نعي ليوم العاشر

ضليت وحدي بيوم عاشر
مفرد يجدي ومالي ناصر
بين العدة وعيالي حاير
مرات ارد مرات غاير


ادريهن ايصدن الية
ويدرن منيتي هالمسية
دلالي يم بت الزجية
وشلون لو راحت سبية


يمخدرة خوية اعذريني
من تنسبين وعاهديني
عالغبرة من تشاهديني
مذبوح ابد لاتندبيني


عطشان ياجدي واعاني
والضمة هد حيلي ولواني
مثل الخشب صاير لساني
لو حركت شفتي چواني


انزف يجدي جروح الي هواي
والشمر يتدنالي بهداي
الينذبح مو ينسكي ماي
الدهر حيل مخالف وياي


حزب شيطان وتلاكة ....وية حزبي
ويجدي الي جرح كلبي ..وية حزبي
اثر شفتك على نحري ...وية حزبي
گلبني من الكفة وشعمل بية

فاطمة المگصوصي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نزلة للوداع
****
صعبه هالليله تنحب العيله
بالخيام
اموادع الخوه واهل المروه
بالخيام
***
زينب تودع اخوهه واحله السنين
تكله هاي الليله آخر ليله يحسين
كلهه لاتبجين زينب صبري العين
كلبي مايحمل دمعتج وانتي تدرين
دمعج الغالي يبدل احوالي
بالخيام
روحي الج فدوه واهل المروه
بالخيام
***
راحت لكافل خدرهه تودعه تريد
تكله راح امشي يخويه عنك بعيد
ويه جتالك سبيه وحبل بالأيد
واوكف بديوان أميه بمجلس يزيد
أحسب حسابي افكد احبابي
بالخيام
بناري اتجوه واهل المروه
بالخيام
***
ليله للأكبر تكله شلون انساك
ياشبيه الهادي يبني صعب فركاك
واحد امك ياحبيبي وكلبي ناداك
لاتعوف امك غريبه بولية اعداك
تبجي تتحسر اتقبل المنحر
بالخيام
عالصبر كوه واهل المروه
بالخيام
***
رمله صاحت ياعمود الخيمه جسام
يمه مااصبر بدونك كلبي ينضام
شلون اعيش العمر بعدك واكضي الايام
والعرس والزفه باجر نبله وسهام
شبكته وصاحت ونت وناحت
بالخيام
بلوتي بلوه واهل المروه
بالخيام
**
والرباب تشوف ابنهه اتودعه تكوم
عالمهد نامت تحضنه اتشم الهدوم
يبني ياعبد الله اشبع منك اليوم
باجر تروح من اديه بسهم مفطوم
تسبح بدمك يابعد امك
بالخيام
ضامي تتلوه واهل المروه
بالخيام
**
أم علي


https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه كعده اليلة الوداع

ودعت اخوتي ابهاي المسيه والدمعه جريه
عساه الصبح لا يجبل عليه والدمعه جريه

.........
ياليل افراكنه لاتكضي ابساع
من وجه الاحبهم اشبع اوداع
انضر لبوفاضل والصبر ضاع
ويوصوني على سكنه ورقيه . والدمعه جريه

.........
يعيني اليله سهري ولا تنامين
وشبعي شوف من عباس وحسين
وعزاز الكلب باجر مرحلين
بفراكهم اصيح اشلون بيه. والدمعه جريه
...........
صعب يوم الموادع هدم الحيل
يصبح الشوم بيك اخواني اتشيل
اصدن عالحسين ومدمعي ايسيل
باجر همتج يالهاشميه . والدمعه جريه
........
اسمعي وصيتي يعزيزت خواتي
وصي يابعد روحي وحياتي
يزينب خلي عينج من بناتي
باجر من اطيح عالوطيه. بالدمعه جريه
........
وبعد عندي وصيه يم الاحزان
لوشفتي النحر كطعته العدوان
والعباس يبكه بغير ذرعان
وتمرين الضعن عالعلكميه . والدمعه جريه

.......

.✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي العلويه الجزء التاسع


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه ليلة العاشر زينب تودع الحسين
ع

دمعه وحزن ياليلة العاشر
وزينب وضعها يكسر الخاطر

وتودع الوليان//منها الگلب حيران

دمعه وحزن ياليلة العاشر
............................

دمعه سالت زينب وترثي المصيبه
ليلة العاشر صدك ليله رهيبه
تودع حسين واخوته هاي الحبيبه
باجر بطف كربله حرمه وسليبه

يموت السبط عطشان //گلبه التهب نيران

ايروح الخدر وي الولي باجر
دمعه وحزن ياليلة العاشر

.................................

حسين لم العايله ويوصي بيها
وزينب امن اعيونها ينزل حجيها
كلشي يفهم منها الحسين ابجيها
تريد تشبع شوف من حضرت وليها

بخيمه بس وجعان//منها الگلب حيران

وحسين يبقى ما اله ناصر
دمعه وحزن ياليلة العاشر

..................................

تنزل ادموع العقيله وليلة اوداع
تودع حسين وگلبهه ينزف اوجاع
تخاف باجر ينغدر من اهل الاطماع
راسه يمشي اعله الرمح والجثه عالكاع

والضعن بس نسوان//منها الگلب حيران

وصدره تشوفه بي اثر حافر
دمعه وحزن ياليلة العاشر

..................................

شمس وتودع گمر وتهيج الاحزان
تعرف حسين بغربته يكضي عطشان
ايسلبون اثيابه كلها ويبقه عريان
تدري باجر عدها زينب ماكو وليان

نامو عله التربان//منها الگلب حيران

تودع وليها والگلب حاير
دمعه وحزن ياليلة العاشر

..................................

خويه باجر يبو اليمه من ينصرك
ايسلبونك ال اميه هذا قدرك
امكطع ومبتور من ايدك خنصرك
لا علي ولا فاطمه محد يحضرك

من تنذبح عطشان//منها الگلب حيران

ينزف ادمومه وجهك الزاهر
دمعه وحزن ياليلة العاشر

....................................

لشاعره ام ابراهيم الحلفي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للحسين ع (للكطعو جثمانه )

اويلاه للكطعو جثمانه
اويلاه وأم الخدر حزنانه
@@@@@@@@
تكول عافيتي كضت
ضلوع اخوي ترضرضت
روحي اعله فكده تمرضت

والوجه صفره الوانه
اويلاه للكطعو جثمانه
@@@@@@@@
شفته يون ومنذبح
وما لايك الطوله الجرح
مذبوح يا وجه الصبح

فد نومه ظل بمجانه
اويلاه للكطعو جثمانه
@@@@@@@@@@
طايح جرح فوك الثره
والهوه يجوي بمنحره
ما كال ضلتلي مره

بين الخيم حيرانه
اويلاه للكطعو جثمانه
@@@@@@@@@
لعبو بجثمانه لعب
من هدومه اخويه منسلب
والنار بخيمنه تشب

وسط الكلب سعرانه
اويلاه للكطعو جثمانه
@@@@@@@@@
مثلو بحسين العده
وخيول فوكه صاعده
وانفاسه ماهي هامده

مصاب حسين بجانه
اويلاه للكطعو جثمانه


الشاعره رسل الابراهيمي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

السلام عليكم خدام الحسين
تم نشر لكل يوم تقريبا بين 15الى 20قصيده بالترتب وسوف اعيد لكم النشر مجدد من اليلة الاولى الى العاشرة باذان الله تعالى تابعونا تجدون كل ماهو جديد نسالكم الدعاء.👇👇👇👇👇
https://telegram.me/aabas78

قصيده للسيده زينب ع

جلجل الليل بونينه ... وين اخوي الذابحينه
امشي واعثر بلعبايه حاف يوط الكه وروايه
وانضرب يم ابوسكينه وين اخوي الذابحينه
...........

جلجل الليل بونينه وجيت لحسين الولي
صحت خويه بداعت امي انجان تسمع فز الي
انه زينب ياخو زينب فدوة كلي ادللي
كلي عد عيناج اجيتج ردي وانه ابني ثنيتج
بعد ماطاحت علينه وين اخوي الذابحينه
............
ابد ماحركلي راسه لان راسه منكطع
يمه بس دموم اشوف وظلع طابك علظلع
خنصره اعله الكاع شفته ومحبسه امخلي طبع
انكصت ايده الكص اصبعه هوه محبس هيج طلعه
ليش كص اصبع ولينه وين اخوي الذابحينه
...........
نحرك اتمنه احطه بحضني من فوك الرمح
خاطر انعه شويه خويه ويهده كلبي المنجرح
غافلت خصمك واجيتك ارد اظلن للصبح
بس اخاف يحس عليه يجيب سوطه ويطك بيه
لونشد وين الحزينه وين اخوي الذابحينه
.. .......
ردت اشيل سهام صدرك بس اخاف من الالم
خويه والحيره الجبيره كلي اطلع ياسهم
بيدي اخافن لوسحبته نسحب جبدك اهم
حرمله اموسط النبله بجبد اخوي وماهي سهله
والله مدري شطالبينه وين اخوي الذابحينه
.............
حالته شسوت بحالي لمن شفته اتمرمرت
من ندبته ومانهظلي كتله ليش تغيرت
ولو حكك ياحبيبي هواي ضيم اتحملت
بدمك الطف غركيته جرح ساكت مالكيته
وانوجع كلب الحنينه وين اخوي الذابحينه


للشاعره رسل الابراهيمي✍

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه مربعه للهلال

اليوم شلون زينب. يهل المروه
من هل الشهر والكلب يتچوه

اليوم نشوف زينب والدمع نجريه
نهل دموعنه لحسين ولطاريه
عمت عين الزمان المايحن عليه
خلاه عالتراب الحار يتجوه


هل شهر المحرم واذكرت عباس
راعي الزود والغيره وابو النوماس
شلون على الترايب جثته تنداس
ضل على الشريعه راعي النخوه

هل شهر الرزايه والدمع والنوح
يوم حسين ضل على الترب مطروح
واولاده واخوته والدمه مسفوح
وعافتهم يسيره ورايحه كوه

حرك خيامها ماينسي مصابه
شلون على الحرايم غدت لهابه
وكل طفله تصيح الحكلي يا يابه
ومحتاره العقيله وكلب يتلوه

احتارت بالحرم بطفال ابو اليمه
مچتوفين طلعو تكتل الهظمه
واعزاز الكلوب اليوم ماهمه
وين اهل المحنه وللكلب سلوه


اه يمصاب زينب يوجع الدلال
مهظومه وحزينه والدمع همال
كلب ام عون من هل الهلال شكال
يمكن لا هله صاحت شهل البلوه

ام زينب السعداوي /ناصريه


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده
ميمر

الاول من محرم
هلالية

عاشور هل وام الخدر تعبانه
نصبو المآتم عزو الحــــزنانه


هذالشهر بي يحرگون اخيمها
وتتخضب الخوان كلها بدمها
هــذا الشهر زيّد دمعها وهمها
بي ذبحت اعزيز النبي وخوانه


لاهله بجيته ولاهله بمصباحه
هلال الحزن لهلاله مـامرتاحه
بي بس ذبح متشوف بي اي راحه
لابين اعليها وعسا لاجــــانه


متعوبه حيل تريد عونه وياها
ياريت لا هل بالسمه ولا جاها
يكسر گلبهاوحيل يقسي وياها
جاب الحزن ويا وطل بسمانه


لهلال هل والحزن بين بيها
بعاشر ايامه للسبي يوديها
فوگ الهزل والناس تنظر ليها
وجسم السبط يبقى وذر بمجانه

هذ الشهر ميشوم يحني الاضلاع
گلوله لا يلفينه ويغيب بساع
بي تذكر العافتهم ابلايه وداع
وعباس عالشاطي يصب شريانه


من هالشهر مرعوبه كلش زينب
بخيامها العدوان ظلت تنهب
الزمره الخبيثه ماعليهم معتب
الله يلعنه الظالم واعوانه

✍للعلويه أم علي الشرع


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

هلال محرم


هل شهر الاحزان. يزينب. يزينب
بيج الدهر خان. يزينب. يزينب





راح تبدي،مصايبج كلفه وجبيره
بيهن تفكدين اسياد العشيره
ترافكين الظالم الماعنده غيره
تصير حيره حيرتج ما منهااا حيره
والحزن عنواان. يزينب يزينب
بيج الدهر خان. يزنب يزينب





اه من جور الوكت لو يكصه وياج
عالترايب شبول ويطشر يتاماج
لاولي ولا طيب من الاهل يرعاج
بكترج تلوذ الحرم واسياط تولاج
والعلى التربااان . يزينب يزينب
بيج الدهر خان. يزينب يزينب





هلت ايام المصايب والرزيه
وهلت ايام الهظم بالغاضريه
جم طريح على الثره جثه رميه
وجم حنين الطاح ودمومه سريه
مكطوعه الاوتاان. يزينب يزينب
بيج الدهر خان. يزينب يزينب





شلون كلبج لو تصدين الكمرر
عالنهر مطروح ومكطع وذر
لا ادين وعمد خله براسه اثر
والعين انطفت بسهام القدر
جا كلبج شگال. يزينب يزينب
بيج الدهر خان. يزينب يزينب





يالعقيله والاشدواكلف عليچ
من يروح حسينكم من بين ايديچ
يروح للحومه وبعد لامايرد ليچ
بركبته للسيف اثر من دم يبجيج
للرمح نيشاان. يزينب يزينب
بيج الدهر خان. يزينب يزينب




ام زينب السعداوي،
ناصريه

هديه الى روح والدتي ام حسن😔


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نزلة المجلس الاول ليلة الهلال 1444هـ
…..
هل اهلال عاشور
دمع العين منثور وتنادي يعباس
من شافت الهلال
يمجندل الابطال
وتنادي يعباس
…….
صاحت ابلوعه يخويه يبو فاضل يابطل
خويه ياراعي الكفاله يبن حيدرنه الفحل
ها وحك عينك يخويه شو احسن بالوجل
خايفه اوگلبي عليكم اوحيلي ياخويه نحل
كاللها تبشرين زينب لا اتخافين
هز الواه بيمناه
الحملي انته شيال
يمجندل الابطال وتنادي يعباس
……
خويه يا عباس اخبرك وانته كافل عيلتي
چامنه ابكلبي حسرتي اوبيك خويه عزتي
انه زينب انه اختك وانته تاجي اوهيبتي
خويه من انطق ابأسمك بيك ارفع هامتي
هز الواه عباس ايكلها رفعي الراس يا خويه او تأمرين
ادري بيك سردال
يمجندل الابطال
وتنادي يعباس
…..
شدت الرايه اوتكله يبن حيدرنه علي
خويه ياراعي الكفاله سند يا نعم الولي
انته حامينه اولينه وانته حامي محملي
انته الموصيك حيدر الكافل انته من هلي
يبن الزلزل الكون اوخلاهم يرجفون سيف الله المسلول
يا سيد الارجال ومجندل الابطال
وتنادي يعباس
…..
خويه تدري ليش ابونه طلب حره امأصله
امك الحره النجيبه امعممه ومخوله
رادها تنجب افحوله اليوم عملة كربله
انته واخوانك يخويه رادكم عقد الوله
انته صعب المراس ياصاحب النوماس يبن الشيد الدين
بيك امعلگه الامال
يمجندل الابطال وتنادي يعباس
….
اتقدم الزينب اوگلها جلمتج عندي امر
طلبي يازينب يخويه ابأمرج انه ائتمر
ابد ما تنظام زينب والها افدي انه العمر
فوك راسي يالعقيله ابخيمتچ محد يمر
خويه انه ابخدمتچ شرف عندي كلمتچ يالعزيزه من هلي
كفو يا سبع الرجال
يمجندل الابطال وتنادي يعباس
….

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للحسين ع (للكطعو جثمانه )

اويلاه للكطعو جثمانه
اويلاه وأم الخدر حزنانه
@@@@@@@@
تكول عافيتي كضت
ضلوع اخوي ترضرضت
روحي اعله فكده تمرضت

والوجه صفره الوانه
اويلاه للكطعو جثمانه
@@@@@@@@
شفته يون ومنذبح
وما لايك الطوله الجرح
مذبوح يا وجه الصبح

فد نومه ظل بمجانه
اويلاه للكطعو جثمانه
@@@@@@@@@@
طايح جرح فوك الثره
والهوه يجوي بمنحره
ما كال ضلتلي مره

بين الخيم حيرانه
اويلاه للكطعو جثمانه
@@@@@@@@@
لعبو بجثمانه لعب
من هدومه اخويه منسلب
والنار بخيمنه تشب

وسط الكلب سعرانه
اويلاه للكطعو جثمانه
@@@@@@@@@
مثلو بحسين العده
وخيول فوكه صاعده
وانفاسه ماهي هامده

مصاب حسين بجانه
اويلاه للكطعو جثمانه


الشاعره رسل الابراهيمي
الحان الاستاذه بنت المنهال

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطم فزاعي نفس ياراكضات من الخيم هذا الحسين كبالجن
***
يارايه ماعندج علم وين الكمر احجيلي
***
شمالج وكعتي عالنهر معناهه طاح اكفيلي
دليني درب المشرعه وين الدرب كوليلي
وين اليمين ويسرته متكطعه ياويلي
إسمعتيه وبآخر نفس يازينب يناديلي
هم شفتي بعيونه السهم كطع وياه ادليلي
يحزام ظهري عالنهر بعده منو يتجيلي
مايدري حركوهه الخيم ضيعوهه لمداليلي
الحسين حز راسه الشمر من يذبحه يراويلي
بصدره ترض خيل العده ابنياته هدن حيلي
واتشمتو بيه العده يادمعتي لتسيلي
يارايه من نحر الكمر وياج دم اخذيلي
وياي بدروب السبي من امشي وتصديلي
اذكر دلالي وهيبتي ومن الشمس فييلي
محتاجه فزعة كافلي راح اللذي يحاميلي
خوان ظالم يادهر مانمت ساعه بليلي
*
أم علي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

مربعة المجلس الثاني 1444هـ
….
اهلالك يامحرم حيل بجاني
خوفي بيك افكد هلي اوخواني
….
اهلالك يا محرم حيل المني
من شفته غصب عني عله وني
اخافن يا اهلال الشهر تغدري
انه امعبره ولد ومضيعه الثاني
….
اهلالك يا شهر عاشور خاطبته
شنهو السبب مگدر ليش ناشدته
كلبي ليش زادت يا شهر ونته
خوفي يا شهر تغدرني عدواني

…
خوفي ياشهر شو اظلم اهلالك
ماتحجي اوتگلي اشصاير اشمالك
عجيبه يا شهر متغيره احوالك
اهلالك يا شهر هيجلي احزاني
…..
انه سامعه من امي الزهره
في عاشور كلبي اللوعه اتفطره
اخوي احسين عاري يضل علغبره
وانه امكيده او مذبوحه ولياني
….
انه ابهلشهر حسره يودوني
للكوفه اوبعدها الشام يهدوني
واشوف امصابب البيها يقجعوني
اوراس احسين علمياد يرعاني
…..
من صغري وانه امرافگه الاحزان
فكد امي عليه صعب لا ما هان
وانوبه صدعني دهري بالوليان
بني ميه اعلنو مسبيه عنواني
….
اديون الها اعله جدي النبي المختار
بدر وحنين دين الها عله الكرار
كلها اتريدها من صفوة الجبار
اوراس احسين علمياد يرعاني
….
الحاجة ام احسان الخاقاني

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للأمام الحسين عليه السلام


حني اليوم وي أم عون
والمظلوم الطميله
❥━──➸➽❥❂❥━──➸➽❥❂
وي أم عون حني اليوم
والطمي حيل للمظلوم
صابوه أبسهم مسموم
من عنده أنهدم حيله
❥━──➸➽❥❂❥━──➸➽❥❂
حيله أنهدم من عنده
صابوه العده أبچبده
وين المرتضى أوجده
أوين المجتبى الليله
❥━──➸➽❥❂❥━──➸➽❥❂
وين المجتبى وحيدر
وين المصطفى يحظر
أبنهم بالشمس والحر
ما وأحد يفييله
❥━──➸➽❥❂❥━──➸➽❥❂
ما وأحد الفياله
أبنهم بين خياله
صاب السهم دلاله
وعيونه عله العيله
❥━──➸➽❥❂❥━──➸➽❥❂
عله النسوان يتربه
صابوه العده أبگلبه
صعبه شدته صعبه
طاح ومن يتجيله
❥━──➸➽❥❂❥━──➸➽❥❂

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الجمعة / ٢٢ من شهر ذو الحجّة
الموافق / ٢٠٢٢/٧/٢٢
                         
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

عمامتك يحسـين مـن شـالوها

شــــوفوها لزينــــب وأّذوهـــا

ـــــــــــــــــــ📃📃ــــــــــــــــــــ

أه يابــــن الطاهره ياأّبن الرســول

وعلى جسمك خيلهم صارت تجول

هوســوا بعمامتك خــويه شـگول

أّه يأّبن أمـي الكفر ســلبوها

ـــــــــــــــــــ📃📃ــــــــــــــــــــ

سلــبوها وصـار دلالي بـهـضـم

ولمصـيبه الخيل تسحگ باالعـظـم

مدري منك شلگه مدري إنـه شأظم

ووذر جثتك عالترب خلوها

ـــــــــــــــــــ📃📃ــــــــــــــــــــ

عيني عـميـه ولاشـفت ذاك الوكت

كـون گبلك يابـعد روحي متـت

يلخـذت وياك حـيلي مـن رحت

تدري زينب بالحبل كادوها

ـــــــــــــــــــ📃📃ــــــــــــــــــــ

طـــحت وأّختك كايديها لليسر

تريد توصـلك ويضــــربهه الشمر

شسوت بجسمك يخي شمس الضهر

حـتى جـثتك أّبد مارحـموها

ـــــــــــــــــــ📃📃ــــــــــــــــــــ

جـثتك تـــنزف بـقت بتـــرابها

والدمه صـاير يخويه أّخضابها

وبـالگلب نــــــشاب صار أّصوابها

تـــضل ثلث تــيام مادفـــــنوها


ـــــــــــــــــــ📃📃ــــــــــــــــــــ
تـمــ بعون الله تعالى ــت
بأقــــ✍ــلام خادمات أهل البيت

✍نــــورس لحلفي
✍رمـــــاد الخيام

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*قصيدة للخدمة الحُسينية (كعبة عشگ)*
طور قصيدة السيد الصافي للموت ما ننسى الحسين
❥━──➸➽❥❂❥━──➸➽❥❂
كعبة عشگ يبقه الحسين
كعبة عشگ يبقه الحسين
❥━──➸➽❥❂❥━──➸➽❥❂
يا اول انسان بوصف جودك احير
عريان وتلبس اليخدمونك حرير
والخادم ترفعه الى رتبة امير
صحيتنه بآذان السنين ... كعبة عشگ يبقه الحسين
❥━──➸➽❥❂❥━──➸➽❥❂
صيحتنه يا مولاي تبقى للأبد
ومعاهدين الزهره وبهذا العهد
مواعدين المهدي ما نخلف ابد
نخدم نظل طول السنين ... كعبة عشگ يبقه الحسين
❥━──➸➽❥❂❥━──➸➽❥❂
احنه خدام الحسين ونفتخر
ونريد منه يشفع النه بالحشر
خدمتك مولاي بس هي الذخر
واحنه بمحبتك فائزين ... كعبة عشگ يبقه الحسين
❥━──➸➽❥❂❥━──➸➽❥❂
نفتخر مولاي احنا شيعتك
ونبقى خدام المقام وحضرتك
راية الإسلام صارت رايتك
اسمك فخر للعاشقين ... كعبة عشگ يبقه الحسين
❥━──➸➽❥❂❥━──➸➽❥❂
يحسين اسمك يجري ظل ويه النبض
ومحبتك مولاي صارتلي فرض
خل يحاجج من على الحب اعترض
بهواك احنا مجنين ... كعبة عشگ يبقه الحسين
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة للعليلة ع

ذكرياتي// صعبة والله انساها
ذكرياتي// ويا الابو محلاها
هواي دللني الابو ...كلة حنية ودفو
ذكرياتي// صعبة والله انساها

كلشي اتذكر ابد ماناسية
ذكرياتي ابالي لسة باقية
شلون چان حسين هوة العافية
وذيچ كلماتة الحنينة الدافية
بكل كتر ذكرة الة...راح عني لكربلة
ذكرياتي //صعبة والله انساها

بكل كتر بالبيت خلالة اثر
هنا صلاتة هنا قيامة والذكر
هنا گعدنة هنا حچينة بالسفر
يوم گتلة بوية مااحمل هجر
وياك اخذني بسفرتك ...بوية تكتل فرگتك
ذكرياتي//صعبة والله انساها

شگد حچينة بالسفر ذاك الوكت
گتلة اخذني ودمعتي عالخد تكت
لصدرة ضمني وحسرة خنگتني ونحت
هسة ياهو يگلة بعدة انة هلكت
هم مريضة وناحلة ...ووحدي وبلاعايلة
ذكرياتي//صعبة والله انساها

وامي الراحت وخلتني ابحزن
ليلي اگضي بالدمع والهة احن
يمة روحي اشتاگت لذاك الحضن
اه يربي ليش طشرنة الزمن
اهلي خلوني ومشو ...بعد الية مااجو
ذكرياتي//صعبة والله انساها

وعمتي واخواني وذيچ الاحباب
شانسة منهم يازمن كافي عذاب
روحي خلصت والگلب ياربي ذاب
شكم رسالة ابعث وماكو جواب
مدري اگطع ظنتي...لو اتاني بحسرتي
ذكرياتي//صعبة والله انساها

*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده الى سيدتي ومولاتي العليله عليها السلام😭

غزاني الشيب وانه زغير سنّي
وليالي الفرگه علّه وهم سگنّي
...................
ورده وذابله وساگيني لوعات
بفراگ اهلي ضگت ايام مرات
ثمر عمري جروح وهضم وآهات
وليالي اغيابهم سود وعمنّي
...................
اهداب العين شابن من جفوني
ماجفن دمع يبچـــــــن عيوني
نثّار الدمــــــع عالفــــــارگوني
شلون ارتاح واهلي ابعاد عني
...................
يطارش روح لهلي واخذ الكتاب
هواي هواي سلملي اعله لحباب
گلهم بقت تنطــــركم عله الباب
مشتاگه الخواتي خـــــل يجنّي
...................
الهدب ابيض غده والجفن هدّل
عليله من المرض حــــالي تبدل
مل مني المرض والصبر هم مل
اجـــــــالع بالمنيه وميته چني
...................
مامرتاح گلبي ودوم موجـــــوع
ذايب وحترگ چن خيط بشموع
وتتهامل وجرحت خدي الدموع
جفوني ومالفو وانعکس ظني
...................
ايس گلبي منهم ماكو جيه
شيب شعر راسي وعيني عميه
گلبهم من حجر ماحن عليه
شمعه والليالي ذوبنّي
...................
متعوب الگلب والحيل مهدوم
مگبعه بالحزن ومچودره هموم
مطولين السفر يلفون يايوم
عله افراگ الاهل مابطل وني
...................
✍️للعلويه أم علي الشرع
نسأل من الله تعالى وأهل البيت عليهم السلام التوفيق والقبول


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك