لطميه لعبد الله الرضيع عليه السلام على طور زاير حسيني (ياعلي بيدي)


ياعلي بيدي… ذبحو اوليدي… اويلاه
مات گدامي… والسهم حامي… اويلاه


ياعلي بويه شفت موقف فضيع
ابسهم حامي انذبح طفلي الرضيع
ضاگت بعيني السمه وكون الوسيع
خذت دمه واشتكي لرب السميع
صحت ياربي… وانفطر گلبي… اويلاه
وبادن اعظامي… والسهم حامي… اويلاه


بادن اعظامي واحس گلبي انفطر
وصبن عيوني مثل رش المطر
اشلون ارد الطفل مگطوع النحر
والرباب اگبال مهده تنتضر
نام كل ضنها… اشلون اخبرنها… اويلاه
انذبح ضامي… والسهم حامي… اويلاه


اشلون اگلها انذبح ضامي وماروه
ونحر عبد الله بسهم حامي انچوه
وانحرم من الأميه والهوه
شفته مات ومات حيلي وماگوه
رافس بحضني… وانگطع ضني… اويلاه
وارتخه احزامي… والسهم حامي… اويلاه


رافس بحضني الرضيع امن الذبح
اشلون ارجعه سابح بدمه سبح
انجرح گلبي جرح فوگه جرح
باچر اكبر فاجعه اتصير الصبح
تنسبي اعيالي… بسوط چتالي… اويلاه
وتوگع اخيامي… والسهم حامي… اويلاه


توگع اخيامي وجمر يسعر تصير
الليله وي زينب الاوداع الاخير
ضلت عيوني عله الشاطي تدير
وين ابو الخوه صحت راعي الضمير
ها يبو الغيره… شوفني بحيره… اويلاه
خلصو ازلامي… والسهم حامي… اويلاه

الشاعره المله
ام هجران العمارچيه
ديوان كعبة الأحزان
الجزء الرابع

غير مبري الذمه من يمحي اويغير اسم الشاعره وينسب الرثاء لشخص اخر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

موشح (1)
للطفل الرضيع عليه السلام
.......
شنهو ذنبه الطفل ويفطمونه
احسين ناده اشذنبه وتحرمونه
......
احسين شال الطفل بيده ايلاعبه
ينظر ابوجهه او حزنه ايغالبه
وامه اتنادي اودمعتها ساجبه
طفلي اشذنبه اوشنو ايطلبونه
......
غايره اعيون الطفل وشحاله
امن العطش يابس صفه دلاله
وامه دمعتها عليه هماله
هلطفل روحي عليه محزونه
.....
روحي محزونه عله اوليدي الحبيب
جرح في دلالي ما ظنتي يطيب
احسين يطلبله اميه اولا مجيب
اوعله احسين ايدير طفلي اعيونه
......
احسين عاينله اوهلت دمعته
عاينه بالسهم كطعوا ركبته
ليش من منحره صارت فطمته
ليش طفل احسين يتولونه
.....
ليش طفل احسين خضبته دماه
رده للخيمه امفارك للحياة
صاح يازينب يخويه الطفل مات
اوراسه يا خويه تره ايكطعونه
.......
تكله ياخويه الطفل عني غطيه
ذابحينه وبدماه امغسليه
مالي خويه كلب حته انظر اليه
خويه شوفه اشلون شاحب لونه
.......
در ثديها دورت عن جثته
اوليدها ادور لكته اوحضنته
اتكول صار الطفل موعد رضعته
احسين وصه ابكبره ايدفنونه
......
الحاجة ام احسان الخاقاني
9محرم الحرام1442 هـ

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#نعي_گرناوي_للوداع_من_ديوان_عبرات_وانين_ج٣
❥━──➸➽❥❂❥━──➸➽❥❂
الليله وداع ويه اهلي المرحلين
وباچر لليسر نرحل سبايا
بينه اشلون لو سارو بالظعون
واحنه بس عله الله وعالعبايه
تگول اشلون اعوفنكم يولياي
وعالتربان متوسده الضحايا
متوسده الضحايا فوگ التراب
ونهر العلگمي شوحمر مايه
صبح لونه حمر من كثر الدموم
حتى النهر متغير برايه
خويه اعذرني لو عفتك عله الگاع
العدو ياخذني وامشي وهذا رايه
العدو يضربني ترضه خويه بسياط
ولارض الشام رايح عنده غايه
غاياته العده يذل زينب اليوم
مايدري علي اتجسد بهايه
زينب ماتهاب العده وارجاس
بت حيدر علي والدها الايه
لاچن الكسرها طيحت حسين
وهدت حيلها طيحت الرايه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للوداع تقرا حيدريه او موشح
😭
حسين خويه الليله الوداعيه
بأجر تصبح جثث مرميه
وااماماه ....وا حسيناه
.......
ليله اخر ليله وي اخواني
باجر عليهم تزيد احزاني
ريت ميته ولا اظلن اني
روحي وي حسين ريت مگظيه

واااماماه .....واحسيناه
..........
هاي ليله بيه دموع وونين
يودع اعياله ويوصي الحسين
يوصي زينب بيهم وتهمل العين
يگله خويه عينج عله رقيه
وااماماه .....واحسيناه
.........
حسين وصى اخيته بالعايله
يگله باجر زينب انت الكافله
خويه عينج عله اليتامى الحايره
من تروح وي العدى مسبيه
وااماماه ...واحسيناه
........
خويه كافي بعد ﻻتوصيني
روحي ماتحمل هظم تدريني
فراكم ناره جمر تجويني
لﻻبد ياخويه تحرك بيه
وااماماه .....واحسيناه

..........
راح اظل سهرانه هاي الليله
ارد اشمه وظيم گلبي اشكيله
من بعدكم همي ياهو يشيله
اظل اصيحن ياعلي احضر ليه
واا اماماه ....واا حسيناه
......
علي يابويه الحگلي بعجل
سلبوا خدري ماظلي اهل
حركوا خيامي وحسين انگتل
راح امشي ويه العده مسبيه
واا اماماه .......واحسيناه

......... .
تمت بعون الله وبحمده
اهدي ثوابها الى والدي العزبز رحمه الله
بقلم خادمه الزهراء ام حسين اﻻسدي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة ثكيله حول الوداع





ها كضه الليل يخويه..هاكضه الليل
باجر ايشيل ولينه..باجر ايشيل
باجر ايطش الضعن
والفواطم ينسبن
باجر يميل وكتنه باجر ايميل




باجر بلا والي نبقى وحايرين
باجر بلاعلم بس راس الحسين
تكبر الحسرات ويزيد الانين
شلون باجر من يجي
صياط وهموم وحجي
دموعنه اتسيل ييمه دموعنه اتسيل



شلون لو يخلص الليل وينتهي
ونبقى بس نسوان مايبقى ولي
شلون بينه شلون يا حيدر علي
الصبح لو صار الصبح
وابو العابد ينذبح
مايضل حيل بدليلي مايضل حيل


خلصينه الليل بس هم اوداع
باجر يفاركني كل زين وشجاع
الوكت باجر بالاهل يرفع شراع
يفرهد العز والغله
وكلبي بالهم يبتله
وتهجم الخيل علينه تهجم الخيل


اتسيل دمعات المعاتب ما تجف
باجر انشيل اوضعنه يختلف
بغير وليان الوضع كلش كلف
نبجي ونزيد الحزن
وحيل عالشالو نون
وحال العليل فجعنه حال العليل



بقلم الشاعرة أم كرار الساعدي
غير مبري الذمه من يحذف اسم الشاعر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

ثكيله لليلة العاشر نفس طور لالاتروح لمحمد الجنامي
***********************************
ليلة وداع ياأغله من شم الهوه
ليلة وداع يالجنت لعيوني الضوه
ليلة وداع يحسين مانرجع سوه
ليلة وداع
********************************
خويه باجر تنذبح تمشي وتخليني
وآنه بعدك انولي ياهو اليباريني
امشي بحبال وزجر والشمر سابيني
ريت ميته ولاشفت هالمصاب بعيني
بعدك اضيع حرمه غريبه بكربله
بعدك اضيع والشمر حادي القافله
بعدك اضيع يحسين دلالي انجوه
ليلة وداع
*************************
ودعتني بكربله وشفتك بياحاله
خويه يحسين الدمع عالوجه يتلاله
تنعه روحك يالولي وحسرتي جتاله
صحت وينك ياعلي بدمعتي الهماله
حامي الدخيل ماتدري بحسين شجره
حامي الدخيل ابنك ذبيح اعله الثره
حامي الدخيل من الماي كطره ماروه
ليلة وداع
***************************
احضنته وعيوني تصب صحت خويه الضامي
باجر سيوف الاعادي اتوذره كدامي
شلون اشوفه بياكلب واجرع بآ لامي
باجر بطرك العبايه امنحلات اعظامي
وين المسير ياحيل بعدك ظل إلي
وين المسير من بعد مصرع كافلي
وين المسير مكسور ظهري وإلتوه
ليلة وداع
*******************************
باجر جفوف الكفلني عالنهر مرميه
وباجر عيون ابوفاضل بالسهم مطفيه
ويامن ارجع ياهلي لو رحت مسبيه
ضيعت كل اخوتي وناري تسعر بيه
وين الكفيل باجر جفوفه امكطعه
وين الكفيل وعيونه بالدم ناكعه
وين الكفيل لجروحي جان إلهه الدوه
ليلة وداع
*****************************
خويه باجر لو رحت خيمتي يحركوهه
زينب اخلافك تره بكربله اتضيعوهه
اجمع ايتام وحرم هالعده اتولوهه
ولو اصيحن ياعلي لفاطمه يشتموهه
أمشي واطيح والشمر يضرب عالمتن
امشي واطيح عالوجه ودموعي جرن
امشي واطيح ضيعت اهلي بنينوه
ليلة وداع
****************************
أم علي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

هوسات للوداع
====
اجت زينب لخوها اتودعه الليله
تجر بجدامهه والمدمع اتسيله
اجت صاحت بنات وصاحت العيله
كومن خنودع والينه
===
اوداعك ياعزيزي يعمي العيون
ما اكدر اعوفك وصبر شلون
نايم ع الوطيه مغمض العيون
بلدم الشيب امخظبينه
===
يكلهه اتصبري وعيالي باريهه
بناتي يزينب عينج عليهه
رقيه خاف درب الشام ياذيهه
لو تصرخ بتي اتسكتيهه
===
تكله دخيل عمرك لاتوصيني
وطفالك يخويه يابعد عيني
يا خويه كلامك حيل ياذيني
ياذيني يبن امي اوداعك
===
ياذيني وداعك ياعزيز الروح
كلي شلون عايفنه وتريد اتروح
اخاف عليك خافنك تجي مذبوح
جسمك بلحومه اموذرينه
===
اخاف من الوداع الكلب يوجعني
اخاف تروح للحومه وتودعني
تريد اتروح ياخال الولد عني
تخليني محتاره بعيله
===
تحيرني بعيالك لو تريد تروح
ووداعك يخويه يفت مني الرح
ويخلي ابكلبي اجروح فوك اجروح
ابن امي فراكك ياذيني
====
فراكك يلولي ما نكدر انحمله
ودرب المعركه ياخوي مندله
صدك يفراكم سل بالجسم خله
وفراكك يصعب ياهيبه
===
تمت بعون الله بقلم العلويه ام اسامه الموسوي شاعرة اهل البيت


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه العاشر
للشاعرة ام حوراء الاسدي





ليله وداعنه ويحسين __ ريت طول هليله
ماكدر بعد يايمه ابجيله
$$$$$$$$$$$$

اليله وداعنه يايمه حضريني
ريتج بلمخيم لوتشوفيني
يودعني الولي وانه نعمت عيني
باجر بالشمس منهو اليفيله
$$$$$$$$$$$$$


باجر بالشمس يايمه اخواني
عمت عيني عليهم دهري بجاني
مضيعه انه الولي وضليت بحزاني
روحي من العلل جا وين تشكيله
$$$$$$$$$$$$$$$

روحي من العلل لحضات الوداع
اخوتي أسباع ليش طمهم الكاع
اولاد الزيجه ، اليوم يسباع
اودعنه الولي ياروحي صبريله
$$$$$$$$$$$$$

اودعنه الولي ومضيعه اذهاني
باجر لايطر ياريته لااجاني
يكضون اخوتي واحد وره ثاني
واكعد بلمعاره وبيش افيييله
$$$$$$$$$$$$

واكعد بلمعاره وليلي مانامه
ضيعنه الاهل وأهل نشامه
ياعباس ياحلووو جهامه
محله عشرتي لوردت اشكيله
$$$$$$$$$$$$$


محله عشرتي وياك عباس
شيال الدرع والعلم ولطاس
تودعني تره والطم عله راس
مضيعه اني الولي واتكفل بعيله
$$$$$$$$$$$$$
تمت بعون الله أم حوراء الاسدي واسئلكم الدعاء لايحوز شرعا حذف الاسم


