مربعه للزهراء عليها السلام(( الوداعيه ))


أويه الزهراء هالليله الوداعيه
ومن كلمه اليمه أنحرمت أبنيه


من كلمه اليمه زينب أنحرمت
وياروح الوسيمه البلترب طمت
أوداع الحملت وأتفارك أوسلمت
وفيضتني فياض الدمعه فيضيه


الدمعه الواحده أفياض فيضتني
وشمعه والدي أوشمعتنه ودعتني
شتريد الزجيه اليوم صاحتني
وناديلي الحسن بكري أشبع بضيه


ناديلي الحسن عز روحي وجبيري
والضمئان أخوه أنفاسي وأزغيري
عاليسره ويمين أنتي بوسط صيري
وأمانتــــكم بـعد زينـب الحـوريه


أمانتكم بعد وأحموهه جوهرتي
ويه أخوانهه وأمئمنه أنه بنيتي
ييمه أعله الضلع ونج الجررتي
وصي شيعتي يلطمولي لطميه


أويه الزهراء هالليله توادعنه
وأحد وأعله وأحد من تباصرنه
لعيون الحنينه بس تطالعنه
وجاب حسين يامحسنهه طاريه


*تمت*
*بقلم✍شاعره آهل البيت عليهم السلام*
*العلويه أيه البياتيه // الملقبه ببضعه الزهراء*
*ديوان نسيم الأحزان الجزء الأول*
*مشكول الذمه بالعباس كلمن يغير اويتلاعب بالقصيده والأسم*


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيدة للزهراء ع طور خدام خدام




مكسور مكسور مكسور ضلعج فاطمه

والصابج ابسمار اعيونه بل عمه

مجتوف مجتوف مجتوف حماي الحمه

*****************


مكسوره هل أضلاع ضلت تنتحب
صابني البسمار ونابت بلكلب
شلون بت طه النبي او تنضرب
ثاري من سوط نذل تاه الدرب

يابوي يابوي يابوي من عندي فاضت الدمه

*****************


صاحت اه يابوي هضمتني العده
شوفني والصار والبيه اشسده
ولشوفتك يابوي هل متعوده
بويه كسر البلضلع لأ ماهده

والروح والروح والروح بويه مهدمه


*****************

والروح بويه تهدمت ماضل امل
يابوي مني اليوم قربان لاجل
يلنبي كسر الضلع سلاني سل
حيل مابيه نذل جرني بحبل

من سوط من سوط من سوط انه مالمه

*****************

بلسوط بويه وكعو مني الجنين
مابطلت ادموعي بس فني الونين
اهل بيتي موش يمي مرحلين
وين امي وين ابويه الحنين


لاضلوع لاضلوع لاضلوع كله مهشمه


*****************


لضلوع كله امهشمه ماضل ضلع
اليل مانمه ابد مساهره من الوجع
سهران لا ماغفه بعيوني الدمع
راح ابويه مني لا لا مارجع

لافراك لافراك لافراك مكدر احمله


*****************


*تمت *

بقلم خادمه اهل البيت ع
الشاعره ام كنان الهاشمي


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

نزله جنوبيه للزهراء ع

🥀🥀🥀🥀🥀🥀🥀🥀

كسر البلضلع مدري شسويله
كون الهدم حيلج ينهدم حيله


**************


كسر البلضلع ماطاب للتالي
بهذلني ييمه وبهذل احوالي
ماترحين ييمه مني حسبالي
من الكسر ضلعج اه ياويله


**************


كون الكسر ضلعج تنعمي عيونه
وطبيبه كون يمه ما يلاكونه
برض من نار يايمه يدفنونه
مانمتي يشفجه ليش هليله

**************

اريد احجي عليج وحيل مابيه
اصبحمن بعد ياشفجه صبحيه
حدهه وياج فليتي لافراكيه
اذا رحتي ييمه الولد شحجيله

***************


غرب ضعنج بليل وسره الحادي
عليج امكدره يالبه افادي
واشكال الكلب من طرو الوادي
ضل اخلافج الوالي اتجيله

**************

ضل اخلافج الكرار حزنان
تره مني الكلب يايمه خلصان
اذا عكبج ييمه انذبحو الوليان
بلطف ابنج اميه تشربيله

**************

*تمت *

بقلم خادمه اهل البيت ع
الشاعره ام كنان الهاشمي


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيده لسان حال الوالده على ابنها الشباب 😭





معجل يالولد. ناوي على الشيله

امك رادتك تابوته اشيله




وين تريد كلي يالولد يبني
يايومه ثجيل وحيل يضهدني
ماضنيت عني يروح ويذبني

ردته يشيلني وترابي يهيله




احا يالولد يالبت احشاي
ياريع الكلب ياكمر دنياي
منك موش مرجيه يرجواي

تخلي امك دمع عيناها اسيله





اصوابه مجيد والدم فايض عليه
اجاها الموت ابني وسبل ايديه
ريت انه بمجانه وهو اخليه

شافني من اجيت ودمعت عينيه




كتله روح يتلكاك الحسين
وعلي الأكبر واخو مكطع الجفين
ومايساك ابوهم ابو الحسين

يكل لزينب لجرحه دشديه



أهل البيت يايمه يحضرونك
يخيطون الجرح وعلي يصبرونك
ومن الحوض يوليدي يسكونك

ابوعلي يداوي جرحه بييده



تمت بقلمي✍ خادمة الحجه عج
الملا ام ساره ناصريه


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

لطميه للمحسن ع

للمحسن اهل العين واجريها
واذكر ونت الزهره ومأسيها
............
للمحسن يشيعه ابجو ابعبره
يالوعت مصابه ولوعت الزهره
شافت طاح ابنها وكالت اسم الله
من شافت دماء علت بواجيها
...........
للمحسن ننوح ونبجي لمصابه
وخليها العيون تسيل سجابه
واذكر من هوه المدلول بعتابه
اه يالباب الك حسراتي اوديها
..............
روح الزهره يمك طاح عالغبره
مصيوبه وتدير العين واتنظره
من لزمت ضلعها وجرت الحسره
بتك يالنبي شوف الجره عليها
............
يالمحسن يايمه مصابك افجعني
وبالوعه اصيح بصوت اه يبني
صاباك الدهر واصوابه صوبني
يريت العين عميه ولاشفت بيها
...............
نار الباب تسري والاشد نارك
يالماشفت دنيا يضل تذكارك
لمن يظهر القائم ياخذ بثارك
وثار الي مشت والشمر حاديها
............
✍ام زينب كربلاء
غير غير مبري الذمه من ياخذ الكلام

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

فزاعيه للزهراء عليها السلام(( آويلاه ))


آويلاه..........ضلعج قهرني فاطمه
آويلاه..........صوتج صدى لسابع سمه


آويلاه.........كوكبهه للأرض أنصدم
آويلاه.........ماي البحر يالونه دم
آويلاه.........وأنجوم دنيتنه أترجم
آويلاه.........أنشك الكمر يمكاسمه


آويلاه.........أم الأمه أستشهدت
آويلاه.........تنوي الكبر وأتوكلت
آويلاه.........لزغيره ماأستحملت
آويلاه.........عبالي نمت أوحالمه


آويلاه.........جفك علي بدمهه أنترس
آويلاه.........والحكهه يالراكب فرس
آويلاه.........اليوم فد عكره أونحس
آويلاه.........محترك باب العالمه


آويلاه.........بويه الحطب متسفطه
آويلاه.........والباب بالنار أنغطه
آويلاه.........أبو الحسن منج بطه
آويلاه.........عينها زركه أمورمه


آويلاه.........بالكوه تفتح عينهه
آويلاه.........يجدنه وين جنينهه
آويلاه.........مودعه وي حسينهه
آويلاه.........بكه الضلع يهطل دمه


*تمت*
*بقلم✍شاعره آهل البيت عليهم السلام*
*العلويه أيه البياتيه // الملقبه ببضعه الزهراء*
*ديوان نسيم الأحزان الجزء الأول*
*مشكول الذمه بالعباس كلمن يغير اويتلاعب بالقصيده والأسم*

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

فزاعيه

شباب الغربت حيدر تلكاها
ناشدها عليمن سالت ادماها

اريدك ياعلي بيدك تلاكيها
يمك تشتكي وانته التشكيها
صوب المكبره زفتها اهاليها
وامه بالديار اتنوح خلاها
.......
تدري بالولد ماينحمل يومه
تبجي الربته وعليه مندومه
هايه ياعلي الشبان محرومه
لاشافت ولافرحت بدنياها
.......
تلكه اولادنه يالكلك مروه
هاي امه تون اودت الشكوه
تكلك ياعلي فركه الولد بلوه
ربت والربه بدموع عيناها
........
تصيح ام الولد ياحامي دخيله
جم شاب عالصحنك دارو اليله
جم والدعله ابنه مدمعه ايسيله
وعندك ياعلي قدمت شكواها
..........
يندب ياعلي والدمع بعيونه
صد عينه عله امه من يدفنونه
يكول امي عليه حالها شلونه
فلست من ولدها وضايع ارباها
.......

✍أم زينب كربلاء غير مبري الذمه من ياخذ الكلام وينسبه له او يحذف الاسم


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

هوسات لشهداء عن لسان حال الام

اوليدي بالتعب والضيم ربيته
لمن يكبر اليوم بيوم عديته
بريعان العمر للموت زفيته

(شكالت روحي بهالساعه)

الله ايعين كلبج يوم ودعتيه
يمه دخيل ردلي يالولد صحتيه
كلب الوالده والفركتك مابيه

( اتفارك وجهك مابيها)


نكول ايصبرج الله يالفكدتي ضناج
عد حيدر علي يمه اشتكي بلواج
من راح الولد يالوالده وخلاج

(الموت اهون من افراكه )

اموت ابفركتك يوليدي اتمنيت
ياشمعه جنت والضاويه بالبيت
ضلام اصبحت دنيه امك بيوم امشيت

( العين اعمت شال ضواها)

اذاعيني تهل واتسيل دمعتها
جا ام الشهيد شلون حالتها
وهيه مكطعه يوصال جبدتها

(واتصيح امودع يوليدي )

✍ام زينب كربلاء غير مبري الذمه من ياخذ الكلام وينسبه له او يحذف الاسم

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

فزاعيه للسيده الزهراء عليها السلام

تعنينه لام حسين اجيناج تسمعينه
ونكله جبنه همومنه واليوم اجينه
ومن الهظمات ماضل حيل بين

الج ونه بدليلي ياام الحسين
عليج النوح وانتي لماتفشلين

ونات بكلبنه الج نون بيها
وهايم الحسن مولاتي اسمعيها
عليج النوح والصرخه نعليها
ويم حسين يلي لماتقصرين

حسافه فاطمه أبساع تمشين
خذوج بليل يايمه ترحلين
سطراج العين أبن الملاعين
يازوجت علي سيد الكونين

بساع بساع وسفه من تشيلين
حكنه عليج نبجي يم كلب الحنين
ظل أبنج يون والدمعه بالعين
وزينب ماهدت وانتي تدرين

وشلتي للكبرلاوين ماوين
بدمعات الحزن جينه معزين
ولاعدج صحن لاكبه يم حسين
يم الساده ياام الميامين

ظلت بالحزن زينب بالونين
اتكول امي الحنينه عافت احسين
شالت فاطمه مستعجله وين
يابت النبي وبت عروة الدين

خادمةالزهراء وسيده رقيه ع
ام زهراء الايجوزحذف الاسم

البيكي يازهراء

بضلع فاطمه بسطرة فاطمه بجنين فاطمه بعين فاطمه بنور فاطمه بدموع فاطمه بحزن فاطمه باابافاطمه بزوج فاطمه بذرية فاطمه بذبيح فاطمه بسبي زينب بذبح عبدالله رضيع بشوغة رقيه بمرض العليله بحزن ام البنين بعريس الطفوف بشباب لاكبر عجل فرج القائم المهدي عج يارب

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

فزاعيه للزهراء ع

________________

منصوب العزه هليوم
لجلج فاطمه الزهره

*****************


ننصب هلعزه اليوم
نعازي حيدر المضلوم
نبجي والدمع مسجوم
نواسي زينب الحره


****************


خلف الباب اذوهه
نار بدار شبوهه
ويلي زهره ضربوهه
كسر ضلع شيجبره


*****************

الكسر جبير مايجبر
وينك ياعلي دحضر
ضلع الزهره اتكسر
تبجي وبلكلب عبره


*****************

تون اليل ماتنامه
من ضلع محتامه
ضلعه زادت اورامه
وين النبي يحضره


*****************

يحله عزه المفجوعه
ندك وانبجي بلوعه
وحسين نداسن ضلوعه
كل مهضموم اتحضره


*****************

*تمت *

بقلم خادمه اهل البيت ع
الشاعره ام كنان الهاشمي


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

🏴قصيده فاتحه للشبان( وجهه أمسحنه )🏴


بعدولي الرمل خل وجهه أمسحنه
وأشوف الطين أگل عينه وأغسلنه


أشوف الطين أگل عينه أويعميها
ورمش أعيونهم تتلف معانيها
ترفه أخدودهم والخشن شك بيها
وأترسله الگبر بورود أترسنه


أشوف الطين واگع وأعله شاربهم
والحلوين يمه الگبر گمطهم
القمصان تبجي أوتبجي سترتهم
وضمانه الولد گالن ميلبسنه


ضمانه الولد گالن أبگنتوره
وقمصانه الجفن والماي كافوره
جهاز العرس بالرمل محضوره
والوساده حجر والحجر أذنه


الوساده حجر ويگسرن أرگبته
ومنازل حاره بالگاع خربته
موسوع الگبر وأحضانه ضمته
والوگت أنگظه وأنه أحسبنه


بعدولي الرمل من خده بعدولي
وگولولي جذب والمات ندهولي
غرفته فارغه وأهدومه جابولي
وتفل وأنگضت هاليوم خلصنه

ـــــــــــــــــ🧿ــــــــــــــــ

*تمتتتت*
*كتاب صرخه المقابر*
*صفحه (٩٩)*
*لشاعره آهل البيت عليهم السلام*
*العلويه أيه البياتيه الملقبه ببضعه الزهراء*
*مشكول الذمه كلمن يغير او يتلاعب*


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

فزاعيه للسيده للزهراء عليه السلام


خذاج الموت عنه وين ماوين
شلتي وكضيتي العمربالونين
وراج طلعوالحسن والحسين



خذاج الموت عني ابساع وابساع
ومنج جابعدني. ماشبعت اوداع


ويابت الرسل وسيدالكونين
وياام الحسن وياام الحسين
مانشفت دمعتج الي بالعين
شبعتي ظيم يايمه واوجاع


ضلعج يوجعج يايمه ماطاب
ودفاج العين وحيل عل الباب
وبلبسماريمه صدرج انعاب
مانندل مجانج كبرج اضاع


يمج بس علي لايمج احباب
خذاه الموت ابوج وجوه الاتراب
يسطرونج يازهراء وبيج اصواب
يابت الرسل وحلوه الاطباع


سطراج العين وسطرةالبين
شلتي من وكت يايمه جاوين
خذاج ابليل من عدنه ابوحسين
ياحلوه وحنينه وظمتج كاع


خادمة الزهراء والسيده رقيه ع
ام زهراء لأيجوز حذف الاسم

اسم الكتاب
لبيكي يازهراء


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيدة استشهاد الزهراء ع
لسان مولاتي وهي تحاور والدها عليهم أفضل الصلاة والسلام.


اشمك ويه الأنفاس
يجنه معطره بياس
يبويه الشوفتك مشتاكَه عيني

ءءءءء

تعال وشوف كلبي امن الحزن ذايب
اون بهداي بويه والبخت غايب
على بيت الزجيه صبت امصايب
المحسن والضلع ظل جرحه ماطايب


تچيلة أعليه الجروح
تركت كليبي مذبوح.
بچت جن وانس من كد ونيني
يبويه الشوفتك مشتاگه عيني

ءءءءء

اوجهلك كلامي ألبي الف حسره
تعال ادفني بويه موش انه الزهرهَ
يئلمني الضلع من شدة العصره
ثگل جرحي يبويه اومااله جبره

مصابي هدم الحيل
بچيت انهاري وي ليل
اظل مناطره بلچن تجيني
يبويه الشوفتك مشتاكه عيني

ءءءء

يبويه المحسن ابابه نحفر گبره
على عيونه ذبل طوگ الهجر صبره
دمع عيني ابد ماجف آله يجره
تعال اوشوف بيه بانت الكسره


عشت بالغربه وحدي
الدمع جرحلي خدي
شحلات الملگه وتضوي سنيني
يبويه الشوفتك مشتاكه عيني


ءءءءء

شريد احچي واجاوب من يسألوني
حرت بين السوالف ينخطف لوني
ابد ما همني بوية سطرت عيوني
لهدل متني علي من يسال شلوني

الألم ذبلي احشاي.
المصايب عاشت وياي.
بجفن عيني نرسم شوگي وحنيني.
يبويه الشوفتك مشتاگه عيني

ءءءءءءءءءء

عالفرگه يابوية تدري مااگدر
گلبي من الحزن ياهيبتي تفطر.
بين الباب والحايط صحت حيدر
بعيوني رسم كسر الضلع منحر.

اشحلات الموته وياك
مشتاگه اعله ملگاك
نزل جبريل وبهمي يواسيني
يبويه الشوفتك مشتاكه عيني

===

هناء الدراجي
========================
الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيده بحق السيده الزهراء ع 😭طور (يخيمات)


حسافات ضلعج ينكسر يمه حسافات
وأنه بعيني تضل مجموعه دمعات
بعدني زغيره مااحمل الهضمااات



بعدج زغيره يم حسن ونويتي عنه تمشين
مانحمل اغيابج ترى فدوه ييمه تضليين
لو رحتي منهو يضل الي وأنه زغيره تدرين
صعبه عليه غيبتج وهذي سفرتج تبطين


حرامات عنه روحتج يمه حرامات
تخلينه يتامه ونجر حسرات
نضل طول العمر ننعى الحنينات

**************
يايمه صعبه فركتج ونون عليج بهل الدار
نبجي عليج انه وحسن وحسين وحده ومحتار
راح الحجرتج ينتحب ومنه الدمع ضل نثار
فدوه تعالي وعايني شصاير بحال الازغار


مصيبات يومج فاجعه يمه ومصيبات
حجاياتج بقن عل كلب حلوات
رجعي يم حسن يم المروات

****************


اتمنى لو ترجع إلي وغفها بحضنها الدافي
يوم الي تركتني ومشت تغيرت كل اوصافي
شوصفها محتاره انه منبعها طيب وصافي
ياما اسهرت ياما اتعبت من عدها ابد منوافي


غريبه اضلن من عكب شخصج غريبه
يوجعني الكلب وايس طبيبه
ماترحم بحالي هالمصيبه

***********


ماصح دوه الهل مرض يشافي الحنينه امي
ضلت عليله وناحله تصيح وتون يضلعي
افكدها ماضنيت ابد وفركه والم يسهمي
شفجه وعزيزه فاركت ودموع عيني تهمي

حريمه افكدنه حنانج ياهضيمه
مابطل العزه عكبج لجيمه
يريت وياج وافتني المنيه


تمت بقلمي✍ خادمة الحجه عج ام ساره ناصريه


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

هوسات للسيده الزهراء عليها السلام



يمه يشلتي عنه وين تردين
وبياصوب وامنيه انتي تمشين
بعدنه ازعار وانتي عنه ترحلين

(بعدنه ازغاريمه لاتشيلين)

يل كلج حنان ومنبع نخوه
بعداخلافج والاغيرج نهوه
وايصيح وراج احسين هوه

(لاتعوفيني يايمه ارجوج)


ركضنه وراج وصحنه ابصوت
يجنازه بله اعليك عطل تابوت
هاي امنه العزيزه اشلون اتموت


(وخلافج يمه ظلينه )


صرنه ودعاتج يمه حزينات
ومن يوم رحلتي صاحبنه الدمعات
وظلت ابكلوبنه مسفطه الهظمات

(هظمتيني من يوم اشلتي)


دفعاج لعين وحيل علباب
وظلعج ظل طول العمرمااطاب
والعدو فزع عليج نهاب

(ماهابوني يابويه اتصيح )


ماهابوابنتك من غمضت عينك
اودرت وجهي وصحت وينك
اليوم والوني باجراحسينك


(المهظومه اتون وتنادي)


خادمة الزهراء والسيده رقيه ع
ام زهراء لأيجوز حذف الاسم

اسم الكتاب
لبيكي يازهراء


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

نعي لزهراء ع

يوم الحبايب هدم الحيل
خلاني اون مانايمه اليل
اذكر الزهره ودمعتي اتسيل
............

من حملت عنج يزينب
اشكلتي يوم الضعن غرب
زغيرونه وافادج تصوب
..........
شالت وشيلتها بطيه
شلون لوعنت عليه
واذكر حجاياها المريه
.........
حبيبات يامحله سمرهن
شكول ياكلبي الفكدهن
عزيزات مالي افراك منهن
...........
يوم الرحل ضعن العزيزات
عيني جرت واجذبت الونات
جتال يايوم الحنينات
.........
جتال يومج يالحنينه
ابنج بجه ودمعته بعينه
يالوالده نشدي علينه
.........
نكطع الضنه لوتنشدين
يم المحنه لاتكطعين
بيني علينه موش تبطين
..........
بعازتج مري عله الدار
خالي النزل واولادج ازغار
مرينه وكت العصر صار
.........
مرينه وانشوف ملكاج
عنت عليه كعدتي وياج
ومشتاكه عله الملكه وحجاياج

......


✍ام زينب كربلاء غير مبري الذمه من ياخذ الكلام وينسبه له او يحذف الاسم


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

فزاعيه للزهراء ع


****************

كولي اليوجعج بهداي
يازهره **** فجعتيني

****************


كولي شيوجعج ياامي
مو زاد وكثر هضمي
يمه عليج كل همي
بونينج مو كتلتيني


*****************

احا يم الحسن وحسين
وسفه اتغمضين العين
منج طيحو لاجنين
يازهره هضمتيني


****************

يمه انهضم دلالي
اصيحن اه ياحالي
عكبج ذبحو الوالي
رحتي يمه تركتيني

*****************

شلتي بليل يايمه
دنيه خلافج ضلمه
غمتني الف غمه
ماكلتي او عفتيني

*****************

عفتيني ومشيتي بليل
منج يمه امهدم الحيل
كسرو ضلعج اه ياويل
عليج انعمت هم عيني


*****************

*تمت *

بقلم خادمه اهل البيت ع
الشاعره ام كنان الهاشمي


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيدة *[ #يا_أم_الحُسين ]*
توسل بالصديقة #فاطمة_الزهراء عليها السلام، 1439 هـ
______________

المستهل/

يافاطِمة ،يافاطِمة ،يافاطِمة يا أم الحُسين

1 /

يمّه يازهرا يَبضعة ، روح سيْد المرسلين
قصص عندي واردن اشكي ، لچ على جور السنين
وقبل ما ابدي يَزهرا ، إلچ مني يمّه عين
انتي مو سِطروا عيونچ ، آه يا أم الحُسين

ابوجهچ دِمه ، ابوجهچ دِمه ، ابوجهچ دِمه يا أم الحُسين


2 /

أول احچايه ابتديها ، يمّه وينه المُنتظر ؟
صار إلي مُدّه اناظر ، عالدرب ماكو أثر
هاي أرضنا بينا ضاقت ، اُو هاي مخنوق الصدر
كلمن ايصيح ابهمومه ، اُو كلمن ابهمه ايعثر

دمعي هِمه ، دمعي هِمه ، دمعي هِمه يا أم الحُسين


3 /

يمّه أمر الـما أشيله ، اُو لا يشيله اي أحد
فقد العزاز الغوالي ، الـما يعوضهم أحد
يروحوا سرعه اُو يتركونا ، وللجَرِح ماكو كَمد
حيل صعبه امفارقتهم ، اي قسم والله الأحد

الغالي افقده ، الغالي افقده ، الغالي افقده يا أم الحُسين


4 /

يمّه أعمالي قليله ، والذنوب اشقد چثير
آنه طمعان ابرحمتچ ، اقبلي العبد الحقير
إلهسه آنه ماني تايب ، والعمر أدري قصير
مُفترض ما ألفظ أسمه ، المهدي لو عندي ضمير

شقد آلِمه ، شقد آلِمه ، شقد آلِمه يا أم الحُسين


5 /

اشتكيلچ نفسي يمّه ، اُو عن وضع روحي اُبين
وألتجيلچ من شَهُوتي ، وانتي كهف الاجئين
استنقديني من شروري ، اُو مدي لي كلتا اليدين
ابصافي النيّه اريدن ، أخدم وأبچي الحُسين

لا ألچمه ، لا ألچمه ، لا ألچمه يا أم الحُسين


6 /

كلها قبرچ ودها توصل ، اُو هسه تو استوعبيت
انتي قرآن الله ياهو ، طاهر اُو يمچ يبيت ؟
ارتجيچ ابقبري يمّه ، اُو من اصيرن بيه شتيت
تحضريلي وتشفعيلي ، لون بالنار ارتميت

بالغاشِيه ، بالغاشِيه ، بالغاشِيه يا أمُ الحُسين .

_______________

بِـ قلم /خادمة وليِّ النعمة ( قصائد وليِّ النعمة )


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

فزاعيه لزهراء ع

ماانسه مصاب الشالت بليل
اعازي ام الحزن والمدمع ايسل
اسمعها تصيح يمه وين الارحيل
يومج صوباني ونزل الحيل

نزلة الفزاعيه

هد الحيل يايوم الزجيه
اركض والضعن مبعد عليه

تبعيت الضعن واركض وراها
اثاري الموت عني امي خذاها
هاي الوالده وماكو جداها
صحت يلوالده ريضي شويه
................
يمه تريضيلي خن احاجيج
شنهي العاجلج مالحكت بيج
رحتي محسره والضلع ماذيج
يمه منين اجت ليج المنيه
...............
المنيه اشلون عنج فركتنه
من ارباج رحتي وماشبعنه
بعد بالدار مايلتم شملنه
وتضل دموعنه الفكدج جريه
..................
بعدماتنشف الدمعه من العيون
وحسين وحسن لجلج يونون
يذكرونج يزهره ومايسكتون
شلتي ونارهم ضلت سريه

.................

يالشلتي ومشيتي بتالي اليل
طويله سفرتج وتنزل الحيل
هنا يالشايل امي تريض دخيل
حط الوالده ونكعد سويه
...............

✍أم زينب كربلاء

غير مبري الذمه من ياخذ الكلام وينسبه له او يحذف الاسم


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ابوذيات_لاستشهادالصديقهالطاهره



حنين النوكَ هل حنت لونه
النوايب كون عد غيرج لونه
عليج انصبت مصايب لونه
زلازل وانجفت فوكَ الوطيه



عله الزهره اصيحن اه بعداه
وفراكَ التحبه كَلف ..بعداه.
احيرن بيج لو بالحرب بعداه
مصابج والعده التمو عليه



مسدس حقدك مخزن ..ولك ثار
كتلت المحسن بعصره…ولك ثار
وكسرت ظلوع من عندي.. والا كثار
نبت بسماركم بضلوع الزجيه
**

#مولاتﮰ زينب (ام باقر الشويلي)
❌لا اجيز حذف الاسم او تغييره❌

الشاعره مولاتﮰ زينب
اكتب ياقلم وسطر حروفك
وعن معركة الطف سجل حضورك

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747