#الاربعين
#يا_مهدي

جينه بأربعينك يالغالي نعينك
هالعزا يظل دائم الحد ظهور القائم

؛**********************

المنتظر ويانه ايرتل ابقرانه
يمشي وي ممشانه بيا حسين السانه
هم يدگ ابصدره عالكطع ذرعانه

العالشريعة نايم لحد ظهور القائم

؛**********************

المهدي تدمه عيونه عالخضيب ابدمه
ادموعه تقره ازياره يبچي دم من همه
يصيح هـا ياجــدي عندي بس هالكلمه

اوياك اظل متلازم لحد ظهور القائم

؛**********************

البيعه اجه ايجددها ابمدمعه وجاريه
اويه المواكب كاصد والحزن طاريه
و الــيألـمــه أكــثر عمته المسبيه

اوياه تبچي الوادم لحد ظهور القائم

؛**********************

يحجي ويه الزاير مُنتَظَرنه بلهفه
يكله ابذل كلشي اولاتضنها كلفه
تحصل بيوم الحشر قربه منه وزلفه

وتلتزم بي لازم لحد ظهور القائم

؛**********************

سيدي يا لمهدي كلنه نطلب خيرك
نريد لمن تظهر انسير كلنه ابسيرك
ومن يفرح اگلوبنه ماكو واحد غيرك


بحبك احنه انقاوم لحد ظهور القائم

؛**********************

عالزجية ادموعنه نبجي و نهل عبرة
عالــعلامة البيـــها و عله عين الحمرة
وعله محسنهه السِگط الف آه و حسرة

الدمع لوعه راسم لحد ظهور القائم

؛**********************

✍🏻 ذكرى الخفاف
(اسم المنبر: جروح الغائب)

✿〰✿〰✿〰✿〰✿〰✿


قناة للقصائد النسائيه لجميع مناسبات العتره

👇👇👇
https://tttttt.me/joinchat/AAAAAELdvGssZMurwfLsJA


كروب قصائد والحان منبريه
👇👇👇👇

https://tttttt.me/joinchat/AAAAAD7f0FNmkN2JjlNIBw

قصيدة *[ #يا_أم_الحُسين ]*
توسل بالصديقة #فاطمة_الزهراء عليها السلام، 1439 هـ
______________

المستهل/

يافاطِمة ،يافاطِمة ،يافاطِمة يا أم الحُسين

1 /

يمّه يازهرا يَبضعة ، روح سيْد المرسلين
قصص عندي واردن اشكي ، لچ على جور السنين
وقبل ما ابدي يَزهرا ، إلچ مني يمّه عين
انتي مو سِطروا عيونچ ، آه يا أم الحُسين

ابوجهچ دِمه ، ابوجهچ دِمه ، ابوجهچ دِمه يا أم الحُسين


2 /

أول احچايه ابتديها ، يمّه وينه المُنتظر ؟
صار إلي مُدّه اناظر ، عالدرب ماكو أثر
هاي أرضنا بينا ضاقت ، اُو هاي مخنوق الصدر
كلمن ايصيح ابهمومه ، اُو كلمن ابهمه ايعثر

دمعي هِمه ، دمعي هِمه ، دمعي هِمه يا أم الحُسين


3 /

يمّه أمر الـما أشيله ، اُو لا يشيله اي أحد
فقد العزاز الغوالي ، الـما يعوضهم أحد
يروحوا سرعه اُو يتركونا ، وللجَرِح ماكو كَمد
حيل صعبه امفارقتهم ، اي قسم والله الأحد

الغالي افقده ، الغالي افقده ، الغالي افقده يا أم الحُسين


4 /

يمّه أعمالي قليله ، والذنوب اشقد چثير
آنه طمعان ابرحمتچ ، اقبلي العبد الحقير
إلهسه آنه ماني تايب ، والعمر أدري قصير
مُفترض ما ألفظ أسمه ، المهدي لو عندي ضمير

شقد آلِمه ، شقد آلِمه ، شقد آلِمه يا أم الحُسين


5 /

اشتكيلچ نفسي يمّه ، اُو عن وضع روحي اُبين
وألتجيلچ من شَهُوتي ، وانتي كهف الاجئين
استنقديني من شروري ، اُو مدي لي كلتا اليدين
ابصافي النيّه اريدن ، أخدم وأبچي الحُسين

لا ألچمه ، لا ألچمه ، لا ألچمه يا أم الحُسين


6 /

كلها قبرچ ودها توصل ، اُو هسه تو استوعبيت
انتي قرآن الله ياهو ، طاهر اُو يمچ يبيت ؟
ارتجيچ ابقبري يمّه ، اُو من اصيرن بيه شتيت
تحضريلي وتشفعيلي ، لون بالنار ارتميت

بالغاشِيه ، بالغاشِيه ، بالغاشِيه يا أمُ الحُسين .

_______________

بِـ قلم /خادمة وليِّ النعمة ( قصائد وليِّ النعمة )


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيده للأربعين (#يا خو زينب )

يا خو زينب گوم زينب جتي توهه من اليسر
ياخو زينب گوه تمشي جتي محنية ظهر

**🖍🖍

ياخو زينب گوم لختک جتي من درب الهظم
جتي مهمومه بگلبھه گوم صير الهه انته أم
گوم شجيھه يخوھه وكافي گلھه لا تهم
گلھه محنه وگلھه عدت چنتي ما بين الزلم

يا خو زينب گوم ليھه__ومنهه ابد لا تعتذر

_🖍🖍🖍_

ھله بزينب گوم گلھه بشوفتك تهده قليل
جتي علظيم اتوچه بعد ما ظل عدهه حيل
تگبعت بالنوح بعدك وانسمع صوت العويل
جان شي واحد اظنه صوتي يطلع مستحيل

ياخو زينب تالي زينب _يزمخ اعليهه الشمر

✏✏✏

گوم گللھه يختي اشفتي گولي من عناه
وليش متنج لونه ازرگ ليش مشگوگه العباه
خويه بس لا شمر طگچ محد الگلاله لاه

لا تجسر هاي زينب ____حرمه مابين الكفر

_🖍🖍🖍_

گلھه اشمن يلعقيله بالعباه ريحت حرگ
صدگ من غمضت عيني حرگو الخيمه صدگ
وگالو الملعون يذكر اسمي ويزينب يطگ
رادته يذلچ يزينب وانتي ذليتي الخلگ

يا خو زينب گوم گلھه _عفيه بختي ام الصبر

✏✏✏✏_


گوم گلھه گطعي ونچ يالعزيزه وبطلي
انه لو ما أمر الله ياهو يدنه الي
وامره تنخيتي سبيه وما اگول ادللي
جرمه بيه يبقه سبيچ اي وحگ غيرة علي

ياخو زينب گلھه سبيچ جمره تسعر للحشر
يا خو زينب گوم زينب جتي توهه من اليسر
_
* * * للشاعره رسل الابراهيمي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك