قصيده بعدة اطوار للدفن من ديوان رثاء النحر الطاهر الجزء الثاني



هاك عيني يابن امي اندفن بيها
لو غطاك التراب روحي ما تجيها

النايم بحر الثره
حاليله نوم المگبره

يا ابن امي يا ابن امي

┄┉❈❥ًً❀(«🧿»)❀❥❈┉┄

شلون ادفنك بالترب وتضيع الرسوم
أبد ما لايك لك يا مطول النوم
چن طير شايه بالسمه وروحه اتحوم
وعرف بعزاز الگلب النوم مو يوم

حان يحسين الدفن
وتبدي شدات المحن

يا ابن امي يا ابن امي

┄┉❈❥ًً❀(«🧿»)❀❥❈┉┄

راح ادفننه الرضيع ابكترك حسين
بالله صحت مودعين وتهمل العين
وللسبي يحسين بعدك خويه ماشين
يالمصابك دوهناني وزيدلي الونين

واويلي مسلوب الرده
مارحمو الدامي العده

يا ابن امي يا ابن امي

┄┉❈❥ًً❀(«🧿»)❀❥❈┉┄

ما رحمو حسين العده و سلبوه الثياب
وعلى الغبره موذرينه و بنحره الاصواب
ورديت دفننك وانه بوليت اجناب
عفه گلبي الي تحمل هجر الاحباب
رديت لارضج كربله
يم المصايب والبله

يا ابن امي يا ابن امي

┄┉❈❥ًً❀(«🧿»)❀❥❈┉┄

رديت الك بكتري خويه شابگه الراس
بألف واويلاه أجر يحسين الانفاس
بزندي محفوره المأسي وحقد الارجاس
فوگ الدفن كتلتني صلفه عيون هالناس

وين الذي عندهم رحم
شيلولي حيلي المنهدم

ياابن امي يا ابن امي

┄┉❈❥ًً❀(«🧿»)❀❥❈┉┄

هداني راسك يالولي هداني الفراگ
أشلون اكتم هالبواجي وجرح الاشواگ
اه يا جرحك لچمني بگلبي حراگ
چنه جمره بالدليل تلهب اذا اشتاگ

حاربني بيكم هالزمن
رواني اشكال المحن

يا ابن امي يا ابن امي

┄┉❈❥ًً❀(«🧿»)❀❥❈┉┄

🖇تـمــت بتـــوفيــــق الله

بـٲنـامـل شاعرة ٲهـل البيت عليهم السلام

🖊 الشـاعرة مـهـا الخـيـگاني


وغير مبري الذمه ٲمام الله واهل بيت محمد((ع)) من يحذف الاسم وينشرها ٲوينسب القصيده لــنفسه 🚫

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة حول الدفن وكأني بمولاتنا زينب ع


خذوني ميسره مارحت دفانه
خليت الاودهم على التربانه


خذوني ميسره وماشلت خال ابني
على الوليان هذا الوكت حاربني
كل ساع الشمر يهضمني ويسبني
لا تغسيل لا حضرت الجفانه



لا جادر ولا خلوني ادفننه
مكطوع النحر يالوالي اشوفنه
لا تشييع لبن امي واشيعنه
ونصب فاتحه وصرخ يملفانه



انصب فاتحه وكون اليجي ايعازي
واكعد ونتحب وابجي على عزازي
شمالك ياشمر ماخذنه متوازي
خليني اضل يم الولي اتوانه



ما صارت مصيبه ولا سدت هايه
ابجي اعله النحر لوطيحت الرايه
مو بيدي وروحن للولي عنايه
واكله اكعد يخويه الروح خلصانه



خلصان الدليل و حيل ما بيه
مدري شلون يمه امشي اعله رجليه
اخوي من الشمس خربت معانيه
الدنيا شمالها بالزين خوانه



بقلم الشاعرة أم كرار الساعدي
غير مبري الذمه من يحذف اسم الشاعر



https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الطميه_بديوان_لبيك_ياحسين_الجزء_١٥_.


لطميه لمسير عيال الامام الحسين عليه السلام سبايا الى الكوفة


من عكب ذاك الدلال صعدوني اعله الجمال
اشلون سبع الكنطره يرضه اروح اميسره
امجتفه وياحالي حال صعدوني اعله الجمال
🏴🏴💔🏴🏴
امجتفه بحال الهضيمه واسحل بثوب المصيبه
من عكب عزي ودلالي لني مسبيه وغريبه
وين عباس الكفلني اليوم اريده امنين اجيبه
ارد اخبره شصار بيه رحت مهضومه وسبيه
والضعن للكوفه شال صعدوني اعله الجمال
🏴🏴💔🏴🏴
حملو للكوفه ضعني وصبن ادموعي وبجيت
ياحسافه الشمر ردني وانه وي عباس اجيت
تلتفت للنهر عيني صحت جنك ما دريت
شيل سيفك ياشجاع جيب حكي وحكي ضاع
والحك احمولي وتعال صعدوني اعله الجمال
🏴🏴💔🏴🏴
الحك احمولي الجبتهه وعالهزل تلكاني انوح
اوكف بوجه اللعين وكله زينب ماتروح
انه اعرفنك شفيه ما يعطلنك جروح
اليوم يومك ماتكوم ليش نايم كافي نوم
شوف اثار الحبال صعدوني اعله الجمال
🏴🏴💔🏴🏴
عاين احبال اليسر اثر خلت بالجفوف
صواب عينك لاح عيني وانه مثلك ما أشوف
طبرن البراسك امجيده مايفيد الطبره روف
براسك شخله العمود آه يمكطع الزنود
دمك اعله الشاطي سال صعدوني اعله الجمال
🏴🏴💔🏴🏴
سال دمك عالشريعه من جبينك والوريد
صوب العامود راسك آه يعامود الحديد
راح اروح اشلون ترضه روحتي هايه اليزيد
خويه كل يوم أبلد بعد شحجيلك بعد
مادرت طاري النوال صعدوني اعله الجمال
🏴🏴💔🏴🏴

*تـــمت والـــــفضـــ🤲ـــل لله تعالى*
*بقلم✍الشاعره أم هجران العمارجيه*
*صاحبه ديوان📚صبر العقيلة*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه جنوبيه للدفنه
**********************
اخذني وياك يادفان العزاز
ياهو الراح ويه حسين جناز
***********************
عمه ياعلي للخوه مشتاكه
لونيني تون وناحت الناكه
ابن امي عزيز ويصعب فراكه
للكوفه مسبيه اخذوني
**********************
وحدك من رحت كلي يدفان
ابوك بلاعشيره وراحو الخوان
كافور وسدر حصلت لو اجفان
وشلون اموذر لميته
*********************
راسه عالرماح بأيد جتاله
وحده بكربله سحكته الخياله
ثلثتيام محد غسله وشاله
وين العباس واخوانه
*********************
يادفان وين ادفنته للعباس
عفته عالشريعه بآخر الانفاس
اجفوفه امكطعه وعامود طر الراس
ومطفيه العين بنشابه
*********************
لعبد الله دفنته يبن الحسين
جاسم وين والاكبر دفنته وين
راحو للكبر شبان حلوين
امكطعه الروس ودفنوهم
**********************
غربه ابلاعشيره اللي تشيعهم
اولاد الزجيه الدنيه غدرتهم
دنيه وآخره ياناس مالتهم
خوانه يادنيه وياهم
***********************
أم علي



https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه مربعه للسبي

المستهل 👇👇👇👇

يحادي النوك بينه ريض اشويه
تراني من الهظم كل حيل مابيه

♦️♦️♦️♦️♦️♦️♦️♦️

ريض لاتمش والناكه تسرعها
بنات ازغار يبجن لا اتروعها
اطفال الضاعت وخليني اجمعها
وسكينه تكلي حيل مابيه

♦️♦️♦️♦️♦️♦️♦️♦️

تعبتنه النياك اوربنه القاضي
يحكم بينه اوبين الذي طاغي
يبويه احسين ليش ابهلفعل راضي
من كد المشي ورمن رجليه

♦️♦️♦️♦️♦️♦️♦️♦️

يبويه اشلون ترضون ابهضيمتنه
من النوك بويه والمشي اتعبنه
اويسرع كام بينه والهوى ضدنه
ماعدهم رحم ذلو العلويه

♦️♦️♦️♦️♦️♦️♦️♦️

يعمه اشصار يوم الي سرع بينه
يعمه امن التعب كل حيل مابينه
كليله يعمه يهون اعلينه
ترى اخلاف الأبو تنذل البنيه

♦️♦️♦️♦️♦️♦️♦️♦️

يعمه ادخيل يمشي ابراضه كليله
رحنه انموت لايسرع بلهزيله
ثوبي امن الهضم والتعب ماشيله
ماعنده مروه وقاسي اعليه

♦️♦️♦️♦️♦️♦️♦️♦️

بقلم ✍🏻الشاعره ام تحسين البصره
غير مبري الذمه اليحذف اسم الشاعره وينسب الكلام له
الفاتحه على روح الشاعره ام تحسين


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه مع هوسات المولاتي زينب عليه السلام


هله بل رايحه اللشام وغيره علي وياها
ومحمله الضعينه كلهه بحماها
〰️〰️〰️〰️〰️〰️〰️
هاي الخورست عدوان خوتها
مثل هيبه علي يا ناس هيبتها
نجيبه وطاهره ويحله الفخر بيها
((ومن عباس الزود البيهه ))
〰️〰️〰️〰️〰️〰️〰️〰️
تعبانه العقيله وحيل مابيها
هاي الرافكت جتال واليها
اشلون ابن الدعيه اليوم سابيها
يا مهيوبه تسوين الون
〰️〰️〰️〰️〰️〰️〰️
مثل روج البحر زينب واهليها
يزيد وزمرته ما كدرو عليها
ما طخت الرأس وزدها بيها
بت الكرار نواسيها
〰️〰️〰️〰️〰️〰️〰️
هاي معدله تحجي بعداليه
مثل سيره علي بت الكباريه
اخت عباس حط للزلم وعديه
المحشومه وزمط باسمه
〰️〰️〰️〰️〰️
تسوين الونين والج ونينه

علويه وجليله بله سجلينه
ما ننساج طول العمر وسنينه

اخت العباس المهيوبه

〰️〰️〰️〰️〰️
✍🏻 بقلمي الفقير المله ولشاعره خادمه البتول ام نادين المحمداويه

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده ثكيله بحق السبي ع

شحال زينب والدروب ابعيده
وصعبه بس نسوان وسط البيده
الشام ماتتحمله
الا راعي القافله
اليوم اخوها تريده


شحال زينب والدرب كلش بعيد
بس حرم ويتام وبولية يزيد
لاكلبها ارتاح لا ساعه تهيد
اتريدشيال العلم
تشتكيله من الالم
يزتهاكون بأيده

شحالها ويتام كلها وياها
ماهدت لابطلت مبجاها
وراح كافلها وشمر زتاها
صعبه وبعيد الدرب
حرمه مابين الغرب
وي شمر ويزيده

وي شمر حيرانه يازينب علي
ها يبو الحسنين ماعدها ولي
تصيح حيرانه ترانه ياهلي
مادريتوا بالجره
زينب انه محيره
والله عمله مجيده

يزتها كون الحيد زينب رادته
ادكول بيه ام البنين الوصته
بالدرب تبجي العقيله احتاجته
اليوم اريدأ كافلي
شلون اضل بلا ولي
اه يوكتي بهيده

اليوم ضلت وي غرب محتاره
ادكول كلبي عالولي تشب ناره
تبجي ودموع الهضم تتجاره
وجرحي بيه ميت جرح
ولا دوه ليه اليصح
ومانفع تضميده


للخادمه شاعرة الحسين ع سحر ام كرار الساعدي


غير مبري الذمه من يحذف اسم الشاعر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه لدار الاهل 🏠 😭
على لسان السيده زينب عليها السلام
==========

هنا يادار

چا وين الكباريه

نامو عتراب ومادرو بيه

==========

عافو دورهم ما نشدو عليه

نامو بلكبر كلهم كبيديه

خلونه بملامه وبلمظميه

ومهظومه / من يوم الشالو

🏠🏠🏠🏠🏠

اريد اعاتبج يادار الحنين

ظيعتي الاهل ظيعتي كل زين

مثل اوصافهم جاوين تلكين

و مظيعينه / يچبير الدار

🏠🏠🏠🏠🏠

على فراك الاهل هلن يلعيون

وين احبابنه وين اليرحبون

للديوان ماظن بعد يلفون

وظيعناه / اليمشي اعلى الحك

🏠🏠🏠🏠🏠

بلهم والمناحه ياهلي جيت

اريد انشد الدار اليوم رديت

جا وين العيال التارسه البيت

وخلونه / بظيم وراحو

🏠🏠🏠🏠🏠

ولج يادار انشدج ياحياطين

جا وين الاهل وين الحنينين

لا أم لا أبو راحو الطيبين

وملجومه / من يوم الراحو

==========

الى شرف النبي واله الطاهرين بنية تعجيل الفرج
والى روح والدي ووالدتي وارواح المؤمنين والمؤمنات
الفاتحه مع الصلوات نسألكم الدعاء خادمة ال البيت وخادمتكم الحجيه ام علي
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للسبي

المستهل 👇👇

خويه ادخيل ياعباس
هاي النوك جابوها

🩸🩸🩸🩸🩸🩸🩸🩸

كالو ركبي بسكينه
اوصيح ابن مرجانه
والنسوان خجلانه
اوللاطفال رعبوها

🩸🩸🩸🩸🩸🩸🩸🩸

رعبونه بصايحهم
انه الي اوكفت يمهم
لطفالي احاجيهم
والنسوان اذوها

🩸🩸🩸🩸🩸🩸🩸🩸

ياعباس حاجتك
وبهل ساعه رايتك
اوحامينه عله بختك
شوف اختك الهضموها

🩸🩸🩸🩸🩸🩸🩸🩸

هضوني صحت عباس
رايح يالرفعت الراس
صحت ماصايره ياناس
هاي اعيال روعوها

🩸🩸🩸🩸🩸🩸🩸🩸

ما تدرين يازهر ه
عليه فزعت الكفره
وحنه بلدرب يسره
وم الخدر شالوها

🩸🩸🩸🩸🩸🩸🩸🩸

تمت بعون الله تعاله
بقلم الشاعره أم تحسين البصره
غير مبري الذمه اليحذف اسم الشاعره وينسب الكلام له
اهدي ثواب القصيده الى روح الشاعره ام تحسين

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

هوسات (1)
السبي ودخول الكوفه
.......
وسفه ازلامي نامت وانه خلوني
محتاره ابحرمهم حيل محنوني
اوجابوني ابحبل مجتوفه جابوني
والوادم يحيدر يوم عرفوني
صاحو فرد صيحه اوبيها الموني
ياحيدر زينب مسبيه
........
معقوله اخت عباس جابوها
مجتوفه ابحبل ياوسفه عافوها
وين ارجالهم خلهم يحضروها
وياها حرم واطفال شدهوها
هلاطفال تتصارخ يضربوها
توجعني احبال البيديه
.......
تتناشد الناس اوما اجاوبها
زينب هاي وين البطل كافلها
بني هاشم عجيبه اشلون عافتها
والادهى بني ميه اميسرتها
اختكم ابد ما هبطت عزيمتها
زميت اجروحي اشما بيه
........
طبينه للكوفه اوشفت سلطاني
بيد اعداي هيج علي احزاني
جنت انه الاميره الاجبر العاني
تكصدني الخلك والكرم عنواني
اوحريم الكوفه تتزاحم ابديواني
اوتتهظم هليوم اعليه
......
تتهظم علي وتصيح ياوسفه
الف وسفه يسيره اليوم ياوسفه
مثل هذي المصيبه جرح ما يشفه
بت حيدر المنها ناخذ العرفه
ماندري اشنكول اوحالها انوصفه
مالومه اوما تدري شبيه
.....
الحاجة ام احسان الخاقاني


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للخوان

المستهل 👇👇

خوال ابني ابهضمنه اشلون ترضون
وانتم بلعداله الكم افنون


🩸🩸🩸🩸🩸🩸🩸🩸

خال ابني شهم بالزود اعرفنه
ابو كلب الحنين الكله امحنه
سوه افنون ويه اعداه المجنه
للكلفه اتخليه يكضيها

🩸🩸🩸🩸🩸🩸🩸🩸

رحت ويه العده عباس مايدري
خذوني من رحت ودموعي هل تجري
رحت ويه الذبحهم يا اسف قدري
وياهم اشلون اترافك

🩸🩸🩸🩸🩸🩸🩸🩸

ماتدرون بينه ابضيم ضلينه
لرض الشوم رحنه اوبيه ذلينه
بين الكوم للمجلس تعنينه
يحسين المجلس طبيته

🩸🩸🩸🩸🩸🩸🩸🩸

نيام اخوتي ودمومهم تجري
اوعباس البطل بلسبي مايدري
اعرفنه شهم مايقبل ابهضمي
مايقبل عباس ابهايه

🩸🩸🩸🩸🩸🩸🩸🩸

مايقبل نمر زينب يأذوها
من كونه عدل زينب مودوها
راح الزين اخوهه الجان وياها
وخلافه انوب ابياحاله

🩸🩸🩸🩸🩸🩸🩸🩸

عباس السبع مايرضه بلعيله
حاجته العقيله اودكت الشيله
كالالتله نمر ماحاجه احجيله
بوجوده ماواحد يوصل

🩸🩸🩸🩸🩸🩸🩸🩸


تمت بعون الله تعاله
بقلم الشاعره أم تحسين البصره
غير مبري الذمه اليحذف اسم الشاعره وينسب الكلام له
اهدي ثواب القصيده الى روح الشاعره ام تحسين

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشتر

رحت وراس اخيي راح وياي
تضل عيونه مشبوحه على الماي



رحت وراس اخوي وياي خذته
عينه شابحه ويبست شفته
على المظلوم ياوجهي لطمته
اضل عليك خويه تايهه الراي



ضل جسمك عل الغبره يوالي
وراسك شايلينه برمح عالي
ضيعت الاخو وضايع دلالي
عميه ولا اشوفه بهاي عيناي



خذوني باليسر كوه يمهيوب
يم جسمك ردتها رويحتي تذوب
كلبي مثل كلبك صار مصيوب
ادفن راسك انه بيمنتي هاي


عكبك لاتهنه بلذة الزاد
ياخويه العمر عكبك مينراد
كلبي عليك ماساعه ابد هاد
والله تحيرت يانور عيناي



انه تمنيت كون الموت اخذني
وكبري كبل يومك كون لفني
ولاراسك اشوفنه وهظمني
شفافه يابسه وعينه على المااي



ام زينب السعداوي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه بعدة اطوار لسبي عندما سألو عن السبايا

وين اهلها والشمر بجاها
مجتفه وفوك الهزل مشاها
..............
هاي ياهي الوادم ينشدونها
ناشدوها ودم تسيل عيونها
وين اهلها بيوم لاح متونها
لاعشيره والاحنين الجاها
............
نشدت الوادم عليها وانحنت
هاي بتمن والعيون اتساجبت
بجت النوك العقيله من بجت
يوم بجلسه النذل حاجاها
..................
صاحت بصوتين والمدمع جره
انه بت حيدر الحير خيبره
وانه اخوي الحيد سبع الكنطره
الحير الحومه واتون خلاها
..............
انه المحد نضر لخيالها
وانه بيه هموم محد شالها
هاي زينب والدهرشل حالها
اسهام توجع بالكلب صاباها
..............
صدك دهري توجع صواباته
لاكن امضى اصواب ياجلماته
كال مسبيه وبكن لجماته
الشمر يوم الصاحلي وكالاها

...............

✍أم زينب كربلاء غير مبري الذمه من ياخذ الكلام وينسبه له او يحذف الاسم


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

وكأني بمولاتنا زينب ع


خذوني ميسره مارحت دفانه
خليت الاودهم على التربانه


خذوني ميسره وماشلت خال ابني
على الوليان هذا الوكت حاربني
كل ساع الشمر يهضمني ويسبني
لا تغسيل لا حضرت الجفانه



لا جادر ولا خلوني ادفننه
مكطوع النحر يالوالي اشوفنه
لا تشييع لبن امي واشيعنه
ونصب فاتحه وصرخ يملفانه



انصب فاتحه وكون اليجي ايعازي
واكعد ونتحب وابجي على عزازي
شمالك ياشمر ماخذنه متوازي
خليني اضل يم الولي اتوانه



ما صارت مصيبه ولا سدت هايه
ابجي اعله النحر لوطيحت الرايه
مو بيدي وروحن للولي عنايه
واكله اكعد يخويه الروح خلصانه



خلصان الدليل و حيل ما بيه
مدري شلون يمه امشي اعله رجليه
اخوي من الشمس خربت معانيه
الدنيا شمالها بالزين خوانه



بقلم الشاعرة أم كرار الساعدي
غير مبري الذمه من يحذف اسم الشاعر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للسبي
===
مشوني العدة حرمة وسبية
ماواحد من اهلي كام ليه
حرمة مشيت يهلي
محد كال ظلي
ما واحد كعدلي وحن علية
===
محد گال لاتمشين يختي
مشيت ميسره وتجري دمعتي
دمعي ايسيل مخنوگة بعبرتي
مخنوگة وأون حيل
وبيه ما بكة حيل
حرمة ميسرة وصفك بديه
===
حرمة وماشية وي اليكرهون
وعفت اهلي ع الرملة يونون
ما حنو عليه ولايكومون
ماحنو وكامو
بيه عداي عالو
يظربوني العده. وشكف بديه
====
يظربوني العده وطفال وياي
ما عدنه ولي ولاعدنه حماي
احامي للحرم ومتيهه الراي
دولبني زماني
وأبن أمي نساني
محد نشف دموعي الجريه
====
من بعد الاهل ماكو حبايب
عني حملو والگلب ذايب
عكب عيونهم شفت المصايب
كعدوني بخرابة
ورقية تريد بابا
عدوان ويكرهون الزجيه
====
عداوة من قبل الهم ويانه
طلبو ثار من سكبو دمانه
ومن ظربو علي حامي حمانه
بالمحراب وكعوه
منة الراس طبروه
عدوان بظلم جارو عليه
===
تمت بعون الله بقلم العلويه ام اسامه الموسوي شاعرة اهل البيت عليهم السلام

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

مربوعه لليسر
على طور ﴿يبن امي عالتربان﴾ من ديوان رثاء النحر الطاهر الجزء الثاني



درب اليسر لوعات ويريد اهلنه
خلاف الاهل ضليت اجذب الونه

-------------------------------
شفت القهر والويل شفت العجايب
درب اليسر يـاخـوي كـله مـصايب
ضكنه الألم والاه ضكنه النوايب
ماانسه نحر حسين دوم اذكرنه
------------------------------
كيدونه هالظلام جرونه بحبال
كثر الضرب والجر اتبهذل الحال
طاح الحمل يحسين وماكو شيال
ماكو ولي ياخوي او يفزع النه
-----------------------------
صعدونه عالناگه كلش هزيله
تسأل عليه الناس هاي العقيله؟!
اسمع حجيهم زين والمدمع اسيله
يبن امي حجي الناس كلش هظمنه
-------------------------------
خويه الحرم وياي مابين الاجناب
هذا الوضع ياخوي صوبني اصواب
مايبطل ونيني عليك ودمعي سجاب
وسفه غدرنه البين طشر شملنه
-------------------------------
مودع يخويه حسين بالله اوداعك
يصعب عليه الفراك يالحلوه اطباعك
يديرن عـلـيه كون كلهن اوجــاعـك
ريض ياحادي شوي خل اودعنه

🖇تـمــت بتـــوفيــــق الله

بـٲنـامـل شاعرة ٲهـل البيت عليهم السلام

🖊 الشـاعرة مـهـا الخـيـگاني


وغير مبري الذمه ٲمام الله واهل بيت محمد((ع)) من يحذف الاسم وينشرها ٲوينسب القصيده لــنفسه 🚫

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

حصريا لهذه القناة
لا اسمح بإزالة الرابط


هاي زينب من صبرهه اهتزت اجبال
مدرسه اتعلمت بيهه كل الاجيااااااال
🎤🎤🎤🎤🎤🎤🎤؟
لاتكووولون انسبت والله هظيمه
ايه زينب بت علي كولش عظيمه
من عزيمتهه يناس انشد عزيمه
وبمصايبهه اتحمد الله اعله كل حال
🎤🎤🎤🎤🎤🎤🎤🎤؟
لكربله جاي ويه اخوهه ام الاحزان
اتحملت وصبرت عله دولاب الزمان
شالت الهم عن اخوهه وكل هظم جان
بجيش طه جندي جانت وام العيال
🎤🎤🎤🎤🎤🎤🎤🎤🎤؟
جان عد زينب رساله اوصلت الناس
النه ترجمهه سبيهه وكطعت الراس
وكالت يذلوهه حاشه اخت عباس
قسم قسمت اله اذلهه كل الارجال
🎤🎤🎤🎤🎤🎤🎤🎤؟
يسلب الحره العظيمه ياهو يكدر
تمشي كل خطوه بسبيهه تبني منبر
امر الله وحكمه جانت يسره تفتر
خاطر توصل الحسين لكل الأجيال
🎤🎤🎤🎤🎤🎤🎤🎤؟
طبت الديوان عايد لاال اميه
بشكل اميره طبتلهم مو سبيه
وألقت الخطبه بوجود ابن الدعيه
وخلت الطاغي وجنوده يتيه اشكال
🎤🎤🎤🎤🎤🎤🎤؟
موت زينب واعتنت عنوه عليهم
ترعد وتحجي غضب من تحجي بيهم
الموت انه وهمه جابوني بديهم
نار زينب والحطب دمعات الاطفال


للشاعره زليخة العباس رسل الإبراهيمي

هذه القصيده من ديوان سفرة ابواب الرحمه الجزء الأول صفحه ١٣٩

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده لليسر


رايحه للشام امشي صاعده فوك الهزيله
كوم ردني بيمنتك مدلاله وانه العقيله

ونت الوني الهزل
ويبره الظعني النذل

النوك تتباجه عله حالي كوم ينايم دردني
امشي ويه عداك ترضه ينضرب كلساع متني
يبو فاضل اهاك اسمع كامو ينشدون عني

انت موانت الكفيل
زينب شحده اليعيل

يبوفاضل راكبه الناكه واميل

كاطعه ادروب وبعيده عفت خدري وصحبتي
واعتب انه حكي خويه بلصحاري غربتي
الناس تتنشد عليه ضعيت كل خوتي

الحالي تبجي ناكتي
كوم ردني الديرتي

يبوفاضل راكبه اناكه وميل

بوحدي وجيوش اميه شلون امشي بمشيتي
حاره الدنيا بظهرهه النوك صارت خيمتي
والشمس يحرك ضوها خويه عاين وجنتي

بس عده خويه ونواظر
والحرم تكسر الخاطر

يبوفاضل راكبه اناكه واميل

والظعن سار بمشيته والدرب اليل وبعيد
موجره من المصايب كلب اختك مايهيد
رايحه للشام اكلك ماشيه المجلس يزيد

قدموه كل الروس
الشامت بكلبي يدوس

يبوفاضل راكبه الناكه واميل

من علناكه واودعك نبدي ونسولف سوه
ورايحه الدرب اليسر وكلبي ابناره انجوه
كافي بسك نوم بطل يلنمت فوك الثره

ماخذه وياي اليتامه
رايتك عندي علامه

يبوفاضل راكبه الناكه واميل


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراء بتاريخ الثلاثاء2021/8/25
15محرم 1443نسالكم 🙏🙏الدعاء

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

شده للسبي
***********************
آنه اخت البطل عباس تدروني
شمالك ياشمر تضرب عله متوني
************************
زينب بت علي الكرار آنه اسمي
تتمرجل عليه وتشتم بأمي
بمتوني السياط انطبعت بجسمي
يندار الوكت حيف وتضربوني
*************************
خيالي جان محد يكدر يشوفه
آنه ام الخدر بالخدر معروفه
تتفرج عليه الناس بالكوفه
لبن زياد ويه الروس دخلوني
*************************
ذبحو كل هلي الطيبين واخواني
يسيره بالحبل مابين عدواني
يتفرج عليه القاصي والداني
حكي انهضم تنزف دمه عيوني
*************************
تدري آنه العقيله اللي افكدت ولياي
احجي وياك ماجانت ابالي هاي
سوطك وين من جانو اخوتي وياي
وسفه ياشمر الاخوان عافوني
*************************
آنه اخت الذبيح بكربله ياناس
وآنه اخت الكمر راعي العلم عباس
بقيت امحيره مابين كوم ارجاس
اخلاف اهلي الخلك بحجار يرموني
*************************
يانار الشماته شلون اطفيهه
اضمهه لدمعتي ماريد اراويهه
راسي للسمه مرفوعه ابقيهه
يهل الكوفه جنكم ماعرفتوني
***************************
أم علي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة بعدة اطوار بحق السيدة زينب ع وايام السبي


اه منج كربله .....والله حيرتيني
اجيتج ابزود الولي...مسبيه رجعتيني



اجيتج و عباس رافع هامنه

وفوك من راسي ترف اعلامنه

اليوم ارد شلون وي عدوانه

لا انصار ويانه لا خوانه

كلها نومه اعله الثره

امصيبه ابد ماصايره

مسبيه رجعتيني....والله حيرتيني
🎤🎤🎤🎤🎤🎤🎤🎤🎤🎤🎤🎤

اجيت وخواني يبارون الضعن

وهسه ارد شلون مو هذا المضن

كبرن الحسرات وبروحي ربن

بعيني الدمعات اضن اتعلمن

اه راحولي اشكثر

بيج من دار الدهر

مسبيه رجعتيني.....والله حيرتيني
🎤🎤🎤🎤🎤🎤🎤🎤🎤🎤🎤🎤

بيج شفت ايام راوتني العجب

اشحصلت لمن اجيتج بس تعب

وياج ما تنفع ملامه ولا عتب

بيج خسريته دلالي بلا ذنب

انوب امشي محيره

بلايه والي ميسره

مسبيه رجعتيني......والله حيرتيني
🎤🎤🎤🎤🎤🎤🎤🎤🎤🎤🎤🎤

اجيت والوليان يسره ويمنتي

والكفيل بزود يبره لناكتي

هسه ارد شلون من غير اخوتي

من مرارج والله كبرت حسرتي

حيل اذاني الهظم

شكد شفت منج ضلم

مسبيه رجعتيني....والله حيرتيني

🎤🎤🎤🎤🎤🎤🎤🎤🎤🎤🎤🎤

بقلم خادمة الحسين ع ام كرار الساعدي

الشاعره سحر ام كرار الساعدي
💫قناة 💫خطيبة المنبر الحسيني🎤
✍ الشاعره ام كرار الساعدي ✍


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك