قصيده ثقيله لشباب القاسم
وتقرا لعلي الاكبر ع
▪️▪️▪️▪️▪️


أه يالولد يلغالي. امك تريدك والي
ردتك ضخر قبل الموت
ردتك تشيل التابوت
اه يلولد يلغالي



رتك الي رفعت راس
مهيوبه اظل بين الناس
يومك صعب ماينقاس
شمعت حياتي طفيت//
ظل موحش اعليه البيت//
بس لاحزن ترضالي. اه يلولد يلغالي




ردتك تظل بس اوياي
ماردت تعبي ورباي
لعيوني يبني انت الماي
انت النظر بعيوني//
يل بسمك ينادوني
يل شوفتك تحلالي. اه يلولد يلغالي



بوجودك امضوي البيت
لوصحت يبني او ناديت
اتمنى سالم ظليت
لوصحت او جاوبني //
يمه اشحلاتك يبني///
طولك اشوفه اگبالي. اه يلولد يلغالي


صوتك يرد ليه الروح
ويداوي كلبي المجروح
ماحسبت مني اتروح
يبني بعد ما اشوفك//
وسفه ييمه اعوفك///
ونهدم صرح امالي. اه يلولد يلغالي


شخصك خله من الدار
وشتعلت ابكلبي النار
ارجع لبوك المحتار
بهل سرعه يوليدي امشيت//
وتركنه مظلم البيت//
بالدنيا غيرك مالي
اه يل ولد يالغالي

مثل الحلم عمرك مر
ماجن عشت يالاكبر
نايم على الرمل الحار
يادهر غالي اوليدي//
لكن عليه اشبيدي//
تگظي العمر حسبالي. اه يلولد يلغالي
.....................
تمت بعون الله
بقلم خادمة الحسين
ام نور المله

❣بغداد.......رماد الطف
قناة خاصة بخادمة الحسين و الشاعرة ام نور المله


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

مسلم ثبت الرايه بكوفان

تشهدللك الكوفه وبيها عنوان
〰️〰️〰️〰️

ثبت رايته وبيها عناوين

مثل عمك علي بيوم صفين

سكتها الزلم بجاها كل عين


((( خافو منه. وماكدروله)))

〰️〰️〰️〰️


شجاع وبلمراجل تكلف ايامه

يزمط بلعد ه وماهبط الهامه

طشر جيش عسكر كتل ازلامه

(( يكتل والسيف يحيله)))

〰️〰️〰️〰️〰️

طوعه شاهد ت وتشوف صولاته

معدل يابطل يامحله هداته

رفع برض المنيه اليوم رايته

(( بكل صوله طوعه تسميله)))

〰️〰️〰️〰️〰️〰️

ماخذ ها المراجل من بني عدنان

ياحيف واسف بيك الدهر خان

جابوك بحيالهم ذوله عدوان

(( حفروله مسلم وتنكطر)))

〰️〰️〰️〰️

يوم الطاح مسلم نادى ابو سكينه


الله يساعده ولله اليعينه

كون اليحضر العباس وينه

((( مصوبينه بلحفره الهيبه)))

〰️〰️〰️〰️〰️

من فوك القصر مسلم يشمرونه


مايدون بي اهله ويلحكونه

بهوسات وعراضه خل يشيعونه

(( جاوينه خبرو عباس)))
✍🏻بقلمي الفقير خادمه البتول المله ولشاعره ام نادين المحمداويه

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه لليله العاشر

سهرانه الليله ام الخدر
الوداع ماذيهه
🖤🖤🖤
لاغمضت لانامت
الروح منها هامت
تفتر عليهم گامت
تخاف الصبح يلفيهه
🖤🖤🖤
شلون لو طر الفجر
باجر يسلبون الخدر
والخيل تسحك عالصدر
والروح شيظل بيهه
🖤🖤🖤
وشلون باجر لو اجه
وذباحهم بيهم حجه
ماكو أمل ماكو رجه
بكربله موذريهه
🖤🖤🖤
تنادي الحگ ياعلي
باجر يذبحون الولي
وعالنهر يغفه كافلي
وجفوفه مگطعيهه
🖤🖤🖤
طول يليل دخيلك
بساع تمشي بحيلك
ارد اگعد واحجيلك
فجرك تره ايذيهه
🖤🖤🖤
ليلك تره يسوه العمر
بساع فدوه لاتمر
باجر يجينه الامر
الحره السبي تاليهه
🖤🖤🖤🖤
تمت بعون الله تعالى
✍خادمه الزهراء ام حسين الأسدي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

اويلاه يم الخدر
➖➖➖➖➖➖

ليش تمشين بيسر.. اويلاه
وبيد ضالم والشمر. اويلاه
ماوصل عباس الخبر.. اويلاه
الصبر يا ام الصبر. اويلاه

➖➖➖➖➖➖

امخدره يسبونج.. اويلاه
مخطوف يمه لونج. اويلاه
والسوط طك متونج. اويلاه
والشمر من عندج يمر. اويلاه

➖➖➖➖➖➖
وين الكفاله والكفل. اويلاه
وانتي سلطانه وجبل. اويلاه
وشلون جروج بحبل. اويلاه
عباس نايم عالنهر.. اويلاه


➖➖➖➖➖➖
مادره بمتونها.. اويلاه
عباس نور عيونها. اويلاه
عدوانك يسبونها. اويلاه
هاي الجليله ام الخدر. اويلاه


➖➖➖➖➖➖
اطفالها يدوسونها.. اويلاه
والخيمه اسلبونها. اويلاه
ونسوانك يسبونها. اويلاه
جايمته يخلص هالعمر. اويلاه

➖➖➖➖➖➖

طايح احسينج عالثره.. اويلاه
جثت اخوج مطشره.. اويلاه
وانتي بكيتي امرمره.. اويلاه
ونسوانه ابن الكفر. اويلاه
➖➖➖➖➖➖

تمت بقلم خادمه اهل البيت
الشاعره
هيلين الساعدي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

ثكيله للرضيع ع نفس طور مااحتمل فركاهم للملا جبار الحريشاوي
**
ماكو اعله كدك تابوت عبد الله نور عيوني
عفتك ترض بيك الخيل عنك غصب اخذوني
جلمة دللول ماتت يمدللول
ماكو اعله كدك تابوت ٢
**
باحضاني جانت نومتك يابعد امك
تغفه وتفز بدمعتك تلكاني يمك
جاليش نايم عالترب وبفيض دمك
مفطور جبدك بالعطش ومتاني عمك
شمالك ييمه ذبلان والشفه متفطره
ماجابلك عمك ماي وامك المتحيره
اسمعهه شتكول ماتت يمدللول
ماكو اعله كدك تابوت ٢
*
عبد الله اسمع ونتي ونوح امك الحزنانه
سهم اللي صوب ركبتك ياريت كلبي مجانه
محروم من ماي العذب وشلون اشرب آنه
والورد طبعه ينسكي ويخضر بسندانه
كطعوك يوليدي بساع عبد الله يبني
واتبده تعبي عالكاع ياهو اليصبرني
امك يحلو الطول ماتت يمدللول
ماكو اعله كدك تابوت ٢
*
مذبوح عفتك يالولد متوسد الوطيه
اتمنيت ميته ولارحت للغاضريه
شبرين طولك ياعبد رحت من اديه
يوليدي حضن امك فرغ والنار بيه
يانار بسج يانار كل ساعه وتجويني
فوك الهزيله وانعاك بس راسك يواسيني
امك تظل بجول ماتت يمدللول
ماكو اعله كدك تابوت ٢
*
يوليدي حزنك بالكلب ساعه فلايهجع
جم ونه اون بيهه إلك وأتأملك ترجع
تترس احضاني يالولد يبني وترد ترضع
فطموك بايام المهد يالنحرك اتكطع
كطعو دليلي وياك مااحمل الفركه
ضيعت يبني مناغاك كلي بعد شلكه
ماعبر عمرك حول ماتت يمدللول
ماكو اعله كدك تابوت ٢
****
مذبوح يمه ياعبد استعجل عليك الموت
مو عاده إلك نوم الشمس نومك بالبيوت
ظليت مرمي ابلادفن وكليبي مفتوت
لموك يبني اويه الابو ماإلك تابوت
تغفه عله صدر حسين وبكبره وياه
وامغسل بفيض دماك هم مثله ويلاه
دم النحور سيول ماتت يمدللول
ماكو اعله كدك تابوت ٢
*
أم علي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

https://vm.tiktok.com/ZMN4VpYTj/?k=1

https://tttttt.me/joinchat/AAAAAELdvGssZMurwfLsJA


للطلب القصيده على المعرف البوت @abasltmymybot

لطميه للامام العباس عليه السلام (ياعباس)


ياعباس زينب صاحت بعبره
گوم وشوف اخيك داسو بصدره
/////////////////////////////
گوم وشوف اخيك داسو اضلوعه
اهل الخيل من كل صوب مجموعه
چفوفك ياحسافه اليوم مگطوعه
وراسك ياشفيه انجسم بالطبره
/////////////////////////////
وسفه بهامتك مطبور ياعباس
گوم وشوف اخيك طاح بين ارجاس
گطعوا رگبته وبالخيل صدره انداس
واعله الگاع يجري ولا نشف نحره
/////////////////////////////
يجري اعله التراب ولانشف دمه
ياعباس گوم وشوف ابو اليمه
عزلو منحره العدوان عن جسمه
رسول الله انفجع وانفجعت الزهره
/////////////////////////////
نفجعت فاطمه وانفجع والدها
كوم وحالة المظلوم شاهدها
اختك لا اضماد ولا دوه عدها
كسر اضلوع اخيك بيمن تجبره
/////////////////////////////
بيش تعالجه وتضمد اجروحه
ابو السجاد مذبوح وكضت روحه
حگهه تنوح زينب ماتفل نوحه
تلطم عالوجه لو شافت الطبره
/////////////////////////////
تلطم من تشوف الطبره والطعنه
مات حسين اخيهه وبطل الونه
چفك ياشفيه تگول اريدنه
ترد عن المخيم غارت الكفره
/////////////////////////////
ترد عن المخيم غارت الكفار
ياعباس ماتكعد تطفي النار
گلب ام المصيبه امصدع ومحتار
مو كسره تكسر لا الف كسره
/////////////////////////////

عمل مشترك على محبة الامام الحسين عليه السلام
*بين الشاعره العلويه هجران الياسري والشاعره زينب المشرفاوي*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للعباس ع


نعكد راية العباس
وريده يشافينه

➖➖➖➖➖➖➖➖
نعكد رايته اليله
وانه كاضيه نحيله
يالعباس صيحيله
يجلي هم العلينه

➖➖➖➖➖➖➖➖➖
يجلي الهم الهوايه
ابجي وعكد الرايه
اجيك اليوم مشايه
وللعباس دمشينه

➖➖➖➖➖➖➖➖➖
امشن نوكف ابابه
هيابه وابن الهيابه
بالعباس ومصابه
انحلفه بداعت سكينه
➖➖➖➖➖➖➖➖
نحلفه بداعت المذبوح
عالغبره كضت هالروح
ياجرح النشد اجروح
نريده اليوم ينطينه
➖➖➖➖➖➖➖

ينطينه ونرد لمراد
منك يانسل لمجاد
ابابك نوكف استعداد
ويكضيه ابجفينه
➖➖➖➖➖➖➖➖➖


تمت بقلم خادمة اهل البيت ع

#هيلين_الساعدي
#هيلين_ الساعدي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة للعاشر

اويلاه عالسحگــته الخياله
اويلاه ومحّد فزعله وشاله
ــــــــــــــــــــــــــــــــــ
بالشمس ظــل ابلا چفن
والخـيل فــوگه يهوسن
واضلوع صدره إتهشمن
مطـــــروح ظل ياحاله
ــــــــــــــــــــــــــــــــــ
من الگفه حـــزو منحره
وبلكون صــارت ضغبره
واخـــــته بقت متحيره
رادت تلم اوصــــــــــاله
ــــــــــــــــــــــــــــــــــ
يذري الهــــــوه بشيباته
وامكسره اضــــــلاعاته
ون وعـــــــــــلن ونــاته
و ظل يّرفسه چتاله
ــــــــــــــــــــــــــــــــــ
حسين اعله وجها عالترب
عــــاري وقميصه منسلب
و نــــــابت امثلث بالگلب
طرّ العطـــــــــش دلّاله
ــــــــــــــــــــــــــــــــــ
ملطــــــخ قميصه بالدمه
واعليه بچت دم الســـمه
ظــــــلت تشم بي فاطمه
وبالطف بگت تنعاله
ــــــــــــــــــــــــــــــــــ
اموذر بقــا بميدانه
وما شيعو جثمــانه
ماضاگ ماي السانه
ليوم اللطم يحلاله
ــــــــــــــــــــــــــــــــــ
طاح السبــط من مهرته
والشمس جسمه صهرته
وبالسيف حــــزّو رگبته
و املوعين اعياله
ــــــــــــــــــــــــــــــــــ
بدمومه مغسلينه
بمثلث امصوبينه
والخاتم امسلبينه
وماواحد ادتناله
ــــــــــــــــــــــــــــــــــ
بالشمـــس والحر جثّته
وخيل الاعادي سحگته
انصبغت ابدمــه شيبته
للموت اظل اقراله
ــــــــــــــــــــــــــــــــــ
✍للعلويه أم علي الشرع


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للقاسم ابن الحسن جديد محرم 1444



عريس الهواشم طاح بالحومه
ويلا يالشباب الحنته دمومه


​┈┈‏•​​​≜⊱☆●☆⊰≛┈┈‏

عريس الهواشم رايح محسر
ويلا يالشباب بدمه معفر
بدلال ضلت جمرته تسعر
نايم عالثره ومتغيره رسومه

​┈┈‏•​​​≜⊱☆●☆⊰≛┈┈‏

يسباح كلبي اكعد وحاجيني
اون بسكوت يبني لاتخليني
غيابك يجاسم حيل ياذيني
يبني مووكتها الك هالنومه

​┈┈‏•​​​≜⊱☆●☆⊰≛┈┈‏

جابه حسين بدمه محنينه
صاح بصوت يازينب تلكينه
عريس الهواشم غمضت عينه
نصبي العزيه وضميهن هدومه

​┈┈‏•​​​≜⊱☆●☆⊰≛┈┈‏

رمله تنوح عالعريس عزنها
شموع العرس بالدمع طفنها
ويلا يالشباب الراح منها
ماتبطل بعد ونت المالومه

​┈┈‏•​​​≜⊱☆●☆⊰≛┈┈‏


شلون تهيد السهرت ليالي
تدرون الولد شكثر غالي
ماتكدر تشوف مجانه خالي
شيصبرها المن شوفته محرومه

​┈┈‏•​​​≜⊱☆●☆⊰≛┈┈‏
يالعريس امك خاب رجواها
خلافك بعد شلها بدنياها
ياوسفه دهرها عليك وازاها
تون ضلت والدمعات مسجومه


​┈┈‏•​​​≜⊱☆●☆⊰≛┈┈‏
(بقلم العلويه 💫✍ام رائد زوين


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه
جديد

باجر خواتك ينسبن
عباس بس هاليله
➖➖➖➖➖➖

اشوف العده توليهن
عباس لتخليهن
وينجون رجليهن
شوف الحبل بديهن
عدوانكم تحديهن
نوك الهزل تاذيهن
ويتحركن يعبيهن
يصرخ يويلي اعليهن
جر وضرب يعميهن
جنك اظن ناسيهن

(باجر خواتك ينسبن)
(عباس بس هاليله)

➖➖➖➖➖➖

تبكه العقيله حايره
اطفالكم مطشره
وحيده هيه مرمره.
عفيه صبرها هالمره
كلكم ضحايه اعله الثره
كلمن خذوله منحره
كلبها مدري اصبره
حزينه بنت الطاهره

( باجر حواتك ينسبن)
(عباس بس هاليله)

➖➖➖➖➖➖

حرم ما يمهن زلم
طحت يشيال العلم
نادت الك ها يا شهم
وسفه يالبعينك سهم
زينب بكت بيكم تلم
منهو اليدافع عالحرم
وتحركت كل الخيم

( باجر حواتك ينسبن)
(عباس بس هاليله)

➖➖➖➖➖➖

اطفال تسحك عالجمر
يهجم عليهن هالكفر
نوح وبواجي والقهر
بالسبي يخلص هالعمر
وانته صريع اعله النهر

( باجر حواتك ينسبن)
(عباس بس هاليله)

➖➖➖➖➖➖


تمت بقلم خادمة اهل البيت
الشاعرة
هيلين الساعدي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للعباس ع جديد

اوطباها ابو فاضل
بالحومه لعب جوله


➖➖➖➖➖➖
طب للحومه المغوار
صولاتك علي الكرار
الكافل طشر الكفار
ملك الموت صاحوله

➖➖➖➖➖➖
اليكرب يمه ياويله
بركبته صارت العيله
ابد مانام كل ليله
كفر ميدان عدلوله

➖➖➖➖➖➖
ميدان الكفر صارت
الشجاعه يمك احتارت
و اركاب العده طارت
بطل وحزام شدوله

➖➖➖➖➖➖
احزامه صار بيرغهم
شده وصاح يا حيهم
عالعدوان همتهم
الف احساب حسبوله
➖➖➖➖➖➖

زينب بس نخت نخوه
ابو فاضل يبو الخوه
شجاع وبيك المروه
اخوي ويا حلو طوله
➖➖➖➖➖➖

تمت بقلم خادمة اهل البيت
الشاعرة
هيلين الساعدي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه فزاعيه لشجاعة العباس
❥ـــــــــــــ❁¤¤❁ـــــــــــــ❥❥ـــــــــــــ❁¤¤❁ـــــــــــــ❥❥ـــــــــــــ❁¤¤❁ـــــــــــــ❥

صكار الزلم عباس(ترهب خزرة عيونه)

بميدان الحرب فنهم يكحمونه


هذا الترهب افعاله
چا فنه التدناله
والميدان يحلاله
عباس ويشهدوله

❥ـــــــــــــ❁¤¤❁ـــــــــــــ❥

يشهدون بميادينه
خافو لو فتح عينه
شمحله السيف بيمينه
صكار ويعرفونه

❥ـــــــــــــ❁¤¤❁ـــــــــــــ❥

عباس وكفو منه
فنه الي كرب منه
هذا الحيد المجنه
عدوانه يهابونه
❥ـــــــــــــ❁¤¤❁ـــــــــــــ❥

خزرة عينه هابوها
جفوفه مايلاووها
الرايه بحين شافوها
كل فارس خفه لونه

❥ـــــــــــــ❁¤¤❁ـــــــــــــ❥

فارس ما مثيله دوم
معروف الكمر جيدوم
يومه ما مثيله يوم
فنهم لو يوصلونه
❥ـــــــــــــ❁¤¤❁ـــــــــــــ❥

محد يوصل حدوده
ياجود الكرم جوده
خله ايامهم سوده
عون الرافكه عونه


ام زينب السعداوي /ناصريه


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة حول الامام العباس ع وكاني بأم البنين ع




بضعن ام الخدر عباس وصيته
لهذا اليوم شيخ الزلم ذخريته



لهذا اليوم ردته ويرفع الهامه
ماهمه يزيد وكثرت ازلامه
سبع والعال بيه الليل ما نامه
على الزينات بعد امه انه ربيته



بضعن اختك ييمه انته وتباريها
تمشي اويه الغرب لا لا تخليها
هاي الغاليه وحط عينك اعليها
واكولن والنعم ورباي وفيته



وصيته بوصيه وكال هذا انه
نهوس للكلافه الحيد ربانه
وحك ارباج يمه وعلي وعنوانه
عباس البطل للكل وصل صيته



كتله اختك ييمه وعينك اعليها
تبيع الروح يالكافل وتشريها
عمت ابنك ييمه وانت واليها
ازعل لو ييمه الضعن خليته



هاي اختك واريدنك تدللها
اخوج انه وكفيلج دوم كللها
تدريه الزمان هواي زعلها
دوار الوكت كون انهجم بيته



✍ الشاعرة الحسينية ام كرار الساعدي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نعي الشهر محرم الحرام

ياشهر المحرم ريت لاهليت
خذيت حسين مني وكعيت البيت
انه الكربله بس وحدي ضليت
اخوتي بالحرب كلهم صفو موته


شفت كل اخوتي طاحو عالغبره
خوي حسين عطشان وخلص عمره
بمصاب الاهل كلبي نفذ صبره
بقيت امنحله والروح مفتوته


بقيت امحيره منك شهر عاشور
محتركه الخيم والخيل بيهه اتدور
اشوف حسين اخوي امن النحر منحور
وحيد ابكربله حركوهن ابيوته


شوف اشگد مصايب من يجي اهلالك
مو مثل الشهور امغيم اشمالك
مجدر مثل حالي هل صبح حالك
حسين ابجيتك شفته كرب موته


الشاعرة ام ابراهيم الحلفي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#القصيده من ديوان جبل الصبر الجزء العاشر


اليوم الروايه معلكه
والــبـيوت مفتوحه
ـــــــــــــــــــــــــــــــــــ
نسوان حزنانه وزلم
كل بيت يصفك بي علم
لحسين نذكر ياالم
باادموعنه المسفوحه
ــــــــــــــــــــــــــــــــــــ
واجب علينه نهل دمع
ولحسين نلطم عالضلع
وماننسه عباس السبع
ودم هامته وجروحه
ــــــــــــــــــــــــــــــــــــ
ماننسه جفه وهامته
عباس حلوه وكفته
ولحسين تلطم شيعته
وهيهات نكطع نوحه
ــــــــــــــــــــــــــــــــــــ
للموت ننصب ماتمه
ونعزي امه فاطمه
ضلت اعيونه مسلهمه
ولاام الحزن مشبوحه
ــــــــــــــــــــــــــــــــــــ
شابح لزينب عينه
ومره يصد لسكينه
ومصيبته تبجينه
وعطشان راحت روحه
ــــــــــــــــــــــــــــــــــــ
وعطشان كطعو منحره
واعضامه كلهه مكسره
وكلنه نعزي الطاهره
وهيهات نكطع نوحه
ــــــــــــــــــــــــــــــــــــ
يالخوتك بيهه وفه
بعدك عله الدنيه العفه
جرح البراسك ماشفه
واجنازتك مطروحه

للشاعره ام هجران العمارچية



https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#قصيدة للهلال(تبچي فاطمة)
#حصرياً_من_ديوان_قُربانُ_الطف_ج٥
❥━──➸➽❥❂❥━──➸➽❥❂
من يهل عاشور تبچي فاطمه
يبچي وياها العرش وارض وسمه
❥━──➸➽❥❂❥━──➸➽❥❂
تبجي وياها الارض واهل الارض
ام حسن هاي وعزاها ينفرض
ياجفنهه اليوم مانام وغمض
ضلت تنوح وتون مانايمه
❥━──➸➽❥❂❥━──➸➽❥❂
ظلت تنوح وتدك اعله الصدر
تنادي بحسره يمحزوز النحر
تصيح عازوني عله ابني المنغدر
تحظر المجلس عله الخد لاطمه
❥━──➸➽❥❂❥━──➸➽❥❂
تحضر المجلس تجينه بكل عزه
تصيح يوليدي الرگبته امحززه
والدهر شيريد وازاها وزه
خله دنياها حزينه ومظلمه
❥━──➸➽❥❂❥━──➸➽❥❂
محزنه ومالوم من عدهه الگلب
تحظر وياكم يشيعه وتنتحب
تنادي يوليدي انحرمت امن العذب
ال اميه الماي منك تحرمه
❥━──➸➽❥❂❥━──➸➽❥❂
ال اميه اشلون يبني حاربوك
كلهم يعرفون ياهو وياهو ابوك
بالخيول الحاقده رگضو واجوك
وخلو اضلوعك كسيره امهشمه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك