https://vm.tiktok.com/ZMNbPnLtk/?k=1

التكمله

لطمية لأولاد مسلم عليهم السلام (للمسيب خذو طاهر)


للمسيب خذو ... طاهر يذبحونه
حگه يموت گلبي ولاتلومونه


حگه يموت گلبي ولحد ايلومه
خلاني الدهر ياناس مهضومه
شمسوي الطفل ذبحوه گبل يومه
عدوانه شيطلبونه ... للمسيب خذو


شمسوي الطفل ذبحوه عدوانه
اركض عالجمر والعين عميانه
اخوي حسين ضل نايم بميدانه
كلساع ويدوسونه ... للمسيب خذو


كلساع وتدوس اجنازته اهل الخيل
ماضل حيل بيه وراح كل الحيل
للمظلوم جراني الجدم بالليل
لنه اموذر بكونه ... للمسيب خذو


شفته اعله التراب اموذر امطبر
بس اجنازته وامسلب المنحر
عفت النار بخيام الحرم تسعر
اگله وجيت مذهونه ... للمسيب خذو


اجيتك ياعزيز الروح محتاره
اگله ادخيل سوي العيلتك چاره
صيوان الفواطم ماطفت ناره
واريدنكم تطفونه ... للمسيب خذو


وين البيه حميه وتاخذه الغيره
يطفي اخيامنه ويشوفنه بحيره
ياشجعان عفتونه غرب ديره
نحشم ماسمعتونه ... للمسيب خذو


نحشم ماسمع واحد حشايمنه
طاهر ضاع مني وچمل الونه
عباس الكفلني اليوم اريدنه
گالو راحن امتونه ... للمسيب خذو



لشاعرة اهل البيت
ام هجران العمارچيه
غير مبري الذمه من يمحي الاسم او يغيره


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

♠♠ للعباس ع ♠♠

امشينه لخيمة العباس
يازينب نون بيهة

♠♠♠♠♠♠♠

لمصابك نهل العين
يلضحيت بلچفين
ياريتك تشؤف حسين
وضلوعه امكسريهة
♠♠♠♠♠♠♠

الله يعين ابو اليمه
من شافة يصب دمه
متكاثر عليه همه
وزينب وين واليهة
♠♠♠♠♠♠♠

شلون تعوفنه وتروح
واعليك الگلب مجروح
ابو اليمه عليك ينوح
واچفوفك امگطعيهة
♠♠♠♠♠♠♠

طايح علشريعه اليوم
ياعباس ياجيدوم
واخته حالهة مهضوم
غيم كونهة اعليهة
♠♠♠♠♠♠♠

طاح وطاحت الرايه
والجود انچفة ومايه
زينب تعتب هوايه
والغربه سروا بيهة
♠♠♠♠♠♠♠

تمتتتت
بقلم خادمة اهل البيت
الشاعرة الملايه ام مريم العبوديه

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للأمام العباس عليه السلام


طاحن عالنهر بو فاضل أچفوفه
ويمه رايته هاليوم ملفوفه
❥━──➸➽❥❂❥━──➸➽❥❂
طاح أبن النجيبه الينحلف بيهه
وزينب بلخيم تبچي يواليهه
الكافل هل بطه أو ماعاود أعليهه
وتنتظره يرد للخيمه وأتشوفه
❥━──➸➽❥❂❥━──➸➽❥❂
كلش خايفه أمن العده الغداره
أتخاف أعله البطل ينگطعن أخباره
ومحتاره الحزينه أهواي محتاره
وكتلتهه أعله أخوهه الضيغم الخوفه
❥━──➸➽❥❂❥━──➸➽❥❂
كتلتهه أعله أخوهه الخوفه والونه
أتگل لحسين خويه وين كافلنه
أتئخر حيل وأنه أبخوف أنطرنه
وسكنه بلخيم دمعتهه مذروفه
❥━──➸➽❥❂❥━──➸➽❥❂
طاح أبن النجيبه البيهه لهيابه
مضروب أبسهم وأدمومه أحضابه
سبع الگنطره يلوج أعله الأترابه
والعدوان فوگه أصفوف مصفوفه
❥━──➸➽❥❂❥━──➸➽❥❂
طاح الكافل الطيب أبطباعه
وزينب تنتحب والروح مرتاعه
خطره اللي كفلني گالت أوضاعه
وأنصاب أبغدر كفالي معروفه
❥━──➸➽❥❂❥━──➸➽❥❂

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الجمعة / ٦ من شهر محرم الحرام
الموافق / ٢٠٢٢/٨/٥
                         

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده ثكيله بوزن عكيلي
للامام العباس عليه السلام


ياملفاها / ياملفاها
زينب طايح ياملفاها


والكفلاها / والكفلاها
مصيوب يون والكفلاها



والكفلاها نام اموذر
والحره اتنوح ومهضومه

وتريده يكوم ومايكدر
وتجر بلحسره ومالومه

حركو خيمتهه وماينهض
ومكطع فايض بدمومه


والهضماها / والهضماها
ويكص ايده والهضماها



فكدت عباس ومايرجع
كل ظنهه يظل يباريها

مكسوره وبلعيله اتباري
يوجعها السوط وماذيها

نيران الشر مارحمنهه
والكافل مايدري البيها


يابلوها / يابلواها
وجبير الطف يابلواها



ماتنسه الدلالهه ابجفه
بلسيف وزنده امكطعينه

محتاره وهيه ابوحدها
بسهام مصوبينه ابعينه


بسياط الكوم يضربوها
روح العباس وماذينه


والجاباها / والجاباها
عالشط نايم والجاباها



تركض بلطف وحيرانه
واطفال ونار ومحتاره

عدوان وهجمت تتراكض
مذبوح حسين وانصاره

بليل وطلعت للشاطي
وفاي تقبل بيساره



ماحاجاها / ماحاجاها
بس يعاين ماحاجاها




مشكوكه الجربه وبيمينه
وتسولف همهه وبلحركه

وبزوده وجانت محروسه
مشتاكه الوجه وللملكه

لادار ولاخيمه العدهه
سهرانه وماتحمل فركه



ون وياها / ون وياها
من ونت هم ون وياها



نسوان وطشن بلهيمه
مايكعد بيده يحاميهه

محتركهه ولاماي العدها
علنار وتسحك رجليهه

طلعت مهضومه وللحومه
عد راسه تريد يحاجيهه


ياعيناها / ياعيناها
مانشفت دم ياعيناها


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ الثلاثاء/2022/5/24
٢٢شوال سنة هجري ١٤٤٣
نسالكم🙏🙏🙏🙏الدعاء بتوفيق

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للامام العباس
___

الليله ابو فاضل وكع من مهرته
مثل ابوه ابراسه صارت طبرته

《☆》《☆》《☆》《☆》

الليله طاح الحيد شيال العلم
كطعو ذرعانه وبعينه السهم
استوحدوه والتمت عليه كل الزلم
طاح ابوفاضل الحلوه عشرته

《☆》《☆》《☆》《☆》

طاح والتمت عليه خياله
بالنبل جرحو جميع اوصاله
يعين كلبك يبو اليمه شحاله
من نضرت الحيد طرو هامته

《☆》《☆》《☆》《☆》

شلون حالك من نضرت الحيدك
للخيم حسين شلته بيدك
كتله ياخويه العقيله تريدك
كفيلها وحق التعب لو عتبته

《☆》《☆》《☆》《☆》

نخوتي لخاله الولد مريوده
الليله ابوفاضل فداها زنوده
كفو منه مانكرها عهوده
والنعم منه وكفو من غيرته

《☆》《☆》《☆》《☆》

اهنا ثلث انعام منك يابطل
ياغيور وياابن خير العمل
مارضيت بدمع زينب لو نزل
وفدوه دون حسين قدم ركبته

《☆》《☆》《☆》《☆

الشاعره نورس الحلفي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للعباس ع (ام اخوهه)

ام اخوهه ام الخدر
شلون يضربهه الشمر
ويعت شيلتهه الجليله
ياشمر هاي العقيله
ريت جفك ينبتر .....ام اخوهه ام الخدر
😭😭😭😭💔💔💔💔😭😭😭😭

ام اخوهه استارثت كل الحزن من فاطمه
ياشمر لاتطك زينب حيل حيل امألمه
شوفهه من الضرب حدبت والمتن يجري دمه
والحديد بنص اديهه ...ومشت للذابح وليهه
اتكله لتظن انكسر .... ام اخوهه تم الخدر
😭😭😭😭💔💔💔💔😭😭😭😭

زينب المالومه صارت ياحريمه بلا اخو
من بعد صوت ابو فاضل يامر اعليهه الشمر
الجيش متجيش عليهه شصار بلدنيه وشكو

العسكر ابلا رحمه اجوهه... واهظموهه براس اخوهه
تحملت هذا القهر .... ام اخوهه ام الخدر
😭😭😭💔💔💔💔😭😭😭😭
شعجب عباس ابو الغيره ماحرك نار الخيم
انتم تقنعوني يعني المانعه اعليهه السهم
خاف خجلان اخو زينب منهه ويحس بندم
خاف خجلان ابوفاضل.... ومارجع ليهه يقاتل

لأن ما جاب النهر.... ام اخوهه ام الخدر
😭😭😭😭💔💔💔💔😭😭😭😭
من وكع ضامي ابو اليمه ظل يدير عيوونه
جنه كام يصيح عوفو زينب المحزووونه
عوفو المخيم بحاله شعدكم تحركووونه
لاتكربون الخيمنه..... يستحن كلش حرمنه

وادري شيمتكم غدر.... ام اخوهه ام الخدر
😭😭😭😭💔💔💔💔😭😭😭😭
ورحتو لخيام ابو سكينه وروعيتو سكينه
وصحتو جاوينه ابو الغيره يسمع نساوينه
شلون نضربهه وتصارخ خويه فز اعلينه

احنه منهم موش خفنه.... نستحي وانته تعرفنه
شنهو ونخافه الشمر... ام اخوهه ام الخدر
😭😭😭💔💔💔💔💔😭😭😭😭
تعسكرو كلهم عليه رادوو يذلوني
انه اختك يابو فاضل حاشه ميمسوني
اشهدو محفوظ خدري حته لو يسبوني

سبايه راح اسبيهم اني.... يشهد اعليهه زماني
درس سويت اليسر ... ام اخوهه ام الخدر



للشاعرة رسل الابراهيمي 🖊️

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للعباس ع يخاطب نهر الفرات عندما غرف الماء بيده

شلون اشربك ياماي خليني اموتن بضماي

خليت اخوي وجبدته عطشانه
ضلت تلوج من العطش رضعانه

خليني اموتن بضماي .. خليني اموتن بضماي
.........
لمن وصل للمشرعه وشاف النهر بعيونه
الجبد ظامي ومنفطر والعطش غير لونه
ناشد الماي بعبرته جبد الحسين شلونه
ياماي والمثلي اخو وراعي وفه يسمونه

هلت عيونه بيمنته من شاله
واتذكر حسين وعطش دلاله

وهلت دموع الرواي ..شلون اشربك ياماي
................

اشرب الماي وارتوي واسمع بجه رضعانه
اختي الاعز من الهوه وسط الخيم عطشانه
لوسمعت الكافل شرب وبالماي روه ابدانه
شتكول عني ام الخدر جبدي ارتوه سمعانه

ادري تكلي عافيه يالغالي
هذا الاحسه واليدور ابالي

موهذا طبع الوفاي..شلون اشربك ياماي
..............
ياماي خن سولف سوه عن الوفه خلينه
ترضاها اشرب وارتوي وعبدالله سورب عينه
سكنه العزيزه مناطره وتصيح لحك بينه
حسين فت كلبه العطش وجود الاخو متانينه

لازم ارد الخيمتي ايتانوني.
كون الشفايف ذابله ايشوفوني

خجلان من اختي بهاي..شلون اشربك ياماي
...............

يازينب وهذا الوعد وحل الوعد هالساعه
عطشان اخوج ايرد الج والجربه فوك ذراعه
وفه الكفيل بخوته والعمر لاجلج باعه
الغايه اوصل للخيم ولطفالج التتلاعه

لو ماوصلت بجربتي عذريني
عباس وفيت الوعد سمعيني

ابموتي ارتاح هواي..شلون اشربك ياماي
............

اسود صبح لون النهر لمن سمع جلماته
من ذبن جفوفه العذب طاحن سوه دمعاته
من ترس جوده بيمنته شكال الغيور بذاته
يانهر سجل خوتي هذا الاخو اوكفاته

يمك اموت الجود من يتبده
سكنه ورقيه مناطرات الرده

عطشان اغمض عيناي..شلون اشربك ياماي


.✍ام زينب كربلاء غير مبري الذمه من ياخذ الكلام وينسبه له او يحذف الاسم القصيده من الجزء الرابع والعشرين المآسي الفاطميه

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للقاسم ع
***
للقاسم الليله العزه وام الولد عزوهه
***
رمله الولد عافاهه افراك الضنه اذاهه
كلنه ننوح وياهه للموت لاتنسوهه
****
بالحومه صارت زفته وبدمه عجنو حنته
طفو الليله شمعته وامه تون خلوهه
*
يحله اللطم للشبان شعدهم بنوم التربان
بكبور ليش العرسان هدوم العرس عافوهه
**
جرح الولد ماله دوه محروم من شم الهوه
كلب امه بفراكه انجوه بنار الهجر وجوهه
**
مافله حزني للأبد محلاك ياطول الولد
ماشوفه بعيوني بعد عميه العين صابوهه
***
برباك يبني اتعذبت وبسهر ليلي اتمرمرت
يوليدي كلي شحصلت سنين العمر ضيعوهه
****
هد حيلي يمه المصاب كلب امك الليله انعاب
شلك بنوم التراب ريت امك الدفنوهه
****
جسام يلفكدك صعب شيبت راسي والكلب
عفته ذبيح اعله الترب وراسه برمح علكوهه
*
أم علي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#قصيده للامام القاسم عليه السلام

طفوهه الشموع ابدمع طفوهه
راح وليدي راح المن تشعلوهه
ـــــــــــــــــــــــــــــــــــــــــــــــــــ

طفوه بدمعكم وابچوا ويايه
انه امه الحـــــزينه والمعزايه
وياكم اجيت حضرت القرايه
للعريـــــــــس ونتكم تعلوهه

ـــــــــــــــــــــــــــــــــــــــــــــــــــ

ونوا وياي يلــــجيتو تـعزوني
واسوني بدمع العيون واسوني
مابطــــل دمعتي يالتسمعوني
رمله ام الحزن لدوم ذكروهه

ـــــــــــــــــــــــــــــــــــــــــــــــــــ

حلم عدي جنت جسام ازفنه
وثوب الفرح بيديه البسنه
واكبر امنياتي اعجن الحنه
لحكوني العده والفرحه ذبحوهه

ـــــــــــــــــــــــــــــــــــــــــــــــــــ

ياهل ناس تدرون الضنه غالي
شكثر تحلم الام تعرس الوالي
وانه من زفافه تكطعت أمـالي
والفگدت ضـناهه مثلي عزوهه

ـــــــــــــــــــــــــــــــــــــــــــــــــــ

لتلومون كل من فگدت ضناهه
غالي الولد خصه العايش وياهه
وتشوفه صـــريع گــبال عيناهه
شيصير بگلبهه من يفجعوهه
ـــــــــــــــــــــــــــــــــــــــــــــــــــ
🖇تـمــت بتـــوفيــــق الله



🖊بـٲنامــل شاعرة ٲهـــل البيت عليهم السلام
زهـــراء الحــــربي

وغير مبري الذمه ٲمام الله واهل بيت محمد((ع)) من يحذف الاسم وينشرها ٲوينسب القصيده لــنفسه 🚫

💬ونسال الله التوفيق والقبول
وٲسالكم الدعاء👆

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

★•• لطمية لـ عريس كربلاء القاسم ••★
#تقرأ بـ لحن قصيدة((وسط گلبي شحلاتك))
♦️#طلب_الأعضاء

رباي وتعب سنين
خذاه من عندي البين
فده روحه لحسين .. ضنوتي
--------------------------------
يعذبني غيابه
أنوحن يا شبابه
اسعرت نار بوسط گلبي صحت بس ماكو إجابه
رباي وتعبي اريده
وسف گطعو وريده
تمنيت العرس يكمل واخلي الحنة بـ ايده
رحل من عندي ابساع
لاجل أمر الله طاع
هوى مرمي اعله الگاع .. ضنوتي
✺✺————✺✺————✺✺

طلع للحومة گاصد
لاجل عمه يجاهد
نزل وبسيفه هز اعداه ولاظل يَمّه واحد
سبع ياهو اليطوله
بتر روس اليجوله
يقاتل ما يهاب الموت رضا عمه ينوله
هدية انطاها الروح
ولا يشوفه مذبوح
امتلى جسمه بجروح .. ضنوتي
✺✺————✺✺————✺✺

بعد ميرد الية
رحل أبني من ادية
يعين املي الوجن دمعچ على الجت له المنية
بلاه شلي بحياتي
ردت ساعة وفاتي
خبر موته هدم حيلي وتغيرت كل صفاتي
عَلَّي شيرده الراح
طفى نور المصباح
ماتبرى اعليه لجراح .. ضنوتي
✺✺————✺✺————✺✺

ترضرض أبني جسمه
تغير حتى رسمه
يمن فدوه أنه لطوله والف بسم الله لـ اسمه
گمر يتلاله چنه
شهم شرد احچي عنه
يلب احشاي وكل عمري يميت ما تهنه
غمَض عطشان الماي
مُظّلمة اصفت دنياي
عليه متفطرة احشاي .. ضنوتي

✍🏻#ولائـية_وافتـخر (دعـاء العـامـري)
❌لاأجيــز حــذف الأســم❌
✺✺————✺✺————✺✺

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

موشح مجلس القاسم ابن الحسن عليه السلام 1444هـ
….
هلهلت رمله اوتهل عيناها
اليوم هنوها ابعرس اضناها
….
اليوم هنونها ابونات اودمع
جاسم امعرس اومحنية ضلع
ابهلعرس دلالها بيه ينفجع
اوتعتب ابحسره على دنياها
….
اليوم رمله محزنه اومالومه
عرس جاسم غاطياته اهمومه
حنته جسام من ادمومه
اتنوح وتنوح الحريم وياها
…..
اتكله ياجسام يبني اومهجتي
جنت اتمنه ابعرسك فرحتي
لجن صارت بيه يبني نكبتي
امك ابيوم العرس بلواها
…….
عرس جاسم بيه والدته تون
والهلاهل بيه شمعات الحزن
عله ابنيهالبست اثياب المحن
اتنوح وياها الارض وسماها
……
اتعاتب الدنيه وتزيد الاعتاب
ليش جاسم ابني وبعمر الشباب
ليش گلبي اتصوبيه اعظم مصاب
امصاب ابنها حرك لب احشاها
….
الحاجة ام احسان الخاقاني


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*قصيده ال القاسم ابن الحسن* من ديوان نحر الحسين ع الجزء الاول




*شلون انسه الولد وتنام العيون*
*عليك الحيل يا جسام مرهون*



شلون انسه الولد وتغمض عيوني
ومنه ايست وخابن اضنوني
وياه اتوسد التربان خلوني
الفكدت والده تغمض اشلون


عيني لا غمضت لا مرهه النوم
وحيلي عليك يبني صبح مهدوم
اشلون ينام يمن ابكبر ميشوم
تراب الحار غير منك الون


يا تجايتي اويا شوف البعيني
تلهوني مصابك حيل ماذيني
بيام الكبر ردتك تباريني
تره يومك علبه موش بلهون


تعب الي تعبته راح مني
هويت المكبره يلولد يبني
وبيه توسدت واني عفتني
بفراكك ييمه الكلب مجنون


انساك اشلون تنساني المنيه
يمه موش الك الموت اليه
حسبالي تضل لمك تجيه
عليك من البجه مجروحه الجفوف


عتابي ما تسمعه ليس يا يمه
زاد عليك يوليدي الكلب هضمه ما تدري الكبرحيطانه ضلمه
العوز الدهر رتك تضل عون


*لخادمه الحسين العلويه ام إياد لا يجوز حذف الاسم اهدي ثوابهه الى شرف النبي محمد وال بيته والى روح والدي السيد قاسم ابن السيد عطوان الفاتحه*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة مجلس علي الاكبر عليه السلام محرم 1444هـ
…..
ليله اتنادي المعبود
والدمعات سياله
اريد ابني علي اترده
ابجاه المصطفه اواله
…..
علي الاكبر ركب مهره
اويدري ابنه وصل حده
اوكامت ضهضبه اوغبره
اومحد يوصله اشحده
كلها اتعجبت وتصيح
شبيه المصطفه جده
وابو اليمه ينشر اعليه
اودمعه ايهل على خده
صاح ابساع يا ليله
طبي الخيمه ادعيله
ابنج طايح ابشده
فارسهم تعناله
….
طبت ام علي الخيمه
اوشالت درها بيديها
ونادت يا اله الكون
لهفتي ربي تدريها
اوحيد ما الي غيره
علي الاكبر يباريها
ابجاه احسين وبچبده
االعطش يبسها ماذيها
سالم ابني اجيبه
وبعمته الغريبه
ردلي ابني يرب الكون
بدمعة عين هماله
….
ساعه اولن علي الاكبر
يرد لحسين ويكله
يبويه العطش فت جبدي
اوبهظني درعي اوثگله
بچه احسين اوحضن اينه
اوحنانه ابدمعه اليهله
وحك جدك انه مثلك
العطش يابويه متحمله
يبويه روح طمن امك
تسألني علي عنك
عليك اتلوج يابويه
مالومه ابأشد حاله
….
طب للخيمه وينادي
عله امه اوسلم اعليها
لكاها طايحه اعله الگاع
حب رجليها وايديها
ييمه انه علي ابنج
يگعدها اويحاچيها
اطمنج يمه هذا انه
نصرني الله اعله عاديها
فتحت عينها ليله
وتكله اوتشكيله
سالم يالولد يبني
الشكر لله عله افضاله
……
ودعها اومشه عنها
اوبعد مارد علي ليها
اوضلت تنتظر جيته
وابو اليمه يعزيها
يكللها الخلف بالله
هلمحنه احمليها
يليله ابنج. استشهد
يصبرها اويسليها
كلبها اعله الولد نصين
غرگانه ابدمع العين
غيره ولد ما عدها
اوهمها ايريد شياله
….
اجت زينب تون وتصيح
ابنك وين يبن امي
يخويه احسين حاجيني
عله الاكبر اوفهمني
يخويه ليش گلي ليش
حالك حيل هاظمني
يكلها اودمعته ابعينه
يزينب راح مني ابني
تگله والدمع يجري
يخويه احين ماتدري
مرد گلبي امصاب ابنك
اموذر جبته اشحاله
….

الحاجه ام احسان الخاقاني

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

ثكيله للأكبر ع نفس طور شمعة ضواي للحاج باسم الكربلائي
***
فكد الشباب ماينحمل
ليل ونهار دمعي يهل
**
ليله تنادي ياعلي يبني اجيتك
امطبر عله ذاري الرمل دامي لكيتك
لو بيدي يبني للأبد مافاركيتك
اتوسد وياك بلحد يالخالي بيتك
انعه وانوح لا ماأمل
ليل ونهار دمعي يهل
**
يبني انوح بفركتك وكليبي ذايب
شللي بحياتي ودنيتي ووليدي غايب
صارت بعيده شوفته اغله الحبايب
آ ياشبيه المصطفه يبن الاطايب
امك تروح فوك الهزل
ليل ونهار دمعي يهل
***
لجمرة مصابك ياعلي زايد عويلي
سيف الاعادي الطبرك طبر دليلي
امكطع اشوفك عالترب يادمعه سيلي
اشفافك يفطرهه العطش ضامي يويلي
ظهري انحنه وماينعدل
ليل ونهار دمعي يهل
****
حسين لشبابك ياعلي هايج حنينه
ياواحد امك من رحت معميه عينه
يبني عله الدنيه العفه ينادي بونينه
حيله انهدم من طيحتك ياهو اليعينه
دمك يفيض بي تنغسل
ليل ونهار دمعي يهل
**
بالخيمه شفتك ياعلي الشوفه الاخيره
دمعي اويه دمك ينخبط محتاره حيره
وليدي اعوفه ابلادفن ماعندي غيره
ضميتك لصدري ورحت امشي اسيره
يبني ويجتفوني بحبل
ليل ونهار دمعي يهل
***
أم علي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده لعلي الاكبر عليه السلام

للحومه نــــزل شـــــرد الخياله
علي الاكبر شبيه النبي باافعاله

  ✿┈┈••  •✦♡✦•  ••┈┈✿
نزل للحومه بـﭼـه الڱوم بفنونه
قائدهم يصيح دخيل خلصونه
هذا ابن الحـــسين الماتعرفونه
هجمو فرد هجمه وڰطعو اوصاله
  ✿┈┈••  •✦♡✦•  ••┈┈✿

بالميدان خلاها الجثث طشـــار
ٲحتارو ياجهه يصدونها الكفار
الله ياجمـــــاله يشبه المــــختار
الدرع والطاس بيده السيف يحلاله

  ✿┈┈••  •✦♡✦•  ••┈┈✿

شاهر سيفه وينادي منو ينازل
خل يڰــرب سبعكم ليه ويقاتل
خلطـــتو بخوفكم حابلها بلنابل
انه ابـــن الهــمام اليرد عــــياله

  ✿┈┈••  •✦♡✦•  ••┈┈✿

ابـﭼـي العــــايل واڰلبها القــيامه
اتحـــده الشمر ينرل على جدامه
موش يودي واحد الي من ازلامه
اذا بي خير يقاتل موش برجـــاله

  ✿┈┈••  •✦♡✦•  ••┈┈✿

من الخوف يدز ارجاله للــــميدان
ماينزل بنفسه يقـــاتل الفرســـان
يدري بروحه يتفشل ويرد خسران
ويـخيب القائد ويڰــطعها امـــالـــه

  ✿┈┈••  •✦♡✦•  ••┈┈✿
تـםـت بـقـلـᓄ الــﺸـاﻋـره
ﺯﮪــﺭاء الـحـربــي

ونـسـال اللـه القــبول والتـوفيق

غــير مبـري الذمه من يحـذف اسـم الشـاعره

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطمية سريعة لوداع ليلى
لعلي الأكبر

جديد ١٤٤٤هـ

القلب منها تفطر
ودعت ليلى الأكبر
💔💔💔💔💔💔💔💔
ياعظم والله المصاب
القلب ياوسفه ذاب
بعده وليدي شباب 😭💔
ياعلي الله أكبر
""""""""""""""
شبكت الغالي بعشرها
ضمّته تالي بصدرها
ياضوى عيوني وبصرها
وداعة الله ياغضنفر
""""""""""""
يابني يالغالي عليه
تروح يايمه من ايديه
منذبح بالغاضريه
وانظرك يابني معفر 💔💔😭
"""""""""
اظل من بعدك سبيه
واطب في مجلس دعيه
عدوان تتشمت عليّه
ياوسف 🩸 دمّك مطشّر 💔
"""""""""

اللهم عجل لوليك الفرج
السلام عليك ياصاحب الزمان

✍️خادمة اهل البيت
فاطمة المسلم
ام محمد

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده لعلي لاكبرع وزن الميمر
مستفعلن مستفعلن مستفعل


يمه يالاكبر اكعد وحاجيني
مهظومه حيل بغيبتك تدريني


يمه يالاكبر روحي هلممروده
عمك وكع عباس طايح جوده
حشمتك اوليدي تره ومريوده
فراكك صعب يايمه هلكاظيني


عيوني عمن يلغالي هايوليدي
ارجع يالاكبر بيدك الزم ايدي
كلي ييمه ارجوج اسكتي وهيدي
مايهده جرحي ولايهود اونيني


يالرحت مني ومابعد ترجعلي
ردتك تجيه لكبري ياتالي اهلي
اتكوم اليه ابساعتك تنهظلي
ارجوك اكعد فدوه لاتخليني


يلتشبه آل مصطفى بحساسك
جسمك بقه ومخمدات انفاسك
موذر ييمه عالرمح شو راسك
راحت مشت وياك كل اسنيني


خلوك مرمري عله لارض وبدمك
موتك فجعني يالولد انه امك
خليني اسولفلك واظلن يمك
خافن رحت للموت جن ناسيني


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ الخميس/20226/30
٣٠ذوالعقده سنة هجري ١٤٤٣
نسالكم🙏🙏🙏🙏الدعاء بتوفيق

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك