فزاعيه حول ابا الفضل العباس

يعباس بعد اختك واسمهه
عينك عله اختك يالجبتهه
ادري بخوتك ما كو مثلهه

نزله

الخوه ابركبتك عباس اخليهه

كلهه ابشاربي وبلروح اجازيهه



الخوه ابركبتك ياطيب الخوه
بعد اختك غيور وصاحب امروه
اتنومس ابجالك وانته ابو النخوه
وكدهه ونعم لو جبت طاريهه



كلهه ابشاربي وانطي امجازاها
اجفوفه وداعتج لضيج ظماها
اخوج ولو نخيتي الروح يفداها
والعمت الولد بالروح يفديهه



ادري ابخوتك مابيهه كل لوله
ادخن حومتك بل ضيج مكيوله
عفيه يبن ابوي ويبن الفحوله
ارفع هامتي وتنومست بيهه




انتي الغاليه وزينب تأمريني
افدي الروح الج وافديهه جفيني
الوكت العوز شوفي من تحشميني
اكلبهه كلب بس روس اخليهه


خويه ونعم عباس يمجنه
لو مريت بيه ما تضل ونه
شخص لو مشه جابيش اعوضنه
وروحي مناطره ترجع يواليهه


*لخادمة الزهراء العلويه أم جعفر*
الفزاعيه من ديوان طف الحوراء الجزء الرابع غير مبري الذمه من يحذف الاسم وياخذ الكلام وينسبه له


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

الى مولاي ابا الفضل العباس مقضيه الحوائج
عندما رائت مولاتي زينب جروح اخاها ابا الفضل العباس ساعد الله قلبك مولات

المستهل.........

كلف شفته وعماني اصواب عباس
يجري دموم صعبه ضربه الراس

〰️〰️〰️〰️〰️〰️〰️〰️

الجرح خويه غميج وعذباني
يجر ي ادموم عباس وعماني
وسهم البكلب خويه اهضماني

وبكلبي اجروحك يالغالي

〰️〰️〰️〰️〰️〰️
جرح عباس حرت اشلون اشدنه
يجر ي ادموم واني بيش اطيبنه
اريدن للولي اضماد اضمدنه

عاميني ياصواب الولي
〰️〰️〰️〰️〰️

تمنيتك عدل خويه وكعدنك
وامسح دم االبراسك وشمنك
الف ياحيف نايم على النهر جنك

على الشاطي غافي وخلاني
〰️〰️〰️〰️〰️〰️

يم العلكمي فرفحت روحه
اهواي وماله طيبه اجروحه
يا كلبي بعد ماينكطع نوحه

وبكلبي اصوابك جواني

〰️〰️〰️〰️〰️〰️
كون البيه حميه اطي عيوني
اكعدلي ياخويه وحمل اضعوني
حرمه اتمرمرت عدوان يحدوني
ومنين انجيب العياله
〰️〰️〰️〰️〰️〰️

امشنه للولي بله ياخياته
اريد نودعه ونسمع احجايته
عباس االحمانه اريد هداته
واريده يرد العايله
〰️〰️〰️〰️〰️〰️
بس يشوفنه ميقبل ينام
سبع عباس اخوي ويرفع الهام
ترى يومك ياخويه لكلبي هدام

عباس اصوابك بجاني
〰️〰️〰️〰️
بقلمي ✍🏻✍🏻خادمه البتول ام نادين المحمداويه



الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

فزاعيه العباس ع عن لسان حال زينب ع

بدايتها نعي

واريد اعاتبك ياصاحب الجود
جفوفك الزندك ردهن اردود
شلون اتنام وانته اليوم مريود

نزلت الفزاعيه


نايم كفيلي النوم مايحلاله
لخيام زينب هدت الخياله
............
عليك عتبي لاتطول النومه
لاتخلي ام الخدر مهظومه
اكعد ورد الخيل ياجيدومه
بيش ازامط والاخو عالارماله
.............
بيش ازامط يكفيل العيله
والحمل عباس ياهو اشيله
عالو عليه ومن يرد العيله
مال الحمل هاليوم ياشياله
.............
شلون نايم ارد اكثر عتابه
والزلم وصلت لحد اطنابه
ضنه ابوفاضل ثجيل اصوابه
مايطيب ولايرد لعياله
............

ارد اندهنه واحلفه بخوته
الخاطري عباس ترجع هدته
ويرد ذاك السيفه وترد يمنته
اكعد يكافل عالت العياله
...........
الكوم وصلت للخيم فزاعه
منين اجيبن كافلي وذراعه
مريود ياعباس هاي الساعه
اسوت يخويه دنيتي المياله

✍ام زينب كربلاء غير مبري الذمه من ياخذ الكلام وينسبه له او يحذف الاسم


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

*قصيدة للامام العباس"ع"*
❥❥ـــــــــــــ❁❂❁❂❁❂❁ـــــــــــــ❥❥
لطمي عالراس يزينب لطمي عالراس
راح عباس يزينب راح عباس
*بالعمد راسة انطبر…كافلچ يختي اعتذر*
راح عباس يزينب راح عباس
❥❥ـــــــــــــ❁❂❁❂❁❂❁ـــــــــــــ❥❥
عالنهر طاح البطل گطعو يمينة
وبالمثلث صوبو ياخوية عينة
ظل يون الغالي مابطل ونينة
مستحي منچ تراه ومن سُكينة
*ماي ماجاب الگمر…كافلچ يختي اعتذر*
راح عباس يزينب راح عباس
❥❥ـــــــــــــ❁❂❁❂❁❂❁ـــــــــــــ❥❥
الغالي صعبة حالتة يوم النظرتة
منطبر راسة بعمد ياخوية شفتة
يمة طاحت رايتة وطاحت جربتة
گلي اوصلچ سلامة ويبچي سكتة
*دمعة وي دمة يخر… كافلچ يختي اعتذر*
راح عباس يزينب راح عباس
❥❥ـــــــــــــ❁❂❁❂❁❂❁ـــــــــــــ❥❥
گلي اوصلچ سلامة راعي الزود
الماي مايگدر يجيبة بلية الزنود
گطعو ايسارة ويمينة وصابة عامود
النة ابو فاضل بعد مايگدر ايعود
*ظل طريح اعلة النهر…كافلچ يختي اعتذر*
راح عباس يزينب راح عباس
❥❥ـــــــــــــ❁❂❁❂❁❂❁ـــــــــــــ❥❥
وني اعليه يالعقيلة وهلي العين
من بعد عينة انكسر ظهري وتعرفين
غيرة لاعندي اخو لاعندي امعين
للسبي وية الكفر بعدة تروحين
*وانة يذبحني الشمر… كافلچ يختي اعتذر*
راح عباس يزينب راح عباس
❥❥ـــــــــــــ❁❂❁❂❁❂❁ـــــــــــــ❥❥
راح اخونة ومابعد يرجع يزينب
هسة تولينة الكفر والجايچ اصعب
روس اخوتچ بالدمة كلهة اتخضب
والظعن وية زجر للشام يغرّب
*جاية الام وقهر…كافلچ يختي اعتذر*
راح عباس يزينب راح عباس
❥❥ـــــــــــــ❁❂❁❂❁❂❁ـــــــــــــ❥❥
*بقلم✍خادمة تراب الزهراء(ع) الكربلائية فاطمة علي صالح الحلفي*
*واسألكم الدعاء والفاتحة لروح جدي وامواتكم ودعواكم لي بالنجاح والموفقية*
*غير برئ الذمة امام الله والزهراء من يحذف الاسم والرابط*



الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

جديد
مربعة
للعباس ابن امير المؤمنين عليه السلام
.......
الك لوعات خويه ابروحي يالغالي
من بعدك تصوب خويه دلالي
......
يخويه يبو فاضل يا كمر ليلي
اهل ادموع خويه ويسعر ادليلي
يدنيه اخلاف اخيي كوضي اوشيلي
بعد عباس اخوي ادفنت امالي
.....
بعد عباس روحي اتلوب من همها
الاخو خيمه عله اخته اتفيي ابظلها
انكشع سكف الاخوة يوم فاركها
صعبه الاخت صعبه تفكد الوالي
......
صعبه الاخوصعبه يعوفها الاخته
شلع كلبي فكد عباس محملته
عباس اشكبر ياناس فاجعته
اون اعليه اوحالي امكدر اوسالي
.......
لوما القدر والمكتوب والقسمه
جاما كدر واحد يوصله ايگحمه
فوارسها تتراجف من يمر اسمه
لوضهضب گلب سافلها بالعالي
......
تفر فرسانها امن اتشوف ريشاته
كفو اونعمين من سيفه اوصولاته
مثل حيدر ابوه عباس حملاته
ادخيل ادخيل حيدرنه علي الوالي
......
تخلد اسم ابوفاضل اسم عباس
صاحب علم صاحب تقوى اونوماس
اخو زينب البيه مرتفع منها الراس
كافلها اوكلمن مالها والي
......
الحاجة ام احسان الخاقاني
6محرم الحرام 1442هـ


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

القناة ...
{{ شاعرة الحزن السرمدي }} 165



للعباس
ثگيله + خفيفه
👈وين جفك يابعد جفيني
سهم عينك ريته طاح بعيني👉
المستهل 👆


ريت عيني مصوبه ولاعينك
وريت جفيني ولا جفينك
ريت سيفك يلكمر بيمينك
جان ماواحد گدر يدنيني🎤


جان ماواحد وصل يم ثايتي
جنت مامونه انه بزود اخوتي
هسه ياحال الهظم ياحالتي
وين اخوتج حرمله يناديني🎤


وين اخوتج وين عزج والخدر
كلها راحت يوم من طاح الكمر
كوم رد ابن اللعينه والشمر
بيكم اتشمتوا ويبجيني🎤


بيك ازامط جنت يابو المرجله
جان سيفك ذبح شمر وحرمله
الگاع حدرك يبو الغيره مزلزله
هسه حرمه وياهم تخليني🎤


كوم اخذ جفي وهد عليهم
وامسح الطف بيهم وبجيهم
زلزله عباس صير اعليهم
واحمي عرضك يلولي واحميني🎤


كوم ياعباس وانفض حمه الموت
كوم يابو الغيره ماراعك الصوت
هلغوالي لاخيام ولابيوت
وين اودي بناتكم حاجيني🎤

___
✍لَخَآدِمَةّ أّلحسيّنِ (ع)
{{ الــ؏ـلّويــه َّسـهِــيِّــلَـهِ حـسـيِّـنِ }}

( غٌير مَبِريِّ أّلَذمَهِ مَنِ يِّحذّفِّ أّلَأَّّسمَ
أّو يغٌيّرهِ أّوِ يِّنِسبِ أّلَقِصيِّدِهِ لَنِفسهِ   )

💚 مَلَأّحضّهِ ...
أّلَأّخَوِهِ أّلَروِأّدِيدِ مَنِ يِّصعبِ علَيِّهِ ذّګر أَّّسمَ أّلَشٍأّعرهِ انسبو القصيده ب أسم
{{ أّلـهـآشـمـي }} 💙

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

فزاعيه لنهاية المجلس للعباس عليه السلام ( هوسه اتريد للعباس )


هوسه اتريد للعباس
زينب طبت اويانه


جابت بيرغه اوياها
واتهوس الملفاها
هنياله التلگاها
اليوم اتريد عوانه


واتريد اليعاونها
راح الضيغمي منها
والشوغات كتلنها
ومن اليسر تعبانه


گاضيها اليسر والشام
واتهوس عله الضرغام
اشلون اعله الشريعه اينام
وايگطعون ذرعانه


اشلون اتطيح چفينه
وعاف الغاليه سكينه
بالزانه انطفت عينه
ومحد طلع الزانه


محد ضمده وداوه
وي زينب نصيح احاه
ويوم حسين ماننساه
ضل مرمي بميدانه


ضل مطروح بحرابه
ذبيح املسبه اثيابه
خل نلطم عله امصابه
مانلطم الموتانه


مانلطم لهالينه
آه يحسين نادينه
تحضرنه وتحامينه
بالكلفات مولانه


للشاعرة المله
ام هجران العمارچيه
ديوان معاني الحزن جزء الرابع
غير مبري الذمه من يمحي اسم الشاعره او يغيره

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيده ثكيله للامام العباس عليه السلام


هايعباس...وين رايحه اردانشدك
هايعباس ... مو وصية علي عندك

راسك ليبره ضعينه
وظلت عيونه علينه

هايعباس هايعباس

دم وريدك...يجري وبيدي مسحته
دم وريدك ...يابس وبعيوني شفته
دم وريدك ...نزل من صواب كصته
دم وريدك ... ينزف وجني عرفته

من نمت بلضيم حالي
راح ياخدري ودلالي

هايعباس هايعباس

خويه وينك ...حشمت ماكمت اليه
خويه وينك. ...ياخذوني ال ميه
خويه وينك...رحت من غصبن عليه
خويه وينك... بلحبل مجتفوفه اديه

غبت عن عيني بعد
خويه جاوين الوعد

هايعباس هايعباس

بعيني شفتك... علنهر نايم تون
بعيني شفتك ...خويه مكطوع المتن
بعيني شفتك ... كثرت عليه المحن
بعيني. شفتك ...خلاف عينك بلحزن

والسهم صوبهه عينك
اوصحت ناديت وينك

هايعباس هايعباس

حشميتك ياابوفاضل...بجفه يضربني الشمر
حشميتك ياابوفاضل...رايحه بدرب اليسر
حشميتك ياابوفاضل... انت حارس للخدر
حشميتك ياابوفاضل... خويه ماريد العمر

نايم ومطروح شفتك
موذره عباس جثتك

هايعباس هايعباس

نمت ضامي...يلعفتني بحيره وحدي
نمت ضامي ... راح اسولفلك وابدي
نمت ضامي ...وباجر المعلون يحدي
نمت ضامي ...الكطعت الجفين حدي

حرمه طايح محملي
وسفه مذبوح الولي

هايعباس هايعباس


الشاعره خادمة السيده الزهراء والسيده
رقيه ام زهراءالفاطميه لايجوزحذف الاسم
اسم الكتاب لبيك يازهراء


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

فزاعيه حول أبا الفضل العباس



ويا عباس رد النه اليعيلون

ازامط بيك يا المنك يهابون



يا عباس يالي زامطت بيك

يحزام الظهر هليوم احاجيك

تاج الراس محد عايل اعليك

ماتحمل زعل منك يخافون




اريدن فزعتك تصطرلي العال

مجرب بل حرب لوصرت خيال

زينب يبن ابوهه تشتكي الحال

ترضاهه العده عليهه يزمخون



زينب يا ابن ابوهه تريد عباس

تريد الجابهه وبيه رافعه الرأس

ياكافل خدرهه تعرف الناس

عباس الخدرهه هاي يدرون




روحي ويه روحك صارت اطباگ

وتعرف لورحت هل روح تشتاگ

اگعد يل نمت مانحمل افراگ

افراگ شگد صعب ياماي العيون



يا عباس صوت ام الخدر هاي

تصيح من الخيم شو فاكده الرأي

ادري بل كفيل اليوم وفاي

يجيب الماي لأخته وهاي مضمون



مايخلف وعد عباس معروف

بس منه العذر مكطوع الجفوف

سبع معروف ابد مايعرف الخوف

اينام عله الشريعه الكافل اشلون




لخادمه الزهراء العلوية ام جعفر
غير مبري الذمه من يحذف الاسم وياخذ الكلام وينسبه له من ديوان طف الزهراء الجزء الاول


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

((لطمية للعباس ))

جيت ادور عليك وبعيوني السهر
گالوا العباس طايح عالنهر
جيت اخبرك عن الحسين انذبح
عنه خبرني من جاني المهر
_________
خويه يا عباس وين انته رحت
جيت ادور اعليك وبهمي اعثرت
عني راح حسين وانه اتحيرت
بالحرم وايتام خويه اتكفلت

ماتهزك نخوتي جيت تهمل دمعتي

وانه اروحن للاسر
كالوا العباس طايح عالنهر
_________
كوم شوف حسين طايح عالثره
خويه والارجاس حزوا منحره
والخيل داسته وظلوعه مكسره
والخيم حركوها ونار موجره

الشريعه وينها حال بيني وبينها


الوعد حل والقدر
كالوا العباس طايح عالنهر
_________
كمت انادي اعليك يا راعي الشيم
العساكر وصلت الحد الخيم
وشوف صدر حسين مصيوب بسهم
وانه يا عباس المن بالحرم

انه جيت وياك وطلعت بحماك

سوه جينه من السفر
كالوا العباس طايح عالنهر
_________
جيت اخبرك بعد ما ظلي ولي
گوم حاجيني وعدل محملي
الگوم حاطتنه يخويه وننولي
جيوش اميه هواي وغيرك ياهو اللي

هجمت الكفار. يبن حامي الجار

بغيرك ارجع ياگمر
گالوا العباس طايح عالنهر
________
جيت اخبرك عن الحسين انذبح
ومصيوب يا عباس جم طعنه رمح
وجسمه عاري عالثره ودمه انسفح
وصار ظلمه مصابكم مابي صبح



جيت ادور وينك السهم شفته بعينك


وبعد ماظلي نضر
كالوا العباس طايح عالنهر
___________
صحت ياعباس صوتي اسمعه
خويه جيت وشفتك اعله المشرعه
الهامه مصيوبه والجفوف مگطعه
والعلم ملفوف هاي الفاجعه

للاسر انه رايحه استعد للنايحه

وبعد ماظلي صبر
گالوا العباس طايح عالنهر


✍بقلم خادمة اهل البيت عليهم السلام
ام. مصطفى، ،الاسدي



الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

فزاعيه للعباس ع عن لسان حال زينب ع

نعي
اليله الحزن زينب غطاها
عزيز الكلب يتوادع وياها
ناوي ايروح والخوه ةكظاها

نزلت الفزاعيه

ها عباس ناوي اتحمل اليلة
رايح والحمل جاياهو اليشيله

...............
خويه وياك اخذني لاتخليني
اموت ومااشوفن يومك بعيني
مااحمل اغيابك زين تدريني
انه امدلله ومااحمل العيله
..............
صدك ناوي تروح وتفل خوتنه
خويه وتنكظي وياك عشرتنه
كون عالشريعه اتصير موتتنه
ولاشوفك طريح ودمك اتسيله
.............
شلون انفاركك يالخوتك حلوه
وتضل عالشريعه جلمة الخوه
ياكافل خواتك يابو المروه
لاترحل صحت يالعادل الميله
..............
عليمن ميلتي عباس اخليها
ياخويه الكلافه تريد اهاليها
اتغمض والهظايم عدمن اشكيها
ياليومك ثجيل وامالنه حيله

..............
ياخويه عله يومك حيل مابيه
دخيلك لاتكول الخوه مكضيه
زينب حشمت بضلوع محنيه
ابد مافاركك والمدمع اتسيله


✍ام زينب كربلاء غير مبري الذمه من ياخذ الكلام وينسبه له او يحذف


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

*حصرياً حديث ونعي للإمام العباس (ع)*
*من ديوان📚 عبرات وأنين في رثاء قطيع الكفين الجزء٨ للشاعرة العلوية مريم النور*
❥━──➸➽❥❂❥━──➸➽❥❂
لما سقط الامام العباس على الأرض وفاضت روحه نادى الحسين (عليه السلام) يعز والله علي فراقك ثم بكى بكاء شديدا، فحمله على ظهر جواده، وأقبل به إلى الخيمة، وهو ويقول: ألان انكسر ظهري، وقلت حيلتي ويبكي و يكفكف دموعه بكمه، فلما رأوه مقبلا أتت إليه سكينة ولزمت عنان جواده وقالت : يا أبتاه ! هل لك علم بعمي العباس، فعندها بكى الحسين عليه السلام وقال : يا بنتاه ! إن عمك العباس قتل وبلغت روحه الجنان . واعباساه واعباساه واعباساه...
*نعي مجرد:🍃*
❥━──➸➽❥❂❥━──➸➽❥❂
يگلها يبويه طاح عمچ
راح اليزيح الحمل عنچ
وعليه كل دمعچ اونچ
❥━──➸➽❥❂❥━──➸➽❥❂
عليه كل دمعچ ودمعي
وني لعمچ بعد وانعي
من طاح چفه انكسر ضلعي
❥━──➸➽❥❂❥━──➸➽❥❂
انسكر ضلعي وعيني تجري
من شفت چفه انكسر ضهري
وسفه خذاك وخان دهري
❥━──➸➽❥❂❥━──➸➽❥❂
خويه خذاك الدهر مني
وعليك كل نوحي اوني
من شفت راسك خاب ضني
❥━──➸➽❥❂❥━──➸➽❥❂
ياخويه خابت كل ضنوني
وعليك اريد اعمي عيوني
ياريتها امگطعه امتوني
❥━──➸➽❥❂❥━──➸➽❥❂
*بقلم خادمة اهل البيت*
*الشاعره العلويه مريم النور*
*نسألكم الدعاء الفاتحه الى روح اختي وﻷمواتكم:*🍃
غير مبري الذمه من يحذف الاسم او ينسب الكلمات له...


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

فزاعيه للإمام العباس
عليه السلام

لطمتنه على العباس
وين التلـطم ويــانه
💔💔
على العباس لطمتنه
نرخــص اله دمـعتنه
نعلـي لاجـله ونـتنـه
بعـده ابـهضم خلانه
💔💔
نعازي اخته المهضومه
بالــعباس وابـيـــومــه
تون اعلــيه ومـالومــه
ويــن اللــذي كـــفلانه
💔💔
مــيدان الـبطل وسعي
وصدرج عالكمرخسفي
واعليه معصـبج شدي
وهلـي ادموع جروانه
💔💔
عـــم سكينه يستاهل
هــذ مسكت الــــعايل
اعدلي لطمت الكافـل
يســــتاهـــل يمولانه
💔💔
طــــاح الـعلم شيالـه
محد غسله وشــالـه
اعليه الدمعه هــماله
نعازي اخته الحزنانه
💔
مانلطم على الــماتو
بس للعالثره ضــلــو
ومن الماي ماشــربو
للـــعباس واخـــوانه
💔💔
لطمتنه على الضرغام
نلطم عالوجه والهام
الليله للصــبح مـنـنام
لام عبــــــاس عوانه
💔💔
✍️العلويه ام علي الشرع
نسألكم الدعاء
رحم الله من ترحم على روح المرحوم والدي

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

*القصيدة من ديوان 📚 عبرات وأنين في رثاء قطيع الكفين ج٨ (خاص بالامام العباس ع)*
*قصيدة للامام العباس عليه السلام(بچفوفك يعباس)*
❥━──➸➽❥❂❥━──➸➽❥❂
فديت حسين بچفوفك يعباس
بچفوفك يعباس
ياوسفه العمد صابك عله الراس
بچفوفك يعباس
❥━──➸➽❥❂❥━──➸➽❥❂
فديت حسين بچفوفك يضرغام
وسفه اعله الشريعه عيونك تنام
اگعد شوف حال اختك والايتام
تصيح بصوت ماتگعد يفراس
بچفوفك يعباس
❥━──➸➽❥❂❥━──➸➽❥❂
تصيح بصوت ما تگعد يوالي
انه بلياك حال الهظم حالي
ومن عگبك بگت وحشه الليالي
وتتفرج عليه ظلت الناس
بچفوفك يعباس
❥━──➸➽❥❂❥━──➸➽❥❂
تتفرج عليه الناس بعدك
هضماني الدهر من طاح زندك
من نوم النهر خويه شيگعدك
منك راح ائيس واگطع الياس
بچفوفك يعباس
❥━──➸➽❥❂❥━──➸➽❥❂
منک ايست واگطعت رجاوي
عليك اطفال تصرخ رايده الماي
شكللهم وگع كافلي الرواي
اكلهم طاح اخوي الكله نوماس
❥━──➸➽❥❂❥━──➸➽❥❂
اگلهم طاح اخوي الكله غيره
حيرني الدهر بجفاك حيره
ترضه اختك تطب للشام اسيره
حرمه امچتفه مابين الارجاس
بچفوفك يعباس
❥━──➸➽❥❂❥━──➸➽❥❂
*بقلم 🖊خادمة اهل البيت*
*الشاعرة العلويه مريم النور*
*نسألكم الدعاء الفاتحه الى روح اختي وﻷمواتكم:🍃*


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

في رحاب أهل البيت عليهم السلام
.....
لطمية للقاسم ابن الحسن
....
جاسم هلهلته امه
امبارك ياضوه عيني
رايح يمه للجنه
ولوحدي امخليني
.....
اللّٰــه اوياك يوليدي
يبني واشد النيه
ظل عمك وحيد اليوم
وحاطت بيه بني اميّه
هل من ناصر اينادي
أنصاره يبني ارميه
يبني هاك سيفك هاك
وهاك اخذ الگلب وياك
لتظن بعد يبني اسلاك
اگولن فاز بالجنه
وهلخاطر يسليني
......
يجاسم يمه احلفنك
بدر اللي تغذيته
احلفك بالحسن يبني
اليوم تنفذ اوصيته
وتنصر عمك المظلوم
وتحامي اهل بيته
يمه لا توصيني
احامي انه عن ديني
بس يا يمه اذكريني
لو شفتي فرح شبان
يايمه اتذكريني
.......
جاسم طلع للحومه
ينصر عمه المظلوم
صاح ادركني ياعمي
صيحة من گلب مألوم
اجاه احسين مسرعله
بعداً عمي لهلگوم
الحسن باچر يخاصمهم
النبي جدنه يناشدهم
غسلتوهم بدمهم
ماگلتو النبي جدهم
ابذريتي امألميني
......
مابين اخوته حطه
وگعد عدهم يون خفيه
اشوفك عمي امطبر
امصابك يصعب اعليه
يعمي استفردوني الگوم
وحيد اومنگطع بيه
يجاسم حنتك دمك
ٱللّٰه ايعينها لامك
يعمي امغسل ابدمك
تظل نايم عله التربان
يعمي اتشاهدك عيني
.......
مودع يبني ياجاسم
تگله والدمع يهمه
ييمه يصعب اعليه
جسمك مااظل يمه
ولااغسله واعوفنه
يبني للنبل مرمه
ييمه لو تيسرنه
لو عنكم غصب شلنه
يبني كون تعذرنه
رايح يبني للجنه
ولوحدي امخليني
......
الحاجه ام احسان الخاقاني
صرخةالاحزان ج 6
لطفا لاتحذف اسم الشاعرة
....

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

فزاعيه للعريس . القاسم ابن الحسن . عليهم السلام
========================

يومك يلولد ....... مانحمل فراكه
لطولك يلمعرس روحي مشتاكه

⚜👑⚜👑⚜👑⚜👑

كلي يلولد جا يمته نتلاكه
روحي لشوفتك يايمه مشتاكه
يانار الفراك شلون حراكه

( هد حيلي يفراك الغالي )

⚜👑⚜👑⚜👑⚜👑

ملهوفه عليك اريد اشوفنك
اريد وياك ما خلوني اتبعنك
وسفه بلكبر يوليدي اوسدنك

( موسدينه عزيز الروح )

⚜👑⚜👑⚜👑⚜👑

حسبت حساب يكبر بيدي ازفنه
ونصب كلته وبيدي اعجن الحنه
تالي بلكبر بيدي اوسدنه

( اصعب يومه ويهد الحيل )


⚜👑⚜👑⚜👑⚜👑

امك خاويه والظيم غاطيها
حزينه ميسره من ينغر عليها
رتك يلولد بيدك تباريها

( تباريها امك يوليدي )

⚜👑⚜👑⚜👑⚜👑

يمه يلفرد واحد عمت عيني
ياهو علولد يلطم يعازيني
الراحله ولد تبجي وتواسيني

( تواسيني علراح بعيد )

⚜👑⚜👑⚜👑⚜👑

مهنه بنومتك يوليدي مهنه
دير الموت لمك وانه اشيلنه
تره فراكك صعب ما بيه احملنه

( خلصانه من ظيم الدنيه )

⚜👑⚜👑⚜👑⚜👑

من ابجي عليهم لاتلوموني
بلهم والمناحه احبابي خلوني
يمته بشوفته تتكحل عيوني

( تريد ارباها االوالي امه )

⚜👑⚜👑⚜👑⚜👑

رد لمك يبعد امك يبو الغيره
تدري ميسره ومصيبتي جبيره
الفاكدله حنين شلون تدبيره

( انغر ليها امك بلظيم )

⚜👑⚜👑⚜👑⚜👑

ياوسفه بغدر ولته عدوانه
من طاح وتكنطر من على حصانه
على فراك العزيز الروح خلصانه

( تاليها بلمظلم نايم )

⚜👑⚜👑⚜👑⚜👑

========================
الى شرف النبي واله الطاهرين النيه تعجيل الفرج
والى ارواح شهدائنا الابرار ورواح المؤمنين والمؤمنات
الفاتحه مع الصلوات
خادمة ال البيت وخادمتكم الحجيه ام علي بصره

لانجيز حذف اسم الحجيه ام علي من قصائدها غير مبرء للذمه


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيدة للقاسم"ع" مربوعة وثگيلة وبعدة اطوار

من دمع الجفن عجنيله الحنة
رايح للمناية ومايرد النة
❥❥ـــــــــــــ❁❂❁❂❁❂❁ـــــــــــــ❥❥
يگللهة ويهل مدمعة الجيدومة
جسامچ يرملة اتعنة للحومة
هناكة موتتة ويتحنة بدمومة
من العريس يمة گطعي الظنة
❥❥ـــــــــــــ❁❂❁❂❁❂❁ـــــــــــــ❥❥
گطعي ظنتچ خل تهمل الدمعة
وضمي ثوب عرسة هاللبس درعة
طب سوح المعارة ومالة كل رجعة
هيهات الولد سالم تشوفنة
❥❥ـــــــــــــ❁❂❁❂❁❂❁ـــــــــــــ❥❥
درع المعركة جسامچ اثيابة
تشوفينة ذبيح وبالدمة اخضابة
يهد الحيل ياجسام وامصابة
عالمحروم وني وعلي الونة
❥❥ـــــــــــــ❁❂❁❂❁❂❁ـــــــــــــ❥❥
علي ونتچ هليهن عيونچ
بالوحيّد يرملة من يفجعونچ
محزونة علة وليدچ يخلونچ
گلبچ يالحنينة ينحرم منة
❥❥ـــــــــــــ❁❂❁❂❁❂❁ـــــــــــــ❥❥
تنحرمين منة مايرد جسام
يظل مذبوح وابحر التراب اينام
جرحة بالگلب هيهات مايلتام
وسفة يالشباب ابعرسة متهنة
❥❥ـــــــــــــ❁❂❁❂❁❂❁ـــــــــــــ❥❥
*بقلم✍خادمة تراب الزهراء(ع) الكربلائية فاطمة علي صالح الحلفي*
*واسألكم الدعاء والفاتحة لروح جدي وامواتكم ودعواكم لي بالنجاح والموفقية*
*غير برئ الذمة امام الله والزهراء من يحذف الاسم والرابط*

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

فزاعية للقاسم(ع)
❥❥ـــــــــــــ❁❂❁❂❁❂❁ـــــــــــــ❥❥

مفجوعه رمله وتنتحب عالعريس عازوها

❥❥ـــــــــــــ❁❂❁❂❁❂❁ـــــــــــــ❥❥
عازوها بمصاب الولد
دلالها اعليه انمرد
جسام مايرجع بعد
من الولد حرموها
❥❥ـــــــــــــ❁❂❁❂❁❂❁ـــــــــــــ❥❥
حرموها من ظي النظر
خلو گلبها منكسر
واتصيح والمدمع يدر
روحي العدة فجعوها
❥❥ـــــــــــــ❁❂❁❂❁❂❁ـــــــــــــ❥❥
بيك العدة فجعوني
ظليت اون خلوني
راحت عليك عيوني
من دم تهل خلوها
❥❥ـــــــــــــ❁❂❁❂❁❂❁ـــــــــــــ❥❥
من دم اهلنة الدمع
واعليك گلبي منفجع
من شفتك بذاك الوضع
جثتك نبل ترسوها
❥❥ـــــــــــــ❁❂❁❂❁❂❁ـــــــــــــ❥❥
متوذرة يمة جثتك
وبدمة صارت حنتك
ماجرت مثل امصيبتك
ياشيعة لاتنسوها
❥❥ـــــــــــــ❁❂❁❂❁❂❁ـــــــــــــ❥❥
وين الذي يعازيني
ياشيعة ويواسيني
مصاب الولد ماذيني
وياه روحي اخذوها
❥❥ـــــــــــــ❁❂❁❂❁❂❁ـــــــــــــ❥❥
وياه راحت روحي
وماتشفه بعد جروحي
وهيهات ابطل نوحي
الفاگدة لتلوموها
❥❥ـــــــــــــ❁❂❁❂❁❂❁ـــــــــــــ❥❥
*بقلم✍خادمة تراب الزهراء(ع) الكربلائية فاطمة علي صالح الحلفي*
*واسألكم الدعاء والفاتحة لروح جدي وامواتكم ودعواكم لي بالنجاح والموفقية*
*غير برئ الذمة امام الله والزهراء من يحذف الاسم والرابط*


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

#فزاعي#للقاسم بن الحسن ع



مذبوح الولد

گومن یعماته


•••••••••••••••••

جابوه للخیم
ینگط راسه دم
جاسم ماسلم
گومن بالعجل وین المضیعاته

•••••••••••••••••

امه وعمته
شمرن حنته
جاسم زفته
صارت بالرمل موبین اخیاته
•••••••••••••••••

ماحنه الزلف
حناته النزف
یالخده ترف
اتراب المعرکه موجر ابوجناته
•••••••••••••••••

بیه عمه امتحن
بکل صفحه انطعن
ون لبن الحسن
شاله ونزلت اعله الشاب دمعاته

•••••••••••••••••

عمك یالولد
عد راسك گعد
شافك ونمرد
واتبچي الصخر بالهيمه وناته

•••••••••••••••••

رمله اتلگته
ابنها شبگته
گالت عمته
ریت بعمته صارن اصواباته

•••••••••••••••••

یالوجهك شمس
ومحلي اللبس
عرسك مو عرس
عریس الولد مگطوعه ادیاته

•••••••••••••••••


*تمت*


العمل مهدی الی روح وضریح #مولاتنا زینب ع


#ام علي رضا #الشريفي#الحسيني



الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

فـــــــزاعيـــــه أو مربــــــوعه
للقـــــاسم عـــــلـــيه الـــسلام

رمــله عــجنت الحـنه بالدموع
مالحكت تزفه وتعــلك اشــموع
💔💔
مـالحكت تزفه وتفـرح بزفـتـه
مـحد غسله ولاعزه ابــــفاتحـته
مـحنه بالدمه من امه شــافـته
يـانار المـعـرس حدر الاضـــلوع
💔💔
طفنه الشمع راس ابـني حــزوه
وعريس الطفوف اليوم ذبــحوه
ماشاف الفرح من عرسه حرموه
ضل اعله الثره والراس مكطوع
💔💔
ضل اعله الثره سابح من ادمـاه
عمه حــــسين شاله الأمـه وداه
وامه شافته وصاحت واويـــلاه
وكلب عمته العقيله بيه مفجوع
💔💔
صـارت حنته من ادماه عالـغبره
كلب رمله نكسر ماضن بعد يبره
ريتــج حاضره ياجـــدته الزهره
تبجين ويه امـــه من دمه دموع
💔💔
امه شــافته متـگطعه اوصـاله
رسومه مغــيره والضيم ياحــاله
اتــــمنه جنت يـبقا اكعــد بجاله
وبغـــيابك يـيمه كلبي مــشلوع
💔💔
جــمرات الــولد بالگلب ســعريه
جاسم ذبحته صـارت بـــضهريه
رمله ادموعهه اعله الولد مجريه
وكلـــبها عالولد يانــاس موجوع
💔💔
✍️العلويه ام علي الشرع

ترحمو على روح المرحوم والدي
قصائد محرم 2020


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747