مربوعة لم البنين في حق اولادها الابعة عليها وعليهم السلام

يم الاربعة بالطيب معروفة
ابنج لجل اخية ضحى بجفوفة

»»»»»»»»»»

يم الاربعة والطيب النخوة
يالگلج محنة وغيرة ومروة
مثل خوة اولادج ماشفت خوة
ياصولاتهم بالحرب موصوفة

»»»»»»»»»»»

من صدرج رضعتيهم يبدوية
شلون اسباع من طبو الحربية
خلوها الزلم ع الكاع نثرية
ونطوهم درس ماتنسة احروفة

»»»»»»»»»»»»

لوتدرين من عباس طب اله
الزلم گال الزلم هاليوم ابهذله
بطل بجيوش امية الگاع زلزله
وسوى افعال بيهم ماهي مشيوفة

»»»»»»»»»»

غري العين يمة وبردي افادج
ورفعي الراس يم عباس بولادج
يم عباس نوحي النوح اذا فادج
عباس الشفية امكطعة اجفوفة

»»»»»»»»»»

طب المشرعة والسيف بيمينة
وگال اليوم اجيب الماي لسكينة
بدو ماي جودة وصوبو عينة
مني راح اخوي وبعد ما شوفة

»»»»»»»»»»

ماشوفة بعد ياحيف ابو الغيرة
وضليت بقيابة حيرتي حيرة
من بعده السبط گلت تدابيرة
راح احزام ظهرة الجان ميعوفة

»»»»»»»»»»

تمت بحمد الله لشاعرة اهل البيت ام ابراهيم الحلفي ونسالكم الدعاء


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة لمولاتي ام البنين عليها السلام عند خروج الحسين عليه السلام من المدينة
✍✍✍
شايلين اهل المحنة والقلب ينعاهم
شالوا الصوب المنايا بعد وين الكاهم
ابجي وانحب عالمشوا
وبالحنينة مادروا
وداعة الله يابنيني مشوا الله وياهم
✍✍✍
ودعتهم والقلب ينعة وحزين
وداعة الله يابنيني ويبني يحسين
يمة كلولي بسفركم وين ناوين
لاتخلوني وحيدة وتهمل العين
امكم تنوح وبجت
يبو فاضل ايست
ادري يوم السافروا القلب ماينساهم
وداعة الله يابنيني مشوا الله وياهم
✍✍✍
يمة ياعباس عينك عالعقيلة
محمل الحرة ييمة انت تشيلة
تدري يمة اخلافكم دمعي اسيلة
قلبي مايبرد ييمة انة غليلة
اه يسبع الكنطرة
ام البنين امحيرة
بعد هيهات النحبهم يمة مانلكاهم
وداعة الله يابنيني مشوا الله وياهم
✍✍✍
صحت يحباب القلب عودوا علية
اه ييمة افراكم اشسوة بية
راح أضل اخلافكم بالمهضمية
يمة عافوني ومشوا اهل الحمية
قلبي يايمة انجوة
من مشيتوا النينوة
طول عمري يالغوالي اضل انة اتناهم
وداعة الله يابنيني مشوا الله وياهم
✍✍✍
حملوا كل الحرم والضعن سار
كلبي صار اخلافكم يلتهب نار
اضل اتنطر ييمة منكم اخبار
يكلي عن اخباركم ماادري شصار
شصار بيكم والجرة
ونار بية موجرة
ابد ماايس ييمة ابقة انة برجواهم
وداعة الله يابنيني مشوا الله وياهم
✍✍✍
بقلمي المتواضع العلوية الشاعرة ام حسام الغرابية الفاتحة الى شرف النبي واله الطيبين الطاهرين والى روح المرحومة ابنتي الشابة سلوى بت علي ذمة عدم مسح الاسم


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه عن لسان حال ام البنين ع لماودعت ضعن الحسين ع

ودعتني / وروحي بوادعك نحيله
ودعتني / وهدمت حيلي العليلة
...........

شويه ريض تاني ياروح الزجيه
ارد اكلك ياعزيزي وارد عليه
يمه اخذني يالنويت الغاضريه
شلون اضلن والديار امست خليه

يالعفتني / دمعي مايكطع مسيله
ودعتني / وروحي بوداعك نحيله
.............
تعمه عيني يمه لوطول غيابك
ابقه اناطر اكعد حسين عالبابك
لوصحتلك يبني رجعلي جوابك
روحي فدوه ياثمر كلبي الترابك

حيرتني / بفاطمة الماتغفه ليلة
ودعتني / وروحي بوداعك نحيله

..............
يمه بتك ماكطع ساعه بجاها
علة بيها وشوفتك هيه دواها
يادمعها تنعه وتسلني بنعاها
اه يبويه جلمة وتكطع حشاها

موتتني / والهدم مابيه اشيله
ودعتني / وروحي بوداعك نحيله
........
من تريدك كلي يحسين اشا كلها
حكها تنحب خالي من وجهك نزلها
يبني منك مااجة الطارش وصلها
شكد حزينه ودمعه لغيابك تهلها

تكلي يمه / ايمت اتعود العقيله
ودعتني / وروحي بوادعك نحيله
........
هذا حالي يالجفيتوني و بعدتو
انتظركم وعله حالي مانشدتو
يبني انذر عيوني اطشهن لورجعتو
حزني بيه يبني من يوم الرحلتو

انتظركم / والتراب براسي اهيله
ودعتني/ وروحي بوادعك نحيله


✍ام زينب كربلاء غير مبري الذمه من يأخذ الكلام وينسبه كلام او يحذف الاسم


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده لام البنين عليها السلام (اليوم)

اليوم ام البنين تريد عوانه

تلطم علحنين وگطع ذرعانه

@@#@@@@@@@@@@@

عونتجن تريد ام الوفه الليله

عالعباس لطمي لطم الكحيله

لو صحت يبو فاضل تهوسيله

((هوسيله بالرايه ولطمي ))

****

ميدان اللطم وسعي يشيعيه

وخلي اعله الصدر طبعه حسينيه

منج راح تتشكر البدويه

((طبعيهه واللطمه ابصدرج))

***

تريدج يالتحبيهه تعزيهه

عله العباس والمذبوح واسيهه

هايه البلشدد عوانه تلگيهه

(( تعزيهه والتگضي الكلفه))

****

ضحت جم ولي بالمذبحه الگشره

وابنهه حسين عالغبره وگع نحره

ماجور اليعزيهه ويدگ صدره

((الحزنانه ماجور العزه))

*

المجلس باللطم والنوح شيلنه

وصدرجن عالذبيح حسين دگنه

من خدام ابو السجاد تكتبنه

((تسجلنه خدام حسين

للشاعره القديره زليخة العباس ((رسل الابراهيمي))


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده لام البنين ع في اربعين الحسين ع


ام عباس طبت كربله اليوم
تصيح بصوت اه يبني يمظلوم



وأم عباس اجتي وبيدهه الرايه
وي كل زينبيه تروح مشااايه
تدخل كل مواكب سوة قرايه

اقريلي يمله كلبي ملجوم
وأم عباس طبت كربله اليوم

البدويه تكابل مله لوتقره
تكله وليدي هذا اليوم رد نحره
واضمنلج اجر من فاطمه الزهره

بس انعيلي كلبي محمل اضيوم
وأم عباس طبت كربله اليوم


يمله اقري القصايد بس لبو اليمه
لتذكرين ابو فاضل ولاسهمه
اريد دموعي بس بحسين مهتمه

الاكي اخته اجيته بحيل مهدوم
وأم عباس طبت كربله اليوم

انعي بصوت عالي وانه اجازيج
عالحسين أقره كولي لليذم بيج
يمله ويه اليزور حسين اتانيج

تحليهه المواكب ونتج دوم
وأم عباس طبت كربله اليوم

ووالرادت تزورحسين خبريهه
الوان اعله وجهج لاتحطيهه
يلكصدج الزهره انتي تعزيهه

لتزيدين بيهه هواي الهموم
وأم عباس طبت كربله اليوم

الشاعره ✍🏻رسل الابراهيمي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده عن وداع ام البنين ع لقافلة الحسين ع

.❥ـــــــــــــ❂❥ـــــــــــــ❥❂ـــــــــــــ❥.

فراگكم مابيه حيل اتحمله
وداعكم راوني لوعة كربله
بيده گاودني الونين
من سحب ايده الحسين
من اديه من اديه
.❥ـــــــــــــ❂❥ـــــــــــــ❥❂ـــــــــــــ❥.

شكد حجي من وادعونه اهل الحميه
زعل غالي ونخوه وعتاب ووصيه
واول حجايتي لتگطعون بيه
لاتنسيكم عشرتي الغاضريه

يالنويتو اعله السفر
فدوه رجعولي خبر
رحمو بيه رحمو بيه
.❥ـــــــــــــ❂❥ـــــــــــــ❥❂ـــــــــــــ❥.

لحضه موادعكم اصعب لحضه عندي
گلب ام ورايحه للموت ولدي
باجر ايدي تخلي اثر طبعه اعله خدي
من كثر تفكيري بيكم حزني يبدي

انه مو بس مره اموت
موتي كل لحضة سكوت
بلا منيه بلا منيه
.❥ـــــــــــــ❂❥ـــــــــــــ❥❂ـــــــــــــ❥.

هواي ساعات الوفاة بلا وفاة
فارگتكم وفگدت طعم الحياة
راح اضل ملوعة ليوم الممات
هيه فرگه وبسببها گلبي مات

مات گلبي من ابعدو
واخذو الدنيا ومشو
للمنيه للمنيه

.❥ـــــــــــــ❂❥ـــــــــــــ❥❂ـــــــــــــ❥.

الله يفراگ الاهل خله چبيره
يخلي المفارگ يجر حيره اعله حيره
شلون وانه مفارگه كل العشيره
البدر والنجمات واقمار المنيره

راحو وحزنت سما
وبين هلال وضما
هالمسيه هالمسيه

.❥ـــــــــــــ❂❥ـــــــــــــ❥❂ـــــــــــــ❥.
الشاعره نورس الحلفي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه لم البين ع

ها يروحي ياوكت يرجع حبيبج
ها يروحي ياوكت يبطل نحيبج

ميته من يوم المشه//نار تاكل بالحشه
ها يروحي ها يروحي


ياروحي ميرد المشه وبگلبي زايد حزني
و ادري الصبر مر الصبر وفركه المحب تعبني
عيني اعله دربك وانتظر انطر لجيت ابني
ياوكت يرجع واستقر هذا البعد شييبني

ها يروحي وحدج ابقيتي وحزينه
ها يروحي گلبي مايخلص ونينه

لشوفته متعطشه// نار تاكل بالحشه
ها يروحي ها يروحي


من حملو كل النسه اعرف بعد مايرجع
انه بنزلهم واندعي وعيني تهل المدمع
روحي ابجافهم اييست من جسمي رادت تطلع
لفركة الغالي وسفرته هذا الگلب يتگطع

ها يروحي بهل السفر شفت المنيه
ها يروحي كوني ميته بهل المسيه

اعليه داره موحشه//نار تاكل بالحشه
ها يروحي ها يروحي


شلي بحياتي بغيبتك ماريد اعيش ايامي
اتخيل أگبالي النحر مذبوح يبني ودامي
بكل امغربيه اتذكرك وبيه تهيج الامي
كلما يمر طاري السفر انظر نحر گدامي

ها يروحي ضلي للون والمصيبه
ها يروحي يموت اليفارگ حبيبه

ميته لاجن عايشه//نار تاكل بالحشه
ها يروحي ها يروحي


انطر خبر يرجع علي من الولد ماجاني
ضليت ادور ريحتك وروحي بجفاك تعاني
ماكو مثلهه امصيبتي ابهاي الخلگ بس اني
محتاره وبگلبي اللهب ليش الولد خلاني

ها يروحي ليش اشوفنج غريبه
ها يروحي منج الراح اشيجبه

للهموم امغبشه//نار تاكل بالحشه
ها يروحي. ها يروحي


ما ادري شحجي اويه الزمن خلاني وحدي ابحيره
من شالو احباب الگلب وبعيني ضلمه الديره
ياحلم مر اعله الجفن متحيره بتفسيره
بين اليرد والمايرد خلاني راعي الغيره

ها يروحي اشكد تحملين ابجفاهم
ها يروحي موتي احسنلج وراههم
عل الولد. متشوشه // نار تاكل بالحشه
ها يروحي. ها يروحي


لشاعره ام ابراهيم الحلفي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده المسلم ابن عقيل ع

❥❥ـــــــــــــ❁❂❁ـــــــــــــ❥❥

مسـلم مــن برز حيدر يسمونه
الكوفــه اليوم خليها يشوفونه

❥❥ـــــــــــــ❁❂❁ـــــــــــــ❥❥

مسلم من برز حيدر علي جنه
كلها تصيح ردو خاف يذبحنه
كومه زلامنه مـاهاب من يمنه
ماكـدرو الابو محمد يلاكوونه

❥❥ـــــــــــــ❁❂❁ـــــــــــــ❥❥

للكـوفه دخل هالليله طشاهه
تتراجــف الحيد اليوم خلاهه
وجفوفـه عله العدوان سلاهه
من لغيض حمره صارت عيونه

❥❥ـــــــــــــ❁❂❁ـــــــــــــ❥❥

صـوبين الكفر بالكوفه صاروله
وحــده من برز وين اليكدروله
ابو محمد سبع بيهم لعب جوله
حــيــدر لـو دخل كلها يعرفونه

❥❥ـــــــــــــ❁❂❁ـــــــــــــ❥❥

ســوه مـجـزره وحـيــر العياله
بس مـن العطش مفطور دلاله
غــداريــن مارحـمـو تره بحاله
كــطــره مـاي ماقبلو يشربونه

❥❥ـــــــــــــ❁❂❁ـــــــــــــ❥❥

مهـجومه يكوفه وما اشوفنج
مــن قصر الاماره وكعوه منج
بــثأر طــاح هذا اليوم اطلبنج
جثـه وبــل حبل كامو يجرونه

❥❥ـــــــــــــ❁❂❁ـــــــــــــ❥❥

تــــمت بقــــ✍🏻لم خادمه أهل البيت عليهم السلام

✍🏻الشـــاعره الكبيره العلويه ام كنـــان الهاشمــي صاحبه دواوين أسيره الطفوف


لا أجيز من يحذف اسم الشاعره أو من ينسب القصيده له غير مبرئ الذمه أمام الله وأمام الزهراء عليها السلام ✍🏻🧿

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نزله لمسلم بن عقيل ع

يوم طبها برايته
زود حيدر همته
هذا مسلم يشيعه هذا مسلم
............
انشد الكوفه عله مسلم من نزل للحومه
خل تسولف بشجاعه والهمم واعلومه
وحيد والجيمه ثجيله واقعه ومرسومه
هله يربات الصميده ونعم ياجيدومه

جيوشهم ما لاوته
زود حيدر همته
هذا مسلم يشيعه هذا مسلم ٢
...............
لاوه كل الجيش كله وماصل لحدوده
وحده مابين الاعادي وزود حيدر زوده
سولفت طوعه عاليومه اوكفته المشهوده
بسيفه كام ايشمر الها والجثث ممدوده

وماحناها ركبته
زود حيدر همته
هذا مسلم يشيعه هذا مسلم ٢
............
هلهلت طوعه وتنادي هله بربات الشيم
عمك الكرار حيدر طشر برؤؤس الزلم
ونعم يبن النشامه طوعه تنده والنعم
ماخذ من حسين زوده وشمرته راعي العلم

والله ترهب صولته
زود حيدر همته

هذا مسلم يشيعه هذا مسلم ٢
...........
من نزل سوح المعاره وبيه تلهب ناره
حصد بركاب الاعادي ومافتر بتاره
لارجف لاخاف كلبه وماتهمه الغاره
حيد تاريخ المراجل سجل بتذكاره

من السيوف اتلكته
زود حيدر همته

هذا مسلم يشيعه هذا مسلم
............
كام يتلكه السيوف وينتخي بكرارها
اقسم براس الصميده اليوم لشعل نارها
عزم وحده عله ال اميه وماتهمه اشرارها
الكوفه صولاتك يمسلم خلها تروي اخبارها

خلها تحجي بغيرته
زود حيدر همته

هذا مسلم يشيعه هذا مسلم
............
عمت عيني عله ابوطاهر من نزل ميدانه
خالي ظهره من اخوته ودمعته جريانه
والله لحدود ابوالغيره ماتدنت عدوانه
زمرة ابن ازياد ردت تندب واحيرانه

الغوث تنده زمرته
زود حيدر همته

هذا مسلم يشيعه هذا مسلم

...............

✍أم زينب كربلاء غير مبري الذمه من ياخذ الكلام وينسبه له او يحذف الاسم من كتاب الماسي الفاطميه الجزء السادس


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

توكل وعل حرب نازل
هيبه من عباس شايل

مسلم لوحده ويحارب قاده

طشر الكوفه ب زلمهى
صاح يااهو لي يلمهى

سحب سيفه ومن وكف بعناده

رجفت ال حيطان منه
عيت وسواها رنه

عزم عنده وغيره من الساده

هوه فر الكوفه كلها ابيده
ابو طاهر نيشن عله صيده
الله يستر من دخلها البيده

بلمراجل مسلم الخالسهه
بلمراجل مسلم. الدايسهه
بلمراجل مسلم الحابسهه
...........................

حاصر الجيش وصفوفه
يرعد وكلهه تشوفه

اسمه وي صيته رعب خياله

طوعه اتحشمله مسلم
سيفك اليوم اليهشم

انته قائد ذولي كلهه وشاله


صول يله عل عساكر
انته جيمه ومن تكابر

جفك وسيفك غضب بفعاله

خلهه ترعد والزلم جويهه
بيك حيل حسين يله اطويهه
بل هواشم انتخي وتكضيهه


بلمراجل مسلم الذابحها
بلمراجل مسلم الطارحها
بلمراجل مسلم الجارحها
..................

زلزل وسيفه اليزلزل
بالرگب خلا يرتل

حاصراها ومن دخلها بحيله

شافو الموت بعيونه
محد اليوصل فنونه

زوده من حسين طبها العيله

كاطع انفاس الزلمها
مايهده من الزمها

والگرب منه صدك ياويله


فرض رايه عل خصم وبزوده
دخيل هيبت مسلم المشهوده
جفه من يصطر زلم مردوده

بلمراجل مسلم البجاهم
بلمراجل مسلم تحداهم
بلمراجل مسلم لاواهم
.....................

جفلت اكباله الجبيره
وحده خالسله عشيره

ابيده ولاهم صطر بالكوفه

جنه عباس بخزرته
شردت الكوفه بصطرته

يشبهه العباس شال اجفوفه

واكف بطوله وكيانه
علخصم سرفن ردانه

الموت يفتر والزلم مجتوفه

حار مسلم من دخل بحروره
طاحت الكوفه والزلم مجبوره
القاده ابجفه غدت مصطوره

بلمراجل مسلم الراعبها
بلمراجل مسلم الغالبها
بلمراجل مسلم. الگالبها
...........................

مايرك حيله وتقدم
هوه بالخضره تحزم

فات بيها واسمه ضل العالي

هدت الخياله صوبه
رجعت وصرخت التوبه

والتجاسر نجلاه ورجعا للتالي

شدت حزامه الطلعته
طوعه فزعت وي فزعته

وكال ياجيمه التضل اگبالي


طشراها الكوفه كلهه الطوعه
خله ارگاب اشكثر مكطوعه
الخيل والخيال طك اضلوعه

بلمراجل مسلم. العابرها
بلمراجل مسلم الصاكرها
بلمراجل مسلم الكاسرها
......................

وداد البخاتري


https://tttttt.me/joinchat/AAAAAELdvGssZMurwfLsJA

قصيده بعنوان
((نساء المواقف))
___
تسوه زلم الكوفه
بالشرف موصوفه
طوعه و التاريخ يشهد
ثائره ومعروفه
تسوه زلم الكوفه_٢
____
الله راد الطوعه تعله
وعبره صارت للبشر
وحده بس بمية زلمه
حاربت سيف القدر
ضمت الحق بعمرها
واعلنت ساعه خطر
الكوفه من ذيول صارت
وكفت المسلم اثر
دخلت التاريخ بسمه
وبالمواقف الهه رسمه
طوعه والتاريخ يشهد
تسوه زلم الكوفه_ ٢
_
طوعه ياطوعه شكبرها بالواقف لاتعد
تسوه جم شارب عماله خانو المسلم وعد
موقضيه ماي ونطت لمسلم بيوم الورد
ثائره ختارت قدرها
تحمي للزهره ولد
وحده بالكوفه اصيله
وضع مايحصل مثيله
طوعه والتاريخ يشهد
تسوه زلم الكوفه_٢
_
طوعه لو مالله حبه
ورادها بهل منزله
جان ماجاها السفير
وراد كتم المساله
شلون ربك ميزاها
درس صارت للمله
بيوم مسلم داس حدها سارت بدرب العله
صارت بلون النواس
وكشفت هوايه دسائس
طوعه والتاريخ يشهد
تسوه زلم الكوفه_ ٢
____
طوعه جانت زينبيه وعدها للغيره درس
سر الحسين بنزلهه
ضمته بموقف شرس
جانت الكوفه بغدرها و لزمن يهمس همس
هيه رسمت فد مبادءتشبه خيوط
الشمس
ثائره طوعه وصبوره
بخدمه العتره فخوره
طوعه والتاريخ يشهد
تسوه زلم الكوفه_ ٢
_
بالمواقف كوني طوعه زينبيه بعفتج
خلي كل طولج عبايه ذكريهه بمشيتج
شكد شريفه وبت عشيره رسمي منها هيبتج
من تحشمين انتي روحج صرتي طوعه
بعزتج
بالعبايه احمي دينج
زينبيه انتي يقينج
طوعه والتاريخ يشهد
تسوه زلم الكوفه
__
تمت
بقلم العلويه فيض
الطف

https://tttttt.me/joinchat/AAAAAELdvGssZMurwfLsJA

#فزاعيه لمسلم بن عقيل عليه السلام

ياطوعه اجاج الهاشمي
انطيه ماي عيونج
—•—•—••—•—•—

عينج غطا فرشيله
مهدود مسلم حيله
ضل وحده بهل ليله
واهل العبا يسندونج
—•—•—••—•—•—

بلغربه ضل أوحيده
وراسه يزيد يريده
دافع ثمن لوريده
تحمينه مايخلونج
—•—•—••—•—•—

خانت بعهده الكوفه
اطباعهم معروفه
اهل الغدر واللوفه
شيل الحمل بمتونج
—•—•—••—•—•—

عيني وصيري جنوده
عليه الطرق مسدوده
تعرفين منهو جدوده
بالمحشر يحضرونج

—•—•—••—•—•

🖇تـمــت بتـــوفيــــق الله

🖊بـٲنامــل شاعرة ٲهـــل البيت عليهم السلام
زهـــراء الحــــربي

وغير مبري الذمه ٲمام الله واهل بيت محمد((ع)) من يحذف الاسم وينشرها ٲوينسب القصيده لــنفسه 🚫

💬ونسال الله التوفيق والقبول
وٲسالكم الدعاء👆

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه لمسلم ع
┉❈❥ًً❀(❀❥❈┉

المستهل 👇👇

حميده اليوم بالوالي نعزيها

┉❈❥ًً❀(❀❥❈┉
طاح امن القصر ياناس
طاح اليشبه العباس
نوماس وبعد فرناس
بالكوفه وضواحيه

حميده اليوم بالوالي نعزيها

┉❈❥ًً❀(❀❥❈┉
من فوگ القصر رامي
ابوچ ومنحرهْ امگطعي
الف ويلاه ويلي اعلي
ودمعاته يهل بيها
حميده اليوم بالوالي نعزيها
┉❈❥ًً❀(❀❥❈┉

نعزيها عله المغوار
يشبه حيدر الكرار
لوله الحفره بيها النار
كص رگابها وعالارض فانيها

حميده اليوم بالوالي نعزيها
┉❈❥ًً❀(❀❥❈┉
الوالي يصعب افراگه
وتظل الفرگه حراگه
وگلبج زايده اشوگه
لعيونه تشوفيها

حميده اليوم بالوالي نعزيها

┉❈❥ًً❀(❀❥❈┉
قبل ليغمض عيونه
وصه الي يحبونه
ابوچ حسين يفدونه
والايدين هز بيها

حميده اليوم بالوالي نعزيها

ام انور الذبحاوي
┉❈❥ًً❀(❀❥❈┉

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

مربعه لمسلم أبن عقيل عليه السلام


أتعفر بالدمه مسلم يبو سكينه
وعالتربان نام أو سوربت عينه
❥━──➸➽❥❂❥━──➸➽❥❂
أتعفر بالدمه مسلم عله التربان
وچتلوا مادروا خوانه الشجعان
طاح أو جرجروا بالكوفه الجثمان
وداحي البوب عمه المرتضى وينه
❥━──➸➽❥❂❥━──➸➽❥❂
وينه المرتضى وينه الغريب حسين
أو شصار وسده ما عرفوا الطيبين
أمصابه أول مصاب أعلينه حل الحين
وماجوره يزينب ها يالحزينه
❥━──➸➽❥❂❥━──➸➽❥❂
ماجوره يزينب راح أبن عمچ
أجاچ اليوم طاهر ينتحب يمچ
أدموعچ سالت أعليه وكثر همچ
وحسين أعله مسلم يجهر أونينه
❥━──➸➽❥❂❥━──➸➽❥❂
خبروكم سگط بالبير وأتجتف
أغريب الوحده أو حاله ميتوصف
تنگطر بو طهر أو ينچتل يعرف
ومن أحصانه عالغبره أموگعينه
❥━──➸➽❥❂❥━──➸➽❥❂
طوعه دارهه الضلام طبوهه
وأهل الكوفه بالنيران حرگوهه
أمسلحين بسيوف اليوم حاطوهه
ونكروا بيعته وكلهم أمعادينه
❥━──➸➽❥❂❥━──➸➽❥❂

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الأثنين / ٧ من شهر ذو القعدة
الموافق / ٢٠٢٢/٦/٦


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*قصيدة لمسلم(راسك للذبح حضره)*
#من_ديوان_مسير_الفواطم_ج1
❥━──➸➽❥❂❥━──➸➽❥❂
يامسلم وصلت الگوم
راسك للذبح حضره
❥━──➸➽❥❂❥━──➸➽❥❂
راسك حظره يالمظلوم
باچر تغدرك هالگوم
وتظل متعذب ومالوم
امن يشمرونك بحفره
❥━──➸➽❥❂❥━──➸➽❥❂
بحفره الگوم يرمونك
براحه ما يخلونك
ايذبحوك ويشمرونك
تهدم حيلك الشمره
❥━──➸➽❥❂❥━──➸➽❥❂
الشمره تهد حيلك
وحيد ومانمت ليلك
واتريد اليتچيلك
عضيدك محد امخبره
❥━──➸➽❥❂❥━──➸➽❥❂
محد خبر عضيدك
حبل الگوم ضل بيدك
انته امحير اوحيدك
يمسلم عبرتك عبره
❥━──➸➽❥❂❥━──➸➽❥❂
يمسلم ونتك ونه
بتك گطعت الضنه
ابوي تصيح اريدنه
اشوفه واگعد بكتره
❥━──➸➽❥❂❥━──➸➽❥❂
اشوفه واگعد انه وياه
مر ما ينحمل فرگاه
وعمري كله اضل انعاه
واظلن عايشه بذكره
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للانصار ع

منهم ونعم ينصار الحسين
عالحومه اكبلو مثل الشياهين
- ------
ابد ماقصرو ضحو بالارواح
خلو هم ابوالسجاد ينزاح
كلمن شال روحه وللحرب راح

(يسباع وبيكم نتباها)
--------
يسباع وعليهم لايكه الونه
كلمن بالمعاره حارب بفنه
مواضي سيوفهم وشحده الدنه

( واشحده اليوصل لثايه )
-------
كل واحد المنهم بطل جيدوم
جلو عن الفوطم كل الهموم
بكه تاريخهم مذكور لليوم

(وكل واحد تشهدله الساحه)
--------
اذكريهم وكولي اليوم حياهم
وي دم ابوسكينه خلطو دماهم
شدنه الطم من يمر ذكراهم

( صولات البيهم معروفه)
-------
خلو كربله ماجت بهاليهه
حرسو بالخيم محد دنه ليهه
وصاحو فرد صيحه الروح نفديها

(انته أمر واحنه الوافايه)
-------
مواقفهم عظيمه واله تذكار
وكت الموت ويوصون الانصار
عينك ياحبيب عله ابو الأحرار

(يشهدلك تاريخ النيبه )

-------
✍ام زينب كربلاء غير مبري الذمه من ياخذ الكلام وينسبه له او يحذف الاسم


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

.فزاعيه للانصار انصار الامام الحسين عليه السلام
==========

وين اهل الكرم

وين المعازيب

شعاجلهم على نوم السراديب

===========

والله والنعم انصار الحسين

ذوله اهل الفراضه ولحجي زين

هم شجعان هم اكرام طيبين

احضرهم ياعلي ياعروة الدين

انتم هيبه / ينصار حسين

===========

بشرو المكبره جوها الكبيديه

صدر ديوان لو كعدو وشخصيه

انوار اوجوهم هليوم مطفيه

ودلال المضيف اصبحت مجفيه

ومجفيه / يدلال الهيبه

===========

ياوسفه شواربهم على الطين

طميتي الحياده اهل الدواوين

اريد الطم عليهم وعمي العين

وسفه اطشرو بيمن تلمين

وطشاها / طكاها البين

===========

نوم المكبره مكروه طاريه

يلكلكم وفه وكلكم نماريه

شهدي بكولهم أحجي بعداليه

عينني عليهم حيل مابيه

وشيعوده / و الشال وغرب

============
هديه الى انصار وخدام الحسين عليه السلام

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

مربعة

للانصار عليهم السلام
........
هدو فرد هده اصحاب ابو اليمه
اوهجموا كالاسود ابقوه وبهمه
.......
شدو بالسيوف اوكلبوا الميدان
وابو اليمه ايتقدمهم عظيم الشان
هو الرايه هوه بالحرب عنوان
تتباشر انصاره اوخذت من عزمه
.......
صاحو فرد صيحه اباسم قائدهم
باسم احسين الله شد عزايمهم
اسم احسين مكتوب ابضمايرهم
ليوث اوبالحرب ابدا ممهتمه
......
سوها عجاجه او كسروا الجيمان
من اسيوفهم فرت انسها اوجان
اوعابس صاح منه جفلت الفرسان
ذب الدرع حاسر وابد ماهمه
.....
اوطب ابرير خلاها اوحيرها
فرد واحد اورعبها الجحافلها
ابطال املثمه ابطارف عمايمها
يفدونه وطلبهم الله ايسلمه
........
عابس نزع درعه اوصاح جنني
حب احسين عن كلشئ امعوضني
ابهل الدنيه الدنيه الله زهدني
دنيه او اخره اويه احسين هلمه
.....
كضو حك العليهم ضحو ابدمهم
دنيه او اخره اوي احسين سيدهم
للباري اورضاه احسين قائدهم
كفو اونعمين من اصحاب ابو اليمه
.....

الحاجة ام احسان الخاقاني



https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده ل انصار الحسين عليه السلام
على طور الرادود ماجد الفياض
فدوه اروحن زوار لترابكم
===========

هله بنصار حسين حياهم

يصعب على الكفار ملكاهم

===========

وكفو اباب المخيم
كلمن بسيفه تحزم

غيره بيهم غيمت
غيره بيهم غيمت

صاحو لخدرج نحامي
فدوه الج يابت امامي

والعقيله تبسمت
والعقيله تبسمت

حسين صاح اصحابي ذوله
بلحرايب علم دوله

لا مثلهم ماشفت
لا مثلهم ماشفت

للكلافه العباس راداهم
هله بنصار حسين حياهم

📗📓📔📘📕

وكفو كبال الكتيبه
سباع ذوله وزلم نيبه

الدرب بيهم مزدحم
الدرب بيهم مزدحم

حسين يعرفهم اصحابه
خففو ظيمه ومصابه

صاح بيهم والنعم
صاح بيهم والنعم

عفيه بصحابي النشامه
بلحرب خلو علامه

سباع مايخطي السهم
سباع مايخطي السهم

على الراس العباس خلاهم
هله بنصار حسين حياهم

📘📔📗📗📓

هوسو بلطف عراضه
سباع يلكلهم فراضه

للمنايا تحزمو
للمنايا تحزمو

وكفو بحزم واراده
كلهم اخلاص وعباده

قسم يمهم رددو
قسم يمهم رددو

هدو على العدو هده
ماندلو درب شرده

للملاكه تونسو
للملاكه تنوسو

كفكفوها للحروب اردانهم
هله بنصار حسين حياهم

📕📗📘📓📔

بيهم الحميه تغلي
يامنيه اليوم انزلي

نريد هليوم الذبح
نريد هليوم الذبح

شدو على انجاس اميه
صاحو بحيل وحميه

ابد مانقبل صلح
ابد مانقبل صلح

للصبح هليله كاعد
منتضر امرك يقائد

اليله بعيوني ملح
اليله بعيوني ملح

بلمكاون معروفه صولاتهم
هله بنصار حسبن حياهم

📔📓📘📗📕

جبير خوته بن مضاهر
لزم وبحزم السواتر

عينه تربي علدرب
عينه تربي علدرب

براسه هلطكت الغيره
صاح زينب ياأميره

ألج يسهل الصعب
ألج يسهل الصعب

سرفن وللحرب ردنه
صاح منهو الي يردنه

اليوم نكلبها كلب
اليوم نكلبها كلب

والحسين تنومس بملكاهم
هله بنصار حسين حياهم

📓📒📕📗📘

شد على خصره العمامه
صاح ماريد السلامه

فدوه اروحن للخدر
فدوه اروحن للخدر

صال نشمي ولزم سيفه
من عدوهم اخذ حيفه

صاح وين اهل الغدر
صاح وين اهل الغدر

فدوه لحسين وبنينه
يروح كل عمري وسنينه

اليوم مكتوب النصر
اليوم مكتوب النصر

هوسوله الانصار وياهم
هله بنصار حسين حياهم

===========
خادمة ال البيت الحجيه ام علي نسألكم الدعاء

لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده ل انصار الحسين عليه السلام

تقرأ بطور الفزاعيه والمربعه

تقرأ مربعه بقفل المربعه
وتقرأ فزاعيه بقفل الهوسه
============

انصار حسين دَوله

المايهابون

بلارواح لجل الدين يفدون

=========

انصار حسين اجو للموت عنايه

اسباع وللعقيله اليوم وفايه

على حدود المخيم رفعو الرايه

كبال ام الخدر كامو يهوسون


هوسه👇

نهوس بي / الملعب النه

🏴🏳️🏴🏳️

علوها البيارغ هوسو بيها

صاحو هلرواح اليوم نفديها

عد عينج يزينب يبت واليها

نفدي ارواحنه نفديها العيون


هوسه 👇🏻

وبس كولي / وحنه العد عينج

🏴🏳️🏴🏳️

يوم الموزمه جن عدهم العيد

من صولة الخيل اتخسّف البيد

يانعمين يولادة الصناديد

اجو لجل العقيله الها يواسون


هوسه👇🏻

اعلى الثايه / دكوها الرايه

🏴🏳️🏴🏳️

بنصاره النشامه تنومس حسين

حبيب وبشر والنشمي ابن القين

برير وجون صولات الميادين

شبيب وانس الهم يشهد الكون


هوسه 👇🏻
ومن ذوله / السيف اتعلم

🏴🏳️🏴🏳️

يشهد للنشامه: المايهابون

انصار حسين علذل ماينامون

بيوم الموزمه علحد يثنون

لجل الحق نفس وركاب ينطون


هوسه 👇🏻

اللكم هيبه / ينصار حسين


=========
خادمة ال البيت الحجيه ام علي البصره

لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك