نعي وبوذيه للهلال

عله زينب بجم صواب هليت
دم العين لامو دمع هليت
من شفتك ترب عالراس هليت
ذبح حسين بيك وسبي اميه

نعي
هل الهلال وذاب كلبي
وياعين عالخوان صبي
اه يازمان عليك عتبي

يهلال يالفركت الاحباب
وخليتني مابين الاجناب
وراح الحنين اليسوه الاعتاب

خذيت وين الي اوده
ماخليت والي اكعد بسده
سهمك رمه كلبي واتعده

سهمك بنص احشاي نابت
روحي على خال الولد ذابت
هدب عيونه ابلواك شابت

ونيت من شفتك يالهلال
واتذكرت صرخات الاعيال
وسكنه ورقيه فوك الاجمال

مكدر اومالك تكطر دموم
يالبيك صدر حسين مهشوم
اعزاز اخوتي يومهم يوم

...............

✍أم زينب كربلاء غير مبري الذمه من ياخذ الكلام وينسبه له او يحذف الاسم


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#من_ديوان_مسير_الفواطم_ج٥
*قصيدة للهلال(هلال عاشور)*
❥━──➸➽❥❂❥━──➸➽❥❂
اهلال عاشور عماني اهلال عاشور
گلبي مكسور يخويه گلبي مكسور
خاطري خويه انكسر/بين هلال الشهر
گلبي مكسور يخويه گلبي مكسور
❥━──➸➽❥❂❥━──➸➽❥❂
گلبي مكسور وخفت من هل الاهلال
هلاله محزون اوحش يخمش الدلال
انعصر گلبي يخويه ودمعي همال
خوفي يغدر هالزمن ويغير الحال
خوفي من ارض البله/تضيع بيها العايله
وتخله الدور يخويه وتخله الدور
❥━──➸➽❥❂❥━──➸➽❥❂
بين هلال الشهر اه يا ولينه
وانته تدري بالذي يجري علينه
بسهم ينصاب الگمر ويطفي عينه
وتنگطع يالوالي يسراه ويمينه
راسه ينصاب بعمد/يروح اخيي والسند
راسه مطبور يويلي راسه مطبور
❥━──➸➽❥❂❥━──➸➽❥❂
يضل كافلنه عله الغبره رميه
والرضيع يموت ما شارب اميه
وامه تنحب والدموع تصب جريه
وانه انادي منين اجتني الغاضريه
اصرخ بصوت واون/صار اسمي ام الحزن
وگلبي موجور بعدكم گلبي موجور
❥━──➸➽❥❂❥━──➸➽❥❂
گلبي موجور وانادي خويه يحسين
ذبحتك وسفه الاعادي امن الوريدين
بفرگتك ظلمه الليالي واهمل العين
بعدك انه ما يضلي والي ومعين
يبگه بس ابنك عليل/وعالهظم ما بيه حيل
ويكثر الجور علينه يكثر الجور
❥━──➸➽❥❂❥━──➸➽❥❂
تكثر علينه الهظايم والمصايب
نشوف من بعدك ترى احنه العجايب
يگعدونه بالخرابه و عالترايب
والله ما تنحمل گعدات الخرايب
يگعدونه عالتراب/ونشبع هموم وعذاب
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للهلال اول ايام محرم تقرأ بعدة اطوار
========

هل شهر الحزن ياناس

نشرو بيرغ الزهره

========

انشرو بيرغ الاحزان

للضلو على التربان

ولحسين المشه عطشان

وللنامو على الغبره
نشرو بيرغ الزهره

🏴🏴🏴

بيارغ سود انشروها

وام الحسن عازوها

صرخة حزن علوها

عازو زينب الحره
ونشرو بيرغ الزهره

🏴🏴🏴

ياشهر الحزن بيّن

من شافه الگلب خزّن

عيوني على الولي يرحن

أمر الله والمقدره
نشرو بيرغ الزهره

🏴🏴🏴

دگو اسواد وبكل بيت

قرايه ابكل كتر ياريت

حزنو لحزن اهل البيت

ابچو دموع وبعبره
ونشرو بيرغ الزهره

🏴🏴🏴

مواكب حزن قيموها

وبكل بيت خلوها

اليوم الزهره عازوها

بمصابك يبو العتره
ونشرو بيرغ الزهره

=======
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*قصيدة للهلال (اه يهلال الشهر)*
*من ديوان📚 مسير الفواطم لأرض المظالم ج١*
❥━──➸➽❥❂❥━──➸➽❥❂
اه يهلال الشهر شفتك وگلبي انفطر
خايفه اعله حسين منك ادري باجر ينغدر
❥━──➸➽❥❂❥━──➸➽❥❂
ادري باجر ينذبح راسه ينشال برمح
گلبي من هسه انجرح وضهري عالوالي انكسر
❥━──➸➽❥❂❥━──➸➽❥❂
گلبي مهموم ويون روحي غطاها الحزن
حايره المن اون نوحي كاسرلي الظهر
❥━──➸➽❥❂❥━──➸➽❥❂
نكسر ظهري من الونين وبس اصيحن يا حسين
ماخذ عيالك لوين بيك يغدر هالدهر
❥━──➸➽❥❂❥━──➸➽❥❂
بيك غدار الوكت اشلون بيه لو متت
دمعي من هسه يكت وحشمت فارس مضر
❥━──➸➽❥❂❥━──➸➽❥❂
حشمت بويه علي باجر يطيح الولي
ومن يردني المنزلي امشي عگبه لليسر
❥━──➸➽❥❂❥━──➸➽❥❂
امشي عگبه ميسره وبالعيال محيره
المن اشكي الي الجره روحي كاتلهه القهر
❥━──➸➽❥❂❥━──➸➽❥❂
المن اشكي حالتي صعبه كلش قصتي
حملوا عني اخوتي وعيني تعبهه السهر
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده ثقيله للخدمه الحسينيه
===========

اريد اصرخ بعالي الصوت
وصيحن ما امل منكم

تحقق حلمي ابعاشور طلبت احيي مجالسكم

===========

صحيت من الحلم ياناس
بفرحه دربي ماشوفه

ركضت على القصيده بشوك
ركضة وحده ملهوفه

مملوئه حزن واحساس
هاي اللهفه معروفه

بلهفه وشوك
وحنين النوك

حنيت لمجالسكم

📒📒📒📒📒

من شفت القصيده بجيت
وقريت بحزن وبأحساس

لامرتبكه لامن خوف متعجبه عليه الناس

قريت على الحسين احزان
وعلى الزهره وعلى العباس

ادك علعين
وحك حسين

وما ابطل مجالسكم

📒📒📒📒📒

اجوني بطيف اهل البيت
يدروني احبنهم

جنت اتمنى لو بحلام
اقيمنها مجالسهم

يدرون الكلب ملهوف
وريدن دوم خدمتهم

اقيم النوح
على المذبوح

واحييها مجالسكم

📒📒📒📒📒

رادوني ادك لحسين
اهل البيت رادوني

درب حسين ماعوفه
لون قطعه يكطعوني

مُحبه انه لهل البيت
وهمه زين يدروني

اخدم دوم
للمظلوم

وما انسه مجالسكم

===========
خادمة ال البيت الحجيه ام علي البصره
المستهل لخادمة الحسين ملا ام كرار الديوانيه


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة بحق العليلة ع عن لسان ابيها الحسين ع

اول دمعه السالت من عينك يحسين
الكبرى تصيحك وانته عليها اتهل العين

عيونك سالت يامولانه
من عفت بدارك وجعانه

اول دمعه اول دمعه
...........

اول دمعه السالت منك /يوم الشلت وعفت الدار
والكبرى اتصيح تانوني/ وبكلبك مولاي النار
من كالت ليش اتخليني/ ومحملها ازغار اكبار
بهاي الحاله هلت عينك / تاخذها بظعنك محتار

مانكدر ناخذها ويانه
عيونك سالت يامولانه

اول دمعه اول دمعه
...........

مانكدر ناخذها ويانه/ واحنه نشوف هواي الاالام
ماتكدر تمشي ويه ضعوني/ محتاجه اتهود وتنام
درب بعيد او ماتتحمل/ ونغيب اشهور وايام
سهم الكبرى صوب كلبي/ وتتلكاني اشكد اسهام

توحشها الدار الخليانه
عيونك سالت يامولانه

اول دمعه اول دمعه
............

مانام وماتغفه عيوني/ من اذكرها عيوني تسيل
اتصورها بدار الوحشه/ واتعاتب لو جاها
اليل
وتكول الوالد خلاني/ اشلون اتقبل عني ايشيل
يدريني بمرضي اوجعانه/ والحيل من الفركه انحيل

والبيت اتعاتب حيطانه
عيونك سالت يامولانه


اول دمعه اول دمعه
...........
كلما اشوف اسكينه اكبالي/ اتصورها اكبالي تحوم
اتذكر بالباب اتاني / وتصيح بكلب الملجوم
يابويه دخيلك رد ليه / كلبي عليك ايسيل دموم
اعيوني اشتاكن لعيونك/ وشيصبر كلبي المالوم

وبكلبي تهيج نيرانه
عيونك سالت يامولانه

اول دمعه اول دمعه
..........
اتعذر منج يالكبرى/ ماجتج من عندي اخبار
ماشفتي بعينج دولابي/ وماتدرين بحالي اشصار
يابويه احتاريت ابامري/ وحيرني الدهر الغدار
لوشفتي المر بعماتج / جان اتقبلتي الاعذار

يابويه اسوت دنيانه
عيونك سالت يامولانه

اول دمعه اول دمعه

.........
من طبعي ومن روح البيه/ مااخلف يالكبرى عهود
واعدتج يرجعلج عمج/ واكتابج يوصلج عود
اشلون ارسلج مكتوبي/ وعمج عالشاطي وممدود
ريتج يابويه اتشوفينه/ لاعينه ولاعنده
ازنود

عباس انكطعت ذرعانه
عيونك سالت مولانه

..............

✍ام زينب كربلاء غير مبري الذمه من ياخذ الكلام وينسبه له القصيده مطبوعه


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#من_قصائد_الملة_أم_غصون_العمارجية_.


لطميه للعليله عليها السلام


الله اوياكم الله اوياكم
يالعفتوني اشلون انساكم
/////////////////////////////
اشلون انساكم وانتم روحي
واعزاز واغله امن الروح
ودعتوني بكسرت خاطر
وعبره ودمعه ولوعه ونوح
شيطفي النار التجويني
وشيضمد كلبي المجروح
من فركاكم من فركاكم
كلبي اتصوب من فركاكم
/////////////////////////////
من فركاكم كلبي اتصوب
يوجعني اصوابه ولا طاب
مانامت عيني السجابه
تتنوع عيني اعله الباب
وجعانه وعفتوني الوحدي
وانه اوياكم عندي اعتاب
واترجاكم واترجاكم
ضليت انطر واترجاكم
/////////////////////////////
ضليت انطركم مهضومه
حسبالي ابساع اتردون
حيلي اتهدم وابجي ابحركه
ودمع الفارك يعمي اعيون
ماكلتو ماتت لو عدله
مافكرتو بيه اشلون
ابلياكم ابلياكم
ماريد الدار ابلياكم
/////////////////////////////
ماريد الدار ابلياكم
لو بيدي ولا ضل بالدار
وين اوجوه الجانت تزهي
والعشره وصوت الخطار
انشد عنكم لا من طارش
ولا مكتوب وماكو اخبار
الشافاكم الشافاكم
هنيال عيونه الشافاكم
/////////////////////////////
هنيال اعيونه الشافاكم
والكعد يمكم يرتاح
يكلف حالي وما يتوصف
مثل الطير الماله اجناح
خافن عمي اتطبر راسه
وزينب سابيها الذباح
وين الكاكم وين الكاكم
وامضيعتكم وين الكاكم
/////////////////////////////

*تـــمت والـــــفضـــ🤲ـــل لله تعالى*
*بقلم✍الشاعره المله أم غصون العمارجيه*
*صاحبه ديوان📚آيات الشهادة*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

محرم العليله
لطميه مربعه


ردو بالضعن. لاوين ناوين
ردو ياهلي شعدكم مبعدين


ردو بالضايعن يا لمشيتو
بحال الي تركتوها شدريتو
عمت عيني البواجي من جفيتو
تصدعيني. لضعنكم يالمغربين




انه شلون الكلب يرتاح ويهود
واحباب عليه تعدت حدود
الف ياحيف دار الولي مسدود
تصد العين ضلمه دار الحسين




ردو ياهلي رحمو بحالي
غير الضيم والعله شصفالي
يبويه شلون اضل بلايه والي
والينه مشه واحنه محزنين




فوك العله والهم ابدليلي
فراك عزاز الهدم حيلي
انون كل النهار وابجي ليلي
ولا يفتر ولاهود يالونيين





على الونات روحي علمتها
كل ليله بحزن وبهم عشتها
يا سباح كلبي كطعتها
بروحتكم يصير الكلب نصين






بويه انه العزيزه الضيعتني
شلون لوحدي تروح وعفتني
حسبات الزمان الدولبتني
من فركه الاهل مهظمين





ام زينب السعداوي، ناصريه


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده لسيده فاطمه العليله عليها الصلاه والسلام

وين الله ويجيني....ينشف دمع عيني
ابوي الراح مارد...دمعي جرح الخد...وين الله ويجيني
🖤🖤🖤🖤🖤
هم يرجع الي وترد لي روحي
وترجع فرحتي ويهود نوحي
ابوي الراح تاركني بجروحي
عليله والهجر هدم صروحي
راحل عني بعيد
كلبي ابد مايهيد
ذايب من حنيني...وين الله ويجيني
🖤🖤🖤🖤🖤
عليله والهجر سلني وعماني
لجيته احسين ابوي انطر وتاني
شال الكربله وانه نساني
حمل كل هلي وتعذراني
راحوا وانه ظليت
دمعي دمه هليت
فراكه عمه عيني
وين الله ويجيني
🖤🖤🖤🖤🖤
عافاني ابوي حسين بالامي
غريبه بموطني وضيع احلامي
وي ريح اليهب ابعث سلامي
لابوي الغالي وعمري وامامي
لعزيز الروح لحسين
فدوه تروحله العين
وعمري وكل سنيني..وين آلله ويجيني
🖤🖤🖤🖤🖤
متعوده جنت يحط راسي باحضانه
ويمسح هامتي بعطفه وحنانه
وبصوته العذب يرتلي قرانه
الف ياحيف ظل خالي مكانه
كلبي يريد ملكاه
روحي راحت وياه
هجره ياذيني وين الله ويجيني
🖤🖤🖤🖤 🖤
يكولون العليل اهله يدارونه
من الام المرض والون يسلونه
ماشفنه بهظم اهله يتركونه
وحيد بديرته ويدير بعيونه
وانه وحدي ظليت
وحشه عليه البيت
دمعي يسليني...وين الله ويجيني
🖤🖤🖤🖤🖤
كلي يرد الج الأكبر وعباس
ظليت انتظر ومجروحه احساس
هم مثلي بتلت وحده يهالناس
بالهم والمرض تجرع الانفاس
خاف الاجل يدني
وابوي بعيد عني
تظل مفتوحه عيني ...وين الله ويجيني
🖤🖤🖤🖤🖤
كلبي عليك ياوالدي ممرود
وتمر لي بحلم وحسبالي موجود
افر البيت ادور وابجي اردود
وارد تخيلك عالارض ممدود
وراسك برمح عالي
وعمتي بلايه والي
بذبحك ذابحيني... وين الله ويجيني
🖤🖤🖤🖤🖤
تمت بعون الله تعالى
✍خادمه الزهراء ام حسين الاسدي القصائد والاطوار موجوده في القناة للاشتراك اضغط


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*قصيدة للعليله"ع"*

امگابله الباب واتاني مگابله الباب
اتعود الاحباب اليه تعود الاحباب
طولو شومااجو ....چن عزيزتهم نسو
امگابله الباب واتاني امگابله الباب

منهد ماراحو لحد هسه اتاني
شو بعدگطعو ولا واحد لفاني
ابچي وسط البيت ظليت واعاني
اتاني دگت باب ويردهم زماني
ولابعد مروعليّ.....راحو احبابي من ادي
امگابله الباب واتاني امگابله الباب

خلص گلبي من حنيني وشوگي ليهم
لشوفهم لهفانه روحي ولحچيهم
والله فد بيهم محنه ادري بيهم
الله اعلم بالجرة واشمر عليهم
افراگهم حاني الظهر....تجرح ابگلبي الصور
امگابله الباب واتاني امگابله الباب

تجرح ابگلبي الصور والذكريات
والله احس من دونهم ماكو حياه
من كثر ماحبهم ادعي بكل صلاه
ربي ردهم ليه لوجيب الممات
روحي گاضيهه الحنين....وين اروحن انه وين
امگابله الباب واتاني امگابله الباب

وين اروحن وانه ماواحد بقالي
يبچي صدگوني الصخر يااهلي حالي
وحشه دون اوجهكم هاي الليالي
بس دمع عيني اليواسيني صفالي
ردت لو واحد يمر...يروحله فدوه العمر
امگابله الباب واتاني امگابله الباب

اتمنه لو واحد يمرني يشوف وضعي
منحني من المرض والنوح ضلعي
دمعي حفر خدي يالوليان دمعي
انه يوميه بدربكم اگعد انعي
مره اناطر بالدرب .... مره بالدار انتحب
مگابله الباب واتاني مگابله الباب

*بقلم✍خادمة تراب الزهراء(ع) الكربلائية فاطمة علي الحلفي*
*واسألكم الدعاء والفاتحة لروح جدي وامواتكم ودعواكم لي بالنجاح والموفقية*
*غير برئ الذمة امام الله والزهراء من يحذف الاسم


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نعي حول العليله بنت الحسين


تبعت الظعن ظعن الاودهم
وتانوني صحت ما جني بتهم
عزلو احمولي من حملهم
وعميه يعيني ولا شفتهم


شفت ظعن والحيل رهنوه
وحمل المريضه ليش خلوه
والحيل مني اليوم هدوه


انهد يحيلي ابيوم شفته
ومريضه وبهمه لحكته
اخذوني صحت وانه تبعته


تبعت الظعن وامشي واطيحن
يعزاز الكلب تانوني اصيحن
مريضه صحت جاوين اروحن


تدرون يهلي الحال تعبان
وخذو احمولي اشلون ماجان
كلبي كضه واليوم خلصان



خلصان كلبي حيل تدرون
خذوني وياكم يل تحملون
الفركه طويله تغير الون


حملو ليش اعزاز كلبي
واركض كمت واعثر ابدربي
يالرايحين اشبعد عدي


ابيوم المشو وابعدو جنهم
وگفيت وبعيني شفتهم
شكولن يوكتي هم يردهم


بيه السفر هذا المنيه
وراحت اعزازي اشلون بيه
ماظن زماني يعود اليه
ويردهم بعد وانطر الجيه


*لخادمة الزهراء العلويه ام جعفر*
غير مبري الذمه من يحذف الاسم ويأخذ الكلام وينسبه له


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

شده للعليله ع
***
فاطمه العليله ركضت صايحه
نوبه تمشي ونوبه تعثر طايحه
***
أركض وتعثر بثوبي اجدامي
سار ضعن اهلي ومشه كدامي
شلون عافوني بمرار آلامي
إمحضرتهه هدومي من البارحه
***
شلون اظل بالدار ويه احزاني
وكل خواتي راحن اويه اخواني
حيل مابيه المرض خلاني
لضعن ابو السجاد عيني شابحه
****
ودعوني واطلعت اركض ركض
روحي متلمهه سماء ولا أرض
يمشي ويه حسين من كلبي النبض
وبضعنهم روحي جنهه رايحه
****
من كلت يحسين بويه لاتجين
كلبي يتكطع غده لفكدك حزين
تنوح ويايه بقت ام البنين
ليل وانهار لمصابك نايحه
****
يالحنين بحسرتي عفتوني
وي رقيه ليش ماخذتوني
وللرضيع دموم تبجي عيوني
دمعتي عالخد اثرهه وجارحه
****
أم علي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للعليلة ع عندما طال الفراق عليها

ياكلبي ضل بونتك ماجوك الاحباب
لانشدو اطروش التمر لادكو الباب

........
ياكلبي مليت الصبر ومعاشر النوح
ياجدم المن تنتكل وعليمن اتروح
لوضاك خلكي ياهلي وتهيج الجروح
انده بصوت المنفجع ردو يغياب
.......
ردو شجاكم ياهلي ونشدو عليه
ماكالتو النه بالنزل ضلت البنيه
توحش مبانيكم صفت وكت المسيه
الدار غاطيها الحزن منها الكلب ذاب

..........
تكتل يبويه لواجه والوجلجل اليل
حزنانه من بعد المشو وتنزل الحيل
يالحميلتو بالظعن وانويتو الرحيل
خليتو دمع الفاكده عالوجنه سجاب
........
ياعيني سيلي بالدمع بالج تبطلين
شنهي حياتج وحدج واهلج بعيدين
اشتاك لحبابي المشو والشوفت حسين
من شوكي اومن حسرتي دلالي انعاب
.........
عيوني تصد عله الدرب لمن يعودون
ويرجع عزيزي لنزل وتشوفه العيون
ودولي مرسال اوصل لا لا تكطعون
اتمنه افل شوك الكلب يمكم يالاطياب
........

...............

✍أم زينب كربلاء غير مبري الذمه من ياخذ الكلام وينسبه له او يحذف الاسم من كتاب الماسي العلويه الجزء الخامس

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده حول العليله


افز باليل واشتاك الصورهم

وبالي تجي. شيلت ظعنهم

هم بيه يفكرون الشالو من العيون

افز باليل واشتاك الصورهم


افز باليل والونه ثجيله
وكاتني المرض وانه عليله
ثكل هم الاهل مابيه اشيله

مابيه عله الفراك يهلي والخلك ضاك

واتنطر خبر يالفيني منهم


اكولن هم يجون الفاركوني
احنان وما اكولنهه نسوني
احبابي اشكد اناطرهم يجوني

اناطر والكلب ذاب جيت ذيج الاحباب

بس احسب علي طول سفرهم


ياليل اليمر احسبله لحضات
وافز بدموع عيني والكه دمعات
تخنكني السوالف ذيج حسرات

حسرات الكلب دوم وزادت بيه الاهموم

واصور هلي وشيلت حملهه



اكولن هم يجون احبابي ليه
وترد روحي بعد بيهم عليه
لو ابكه بحزن صبح ومسيه

ابجي ودمعي بالعين يروحي ماتموتين

عكب الي مشو طول سفرهم



تفززني السوالف من يجي اليل
وحشه الدار اشوفن تهدم الحيل
اظل ابجي ابحزن ودموعي تسيل

ما اصبر ابد لا وانسه احبابي ويلاه

هيهات وابد اكطع دمعهم


*لخادمة الزهراء. العلويه ام جعفر
غير مبري الذمه من يحذف الاسم وياخذ الكلام وينسبه له القصيده مطبوعه


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة ثكيله حول العليله ع



مايرجعون كوطروا بضعونهم
مايرجعون وحشه عكب عيونهم
مالفوني وعاودوا
يفاركون اتعودوا
مايرجعون مايرجعون


ما يرجعون ويجوني بعد هيهات الجمع
ذاك يا وكت الحبايب والشمل ما ينجمع
تسري بس النار بيه وضلع صدري المنشلع
ابد ماهودت يوم انزف احزان وهموم
انساهم شلون مايرجعون....مايرجعون




شنسه والجلمات كلها ابالي ماترحل ابد
اهلي يا انفاسي همه وروحي همه والسند
شالوا بساع ونزلهم ما يرجعوله بعد
انتظر منهم رجوع....وتنمسح ذيج الدموع
نور العيون مايرجعون مايرجعون



شماتمر ايام بيه واشتهيهم بالنزل
وابقى اتنطر دربهم من دربهم ما امل
شكد يملكاهم اعشكه شكثر غالين الاهل
شكد حلو ملكاهم....ما ردت فركاهم
ولا يهونون.....مايرجعون مايرجعون




صارت أحلام وبعيده وشال كلشي وياهم
بقت بس ذيج المحاجي وابد ما انساهم
بالديار الخاليه توجعني بس فركاهم
كوطروا والدمع نار....من القهر بعيوني صار
لو يشوفون...مايرجعون.........مايرجعون



مناطره روحي بدربهم وعلى الباب عيوني
اصفن واشتاك ساعه وساعه ويه اضنوني
لو هوى يحرك ابابي ينخطف كل لوني
اركض وتعثر اجدامي...بيقضتي وحتى بمنامي
يكون يلفون....مايرجعون....مايرجعون




💫قناة 💫خطيبة المنبر الحسيني🎤
✍ الشاعرة الحسينية ام كرار الساعدي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نعي لسيده العليله
___

يدار اهلي اشبيج تنعين
نعوت فخاتي بالبساتي
راحو هلج ومسو بعيدين
ويا نوحج يطر الحياطين.


راحو هلج دار الرزيه.
وفراكهم غصبن عليه.
ظليت اون وصفج بديه.
بعد الغوالي شلون بيه.

يادار تنعين الحبايب.
من شالو الارض المصايب.
صاحبتي ساعات النوايب .
يوميه الج دمعه اعله غايب .

يادار اهلي صرتي وحشه.
وماي الورد بيج انا رشه.
جن مكبره وترهب الغبشه.
ولفرح بيهه ماله دشه.

دار المعزه والمعازيب .
الجان بيها جرحي ايطيب .
ونج صبح ون المصاويب .
ولراح منج مانوه يغيب .

يادار اهلي يالتتانين .
ماردو ورود البساتين .
نامو غفل ياوسفه بطين .
وغطه وجوهم بجفوفه البين .

الغابو اهله الله يعينه.
صبح غريب بهالمدينه.
يهلي الفراك اسوه بينه
خله ملامحنه حزينه .



*ناعية خيام الطف*
*ام فاطمة الزهراء*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للعليله ؏ مربعه


چاشنهي الگلب يصبر بعدهــــــــم
أشوف أحبابي من حمل ضعنــهـم
━━━━━━━━━━━━━━━━━━━
ضعن احبابي شال بهدوة اليـل
فز كلبي بعويله ويصرخ ادخيل
والماشين عنه هـــــــــدو الحيل
حيلي باد والله مـــــــــن عگبهم
━━━━━━━━━━━━━━━━━━━
عگب أهل المحنه نعيش بأحزان
عليـــــــــه فراكهم ياناس ماهان
سدوهـــــــــه ومشو ثاري البيبان
بتهم باقيه وتنطر خبرهـــــــــــم
━━━━━━━━━━━━━━━━━━━
عليله وبنزل والمرض هدهــــــــه
لاأحباب ظلت ماهي عدهــــــــــه
وأيام الغوالـي وشيردهــــــــــــــه
شيرد ذيج الليالي يـــــــرد جمعهم
━━━━━━━━━━━━━━━━━━━
وبيـوم المشـو كسرولـــــي خاطـر
گلت خواني ترجع كون باجــــــــر
علي ألاكبر اشوفه وانه أناطــــــر
أظــــــــــــــن ماعورت جني كلبهم
━━━━━━━━━━━━━━━━━━━
دموعي حركـــــــن جفوني وعمني
مــن يوم المشو لليوم عنــــــــــــــي
عافاني ألابو هالزاد حزنــــــــــــــي
أظل طـــــــــــول العمر والله بأملهم
━━━━━━━━━━━━━━━━━━━

🔴اڵـــشــاعـــره آلــــّ؏ــلّويِـــــه🔴
ام رقـيــه المـوسـويــه ال قطب الديــن

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده ثكيله ج١١
ل العليلة سلام الله عليها
بس الگلبة يشتاگ يعرف طعم الفراگ
🚩 🏴
بس الگلبه يشتاگ ويحن دوم
عينه مساهرة وماضاگت النوم
يضل لجل اليحبهم دوم مالوم
ويلي على النودهم يكتل يابعدهم
بس الگلبه يشتاگ
🏴🚩
هاي اني العليلة وگلبي حزنان
تكتل ياخلگ وحشة الديران
وين امي وبوي اوين الخوان
فرگاهم كتلني وبعد اليوجعني
بس الگلبه يشتاگ

🏴🚩
چاوين النحبهم شالوا بعيد
بس شوفت وجهم كلشي ماريد
عليهم راح اون وبعد ماهيد
ياونتي ثگيلة هاي اني العليلة
بس الگلبه يشتاگ
🏴🚩
اشتاگ واسولف ويه روحي
ليل نهار ابد مابطل نوحي
گلفه هواي شيطيب جروحي
اه واه دنياي لچمت گلبي هواي
بس الگلبه يشتاگ
🏴🚩
اه يانارهم تسعر چوتني
فوگ الضيم هية چملتني
كلماشلت راسي وگعتني
خلتني يتيمة اه من الهضيمة
بس الگلبه يشتاگ
🏴🚩
كتلني فراگهم چاوين اهلنه
بگعدات العصر محله المحنه
خلية بيوتهم وسمع الونه
اتنفس هواهم گلبي ولا نساهم
بس الگلبه يشتاگ
🚩🏴
قصيدة مشتركة بقلم✍العلوية ام كرار الغالبي وقلم ✍ العلوية ام محمد الهاشمية غير مبرء الذمة من يحذف الاسماء

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة للعليلة ع

ذكرياتي// صعبة والله انساها
ذكرياتي// ويا الابو محلاها
هواي دللني الابو ...كلة حنية ودفو
ذكرياتي// صعبة والله انساها

كلشي اتذكر ابد ماناسية
ذكرياتي ابالي لسة باقية
شلون چان حسين هوة العافية
وذيچ كلماتة الحنينة الدافية
بكل كتر ذكرة الة...راح عني لكربلة
ذكرياتي //صعبة والله انساها

بكل كتر بالبيت خلالة اثر
هنا صلاتة هنا قيامة والذكر
هنا گعدنة هنا حچينة بالسفر
يوم گتلة بوية مااحمل هجر
وياك اخذني بسفرتك ...بوية تكتل فرگتك
ذكرياتي//صعبة والله انساها

شگد حچينة بالسفر ذاك الوكت
گتلة اخذني ودمعتي عالخد تكت
لصدرة ضمني وحسرة خنگتني ونحت
هسة ياهو يگلة بعدة انة هلكت
هم مريضة وناحلة ...ووحدي وبلاعايلة
ذكرياتي//صعبة والله انساها

وامي الراحت وخلتني ابحزن
ليلي اگضي بالدمع والهة احن
يمة روحي اشتاگت لذاك الحضن
اه يربي ليش طشرنة الزمن
اهلي خلوني ومشو ...بعد الية مااجو
ذكرياتي//صعبة والله انساها

وعمتي واخواني وذيچ الاحباب
شانسة منهم يازمن كافي عذاب
روحي خلصت والگلب ياربي ذاب
شكم رسالة ابعث وماكو جواب
مدري اگطع ظنتي...لو اتاني بحسرتي
ذكرياتي//صعبة والله انساها

*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له*

https://tttttt.me/joinchat/AAAAAELdvGssZMurwfLsJA

مربعة للعليلة ع

🙅‍♀️

انعصر گلبي و گمت مرعوبة من نومي
واحس روحي انتهت واتغيرت ارسومي


انعصر گلبي و أحّسنْ روحي تعبانة
گلت خافن خواتي هسة عطشانة
شجاني ادوهنت فزيت فحطانة
خافنة گرب هذا المسة يومي

شجاني و من اضوگ الماي ما اروة
خاف حسين ابوية هسة يتلوة
منو الياخذني اشوفه و بلكي مو هوة
ما شوفه غريب اوحَيدَه و يحومي

عليلة و هل شعور اهواية ألمني
احس احرورة بية و حيل جوتني
شفافي يابسة و اصرخ احا متني
و اسمع صوت گلي بلعجل گومي

گمت بس وين اروح و شنهي هلحالة
اتراوة اگبال عيني اهواي خيالة
صحت يمة و خفت و ادموعي همالة
حسيت ابهضم و امسطرة اهمومي

اسمع صوت جن اختي الصغيرونة
رقية اتصيح فدوة لا تحرگونة
و امي اتصيح ابني لا تفطمونة
و هاية عمتي جن طفت اهدومي

گلبي ايريد يطلع احس بضلوعة
شفت كل الحبايب هسة مفجوعة
أصحي بنفسي اگولن شنهي هل لوعة
حلم اتمنة و احبابي تجي و تومي

توميلي الحبايب ريت هذا اليوم
يگلولي هلا و انسة العتب و اهموم
و لا اسمع ابوية بقة ابلاية اهدوم
يريت أبدالة تنزف كونها ادمومي

--------------------------------------------------
*بقلم خادمة اهل البيت ع ✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك