـقـلـᓄ الــﺸـاﻋـره
ﺯﮪــﺭاء الـحـربــي

ونـسـال اللـه القــبول والتـوفيق

غــير مبـري الذمه من يحـذف اسـم الشـاعره

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعية للقاسم ابن الحسن عليهما السلام (( موش بخيمته الليله ))


بالميدان جاسم بات
موش بخيمته الليله


جاسم بات بالحومه
وامه اتصيح مهضومه
ليش تنام هالنومه
وروحي اخلافك انحيله


روحي االيوم خلصانه
انه امك يبعد انه
گلبي اتفور نيرانه
مايبرد شسويله


گلبي يفور مايبرد
اصد الراسك امرد
عفت حسين ماله احد
حاير وانهدم حيله


حيران اوحيد حسين
من عنده خذاك البين
ماتگدر تفك العين
ونعشك جيت افييله


اجيتك للحرب يبني
اصيح وماتجاوبني
اشلون بكربله تذبني
اگعد للحمل شيله


اگعد لاتخليني
انته ابني ونضر عيني
صيوانك يبچيني
وكلهه امكدره العيله


كلهه امكدره وتنعه
عفت الياس والشمعه
توحد مهجة البضعه
ويودع مداليله


✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك