ثكيله للعباس ع نفس طور يايوم اشوف اعتابك للحاج باسم الكربلائي
***
بجفوفي شلت الحاجات وجروح كلبي الكلفات
وين ابو فاضل ناديته وين ابو فاضل
تعبني جور الأيام حكم الزمن والظلام
وين ابو فاضل ناديته وين ابو فاضل
وين ابو الغيره محتاره حيره
***
إمعودني اجيك بشدتي اتنعاك
يبو فاضل احطهه لحاجتي بيمناك
احبك هالكلب مايوم ابد ينساك
ولأن ادري تحبني بكل وكت انخاك
فدوه إلك عمري وروحي انته طبيب جروحي
بالدنيه كلهه مابدلك بالدنيه كلهه
كلما اصيحن عباس تجاوبني احس بالاحساس
بالدنيه كلهه مابدلك بالدنيه كلهه
شيخ العشيره محتاره حيره
****
اليدك بابك يستأذن يزور حسين
وزيره انته وعضيده تبقه بالدارين
بدنيه وآخره تشفع للموالين
يمن ضحيت للخوه بجفوف وعين
للزاير توقعله لسبط النبي يدخله
تقبل يزوره ويوصله تقبل يزوره
يالماخلفت وعودك مايرد واحد جودك
تقبل يزوره ويوصله تقبل يزوره
لجودك فقيره محتاره حيره
*
اجيك وكل جروحي بدمعتي ألتمت
فكري من الهموم إمحير مشتت
كبل جدمي دمعتي لكبرك اتعنت
وتجي ابالي العقيله واطلع اتلفت
اخذوهه عنك كوه زينب تودع الخوه
بدمعتهه صاحت ياخويه بدمعتهه صاحت
عباس نور عيوني بين الغرب عفتوني
بدمعتهه صاحت ياخويه بدمعتهه صاحت
راحت اسيره حيرتهه حيره
*
زينب من مشت بالحسره اذكرهه
ازورك والجفوف اكبالي منظرهه
كطيعه والسهم بالعين حيرهه
راسك عالرمح وياهه ينظرهه
لوتعثر بمشيتهه عينك تهل دمعتهه
اختك سبيه يالكافل اختك سبيه
تسمعهم يشتموهه بسوط النذل ضربوهه
اختك سبيه يالكافل اختك سبيه
الجانت اميره حيرتهه حيره
*
كمر هاشم تنادي ياكمر ليلي
رد حسين محني وانهدم حيلي
يصيح حزام ظهري طاح ياويلي
يزينب راح ابو فاضل يناديلي
فكد الاخو يهضمني راح ابو الغيره مني
زينب تعالي وسنديني زينب تعالي
مااكدر اعدل طولي مات البطل مدلولي
زينب تعالي وسنديني زينب تعالي
بمحنه جبيره محتاره حيره
*
أم علي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

القصيده من ديوان كفيل الهاشميه الجزء الاول.....
عندما اردو ان يحملو راس ابا الفضل ا العباس ماذ قالت مولاتي زينب


👇👇👇👇👇
خلو راس اخوانه لا تشيلونه
حماي الحرم هذا تعرفونه
〰️〰️〰️〰️〰️
بللك يانذل لا تلجم جروحه
يصبن بلدمه وفرفحت ياروحه
علي كلب الحرم ماينكطع نوحه

((عاميني يصوابك خويه)))
〰️〰️〰️〰️〰️
نزله من الرمح خليني اودعنه
ترى جرحه غميج ويجذب الونه
اشد جروح البراسه وضمدنه

(( عاميني اصواب الهامه))
〰️〰️〰️〰️
حسافه عليك خويه تجذب الونه
يلبيك الوفه والبيك حنيه
صعب يومك ياخويه وهم للك جيه
((لطمي ويانه يلعدج هم)))
〰️〰️〰️〰️
ترى الخوان عازتهم ترى جبيره


اسيره اختك يمشوها لياديره
فاركنه الكفل وضلينه بلحيره

((وفاركنه اليحجي معدل))
〰️〰️〰️〰️〰️〰️〰️
راسك بلرمح مرفوع ونشوفه

جرح اختك ومحد يروفه
حتى الشاطي ضل يبجي ويه جروفه

(( معذور انته ياضي عيني))
〰️〰️〰️〰️〰️〰️
ادري بيك ما تنام وتخلينه
مر ينه على الشاطي ونينه

ولشخصك ياخونه اليوم حنينه
(( هضمونه ياخويه براسك))
〰️〰️〰️〰️〰️
✍🏻✍🏻 بقلمي اىفقير خادمه البتول المله ولشاعره ام نادين المحمداويه


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للعباس (ذبت عتاب)


زينب عالشريعه ذبت عتاب
ضحه جفوف اخويه لجل الحجاب
ـــــــــــــــــــــــــــــــــــــــــــــــــــــــــ
زينب عالشريعه ذبت الونه
تبجي اعله الحنين الماكو ابد منه
من تالي العمر عباس اضيعنه

ولو ضاع الحنين منين ينجاب
زينب علشريعه ذبت عتاب
ـــــــــــــــــــــــــــــــــــــــــــــــــــــــــ
يلموفي الكفالة عيونك شبيها
يلمخليهه اخيتك كوم حاجيها
عليك من اللطم عيناي لعميها

يبعد عيوني بعدك عشت المصاب
زينب عالشريعه ذبت عتاب
ـــــــــــــــــــــــــــــــــــــــــــــــــــــــــ
يبعد عيوني زينب ضلت بحيره
كوم اكعد يواليها يبو الغيره
وجهي اخلاف وجهك وين انه اديره


احجي وياي خويه كلبي عطاب
زينب عالشريعه ذبت اعتاب
ـــــــــــــــــــــــــــــــــــــــــــــــــــــــــ
بس اكعد الي ماريد انه الماي
لا تعتذر مني ادريك وفاي
منو بعدك اليه يصير حماي

بعد مالي بدونك والي واحباب
زينب عالشريعه ذبت اعتاب
ـــــــــــــــــــــــــــــــــــــــــــــــــــــــــ
فكدتك وافكدت كلشي يعباس
جنت بجال شخصك رافعه الراس
مو بس كافل انته لزينب انفاس

ماطاب الجرح بالكلب ماطاب
زينب عالشريعه ذبت اعتاب
ـــــــــــــــــــــــــــــــــــــــــــــــــــــــــ
تمت بقلم شاعرتي اهل البيت ع
الشاعره رسل الابراهيمي
والشاعره غدير الحساني


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه مع هوسات للعباس ع

_
يحلا اللطم للنايم اعله المشرعه
راسه انطبر وجفوف اديه مگطعه
_
يحلا اللطم للنايم بميدانه
راعي الحميه مگطعه ذرعانه
لاجاب ماي ولاروه رضعانه

(وتنطره اعله الباب سكينه)

_
بباب المخيم تنتضر رضعانه
مارجع ليها وعافها عطشانه
عالنهر نام مگطعه ذرعانه

الطميله يستاهل لطمه
_
ساعه لبوفاضل الطمي ويومه
وساعه اعله خيته زينب المهضومه
تگول ابن ابويه وين اشوف ارسومه

(ضيعناه الحلوه ارسومه)
_
ضيعنه الغيور وصاحب النخوه
ابوراية الخضره الكله امروه
طاحت خيمتي ونكسرت التچوه

(جا ياهو حسين يتچيله)
_
جا ياهو اليعين حسين ابواليمه
لو حاطته الكوم ولو نزف دمه
وحده يضل غريب ولااخو يمه

(ماعنده اخوان تحاميله)
_

الشاعره نورس الحلفي
هذه القصيدة ضمن ديوان عزاء اولاد الزهراء.


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#قصيده مربوعه للابو الفضل العباس ع

سبع وبخيت وتخاف الزلم منه
على العباس دمع العين اصبنه

ــــــــــــــــــــــــــــــــــــــــــــــــــــــــ

سبع راعي الكلافه وحلو طاريه
زلزلها الطفوف بــصوله نشميه
اريد ابچي عليه دمعات مدميه
وي زينب اون ونه بالف ونه

ــــــــــــــــــــــــــــــــــــــــــــــــــــــــ

وي زينب تعالو نلـــــــطم وننعه
ونواســـي بمصاب الكافل البضعه
اليله على ابو فاضل نسچب الدمعه
وندگ الصدر ونصـيـح كل احنه
ــــــــــــــــــــــــــــــــــــــــــــــــــــــــ

گل أحنه فده لجفوفه والرايه
لطب للـــفرات وماشرب مايه
أقرا له قصيده ولطمو ويايه
زينب بالعزه حاضره وتسمعنه

ـــــــــــــــــــــــــــــــــــــــــــــــــــــــ

تسمعنه وتگول اليوم عازوني
راح يروح مني ناظر عيوني
بعد راعي الكفاله الگوم يسبوني
وسياط الاعادي ويلي يرعنه

ــــــــــــــــــــــــــــــــــــــــــــــــــــــــ

🖇تـمــت بتـــوفيــــق الله

🖊بـٲنامــل شاعرة ٲهـــل البيت عليهم السلام
زهـــراء الحــــربي

وغير مبري الذمه ٲمام الله واهل بيت محمد((ع)) من يحذف الاسم وينشرها ٲوينسب القصيده لــنفسه 🚫

💬ونسال الله التوفيق والقبول
وٲسالكم الدعاء👆

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

بحلول عيد الأضحى، أهنئكم وأرسل لكم أحر الأمنيات، وأسأل الله العظيم أن ينضّر وجوهكم ويملأها بالفرح والسرور، وأن يجعل جميع أيامنا وأيامكم أعياد، وأطال الله عمركم في طاعة الله
عباس التميمي

فزاعيه اومربوعه ام البنين ع وصية العباس ع


ياعباس حط عينك عله ام عون
موش اتنام وعله اختك يعيلون
.................
تراهي بشاربك ياطيب الذات
يراعي الزود يالكلك امروات
بحك در الرضعته يبوالهدات
خلي اختك ييمه وسط العيون
..............
حط عينك عليها هنا يمهوب
تراهي مدلله وماتحمل ادورب
تدري يالحنين عليك معتوب
حمل اختك تشيله فوك المتون
..............
بهاي اوصيك بعدالكلب والعين
يبني بشاربك هاي النساوين
امانه بركبتك غاليك حسين
بخيامه وخواته مايمرون
............
سور اتصير لعضيدك يصنديد
افدي العين يبني واشمر الايد
وشيل الراس يم اختك يالعميد
وجيب الماي ليهم من يعطشون
...........
زينب هاي ماوصيك بيها
وياك اعتاب لوعالو عليها
بيع الروح لختك واشتريها
شيل الراس يبني وكول ممنون

.✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الفاطميه


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة عن شجاعة مولاي قمر بني هاشم ع


العده تتراجف من خزرت عيونه
من غضب العباس شسوه تدرونه
عباس كف ردانه
ومحد ثبت بمكانه
العباس اخو زينب كلهه يهابونه
===============
اليوم من كَوم العدو الكَمر ياخذ حيفه
نزل للحومه البطل بيده شايل سيفـــه
الكَمر من يلزم سبعهم يوذره ميعيفـــه
هاي الحومه بكبرها كلهه تمشي بكيفـه

شبل أمير المؤمنين
الكَوم خلهم حايرين
هيبة علي الكرار الناس يدرونــه
العباس أخو زينب كلهه يهابونــه
===============
حـير الآف الـزلم لمـن بمــهره جــــال
بهمه وبنوماس ويلي البطل نازل للقتال
غركَ الطف بالدمه ابـن حيـدر انــه كَـال
شبل حيدر والنعم مكسر خشوم الرجال

صارت الما صايره
العده ضلت حايره
چبيـرهم خايـف وخابت ضنــونه
العباس أخو زينب كلهه يهابونــه
==============
قاتـل الآف الزلم وچبـــدته عطشانــه
ابـــو الغيــره لوحده تحيرت عدوانــــه
چبيرهم يم ابـو فاضـل ماثبت بمكانـه
العــباس مستبشر تره والعده حيرانــه

كَباله چن نسوان صارو
الكَوم بالعبـــاس حارو
قائدهم ومهزوم العسكر يشوفونـه
العــباس أخو زينب كلهه يهابونـــه
===============
كَلب كَالبهه الطفوف والخـلكَ متحيــره
غيـره وزود وشهامه مثله ماجابت مــره
تشهد افعـاله اله الشهم سبـع الكَنطـــره
بالشجاعه ماكو مثله هذا ابو الغيره تره

هذا حـامي العايله
يشهد التاريخ الــه
بالـوفه والغيره الوادم يعرفونــه
العبـاس أخو زينب كلهه يهابونــه
===============

تمت والحمد لله
بقلمي المتواضع
✍ للشاعرة وخادمة الحُسين
رقية العامري


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

( لطمية للعباس ع )
نــــون عليـــك يـــا التســــوه الونـــات
الـف يــا حيـف كَـالوا لي السبع مـــات
**
هـــــــذا الاســس الخــــــوة ومعانيهـــا
مـــن عكَـبه مشـــت زينـــب ميسريهـــا
أحلـــف ديـــن دارك مـــا أطــب ليهـــا
اشلــون تشيـــل يــــا راعي الكلافـــات
**
اون عليــــك كــــل ونـــه بأثـــر ونـــه
على الي ترس جودة ومــا شرب منـــه
شــــــــيال الحمــــــل عبـــاس كافلنـــه
بعـــد مـــا يرجع لي اخـــوي هيهـــات
**
حــــــــرة الجابتــــك أمــــــك البدويـــه
حسافــه تــــروح يــــا خويه من اديـــه
انخــا مَــــن بعـــد لـــو عالــــوا عليـــه
شـــــــــال الضيغـم اليكَـضي العَتّبـــات
**
أنـــتَ الجبتــــني ويـــا عضيـــد حسين
عـلى فراكَـك يــا خويه عاميــه العيـــن
عفتــــــوني سبيــــه وانتــــــم ماشيـــن
لو ذبنه الوكت جـــا عـــد مـــن نبـــات
**
اشلــون تشيــل وأنــتَ راعـي المـــروة
روحي تـــروح الــــك يــا خويه فـــدوة
أنــــتَ الحيــــد المجنــه أبـــو النخـــوة
أريــــد اللطـــم واون تســــوه الونـــات
**
اشلـــون يمـــوت وأنــــا زامطت بيـــه
عــــلى حســــاب الخوة ضحّى بأديـــه
بالــــون واللطـــــم ننصــــب تعازيـــه
مــــا مـــات الســبــع والله مــــا مـــات
**
شاعرة وخادمة أهل البيت
الملا أم محمد

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

( لطمية للعباس ع )
شـيــــــال الحـمــــــل عـبـــــاس كــافلـنــــــه
إشلــــــون يعوفنـــــه منهــــــوا اليرجعنـــــه
**
شيـــــال الحمــل عـبـــــاس أبــــو الغيـــــرة
إشلـــــون يعوفنــــــه مصبـــــاح العسيـــــرة
يـــــــا كســـــــرة حسين اليـــــوم جبيــــــرة
إكَـعـــــــد كَـــــوم زتنــــــه يــــــا كافلنــــــه
**
تـتـبــاهــــى بـخـوهــــا زيـنــــــب الوالــــي
مثـــــل الكَــمـــــر وجهـــــه يتــــراوالـــــي
ساقـــــــي العطاشـــــا كَـاعــــــد إكَـبالـــــي
بيــــــدك خـويـــــــه تشــــــدد محــاملنـــــه
**
شحــــدة اليوصــل يــــــا زينــب الحـــــرة
وحــــق طبـــــرة علي وامــــج الزهـــــرة
إشلــــون ألأخـــــو مــن إختـــــه يتبــــــرة
نصيــــح بصــوت يــــا عبــاس المجنـــــه
**
تظـل زينـــب أميــــره إخـــــت عبــــــاس
يـــا تــــاج الفخــر يـــا رافعــــه الــــراس
لأخــت عبـــاس كــل إحنـــــه حــــــراس
وحـــــــــزام الخــــــــوة مـــــا أفــلنــــــه
**
مـــا هــــو الكفلنـــي وجابنـــي إبختــــــه
يبـــــــــاري محـمـلـــــــي وان إخـتــــــه
عســــى عينــــي العمــــى ولا شفـتــــــه
مصـــوب بالعمــــد عبــــاس المجنـــــــه
**
ام محمد الهاشميه


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

يطارش روح للعباس
كله زينب بحيره

➖➖➖➖➖➖➖➖
يطارش شو بطه اعلينه
كله ذبحو حسينه
ماظل كل ظهر لينه
غريبات بغرب ديره
➖➖➖➖➖➖➖➖➖
كله حسين مارحمو
بحافر خيلهم سحكو
كاست ماي ماشربو
هظمني وهظمتي اجبيره
➖➖➖➖➖➖➖
بناته شاهدن ذبحه
ونن من نزف جرحه
ومن جاب الشمر رمحه
ظلت تبجي الصغيره
➖➖➖➖➖➖➖➖
حمل راس الرمح راسه
تمرجل والشمر داسه
راح وماجه عباسه
علينه شنهو تاخيره

➖➖➖➖➖➖➖➖➖
يبن داحيهه كوملهه
وزينب لا تفشلهه
ترضه الشمر يوصلهه
حي الله يبو الغيره

➖➖➖➖➖➖➖➖➖
يطارش كله زعلوني
وبين الزلم عتوني
يرضاهه يطكوني
هيج الخدر تقديره


طكوني وانه اخت الوالي... هوسه


تمت
للشاعره رسل الأبراهيمي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشتراك بالقناة

*القصيدة من ديوان📚 عبرات وأنين في رثاء الطاهرين الجزء ٣*
لطمية مربعة للقاسم "اون اعله الولد"
❥━──➸➽❥❂❥━──➸➽❥❂
اون اعله الولد والروح محزونه
من فيض الدمه وسفه يحنونه
❥━──➸➽❥❂❥━──➸➽❥❂
اون اعله الولد والروح خلصانه
رحل بأول شبابه وخالي مچانه
أظل طول العمر عالراح حزنانه
بالتربان نام وغمضت عيونه
❥━──➸➽❥❂❥━──➸➽❥❂
بالتربان نام وما يرد اردود
حيلي أعله الولد من الحزن مهدود
گلبي اعليك يمه من البچي ممرود
شلون وحيد بالمظلم يخلونه
❥━──➸➽❥❂❥━──➸➽❥❂
شلون وحيد خلوه بگبر مظلم
عله العريس حيلي اليوم متهدم
جرح گلبي كبر هيهيات ما يلتم
خيعونه المشه وياك خيعونه
❥━──➸➽❥❂❥━──➸➽❥❂
رمله تصيح يا جسام آه يبني
مرمرني زماني وبيك دولبني
اصيحن حيل وأبني ما سمع وني
شلون وجوه حدر الگاع مدفونه
❥━──➸➽❥❂❥━──➸➽❥❂
تعبني زماني بفرگة الغالي
اصيحن يالولد ونفطر دلالي
رحت عني ييمه وخابت آمالي
تدرون الولد للعازة يردونه
❥━──➸➽❥❂❥━──➸➽❥❂

*بقلم خادمة اهل البيت*
*الشاعره العلويه مريم النور*
*نسألكم الدعاء الفاتحه الى روح اختي وﻷمواتكم:*🍃
غير مبري الذمه من يحذف الاسم او ينسب الكلمات له...


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فـزاعي جنــوبي بـقفلــة هـوســـه
للقاسم عليـه السـلام {(•●■●•)}

أون أعلـه الـولد// الطـاح بـالحومـه
مخضب بالدمه والهامـه مجسـومـه

ـ•●■●•{(•●■●•)}ـ•●■●•

أون اعلـه الولـد كـل حـيـل مـابـيـه
مــنـه آيـســت مــالــه بـعـد جــيــه
ودمعــاتـي تـضـل أعـلـيه مجريـــه

ماريــده // العـمــر أخلافـــــه

ـ•●■●•{(•●■●•)}ـ•●■●•

شـفـتـه أعـلـه الـثـره امــدد أكبــالي
غــارك بــالـــدمــه ونــمـــرد دلالــي
ٱيزتـنـي للكـبـر يــدفـنـي حـسـبـالـي

محـنـيـنـه// مـن دم أوريــده

ـ•●■●•{(•●■●•)}ـ•●■●•

بــثــيـاب الـعـرس أولـيـدي أمـدمــه
بــسـيـوف الاعـادي أمـوذره جـسمـه
زينـب تـنـتـحـب وعـمـه ٱبـو الـيـمـه

أمصوبينـه // عالهامه اوليدي

ـ•●■●•{(•●■●•)}ـ•●■●•

نـايم يالـعـزيز أمـغــمــض اعـيـونـه
أنـده بـالـولـد ربــعــه يــريـدونـــــه
مـاأكـدر أعـيـش الـيـوم مـن دونــه

يــزفـونــه //عــريــس الــكــبـره

ـ•●■●•{(•●■●•)}ـ•●■●•

دولـبـنـي الـدهـر يايـمــه دولـبـنــي
عـفـت أمك يـبنـهه والظـهـر مـحني
بـعـدك هلـعـده تـهجــم وتـضـربـني

يـضـربوني // وبسـوط اعــداك

ـ•●■●•{(•●■●•)}ـ•●■●•

تـﻣـت بــ؏ـون الله تـعالـئ {(•●■●•)}

✍#بقلم خادمة ٲهل البيت عليهم السلام

الــــمــلا ام زيــــنــــب الـــواســــطـــي💔

نــسـألـــكم الــــدعـــاء 🤲 {(•●■●•)}

بـتعـجيل الفـرج لــصاحب الـزمان (عــج)

غـــيـر مــبــري الـذمـه من يـحذف أســم
الـــشـاعـــره ويــنــســـب الـــكــلام لــــه


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للقاسم


ويلي عالعريس طفو شمعته

---------------------------____

وامه الحنينه اليوم عجنت حنته

اصيح عازيني وينج عمته

شلون بيدي اليوم اجهز خيمته

ويلي عالعريس كربت ساعته

امخضب ابدمه الولد من شافته

كامت تنادي بصوت حلوه شوفته

من شافته مصيوب كامت شمته

وسفه الاعادي شلون ابني غدرته

امسبح ابدمه الولد ما عرفته

ناحت ابعالي الصوت ابنها حظنته

ابطيحتك جسام حيلي هدمته

استعجلت عالموت يمه نادته

هد هدت المختار لمن نضرته

ماخذ شجاعه وزود من اعمامته

يالبعده اصغيرون شبت غيرته

ابن الحسن ياحيف طبرو هامته

➖➖➖➖➖➖➖➖

تمت بقلم خادمه اهل البيت ع

الشاعره. هيلين الساعدي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للقاسم



عريس الولد ياناس
هله وربعه يزفونه
➖➖➖➖➖➖➖

امه تعلك الشمعه
تهل عيونها الدمعه
حظرو كل هله وربعه
اوبالحنه يحنونه

➖➖➖➖➖➖➖
يحنونك ييمه اليوم
كلبي اعله الولد مفطوم
كوم اوليدي ياجسوم
والخيمته يمشونه

➖➖➖➖➖➖➖
خيمه عرسه فرشوها
والهلهوله علوها
وشموعه اعلكوها
وخل ربعه يهنونه
➖➖➖➖➖➖➖➖
هنو الؤلد ياربعه
للمعركه امن انودعه
يموت وتنطفي الشمعه
حضر للموت تدرؤنه
➖➖➖➖➖➖➖➖
كصد للمعركه بهمه
فده عمره لجل عمه
رفع راس الحنينه امه
صبي والكل يخافؤنه
➖➖➖➖➖➖➖➖
القاسم خوف العدوان
يؤم البرز للميدان
جندل بيهم الشجعان
ماكدرؤ يرهبؤنه

➖➖➖➖➖➖➖➖

تمت بقلم خادمه اهل البيت. ع

الشاعره هيلين الساعدي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

مربعه للقاسم عليه السلام (للولد)


شلون انساك ياشريان دلالي
يالردتك تجيه وللكبر والي
/////////////////////////////
شلون انساك ياشريان البگلبي
يالردتك تجيه لكبرتي وتعبي
فرگاك العماني وتيهت دربي
عگبك من يمر او ينشد ابحالي
/////////////////////////////
ياهو البعد ينشد يالولد بمك
عمت عيني اوشفتك غارگ بدمك
امدمه والرمل يمه تلف رسمك
هاي الفاجعه مامرت ابالي
/////////////////////////////
اشلون انساك يالربيتك ابحضني
يعزيز الكلب ياسلوتي يبني
يبعد اروحتي اوبعد اليدلني
ياظخري يروح الروح يالغالي
/////////////////////////////
عگبك من يمر وينشد اعليه
صرت اخلاف عينك بالمهظميه
تعال وشوف حالي شبيه مابيه
حزينه ودمعتي اعله فراگك تلالي
/////////////////////////////
ياشمعة حياتي ياعمد بيتي
ياجاسم اخلافك وين تاليتي
والله خايفه من تكرب امنيتي
ياهو ايشيلني امن الموت يدنالي
/////////////////////////////
ياهو ايشيلني للگبر ويزتني
يبني ليش ماتگعد تباصرني
نايم عالرمل ماگعدك وني
نومك هدم حيلي ومرد دلالي
/////////////////////////////
نومك هدم حيلي وعذب الدلال
يالردتك تجيه للوكت لو مال
اضلن بيك افكر ما تعوف البال
اسمك وسط گلبي ورسمك ابالي
////////////////////////

عمل مشترك على محبة الامام الحسين عليه السلام
*بين الشاعره القديره المله ام شيماء فرج الله الاسدي صاحبة ديوان احزان كربلاء*
*والشاعره زينب المشرفاوي*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

★•• لطميه للقاسم ابن الأمام الحسن "ع" ••★

أمنيه بگلبي بقت عريس اشوفك
وبالنعش يا يمه تحملني چفوفك
چنت اظن يمي تظل حد باقي عمري
ما حسبت احساب يغدر بيّه دهري

آ ييمه .. آ ييمه
………………………………………

چنت متمنيه لچن ماعشت حلمي
معرس امنيتي واشوفك دوم يمي
واستمع شكواك وانه اشكيك همي
وحدي تالي اصفيت صار النوح سهمي

ردتك اللحدي تگوم انته التزتني
بالعجل مني رحت واتعتذرتني
بالغرب وحدي عفتني يمه تدري
ما حسبت احساب يغدر بيّه دهري

آ ييمه .. آ ييمه
^^•••^^---------^^•••^^---------^^•••^^

آه يا يمه اشعظم ليّه مصابك
أشهگ بحسره و اجر ونه لشبابك
واشتم بعطر البقى يمه بثيابك
واندبك ترجع واسمعنه جوابك

فرفحت روحي بغيابك آ يغالي
عالوجن بس الدمع عگبك صفالي
أه يلب احشاي يلّي بدمي تسري
ما حسبت احساب يغدر بيّه دهري

آ ييمه .. آ ييمه
^^•••^^---------^^•••^^---------^^•••^^

الوالده التفگد ظنا تفگد نظرها
تذكر ارباها أله ولحظت سهرها
ولو تألم ودها لو تنطي عمرها
راح للحومه البطل وامه كسرها

بالدمه امغسل تصيح ابني نظرته
آه يوليدي الرحت گلبي فطرته
رحت مني وعگبك احتاريت بـ امري
ما حسبت احساب يغدر بيّه دهري

آ ييمه .. آ ييمه
^^•••^^---------^^•••^^---------^^•••^^

حلم ريته ولاشفت بيك الرزيه
چنت گبلك أنه متمنيه المنيه
ولاأعوفك يبني نايم عالوطيه
وامشي عنك بالغصب وي ال اميه

امگيده وليك التفت والعين تربي
جسد من امشيت عندك باقي گلبي
ريت حاضر يمي واتظلل لي خدري
ما حسبت احساب يغدر بيّه دهري

آ ييمه .. آ ييمه

تــمــت بــعــون اللـہ

✍🏻#ولائـية_وافتـخر (دعاء العـامـري)
❌لاإجيــز حــذف الأســم❌

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نعي ابوذيه للقاسم ابن الحسن جديد محرم 1444


يبني بطيحتك طفيت العيون
مصابك هدني اوغير الون
اصبر يبني كلي شاون
قبلك ريتهم نعشي يشيعون

✨✨✨✨✨✨✨✨✨

يبني للخيم جابك عمك
مكدر يجاسم اطب يمك
وخضب راسي بفيض دمك
وينشدك عن جروح اليوجعنك

✨✨✨✨✨✨✨✨✨

يجاسم خيبت ضني والامال
من النوح مابطل ولامال
خلافك ماردت دنيه ولامال
اريد الحد يضمنه سوبه
✨✨✨✨✨✨✨✨


يجاسم صحت بصوت مارد)
مصابك يبني للدلال مارد)
دنيه خلافك بعد مارد)
نخيت الباري يقرب المنيه)

✨✨✨✨✨✨✨✨✨
(بقلم العلويه ✍✨أم رائد زوين)


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*هوسات الى القاسم ((ع))* من ديوان نحر الحسين ع الجزء الاول




الحومه هلهلت جاسم نزل بيهه
هذا ابن الحسن يمبجي اعاديهه
مثل عباس عمه اعداه امبجيه
((مبجيه جاسم عدوانه ))


القاسم بلشجاعه اله وكفات
صال على العده ونكس الهامات
لكن حيف غدرت بي الجيمات
((وبلحومه جسام تكنطر))


اتكنطر بلعماره وطاح يا ويلي
وامه نادته يبني نهدم حيلي
شسوي شلون يا زينب دكليلي
(( ابني من ادمومه امحنينه))


محنين الولد يا زينب ابدمه
بعد منه ايست ما ضن اشوفنه
اوياي اتكابلي ونزيدهه الونه
((العرس بلطف وني اعليه))


فلشي خيمته والحنه بديهه
ورمله بالولد هليوم عازيهه
مذهوله وتون لفراكه شوفيهه
((رمله المحزونه عازيهه))


اليوم ام الولد مكسور خاطرهه
عنهه الشايل ابنهه اشلون نجبره
هاي ام الولد رمله شيصبرهه
((يا رمله انكلج ماجوره))


*لخادمه الحسين العلويه ام إياد لا يجوز حذف الاسم اهدي ثوابهه الى شرف النبي محمد وال بيته والى روح والدي السيد قاسم ابن السيد عطوان الفاتحه*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك