جلوه للقاسم ع
-------
يازينب اثياب العرس لبن الحسن جيبيها
علكي يرمله شمعته والحنته عجنيها
-----
كومي وعدلي خيمته خل جاسم ايزفونه
خل عمه بثياب العرس جاسم تشوفه عيونه
طشي الملبس عالولد يارمله يامحزونه
وخليهه تفرح بالولد وعروسته عدليها
-------
رمله تمنت من زغر جسام عرسه اتشوفه
وتشوفه عريس الولد واخوانه كلها اتحوفه
خليها تعجن حنته وتحني بيها اجفوفه
كومي يزينب بالعجل والخيمته نصبيها
-------
جسام اجه يم عمته وكال العرس ماريده
يايمه كومي وشاهدي عمي الحسين اوحيده
وانصاره كلها عالثره ويردون حز اوريده
خليني عرسي بحومتي والخيمتي فلشيها
------
اطيني سيفي والدرع خل اكصد الميداني
عرسي يرمله بالحرب وثوب الجفن نيشاني
والحومه هيه عروستي ابوي الحسن وصاني
انطيني سيفي بالعجل حتى الحك بتاليها
-------
للموت رايح مااجي ياوالده ودعيني
لوجابني عمي واجه وهلهولتج سمعيني
وصيحي يمحروم الهوى يايمه باحلى سنيني
لوشفتي زفات وعرس يايمه لا تنسيني
-------
ام زينب كربلاء


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

#نعي للشباب لعريس الطفوف


انه ردت الولد هيبه وتــﭼيه
وڰت العوز يلزمني من اديه
وبــــڰبرتـي ينشــد اعلــــيه
تالي اشوفه نايم عالوطيه
ــــــ ـــــــــــــــــــــــــــــــــــ
يسباح ڰلبي موش نومه
نايم عالرمل غسلته ادمومه
شباب الولد وتوسد الحومه
ڱلب امك يجاسم لاتلومه
ـــــــــــــــــــــــــــــــــــــــــــ
ڰلبي شـــعبته ونزف دم
وين العرس صار بمحرم
وبالمعركه الشبان تلـــتم
زفوك للمــــــوت المحتم
ــــــــــــــــــــــــــــــــــــــــــ
ردتــــــك ذخـــر لايام شـــيبي
خذاك الدهر واحرمني نصيبي
بعدك فـــــلا عــــرفوا طبيبي
علــــــتي زادت ياحــــبيـبي
ــــــــــــــــــــــــــــــــــــــــــ
بعدك فـــلا بطل المنــاحه
يالعريس مذبــوح بصباحه
حگــه الڱلــب يعلــه صياحه
لو ونيت يايمه السماحه
ـــــــــــــــــــــــــــــــــــــــــــ
لاتڰــــول يمــه لاتونيـــــن
ولاتگول كافي تنعمي العين
فدوه تروحلك العيون الاثنين
بيا ذنب وحرموني منك البين
ـــــــــــــــــــــــــــــــــــــــــــــــ
تـםـت بـقـلـᓄ الــﺸـاﻋـره
ﺯﮪــﺭاء الـحـربــي

ونـسـال اللـه القــبول والتـوفيق

غــير مبـري الذمه من يحـذف اسـم الشـاعره


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

فزاعية
للقاسم ابن الحسن عليه السلام

.......
كومي يرمله هلهلي
جسامج ايزفونه

كومي يرمله اوليدج
عريس عرسه عيدج
لا تصفكين بايدج
عريس ابنج بالدمه ايحنونه
============
كومي اعلكيله شمع
وطفي اشموعه بالدمع
وبعرسه كلبج منفجع
بثياب عرسه ابنج ايجفنونه
===========
كومي يرمله وهلهلي
ونادي يحيدر ياعلي
مذبوح ليش امدللي
عرس الولد واجبكم اتحضرونه
==========
كومي يرمله للولد
ودعيه ماظنه يرد
للحرب جسام استعد
ماظن يردلج جاسم ايذبحونه
============
جسام نادي بلوعه
وانتي أمه المفجوعه
عريس تجري ادموعه
عمه واخوته كامو ايودعنه
============
عريس لابسله جفن
وثيابه فصلها الحزن
وعروسته تبجي وتون
عريس رمله بدمه ايخضبونه
==========
الحاجه ام إحسان
كتاب مجالس الثقلين ج 1
لطفاً لا تحذف اسم الشاعرة


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

لطميه فزاعيه للشباب

يالعريس. عوف النوم ميفيد
وسفه زفتك بالكَبر ياحيد
********************
عوف النوم ميفيدك يالوليد
خايب يادهر من عندي شتريد
خذيت احباب كلبي وسكنو البيد
نامو ع التراب وسبلو الايد

********************
حنتك يالولد صارت بالدموم
وكلب امك يجاسم بيك ملجوم
عفتني بالهضم يمه والهموم
ردتك للنعش زاتوت ياحيد
********************
ييمه وين كلي تريد منواك
تعوف شلون امك والتعب ذاك
وتجازيها بهجر وتضيع ارباك
وتخلي امك ييمه تصفك الايد
*****************
لخادمه الزهراء/نور الهدى الشويلي
غير مبري الذمه م̷ـــِْن يحذف الاسماء وياخذ الكلام وينسبه له


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

فزاعيه لشجاعة القاسم بن الحسن ع

هله بجسام ماخذ زود من عوده
يربات النشامه وشمرت اجدوده
..........
هله بجسام من صول بميدانه
يشبه للحسن من شمر ذرعانه
ابن المجتبى ومعروف عنوانه
شحلات السيف من شاله عالزنوده
.........

من جده الصميده اخذ ضرباته
اخذ منه البطوله واخذ شمراته
محله هدته ومحلاها جلماته
من يوصل العمي ويكرب حدوده
.........
يربات النشامه وهاي معلومه
خله اليوم بيهم ضاكت الحومه
قسم بحسين وبعمته المظلومه
ذكرها وهلت الدمعه عالخدوده
.........
كومي عمته وجسام حييله
سبع مغوار من صول عالكحيله
برز وعيون عمه اليوم تربيله
وروح حسين عالعريس ممروده
............

يزينب هلهلي والحنه حضريها
من دم ركبتي هاليوم عجنيها
واخباري لبوي وياج وديها
وجاسم بالمعاره وافه بعهوده
...........
من كتاب الماسي العلويه الجزء العاشر
✍ام زينب كربلاء غير مبري الذمه من ياخذ الكلام وينسبه له او له

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيده لليله العاشر
(على طور حلو بيارغهم🏴)

احيوا شعائركم .. واسوها زينبكم

بدمع وحزن واسووها هالليله
فكدت اخوتها الروح منها انحيله
عازوا عقيلتكم .. واسوها زينبكم

▪️▪️▪️▪️▪️🚩

بحز النحر تحضر زينب هاليوم
تشوف الموالي محزن اومالوم
عالمات عطشان ويلي ومحروم
بالحزن نشروا بيرغه للمضلوم


اخوانچ يزينب والله ما ناسينهم
نصبنه مآتمهم وبالحزن نرثيهم

علوها ونتكم .. واسوها زينبكم

🏴ام مريم العذراء المواليه

▪️▪️▪️▪️▪️🚩
تون العقيله خلي نبجي وياها
باجر عله اتربان يبقه احماها
وتصيح وينك ياعلي ياطاها
شنهي المره من تنذبح ولياها

موت الولي ماذيني حيل اصوابه
اشحال التروح بساع منه احبابه

آه يا مصيبتكم
واسوها زينبكم

🏴ام نور الزهراء الزينبيه

▪️▪️▪️▪️▪️🚩

مصاب الاخو هدمني صوابه
نار الكَلبي مسعره اولهابه
ما عاتبيته اويصعب اعتابه
اشلون اعوفه نايم عالترابه

مهضومه انه الموتك يالوالي
بعينك يبويه شوف الجرالي

عمتني فركتكم
واسوها زينبكم

🏴ام مريم العذراء التميميه

▪️▪️▪️▪️▪️🚩

لليلة العاشر طولي يالليله
حملي يظل محد يخويه يشيله
اعليلنه المحزون روحه نحيله
دم الدمع يحباب مني اسيله


يهل الدمع نهران عالغوالي
علتل أنادي بالهظم يحالي

محد كعد منكم
واسوها زينبكم

🏴ام نور الزهراء الزينبيه

▪️▪️▪️▪️▪️🚩

امشي اسيره للسبي يودوني
من السياط امزوركات متوني
ومن البواچي مورمات عيوني
وعلئ الهزل هالعده يصعدوني


ابكربله موتتكم
واسوها زينبكم

🏴ام مريم العذراء التميميه

▪️▪️▪️▪️▪️🚩

تمت بعون الله بقلم خادمات الامام الحسين عليه السلام لانُجيز حذف الاسم او تلاعب بكلمات القصيده
الخميس ٢٧. ٨. ٢٠٢٠
(لبيك يا حُسين🏴)

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

لطميه للقاسم

اليوم رمله
بلولد عازيه
〰️〰️〰️〰️〰️〰️

راح الولد ماجاها
ولله صعب مبجاها
ليش الدهر وازها
عريس وطايح بلحومه

〰️〰️〰️〰️〰️

شو خيمتك حركوها
وسكينه هل فجعوها
من دمك يحنوها

من دمه القاسم حناته
〰️〰️〰️〰️

اه يلشباب ويومه
جاليش تجري دمومه
وامه عليه مفجوعه

مودعينه بنياح وهوسه

〰️〰️〰️〰️〰️

ولله عضيمه قصته
تشيب الراس يامحنته
تكضي الروح ياونته

نعازيها بدموع العين

〰️〰️〰️〰️

مفجوعه رمله تنادي
مشلوع يمه افادي

باجر يشيل الحادي

مخلينه جاسم على الغبره
〰️〰️〰️〰️〰️〰️

اروح عنك يالولد
انطوف يمه كل بلد
وكليبي يايمه جلد

وبكلبي صوابك ياذيني
〰️〰️〰️〰️〰️

ما لايكتله النومه

امه مشت مهضومه
ضل الولد بدمومه

يتكلب وبكلبه اصوابه

〰️〰️〰️〰️〰️

بقلمي الفقير خادمه البتول

المله ولشاعره زينب ام نادين المحمداويه



الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيدة للقاسم بن الحسن(ع)
❥❥ـــــــــــــ❁❂❁❂❁❂❁ـــــــــــــ❥❥
نايم ليش عالغبرة يعريس
وامك تسچب العبرة يعريس
❥❥ـــــــــــــ❁❂❁❂❁❂❁ـــــــــــــ❥❥
اگعد يانبض گلبي يعريس
اطلبك سهري وتعبي يعريس
بعدك ماشفت دربي يعريس
ظلت بالگلب حسرة يعريس
❥❥ـــــــــــــ❁❂❁❂❁❂❁ـــــــــــــ❥❥
بالحسرة بگت امك يعريس
بلوعة اتنادي واتحشمك يعريس
وسفة حنتك دمك يعريس
دمك عالارض يجرة يعريس
❥❥ـــــــــــــ❁❂❁❂❁❂❁ـــــــــــــ❥❥
دمك عالارض يجري يعريس
يايمة انكسر ظهري يعريس
شفتك يابعد عمري يعريس
جثتك يبني متوذرة يعريس
❥❥ـــــــــــــ❁❂❁❂❁❂❁ـــــــــــــ❥❥
موذريها العدة جثتك يعريس
سيوف اسهام صايبتك يعريس
اتمنى وريت ماشفتك يعريس
گلبي اعليك شيصبرة يعريس
❥❥ـــــــــــــ❁❂❁❂❁❂❁ـــــــــــــ❥❥
الصبر منين اجيبنة يعريس
افراگك ما احملنة يعريس
ظليت اجذب الونة يعريس
وبية تستعر جمرة يعريس
❥❥ـــــــــــــ❁❂❁❂❁❂❁ـــــــــــــ❥❥
*بقلم✍خادمة تراب الزهراء(ع) الكربلائية فاطمة علي صالح الحلفي*
*واسألكم الدعاء والفاتحة لروح جدي وامواتكم ودعواكم لي بالنجاح والموفقية*
*غير برئ الذمة امام الله والزهراء من يحذف الاسم والرابط*

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيده عبد الله الرضيع



*نام الزغيرون نام الزغيرون*

*عبدلله بعدك عل ذبح نام الزغيرون*



يا يمه جا شنهي السهم يوجع بل زغار
يلي ترف جسمك بعد يبني السهم حار
بكاروكك امشي وحسبت ما ادري بل صار
جنه حلم هذه الجره وموش انته بل دار

بعدك بالعيون بعدك بالعيون

زغيرون يوليدي ومتت بعدك بالعيون



كليله اجي يمك واهز كاروكك انه وليدي
اتناغيلي يمدلل ردت والزم اديك بايدي
جاليش من عدي رحت يهلالي وكل عيدي
بعدك زغير وسافرت ياروحي اكلهه وهيدي

يا شيل المتون ياشيل المتون

ماراح من بالي ابد يا شيل المتون





خليني ارضعك يالولد در الصدر تدريني
مانام ابد ليلي بعد يالشوفتك ترويني
كاروكك اليوحش الي بيه انته وتسليني
جا هسه شنهي الحصلت ضاع العمر وسنيني

خيبت الظنون خيبت الظنون

من رحت عبدلله بعد خيبت الظنون




خيبت ظني وسافرت وبيك الدهر وازاني
مني اخذ حيلي ومشه ومكسوره الك جنحاني
يوليدي حسراتك لفن وحيل البعد هداني
للموت اخذ روحي الك يا يمه جا شمتاني

ما احمل اشلون ما احمل اشلون

لو رحت عني وغربت ما احمل اشلون






يل عمرك بعمر الورد ذابل اشوفك تالي
خليني ارويك الدمع عبدلله يبني الغالي
بيدي اهز مهدك اهز ودمعت اعيوني اتلالي
مافكرت تالي الولد تمشي وتعذب حالي


ومغيره الون ومغيره الون

من بعد مامني رحت ومغيره الون


*لخادمة الزهراء العلويه أم جعفر*
غير مبري الذمه من يحذف الاسم وياخذ الكلام وينسبه له القصيده من طف الحوراء ٥


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

فزاعي لعلي الاكبر

____________
ياليله الولد مذبوح
ظل هناك بالحومه ،

يم الولد عيني
بفراكه يبجيني
شاايل يانظر عيني
وروحي عليه مالومه

موذر ضنوت الهادي
ظل هناك بالوادي
يومه كطع افادي
موتني الولد يومه

موتني وهدم حيلي
من فركاه ياويلي
يابدر اليشع ليلي
وسفه ذبلت رسومه

يبني وشدة حزامي
شلون تموت كدامي
جبدك يالولد ضامي
ومسبح من ادمومه

اه يلي جنت سلواي
يبني ويانظر عيناي
موتك كطعالي حشاي
حيل الروح ملجومه ،


ناعيه خيام للطف
ام فاطمة الزهراء ✍✍


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

لطمية للاكبر عليه السلام
...............
ليله گلبها املوع.. الأكبر بعد مايرجع
تبجي وتسيل الدمع
................
تگله ييمه يادليلي وروحي
بعدك ييمه ماتطيب اجروحي
زادي ييمه البجي وشربي ونوحي
لو تنشري ييمه اشريك
وبروحي ياريت افديك
مصابك ييمه يفجع.. تبجي وتسيل المدمع
........
الأكبر ييمه اعتاب الك
بالغرب تالي اتذبني
ماگلت امي ماكلت
خافنها اتعاتبني
فكدك ييمه يالولد
تعبني اوالمني
اعتب وشيفيد اللوم
الأكبر اوليدي مظلوم
امن افراكه گلبي امصدع..
تبجي وتسيل المدمع
.............
الأكبر ييمه تظن فد يوم انساك
طول العمر ياييمه دلالي اوياك
للموت أظل يبني اعيش بذكراك
إسهام الدهر صابني
يوليدي وفجعني
لا تظن عيني تهجع..
تبجي و تسيل المدمع
..............
ياماتعبت ياما سهرت ليلي ذاك
اكضيت عمري يالولد بس برباك
فرحة حياتي يمه بس ابطروك
علترب يمه مطروح
وامك تشوفك وتنوح
بعيني شفت هلمصرع..
تبجي وتسيل المدمع
..............
يبني يالاكبر على افراگك مصبر
فراك الولد يايمه مر ويمرمر
كلما اذكرك الف حسره اتحسر
مصرعك شفته بعيني
يالونتك تاذيني
واعليك گلبي امصدع..
تبجي وتسيل المدمع
................
زينب يعمته نوحي وبجيني
ابني فَگدته وبعد شيسليني
اوحيد يعمته بله لتلوميني
مصابه بگلبي اثر
فراگك الولد صعب اومر
راح اوليدي ومايرجع..
تبجي وتسيل المدمع
..............
الحاجه ام إحسان
صرخة الأحزان ج.. 4
لطفاً لا تحذف اسم الشاعره


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيده فزاعيه مربوعه لامام
على الأكبر عليه السلام

شايل ياعلي وامك امخلـيهه

ييمه ابروحتك لعيون لعمـيـهه

💔💔
كلـي يالـولد عدمن امـخلينـي
يالي جبتك وردتك تبـاريـنـي
اخذني وياك وحدي لاتخلــيـني
عكب عين لولد منهو اليـمربيهه
💔💔
واثيـابـك يالاكـبر ويـن اوديــهن
تهل ادموع عيني من تصد ليهـن
من كثرالبواجي اعليك لعــميـهن
فدوه الروح الك يوليدي افديهه
💔💔
يــومك مااحمــله فراكك يسلني
ذبـــاحك ييــمه ريته ذابـحني
بمــصابك يالاكبــردهري فاجعني
عكــبك يالولد من ينشد اعـليــهه
💔💔
ليـــش الماكــمل عمره يذبحونه
دامــي عالــثره امـطبر يخلونه
مسلب بالطــفوف وما يدفنــونه
عفــت امك يالاكبر ضيم غاطيهه
💔💔
ضــاع ارباي بيه وتعــبي لتعـبتـه
ماشــفت السعد من يوم فاركـته
ياوسفه وحريمـه الولد ضيعـته
وليلـه اليوم بالاكبر نـعـازيـهـه
💔💔
✍️العلويه ام علي الشرع
2020
نسألكم الدعاء الفاتحه والرحمه على روح المرحوم والدي


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

جديد محرم 2020

قصيده لعلي الأكبر عليه السلام كأني بلسان حال والده مولاي الحسين عليه السلام بعنوان( وداع الموت ) تقرأ بعدة اطوار



المستهل:

يا علي من ودعتني للحرب
آنه فوك المهر عيني ترتقب


عيني تترقب يبويه عليك شبحت بالنظر
قلبي يدعيلك الباري يزيل عنك كل خطر
بويه لمن حاوطوك تاه من عندي الفكر
من لعطش قلبك يبس ما رويت من العذب

🌟🌟🌟🌟🌟🌟

أشبه الناس ابنبينه أنتَ يبني يا علي
لو شفت وجهك يبويه دمع عيني أيهلي
لو رحت مني يالاكبر بعد بالدنيه شلي
صعبه يوليدي عليه من اشوفك تنضرب

🌟🌟🌟🌟🌟🌟

أمك ابخيمتهه يبني تندعي بدمعة العين
عليك اقسم يا ألآهي بالنبي جد الحسين
ابطبرة الكرار حيدر والسِكَط منهه الجنين
تندعي ترد الهه سالم من دمه المدمع تصب

🌟🌟🌟🌟🌟🌟

مثل ما رديت يوسف علي الاكبر رده لي
مظلمه الدنيه عليه لوَن ما يرجع علي
أبني الما عندي غيره هو ناسي وكل هلي
ما أظن يوليدي ترضه تعوف امك بالغُرُب

🌟🌟🌟🌟🌟🌟

مدري أَصدن ليك بويه مدري أصدنً للحرم
روحي عافتني وأجتك يعصر بقلبي الألم
الفرس من تَيَه طريقه للعده مو للخيم
صحت يا ربي دخيلك دم دمع عيني تصب

🌟🌟🌟🌟🌟🌟

ابلهفه وبهمه اعتنيتك وادعي يا ربي دخيل
من شفت حالك يالاكبر منظر ايهدم الحيل
بكل كتر مطعون يبني والدمه منك يسيل
أنحنه ظهري يبويه عليك قلبي ينتحب





خادمة اهل البيت عليهم السلام
أزهار جبار الجياشي

نسألكم الدعاء
ولفاتحه لروح والدي


غير مبري الذمه من يحذف الاسم أو يغيره



من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام




خادمة الزهراء عليها السلام الشاعره أزهار جبار الجياشي



الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

شدة للوداع
*****
ياليل الوداع ارجوك إمهلني
وخليني اودع حسين خال ابني
******************
طول يازمن ارجوك بالساعات
خل اشبع بواجي واهمل الدمعات
ماشوف الاخو باجر بعد هيهات
خليني اشمن ريحته خلني
*******************
باجر ينذبح ضامي عله التربان
باجر تنسبي زينب بلا خوان
خوان الدهر ياناس بينه خان
بأيتام وحرم أحتار دولبني
********************
تودعني يخويه بآخر ايامك
وتوصيني يخويه احفظ ايتامك
وين انطي الوجه لو حركو خيامك
لو سوط الشمر يحسين يضربني
*********************
اودعنك يخويه بروح خلصانه
يالعطر الزجيه الكاه باحضانه
وبعيونه علي الكرار واحسانه
وبجفه الحسن من راح شيبني
*********************
شلي بهالعمر خويه بعد عمرك
اخذني باللحد واتوسد بكبرك
ولاشوف الشمر كاعد عله صدرك
من حز النحر يحسين عذبني
*********************
أم علي



الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

:
قصيده ثكيله العبد لله الرضيع


يامدلولي // يامدلولي
اهزمدك يامدلولي
طلع فارغ // واهزنه يامدلولي
$$$$$$$$$$$$$$

تسع تشهر شلت يبني وتعبت رباك
اجيت انه عله مهدك ولا الكاك
رضيعي وانه اريدنه واريد رضاك
الكيت انه المهد خالي يامدلولي
$$$$$$$$$$$$$$$

الكيت انه المهد خالي وصرخت بحيل
دحاجيني يزينب وين ماشي باليل
مدلولي طفل يرضع خذا للخيل
لن جابه الدمه يسفح يامدلولي
$$$$$$$$$$$$$

لن جابه الدمه يسفح وابوه غطاه
طفل يرضع شنو ذنبه ومارواه
صاح حسين يا زينب هضمنه هنا
ركضت لبني اشبكنه يامدلولي
$$$$$$$$$$$$$$$$

ركضت انه عليه بلهفه شبكيته
اخذته من ابوه حسين شميته
كتله انه نشده بالي خليته
حضنته والدمه يسفح يامدلولي
$$$$$$$$$$$$$$$


حضنته انه وكلت يمه شكبر عمرك
شنو كلبك عليه يامن كطع نحرك
لن زينب تكله بصوت شنوكبرك
يسدد حرمله سهمهه يامدلولي
$$$$$$$$$$$$


يسددد حرمله سهمهه عله الزغيرون
من شفت الدمه بنحره الطمته عيون
شنو ذنبك يعبدلله بترب مدفون
اخذني خل انام وياك يامدلولي

“:
تـــــمـت والحمـــــدللـــه
✍الشــــاعره ام حـــوراء الاسدی

واسالکم الدعاء🌷🌷🌷
شرعا"لایجوز حذف اسم خادمةاهل البیت علیـــــــهـم الســــــلامـــ
========================

الشاعرة✒ ام حوراء الاسدي
غیر مبری الذمه من یمسح اسم الشاعرة


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

*هوسه مع قصيدة ختاميه للاكبر(عليه السلام)*
❥━──➸➽❥❂❥━──➸➽❥❂
*المقدمه تقرأ بشكل نعي:*

يالفگدت ولد خل تبچي هذا اليوم
راح الغالي مني والگلب مالوم
مهظومه وحزينه والگلب مهظوم
*القصيدة*

*حزينه امك عفتها اشلون ترضاها*
مهظومه وتهل دموع عيناها
والفگدت ولد خل تبچي وياها
راح الولد منها وضيع ارباها
شبان المشت چاوين نلگاها
نامت باللحد واتراب غطاها
ذيچ ارسومهم هالضيعيناها
نون ويه العقيله ومانسيناها
يمصاب الشباب النحل اعضاها
صوبها وهظمها وذوب حشاها
وين التنتحب واتعلي ابچاها
*((اتواسيها//بالراحو منها))*
❥━──➸➽❥❂❥━──➸➽❥❂
*بقلم✍🏻خادمة اهل البيت*
*الشاعرة العلويه مريم النور*
*نسألكم الدعاء الفاتحه الى روح اختي


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

*من ديوان مسير الفواطم لارض المظالم ج٢*
*قصيده للرضيع (شلك بهاي النومه)*
❥━──➸➽❥❂❥━──➸➽❥❂
عبد الله يوليدي صحت
شلك بهاي النومه
❥━──➸➽❥❂❥━──➸➽❥❂
اشلون نايم باللحد
كلساع اصيحن يالولد
موحش وحزنان المهد
وروحي اصبحت مهضومه
❥━──➸➽❥❂❥━──➸➽❥❂
مهظومه يوليدي واون
والروح گاضيها الحزن
دمعاتي عالوجنه جرن
وعليك انه مالومه
❥━──➸➽❥❂❥━──➸➽❥❂
مالومه واجذب عبرتي
احا يهظمي و لوعتي
مصيبه عضيمه مصيبتي
من الولد محرومه
❥━──➸➽❥❂❥━──➸➽❥❂
محرومه انه من شوفتك
تكتل ييمه روحتك
هزت ابداني مصيبتك
ابني تسيل دمومه
❥━──➸➽❥❂❥━──➸➽❥❂
ايسيل دمه امن النحر
لاروح عندي ولاصبر
ذبحوك يوليدي الكفر
وعودك طلع للحومه
❥━──➸➽❥❂❥━──➸➽❥❂
عودك طلع لحرابه
يصعب علينه امصابه
سكنه نخت يايابه
وادموعها مسجومه
❥━──➸➽❥❂❥━──➸➽❥❂
*بقلم خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولإمواتكم:*


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

لطميه لليله الوحشه تنقرى بعده اطوار
المستهل👇
يا مسبيات هلليله الوداعيه
وبطرت الفجر نشبع مهضميه
〰️〰️〰️〰️〰️

.نمشي ويه الغرب من غير حمايه
عدنه عتاب ويه صاحب الرايه

نايم على النهر ماشرب من مايه



على عيوني صابني البين

〰️〰️〰️〰️〰️


التمن فرد لمه ودعن الغالي
لا اطولن الونه ارحمن بحالي
ترى الدنيه ضلام ومنشده بالي

على اخواني صبن ياعيون

〰️〰️〰️〰️〰️〰️

تعالن يابنات حسين ودعنه
وشمه من النحر ياعمه شمنه
خل نودع ابو سكينه تفاركنه
مودعينه ياحسين الغالي

〰️〰️〰️〰️〰️〰️〰️

صوب المشرعه بس كومن امشنه
على ذاك الكفيل الطول الونه
صار ازماط يم النهر يردنه

انزمط بيه النام بكونه

〰️〰️〰️〰️

اني الضليت وحدي ودمعي اهيلنه
جم جرح والم اني احملنه
خاف على الولي اني الجمنه

تاذيني يجروح الوالي
〰️〰️〰️〰️〰️〰️〰️〰️
خل نطول الونه يم اهالينه
شالو من وكت مانشدو اعلينه

اليوم من الفجر هل حده حادينه

فاركناه العز ولهيبه
〰️〰️〰️〰️〰️〰️

الف ياحيف حادينه الشمر خويه
غفه عباس يمه ولا درى بيه
انا الرديت لارض الشام مسبيه
عافوني بلغربه ونامو
〰️〰️〰️〰️〰️〰️
بقلمي الفقير ام نادين المحمداويه✍🏻✍🏻✍🏻✍🏻

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

لطميه العبدالله الرضيع ع

وين الربه وذاك التعب عبدالله يبني
وفراكك ايشيب الكلب عبدالله يبني

عفت امك بهمها اتنوح
وتنادي يبني المذبوح

عالمهد والمدمع يصب عبدالله يبني
وين الربه وذاك التعب عبدالله يبني
.............

شلتك ييمه بالبطن تسع اشهور
وماجانت ابالي مصايب عاشور
ودنياي يبني والدهر بيه ايدور
واكبالي اشوفن ذبحتك يامنحور

روحي كضت من شاهدت
والسهم ماضي اوفرفرت

يومك عليه اشكد صعب عبدالله يبني
وين الربه وذاك التعب عبدالله يبني
............

تدري ييمه معلمه بحظني تنام
وبشوفتك انسه ييمه الا الام
مصابك ابد ماجره بكل الاسلام
مفطوم وتفطمك يولي الاسهمام

يالرحت مني وابعدت
وانه بغيابك ماهدت

زغيرون ضماك الترب عبدالله يبني
وين الربه وذاك التعب عبدالله يبني
.........

زغيرون ماتمت ييمه اسنينك
واشلون ابطل اهاتي وانينك
وعيوني دوم معلمات ابعينك
وبالمهد ماهو يالولد جاوينك

اشتاك الحضن لمناغاك
يوليدي جاوين الكاك

وي دهري كثرت العتب عبدالله يبني
وين الربه وذاك التعب عبدالله يبني
............

ويدهري يبني اتعاتبت تالي اليل
والحظن خالي والدمع دم ايسيل
ويروحتك يبني تره راح الحيل
شلون لوراد الضعن بيه ايشيل


وياي يوليدي اتروح
وتسلي كلبي المجروح

تسليني من ضيم الدرب عبدالله يبني
وين الربه وذاك التعب عبدالله يبني
..............

شاب الكلب من فركتك يزغيرون
عيني تغمض يالولد كلي شلون
كلما شفت اطفال يبني ايناغون
بحظان امهم يالولد ويلعبون

تجري عليك عيوني
وعيني تصد لمتوني

ياما عله متوني لعب عبدالله يبني
وين الربه وذاك التعب عبدالله يبني

✍ام زينب كربلاء غير مبري الذمه من ياخذ الكلام وينسبه له او يحذف الاسم


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

فزاعيه حول مصرع الحسين يوم العاشر



*ونايم اخيي عله الثره ياخيل لدوسينه*



اتسحكين اخوي اضلوعه// يا خيل لدوسينه
وخته تره المفجوعه
تعنيت اكلهه ابلوعه
*رحمي جرح والينه*

تنزف جثيره اجروحه
وخليهه تطلع روحه
ماكطع بعده ابنوحه
*يغرب اشوفه بعينه*

خليني اودعه الوالي
شويه ترحمي بحالي
تدرين اخيي وغالي
*ويريد اجيب اسكينه*

خليني اجيب اله دوه
انه وبنياته سوه
انخلي العبايه من الهوه
*انسوي ذره الحامينه*

بالله ترحمي بحاله
خليني الم اوصاله
جاليش محد شاله
*وحنه حرم ظلينه*

ظلينه ماعدنه ولي
جاوين ابو الحمله علي
يتعنه اخيي وخل يجي
*حجي العدو ياذينه*



*لخادمة الزهراء العلويه أم جعفر*
غير مبري الذمه من يحذف الاسم وياخذ الكلام وينسبه له


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747