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

هوسات للوداعية

الليلة احسين ودعهن عزيزاتة
والتمن عليه يبچن ابنياتة
الله يساعدة بالروح حسراتة
(هاي اخر ليلة.. ويا اعيالة)

يگلهن مني شبعن باچر الفرگة
باچر بالخيم نيران محترگة
وجثتي اظل طريحة ابخيل منسحگة
(بالخيل الگوم يسحگوني)

خلونة انتوادع يا اخياتي
ويزينب انة اوصيچ بعزيزاتي
جثتي لا يشوفنهة ابنياتي
(لو سالت... عالگاع دمومي)

تحاچيه العقيلة وجرت الحسرة
تگلة اشلون حالي وگلبي شيصبرة
مااگدر اشوفك مرمي عالغبرة
(وراسك برماح .. يرفعونة)

تگلة ام طاهر ومخنوگة بالعبرة
شلون انفارگك ياريحة الزهرة
ياريتة باچر لايطر فجرة
(ياخوية وداعك ..ماريدة)

*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

موشح حول ليلة الوداع


*بيا كلب زينب تودع اخوانهه*

*باجر اتظل عل ترب وليانهه*


اليله زينب ودعت كل الاهل
والدمع من عينهه الحره نزل
من بعدهم مايظل عدهه امل
*باجر يصير وتصير احزانهه*


بيا كلب زينب تودعين الولي
الله كون يعين كلبج بت علي
احجي ويه حسين نوب الكافلي
*اشلون بختك رافكت عدوانهه*


تمشي ويه غربه وتباريلك حرم
من عكب عينك وشيال العلم
مايضل عدي محامي ولا زلم
*والخيم محتركه من امجانهه*


منين كلبي وباجر يطر الفجر
ولظهر ماتظل كل اهلي الظهر
اطفالكم يحسين لو صار العصر
*تمشي بالهيمه وتريد ازلامهه*



اشلون كلبي اشلون لو شفت الذبح
اكبال عيني من يشيلون الرمح
والجفوف اخلاف راعيهه الصبح
*عل شريعه اتظل واروح اخلافهه*



اخلافهه امشي وماظن الكافل دره
اتروح زينب من يطيح اميسره
محيره عكب الكفاله امحيره
*والدروب ابعيد عن اوطانهه*

*لخادمه الزهراء العلويه أم جعفر*
غير مبري الذمه من يحذف الاسم وياخذ الكلام وينسبه له


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة ليوم العاشر"وزن بحر طويل"
❥❥ـــــــــــــ❁❂❁❂❁❂❁ـــــــــــــ❥❥
واويلي على ابو اليمة ظل نايم على الغبرة
مذبوح وتسيل ادماه والخيل اسحگت صدرة
❥❥ـــــــــــــ❁❂❁❂❁❂❁ـــــــــــــ❥❥
واويلي والف ياويل ظل نايم ابميدانة
مگطوع النحر منة وبالدم غارگة ابدانة
ريحانة رسول الله ماهابوه عدوانة
ولاهابو ابو حيدر وامة فاطمة الزهرة
❥❥ـــــــــــــ❁❂❁❂❁❂❁ـــــــــــــ❥❥
نايم بالشمس خلوه تفجع حالتة العطشان
محد شربة امية گلبة من العطش خلصان
فوگ اجروحه المظلوم ليه اتعنت العدوان
تسحگ صدرة واتهشمة بحافر خيلها العشرة
❥❥ـــــــــــــ❁❂❁❂❁❂❁ـــــــــــــ❥❥
سحگوه وصفت الضلوع مطحونة الف وسفة
موبس هاية بالضامي طبرات الولي كلفة
بي مية جرح وصواب ماالها دوه و تشفة
سهم امصوبة واشلون طالع من خرج ظهرة
❥❥ـــــــــــــ❁❂❁❂❁❂❁ـــــــــــــ❥❥
مصيوب بنبل واسهام متوذر وذر جسمة
من كثر الجروح البي وخيل الداس ابو اليمة
ظهرة والصدر مطبوگ واوصالة وذر يمة
واختة استغربت حالة ماعرفتة الحرة
❥❥ـــــــــــــ❁❂❁❂❁❂❁ـــــــــــــ❥❥
حقها ام الخدر ياناس ماتعرف اخوها حسين
مذبوح وبلاية راس وابحر التراب اطعين
الله يساعدچ زينب ياصبر انتي اتحملين
ابن امچ ابعينچ هاي شفتي منگطع نحرة
❥❥ـــــــــــــ❁❂❁❂❁❂❁ـــــــــــــ❥❥
*بقلم✍خادمة تراب الزهراء(ع) الكربلائية فاطمة علي صالح الحلفي*
*واسألكم الدعاء والفاتحة لروح جدي وامواتكم ودعواكم لي بالنجاح والموفقية*
*غير برئ الذمة امام الله والزهراء من يحذف الاسم والرابط*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدةللأمام الحسين لسان حال السيدة زينب (ع)
#من_ديوان_عبرات_وأنين_في_رثاء_الطاهرين ج٣
❥━──➸➽❥❂❥━──➸➽❥❂
ليش الگوم -- عالمظلوم -- تسحگ وانكسر صدره
مره اتطيح -- مره اتصيح -- زينب هاي يازهره
❥━──➸➽❥❂❥━──➸➽❥❂
للميدان اجت زينب واتدور عله اخوتها
من الهضم محنيه بطرف العين دمعتها
ماواحد سمعها اتصيح محد شاف حالتها
والكفار -- شبو نار -- وذيچ النار مستعره
❥━──➸➽❥❂❥━──➸➽❥❂
ذيچ النار مستعره وفرت بالشمس الأطفال
وزينب حايره وتنوح ومن عدهه الدمع همال
ساعه تصيح خويه حسين ساعه تصيح يا كفال
والأطفال -- الدمع همال -- تبچي ونايحه بحسره
❥━──➸➽❥❂❥━──➸➽❥❂
ظلت تبچي الأطفال وتنادي يبوية حسين
وينك ياگمر هاشم عايف هالحرم لا وين
وظل بس العليل وياي ودمعي يجري عالخدين
ابچي دموم -- عالمظلوم -- بروحي خانگه العبرة
❥━──➸➽❥❂❥━──➸➽❥❂
زينب تون حزنانه ومن عدها الدموع تسيل
فگدکم صعب يخواني يكتل هدمالي الحيل
من بعد الاهل روحي گاضيها الهظم والويل
گضاني النوح -- على المذبوح -- وخلة بالگلب جمرة
❥━──➸➽❥❂❥━──➸➽❥❂
جمر فگدك ينور العين هدم حيلي وعمه عيوني
ادور رحت بالميدان وعنك ما يدلوني
ادور وين خواني اضن نامو وعافوني
ينور العين -- آه يحسين --بعدك نار مستعرة
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للوحشه
=========

طول ياليل المصيبه......

ريت صبحك لاتجيبه......

=========

تدري ياليل المصيبه بحالتي

لو يطر اضواك يفرح شامتي

خايفه من الضوه يكشف شيلتي

اقسم عليك بعلي ارحم غربتي

نضرة الشامت مريبه.......
طول ياليل المصيبه.......

☸️☸️☸️☸️

اليل وحشه لاكن المثلي ستر

وتدري غالي علينه ياليل الخدر

بلظلام تهود سياط الشمر

خاف لو طر صبحك يكون اليسر

ويلشمر امشي عجيبه.......
طول ياليل المصيبه.......

☸️☸️☸️☸️

طول ياليل المصيبه والحزن

ريت حتى انجومك التلمع طفن

دمعي وي دمع اليتامه تسابكن

المصايب على كلبي جودرن

من شفت جثته سليبه......
طول ياليل المصيبه.......

☸️☸️☸️☸️

ياظلام الليل تدري بلجره

بليتامه وبلعيل امحيره

وجثة حسين بدماها معفره

وعلنهر مطروح سبع الكنطره

والكلب زايد لهيبه........
طول ياليل المصيبه.......

☸️☸️☸️☸️

راحو الجانو حمانه وهيبتي

باجر من الصبح تبدي مصيبتي

عذبتني خلاف اخوتي دنيتي

صبحت بلطف غريبه......
طول ياليل المصيبه.......

=========
خادمة ال البيت الحجيه ام علي البصره


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#قصيده_للوحشه_من_ديوان_مسير_الفواطم_ج٣
❥━──➸➽❥❂❥━──➸➽❥❂
وحشه هالليله علينه حسين خويه شلون بينه
لاخيام وحنين بالبراري ضايعين
انسبينه وانولينه حسين خويه اشلون بينه
❥━──➸➽❥❂❥━──➸➽❥❂
انسبينه وانولينه حرگت اعداكم خيمنه
وين نشكي وين نمشي عالرمل نامت زلمنه
حسين خويه مادريتو انهضمنه وانظلمنه
الدمع بالعين هالي ... بين غربه وماكو والي
وصلت النار العبينه حسين خويه اشلون بينه
❥━──➸➽❥❂❥━──➸➽❥❂
وصلت النار لعبينه وين هالليله نروح
اعتنيت الگمر نايم ويمه ضليت انه انوح
نومه كل اهلي واخوتي ومابگت بيه ابد روح
مالي حيل نكسر ظهري ... بحالتي بس الله يدري
الكفلني انطفت عينه حسين خويه اشلون بينه
❥━──➸➽❥❂❥━──➸➽❥❂
الكفلني انطفت عينه نام مرمي اعله الشريعه
العمد صوب جبينه وضاگت اعلينه الوسيعه
وين اروح بهالفواطم والحرم عندي وديعه
كلفيتوني بحرمكم ... خويه بس الليله يمكم
صحنه اگعدو وحشمينه حسين خويه اشلون بينه
❥━──➸➽❥❂❥━──➸➽❥❂
صحنه اگعدو وما گعدتو وما سمعتوه العتاب
يمكم گعدنه وبچينه وما سمعناه الجواب
صعبه حيل علينه كلش آه يا فرگه الاحباب
صعب ما يراد الفراگ ... روحي الكم حيل تشتاگ
گومو يالخوان لينه حسين خويه اشلون بينه
❥━──➸➽❥❂❥━──➸➽❥❂
گومو يالخوان لينه ننخه ماواحد يگوم
هاي ساعات الكلافه وهاي ساعات اللزوم
ماسمعتونه نعاتب نبچي وانوح ونلوم
نصرخ ومحد سمعنه ... العتب بيمن نفعنه
امن السياط امورمه ادينه حسين خويه اشلون بينه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*قصيدة ليلة الوحشة (خيم الليل بضلامة)
❥❥ـــــــــــــ❁❂❁❂❁❂❁ـــــــــــــ❥❥
خيم الليل بظلامة……وين اوديهة اليتامة
*ا يخوية. ا يخوية*
❥❥ـــــــــــــ❁❂❁❂❁❂❁ـــــــــــــ❥❥
خيم الليل بظلامة ياضوة العين
وين اروحن باليتامة والنساوين
كلهة ملتمة علية وتبچي يحسين
وتدري ماعدهم رحم ذول الملاعين
*لو بچت طفلة اضربوهة… والله روحي عذبوهة*
ا يخوية. ايخوية
❥❥ـــــــــــــ❁❂❁❂❁❂❁ـــــــــــــ❥❥
روحي شاغت والنفس گوات اجرة
خوية عين ابنيتك المدلولة حمرة
حيل سطراهة زجر يالوالي سطرة
عالترب طاحت ودمع العين يجرة
*شگد بناتك لوعوهن … ودنيا ليل وخوفوهن*
ا يخوية. ا يخوية
❥❥ـــــــــــــ❁❂❁❂❁❂❁ـــــــــــــ❥❥
بيهن احتاريت يبن امي الحنينة
هاي تبچي وذيچ تنعة اشلون بينة
شرد اجاوبهن دگلي ياولينة
راح حيلي وگلبي ماهوّد ونينة
*يشتكن المن يوالي… وانة اصبرهن يغالي*
ا يخوية. ا يخوية
❥❥ـــــــــــــ❁❂❁❂❁❂❁ـــــــــــــ❥❥
وحده صاحت عمه مجروحات الايدين
ووحده صاحت عمّتي چاوين الحنين
ووحده گالت ياغريبه وليدي چاوين
وانفطر گلبي عليهن خوية نصين
*شبعن هموم ومصايب… وگعدن ابهاي الترايب*
ا يخوية. ا يخوية
❥❥ـــــــــــــ❁❂❁❂❁❂❁ـــــــــــــ❥❥
عالترب نامن لان ماعدنة خيمة
من بعد ذاك الخدر وسفة وهظيمة
والشمر كلساع اجة يضرب يتيمة
مصيبتي يابو علي صعبة واليمة
*عالحرم صرت الكفيلة… ولابقة والي اشتكيلة*
ا. يخوية. ا يخوية
❥❥ـــــــــــــ❁❂❁❂❁❂❁ـــــــــــــ❥❥
*تمت بقلم خادمات تراب الزهراء"ع"*
*ضحى الحلفي*
*فاطمة علي صالح الحلفي*
*واسألكم الدعاء والفاتحة لروح جدي وامواتكم ودعواكم لنا بالنجاح والموفقية*
*غير برئ الذمة امام الله والزهراء من يحذف الاسم


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للدفنه

امشونه انشيع المضلوم
مــحد غــسله وشـــــاله


¢¢¢¢¢¢¢¢

زيــنب صاحت بـحرگه
وهــيه گـباله مــختنگه
يـا شيعه علي بــشهگه
ويــاي انــجمع اوصاله

¢¢¢¢¢¢¢¢


عـفته اعله الثره مطروح
ابــن امي وعـــزيز الروح
راسه اعله الرمح مذبوح
بــي طــافت الـــــخياله


¢¢¢¢¢¢¢¢


ويــاي انــدور ابــــلوعه
خـــنصر منه مــگطوعه
اخ بـــــونه مــــسموعه
مــن صـــدت لعد حاله


¢¢¢¢¢¢¢¢¢



ويــــن الـــيحفر الـــتربان
حــته انطم عــضيم الشان
وســفه اعــله الرمل عريان
يـــاهو الــــــيرحم بــــحاله


¢¢¢¢¢¢¢¢¢



ويـــن الــتنعه لــــبن امي
وتـــخفف عــلي هـــــمي
مـــحروگ وعــلي دمـــي
ويــــن ام دمـــعه هـــماله


¢¢¢¢¢¢¢¢


ويــــن الــــتصرخ بـــعبره
وتــــبرد عـــلئ الــــــزهره
نـــار الــــــبيها مــــستعره
لـــحسين وعــلئ عــــياله


¢¢¢¢¢¢¢¢



بــاچر بــالــحشر تـــلگون
امــي وحـــيدر الــيوفون
اســم الــگصدو يـــعزون
مســجل بــــــالنبي واله


¢¢¢¢¢¢¢¢¢

تم بعون الله وبركاتة الامام المهدي،،عج
✍ام زين العابدين اللامي



https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للدفنه


علي السجاد من اهله يريد عوان

يدفن بلجثث والحيل خلصان

✍️✍️✍️✍️✍️

اول ما دفن جثت العطشان

دور خنصره والكلب عدمان

يعاتب بي ومحله عتاب الحنان

عفتوني مريض بغير خوان

✍️✍️✍️✍️✍️

عبدالله الطفل حطه عله صدره

الله يساعده شاله وينظره


سهم البلنحر حاول يجره

لان دمه يسيل ويابس اللسان

✍️✍️✍️✍️✍️

مشه للعلكمي يدفن العباس

يكله ادريك صاحب مرجله وباس

عفت زينب يعمي بين الارجاس

وبيهه يبن ابوهه الشمر شمتان

✍️✍️✍️✍️✍️

رجع يم عون والاكبر وجسام

شلون ادفن شباب الترفع الهام

عيون امكم عليكم تبجي متنام

بطل حيلي عليكم اه يفرسان

✍️✍️✍️✍️✍️

تالي توجه لاصحاب الحسين

ابطال الحرب نمتو يطيبين

يسولف بيكم التاريخ لسنين

صيت الكم وموقف عالي وشان

✍️✍️✍️✍️✍️

بخ اكبورهم بلماي ناده

هنياله المشه بدرب الشهاده

سفينه حسين لشيعه وسعاده

اودعكم واروح اكفل النسوان

✍️✍️✍️✍️✍️

رجع من الدفن زينب صاحت

وكفت لاطمه يمه وناحت

مهظوم الولي ويمه طاحت

يكللهه رحت لبوي دفان


بقلمي خادمة الزهراء ام علي الصالحي لا اجيز تغير الكلمات والاسم نسألكم الدعاء لي و لوالدي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*قصيده علىطور المايلطم عله حسين*
*من ديوان دمعه زينب*
*ظل على الثرى حسين محد غسله وشاله*
محد غسله حسين
ينصب ماتمه حسين
ياويلي عليه مطروح محد غسله وشاله
💧💧💧💧💧
شالو منحره حسين
زينب حايره حسين
وين اروح خويه حسين حاجيني يبوالرايه
💧💧💧💧💧💧
صوابك بالكلب حسين
زينب تنتحب حسين
من داست عليه الخيل ماواحد كرب شاله
💧💧💧💧💧
ضلوعه مكسره حسين
بدمه ومنحره حسين
من ناده بضعيف الصوت محد غسله وشاله
💧💧💧💧💧💧
نلطم عالصدر حسين
المحزوز النحر حسين
نلطم عالصدر هاليوم ونكابل الحزنانه
بقلم ام هاجر الشريفي
غيرمبري الذمه حذف الاسم


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نعي لدفن الحسين ع س

نصاري مجاريد مع ابوذيه

ابوذيه

عفت العمر والدنيه بعدهم
كتلني افراگ ولياني وبعدهم
لاواحــد ولا عشره. زوبعدهم.
تعالوا وطفوا نيراني. السريـــه

▪️▪️▪️▪️▪️▪️▪️▪️▪️▪️▪️
عفت العمر والدنيه بعدهم
كتلني افراگ ولياني وبعدهم
لاواحــد ولا عشره. وبعدهم.
تعالوا وطفوا نيراني السريـــه

▪️▪️▪️▪️▪️▪️▪️▪️▪️▪️▪️
يهل الرحم من يدفـــن احسين
ابن الوصي وضنـــوة الطيبيــن
واحنــه يساره اليــــوم ماشيــن
ويــــه الكفـــر گــــــوم الملاعين

▪️▪️▪️▪️▪️▪️▪️▪️▪️▪️▪️
يا ناس ما عــــدكم حميـــــــه
وتدفنــــون محـــروم الميــــه
وترحمكم الزهــــــره الزجيــــه
ادفنونـــــي وياهـــم سويـــــه

▪️▪️▪️▪️▪️▪️▪️▪️▪️▪️▪️
ادفنوا النيامــــه بالمياديــــن
يناس اخوتــي عباس وحسين
بطلــــي يروحــــي ولا تونين
تــــرى خاليـــه منهـــم تردين

▪️▪️▪️▪️▪️▪️▪️▪️▪️▪️▪️
نمشي يخويه انريــــد عنك
يبــــن والدي نعتذر منــــــك
منعوني ما خلونـــي يمــــك
ابصدرك يخويـــه ردت اشمك

▪️▪️▪️▪️▪️▪️▪️▪️▪️▪️▪️
يحسين كل هظمي اعلى عباس
بزوده يخويــــه شايلـــه الراس
وبعــــده بگيـــت بوليـــة ارجاس
يخويـــه وگـــع بيتي امــن الساس

▪️▪️▪️▪️▪️▪️▪️▪️▪️▪️▪️
عمه علي روح ادفـــن احسين
مدري ابن امي خنصره ويـــن
يعباس عنكـــم كلنـــه ماشيـــن
وزينب بكــــت بس للونيـــــن

▪️▪️▪️▪️▪️▪️▪️▪️▪️▪️▪️
تعالي لعـــد ابنج يزهــــره
مذبوح نايم على الغبـــــره
وعدوانه يم احسين كفــــره
وانكســـر كلبــــي من يجبره

▪️▪️▪️▪️▪️▪️▪️▪️▪️▪️▪️
البي رحم خل يدفن ابن امي
انـــــه سبيـــه وزاد همــــــي
ودمعي على الوجنات يهمـــي
ظل البچه والنـــــوح سهمـــــي

▪️▪️▪️▪️▪️▪️▪️▪️▪️▪️▪️
يا ال اسد مـــــن يخبركم
ادري حميه ورحم عدكــــم
ماترضه معروفـــــه شيمكــم
ادفنوا الذبيح المات يمكــــم

▪️▪️▪️▪️▪️▪️▪️▪️▪️▪️▪️

بقلم خادمه الزهراء ام حيدر الطائيه


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نعي للدفنه


سولفلي ياعمه يمهضوم
شلون ادفنت عمه المظلوم
بعده الجسد هم يجري دموم
وكلبي على حال حسين مالوم
مهدوم حيلي وكلبي انطر


سولفلي عن حاله يدفان
رشيتله اميه العطشان
جبده من العطش ملتهب نيران
موذر اخيي الله واكبر


سولفلي عن حامي الضعينه
هم اشلعت سهم البعينه
ويسراه دورت ويمينه
نزلته كلي شلون الازهر


كلي على جسام وعلي شلون
شبان مثل الورد يزهون
عالترب تالي نامو شلون
من وسدت خيك الاكبر


كلي برضيع حسين يبني
وسهم الكطع نحره ذبحني
بصدر الحسين اتوسد عليه
شهالمصايب دمعالسعداو

ام زينب السعداوي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك