فزاعيه للعباس ع {{روحي ويه روحك}}

روحي ويه روحك عالنهر
يابو الفضل مذبوحه.. 😭
❥❥❥ـــــــــــ✿🪶✿ــــــــــــ❥❥❥
عباس ضيعت الرشد
من طاح منك الزند
طگيت راسي بالعمد

والسوط متني يلوحه
❥❥❥ـــــــــــ✿🪶✿ــــــــــــ❥❥❥
يوجعني كلبي يل رحت
غالي ونظر عيني افكدت
خوصرت اختك من متت

وماعفت خويه النوحه
❥❥❥ـــــــــــ✿🪶✿ــــــــــــ❥❥❥
خليني ادگلك عالعظم
عباس ما امل اللطم
عالعلگمي رايح ظلم

وما تنگطع هالروحه
❥❥❥ـــــــــــ✿🪶✿ــــــــــــ❥❥❥
عالعين اشدلك لطمتي
عباس يا كل اخوتي
يا راحتي ويا دمعتي

بالعين الك مفضوحه
❥❥❥ـــــــــــ✿🪶✿ــــــــــــ❥❥❥
فليت خوتنه شعجب
ما گومك ليه العتب
محروم من ماي العذب

وخليت بيه اجروحه
❥❥❥ـــــــــــ✿🪶✿ــــــــــــ❥❥❥
بأقلام شاعرات الحسين (ع)
#الشاعرة رسل الابراهيمي
#والشاعرة هاجر الزينبية..
لا اجيز الحذف او التلاعب بالكلام ❌

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

هوسات


طب امشيخ العباس والرايه ع امتونه
وشال السيف اخوي وفرض قانونه
كلها تصيح منه فدوه الحكونه
طك عرج الشجاعه ومايريضونه

((وينه......... الريض عباس))


طك عرج الشجاعه وشاع بالحومه
خبط خيل وزلم والساحه مهجومه
اهتزت رايات العباس بعلومه
((اعلووومه.... الدكت بالغيم))

دك بالغيم رايه ابن الفحوله
وعلي نيران تمشي وتخط بريوله
خلت ارض الطفوف وكلها مجتوله
((ماخل شارب..... برض الحومه))

✍🏼إسراء اللامي


نسالكم الدعاء امانه هذن هنه انكتبن بس ايدي تتحرك. انصاحن باذاني وكتبت هوسات بيهن قضاء حاجه


عليجن العباس اندعلي بكل مجلس اريد الحيل لهذا اليوم ويوم العاشر
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

رباطات حماسيه حول ابا الفضل العباس



فوك الشريعه. طايحات اجفوفه

وغصبن علينه رايحين انعوفه


وتكول زينب ضيعيت الهيبه

ويا طحيت العباس ثاري انهيبه


ملفوف العلم. والعين مرميه

ومن صار الضهر ماكال بل جيه


جاليش رايح. وانه روحي اتريده

وياهو اليدللني. واكومن بيده


وشال ازماط زينب.مايردلهه

وكافل عكب اخوها بعد ماعدهه


البيرغ طاح وعيونه سهم بيهه

ويا جرح ابو فاضل حيل كاضيهه


اجفوف الدللني. اليوم مكطوعه

والله يعين روحي. الضايكه الوعه


وهم تدرون. زينب فاكده الزين

وضل بلا اخو من عكبه الحسين


منين الحيل ياعياس اجيبنه

وكون احزام فكدك زين اشدنه


فص عيني طفه. والروح هداها

والعشره ابو فاضل ليش شالاها


اخوي الزين. هذه اليوم فكديته

وخال ابني الحنين يعود حاجيته


اشلون اتعوفني. يا طيب الخوه

بعد ياهو اليشيل الضعن ياهوه


لخادمة الزهراء. العلويه ام جعفر
غير مبري الذمه من يحذف الاسم وياخذ الكلام وينسبه له او ياخذ مستهل ويكمل فزاعي عليه ج
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

هوسات للعباس عليه السلام ( ندبه وطلب حاجه )


اجيتك وبدليلي امكسره العبره
اليوم اقسم عليك بفاطمه الزهره
اريد امراد منك سيدي ونضره
اريد امراد ... منك ياشفيه
ابساع ابساع لاتبطي عليه
بجاه حسين والزهره الزچيه
الك وگفات حلوه وهاشميه
( وامجرب ياعم سكينه )


امجرب سيدي وماينكر فضلك
بيك اتحير التاريخ شيسجل وشيخطلك
تفزع بالكلافه ومحد يعطلك
ماتنقاس ... وگفاتك چبيره
ياعباس ياشيخ العشيره
اعرفنك شجاع وبيك غيره
دخيلك لاتخليني بحيره
( والخاطر زينب شافيني )


عزيزه ام الخدر عندك يكافلهه
اذا مشيه جبتهه اعليك شتگلهه
اعرفك ماتردهه ولاتزعلهه
ياعباس ... احلفك بالعقيله
انتم باب غفران اوسيله
گلبي انحيل وادموعي ثجيله
والهم غير چفك مايشيله
( چفك من يطي شمحلاته )


عطيتك مامثلهه اتوزع وتنطي
اوديلك رساله بدمعتي وخطي
دخيلك ياعجيد الراي لاتبطي
وعفت الناس كلهه ... وزامطت بيك
اجيت اليوم اذبن شيلتي اعليك
اعرفك باب حاجه واعتني ليك
واعگد رايتك وبشوگ احاچيك
( واحزامك ابابك حليته )


يم بابك يحلون الحزم كلهه
صعبه حاجتي وچفك يسهلهه
اريدك خدمتي ولطمتي تسجلهه
وهنياله التسجله ... بدفتر حسين
بالعز والشرف يربح الدارين
عالعباس الطموا ياموالين
ولاتنسون سهم الصوب العين
( وشافه عضيده  وگال احاه )
اصوابك يوجع ماننساه ... شافه عضيده
كون احذاك وضمدناه ... شافه عضيده
وچفك عالشط ضيعناه ... شافه عضيده
اليوم البيرغ عازيناه ... شافه عضيده
( اليوم انعازي البيرغ     مات الجيدومه )
( سهم الصوب عينك     صوب زينب ياعباس )



✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الطميه_بديوان_بحر_الولاء_الجزء_٢١_.


لطميه حيدريه للعباس عليه السلام


اختك بچت     يعباس يلوالي
خويه الهظم ذل حالي    اختك بچت
❥━──➸➽❥💔❥━──➸➽❥💔
اختك يخويه غريبه     اختك بچت
فگدك عليهه مصيبه     اختك بچت
طالت يخويه الغيبه     اختك بچت
من انخه تگعد يلولي حسبالي
❥━──➸➽❥💔❥━──➸➽❥💔
تسمعني يابو فاضل     اختك بچت
وين الوعد يلكافل     اختك بچت
يلعفت حملي مايل     اختك بچت
صيوانك المهيوب اصبح خالي
❥━──➸➽❥💔❥━──➸➽❥💔
يبو الفضل يعيوني     اختك بچت
بيك العده ايهابوني     اختك بچت
اگعد او حمل اضعوني     اختك بچت
علمشرعه نومك الشاده بالي
❥━──➸➽❥💔❥━──➸➽❥💔
اتكفلتني امنلوطن     اختك بچت
وينك يحماي الضعن     اختك بچت
بفراگك عيوني عمن     اختك بچت
مگطوعه چفينك وانه اشضلالي
❥━──➸➽❥💔❥━──➸➽❥💔
اگعد يحامي خيمتي     اختك بچت
ياسند ظهري او هيبتي     اختك بچت
يلضيعتني ابغربتي     اختك بچت
عطشانه تتلاعه يخويه عيالي
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

ابو ذيات للعباس ع

يبو فاضل
انته الأيذ بســـــــدك يمنته
وضحه بروحه للخوه. يمنته
كالو من كطعناهــــــا. يمنته

بشماله السيف شاله الضيغميه

**

علينه هاد اخو زينــــــــب شماله
وضك بينه الهوى ومامش. شماله
كالو حته لو نكطــــــــــــع شماله

بنضرة عينه يكضي الغاضريــــــــه

لعاشقة العباس
الشاعره ام عراق الشمري البصره


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*(( هوسات للعباس عليه السلام ))*


طب عله الحرب وعيونه تجدح نار
كال اليوم اسوي الماسده ولا صار
كلهه تنشد الفرسان گالو يمكن الكرار
( الواكف بلحد گالو حيدر لوعباس )
🏴😭🏴

مخبوصه العده ينشدون هاذه منين
ابن حيدر علي الگرار ابو الحسنين
اعيد اليوم بيگم خيبر وصفين
(اصول بصولة حيدر خافن ناسينه)
🏴😭🏴

داحي الباب اعيد بكربله ايامه
اليوم الشمر دمه يوصل چدامه
كل عايل يسطره اليوم علهامه
( وينه العايل يوگف چدامه )
🏴😭🏴

اليوم الحيد ياخذ حگه وزياده
ابد ميكابل الفرسان بس يكابل القاده
فوك الراس علك بيرغ عمة الساده
( راس الكافل دخن نار شتعلت بي )
🏴😭🏴

سمع صوت العقيله من الخيم عباس
تحشم ماي رادت من ابو النوماس
هد عله الشريعه ويطخ راس براس
( اليوم الكافل كطع روس الخياله )
🏴😭🏴

شال الماي بيده ابو راس الحار
وفوك الگنطره خله الزلم طشار
اشيل الراس وصلت للعقيله اخبار
( وزينب عودج وفه الخوه بجفينه )
🏴😭🏴


*(( كلمات الشاعره ام عون الحلاويه ))*


اطلب منكم تندعولي ان الزهراء تقبل خدمتي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#ملاكاة للعباس 🔥 🔥🔥 🔥🔥 🔥

#جديدة وحصريا

بين الشاعرة اسراء اللامي والشاعرة زينب المالكي


🔥 🔥🔥 🔥🔥 🔥

عيب يموت هذا اليرفع الرأس

الدنيا امكدره بموتك يعباس

((صارت ضيجه.. عباس اكعد))

🔥 🔥🔥 🔥🔥 🔥
الطف حزنان ويريد القيادات

من طاح الكمر طاحن الرايات

((شيل الرايه.... ياحيد افزع))

🔥 🔥🔥 🔥🔥 🔥

الحومه تصيح يمعدل يجيدوم

كلي شطاوعك عباس للنوم

🔥 🔥🔥 🔥🔥 🔥
((الحومة اختاضت. وبيومه))

🔥 🔥🔥 🔥🔥 🔥
كوم بساع يربات اليحكمون
وسفه اليوم بحدودك يهوسون

((رد العيله..... يامشكر فز))


🔥 🔥🔥 🔥🔥 🔥
والي ام عون. نام عالتربات
بعد بيمن تحشمن يالنجيبات

((ازماط العايل... بالهيمه))

🔥 🔥🔥 🔥🔥 🔥

صدك ميت // يا سطار العيون
يمروض الزلم والخيل بلكون

((اشهل النومه .. يربات الحد))

🔥 🔥 🔥 🔥 🔥

يريد احزام / يا يوم الاسباعية
وانت بلزلم اتعادل المية

((عباس وعلمك... هدانه))

🔥 🔥 🔥 🔥 🔥


ويا سبع الزلم / اكعد امن النومه
صدك ما ينحمل يومك يجيدومه

(( يا شياله .. السيف ايون ))

🔥 🔥 🔥 🔥 🔥


اليوم اعليك / مخبوصة الميادين

وكالوا طاح حيد امن السلاطين

((امطيحينه .. واحزام حسين))


🔥 🔥🔥 🔥🔥 🔥

يومك حار / واهلك ما يحملونه

وعلمك ما تحمله اختك الخاتونه

((المهضومة .. اتون اعليه))

🔥 🔥🔥 🔥🔥 🔥


غير مبري الذمة من يقوم بحذف الأسماء من القصيدة

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الشور_بديوان_أمير_الجنان_الجزء_١_.


شور للأمام العباس عليه السلام( يبو فاضل دخيلك )


يعباس جيب الماي لسكينه
يعباس جيب الماي لسكينه
يبو فاضل دخيلك
يبو فاضل دخيلك
❥━──➸➽❥💔❥━──➸➽❥💔
يعباس چم حيره أشوف بحيره
يعباس طفله يخي وأزغيره
يامن رحت راح الفرات بخيره
سكنه تنادي وماكو أهل بالديره
يعباس جيب الماي لسكينه
يعباس جيب الماي لسكينه
يبو فاضل دخيلك
يبو فاضل دخيلك
❥━──➸➽❥💔❥━──➸➽❥💔
عن العذب يا خويه شو منعوهه
وأعله المتن يا وسفه هل طگوهه
راح الكفيل أعدهه هل سمعوهه
بت الحسين أعله الجمر مشوهه
يعباس جيب الماي لسكينه
يعباس جيب الماي لسكينه
يبو فاضل دخيلك
يبو فاضل دخيلك
❥━──➸➽❥💔❥━──➸➽❥💔
عالمشرعه طاح الحبيب الغالي
سكنه تصيح وحشمت كفالي
يا وسفه بس شمر النذل يبرالي
ما يدري أبو فاضل عجيبه بحالي
يعباس جيب الماي لسكينه
يعباس جيب الماي لسكينه
يبو فاضل دخيلك
يبو فاضل دخيلك
❥━──➸➽❥💔❥━──➸➽❥💔
گلبي مثل جمره وأحس بضعوني
خلوني أروحن للنهر خلوني
يم عمي أريد أشبع بچي تركوني
بلكي يرويلي الضمه يعيوني
يعباس جيب الماي لسكينه
يعباس جيب الماي لسكينه
يبو فاضل دخيلك
يبو فاضل دخيلك
❥━──➸➽❥💔❥━──➸➽❥💔
عمي العطش ما ينوصف شمتاني
كل ساعة أعاتب بالخيم ما جاني
أگعد ونوح ودمعتي عنواني
ميت يوسفه أبو الوفه الجاباني
يعباس جيب الماي لسكينه
يعباس جيب الماي لسكينه
يبو فاضل دخيلك
يبو فاضل دخيلك
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

جديد 2025
قصيدة للامام العباس ع


للمصرع رحت … متعني اشوفنة
لن راسة بعمد مصيوب كافلنة

نادة بصوت الحگني يبوسكينة
اتعثر رحت مدري الدرب وينة
هد حيلي الكفيل مصوبة عينة
وشلون السهم محتار اطلعنة

يهد جبال ويبجي الصخر حالة
اخوي مگطعات ايمينة وشمالة
مدري منين اكضة شلون ادنالة
اخافن عالكفيل اشلون الجمنة

يم المشرعة متصوب وطايح
بدمومة الكفيل مخضب وسابح
يتعذر وحيلة ابو الفضل ورايح
يوصيني بخواتة خل يعذرنة

بيدية اخيي سلهم عيونة
ودع كافلج وني يمحزونة
هيهات الحنين ايرد تشوفونة
من عباس اخوجن گطعن الظنة

خلاني وحيد وماالي ناصر
مكسور الظهر وابهالوضع حاير
باجر انذبح ويدوسني الحافر
وجتالي غصب يختي ترفگنة

*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*(( قصيده للقاسم عليه السلام طور بلعباس احلفنك يلحسين ))*


جاوين العرس يبني    يعريس
بدمك ليش متحني    يعريس

بدمك ليش متحني يلوحيد
اريدنك ترد وگلشي ماريد
فراكك شيباني وحيلي يبيد
ماتبرد يجاسم نارك تزيد
نارك تچوي لهابه     يعريس
يلمتحني بخضابه   يعريس
بعد ماينگطع وني   يعريس
بدمك ليش متحني  يعريس
🏴🖤🏴

بدم الراس متحني يجسام
عمك يلولد چابك للاخيام
وصوابك گلف وشلون يلتام
ماحسبت گبلي يمه تنام
دهري مارحم بيه    يعريس
حسبالي تضل ليه   يعريس
ردتك لكبر سني    يعريس
بدمك ليش متحني يعريس
🏴🖤🏴

ضميتك ضخر يبني وتجيه
شلون تروح يوليدي من اديه
ضاع رباك كله وهاي هيه
دموع العين ماتنفع جريه
ردتن عود اعرسلك   يعريس
وافرحلك وهلهلك    يعريس
علمك تالي صوبني   يعريس
بدمك ليش متحني   يعريس
🏴🖤🏴

بمجان الفرح صارت مناحه
بيمن صبحت هاي الصباحه
جابولي الولد تنزف اجراحه
سهم البين گلبي اليوم لاحه
اه يلبين وافعاله     يعريس
خله دموعي هماله   يعريس
سهام البين صابتني   يعريس
بدمك ليش متحني   يعريس
🏴🖤🏴

دموع العين للعريس هليت
مافكرت منك يفرغ البيت
ليش عله الكبر يبني توازيت
ميته وياك يمحسر تمنيت
شسوي ضاله عدله    يعريس
خالي البيت ماصدله  يعريس
كون وياك تاخذني    يعريس
بدمك ليش متحني   يعريس
🏴🖤🏴

*(( كلمات الشاعره ام عون الحلاويه ))*


اطلب منكم تندعولي ان الزهراء تقبل خدمتي

https://tttttt.me/joinchat/AAAAAELdvGssZMurwfLsJA

هوسات للقاسم ع

لگيتك طايح ابدمك يجاسم والعرس ماتم
ابدال الحنه شو خليت. حالي عليك يتألم
ابروحي ما افكرت دوم بس لفرگتك اهتم

تحوم  الحسره ابروحي  . وخذيت انفاسي
🩸🩸🩸🩸

يانجم اليضوي الليل اظلم وكتي بخلافك
انرميت انه بمرار النوح ريت الگلب ماشافك
گلي بيا طريقه انوب.. حته انساهن اوصافك

بدلة عرسك يبني.... ظلت عصابه
🩸🩸🩸🩸

سويت المناحه اليوم يم راسك يبعد الروح
كلبي انذبح بالوعات مو بس نحرك المذبوح 
حاچيني ييمه ارجوك امك بعد وين تروح

البدر اشلون اتصوب.. واطايح بالحومه
🩸🩸🩸🩸

ابني  بعز شبابه يموت  ويفارك نظر عيني
يجاسم جا شلي بعمري شلي بعد بستيني
لاحنه وعرس سويت  وفرح من تلاكيني

الدنية اخلافك جاسم. ظيم اتراويني
🩸🩸🩸🩸


لجمني  الجمر يالعريس وانه بعازت الفرحة
عذاب الكلب بالدمعات حته الدمع ميشرحه
يبني اليوم تدري الروح من اجفاك منذبحه

الموت اخلافك يحله.. يالضاوي ايامي

🩸🩸🩸🩸

يماخذ دليلي اوياك احجي وياك حاجيني
بلكت ترجع الانفاس ويكف الدمع عيني
هو العمر شنهي ايفيد.. عكبك شنهي وسنيني

الدمعة طول وتعرض.. لجلك يالغالي
🩸🩸🩸🩸

✍🏻الشاعره مريم العبوديه اسيرة الاحزان


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*(( فزاعية للقاسم عليه السلام ))*


گاشخ بلدرع جسام
مارايد الهلهوله

🏴🖤🏴

گاشخ بلدرع والسيف
يذبح بلزلم علگيف
منهم ناوي ياخذ حيف
بلحومه لعب جوله
🏴🖤🏴

الحومه من نزل بيهه
طشر روس اهاليهه
رمله اليوم واليهه
مثل الحسن شهدوله
🏴🖤🏴

معزب للرگاب اليوم
بسيفه يذبح الجيدوم
رايد ينصر المضلوم
مثل عمه حلو طوله
🏴🖤🏴

يشب عمه العباس
منه ترچف الارجاس
بيه حسين شال الراس
ومتهني يگلوله
🏴🖤🏴

حسين يگله مهنه
موبلعرس بلجنه
طاح اليوم المجنه
خل تلطم المدلوله
🏴🖤🏴

جاسم طاح بلحومه
بلدم ناگعه هدومه
علي ونت المهضومه
وي امه الطموله
🏴🖤🏴

*(( كلمات الشاعره ام عون الحلاويه ))*


اطلب منكم تندعولي ان الزهراء تقبل خدمتي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة للامام القاسم {ع}

جديد 🔥🔥🔥🔥

الطمي عليه مات ومايرد ليچ
يرملة فراگ جاسم راح ياذيچ
ـــــــــــــــــــــــــــــــــــــــــــــــ💔
ـــــــــــــــــــــــــــــــــــــــــــــــ💔
نصبن مأتم العريس نصبنه
عريس الهواشم لايگة الونه
يفرحن بيه عمانه يريدنه

بالهوسات يارملة نلاگيچ
ـــــــــــــــــــــــــــــــــــــــــــــــ💔
ـــــــــــــــــــــــــــــــــــــــــــــــ💔
الطمي على الشباب نريد حدية
على الشبان وحسين وغوالية
وي ليلى على ابنه تگول مابية

كلنه وياچ هالليلة نعازيچ
ـــــــــــــــــــــــــــــــــــــــــــــــ💔
ـــــــــــــــــــــــــــــــــــــــــــــــ💔
فلشي خيمة العريس فلشيهه
وضمي حنته الشمعات طفيهه
وين الفاگدة وياهه دعينيهه

تكتل فرگته يالشال غاليچ
ـــــــــــــــــــــــــــــــــــــــــــــــ💔
ـــــــــــــــــــــــــــــــــــــــــــــــ💔
لطمي على الشباب الطاح بالحومه
مطبر بالسيوف وتنزف دمومه
بعد راح الحنين وضاعت رسومه

راح ابنچ يارمله مايمر بيچ
ـــــــــــــــــــــــــــــــــــــــــــــــ💔
ـــــــــــــــــــــــــــــــــــــــــــــــ💔
عيني ام الولدمن شال واليهه
يمه خلاف وجهك من يسليهه
شمحلاته يا يمه من يناديهه

وصعبة فرگت ابنچ نحزن عليچ
ـــــــــــــــــــــــــــــــــــــــــــــــ💔
ـــــــــــــــــــــــــــــــــــــــــــــــ💔
الزهرة وياچ يالجيتي تعازيهه
صواب ابن الحسن تگول مابيهه
بالونات صيحي وياهه عينيهه

ما ننسه الطفوف احنه نناديچ
ـــــــــــــــــــــــــــــــــــــــــــــــ💔
ـــــــــــــــــــــــــــــــــــــــــــــــ💔
✧►◄❖♦️❁♦️◐❖►◄✧
*✍️ام عـــــــــراق الشمرية(( بغداد*♦️ )
نسألكم الدعاء بتعجيل الفرج لمولانا
صاحب العصر والزمان عجل
الله تعالى فرجه الشريف
وسهل مخرجه
الى ارواح امواتنا وامواتكم
وبالاخص الى روح والدتي
ام مصطفى
واخي الشهيد مصطفى

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه لشجاعة القاسم ع

اطيني سيفي والعرس ماريده
عمي بين الكوم ضل اوحيده
..........
يمه كومي وياي شدي حزامي
اوكفي اكبال العده جدامي
هلهلي لوغار يمي احسامي
اليوم هوسي لوترست البيده
..........
لو رحت للحومه واتعنيتها
صيحي يبني الروس لوطشيتها
اجداث وانه ابن الحسن خليتها
ابنج بهل اليوم كيفه اوعيده
............
هاي موشيمة اسباع ومرجله
اليوم المبارز الجسامج حله
حيت وصاحت يبعدامك هله
بعد جفي ويوم حيدر عيده
...........
كام يفتر بالمعاره بزوده
ياهله بجسام خلفت عوده
هاي الك يبن الحسن مشهوده
اكبال عمه وكام يشمر بيده
.........
هذا عرسي وزفتي بالحومه
انه عمي البالحرب جيدومه
ابنج الميدان سجل يومه
وصارت الحنات دم اوريده

.✍ام زينب كربلاء غير مبري الذمه من ياخذ الكلام وينسبه له او يحذف الاسم القصيده من المآسي الفاطميه الجزء الثاني عشر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للقاسم عليه السلام



عماته بجن والولد يردنــــــــه
ويومك يبن اخونه حيل تعبنه
●▬▬✿ــــ♥️۩♥️ــــ✿▬▬●
يونن الابن اخوهن يوجع مصابه
ومحزونه تون امنگبه حبابـــــــه
بيت امك خله وضل يوحش غيابه
ضل خالي -----بيت امك بعدك
●▬▬✿ــــ♥️۩♥️ــــ✿▬▬●
خله يابيتها ومامش بعد جــيه
ويمه يالولد ماترجع اعلــــــــيه
على الباب انتظر ورجاك يوميه
حزنانه--------امك ماترجع
●▬▬✿ــــ♥️۩♥️ــــ✿▬▬●
يالطم الولد مريود جمعـــــيه
يتباجن خواته عليِ يومـــيه
وفراكه صعب ياناس مابـيه
يزفونه------عريس وأهلــه
●▬▬✿ــــ♥️۩♥️ــــ✿▬▬●
ياجاسم ييمه الروح محتاره
عماتك يكولن شال من داره
رايح يالولد ونگطعت اخباره
حزام يشدن------عماتـــــــه
●▬▬✿ــــ♥️۩♥️ــــ✿▬▬●
الطميله يرمله اليوم الطميله
يستاهل مناحه الولد نوحيله
حيل اعله صدر عمته تدكيله
اعله الهامه------يالطمه يلوك
●▬▬✿ــــ♥️۩♥️ــــ✿▬▬●

✮شـا؏ـــرة اهل البيت الـﻋلويـه
✮ام بـــهاء الديـــن المــوســوي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

🔥من ديوان شجعان الحربية الجزل الأول 🔥

فزاعيه للقاسم ((هذا ابن اليكرمون ))


وطب ع الكوم //هذا ابن اليكرمون
يوزع رؤس بثواب اليموتون

يوزع رؤس مايسكت عالعيله
العمامه لبسها وكاشخ الليله
بهدوم الشهادة ابن الكحيله
للحومه دخل ابن اليشورون

للحومه دخل والسيف يحلاله
والملعب اليوم بهوسه حياله
سبع وتلوكله چلمه الخياله
اهله عله الهظايم مايقبلون

اهله اسباع والعايل يردونه
ساده وبذكرهم انه ممنونه
رمله اعلولد هالرايده عونه
عينوا ام ولد يللي تلطمون

لطموا عالشباب الرايح امحسر
بالحومه يوم القاسم امطبر
حگها ام الولد عالفرگه ماتكدر
ياعريس يومك يعمي العيون

نومك نحل اعضامي يمحروم
للخيمه بحزن جابك المضلوم
الهامه امطبره والحيل مهدوم
موتك عذباني وموش بالهون


تمت بعون الله وتوفيقه

بقلم إسراء اللامي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#من_ديوان_قربان_الطف_ج٩
قصيدة للقاسم(ونن يعمانه)
((تقرأ فزاعية بهوسات وألحان أخرى))
❥━──➸➽❥❂❥━──➸➽❥❂
عله امصاب الولد ونن يعماته
اجروحه امكشفه وشم الهوه فاته
❥━──➸➽❥❂❥━──➸➽❥❂
لطمن عالولد والدمعه هلنهه
ورمله بالعزيز اليوم عازنهه
مهضوم عليه ما بطلت ونهه
توجع بالگلب ياناس طعناته
(صوابه مچيد واذانه)
❥━──➸➽❥❂❥━──➸➽❥❂
يصوابه كلف والروح صابهه
وامه محزنه وتنوح خلاهه
دهرهه بالولد ياناس اذاهه
حنت حته الضلع جسام وناته
(من ون ياناس انهد حيلي)
❥━──➸➽❥❂❥━──➸➽❥❂
دگن حيل يازينب وچلثومه
يا غصن الورد هل طاح بالحومه
ويا ذاري التراب مغير ارسومه
من شفته الگلب‌‌ ظل يجر حسراته
(متغير لونه يوليدي)
❥━──➸➽❥❂❥━──➸➽❥❂
يا لونه تغير والوجه اصفر
ويا حالي عليه اليوم متگدر
يناس بفرگته شحمل وشتصبر
مخضب يالولد ودماه حناته
(من دم الهامه محنينه)
❥━──➸➽❥❂❥━──➸➽❥❂
ردت بهدوم عرسه انظره اگبالي
ولا اشوفه امدد والدمع هالي
محتاجته حيل بعازة الوالي
عليه الگلب ظل مالوم باهاته
(اعليه اتفطر دلالي)
❥━──➸➽❥❂❥━──➸➽❥
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

يا المدلل فجعت امك يا جسام
عليك محيره والليل ما تنام
《《《《《♡》》》

عليك محيره وتناغي الهدوم
تصيح شلون يوليدي يجيدوم
اردن بضعن وحدي ياجسوم
ودفن بترابه تعب الايام/


ياسباح روحي ودم الهروش
شلون امشي وحيده بحر الشموس
كلبي عليك ها يوحيد مدهوش
من بعدك رفعت الحزني اعلام/

تدريه الولد للضيج يراد
يالعلمك صعب ويطر الفاد
من النوح كلب امك فلا هاد
بعد موتك ييمه عكلي هالهام/



حزني عليك ما ينفل يامنواي
بعدك يالولد ما ظلي كل راي
يصيوان الخدر ياظلي وفياي
ياخيمة محنه بسدك انام /



مدلول ويهد للحيل فركاك
فلت ونتهت عرشتنه وياك
راح امشي سبيه بوليت عداك
وتدري عداك يمه حيل ظلام/


*ناعية الخيام*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*(( هوسات للقاسم عليه السلام ))*


توسط بلحرب وسيف بيمينه
صاح الزامط المضلوم جاوينه
مثل عباس جاسم ماترف عينه
( من عمه الگافل نوماسه )
🏴🖤🏴

غيور ابن الحسن طالع عله العباس
من عمه الولد وارث تره النوماس
كال الرمله ماريد العرس والياس
( يايمه لعمي وحزميني )
🏴🖤🏴

عمي شلون اعوفه محير وحزنان
اخلي اليوم سيفي يحگم العدوان
مثل هدت علي من يهد علچيمان
( جسام الروس وطشاهه )
🏴🖤🏴

طش الروس ابنج والنعم منه
هلاهل للولد يارمله مو ونه
حصل عل يريده جاسم مهنه
( بلجنه الزفه يسووله )
🏴🖤🏴

حيدر والزجيه ابنج يزفونه
بفردوس وعدن عرسه ينصبونه
ابوه المجتبى وحيدر يحضرونه
( حيدر والزهره يهنونه )
🏴🖤🏴

*(( كلمات الشاعره ام عون الحلاويه ))*


اطلب منكم تندعولي ان الزهراء تقبل خدمتي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك