*هوسات لمسلم (عليه السلام)*
*من ديوان📚عبرات وأنين في رثاء الطاهرين ج٢*
❥━──➸➽❥❂❥━──➸➽❥❂
مسلم بالحفيره شمرته الكفار
مايدرون بيه اهله اشسده وشصار
بالكوفه وحيد ومااله انصار
*((وين اهله اليوم//يحضرونه))*
❥━──➸➽❥❂❥━──➸➽❥❂
وين اهله وعمامه خل يحضرونه
ليش من القصر عالي يشمرونه
الله يساعدچ زينب يمحزونه
*((ونعاون زينب//بمصابه))*
❥━──➸➽❥❂❥━──➸➽❥❂
لمصابه نون ونعازي الحره
عله ابن عمها تنوح وتجذب الحسره
علم مسلم وصلها وسچبت العبره
*((واتگل لحسين//انهد حيلي))*
❥━──➸➽❥❂❥━──➸➽❥❂
انهد حيل العقيله يوم سمعت بيه
غدرت بي الكوفه ومن قصر راميه
وين اهله وعمامه ينشدون عليه
*((چاوين اعمامه// يشيلونه))*
❥━──➸➽❥❂❥━──➸➽❥❂
ظلت جثته بالگاع ممدوده
وچبده من العطش ياويلي ممروده
يالنال الشهاده بقوته وزوده
*((لحسين الروح//امضحيها))*
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

من ديوان(( دماء الغاضريه)) 🔥الجزء الأول

لطميه فزاعي سريع
~~~~

اجينه بليلة العباس... لام طاهر نعزيها
طاح عله الشريعه ومادره بيها

❥━➸➽❥💔❥━➸➽❥💔

نعزي الفكدت الخوه
أخوها الخوته حلوه
بنار فراگه تتچوه
تنحب بت علي والضيم عاليها

❥━➸➽❥💔❥━➸➽❥💔

ويلي عليج هليله
لحسينچ تتجيله
شفتي مات كل حيله
هدي خيمتج مايرجع عليها

❥━➸➽❥💔❥━➸➽❥💔

گطعي لامل والرجوه
راح لبيه المروه
اخوج اليسمع النخوه
يمج مايرد العين أعميها

❥━➸➽❥💔❥━➸➽❥💔

تعمي العين للخوان
وخصوص لگمر عدنان
گلب أم الحزن حيران
بلوه البين عالوليان باليها

❥─➸➽❥💔❥━➸➽❥💔

ونت بت علي بسكته
خويه حسين حيرته
من يسمع تون اخته
مايحمل دمعها يلوج واليها

❥➸➽❥💔❥━─➸➽❥💔

كلنه بالونين اليوم
نواسي حسينه المظلوم
ظهره للاخوه مجسوم
يدري يطيح واخته لگوم تسبيها
❥➸➽❥💔❥━─➸➽❥💔

*لخادمة الأمام الحسين 《ع》*
*الشاعرة العلويه ✍ أم علي الموسوي
*غير مبري الذمه من يحذف الاسم أو ينسبها له

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نعي مجرد لمسلم بن عقيل (عليه السلام)

لا يمه هله ولا يمه خوان
غريب وصفى بالكوفه حيران
وكلها امسدده بوجهه البيبان

•———•———•———•
ولا واحد يحن اعله حاله
مشدوه مسلم حيل باله
على حسين ابو اليمه و عياله
•———•———•———•
مسلم يويلي امگيدينه
لصوب الغواضر تربي عينه
خايف على ظعن ابو سكينه
•———•———•———•
حاله كسير وذبل لونه
ومن الحزن غايره عيونه
من قصر عالي و يشمرونه
•———•———•———•
من فوگ القصر مولاي طايح
ولا من وراه ناعي و صايح
ودمه علكاع اليوم سايح
•———•———•———•

بقلم خادمات العليلة وأبيها
-ضحى سالم
-زينب الفياض

#حصرياً
#مسلم_بن_عقيل
#زينب_الفياض
#عاشوراء

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعية لمسلم بن عقيل عليه السلام ( اليوم اعضاك )


اليوم اهل الشيم ذبوا عمايمهم
وبنص الدرب نصبوا امخيمهم
مناگيب ويهوسون اعله ابن عمهم
كلهم مرجله وماينوخذ دمهم

( النزلة )

اليوم اعضاك ... يامسلم يهوسون
ثارك ناخذه امربع يگولون
( والثار امربع يردونه )


ولد عمك زلم واربات ميدان
ابو فاضل زعل وحسين غضبان
وين تشيل من عدهم العدوان
عالعدوان گالوا نگلب الگون
( والكون اليوم يگلبونه )


نهز الكون ونزلزل الكوفه
گالوا ثار مسلم مانعوفه
عباس البطل سرفن اچفوفه
وبالبيرغ تحزم ماگعد عون
( وامحزم ماحل احزامه )


امحزم بالعلم ماگدر يگعد
جعفر شاد حيله وعون يرعد
عباس البطل كلساع ويهد
امدخنه الروس عالدم مايسكتون
( واتدخن روس اهل الغيره )


اتدخن روسهم وعيونهم نار
كل نشمي اليصيح الثار والثار
هسه انروح ونگاوم الكفار
بالعطوه النشامه مايقبلون
( والعطوه اخوانك رفضوها )


ماينطون لبن ازياد عطوه
كلمن شال سيفه وفلك سوه
ذوله اهل الشيم واصحاب نخوه
ماواحد يكضهم من يصولون
( واسباع الهم صوله وجوله )


فنه اليوگف بوجه الحياده
اخوتك بالسمه وبالارض قاده
ومنذورين كلهم للشهاده
تعال وشوف بالطف شيسوون
( والطف يحچيلك والحومه )


تعال وشوفهم بالغاضريه
كل واحد يگول الحومه اليه
اسباع ومايهابون المنيه
وبرگاب الزلم ضلوا يحصدون
( حلفوا عالجيش يخلصونه )



✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#نوحية للقاسم (ع)


لسان حال رمله للقاسم ع(جلوه او ثقيله)


لـون حنه لو دمـــه بجـفوفه
رمله طلعت علولد ملـهـوفـه
كعدته وماكـعـد.. تكله يمه يلولد
فــــدوه يمــــه / فـــــدوه يـمـــه



هايه حنه لو دمه من اعيونه
وين اكــو عريس مـــيزفونه
وعرسه بين اموات ايسوونه
ومن ذراري الــكاع ايجفنونه

كعدته وماكعد .. تكله يمه يلولد
فــــدوه يمـــه // فــــــدوه يمـــه

❛ ━━━━━━･❪ ❁ ❫ ･━━━━━━ ❜

هذا ياعريس عرسه موتــته
مو ملابس بس جفن يابدلته
ركضت امه وبلــعبـايه لمــتـه
لان صارت بس وذر ياجثــته

كعدته وماكعد .. تكله يمه يلولد
فــدوه يمــــه // فــدوه يـــمـــه

❛ ━━━━━━･❪ ❁ ❫ ･━━━━━━ ❜

تندهه امه والدمع يتجاره
من الحزن والفاجعه محتاره
بيها جمره امن الزمن فواره
اه يجاسم جمـرته ويا نـاره

كعدته وماكعد .. تكله يمه يلولد
فــدوه يمــــه / فدوه يـــمـــه

❛ ━━━━━━･❪ ❁ ❫ ･━━━━━━ ❜

هايه رمله والدمع بعيونها
وبلــــولد النــاس ايعـازونها
وكل سنه بعاشور ايذكرونها
وشمعة العـريس ايعلكـونها

كعدته وماكعد .. تكله يمه يلولد
فــدوه يمــــه / فدوه يـــمـــه

❛ ━━━━━━･❪ ❁ ❫ ･━━━━━━ ❜

بيوم ثامن زفته واشموعه
الفاكد الشبان تجري ادموعه
من ونينه ينعرف موضوعـه
ميت ابنه وضاك هاي اللوعه

كعدته وماكعد .. تكله يمه يلولد
فــدوه يمــــه / فدوه يـــمـــه

❛ ━━━━━━･❪ ❁ ❫ ･━━━━━━ ❜

تمت
✍ #بقلم الشاعرة زينب المالكي

من #ديوان سلاطين الحومة الجزء الرابع
الخاص للشباب

غير مبري الذمه لكل من يحذف الاسم من القصيده ويتلاعب بها

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة يوم عاشر

⊱━━━━⊰✾⊱━━━━⊰

على نوگ الهزل ركبت العلويه

لخوتهه تون والدمعه مجريه

⊱━━━━⊰✾⊱━━━━⊰

ركبت علهزل وتون على خوتهه

ونين الفاگده الصخره يفتتهه

مصايبهه شكثر كربله وحملتهه

واصعبهن يسيره عد بني ميه

⊱━━━━⊰✾⊱━━━━⊰

على نوگ الهزل ونت لهاليهه

والدمعه دمه لحسين تجريهه

غريبه وحايرة والشمر سابيهه

غريبه وحايره زينب ومسبيه

⊱━━━━⊰✾⊱━━━━⊰

تجريه الدمع والروح خلصانه

گاضيهه وليهه الضال بمچانه

نايم علوجه وموذره ابدانه

بذاريهه الترابه وشمس ضهريه

⊱━━━━⊰✾⊱━━━━⊰

نايم عل ترابه محد يشيله

ولايمه ذره ولحد يفييله

حگهه لوتون زينب وتبجيله

عطشان نذبح ماضاك الميه

⊱━━━━⊰✾⊱━━━━⊰

عطشان نذبح وتوسد ترابه

منه سلبو العمامه وثيابه

بجت زينب عليه بدمعه سجابه

دمعهه لانشف لابطل شويه

⊱━━━━⊰✾⊱━━━━⊰

مايبطل دمعهه ولا بواجيهه

للمگطوع نحره وجثته موذريهه

عميه عيونهه ماضل نضر بيهه

وبنص الدليل سهام مرميه

⊱━━━━⊰✾⊱━━━━⊰

✍#
تــمت بعــون اللــہ
تعالى بقلمي المتواضع خادمة
اهل البيت ام صادق ونسالكم
الدعاء❌غیرمبری الذمه الیحذف الاسم او یغیره❌

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#من_ديوان_قربان_الطف_ج٥
فزاعيه بهوسات لاولاد مسلم وتقرأ بالحان اخرى
❥━──➸➽❥❂❥━──➸➽❥❂
ياذباح .. شيل السيف عنهم 
وشمسوين ويلادي اشذنبهم
❥━──➸➽❥❂❥━──➸➽❥❂
شيل السيف من ايدك يملعون
اولادي ازغار لوعه ما يحملون
بالوديان يبچون ويرگضون
بالهيمه ولزمت الدرب الهم
(ايتام وما عدهم والي)
❥━──➸➽❥❂❥━──➸➽❥❂
گطعت الدرب يالظالم عليهم
ماهزك عمرهم لا بچيهم
ليش بسجن مظلم توديهم
ما فكرت ويلي بحالة امهم
(مهظومه تدور بالهيمه)
❥━──➸➽❥❂❥━──➸➽❥❂
مهظومه عليهم ما الها حيل
يظالم عوفهم هل چلچل الليل
تنادي كون احطهم وسط الدليل
لا تحرمني يا ذباح منهم
(اتروح الروح اويه اولادي)
❥━──➸➽❥❂❥━──➸➽❥❂
ظلمه الليل ويخافون الاولاد
واعليهم دليلي لحضه ماهاد
حلوين المعاني عني ابعاد
صار هواي انه مفارگتهم
(يايمة اصرخ بس ردولي)
❥━──➸➽❥❂❥━──➸➽❥❂
منكم ايست واگطعت ظني
ما يبطل بعدكم يمه حزني
ريت الي ذبحكم هم ذبحني
تفت حتى الصخر ساعة ذبحهم
(خلولي اصواب ابدلالي)
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*(( قصيدة لدخول الى كربلاء ))*


طبت ضعون النشامه لكربله
ابوفاضل بيده يحدي القافله

*📝📝*
طبو اليله سوه عله لحومه
صاح ابوفاضل الحلوه علومه
اخلي العدوان بلطف نومه
يومهم ماخلي يوم يماثله
*📝📝*

بزود طبوو هله بزلم النيبه
ولد حيدر علي كلهم هيبه
والنهر يمج سكينه نجيبه
نروي ماي العلكمي للعايله
*📝📝*

للحرب طبو اولادك ياعلي
كلهم يكولون الحومه الي
وليصل لطراف زينب يبتلي
هاي زينب بت علي مدلله
*📝📝*

طبو اسباع الهواشم للحرب
مثل بيهم بلشجاعه ينضرب
منهم الحومه تعج وتنكلب
ونعم بيهم يزلم المرجله
*📝📝*

ابوفاضل سل عليهم سيفه
سيفي يحكم كال خله بكيفه
من اميه اليله ياخد حيفه
ابن حيدر والحرب تشهد اله
*📝📝*

ونعم منهم سباع الساده
عدهم اشبال التعادل قاده
سبع واحدهم ومثل اجداده
منهم العدوان تشرد بلفله
*📝📝*

*(( كلمات ام عون الحلاويه ))*


اطلب منكم تندعولي ان الزهراء تقبل خدمتي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#فزاعية جنوبية🔥 لأولاد مسلم (ع)





وينه الهاشمي  / دزوله برقيه
اولاده مـذبحه وبلنهر مرمـيه



وينه اليوم خل يلحك الويلاده
اطفاله مذبحه والكوم كصاده
حسافه اعلنهر امدده الســاده
(ومارحمو بيها // اولادك مسلم)



اولادك ياسبع علكاع مرميه
وبتك صارخه كعدو يفاعيه
اتريد ازلام والدمعات مجريه
(اكعد بويه اكعد / جتنه العياله )



اكعد يبو طاهر عوفها النـومه
وتنادي الابنيه اليوم مهضومه
وحيده وضاله تنحب ابهلحومه
(عـالـوا بـيــها / ياسبع انهض)



عالوا والعـده اتريـد عـيـالـه
وجا وين الجنت امدلله ابجاله
تعال الكربلـه وعـاين الحالــه
(تون ابنيتك / يبن الوهامــه )


ياونت حميده الضاله اوحيده
تلطم علصدر واليها واتريده
اخلافك ناحله وساكنه البيده
(ومهضـومه // ضلت للـدوم )




تمت بعون الله

✍الشاعرة زينب المالكي

#من_ديوان_سلاطين_الحومة_الجزء_الثالث_


غير مبري الذمة لكل من يتلاعب بلقصايدة والكلمات ويحذف اسم الشاعره

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

جنوبيه للشباب ((اسمك يعريس)) 💥
اهداء للامام القاسم عليه السلام 💔

كتبوه عالكبر .... اسمك يعريس
تره مصابك بروحي كاعد يجيس
❥❥❥ـــــــــــ✿🪶✿ــــــــــــ❥❥❥
خطو عالكبر اسمك ودفنوك
اسم اعليك گالو من يغسلوك
من روحي شرگ يايمه شرگوك

((نص روحي // مدفونه بكاع))
❥❥❥ـــــــــــ✿🪶✿ــــــــــــ❥❥❥
يانص روحي أنته ياضوه العين
يفتحة عيني اوكل العزيزين
طگ گلبي وعماني بطگتة البين

((من يوم المات//ابني وروحي))
❥❥❥ـــــــــــ✿🪶✿ــــــــــــ❥❥❥
شلي اني بحياتي وابني بلحود
ترفات وعله التربان الخدود
بخبر موتك دليلي مرد ممرد

((يالما تدري// شصار بحالي ))
❥❥❥ـــــــــــ✿🪶✿ــــــــــــ❥❥❥
يا صايب دليلي وساكن اتراب
مسية الظيم لامك يمه يا شاب
عفت حضني وگطعته مني الهاب

(( يالخانگ ريتي // ودلالي ))
❥❥❥ـــــــــــ✿🪶✿ــــــــــــ❥❥❥
جيت اعلى الگبر گدرت الهدوم
الكاشخ للمناية العشگت ارسوم
الحبك حيل بعدك حيل مهضوم

(( خليت الظيم //اعله احوالي))
❥❥❥ـــــــــــ✿🪶✿ــــــــــــ❥❥❥
#بأقلام خادمات الحُسين (ع)
رسل الابراهيمي - وهاجر الزينبية
لا اجيز الحذف او التلاعب بالكلام

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

https://vt.tiktok.com/ZSkmUqrAQ/
اليل و الوادم لفتني و شتگول بهايه
يلجبـتـني و مـا گـلـت نـوم المسانيه

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الطميه_بديوان_منابر_النور_الجزء_٨_.


لطميه للحسين عليه السلام


اضنكم يا هلي امطولين بلنومه
اختكم غربت يحسين مهضومه
❥━──➸➽❥💔❥━──➸➽❥💔
اختكم غربت محد كعد ليهه
ما تدري ابهضم زينب يواليهه
يحسين العزيزه منو امبجيهه
( اشهلنومه يرجال الزود )
❥━──➸➽❥💔❥━──➸➽❥💔
اختكم غربت ودموعهه ابخدهه
مابين العده عفتوهه وحدهه
اكعدو ابعجل ردوهه البلد جدهه
( المهظومه ظلت وحدهه )
❥━──➸➽❥💔❥━──➸➽❥💔
يرجال الكرم يرجال الاهيابه
اختكم غربت والدمعه سجابه
ينزف دم جرح كلبي عله احبابه
( خلوني بلهيمه ونامو )
❥━──➸➽❥💔❥━──➸➽❥💔
اضنكم يا هلي نومتكم اطويله
حملي اثكيل يهلي وما الي حيله
لو طاح الحمل جا منهو الايشيله
( المحزونه ونت هليوم )
❥━──➸➽❥💔❥━──➸➽❥💔
نومتكم طويله وشلت احوالي
تيهتو عرضكم والعرض غالي
نسوان ويتامه انظل بلا والي
( اعله الوالي تون الروح )
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أميره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة للعليلة ع {واحد من هلي} كاني بالعليلة ع رأت اخاها علي الاكبر ع ف المنام اتئ بعطر والدها الحسين ع  كاني بها تقول ....


الليلة واحد من هلي
جاي بحــــلامي الي
عطر جايب من ابوي
گال خويــه انه علي

يالعليلة * يالعليلة
❥❥❥❥ـــــــــــــ❁❁ـــــــــــــ❥❥❥
الليلة واحد من هلي سير عليه
عطر من الغالي هالجابه اليه
ويلي من شميته رد النفس بيه
ردت وانه اشتمه تلفيني المنيه

غالي كلش عطر ابوي ** والمصيبة الجابه اخوي

يالعليلة * يالعليلة
❥❥❥❥ـــــــــــــ❁❁ـــــــــــــ❥❥❥
غالي كلش عطره والجاباه غالي
بس هظيمه لكربله امحمل دلالي
راسي بوجود الابو والاخو عالي
كتله ليش امجانكم ضل خويه خالي

گلي نرجعلج اكيد ** هالامر لا مو بعيد

يالعليلة * يالعليلة
❥❥❥❥ـــــــــــــ❁❁ـــــــــــــ❥❥❥
گال نرجعلچ سويه ونگعد احذاچ
الكعده مو حلوة يخويه من بلياچ
كلنه نبچي كل مسية ابسبب فرگاچ
لچن هسه راح اروح والله وياچ

حارسچ واحد احد ** امسلمج بيده بعد

يالعليلة * يالعليلة
❥❥❥❥ـــــــــــــ❁❁ـــــــــــــ❥❥❥
لچم گلبي بالوداع وراح الحنين
من الحلم فزيت گمت اصرخ يالحسين
الفرگه يالعايفيني اون اتريد حيلين
يومي من دونك يمر بعدال عامين

يومي من دونك جرح ** عافني حتئ الفرح

يالعليلة * يالعليلة
❥❥❥❥ـــــــــــــ❁❁ـــــــــــــ❥❥❥
صحتي لا مو اهم منك ردلي لو يوم
من رحت لليوم بس اشتم بالهدوم
المن اشگي يالعفتني اثگال الهموم
چي عفتني ادليلي منك حيل مهظوم


الهظم كاتلني كتل ** كون يلفيني الاجل

يالعليلة * يالعليلة
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني
من ديوان موعد المآتم ج1

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#حصريا 🔥🔥


#قصيده شور #مشتركة
عتاب زينب لاخيها ابو الفضل "ع"


(ضالين)



ضالين*** بس نسه واذبحو كل ازلامنه
فارين ***بالبراري مو حريجه اخيامنه
گبت اعلينه الحريجه
واحنه طحنه باشد ضيجه
سالمين ***لاتظن بعدك ابد يحزامنه
ضالين*** بس نسه واذبحو كل ازلامنه
#####

ـــــــــــــــــــــــــــــــــــــــــ
ما بگت بعدك يبو الغيره سلامه
بالبراري تطشرت خويه اليتامه
وانه اصيحن گومو حيهم يلنشامه
حسين داسوا جثته وحرگوا اخيامه

مات ظامي ويبس ريجه
وحنه طحنه باشد ضيجه
صارخين*** نركض ونار الخيم بذيالنه
ضالين*** بس نسه واذبحو كل ازلامنه #####

ـــــــــــــــــــــــــــــــــــــــــ
نركض وعدوانكم تركض ورانه
والشمر بالسوط يلكافل ولانه
شلون نايم وانته هيبتنه وحمانه
گوم للسجاد محتار ابزمانه

احتار ما يندل طريجه
واحنه طحنه باشد ضيجه
لايعين*** ايشوفنه وما بيده حل الحالنه
ضالين*** بس نسه واذبحو كل ازلامنه #####

ـــــــــــــــــــــــــــــــــــــــــ
املوعات ايشوفنه ويبجي علينه
وين عمي يگول ابو النوماس وينه
خل يشاهدنه اشسده واشصار بينه
وجيت اعتبنك يحماي الضعينه

بلكي احساسك اهيجه
واحنه طحنه باشد ضيجه
لايذين*** بيك خويه وبالله يا ضرغامنه
ضالين*** بس نسه واذبحو كل ازلامنه #####

ــــــــــــــــــــــــــــــــــــــــ
عتبي يوجع جفك المگطوع ادري
تالي امشي ويه ابن جوشن خويه تدري
مدري شنهي البيه مات ومات صبري
رحت للصاح اعله كيفك ويه نحري

رحت للگلبي صديجه
واحنه طحنه باشد ضيجه
خايفين*** خويه ضمنه بحضنك من آلامنه
ضالين... بس نسه واذبحو كل ازلامنه #####
ـــــــــــــــــــــــــــــــــــــــــــــــــ
من سمعته يگول عذري حسين عطشان
دمعي كله اعله النحر ذبيته جريان
نار صيوانك تجلب بعبي النسوان
فكني من فرگاك فدوه گلبي خلصان


ودع أعتابي بشهيجه
واحنه طحنه باشد ضيجه
رايحين..... بس اهلنه لو خذيتو احلامنه
ضالين*** بس نسه واذبحو كل ازلامنه

ـــــــــــــــــــــــــــــــــــــــــ
... تمت بعون الله وفضله🙏🏻 باقلام #شاعرات اهل البيت "ع" ✍🏻✍🏻 . #رسل_الابراهيمي #رِضاب_الاسدي
لا نجيز له وغير مبري الذمه من يحذف أسماءنا أو يتلاعب بالكلام وينسب الرثاء له او لشخص اخر ونسألكم الدعاء


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه لمسلم أبن عقيل عليهم السلام( بو طاهر الليله )


بالكوفه وگع بو طاهر الليله
چا وين الهواشم خل تجي أتشيله
❥━──➸➽❥💔❥━──➸➽❥💔
بالكوفه وگع من قصر الأيماره
وحده يا حسافه أو قلت أنصاره
صوب حسين راحت مسلم أخباره
《 شيل الهيبه يحسين أحضر 》
❥━──➸➽❥💔❥━──➸➽❥💔
هاي أول مصيبه من بي هاشم
مسلم طايح أو ما بي عضم سالم
ولا خيّر فزع للهيبه يا وادم
《 أيدوسونه مسلم بالخيل 》
❥━──➸➽❥💔❥━──➸➽❥💔
طگ أعضام صدره وطوعه تسمعهه
على الهامه تدگ وأيسيل مدمعهه
يا ضنوة عقيل ويومه يفجعهه
《 مفجوعه بمصاب الوالي 》
❥━──➸➽❥💔❥━──➸➽❥💔
جابو جثته أو بالسوگ خلوهه
من الحر حسافه ما يغطوهه
تون طوعه الشريفه وحيل فجعوهه
《 أمصوبينه مسلم عدوانه 》
❥━──➸➽❥💔❥━──➸➽❥💔
وينك يا علي يا حاضر الشده
شوف الحيد مسلم بالغرب وحده
بس طوعه التنصره أو ضلت أبسده
《 أتون اليوم الحزنانه 》
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الجمعة / ٩ من شهر ذي الحجة
الموافق / ٢٠٢٥/٦/٦

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطمية على طور بالعباس احلفنك يالحسين (اجيت اتسامر اوياكم)


اجيت اتسامر اوياكم     يالاحنان
وگلبي ايريد ملگاكم     يالاحنان


اجيت الداركم يهل الحميه
لنهه امكدره وظلمه وخليه
چانت عامره وبيكم زهيه
ماواحد گعد ينشد عليه
منكم ماردت كلشي     يالاحنان
اشوف اوجوهكم وامشي     يالاحنان
يگضي الحيل فرگاكم     يالاحنان
گلبي ايريد ملگاكم     يالاحنان


ماينراد فرگاكم گضاني
چنت بجالكم مرفوع شاني
تالي البين دولبني وسباني
اخذكم من اديه وماخذاني
ضل ديوانكم خالي     يالاحنان
چان بصيتكم عالي     يالاحنان
وين البين وداكم     يالاحنان
گلبي يريد ملگاكم     يالاحنان


وين البين وده ارسومكم وين
مشتاگ الگلب وتفرفح العين
هاي الدار ضلت بس حياطين
مو شهرين مرن چنهن اسنين
كل ضيم الدهر شفته      يالاحنان
كون بكربله ميته     يالاحنان
عدله اشلون بجفاكم     يالاحنان
گلبي يريد ملگاكم     يالاحنان


عدله اشلون مدري اشلون عدله
حملت المابشر يگدر يحمله
جمره اصوابكم بضلوعي خله
عنكم لو نشد وافد شگله
بالتربان شو نمتو     يالاحنان
اعاتبكم ولاگمتو     يالاحنان
ماارهم بلياكم     يالاحنان
گلبي ايريد ملگاكم     يالاحنان


ماارهم بلياكم تعرفون
ياريع الگلب ياشوف العيون
اجو خطاركم عنكم ينشدون
چا شحچي وشگلهم ترسو الكون
بالميدان والحومه      يالاحنان
عفت اهل الشيم نومه      يالاحنان
بالطف ضيعناكم     يالاحنان
وگلبي يريد ملگاكم     يالاحنان


✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#من_ديوان #ظليمة_زينب_الجزء_الاول


#قصيده ثگيله لسان حال فاطمة العليلة ع
{بويه لا تمشون عني}

ــــــــــــــــــــــــــــــــــــــــــــــــــ

بويه لا تمشون عني
ماني طيبه اليوم چني
امصخّنه ومابيّه حيل
اتگلّه والمدمع يسيل
وداعتك يلدللتني
بويه لا تمشون عني

ــــــــــــــــــــــــــــــــــــــــــــــــــ

بويه مو عندك عليله شلون قررت السفر
خاف اموتن لو مشيتو روحي ما تحمل هجر
والمريض الماهم اهله ايضيج خلگه وينكسر

يلنويت اعله الرحيل
اتگله والمدمع يسيل
امن الحرم ليش اعزلتني
بويه لا تمشون عني

ــــــــــــــــــــــــــــــــــــــــــــــــــ

ليش من دون الفواطم ما گلتلي اتحضري
خل اروح اوياك فدوه ما يقهرك منظري
انه مكسورة الخاطر وانته جبرة خاطري

وانته شوفي والدليل
اتگله والمدمع يسيل
ايروح شوفي لو عفتني
بويه لا تمشون عني

ــــــــــــــــــــــــــــــــــــــــــــــــــ

ما تهون اعليك بتك وانته يلوالي حنين
عاتبته ومن سمعها هلت عيونه الحسين
بحضنه خلاها ويگلها سفر ما تتحملين

دربي يبنيتي طويل
اتگله والمدمع يسيل
يعني اگطعه حسين ظني
بويه لا تمشون عني

ــــــــــــــــــــــــــــــــــــــــــــــــــ

بويه بس تروح عني يعني اضل بلا وطن
ليلي معناها اخلصه نوح ودموع وحزن
ماكسر خاطرك دمعي واگفه اگبالك واون

ودعيتك بالعويل
اتگله والمدمع يسيل
وياك عمري الراح مني
بويه لاتمشون عني

ــــــــــــــــــــــــــــــــــــــــــــــــــ

بعد شنهو يفيد عمري وانه ودعت الابو
وانطفت شمعة سنيني وانكتل كلشي حلو
بلا وليها تدري بويه البت تضل بلا دفو

تعيش بعده مستحيل
اتگله والمدمع يسيل
وانه ميته خلافه چني
بويه لاتمشون عني


لشاعرات اهل البيت "ع" ، رسل الابراهيمي، نورس الحلفي، رِضاب الاسدي


ــــــــــــــــــــــــــــــــــــــــــــــــــ

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للأمام العباس عليه السلام( يسطر من يهد )


يسطر من يهد     عباس عالهامه
ومن عنده الشمر تتراجف أزلامه
❥━──➸➽❥💔❥━──➸➽❥💔
يسطر من يهد وتوجع السطره
ومن حيدر كفيل أخته خذه شمره
خلاهه الجثث بالحرب مطشره
《 يرعد بي الطف الكافل 》
❥━──➸➽❥💔❥━──➸➽❥💔
يرعد من نزل عباس ميدانه
رفعت راس أبو فاضل الخوانه
طر الگوم يوم السرفن أردانه
《 بحملاته أيطيح ميه 》
❥━──➸➽❥💔❥━──➸➽❥💔
ساحگ روسهم والموت ما هابه
طب أو صاح عندي أوياكم أطلابه
وبنص الحرب ماي النهر جابه
《 بچفينه يترسهه الجربه 》
❥━──➸➽❥💔❥━──➸➽❥💔
بس أسمه الگمر بين العرب كافي
ومن خوفه الشمر يمكن مشه حافي
صاح أبصوت ماخذ من علي أوصافي
《 اله أگضيهه بالطف أيصيح 》
❥━──➸➽❥💔❥━──➸➽❥💔
عباس السبع والكل يهابونه
والفرسان ما گدرو يطيحونه
الرايه أترفرف الضيغم على أمتونه
《 گصاهه الروس أبسيفه 》
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الأثنين / ١٩ من شهر ذي الحجة
الموافق / ٢٠٢٥/٦/١٦

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده الام البنين عليها السلام



وياعباس وامـــــــك لاتخليها
مندونك صفت وحشه الياليها
✮━━━━━•°•°✮•°•°•━━━━✮
لاتخلي الحنينه تانـــــي هلليله
على فراش المنيه الولد تشكيله
نعش امكم تريد اولادها شيــله

اشيلونه::::::النعش بهيبه
✮━━━━━•°•°✮•°•°•━━━━✮
وين اولادها يعرضولها بساعه
يفك باب الكبر وعلى امه فزاعه
وي جيب النعش يدفنها وبگاعه

ومشتاكه:::::والشوفت عينه
✮━━━━━•°•°✮•°•°•━━━━✮
مشتاكه الحنينه شوف خوانه
تعالج بالمنيه وحيل حزنانه
وحيرانه عليهم حيل حيرانه

محتاره::::::وضلت تنـــعه
✮━━━━━•°•°✮•°•°•━━━━✮
ولاعدها بنات التگعد حذاها
وكت الموت ريتك كون وياها
على القبله تخلها بصوت تنعاها

حاجيها:::::::اگعد يم امك
✮━━━━━•°•°✮•°•°•━━━━✮
وكعد ياشهم بسك من النومه
شيع امك تعال بساع مالومه
منهد يومك تراهي حيل مهدومه

ومر بيها::::::امك تعبانـــــــــــه
✮━━━━━•°•°✮•°•°•━━━━✮

✮شـا؏ـــرة اهل البيت الـﻋلويـه
✮ام بـــهاء الديـــن المــوســوي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#حصريا 🔥🔥


#فزاعية جنوبية لمسلم ((ع))




يوم الصال // هز عرش السلاطين

ابو طاهر سبع واهـلــه مياميـن

🔥 🔥 🔥 🔥 🔥

صال ابن الهواشم وابن الاحيود
هذا امعرب وهيبه من الاجـدود
تعنـه للمــنـايه وكـسـر الـحــدود
لجـل الدين وابن عمه الحســين



لجل الدين ضحه ابن الكلافات
يراعي الزود مسلـم والمـهمـات
وابد ماوكفن ابوجهك الصعبات 
ولا هبت العـده ذوله المـلاعين 



صال وجال بيهم ابن الاسبـاع
يهد ويصيح منه خايفه الــكاع
حسافه اتموت ها ياحلو الاطباع
وابنيتك تضل بس نـوح و ونيـن



حميده اتنوح واتريد اليعازيها
بهـذا اليوم عنـها شـال واليهـا
مهضومه مشت وبلسير تاليها
تدك بامتـونها جـريانه هلعـيـن



تجر ونات بت الحيد هليوم
عله الي شال والدلال مهموم
اسير وطاح مسلم بين هلكوم
لايــمـه هله ولا يمـــه امــعين


⚡ ⚡ *


تمت بعون الله

✍الشاعرة زينب المالكي

#من_ديوان_سلاطين_الحومة_الجزء_الثالث_

غير مبري الذمة لكل من يتلاعب بلقصايدة والكلمات ويحذف اسم الشاعره

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك