#محرم1440هـ_2018م
#نوحية للوداع
#لسان السيده زينب

ليــلة وداع يخويه ليــلة وداع
كلبي ملتــاع يخويه كلبي ملتاع


ليلــة وداع امتــلت هم وعذاب
بيها بس نوح وبجي صوت انتحاب
لو يطر الفجر باجــر كلبــي ذاب
الكه اخوتي مطرحــه فوك التراب

بعيني دمعات يخويه بعيني دمعات
ونظر شمات يخــويه نظر شــمات

********

وداع مابين الهواشم مدمعي ايسيل
حسين يوصي بعيلته وبوليده العليل
وانه احس بروحي راحت مني بالويل
ليلة احــزان ودمــع والنــوح ترتيــل

كلبي مهموم يخويه كلبي مهموم
المدمع ادموم يخويه المدمع ادموم

********

لو يطر مصباح باجر اشلونه حالي
وامشي مابين الخيم وصراخ عالي
ابجي مكسوره كلب ماعندي والي
مني راحو اخوتي المدمــع حلالي

بحرك الخيام يخويــه بحرك الخيام
وسوط ظلام يخويــه وسوط ظلام

******

امشي مابين الجثث ونخيت حيدر
ردت حلال المشاكل كون يحــظر
مشهد الايتــام تتراكض وســط بر
ردته بس يشوف من حــزو المنحر

والشعر شاب يخويه والشعر شاب
بموت الاحباب يخويه بموت الاحباب

******
تمت بحمد الله
19/9/2018
✍🏻آلــــّ؏ــلّويِـــــه آلّمٌوسويِــــۿ

https://tttttt.me/joinchat/AAAAAELdvGssZMurwfLsJA

#نوحية للقاسم (ع)


لسان حال رمله للقاسم ع(جلوه او ثقيله)


لـون حنه لو دمـــه بجـفوفه
رمله طلعت علولد ملـهـوفـه
كعدته وماكـعـد.. تكله يمه يلولد
فــــدوه يمــــه / فـــــدوه يـمـــه



هايه حنه لو دمه من اعيونه
وين اكــو عريس مـــيزفونه
وعرسه بين اموات ايسوونه
ومن ذراري الــكاع ايجفنونه

كعدته وماكعد .. تكله يمه يلولد
فــــدوه يمـــه // فــــــدوه يمـــه

❛ ━━━━━━･❪ ❁ ❫ ･━━━━━━ ❜

هذا ياعريس عرسه موتــته
مو ملابس بس جفن يابدلته
ركضت امه وبلــعبـايه لمــتـه
لان صارت بس وذر ياجثــته

كعدته وماكعد .. تكله يمه يلولد
فــدوه يمــــه // فــدوه يـــمـــه

❛ ━━━━━━･❪ ❁ ❫ ･━━━━━━ ❜

تندهه امه والدمع يتجاره
من الحزن والفاجعه محتاره
بيها جمره امن الزمن فواره
اه يجاسم جمـرته ويا نـاره

كعدته وماكعد .. تكله يمه يلولد
فــدوه يمــــه / فدوه يـــمـــه

❛ ━━━━━━･❪ ❁ ❫ ･━━━━━━ ❜

هايه رمله والدمع بعيونها
وبلــــولد النــاس ايعـازونها
وكل سنه بعاشور ايذكرونها
وشمعة العـريس ايعلكـونها

كعدته وماكعد .. تكله يمه يلولد
فــدوه يمــــه / فدوه يـــمـــه

❛ ━━━━━━･❪ ❁ ❫ ･━━━━━━ ❜

بيوم ثامن زفته واشموعه
الفاكد الشبان تجري ادموعه
من ونينه ينعرف موضوعـه
ميت ابنه وضاك هاي اللوعه

كعدته وماكعد .. تكله يمه يلولد
فــدوه يمــــه / فدوه يـــمـــه

❛ ━━━━━━･❪ ❁ ❫ ･━━━━━━ ❜

تمت
✍ #بقلم الشاعرة زينب المالكي

من #ديوان سلاطين الحومة الجزء الرابع
الخاص للشباب

غير مبري الذمه لكل من يحذف الاسم من القصيده ويتلاعب بها

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك