#محرم1440هـ_2018م
#العلويـــﮫ_الموســويــﮫ
#لسان حال السيدة زينب عند المسير الى الشام


ايــد بأيد شدونــه بل الحبال
يخويه والدمع ع الوجنه همال

صحت بصوت وينك يبو فاضل
يالمــاتــرد سائل ها يكــافل
ايد بأيد شدونه بل الحبال

*****************

ناديت بحزن والدمعه بالعين وينك اه ياغالي
تعال وشوف خيتك بعد فركاك عذبوها يوالي
انادي بالحزن عباس يحسين بس محد اجالي
يضربني الشمر لمن اناديك حال التعب حالي

صحت بصوت وينك يبو فاضل
يالمــاترد سائل ها يــكافل
ايد بأيــد شدونه بل الحبال

****************

صعدنه انه وخواتك والبنيات عل النوك الهزيله
لاجن مابطل حزني والنياح والمدمع اسيله
المن انه بأيتام المطــاعين وي رمله وليله
والسجاد بيده الكيد مضهود وهالزايد عويله

صحت بصوت وينك يبو فاضل
يالمــاترد سائل ها يكــافل
ايد بأيــد شدونه بالحبال

*******************

مشيت ميسره بالغصب عنكم وبكلبي عذابي
حدو بينه الغرب خويه يعباس فاجعني مصابي
فجعني دهري بيكم اه يالاحنان وبصوتي انتحابي
امشي وروسكم تبرالي بالعين وانحب لأغترابي

صحت بصوت وينك يبو فاضل
يالمــاترد سائل ها يكــافل
ايد بأيــد شدونه بل الحبال

****************

ورقيه تاهت بنص البوادي وضاع الحيل مني
تمنيت العمر يخلص ولااعيش مصايبكم عمني
عذبني بنات حسين بالنوح وبونهن ألمني
يعمه راح ابونه وعمنه عباس وعنكم ناشدني

صحت بصوت وينك يبو فاضل
يالمــاترد سائل ها يكــافل
ايد بأيــد شدونه بل الحبال

*****************

شما احجي يخويه مااوصف الجره والصار بيه
عاشرت الحزن والاه والنوح والدمعه جريه
عشت بقهر واحزان ومصايب ثجيله هالرزيه
امشي ميسره خويه يكفال لارض ابن الدعيه

صحت بصوت وينك يبو فاضل
يالمــاترد سائل ها يكــافل
ايد بأيــد شدونه بل الحبال

*****************

تمت بحمد الله
29/9/2018
✍🏻آلــــّ؏ــلّويِـــــه آلّمٌوسويِــــۿ
❌لاإجيــز حذف الأسم❌

https://tttttt.me/joinchat/AAAAAELdvGssZMurwfLsJA