نزلة المجلس الاول ليلة الهلال 1444هـ
…..
هل اهلال عاشور
دمع العين منثور وتنادي يعباس
من شافت الهلال
يمجندل الابطال
وتنادي يعباس
…….
صاحت ابلوعه يخويه يبو فاضل يابطل
خويه ياراعي الكفاله يبن حيدرنه الفحل
ها وحك عينك يخويه شو احسن بالوجل
خايفه اوگلبي عليكم اوحيلي ياخويه نحل
كاللها تبشرين زينب لا اتخافين
هز الواه بيمناه
الحملي انته شيال
يمجندل الابطال وتنادي يعباس
……
خويه يا عباس اخبرك وانته كافل عيلتي
چامنه ابكلبي حسرتي اوبيك خويه عزتي
انه زينب انه اختك وانته تاجي اوهيبتي
خويه من انطق ابأسمك بيك ارفع هامتي
هز الواه عباس ايكلها رفعي الراس يا خويه او تأمرين
ادري بيك سردال
يمجندل الابطال
وتنادي يعباس
…..
شدت الرايه اوتكله يبن حيدرنه علي
خويه ياراعي الكفاله سند يا نعم الولي
انته حامينه اولينه وانته حامي محملي
انته الموصيك حيدر الكافل انته من هلي
يبن الزلزل الكون اوخلاهم يرجفون سيف الله المسلول
يا سيد الارجال ومجندل الابطال
وتنادي يعباس
…..
خويه تدري ليش ابونه طلب حره امأصله
امك الحره النجيبه امعممه ومخوله
رادها تنجب افحوله اليوم عملة كربله
انته واخوانك يخويه رادكم عقد الوله
انته صعب المراس ياصاحب النوماس يبن الشيد الدين
بيك امعلگه الامال
يمجندل الابطال وتنادي يعباس
….
اتقدم الزينب اوگلها جلمتج عندي امر
طلبي يازينب يخويه ابأمرج انه ائتمر
ابد ما تنظام زينب والها افدي انه العمر
فوك راسي يالعقيله ابخيمتچ محد يمر
خويه انه ابخدمتچ شرف عندي كلمتچ يالعزيزه من هلي
كفو يا سبع الرجال
يمجندل الابطال وتنادي يعباس
….

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للحسين ع (للكطعو جثمانه )

اويلاه للكطعو جثمانه
اويلاه وأم الخدر حزنانه
@@@@@@@@
تكول عافيتي كضت
ضلوع اخوي ترضرضت
روحي اعله فكده تمرضت

والوجه صفره الوانه
اويلاه للكطعو جثمانه
@@@@@@@@
شفته يون ومنذبح
وما لايك الطوله الجرح
مذبوح يا وجه الصبح

فد نومه ظل بمجانه
اويلاه للكطعو جثمانه
@@@@@@@@@@
طايح جرح فوك الثره
والهوه يجوي بمنحره
ما كال ضلتلي مره

بين الخيم حيرانه
اويلاه للكطعو جثمانه
@@@@@@@@@
لعبو بجثمانه لعب
من هدومه اخويه منسلب
والنار بخيمنه تشب

وسط الكلب سعرانه
اويلاه للكطعو جثمانه
@@@@@@@@@
مثلو بحسين العده
وخيول فوكه صاعده
وانفاسه ماهي هامده

مصاب حسين بجانه
اويلاه للكطعو جثمانه


الشاعره رسل الابراهيمي
الحان الاستاذه بنت المنهال

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطم فزاعي نفس ياراكضات من الخيم هذا الحسين كبالجن
***
يارايه ماعندج علم وين الكمر احجيلي
***
شمالج وكعتي عالنهر معناهه طاح اكفيلي
دليني درب المشرعه وين الدرب كوليلي
وين اليمين ويسرته متكطعه ياويلي
إسمعتيه وبآخر نفس يازينب يناديلي
هم شفتي بعيونه السهم كطع وياه ادليلي
يحزام ظهري عالنهر بعده منو يتجيلي
مايدري حركوهه الخيم ضيعوهه لمداليلي
الحسين حز راسه الشمر من يذبحه يراويلي
بصدره ترض خيل العده ابنياته هدن حيلي
واتشمتو بيه العده يادمعتي لتسيلي
يارايه من نحر الكمر وياج دم اخذيلي
وياي بدروب السبي من امشي وتصديلي
اذكر دلالي وهيبتي ومن الشمس فييلي
محتاجه فزعة كافلي راح اللذي يحاميلي
خوان ظالم يادهر مانمت ساعه بليلي
*
أم علي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

مربعة المجلس الثاني 1444هـ
….
اهلالك يامحرم حيل بجاني
خوفي بيك افكد هلي اوخواني
….
اهلالك يا محرم حيل المني
من شفته غصب عني عله وني
اخافن يا اهلال الشهر تغدري
انه امعبره ولد ومضيعه الثاني
….
اهلالك يا شهر عاشور خاطبته
شنهو السبب مگدر ليش ناشدته
كلبي ليش زادت يا شهر ونته
خوفي يا شهر تغدرني عدواني

…
خوفي ياشهر شو اظلم اهلالك
ماتحجي اوتگلي اشصاير اشمالك
عجيبه يا شهر متغيره احوالك
اهلالك يا شهر هيجلي احزاني
…..
انه سامعه من امي الزهره
في عاشور كلبي اللوعه اتفطره
اخوي احسين عاري يضل علغبره
وانه امكيده او مذبوحه ولياني
….
انه ابهلشهر حسره يودوني
للكوفه اوبعدها الشام يهدوني
واشوف امصابب البيها يقجعوني
اوراس احسين علمياد يرعاني
…..
من صغري وانه امرافگه الاحزان
فكد امي عليه صعب لا ما هان
وانوبه صدعني دهري بالوليان
بني ميه اعلنو مسبيه عنواني
….
اديون الها اعله جدي النبي المختار
بدر وحنين دين الها عله الكرار
كلها اتريدها من صفوة الجبار
اوراس احسين علمياد يرعاني
….
الحاجة ام احسان الخاقاني

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للأمام الحسين عليه السلام


حني اليوم وي أم عون
والمظلوم الطميله
❥━──➸➽❥❂❥━──➸➽❥❂
وي أم عون حني اليوم
والطمي حيل للمظلوم
صابوه أبسهم مسموم
من عنده أنهدم حيله
❥━──➸➽❥❂❥━──➸➽❥❂
حيله أنهدم من عنده
صابوه العده أبچبده
وين المرتضى أوجده
أوين المجتبى الليله
❥━──➸➽❥❂❥━──➸➽❥❂
وين المجتبى وحيدر
وين المصطفى يحظر
أبنهم بالشمس والحر
ما وأحد يفييله
❥━──➸➽❥❂❥━──➸➽❥❂
ما وأحد الفياله
أبنهم بين خياله
صاب السهم دلاله
وعيونه عله العيله
❥━──➸➽❥❂❥━──➸➽❥❂
عله النسوان يتربه
صابوه العده أبگلبه
صعبه شدته صعبه
طاح ومن يتجيله
❥━──➸➽❥❂❥━──➸➽❥❂

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الجمعة / ٢٢ من شهر ذو الحجّة
الموافق / ٢٠٢٢/٧/٢٢
                         
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

عمامتك يحسـين مـن شـالوها

شــــوفوها لزينــــب وأّذوهـــا

ـــــــــــــــــــ📃📃ــــــــــــــــــــ

أه يابــــن الطاهره ياأّبن الرســول

وعلى جسمك خيلهم صارت تجول

هوســوا بعمامتك خــويه شـگول

أّه يأّبن أمـي الكفر ســلبوها

ـــــــــــــــــــ📃📃ــــــــــــــــــــ

سلــبوها وصـار دلالي بـهـضـم

ولمصـيبه الخيل تسحگ باالعـظـم

مدري منك شلگه مدري إنـه شأظم

ووذر جثتك عالترب خلوها

ـــــــــــــــــــ📃📃ــــــــــــــــــــ

عيني عـميـه ولاشـفت ذاك الوكت

كـون گبلك يابـعد روحي متـت

يلخـذت وياك حـيلي مـن رحت

تدري زينب بالحبل كادوها

ـــــــــــــــــــ📃📃ــــــــــــــــــــ

طـــحت وأّختك كايديها لليسر

تريد توصـلك ويضــــربهه الشمر

شسوت بجسمك يخي شمس الضهر

حـتى جـثتك أّبد مارحـموها

ـــــــــــــــــــ📃📃ــــــــــــــــــــ

جـثتك تـــنزف بـقت بتـــرابها

والدمه صـاير يخويه أّخضابها

وبـالگلب نــــــشاب صار أّصوابها

تـــضل ثلث تــيام مادفـــــنوها


ـــــــــــــــــــ📃📃ــــــــــــــــــــ
تـمــ بعون الله تعالى ــت
بأقــــ✍ــلام خادمات أهل البيت

✍نــــورس لحلفي
✍رمـــــاد الخيام

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*قصيدة للخدمة الحُسينية (كعبة عشگ)*
طور قصيدة السيد الصافي للموت ما ننسى الحسين
❥━──➸➽❥❂❥━──➸➽❥❂
كعبة عشگ يبقه الحسين
كعبة عشگ يبقه الحسين
❥━──➸➽❥❂❥━──➸➽❥❂
يا اول انسان بوصف جودك احير
عريان وتلبس اليخدمونك حرير
والخادم ترفعه الى رتبة امير
صحيتنه بآذان السنين ... كعبة عشگ يبقه الحسين
❥━──➸➽❥❂❥━──➸➽❥❂
صيحتنه يا مولاي تبقى للأبد
ومعاهدين الزهره وبهذا العهد
مواعدين المهدي ما نخلف ابد
نخدم نظل طول السنين ... كعبة عشگ يبقه الحسين
❥━──➸➽❥❂❥━──➸➽❥❂
احنه خدام الحسين ونفتخر
ونريد منه يشفع النه بالحشر
خدمتك مولاي بس هي الذخر
واحنه بمحبتك فائزين ... كعبة عشگ يبقه الحسين
❥━──➸➽❥❂❥━──➸➽❥❂
نفتخر مولاي احنا شيعتك
ونبقى خدام المقام وحضرتك
راية الإسلام صارت رايتك
اسمك فخر للعاشقين ... كعبة عشگ يبقه الحسين
❥━──➸➽❥❂❥━──➸➽❥❂
يحسين اسمك يجري ظل ويه النبض
ومحبتك مولاي صارتلي فرض
خل يحاجج من على الحب اعترض
بهواك احنا مجنين ... كعبة عشگ يبقه الحسين
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة للعليلة ع

ذكرياتي// صعبة والله انساها
ذكرياتي// ويا الابو محلاها
هواي دللني الابو ...كلة حنية ودفو
ذكرياتي// صعبة والله انساها

كلشي اتذكر ابد ماناسية
ذكرياتي ابالي لسة باقية
شلون چان حسين هوة العافية
وذيچ كلماتة الحنينة الدافية
بكل كتر ذكرة الة...راح عني لكربلة
ذكرياتي //صعبة والله انساها

بكل كتر بالبيت خلالة اثر
هنا صلاتة هنا قيامة والذكر
هنا گعدنة هنا حچينة بالسفر
يوم گتلة بوية مااحمل هجر
وياك اخذني بسفرتك ...بوية تكتل فرگتك
ذكرياتي//صعبة والله انساها

شگد حچينة بالسفر ذاك الوكت
گتلة اخذني ودمعتي عالخد تكت
لصدرة ضمني وحسرة خنگتني ونحت
هسة ياهو يگلة بعدة انة هلكت
هم مريضة وناحلة ...ووحدي وبلاعايلة
ذكرياتي//صعبة والله انساها

وامي الراحت وخلتني ابحزن
ليلي اگضي بالدمع والهة احن
يمة روحي اشتاگت لذاك الحضن
اه يربي ليش طشرنة الزمن
اهلي خلوني ومشو ...بعد الية مااجو
ذكرياتي//صعبة والله انساها

وعمتي واخواني وذيچ الاحباب
شانسة منهم يازمن كافي عذاب
روحي خلصت والگلب ياربي ذاب
شكم رسالة ابعث وماكو جواب
مدري اگطع ظنتي...لو اتاني بحسرتي
ذكرياتي//صعبة والله انساها

*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده الى سيدتي ومولاتي العليله عليها السلام😭

غزاني الشيب وانه زغير سنّي
وليالي الفرگه علّه وهم سگنّي
...................
ورده وذابله وساگيني لوعات
بفراگ اهلي ضگت ايام مرات
ثمر عمري جروح وهضم وآهات
وليالي اغيابهم سود وعمنّي
...................
اهداب العين شابن من جفوني
ماجفن دمع يبچـــــــن عيوني
نثّار الدمــــــع عالفــــــارگوني
شلون ارتاح واهلي ابعاد عني
...................
يطارش روح لهلي واخذ الكتاب
هواي هواي سلملي اعله لحباب
گلهم بقت تنطــــركم عله الباب
مشتاگه الخواتي خـــــل يجنّي
...................
الهدب ابيض غده والجفن هدّل
عليله من المرض حــــالي تبدل
مل مني المرض والصبر هم مل
اجـــــــالع بالمنيه وميته چني
...................
مامرتاح گلبي ودوم موجـــــوع
ذايب وحترگ چن خيط بشموع
وتتهامل وجرحت خدي الدموع
جفوني ومالفو وانعکس ظني
...................
ايس گلبي منهم ماكو جيه
شيب شعر راسي وعيني عميه
گلبهم من حجر ماحن عليه
شمعه والليالي ذوبنّي
...................
متعوب الگلب والحيل مهدوم
مگبعه بالحزن ومچودره هموم
مطولين السفر يلفون يايوم
عله افراگ الاهل مابطل وني
...................
✍️للعلويه أم علي الشرع
نسأل من الله تعالى وأهل البيت عليهم السلام التوفيق والقبول


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

★•• لطمية لـ عريس كربلاء القاسم ••★
#لحن (( « عاتبتهم » ..مرتضى حرب.. )) وبألحان أخرى

يمه رايح.. للحرايب.. وادري ماترجع ألية
بس نوايح.. تالي عگبك.. وبقهر أصفگ ادية

برحيلك گلبي ملچوم-- تجيني امغسل دموم-- يجاسم يجاسم
--------------------------------------

أودعك والگلب متفطر وينزف
وعيني عالوجن بالدمعة بس تذرف
رحت عني ولساني الجَيّتَك يهتف
بلكت تستمع يا يمة الي وتعطف

أبقى اتاني وانشر چفوف.. وادعي ربي الشوفك اردود
واركض الباب المُخيم.. وچني أسمع ردي ميعود

ييمة ألمتني-- ترد حلمي اعله متني--
يجاسم يجاسم
✿••✿<>•<>✿••✿<>•<>✿••✿

يوليدي اتعبت برباك تدريني
حتى بتالي عمري انته التباريني
ماحسبت اشوفن دمك بعيني
وبدونك تظل دنياية تاذيني

حرمة وبغربة وأجانب-- لون يمي مايگربون
اعداك يمة روعوني-- بالسياط ايطگ المتون

شفت كثرة المآسي.. الطمت آنه اعلة راسي..
يجاسم يجاسم
✿••✿<>•<>✿••✿<>•<>✿••✿

يعريس برحيلك أيست يبني
حلم ترجع ألية واگطعت ظني
ماشوفك فقط بس لحظة متهني
الفرح لمن وداعك صار ودعني

جمري يلهب ع الرزايا.. وكسرتي كلش چبيرة
صعبة ع الأم ولد تفگد.. تبقى ياحيرتها حيرة

يَ طولك ضيعيته-- المر تجرعيته--
يجاسم يجاسم
✿••✿<>•<>✿••✿<>•<>✿••✿

الچمت گلبي بوداعك واشعلت جمرة
والروح امتلت بجروح ما تبرى
أشوفن بالخيال اهدومك الحمرة
صدى صوت الرزية بمسمعي اتنطرة

ياشبابك يبني يبني.. حنتَّك صارت دمومك
امدد اگبالي اشوفك.. وانظر اتغيرت رسموك

صحت صوت وحظنتك-- ليش اختفت ونتك--
يجاسم يجاسم

✍🏻#ولائـية_وافتـخر (دعـاء العـامـري)
❌لاأجيــز حــذف الأســم❌
✿••✿<>•<>✿••✿<>•<>✿

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#المربعه_من_ديوان_آيات_الشهادة_الجزء_الثامن.


مربعه لمسلم بن عقيل عليه السلام


شنهالفاتحه البلدرب منصوبه
مسلم مات والشجعانه منكوبه
💔✍️💔
شنهالفاتحه البلدرب مبنيه
مسلم مات ونهضمن غواليه
اليوم تصيح زينب حيل مابيه
وبصواب العضيد الروح مصيوبه
💔✍️💔
بصواب العضيد الروح ملچومه
هذا المايهون ومو سهل يومه
مايدري بحميده تنوح مهضومه
يانار بگلبها تفور منشوبه
💔✍️💔
يانار بگلبها تفور لهابه
تلطم عالوجه وتصيح يايابه
امس واليوم ما نامت الحبابه
من ضيم ومرار البين متعوبه
💔✍️💔
ما انصف حميده البين يتمها
زينب گابلتها وتنتحب يمها
مثل يوم الصميده يوم ابن عمها
وبسهام الجنازه ونبل مضروبه
💔✍️💔
بسهام الجنازه ونبل ضربوها
من عالي القصر للگاع ذبوها
مابين الخلگ بالسوگ سحلوها
مصيبه ويا مصيبه المؤشر محسوبه
💔✍️💔
مصيبه وهالمصيبه ماكو اشد منها
تون اليوم زينب ما فتر ونها
باچر تفگد المضلوم تدرنها
تحشم بالولي ضلت المهيوبه
💔✍️💔
تحشم بالولي وتگول رجعني
للطف لا تروح ارجوك طاوعني
اخاف الگوم باچر بيك تفجعني
اخاف امن اليسر والشام ودروبه
💔✍️💔


*تـــمت والـــــفضـــ🤲ـــل لله تعالى*
*بقلم✍الشاعره أم غصون العمارجيه*
*صاحبه ديوان📚آيات الشهادة*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#قصيده لعليلة عليها السلام

بعد اهلي اشبع موت يهل الحميه
راحوا وعافوا نار كلبي سريه
..........................................

بعد اهلي والاحباب شلي بحياتي
انتظر من اليوم ساعة مماتي
والصعدن بهل النوگ كلهن خواتي
وضليت اصد بالعين لختي رقيه

..........................................

وعيوني شبحت صوب عمتي العقيله
چنهه تريد تگول آه يالعليله
احنه بسفر ماشين رحله طويله
ياعمه من نعود أرجع سبيه
..........................................

محركه عبينه تگول هاي العلامه
نرجع نجر الذيال ويه اليتامه
والعوض بالله نكول مو بسلامه
ومحملين هموم ضيم الرزيه

.........................................

باوعت للعباس عمي الكفلهه
واحساسي كال يموت مايرجع الهه
وباوعت لجفين الگادت حملهه
وعرفت هالچفين تكطعهه أميه

..........................................

نطرت لبوي حسين وگلبي نغزني
وشبگته من الخوف رد وحضني
صوره واجت عالبال زيدت وني
شفت الصدر ينداس بلاعوجيه

..........................................

وعرفت من حساس كلبي سفرهم
منه فلايرجعون ماانتظرهم
وبالغاضريه هناك يخلص عمرهم
وهذا الوداع اليوم وداع المنيه

..........................................

🖇تـمــت بتـــوفيــــق الله

🖊بـٲنامــل شاعرة ٲهـــل البيت عليهم السلام
زهـــراء الحــــربي

وغير مبري الذمه ٲمام الله واهل بيت محمد((ع)) من يحذف الاسم وينشرها ٲوينسب القصيده لــنفسه 🚫

💬ونسال الله التوفيق والقبول
وٲسالكم الدعاء👆

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

توجد مكتوبه 👆

لطميه لأم البنين سلام الله عليها

ها يم البنين أم المحنه
ونيتي ابحزن ونه اعله ونه

گليلي شذكرتي مرعوبه گعدتي

تگلهه فراگ خال ابنچ كتلنه

ها يم المحنه

هاي أم البـنيـن ويـاوجلهـا
تريد اتموت مدري تريد اهلها
اضنه فراگهم طال وكتلها
مصبيتهه صدگ ماكو مثلها
اتشمر بديهه خل نلطم عليهه
وي زينب بواچينه وحزنه

ها يم المحنه
////////////////////////////////

تگلها اليوم ونيتي عله ضنواچ
يأم الاربعه الماوفوا ارباچ
لتونين بلونه عله هواچ
ازت جنازتج وانه أمشي وياچ
بس بفراگچ شلون وأنتِ ماي العيون
أنتِ ام البنين وتالي اهلنه

ها يم المحنه

/////////////////////////////////

يتالي أهلي ييمه يلحنينه
كلف يومچ عساً لا مر علينه
تعاي انوح ونكثر بچينه
انه وياچ والدار الحزينه
يمه بروح الحسين اگعدي ولا تونين
انه والدار لا تمشين عنه

ها يم المحنه

///////////////////////////////////

ونيني ييمه وزاد همي
چاياهي التضل يحبيبه يمي
يمه وداعتچ يلچنچ أمي
أتعب الحيل الچ ولعين تعمي
اون مثلچ ييمه عليچ الدنيه ضلمه
شگول اعليچ يم عباس يمنه

ها يم المحنه

///////////////////////////////////////

شگول اعليچ يلكلچ موده
طرحتي ليش راسچ علمخده
اضن وجعان راسچ خل اشده
خلص عمري يزينب هذا حده
گلت لا يمه تاني احس گلبي لواني
يمن عمري فده العمرچ عسنه

ها يم المحنه
////////////////////////////////

عسن عمري فده لم الكفلني
اضنهه اتريد تمشي الليله عني
مشت وفراگهه بگلبي طعني
راحن وگطعن بيه وجفني

اگلهن اني زينب عليچن راسي شيب
ملن گلبي حزن ما فرحنه

ها يم المحنه

///////////////////////////////////////

بقلم شاعرة اهل البيت (ع) المله ام ريام
دخيل الركابي✍..


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة لليوم العاشر حول السيده زينب ع



اليوم زينب حايره بلايه ولي
مره زهره تصيح مره يا علي



شلون بيها اليوم ماكو زلامها
شبت النار وطفت بخيامها
لا محامي ولا تشوف اعلامها
الاسر النسوان شمتان وردي



تصيح خويه حسين لتخليني
مااروحن وي غرب تدريني
انت التصابحني وتماسيني
حيل توجع هاي تبقى بلخلي



احاه يبو السجاد نارك ماطفت
ابد ما نامت عيوني ولا غفت
صدك عشرتنه انه وياك انتهت
اكعد وحاجيني ياروحي وهلي



حرم والاطفال خويه وعائله
شلون من غيرك اقود القافله
انا زينب تدري بيه مدلله
شلون هل ملعون يتامر علي




اروحن بلياك وي كوم وعده
ورفج الذباح وي اهل الرده
والله يايومك يخويه ولا سده
عكب عينك ياحبيبي ياهوالي



عكب عينك وين منواي واروح
وانه كلبي اعليك ترسنه الجروح
صار لايكلي ويحلالي من انوح
بعد يا هم هذا يمه الينجلي



💫قناة 💫خطيبة المنبر الحسيني🎤
✍ الشاعرة الحسينية ام كرار الساعدي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

مربعه علئ عبدالله رضيع. ؏




المهد خالي صبح مابيه اشوفنه
ويضحكلي بعد چاوين اسمعنــه
━━━━━━━━━━━━━━━━━━━
صوتك راح مني وين يوليدي
عزيز وغالي يبني يابدر سعدي
حزني عليك والله دوم ضل يبدي
وعبدالله طفل مابعد احاجنـــــــه
━━━━━━━━━━━━━━━━━━━
احاجيه الولــــــــــد ويعاين اعليــه
وعله خدوده ياناس الدمعه مجريه
يريد الماي ابني شلون انه بيـــــــــه
وباب الخيم وحسيـــــــــن اصيحنه
━━━━━━━━━━━━━━━━━━━
اصيح حسين ابني ضن يريد الماي
عمه اعله النهر نايم تـــــــــره الرواي
گله ياحبيبي امشي روح ويــــــــــاي
بلكت ماي ينطوه واشـــــربنــــــــــه
━━━━━━━━━━━━━━━━━━━
صاح بصوت ياهالگوم حاجوني
العبدالله طفل بس ماي انطونــي
واعله ابني ابد لا لا تفجعونـــــــي
كلبي من صدع وونينه اسمعــــــنه
━━━━━━━━━━━━━━━━━━━
كلهم هـــــــالطفل ماله ذنب انطو
عطشان الولد ياگوم لا تــــــــــخلو
ويفت الصخر وبصوتـــــه متسمعو
مابيكم رحم راح اگطع الضنــــــــــه
━━━━━━━━━━━━━━━━━━━

🔴اڵـــشــاعـــره آلــــّ؏ــلّويِـــــه🔴
ام رقـيــه المـوسـويــه ال قطب الديــن

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده لعبدالله الرضيع ع

❥❥ـــــــــــــ❁❂❁ـــــــــــــ❥❥

يعبــدالله يــعبدالله يالمهدك صبح خالي
يامــنحور يامنحور طـــولك يالولد غالي

❥❥ـــــــــــــ❁❂❁ـــــــــــــ❥❥

اهــزن والمهد خلوان بعد امك دحاجيني
رد مـذبوح للخـيـمــه ابني وثمره اسنيني
يلطولك شطب ريحان ماخذ نور البعيني
اناغـيالك اناغيلك يبـــني وتنشد ابحالي

❥❥ـــــــــــــ❁❂❁ـــــــــــــ❥❥

عطشان وردتلك ماي بل مثلث مصوبينه
طير ومنذبح ياناس مات وسلهمت عينه
مـحـني للخيم جابه ينحب يا ابو سكينه
يا مدلول يا مدلول وجهك شمس يبرالي

❥❥ـــــــــــــ❁❂❁ـــــــــــــ❥❥

امـك نـادتـك هـــاليوم ياشمام كلب امك
كلت يكبر مثل عمه بس تالي رمل طمك
انـهـد الكون مـــو حيلي لمن نادو بعلمك
للهــيـمـه للهــيـمـه كـــاروكك صفه تالي

❥❥ـــــــــــــ❁❂❁ـــــــــــــ❥❥

مذبوح بـسهم وسفه ذبلان الورد جابوه
عمتـه اتلكته بونات من يوم الولد ردوه
سـت اشـهر يعبدالله اه اعليه يالذبحوه
اه اعليك اه اعليك تبره امك ردت والي

❥❥ـــــــــــــ❁❂❁ـــــــــــــ❥❥

امــك ونــت وصاحت اه يبني يعبدالله
ســهــم صــوبه بنحرك يمه يشتكي لله
مـن نوم تراب الحار اكلله تره اسم الله
دحاجيني دحاجيني يلـوجهك تراوالي

❥❥ـــــــــــــ❁❂❁ـــــــــــــ❥❥

تــــمت بقــــ✍🏻لم خادمه أهل البيت عليهم السلام

✍🏻الشـــاعره الكبيره العلويه ام كنـــان الهاشمــي صاحبه دواوين أسيره الطفوف


لا أجيز من يحذف اسم الشاعره أو من ينسب القصيده له غير مبرئ الذمه أمام الله وأمام الزهراء عليها السلام

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للأمام الحسين عليه السلام


بالسيف حزوا منحره
ضنوة الزهره فاطمه
❥━──➸➽❥❂❥━──➸➽❥❂
حسين محزوز النحر
وأيهوس أبراسه الشمر
جالس أمربع عالصدر
والحره علخد لاطمه
❥━──➸➽❥❂❥━──➸➽❥❂
يترافس أبرجلينه
تصرخ يبويه أسكينه
والدم عله خدينه
بالحومه صارت ملحمه
❥━──➸➽❥❂❥━──➸➽❥❂
علرمح راسه منصب
والجسد غاطيه الترب
محروم من ماي العذب
أبنك يحماي الحمه
❥━──➸➽❥❂❥━──➸➽❥❂
نايم أو زينب تنسبي
والنار شبت بالعبي
أو للعيله أگعد يالأبي
روح العقيله أمهدمه
❥━──➸➽❥❂❥━──➸➽❥❂
ياضنوة الزهره متت
عله الترابه أتمددت
بيك الحزينه أتحيرت
أمصابك أمبچي السمه
❥━──➸➽❥❂❥━──➸➽❥❂

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأربعاء / ٢٧ من شهر ذو الحجّة
الموافق / ٢٠٢٢/٧/٢٧                         

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك