فزاعيه  لختاتمة المجالس زينب ع

وين سويتي العزه
يالراكبه عله الناكه
...........
جاوين نحتي عالخوتج
وانتي يسيره  بغربتج
ضلت بكلبج   جمرتج
ونار  الاخو   حراكه
..............
فوك النياك  والاطمه
جاوين ننصب ماتمه
ياريت  حضرت فاطمه
وبالطم صار املاكه
.............
ياضيم كلبج  ماسده
عفتي الاجساد امدد
رحتي سبيه ويالعده
والظعن شمر  الساكه
............

شلون دكيتي الصدر
ومجتفه بحبل الشمر
واسوه وياج  الدهر
وعله اخوتج مشتاكه
............
مشتاك كلبج عالولي
صحتي الحكو ياهلي
حسين نايم  بالخلي
وياج  ماكو  ارفاكه
...........

.✍ام زينب كربلاء غير مبري الذمه من ياخذ الكلام وينسبه له او يحذف الاسم   القصيده من  الجزء الرابع عشر  المآسي الفاطميه

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

https://vm.tiktok.com/ZMNvV2YkX/


ادعمونا بلايك ومشاركه

#الفزاعيه_بديوان_بحر_الولاء_الجزء_٦_.


فزاعيه للأمام زيد الشهيد عليه السلام


امصيبتك والله عظيمه
احاه يازيد الشهيد
🔹🔹🔹🔷🔹🔹🔹
جثتك ابليله خذوهه
ليش عدوان احركوهه
بلفرات طششوهه
يفجع امصابك مجيد
🔹🔹🔹🔷🔹🔹🔹
مثل جدك الحسين
راح راسك للعين
احاه ياناصر الدين
مثل ماسوه يزيد
🔹🔹🔹🔷🔹🔹🔹
مثل جدك ابو اليمه
السال عالتربان دمه
الدين يعله هذا همه
امصابك ايذوب الحديد
🔹🔹🔹🔷🔹🔹🔹
راسك اعله الرمح يبره
والدمه من عنده يجره
الظالم ابعينه ينظره
يخفي دين الله يريد
🔹🔹🔹🔷🔹🔹🔹
ابرمح راسك شيلوه
والجسد ليش اصلبوه
مثل جدك من ولوه
لا نصر عنده وحيد
🔹🔹🔹🔷🔹🔹🔹

*تـــمت والـــــفضـــ🤲ـــل لله تعالى*
*بقلم✍الشاعره أميره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قـصــيـده للسـيـده صــفـيـــه ع

❥❥ـــــــــــــ❁❂❁ـــــــــــــ❥❥

مـاتــت صـفيـه واليســر يبراهه
اليـوم زيـنـب خـل نــون وياهه

❥❥ـــــــــــــ❁❂❁ـــــــــــــ❥❥

مــاتــت صفيه بالضعن ياويلي
زينب تون وتكول هدت حيلي
عـمه عـلـيـج مساهره كل ليلي
تـراب لـحد للحلوه شو غطاهه

❥❥ـــــــــــــ❁❂❁ـــــــــــــ❥❥

نــاكــــه ودرب اضـلـم يشمات
صـفيه غمضـت بين الحنينات
راحــت روحهـا وتجهر الونات
عمــتها علـيهــا البـيــن بجاهه

❥❥ـــــــــــــ❁❂❁ـــــــــــــ❥❥

طـفلـه وبـل احبـال امكيديهه
مــا تـحمــل حـبل ترفه اديهه
كـٕل الـــنـوح والــونــه عــليهه
درب شــام لــــوعهــا وخذاهه

❥❥ـــــــــــــ❁❂❁ـــــــــــــ❥❥

ويلــي اعليج يل متي اسيره
عمـتــج بالدرب ضلت بحيره
هــاي مصـيبـتج كلش جبيره
زينـــب ياصفيه منهو عازاهه

❥❥ـــــــــــــ❁❂❁ـــــــــــــ❥❥

بــت حـسـيـن يالتنشد صفيه
مــاتــت بليســر ســوده عليه
تكول افراكهم خلـه اثـــر بيه
ياضـــيم الشمــر والله علاهه

❥❥ـــــــــــــ❁❂❁ـــــــــــــ❥❥

تــــمت بقــــ✍🏻لم خادمه أهل البيت عليهم السلام

✍🏻الشـــاعره الكبيره العلويه ام كنـــان الهاشمــي صاحبه دواوين أسيره الطفوف


لا أجيز من يحذف اسم الشاعره أو من ينسب القصيده له غير مبرئ الذمه أمام
الله وأمام الزهراء عليها السلام ✍🏻🧿

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#من_ديوان_عبرات_و_أنين_ج٤
قصيدة ثگيلة لدخول زينب (ع) الى الشام
❥━──➸➽❥❂❥━──➸➽❥❂
دخلت الشـام مسبــية     الوادم تنظر علية
واصيح بصوت يابوية     احضر ياعلي لية
❥━──➸➽❥❂❥━──➸➽❥❂
اه شلون طبيتة شام الظيم اذاني
تتفرج علية الناس ويسبون ولياني
ومن سوط الشمر حسيت والله نحلت ابداني
وينك ياعلي وتشوف اصيح ابونة مخفية
❥━──➸➽❥❂❥━──➸➽❥❂
گمت انشد يبو الحسنين وينك يالابو عني
ترضى اشلون يالغالي هاي الگوم تضربني
مسبية يسموني زغير چبير يشتمني
احسنة دليلي ذاب نار موجرة بية
❥━──➸➽❥❂❥━──➸➽❥❂
اسمع چلمة الشمات صعبة اهواي تدروها
كلها اتصيح معقولة زينب هاي شوفوها
چاوين الاهل عنها ليش اليوم خلوها
اسمعهم واهل العين دموعي دموم مجرية
❥━──➸➽❥❂❥━──➸➽❥❂
انة ام الخدر زينب ترضى شلون يالكرار
بيد الگوم مچتوفة ودمعي عالوجن نثار
ريتك ياعلي وياي بوية تشوف شنهي صار
من ثگل السلاسل هاي تنزف ظلت ايدية
❥━──➸➽❥❂❥━──➸➽❥❂
وشرد احچي ينور العين والله الروح خلصانة
محتارة بحرم وايتام ماترحمهم اعدانة
ريتك ياعلي موجود بوية وحاضر ويانة
بگيت اليوم محتارة ومني الروح محنية
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه  لدخول زينب ع  الى الشام

طبت الشام  عمتني  طبت الشام
ضيم الايام  كضاني  ضيم الايام

المن اشكيها المصايب
والحنين عله الترايب
طبت الشام  عمتني  طبت الشام
............
حيره حيرني الوكت واهلي نسوني
وين رحتي  ابياكتر ما   ناشدوني
ريت  ميته  والا  الجاتلك خذوني
خويه  للمجلس يسيره اوطببوني


مجتفه واحبال  بيدي
وانه اكل لروح  هيدي

طبت الشام  عمتي    طبت  الشام
...........
خويه اشيكيلك هظم يوم الخذونه
اباب ساعات  الحزن  من  وكفونه
وحده اتصد عله وحده وين اخونه
كون اهلنه بهل مصيبه ايشاهدونه

احنه  وي راسك وكفنه
والشمس حركت وجهنه

طبت  الشام  عمتني  طبت الشام
..............
من الدرب  يحسين تعبانه بناتك
لوتجي وتشوفها  حالت  خواتك
والشمس حركت اوجوه امدلاتك
الحك  اختك  كوم يالحلو صفاتك

خلي ابوالغيره  يجينه
ايشوفنه شلون انولينه

طبت   الشام  عمتني  طبت الشام
.............
وين  اخوي  وكافلي  واعتابي وياه
خل يجيني بساع مشتاكه التهاياه
ريت  ينضر  بالعقيله  اسوت اعداه
كبل  عيني  والنذل  يضرب ثناياه

شفته  بعيوني ضربهن
وسكنه  وارقيه شعبهن

طبت  الشام  عمتني  طبت الشام
..........

بعد ششكيلك  هظم كلبي وعذابه
اه  يكلبي  واه  ياهمه    وامصابه
اسعرت بدلال   يا  نار     الخرابه
اصار  كلي  يوم   نمنه   عالترابه

يخوتي باليلة  رقيه
انه ماضل حيل بيه

طبت  الشام  عمتني  طبت الشام


✍ام زينب كربلاء غير مبري الذمه من ياخذ الكلام وينسبه له او يحذف الاسم


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعية سريعة للحسن(ع)

ماجورة بمصاب الحسن
يم الحسن هالليلة

جينة نعازيچ ونون
يافاطمة كلنة بحزن
هالليلة مفگود الحسن
واعليه تنوح العيلة

تبچي عليه اعيالة
الموت وسفة جالة
النومة ماتحلالة
نومة الغالي اطويلة

هيهات مايرجع بعد
واحسين ظل بلا سند
وايصيح اخونة مايرد
وابحرگة ظل يبچيلة

وزينب تدگ عالهامة
شيردهة بعد ايامة
ظلو اولادة ايتامة
واعليه روحي انحيلة

الله يعين احبابة
الغالي سدو بابة
صعب وثگيل اصوابة
ياهو بعد تشكيلة

*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للامام الحسن"ع"
❥❥❥❥ـــــــــــــ❁❁ـــــــــــــ❥❥❥❥
فتشت عين ابو الحسنين
                        سموه جبدته اليله

نعازي ام الحسن هليوم
گلبها اعله الولد مهضوم
سموه العده المضلوم

دمعه المرتضئ يسيله
فتشت عين ابو الحسنين .. سموه جبدته اليله
❥❥❥❥ـــــــــــــ❁❁ـــــــــــــ❥❥❥❥
دمع المرتضئ همال
ثكل همه بثكل الاجبال
جتال الوجع جتال

راح اليعدل الميله
فتشت عين ابو الحسنين .. سموه جبدته اليله
❥❥❥❥ـــــــــــــ❁❁ـــــــــــــ❥❥❥❥
الله يعين والينه
تبجي عالولد عينه
امصاب الحسن ماذينه

تون هليله العيله
فتشت عين ابو الحسنين .. سموه جبدته اليله
❥❥❥❥ـــــــــــــ❁❁ـــــــــــــ❥❥❥❥
يونون علئ واليهم
فگده حيل ماذيهم
هم وحزن غاطيهم

الحره اليوم تنعيله
فتشت عين ابو الحسنين .. سموه جبدته اليله
❥❥❥❥ـــــــــــــ❁❁ـــــــــــــ❥❥❥❥
گلب ام الحزن جمره
تكول الكسر شيجبره
شال رويحة الزهره

وابويه منهدم حيله
فتشت عين ابو الحسنين .. سموه جبدته اليله
❥❥❥❥ـــــــــــــ❁❁ـــــــــــــ❥❥❥❥
للشاعره غدير الحساني


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#استشهاد الإمام #الحسن المجتبى عليه السلام
● طور : سمعي يمه فاطمه
.

فاطمه آنا الحسن
         ذاب قلبي امن المحن
جيتچ الليله ييمه چبدي مسموم
جيتچ الليله ييمه چبدي مسموم
〰〰〰〰〰〰
ذاب يا زهراء قلبي ، وذابت اوياه مهجتي
لو تشوفيني ييمه ، والله تصعب حالتي
باللبن سمتني جعده ، وقطعتها چبدتي
وادري متألم دليلچ ، هالمسيه لمحنتي

جيت يمه فاطمه
چبدتي متألمه
ووسط دلالي ييمه جمر مضروم
ووسط دلالي ييمه جمر مضروم
〰〰〰〰〰〰
جيت يمه استقبليني ، عندي يازهره كلام
وأدري يازهره يألمچ ، يمه يا بنت الكرام
آنا تدريني ييمه ، قلبي عن الفرح صام
لاچن بيا سبب نعشي ، يمه يرمونه بسهام

چبدي مو بس انمرد
چم سهم صاب الجسد
وجثتي ظلت يزهره تنزف ادموم
وجثتي ظلت يزهره تنزف ادموم
〰〰〰〰〰〰
بين جدي و بين قبرچ ، ردت يايمه اندفن
لبعد موتي ظل ييمه ، جاير اعليه الزمن
يمه منعوني أندفن ، يا زهره يم المؤتمن
مارعوا حرمة نبينا ، حاربونا أهل الفتن

ما كفی أهل الغدر
حاربوني بالقبر
ما كفاهم عمري كله اقضيته مهموم
ما كفاهم عمري كله اقضيته مهموم
〰〰〰〰〰〰
جيتچ بهاي المسيه ، يمه دلالي حزين
اشكثر مشتاق آنه والله ، يمه ذاهلني الحنين
جيتچ الليله ييمه ، أرد أساعد بالونين
أوياچ يا زهراء رايد ، أبچي لمصاب الحسين

لإخوتي انهل الدمع
وادري قلبچ منفجع
عالتريب الضامي دمعچ يجري كل يوم
عالتريب الضامي دمعچ يجري كل يوم
〰〰〰〰〰〰
جيت أشارك يمه دمعچ ، عالقضی دامي النحر
و أدري يايمه اعله اخوتي ، ايظل دليلچ مستعر
أدري يا زهراء ضلعچ ، يالحنينه منكسر
اهل دمعاتي اويه دمعچ ، يمه هالليله بقبر

وادري بجور الزمن
تالي واصحاب الفتن
ادري تالي ايظل ضريحي يمه مهدوم
ادري تالي ايظل ضريحي يمه مهدوم
〰〰〰〰〰〰
تمت بحمدالله تعالى
#فاطمة_كريم
نسألكم الدعاء لتعجيل الفرج
الفاتحة مع الصلوات إلى روح والدي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

ختاميه للامام الحسن ع

يحزام ظهري وياچبير خواني
فگدك ياعزيز الروح اذاني
گبرك شفتة بعيوني وبچاني

ياعم الولد ... من نومتك گوم
شلك باللحد بسك امن النوم
چاعدمن عفتني حاير اليوم
مكسور الظهر والحيل مهدوم
ماعندي سند وابقيت مهظوم
فگدك صوباني اصواب ميشوم
ودلالي يخوية اعليك ملچوم
من عندك يغالي صرت محروم
باچر انولي مابين هالگوم
واعليه المناية يالاخو اتحوم
ضامي انذبح واتسيل الدموم
(ردتك عوانة //وياي بيوم العاشر)

*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

شور للحسن ع نفس طور يافواطم للرادود محمد بو جباره
**
آنه زينب     كلبي يلهب     اليوم ودعت الحسن
***
كون ياليلة وداعك ماتمر
نار فكدك تلهب بكلبي جمر
يالحسن ينرادله لصبري صبر
ياحبيبي واحله ايام العمر
ودعتني    وحيرتني       روحي ظلت بالمحن
آنه زينب   كلبي يلهب    اليوم ودعت الحسن
****
جبدك اموذر اكبالي بالدمه
بالطشت ممرود كلبي ألمه
ريت ميته وريت بعيوني العمه
وين عنك خويه امك فاطمه
يمه غدروه   الحسن سموه    مايرد بيج الزمن
آنه زينب     كلبي يلهب        اليوم ودعت الحسن
****
سهم فكدك للحسين يصوبه
انكسر ظهره بروحتك يالمجتبه
بالطشت جبدك بأيده يكلبه
راح اخونه ورابع اصحاب العبه
انودعه بنوح     باجر يروح        للبقيع ويندفن
آنه زينب         كلبي يلهب        اليوم ودعت الحسن
*
ماكفاهه اعداك جبدك سمموه
يوم تشييعك يخويه اتنطروه
بالسهم وانبال نعشك صوبوه
والجفن بدموم جسمك خضبوه
ميت انصاب     جسمه نشاب    انصبغ بالدم الجفن
آنه زينب         كلبي يلهب       اليوم ودعت الحسن
**
يامصيبه ايشيب من عدهه الكلب
ميت وينصاب جسمك ينضرب
بالبقيع الكبر وابعيد الدرب
ليش ريحانة محمد بالغرب
جبده مسموم    كبره مهدوم      لامنارات وصحن
آنه زينب         كلبي يلهب        اليوم ودعت الحسن
***
أم علي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

للسيده زينب ع


جلجل الليل بونينه ... وين اخوي الذابحينه
امشي واعثر بلعبايه      حاف يوط الكه وروايه
وانضرب يم ابوسكينه     وين اخوي الذابحينه
...........

جلجل الليل بونينه وجيت لحسين الولي
صحت خويه بداعت امي انجان تسمع فز الي
انه زينب ياخو زينب فدوة كلي ادللي
كلي عد عيناج اجيتج     ردي وانه ابني ثنيتج
بعد ماطاحت علينه        وين اخوي الذابحينه
............
ابد ماحركلي راسه لان راسه منكطع
يمه بس دموم اشوف وظلع طابك علظلع
خنصره اعله الكاع شفته ومحبسه امخلي طبع
انكصت ايده الكص اصبعه    هوه محبس هيج طلعه
ليش كص اصبع ولينه    وين اخوي الذابحينه
...........
نحرك اتمنه احطه بحضني من فوك الرمح
خاطر انعه شويه خويه ويهده كلبي المنجرح
غافلت خصمك واجيتك ارد اظلن للصبح
بس اخاف يحس عليه   يجيب سوطه ويطك بيه
لونشد وين الحزينه    وين اخوي الذابحينه
.. .......   
ردت اشيل سهام صدرك بس اخاف من الالم
خويه والحيره الجبيره كلي اطلع ياسهم
بيدي اخافن لوسحبته نسحب جبدك اهم
حرمله اموسط النبله    بجبد اخوي وماهي سهله
والله مدري شطالبينه    وين اخوي الذابحينه
.............
حالته شسوت بحالي لمن شفته اتمرمرت
من ندبته ومانهظلي كتله ليش تغيرت
ولو حكك ياحبيبي هواي ضيم اتحملت
بدمك الطف غركيته     جرح ساكت مالكيته
وانوجع كلب الحنينه     وين اخوي الذابحينه


للشاعره رسل الابراهيمي✍


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة للامام الحسن(ع) مربوعة اوفزاعية جنوبية

ابو محمد اليوم ...يودع احبابة
گربت ساعتة وناوي علة غيابة

بدموع الحزن ودع اخياتة
وياهم يگضي هاي ساعاتة
تهد الحيل ياهالناس وناتة
اصوابة بالچبد وايعور اصوابة
(بالسم تمرد دلالة)

صابو چبدتة بالسم واذوهة
وياروح الامام اتلوع خلوهة
ايسو من علاجة وحالة عرفوهة
باچر يرتحل وايسدد ابوابة
(ايس دكتورة امن اعلاجة)

صعبت حالتة وصاح الوداعية
عنكم راح اروح وماالي جية
زينب شهگت ودمعتهة مجرية
بحسرة شبگتة واتشمهن ثيابة
(واتگلة وداعك اذاني)

تگلة اشلون اودعك ياضوة عيني
خوية فرگتك كلش تاذيني
شلك باللحد ياشمعة سنيني
مظلم يالحنين وحارة اترابة
(ابقى ويانة يعضيد حسين)

ليش اتعوفنة واتنام عالتربان
وايظل الحسين ابروحتك حيران
ديوانك حزين وتوحش الحيطان
ومظلم بيتك ومانوصل اعتابة
(شلون خلافك نگعد بي)

*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له*

https://tttttt.me/joinchat/AAAAAELdvGssZMurwfLsJA

لطميه لامام الحسن عليه السلام
===
ياعد الهواشم فاتحه اليوم
ع امصاب الحسن يل مات مسموم
====
عدهم فاتحه ميت الدهريه
شايل ياحسافه يبن البغيه
هذا بالكرم معروف طاريه
حزانه والساده الفكدك
===
عليه تبجي الساده وظلم الكونين
شايل وين عنه
ظنوة الطيبين
لمصاب الحسن خل تحزن الصوبين
ومصابك طكنه وبجانه
===
يافكد الحياده حيل اذانه
راح الحيد عنه وخالي مجانه
عليه مكدره وتنوح خوانه
وخوانه حزنانه وتنحب
====
يومك يبو محمد ما اضن ايهون
عليك انصب عراضله والكلب محزون
شايل ليش عنه وخوته يونون
ياهبه وفراك يصعب
===
تصعب ع خوانه شيلت الريسان
راح الجان هبه و
للكرم عنوان
هذا ابن الصميده داحي البيبان
شايل ياهبة خوانه
===
شايل وين صكار الدواوين
هذا الشال منه ركن من الدين
عليه تبجي عمامه وبجت عين حسين
عل عضيده حزنان حسين
====
تمت بعون الله بقلم
العلويه ام اسامه الموسوي
ابعث ثوابها لوالدي واخواني ومن يخصني امره


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعية للأمام الحسن عليه السلام (وايعينچ الله الليله)


امشنه انشوف زينب عالحسن شتگول
يون اگبالهه وبالسم وگع مچتول
تلطم واللطم شيجيب يامحصول
امصوب ياگلبهه وبايد ومعلول


  ( نزلة الفزاعية )


يازينب الله يساعدچ
ويعينچ الله الليله


ابن امچ تشوفينه
مسموم وتودعينه
وحسين تهمل عينه
مهضوم ويتچيله


مهضوم يصفج بيده
باچر يضل اوحيده
ويمشي الحسن للبيده
ويفارگ امداليله


ايفارگ ابنياته
ويرحل الطيب ذاته
بالگبر ليله يباته
تبچي عليه العيله


تبچي عليه اعياله
السم هشم دلاله
غسله حسين وشاله
يم الحزن ونيله


يم الحزن وني بعد
راح التچيه والضمد
گلبچ مثل گلبه انمرد
مسموم شسويله


مسموم مافاده الدوه
انحرم من شم الهوه
الدار مابيهه ضوه
للدار رد گليله


گليله رد الدارك
يالفارگت خطارك
عني گطعت اخبارك
خليت روحي نحيله


خليت روحي امهدمه
ياريحت امي فاطمه
عينك الحلوه نايمه
وحسين بايد حيله



من ديوان الفزاعية الحسينيه جزء الخامس
شاعرة اهل البيت
ام هجران العمارچيه
غير مبري الذمه من يمحي الاسم او يغيره

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للامام الحسن"ع" لسان ابنائه

يابوية تدري من رحت
وياك اخذت العافيه
❥❥❥❥ـــــــــــــ❁❁ـــــــــــــ❥❥❥❥
يالتنگط محنه وكرم
بجفاك نحمل ياألم
مابينه نتحمل هضم

العين بعدك طافيه
يابويه تدري من رحت . وياك اخذت العافيه
❥❥❥❥ـــــــــــــ❁❁ـــــــــــــ❥❥❥❥
خيمتنه حمل من وكت
الدمعه ماتسكت تكت
ياريت انه الي متت

ولا عينك الي غافيه
يابوية تدري من رحت .. وياك اخذت العافيه
❥❥❥❥ـــــــــــــ❁❁ـــــــــــــ❥❥❥❥
شمحلاتنه جنه سوه
يالغله عندي من الهوه
يل جلمتك ليه دوه

لجروحي جانت شافيه
يابوية تدري من رحت .. وياك اخذت العافيه
❥❥❥❥ـــــــــــــ❁❁ـــــــــــــ❥❥❥❥
مايشفه بجفاك الجرح
دلالي بعدك منذبح
يابوي ياوجه الصبح

يابو الحجايه الدافيه
يابوية تدري من رحت .. وياك اخذت العافيه
❥❥❥❥ـــــــــــــ❁❁ـــــــــــــ❥❥❥❥
شلون بيه يالولي
بجفاك بالدنيه شلي
يابعد روحي وكل هلي

ردلي يبعد العافيه
يابويه تدري من رحت .. وياك اخذت العافيه
❥❥❥❥ـــــــــــــ❁❁ـــــــــــــ❥❥❥❥
للشاعرة غدير الحساني


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#من_ديوان_دموع_و_عبرة_ج٢
قصيدة للامام الحسن (زينب خل نعازيهه)
❥━──➸➽❥❂❥━──➸➽❥❂
على المسموم زينب خل نعزيها
نلطم عالصدر والدمعة نجريها
❥━──➸➽❥❂❥━──➸➽❥❂
خنعازي العقيله اعله ابن والدها
مهظومة وتون والمدمع ابخدها
زينب عالحسن الله يساعدها
شدي لطمتچ والونة عليهه
❥━──➸➽❥❂❥━──➸➽❥❂
شدي لطمتچ للحسن مولانة
ونوحي اعليه والدمعات جريانه
لجلة ام الخدر هاليوم حزنانة
هلي دمعتچ والحرة عينيهه
❥━──➸➽❥❂❥━──➸➽❥❂
زينب محزنه وامكدره هاليوم
وتريد اليعازيهه ابگلب مالوم
هلو ادموعكم ياشيعه من ادموم
يستاهل امامي العين نعميهه
❥━──➸➽❥❂❥━──➸➽❥❂
منبطل ونين وبالگلب جمره
وانعازي العقيله والدمع يجره
ماجوره نگلها ونسچب العبره
مفجوعه باخوها الحره ندريهه
❥━──➸➽❥❂❥━──➸➽❥❂
مفجوعه بأخوها وتسچب العبره
تصيح بصوت وينچ يمه يا زهره
شوفي ابنچ يون وچبدته مفطره
لامها فاطمه اللوعات تشكيهه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة ثگيلة للحسن(ع)

ياحسين//الحسن مخطوف لونة
ياحسين //نظرة وداع بعيونة
منمرد دلالة ...... شوف خوية حالة
ياحسين //نظرة وداع بعيونة

گاعدة يمة واشوفن حالتة
شسوة ذاك السم يويلي بچبدتة
ظل يباوعلي ويهلهة دمعتة
نظرة وداع وحنين لعيلتة
يدري المفارگ صعب ...خوية ويفت الگلب
ياحسين //نظرة وداع بعيونة


خوية يابواليمة خنجيب الطبيب
بلكت الله ينفعة اعلاج ويطيب
احچي ويا لكن اهوا مايجيب
راح حيلة وماگدر يحچي الحبيب
وجهة ذابل وانشحب... خلص حيل من التعب
ياحسين //نظرة وداع بعيونة


مايطمن حالة خوفني ترا
ماسكن روعي وبقيت محيرة
ريت امنة هسة يمنة حاضرة
وياي وتعاوني عالصار وجرة
تحط اديهة عالجبين...بلكي ويگوم الحنين
ياحسين//نظرة وداع بعيونة

ماتحسن وضعة لا گادر يگوم
بس يون وعينة ماضاگت النوم
وانة بس ادعي وانوح ويمة احوم
ربي طول عمرة ويانة ويدوم
لكربلة نريدة ضخر ...يردع بسيفة الكفر
ياحسين //نظرة وداع بعيونة

سالت دموعة وانا گلبي رجف
چن بعد مايبقة ويانة عرف
چبير اخوتي انگضة عمرة ياوسف
اعليه ابچي لحد مادمعي يجف
اعمي اعليه النظر...اينام وسفة بلگبر
ياحسين//نظرة وداع بعيونة

*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك