قصيده لعلي لاكبرع وزن الميمر
مستفعلن مستفعلن مستفعل


يمه يالاكبر اكعد وحاجيني
مهظومه حيل بغيبتك تدريني


يمه يالاكبر روحي هلممروده
عمك وكع عباس طايح جوده
حشمتك اوليدي تره ومريوده
فراكك صعب يايمه هلكاظيني


عيوني عمن يلغالي هايوليدي
ارجع يالاكبر بيدك الزم ايدي
كلي ييمه ارجوج اسكتي وهيدي
مايهده جرحي ولايهود اونيني


يالرحت مني ومابعد ترجعلي
ردتك تجيه لكبري ياتالي اهلي
اتكوم اليه ابساعتك تنهظلي
ارجوك اكعد فدوه لاتخليني


يلتشبه آل مصطفى بحساسك
جسمك بقه ومخمدات انفاسك
موذر ييمه عالرمح شو راسك
راحت مشت وياك كل اسنيني


خلوك مرمري عله لارض وبدمك
موتك فجعني يالولد انه امك
خليني اسولفلك واظلن يمك
خافن رحت للموت جن ناسيني


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ الخميس/2022/6/30
٣٠ذوالعقده سنة هجري ١٤٤٣
نسالكم🙏🙏🙏🙏الدعاء بتوفيق

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه او مربوعه لعلي الاكبر ع عن لسان حال الوالده

مديون الولد برباي اطلبنه
يشيل جنازتي ودفان اريدنه
.............
يشيل جنازتي ويروح دفانه
هاي الوالده البرباك تعبانه
ويعدل بالكبر ويهيل تربانه
يزتني للكبر موش انه ازتنه
...........
يزتني للكبر والدمع بعيونه
يحط تابوتها الربت عله متونه
تالي ايروح مني واكطع ظنونه
جاغير الولد لضيج اذخرنه
............
اذخره لليالي وساعة العازه
يشيل الوالده ويرفك الجنازه
رايح يالولد والكلب محتازه
النايم بترايب وين اشوفنه
............
اطلبه باليالي وشيلت متوني
وسنين التعب مانامت عيوني
راح الحيل مني وذبلن جفوني
يمتوني شكثر بالزغر شالنه
............
اليه ديون يالاكبر توافيها
تشيل اجنازتي وامك تجازيها
تالي تروح يوليدي وتخليها
حزنانه عليك وتجذب الونه

✍ام زينب كربلاء غير مبري الذمه من يأخذ الكلام وينسبه له اويحذف الإسم من كتاب المآسي الفاطميه السادس

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه على. علي الاكبر. ؏





يبني ياعلي لا تـــــــروح
عكبك تايها سنيـــــــــني
━━━━━━━━━━━━━━━━━━━
جامنهو بعد عينـك
يبني راحت سنينك
كافي بطل ونينـــك
ونك حيل يفجعنـي
━━━━━━━━━━━━━━━━━━━
هدم حيلي والله الــيوم
وكلبي اعله لولد مالوم
من شوفته ضل محروم
حيل غيابه يعميــــــــــني
━━━━━━━━━━━━━━━━━━━
عزيز امك يبعد الروح
وسفه بكربله مذبــــوح
ولجلك ماأبطل الــنوح
ومصابك مدوهــــــــــني
━━━━━━━━━━━━━━━━━━━
دوهني ولعب بــــــــــيه
واتــــــــذكرك ليليــــــــــه
كافي ارجع اعليـــــــــــــه
يبــــــــــني لا تعذبنــــــــــي
━━━━━━━━━━━━━━━━━━━
اخ من الزمــــــــــن غدار
وعله ابني الوكت من دار
منــــــــــه خاليه هـــالدار
فراك الولـــــــد تعبــــــــــني
━━━━━━━━━━━━━━━━━━━
🔴اڵـــشــاعـــره آلــــّ؏ــلّويِـــــه🔴
ام رقـيــه المـوسـويــه ال قطب الديــن

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده موشح علي الاكبر ع جديد محرم 1444



علي الاكبر تحزم للمنيه
أمه تودعه بدمعه جريه

​┈┈‏•​​​≜⊱☆●☆⊰≛┈┈‏

سالم مايرد تدري هيهات
ليله ونت وصفكت الراحات
نصبت العزيه بحسره واهات
صاحت ياعلي اكطعت بيه


​┈┈‏•​​​≜⊱☆●☆⊰≛┈┈‏

علي يبني وحدي لاتخليني
هالواحد خلافك من يباريني
موهين فراكك حيل ياذيني
لوكت العازه أريدك يالشفيه

​┈┈‏•​​​≜⊱☆●☆⊰≛┈┈‏

يانبض الكلب وضي العيون
يل اكبر غريبه تعوفيني شلون
اغيابك صعب يوليدي ميهون
مايبطل الون صبح ومسيه

​┈┈‏•​​​≜⊱☆●☆⊰≛┈┈‏
رايدتك ذخر ليام شيبي
ماحسبت بيك يشح نصيبي
وسفه تنحرم شم العذيبي
اموذر تنام علل وطيه

​┈┈‏•​​​≜⊱☆●☆⊰≛┈┈‏


عليك امك وازاها دهرها
بعدك ياعلي شلها بعمرها
تضل تون ومحني ضهرها
يبني تصيح هدتني الرزيه


​┈┈‏•​​​≜⊱☆●☆⊰≛┈┈‏

(بقلم العلويه ✍💫ام رائد زوين)


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه لعلي الأكبر عليه السلام


أصوابك يالولد كلش عمى أعيوني
بنومك عالتراب أهواي فجعوني
❥━──➸➽❥❂❥━──➸➽❥❂
فجعوا بيك گلبي يبني يا غالي
أمدد هالأشوفك يا علي أگبالي
وأصعب يوم يومك مرد دلالي
ومن عندك يلب أحشاي حرموني
❥━──➸➽❥❂❥━──➸➽❥❂
بعدك ما فتت يا يمه بالعشرين
أمن الدنيه أشفت حته تغمض العين
هيچي أتعوفني وأتعوف أبوك حسين
وميت شفتك أنه وأنخطف لوني
❥━──➸➽❥❂❥━──➸➽❥❂
تسع أشهور شلتك بيهن أبطني
أو ما چنت أحسب أتروح وتفارگني
أو ردتك عون اليه وأبگبر سني
ويبني من متت وياك موتوني
❥━──➸➽❥❂❥━──➸➽❥❂
شبابك ياعلي ضايع بالأترابه
يالوجهك حلو شلون أحمل أغيابه
أجر حسرات وگلبي أمعطب أعطابه
ومن لطمي عليك أنهدمت أمتوني
❥━──➸➽❥❂❥━──➸➽❥❂
أمتوني أنهدمن وگلبي مرد ممرود
وأترد ما أضن يبني عليه أردود
ودموعي جريه أو جرحن لأخدود
وبذبحك يالأكبر حيل هضموني
❥━──➸➽❥❂❥━──➸➽❥❂

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الجمعة / ١٨ من شهر ذو القعدة
الموافق / ٢٠٢٢/٦/١٧


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه جنوبيه لعبد الله الرضيع ع

****

اندهولي عبد يكعد أمن النومه

كاروكه يـــون وضــلن اهدومه

****

اندهــولي عبد مايحـمل النوم

جابـولي الولد والحيل مهدوم

انــه بعازتــه ويكعــدلي اليوم

{وضميــته .. للعـــازه وليدي}

💧💧💧💧

ندهولي الولد اسمع مناغاته

ياسهم المنيه ليش مافاته

من حر السهم وخر اكماطاته

{يذبحونه .. شمسوي وليدي}

💧💧💧💧

عطشان الولد بيمن يطلبونه

شسوه ياعبد ويلي يذبحونه

شوية ماي ماترضون تنطونه

{امروينه .. وبسهم الركبه}

💧💧💧💧

شمسوي الطفل بلدمه امروينه

بيد حسين ومفرفح مخلينه

تعالي بساع ياعمته تلكينه

{تلكينه .. شيلي المذبوح}

💧💧💧💧

تلكته العقيله تصيح ياعمه

ليش مشربين الولد من دمه

حضنته الولد وتشبكه وتشمه

{الشمامه .. ياطفل حسين}

💧💧💧💧

تشم نحر طفل وتصيح يحسين

من جاب الولد وامسبل الايدين

حكـــج عالولد لطمي وتدكين

{ارد اعميهه ٠٠ اعيوني اعليه}

💧💧💧💧

تمت بعون الله
قصيده مشتركه بين

✍🏻العلويه ام كنان الهاشمي

✍🏻الحجيه ام علي البصره

نسألكم الدعاء

لا أجيز من يحذف اسم الشاعرات أو من ينسب القصيده له غير مبرئ الذمه أمام الله وأمام الزهراء عليها السلام ✍🏻🧿


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده لعبدالله الرضيع ع

🚩🚩🚩🚩🚩

انه لو ليت حك أرباي أريدنه
ياماي العذب ابني نحرم منه

🚩🚩🚩🚩🚩
عبدالله بسهم تاليه يفطموه

مثل الطير ابني نذبح خلوه

راد الماي وبحضن الولي صابوه

وكاروك الولد بلهيمه خلنه

{ ايذبحونه // ازغير شلون}

🚩🚩🚩🚩🚩

صابو ركبته عبد الله يلغالي

عليه حيلي نهدم ونفطر دلالي

اهزن بالمهد ثاري المهد خالي

بعد آيس يكلبي واكطع الضنه

{يفطمونه // ياحيف بنبله}

🚩🚩🚩🚩🚩

مذبوح الولد مثل الورد ذبلان

شكول اعليك يازغير ياعطشان

الف ياحيف وجهك وسده تربان

ومالي روح ابني شلون اصدنه

{ مشبوحه // عيون اوليدي}


🚩🚩🚩🚩🚩

حكي اعله الزغير عيوني لعميها

مالي عين والركبه اصد ليها

آه ياحرمله سهمه نبت بيها

أظل للموت أون ماتكطع الونه

{مصوبينه //عبد الله بنحره}

🚩🚩🚩🚩🚩

مصوبين الولد والروح خلصانه

اون عليك يمه، وعيني عميانه

كاروكه اشوفه وخالي امجانه.

اناغي المن بعد وابني اشوفنه

{ ماريده // ياعمري أخلافك}

🚩🚩🚩🚩🚩

الله يعين أبو السجاد من شافه

شني ذنب المكمط يابسه اشفافه

ويلي الصوبه من الله ماخافه

لو ينسام والله بروحي اسومنه

{ايذبوحني// ياريت ابداله}

🚩🚩🚩🚩🚩

تمت بأقلام الملتقى الزينبي

خادمات كعبه لاحزان زينب ع

✍️الشاعره ام كنان الهاشمي

✍️ الشاعره ام نور الزهراء الزينبيه

ممنوع من يحذف اسم الشاعرات أو من ينسب القصيده له غير مبرئ الذمه أمام الله وأمام الزهراء عليها السلام 🏴

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

شده للرضيع ع
**
يعبد الله إلك حنيت واشتاكيت
أنه الداريت يامه وشكثر لوليت
**
الرباب امك تدور عنك وتسأل
ساكت مابجيت الليله يمدلل
مو عاده إلك هالنوم شو طول
حليبي در عليك وانته ماكعديت
**
يبني ياحبيبي وثمر دلالي
اعاين عالمهد شفت المهد خالي
نايم ليش فوك الكاع يالغالي
غطوك بعبايه وميت ومدريت
***
اكشفت وجهك شفت نحرك يسيل دموم
اكلك يبني كوم وماتريد تكوم
حكك بالسهم مذبوح يامفطوم
ييمه ابيش اجيت لكربله ورديت
***
دلالي انفطر بالخيمه كابلتك
ضامي ومنذبح متفطره شفتك
أنه لشيباتي وايام الكبر ردتك
بأيام الرضاعه تموت ماظنيت
***
اكماطك بالدموم امخضب لكيته
غسلته بدمعتي باحضاني ضميته
عبير يفوح عطرك بيه شميته
اخذته وياي يمه لليسر وامشيت
***
ذبحوك الاعادي وراسك اعله ارماح
ازغير عالرمح راسك ييمه وطاح
يطيح وياك كلبي وشالك الذباح
دمعاتي دموم شما إلك صديت
**
أم علي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة فزاعية ( لعبدالله الرضيع ع )
----------------------------------------------------

دللو يل ولد يبني .. دللول
نايم عل ثرة عبدالله مجتول


دللو يبني حاجيني ... دللول
اناغيك و تناغيني ... دللول
وأرويك ابدمع عيني ... دللول
عفت يوليدي احظيني ... دللول

نايم ليش عفت امك ... دللول
يبني و سابح ابدمك ... دللول
ردت بس استمع ونك ... دللول
خالي يل ولد مهدك ... دللول

خالي و اني اهزنة ... دللول
اگماطك وين اضمنة ... دللول
عليك اني اجر ونة ... دللول
الماي منين اشربنة ... دللول

عطشان الولد يبني ... دللول
و فراگك حيل يتعبني ... دللول
خالي يل ولد حظني ... دللول
صدگ يبني تفارگني ... دللول

فراگك يل ولد يكتل ... دللول
يمه و الله ما احمل ... دللول
اريد أرويك يمدلل ... دللول
ترضة الوالدة تنذل ... دللول

ترضاها عبد يمة ... دللول
امك ضالة ابهضمة ... دللول
أللولي المن بعد يمة ... دللول
ابني و رايدة اشتمة ... دللول

---------------------------------------------------
*بأقلام خادمات اهل البيت ع*
* ✍آلــشــا؏ـرة وآلمـلا 🎤 رغــد آلـبــھہادليِہ*
* ✍آلــشــا؏ـرة رغــد ام وسام*
ذمة عدم حذف الاسم وغير مبرئ الذمة كل من ياخذ من الكلام وينسبه له

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نعي لعبد الله الرضيع عليه السلام


ياناس الولد للگلب شريان
وانه اليوم گلبي انذبح شريانه
اهزن بالمهد وعيوني تغفه اشلون
ماتغفه العيون امگابله امچانه
عبد الله الطفل ياذنب مطلوب
صابوه بسهم مسموم عدوانه
جابه حسين للصيوان مهضوم
وطلع للمعركه ايحشم بخوانه
ياعباس ناده وجعفر وعون
ولاواحد گعد كلمن بميدانه
عفتوني غريب وحاير بنسوان
بين الگوم هاي الگوم خوانه


عفتوني وحدي ابين هالگوم
مكسور ضهري وحاير اليوم
اشوف الطفل بالسهم مفطوم
ومگطوع راسه وينزف ادموم
عباس خويه اتسلح وگوم
نايم اشلون ومو وكت نوم


اشلون نايم عالشريعه
اگعد يبو اچفوف الگطيعه
اخوك العده ذبحو رضيعه


بحضني الطفل گطعو وريده
بچه حسين ويگل العضيده
وچفك الهاي اليوم اريده


الهاي المصيبه انريد چفك
لوعدل ماتسكت اعرفك
حسبالي تگعد جيت اكلفك


حسبالي تگعدلي يضرغام
ووصيك عالحره والايتام
باچر يذبحوني الظلام


الشاعره المله
ام هجران العمارچيه
غير مبري الذمه كل من يمحي اسم الشاعره او ينسب الكلام لشخص اخر


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

ولعبد الله الرضيع ولأمه الرباب جراح لازلت تنزف

.....
اي وحگ ليل السهرته
ايضيع تعبي ما حسبته
خالي حضني والمهد
والولد راح الولد
......
اي وحگ كل لحظه مرت من حياتي
وحگ صبري الچان بي موصوفه ذاتي
وي رضيعي ضيعت كل أمنياتي
امه وتمنيت لو گبله مماتي
اللوم ما ينفع بعد
والولد راح الولد
.....
شلون منظر مرمراني بيوم شفته
سهم المثلث أنه بعيني لمحته
صحت يمه وهيست روحي ضربته
ريته صوب گلبي ماصوب رگبته
لجرحي ما ينفع ضمد
والولد راح الولد
.....
صورتك لحظه ولا تركت خيالي
وروحي مني تروح يم ذيچ الليالي
اتخيلك نايم واناغيلك يغالي
وبيدي هزيت المهد وٱنه ادري خالي
فارگت طير السعد
والولد راح الولد
.....
دورت مهدك ييمه وما لگيتك
ضيعيتك من اديه ضيعيتك
ازغير عمرك يلي بالطف كبر صيتك
الدمعه والحسره ولا كفت قضيتك
الدمعه ما تكفي ابد
والولد راح الولد
.....
عتگ صبري يالجديده ايام عمرك
امك ويصعب علي يوليدي هجرك
وينك أو وين العطش يمه شيصبرك
عظم الله اجري ييمه وعظم اجرك
هذا من ربي وعد
والولد راح الولد
بقلمي ... الشاعرة نسيم كربلاء

لا اجيز حذف حقوق القناة


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆

#حصرياً_من_ديوان_📚_قُربان_الطف_ج_٣
قصيدة لعبد الله الرضيع(مهدك تراوالي)
❥━──➸➽❥❂❥━──➸➽❥❂
عبد الله يبني يانحر ينگط ترافه
شلون يچويك السهم يمه حسافه
كل ساعه واگبالي .. مهدك تراوالي
يمه .. يمه
❥━──➸➽❥❂❥━──➸➽❥❂
ها يبو نحر الترف/حته دمك من نزف
انه اشم عطر الورد چن نزف وياه
اوليدي ياشمعة ضوه/يااعز من الهوه
يانفس ريتي وفلا اگدر بلياه
امنيتي لو ساعه اناغيك واشمك
ابداعت امك يالعزيز تجاوب امك
يالشيبت حالي .. مهدك تراوالي
يمه .. يمه
❥━──➸➽❥❂❥━──➸➽❥❂
زغير بعدك عالذبح/عليك دلالي انجرح
وسفه يا عبد الله يبني تموت عطشان
شلي انه بدنيتي/مني راحت فرحتي
ساعة الشفت السهم والوجه ذبلان
شلون اهزن بالمهد والمهد خالي
ابفگدك انه افگدت عزي ودلالي
خيبت آمالي .. مهدك تراوالي
يمه يمه
❥━──➸➽❥❂❥━──➸➽❥❂
بعدك بعمر الورد/رحت مني وما ترد
وچنت من انظر لوجهك ارسم أحلام
للكبر ردتك ذخر/وتوسدني بالگبر
مو تعشيني بغيابك حسرة والآم
گمت احس بخنگه لمن اشرب الماي
لا فكر يالولد عندي ولا بقه راي
والحضن ظل خالي .. مهدك تراوالي
يمه .. يمه
❥━──➸➽❥❂❥━──➸➽❥❂
انه كل ليلة افز/شايله اسمك حرز
اگعد انتظرك يگلولي الولد مات
ريت وياك اندفن/والله تعبني الحزن
ليش فرگنه الزمن يمه حسافات
بيا ذنب كفار ذولي وما يرحموك
بسهم المثلث بدين حسين صابوك
الموت يحلالي .. مهدك تراوالي
يمه .. يمه
❥━──➸➽❥❂❥━──➸➽❥❂
يحرگ عيوني الدمع/وگلبي يعزيزي انفجع
شنهو حال التفگدلهه ولد يا ناس
تعيش مكسورة جنح/والگلب منها انجرح
عايشه بلا روح بس تصعد الأنفاس
كل عمري اضل اعليك انوحن واگعد انعاك
امنية عندي يالولد اتوسد وياك
كل حزني للتالي .. مهدك تراوالي
يمه .. يمه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه لرضيع ع

خالي المهد مابيه حس وليدي
.......

خالي المهد بجاني
وغير ييمه اللواني
بيك الدهر فجعاني
ياروحي عني وهيدي
...........
شلون اهيد جروحي
وعليك شاغت روحي
كثرت همي اونوحي
يهلال عزي وعيدي
...........
ماهو الولد بمجانه
وامه عليه حزنانه
ياروحي الخلصانه
عليه بالون زيدي
............
كلما ادير بعيني
جن ابني ايناغيني
ويكول يمه اخذيني
وبراضه شدي اوريدي
...............

.صديت مهدك خالي
عبدالله يبني الغالي
الدهر شل احوالي
مذبوح شلتك بيدي

.............

.✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الفاطميه

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*من ديوان مسير الفواطم لارض المظالم ج٢*
*قصيده للرضيع (شلك بهاي النومه)*
❥━──➸➽❥❂❥━──➸➽❥❂
عبد الله يوليدي صحت
شلك بهاي النومه
❥━──➸➽❥❂❥━──➸➽❥❂
اشلون نايم باللحد
كلساع اصيحن يالولد
موحش وحزنان المهد
وروحي اصبحت مهضومه
❥━──➸➽❥❂❥━──➸➽❥❂
مهظومه يوليدي واون
والروح گاضيها الحزن
دمعاتي عالوجنه جرن
وعليك انه مالومه
❥━──➸➽❥❂❥━──➸➽❥❂
مالومه واجذب عبرتي
احا يهظمي و لوعتي
مصيبه عضيمه مصيبتي
من الولد محرومه
❥━──➸➽❥❂❥━──➸➽❥❂
محرومه انه من شوفتك
تكتل ييمه روحتك
هزت ابداني مصيبتك
ابني تسيل دمومه
❥━──➸➽❥❂❥━──➸➽❥❂
ايسيل دمه امن النحر
لاروح عندي ولاصبر
ذبحوك يوليدي الكفر
وعودك طلع للحومه
❥━──➸➽❥❂❥━──➸➽❥❂
عودك طلع لحرابه
يصعب علينه امصابه
سكنه نخت يايابه
وادموعها مسجومه
❥━──➸➽❥❂❥━──➸➽❥❂
*بقلم خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولإمواتكم:*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك بالقناة

لطميه لعبدالله الرضيع عليه السلام


محزونه الرباب اليوم محزونه
أبنهه أبسهم المثلث يفطمونه
❥━──➸➽❥❂❥━──➸➽❥❂
هزت بالمهد وأدموعهه يصبن
مهدك يالولد بعدك يظل المن
حن گلبي أعله طولك يالمدلل حن
شنو ذنبه الطفل خاطر يذبحونه
❥━──➸➽❥❂❥━──➸➽❥❂
مشتاگه أرد أحضنك وأشتم بنحرك
وأضمنك ييمه الصدري أشم عطرك
ما عبرت سنه عبدالله من عمرك
كون وياك أمك يبني مدفونه
❥━──➸➽❥❂❥━──➸➽❥❂
عمت عيني السهم شمسوي بالمنحر
كل ذاك الجمال بكربله أتطشر
أريد أنسه وأنام بليلي ما أگدر
خيعونه الينام بليل خيعونه
❥━──➸➽❥❂❥━──➸➽❥❂
بعدك ما كلت يايمه بلسانك
ركض ليك السهم وأنگطع شريانك
يكسر خاطري شماباوع أمجانك
أشوف المهد خالي أيصبن عيونه
❥━──➸➽❥❂❥━──➸➽❥❂
ردتك يالولد تگبر بعين أمك
تضمهه الصدرك أنته وهيه تضمك
ما حسبت تالي العمر مو يمك
المضيع طفل هلبت يدلونه
❥━──➸➽❥❂❥━──➸➽❥❂

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الأربعاء / ٢٣ من شهر ذو القعدة
الموافق / ٢٠٢٢/٦/٢٢
                       

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك  

عبدالله يبني وينك_٢
عبد الله يبني
بيك الزمن دولبني__٢
عبد الله يبني
_
يبني الزغير وعمرك بحد سهمك
مذبوح يوليدي تعال الامك
يالون شيبي كون ضلعي يضمك
ياكشخه حسين بشمرته لدمك
لموت كحل عينه
عبدلله وينه__٢
عبد الله يبني وينك
عبد الله يبني
____
اصغر امام الماي حاصد عمره
من شال ابوه حسين جنه الكمره
عطشان صاح ازكو الطفل شي كطره
لاشال سيف ولارمح ياكفره
بدم منحره مروينه
عبد لله وينه__٢
عبد لله يبني وينك
عبد الله يبني
__
___
يتلفت حسين ورجع للخيمه
اهلال ظهره ومنحني من ضيمه
جاب الرضيع وينحب بالهيمه
للخيمه يم الموته حزنه يجيمه
ام عون جته حزينه
عبدلله وينه__٢
عبد لله يبني وينك
عبد لله يبني
__
__
خويه رجعت ياسور فينه العالي
ماجور ابذبح الولد ياولي
جيب الطفل ياحسين خله كبالي
ياخويه لمصابك اصوب حالي
خاف امه تفرع لينه
عبد لله وينه__٢
عبد لله يبني وينك
عبد لله يبني
____
_
ولن الرباب بهل خبر معلومه
كشفت طفلها مرتوي من دمومه
صاحت يازينب ابني كرب يوميه
كشفيلي وجه خل اصد لرسومه
والنار وجت بينه
عبد الله وينه___٢
عبد لله يبني وينك
عبد لله يبني
__
___
تمت
بقلم العلويه ام رقيه
فيض الطف

https://tttttt.me/joinchat/AAAAAELdvGssZMurwfLsJA

لطمية لعبدالله الرضيع عليه السلام

يمه الولد يايمه♡ يمه الولد يايمه
ربيتك ابحضني اشهور
وگلت السنه اعليك ادور
يمه الولد يايمه
--------------------------
يمه الولد عبدالله يانور العين
گلبك ييمه انفطر صاير نصين
ايفطمك بسهمه يبني تاليهه البين
حرمله ايذبحگ ونكسر گلّب حسين
ضل گلب عودك مكسور
وگلت السنه اعليك ادور
يمه الولد يايمه♡ يمه الولد يايمه
--------------------
عبدالله يبني مهدك يبجيني
تربي اعله دربك يبني ضلت عيني
فرصه الدهر يوليدي ماينطيني
ما ادري دهري ابموتتك يسبيني
عيني انطفى منهه النور
گلت السنه اعليك ادور
يمه الولد يايمه ♡يمه الولد يايمه
--------------------------
يوليدي شفتك بالسهم من صابوك
مني يفطموك العدة شيطلبوك
اتكمل لعين امك سنه ماخلوك
جاشنهو ذنبك يالولد ويذبحوك
وجف اليشربك مبتور
كلت السنه اعليك ادور
يمه الولد يايمه ♡يمه الولد يايمه
--------------------------
والماي ليش اعليك يبني ايمنعه
يابس وريدك يالولد ويكطعه
والسهم من نحرك بعد شيطلعه
ماعندي حيله بس اصب الدمعه
وامنين اجاني عاشور
گلت السنه اعليك ادور
يمه الولد يايمه♡ يمه الولد يايمه
-----------------------
سهم المثلث ريته كون ابنحري
اولا شوف دمك بيد ابوك ويجري
ابهاي المصيبه امنين اجيبن صبري
ماريدة يبني عكب عينك عمري
اشكد گطعو بيني انحور
گلت السنه اعليك ادور
يمه الولد يايمه♡ يمه الولد يايمه
-------------------------
در صدري يبني والگلب يلهب نار
وعودك ييمه لفرگتك ضل محتار
شيصبرة عودك على هذا الصار
والمهد خالي اوعيني اتهل اعبار
وعودك ابجتلك ماجور
گلت السنه اعليك ادور
يمه الولد يا يمه ♡يمه الولد يايمه
-------------------------
تمت بحمد الله لخادمة اهل البيت ع أم ابراهيم الحلفي ونسالكم الدعاء

----------------------------------------------------
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده مربعه العبدلله الرضيع ؏




ياروحي ياعبدالله ياماي العيون
رايح صدك من ايدي مايرجع شلون
━━━━━━━━━━━━━━━━━
رايح بعد من يمي ماشوفه بـــعــيد
كافي ييمه من البجي وليدي وهيد
من البواجي ينتحب والله يــزيـــد
عطشان متعيني الولد ماي يريــــد

ماي من عيني عصرت
بلكي يطلـــــع هل ردت
رايح وليدي بعد مايرجع شلون
━━━━━━━━━━━━━━━━━
ماي من عيني عصرت ردت شواي
بلكت اشربــنه ردت يمشي ويــاي
وعله الزغير والله تـــجري عيـناي
فجعتنــي بعزيـــــز الكلب يادنياي

فجعتني وخذت روحـــــي
مـــــــــابطلت لا نوحـــــــي
رايح وليدي بعد مايرجع شلون
━━━━━━━━━━━━━━━━━
صوب النجف وتوجـهت ياحيدر
وليدي بعده زغير وكلبي حتار
يومه صعب يصعب تره لا ماصار
بين الحياة ومــــــوت لازم أختار

اختار ضلتي بالخيم
وحتار وبهذا ألـــــــم
رايح وليدي بعد مايرجع شلون
━━━━━━━━━━━━━━━━━
ألم ماينوصف صعبه لـــو شرحـــته
توجهت صوب النجف ياعلي صحته
شوف حالي بياهضم واليوم ردتــــه
من الهظم والضيم مو كلبي شلعتــه

روحي متعوبه بقـــت
سهم وبنحره شـفــت
رايح وليدي بعد مايرجع شلون
━━━━━━━━━━━━━━━━━
سهم فت كلبي وشلع وصلة گلب
جيت مذهولــــــــه وادور بالدرب
بدمه شوفنه الولــــد والله صعب
يمي بس اجناب ولـــــــوادم غرب

لاعرف وانشد واكول
وردت من الله القبـول
رايح وليدي بعد مايرجع شلون
━━━━━━━━━━━━━━━━━

🔴اڵـــشــاعـــره آلــــّ؏ــلّويِـــــه🔴
ام رقـيــه المـوسـويــه ال قطب الديــن

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطمية للوداع

لملمتهم بت علي وتصيح الوداع
باجر تروحون مني لرملة الگاع

لمت اشبول الهواشم وسط الخيام
صاحت الاكبر يجيها فخر الاعمام
وكلهم التمو عليها حتة جسام
گالت امعوذين بالله اولادي الاسباع

باوعت عاليمنة كاعد رفعة الراس
وهية كلما رافعت الجفين تنباس
بطل هذا اللازم المتنين عباس
هذا هو الدوسة منة تزلزل الگاع

تصد عليمن عينها احتارت الحرة
يمها كل فرسانها الناظر تسرة
مدري للخوان زينب تهل عبرة
لو لولاد اخيها الحلوة الاطباع

اتصب بدموعها ام الحزن كامت
صاحت يالكفيل اختك احتارت
كبل وداعكم تتمنة ماتت
ولا من گولت الله وياكم ارتاع

صاحت صوت ها زهرة تجيني
دار الدور اودع نظر عيني
ابو السجادكل لحضة يجيني
يريد يوصي بية حسين هالساع

كتلة لاتوصيني يذخري
لو انة جبل هم زال صبري
من عگبك عسا لاعشت عمري
وكبلك باجر تشوفوني عالگاع

تمت

العلوية فضيلة هاشم الموسوي
كتاب دموع السماء

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للوداع وزن الموشح

الليله زينب بت علي تودع الاهل
ساعه تنظر للولي ساعه الكفل

شلون باجر لو اجه وصار الصبح
ياهو اليرحل كبل لو ينذبح
وبالرمل عاري اشوفه ومنطرح
ياهو اول ياخذه مني الاجل

جن اشوف الحيد نايم ع النهر
وبيده لازم رايته وجنه الكمر
جفه الايمن حجب عنه الخطر
وجني اشوفن والدي ذاكه الفحل


راسه مطبور بعمد.بس ماخضع
يشكي من فركه الاخو مو من وجع
والطفيلي بس تدناله رجع
والنهر لاماجره منه خجل

كمت اشوف حسين هزها كربله
ضلت ارجال العده بس معوله
تركض بصحرائها بذيج الفله
والعميد حسين واكف كالجبل


مايطيح حسين لا هذا محال
راعب الخياله ترجف هالرجال
هذا ابن حيدر علي اقره المقال

جان يضرب بالرجل راس الرجل


بس ابو السجاد نامت اله الارض
حتى دين الله يتمم هالفرض
والرمح دنك اله لهذا الغرض
فوك راسه شال ابن سيد الرسل

تمت بعون الله تعالى
بقلمي انا ام علي البابلي
لااجيز حذف الاسم او التلاعب بالكلمات

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك