فزاعية للأمام علي عليه السلام (( بالمحراب تلگونه ))


حيدر طاح يهل الدين
بالمحراب تلگونه


طشر هامته الملعون
صار اظلم حزين الكون
طلعوا شيعته يركضون
واليهم يريدونه


صاحو وين والينه
لايمشي ويخلينه
بالمسجد امصوبينه
والدم تارس عيونه


بعيونه يصب دمه
يكلف حال ابو اليمه
ابابه الناس ملتمه
گالوا حيدر اشلونه


ينشدون الحسن عنه
وكلمن يجهر الونه
زينب ايست منه
ونادت لاتلچمونه


اجروحه براض شدوها
كلشي ولاتلچموها
روحي الوالدي انطوها
ولاتمشون بضعونه


لاتمشون دفانه
خل يبات ويانه
ابو الحملات ملفانه
يوحش بيتنه بدونه


يوحش بيتنه اخلافه
بعد هيهات يتعافه
يبچي حسين ماشافه
بالگوه يسكتونه



✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

السلام عليكم ورحمه الله
سوف اكون بخدمه خدام سيد الشهداء باذن الله تعالى
لنشر قصائد محرم1447 على الرابط👇👇

https://telegram.me/aabas78

شده للجواد ع تنقري مثل عريس الولد جابوه يتجوله
**
كلمن بالدمع لبن الرضه إتزوره
إتجازيهه الزجيه إتصيح مأجوره
***
مخصوصه الزياره لتاسع اليمه
شباب وبالغدر ميت مثل أمه
تلطم شيعته بالحضره ملتمه
بس كون اللطم هالليله بحروره
****
صاحت فاطمه بالنوح واسيني
ضلوعي إمهشمه مابيه تدريني
ألطم عالصدر وإمورمه عيني
اجيت من البقيع بروح مكسوره
***
شباب وماتهنه بعمره ياهالناس
بأحضان التراب يوسده للراس
غريب يدير عينه بآخر الانفاس
حكهه أم الحسن تنعاه معذوره
****
ثلثتيام مامدفون ابو الهادي
مثل جده الغريب الطاح بالوادي
تندب فاطمه فجعوني بأولادي
والتنصب عزه المسموم مشكوره
***
بابه للخلك مايوم مسدوده
جواد وسفرته بالخير ممدوده
سلطان وابن سلطان بعهوده
أمان الكاظميه مرقده وسوره
***
يعادون الجواد إتآمرو ضده
وظنهم تنمحي الآثار من بعده
بالأربع مناير تنكضي الشده
وين المعتصم هاليوم وقصوره
***
أم علي الكاظمي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة للجواد ع {ادگ بابك}

علئ طور مايحاجيها ...

ادگ بابك اجيت ودمعي وياي
واحلفك بالحُسين الماشرب ماي
اندبك يالجواد متيهه الراي
الگلب هاليوم اجه من اهمومه شچاي

((كون تگضيها // الحاجة ادخيل جدك))
❥❥❥❥ـــــــــــــ❁❁ـــــــــــــ❥❥❥
الك وكفات بيها اتسولف الناس
اليندبك ما يذل ضل شامخ الراس
ماخذ شمره من جدك العباس
حنين اعله اليندبك تنگط احساس

((لا ترد ايدي // ادخيله الليله عندك ))
❥❥❥❥ـــــــــــــ❁❁ـــــــــــــ❥❥❥
الليله ادخيله عندك اشكي الهموم
ترسني الشيب والدلال مهظوم
حيلي من المرض واهمومي مهدوم
وانه شجايه اجيتك سيدي اليوم

((جيت شجايه // اريد امراد منك ))
❥❥❥❥ـــــــــــــ❁❁ـــــــــــــ❥❥❥
بوكفاتك وصيتك يشهد الكون
اندبك والدمع غرگها العيون
ميقصر ابد انخي يگولون
لتخليني ها يبن اليكرمون

((لا تخليني // ها يبن النشامه))
❥❥❥❥ـــــــــــــ❁❁ـــــــــــــ❥❥❥
لتخليني اون والدمعة بالعين
إنه انخيتك وحلفتك بالحسين
گضيت العمر والله اونين بونين
تعبت وتعبتني اهواي السنين

(( كون البشاره // بعد مجلسك بيدي))
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

📜فزاعية لبدايه محرم وفي كل الايام


اويلاه آيالغريب اويومه
ـــــــــــــــــــــــــــــــــــــــــــــــــــــــــ
مذبوح ضل اعله الترب
زينب اسيره اويه الغرب
ما ينوصف موقف صعب
امطشره اوصاله وبقت ماملمومه
ـــــــــــــــــــــــــــــــــــــــــــــــــــــــــ
زينــــب تنادي يالولي
خلصو ذبح كلهم هلي
ما ننسه يوم ابو علي
واطفالهم من العذب محروومه
ـــــــــــــــــــــــــــــــــــــــــــــــــــــــــ
وأطفالهم  خــــلصت ذبح
راس الحسين اعله الرمح
يـــاگلب زينب چـم جرح
ما بيـــــن طعنات وجبد مسمومه
ـــــــــــــــــــــــــــــــــــــــــــــــــــــــــ
چابـــيش گضّت هالعمر
والجدم يسحك عالجمر
الله يعيـــن ام الصـــــبر
بت فاطمه طول العمر مهظومه
ـــــــــــــــــــــــــــــــــــــــــــــــــــــــــ
من شافت ابن امهـا هوه
صاحت يشيــــال اللــــوه
من الجمر جدمي انچووه
امصايب جثيره ابكربله مضمومه
ـــــــــــــــــــــــــــــــــــــــــــــــــــــــــ
امصايب جثيره ابكربله
لِحــسين محد غـــــسله
خدّامه احــنه ونســــأله
ايبشرنه بالجنه وعظيمه اعلومه
ـــــــــــــــــــــــــــــــــــــــــــــــــــــــــ
✍🏻تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه  للعليلة  ع

ساعة ابجي عالدار  ساعه  ابجي من فركة هلي
ساعة ابجي عالدار
لا جتني الاخبار لامرني عباس وعلي  لاجتني الاخبار
..........
منين  اجيبنه الصبر  ويركد  الروح 
ولاطارش البيه يمر لاليهم   يروح
ياكلب ضل  بونتك  مافادك  النوح
ياناس بعزاز  الكلب  ماادري اشصار
.........
تمنيت طارشهم يجي ويمر عليه
ويشوف حالي لوكرب وكت المسيه
اكعد عله الباب اون  كل  مغربيه
انشد عله احباب المشو الماشي والمار
...............
ساعة  اكعد اباب النزل  وتهمل دمعتي
والبيت مظلم ياهلي  وفتت  جبدتي
ضليت بديار الخلت محنه محنتي
الدار  ضلت موحشه  وغاطيها الاغبار
............
يابويه  مايسوه  النزل من عكب اهاليه
وتسيل من دم دمعتي لمن اصد  ليه
جاوين ابوي وشوفته ياوكت احاجيه
اذكر حسين وكعدته وسط الكلب نار
...........
اذكر ابوي وعشرته ولذت  حنانه
عيني تصد عله النزل وعين المجانه
يحسين بويه وعاتبت دهر  الولانه
 شلون يلحك بالضعن ياكلبي محتار

✍أم زينب كربلاء غير مبري الذمه من ياخذ الكلام وينسبه له او يحذف الاسم  من كتاب المآسي الزينبيه الجزء الثامن

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة للسيدة فاطمة العليلة عليها السلام
***
اعاتبكم ودمع العين سچاب
رضيتو اشلون بالفرگه يالاحباب
اعاتبكم يمن رحتو ومشيتو
وبحال العليله ما دريتو
بعدكم ما حله عيشي ولا طاب
رضيتوا شلون بالفرگه يالاحباب
**
سؤال وبالي كل لحظه يعيده
شغل فكري وجوابه اليوم اريده
ٱنه شسويت عفتوني وحيده
شنو ذنبي واظل عنكم بعيده
فرگتكم هلي تصعب عليه
وٱنه زغبره ولا احمل اذيه
اسألكم واريد اليوم الجواب
رضيتوا شلون بالفرگه يالاحباب
****
ثگيل فراگم ماليه حيله
عفتوني ولا چني العليله
ويله من الهجر دلالي ويله
وحسراتي ولا تخلص طويله
عليله الروح بغياب التحبهم
تريد تروح ما تندل دربهم
اظل امناطره وعيني عله الباب
رضيتوا شلون بالفرگه يالاحباب
**
بت حسين آنه وضايع دلالي
وحالي بالبعد ون اعله حالي
حلالي النوح بالفرگه حلالي
وحشه خلافكم يهلي الليالي
ادور وينكم يهل الحميه
ولا واحد سمعني ورد عليه
الهجر مو من عوايدكم يالاطياب
رضيتو شلون بالفرگه يالاحباب
***
اعاتبكم يمن كل روحي بيكم
واتمنه لون هالساعه اجيكم
المريض ايطيب لمن يعتنيكم
عليله يا هلي مدولي اديكم
تطيب الروح لو رديتوا الهه
يهنبال التعيش ابين اهلهه
هنياله البشم من عدكم تراب
رضيتو شلون بالفرگه يالاحباب
***
يمرني الليل جاببلي صوركم
ولو مرني الهوه اشتم عطركم
احبكم يا هلي والله احبكم
واعاتب بلكت اعتابي وصلكم
روحي معلگه وتدرون بيهه
عجببه ما وصل يمكم بچيهه
ظلمه سنين صارت والعمر ذاب
رضيتو شلون بالفرگه يالاحباب
*****
احس بالكون مختل كل نظامه
نجم ما يضوي بيهه ولا علامه
بعدكم دهري صوبني بسهامه
ولا راحه تصح لي ولا سلامه
ليل نهار ما يبرد غليلي
من راحوا هلي هدولي حيلي
اخافن لو طحت تفزعلي الاجناب
رضيتو شلون بالفرگه يالاحباب
**
الشاعرة نسيم كربلاء


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#شــــــده كربلائية للعليلــــة ع




عليلــه ومالي حيل افراك يهلــي لاتخلونـــي
لو مـر العصر بــلدار انــوح وتبجي يعيونــي

****

عليله وحايره بعلتـي واحبابـي مشـو للمـوت

كلبي يعلم ومقبوض صحت ومانفعني الصوت

جنهم للابد ماشي جا ياهو الشال الي التابــوت

لوموتن وانه بلدار ردت اليغمضلي اجفوني

****

خافن لو اجـاني الموت والوحــدي يشاهدنـي
شالو كل هلـي منـــي وماعندي اليســـاعدنــي
مريضه حالتي حالة وافراك احبابي ضاهدنـي
وهاي ابنيتـكم تـــون خافنكم نسيتــــونــــــي

****


نسوني وطالت الفركـه مامنــهم خــبر ودوه
محتاره اتوسل المرو جا بيه ليش مانشدوه
كالولـي يومين ونـرد ولا واحد علـي دزوه
كاضيني الحزن يهلي جا يمتى وتلاكــوني

****

حزينــه وبطرك روحي ماذيني حيل طاريهـم
دزيت وي الحمام اخبار كتلها فدوه شــوفيهم
ضلت ابنيتـكم تـحن علــيج الله تخبـــريهــــم
شكولن لو لفاني الموت واحبابي تعــذرونــــي

****

ماضل شي واودع الـدار والحفــره يحفروهــا
ونــدري بلتموت اهنــا كل اهلهـــا يحضـروهــا
بس بت حسين الوحدها وجن الغربه يدفنوها
اتعالج وتصد للباب بلكت احبابي يحضــروني

****

تمت بعون الله




#بقلم الشاعرة زينب المالكي

غير مبري الذمه لكل من يحذف الاسم من القصيده ويتلاعب بها

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه لشجاعة القاسم ع

اطيني سيفي والعرس ماريده
عمي بين الكوم ضل اوحيده
..........
يمه كومي وياي شدي حزامي
اوكفي اكبال العده جدامي
هلهلي لوغار يمي احسامي
اليوم هوسي لوترست البيده
..........
لو رحت للحومه واتعنيتها
صيحي يبني الروس لوطشيتها
اجداث وانه ابن الحسن خليتها
ابنج بهل اليوم كيفه اوعيده
............
هاي موشيمة اسباع ومرجله
اليوم المبارز الجسامج حله
حيت وصاحت يبعدامك هله
بعد جفي ويوم حيدر عيده
...........
كام يفتر بالمعاره بزوده
ياهله بجسام خلفت عوده
هاي الك يبن الحسن مشهوده
اكبال عمه وكام يشمر بيده
.........
هذا عرسي وزفتي بالحومه
انه عمي البالحرب جيدومه
ابنج الميدان سجل يومه
وصارت الحنات دم اوريده

.✍ام زينب كربلاء غير مبري الذمه من ياخذ الكلام وينسبه له او يحذف الاسم القصيده من المآسي الفاطميه الجزء الثاني عشر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطمية للعليلة عليها السلام ( هذا الواگف امنين )


بگلبي النار تسعر بيش اطفي النار
انشد عالنسوني ومالگيت اخبار
بيهم ذكراني من اجه الخطار
هاي الدار گال اوين راعي الدار


       ( النزلة )

اباب الدار ... هذا الواگف امنين
ذكرني بعمامي اوالدي حسين


خل ايروح لايوگف عله الباب
ذكرني بعمامي وكل الاحباب
يوجعني الگلب لو گلت غياب
لاحس لانفس بس الحياطين
( والدار امضيعه وحزنانه )


تون الدار ومضيعه زلمهه
چانت عاليه ويرف علمهه
هسه البين صوبهه وهدمهه
هدم دارنه وارواحنه البين
( والبين اسود ذني افعاله )


ٱحا يالبين والعمله العملهه
خله الدار ظلمه بغير اهلهه
روحي امهدمه وطاحت مثلهه
مدري اشعطلاهم صار شهرين
( وشعدهم ضلوا بالحومه )


مدري اشعطلاهم  بطوا كلش
بالدلال فرگاهم يفلش
وين الچان للخطار يفرش
ومن ابعيد يتلگه المجبلين
( وايعزب بيده الخطاره )


من ابعيد يستقبل اضيوفه
گلبي يريد ينطر وين اشوفه
هوه العافني وماردت اعوفه
الله اوياچ صاح ولاتزعلين
( ودعني الماريد اوداعه )


الله اوياچ گال وهاي هيه
المن ماخذچ للغاضريه
بيهه اسيوف وارماح ومنيه
وانتي امصاب واحد ماتحملين
( ياضيم اهناك تحملينه )


شتحملين بويه لو اخذتچ
خاف السوط يتلوه برگبتچ
اشبعي اوداع من عمچ وعمتچ
براض براض وني لاتموتين
( خليني امشي اوني ابهيده )



✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة للعليله...


حسبالي حلم وتجذبه العيون
شو صارت صدك كمتو تحملون

عفتوني غريبه
دمعاتي سجيبه

عليله ياهلي وبحالي تدرون


حسبالي ابوي يظل تجية
لو مال الوكت ينغر عليه
يدري بنيته ماتحمل اذيه

والراح شيجيبه
دمعاتي سجيبه

عليله ياهلي وبحالي تدرون

شلون الوالد يتيه بنيته
وياخذ كل هله جدامي شفته
بوية بروحتك كلبي كسرته

دواه انته وطبيبه
دمعاتي سجيبه

عليله ياهلي وبحالي تدرون


اون اعليك ما بطلها ونتي
ما ضلي اخو ولا ضلت اختي
بالديران بويه شنهي ضلتي

كلب حن لحبيبه
دمعاتي سجيبه

عليله ياهلي وبحالي تدرون


تظل بدروبكم تتربى عيني
بلكت لن خبر منكم يجيني
وياكم افل شوكي وحنيني

ويلي شهالمصيبه
دمعاتي سجيبه

عليله ياهلي وبحالي تدرون


اخذني وياك ما اتحمل فراااك
صعبه العافية منعندي تنباك
مسكين الكلب كل لحضه يشتاك

ما هود نحيبه
ودمعاتي سجيبه


عليله ياهلي وبحالي تدرون


خادمة الزهراء
الشاعره هالي نور

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الطميه_بديوان_أقل_الوفاء_في_رثاء_أولاد_مسلم_عليهم_السلام_٢٢_.


لطميه لأولاد مسلم عليهم السلام


ظيعت البزر جاوين الاكيهم
وابن امي ذبيح اومادره بيهم
❥━──➸➽❥💔❥━──➸➽❥💔
ضيعت البزر وحسين مايدري
مابين العده وامحيره بمري
حركو خيمتي اومني مشو بزري
ماظلي ولي ليدوّر عليهم
❥━──➸➽❥💔❥━──➸➽❥💔
ضيعت الصبايه اوهلن عيوني
مابين العده خواني عافوني
يدري حسين بيهم مايرحموني
ابنفسي اكعد وياهم واحاجيهم
❥━──➸➽❥💔❥━──➸➽❥💔
بعد جاوين اشوف اولادي الحلوين
نايم علتراب وماسمعني حسين
تاهو مادريت اليابلد ماشين
يتامه بلغرب مايدري واليهم
❥━──➸➽❥💔❥━──➸➽❥💔
مني ضاع بزري اومادره الوالي
مابين العده اوينهظم ياحالي
نايم علوطيه ايكوم حسبالي
ياحر الترب غير معانيهم
❥━──➸➽❥💔❥━──➸➽❥💔
مايدري الحنين اعله الترب نايم
ابهيمه اويلغرب ضيعت الايتايم
علتربان طاحت ذيج الاعمايم
مايدرون ويلادي اشسده عليهم
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الطميه_بديوان_أقل_الوفاء_في_مصائب_كربلاء_الجزء_٢٥_.


لطميه لعلي الأكبر عليه السلام


نايم ياعلي وماتنشد اعليه
منهو للوطن يمه يرد بيه
❥━──➸➽❥💔❥━──➸➽❥💔
حلتلك نومة التربان يالاكبر
رايح للمنيه يبني امحسر
امك يلولد مهظومه تتعثر
فلت وانتهت هاي الوداعيه
❥━──➸➽❥💔❥━──➸➽❥💔
هاي امك تريدك ترد وياهه
اگعد يلولد جازيهه برباهه
دين الهه برگبتك سهر عيناهه
اوغذت ييمه لين حنيه
❥━──➸➽❥💔❥━──➸➽❥💔
اگعد ياعزيزي وياصبي عيني
بيدك للوطن ردتك توديني
ضيعت التعب ياشمعت سنيني
تضل دوم اعله دربك عيني اربيه
❥━──➸➽❥💔❥━──➸➽❥💔
نايم مادريت اشصاير ابحالي
عفت امك يلاوحيد بلا والي
تعبي ضاع مني وخابت امالي
واخذتك ييمه مني الامنيه
❥━──➸➽❥💔❥━──➸➽❥💔
نايم علتراب وغمضت عينك
اوحال الموت يمه بيني اوبينك
حلوه وياي يمه مرت اسنينك
اتاني العمر كله لو الك جيه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه لمسلم أبن عقيل عليهم السلام( ضايعات أخباره )


ما رد علينه ضايعات أخباره
يبچون عندي ورايدينه أزغاره
❥━──➸➽❥💔❥━──➸➽❥💔
ما رد علينه الحيد وأمتانينه
غايب أبن عمنه واله حنينه
بته حميده اليوم تنشد بينه
أتگول يمته أيعود أبوي الداره
❥━──➸➽❥💔❥━──➸➽❥💔
طوّل أغيابه أهناك برض الكوفه
وبته حميده الشوفته ملهوفه
أتگول أبوي أتريد عيني أتشوفه
تسري أبگلبهه ولا طفت يا ناره
❥━──➸➽❥💔❥━──➸➽❥💔
ونت حميده للأبو مشتاگه
وأتگول مر حنضل عزيزي أفراگه
ويا عمه ناره تسعر أو حراگه
محتاره أشوفنهه وتون محتاره
❥━──➸➽❥💔❥━──➸➽❥💔
أشلون بينه والولي ما جانه
واليوم كلهه تنتظر خوانه
وصلت أخباره ذبحّته عدوانه
وهاليوم مسلم طافيات أنواره
❥━──➸➽❥💔❥━──➸➽❥💔
هاليوم مسلم يتم أبنياته
وأبنه ينوح ويجذب أبوناته
وأتلالي بعيونه شفت دمعاته
ذبحو أبن عمنه العده الغداره
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الثلاثاء / ٦ من شهر ذي الحجة
الموافق / ٢٠٢٥/٦/٣

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

شده لمسلم بن عقيل ع
**
حميده إتصيح إلمن عفت البنيه
بجيت دموم بضعون المشت بيه
*
للكوفه أدير العين محتاره
فاركني الحنين وضاعت اخباره
إزغيره عالهضم بس ماإلي جاره
وين جفوف ابويه الكلهه حنيه
*
مسلم وين ها يحسين ياعمي
وين اللي جنت احجيله كل همي
يشبكني واشمن بي عطر أمي
بأحضانه أنام واغفه ليليه
**
لاطارش اجاني ولاخبر منه
كلبي يحترك بالحسره والونه
يتيمه اصبحت والبين طشرنه
راح الحيل كوه امشي اعله رجليه
*
غريبه اخلاف عينك يا أبو طاهر
تسليني دمعتي وأكسر الخاطر
وين تروح بتك من يجي العاشر
وابن عمك ذبيح وامشي مسبيه
*
كون الموت اخذني وانجتل دونك
ولا أسمع يبويه اعداك غدرونك
من فوك القصر للكاع يرمونك
تواسي دمعتي من انحب ارقيه
****
أم علي الكاظمي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه فزاعيه الى الأمام مسلم ابن عقيل عليهم السلام
=================
طوعه هلهلته وزلزل للكوفه
هلا بمسلم اله صولات معروفه
===
للكوفه نزل والزلم جندلها
والفرسان كلها بسيفه كلتها
بساحه نزل زلزال طب الها
ابو طاهر كلبها بزود بجفوفه
===
طوعه نادته ياحيد ياهيبه
مثل عمك شجاع ومفخره ونيبه
جندل جيشهم واكثر بتعذيبه
ولو ما بلغدر الجيش ميعوفه
===
حفروله حفيره وبغدر كادو
ومثل صولات عمه الحيد من شافو
كلها تشاردت منه وما لاوه
طر السيف بيها لاوي حتوفه
===
داروله وعليه آلاف مجموعه
طشرهم الحيد وهلت ادموعه
لبن عمه رسايل كال ياطوعه
روحي عليك يامضلوم ملهوفه
===
حمل علكوم كلها وكال افنيها
وكلها اتشاردت منه اعاديها
مثل الحيد عمه من يطب ليها
والرايه بيمينه تلوح موصوفه
===
تمت بحمد الله تعالى بقلمي شاعرة وخادمه اهل البيت عليهم السلام مله زينب الطويرجاوي ٧ ٥ ٢٥ ٠ ٢

https://tttttt.me/joinchat/AAAAAELdvGssZMurwfLsJA

لطميه لمسلم أبن عقيل عليهم السلام( بو طاهر الليله )


بالكوفه وگع بو طاهر الليله
چا وين الهواشم خل تجي أتشيله
❥━──➸➽❥💔❥━──➸➽❥💔
بالكوفه وگع من قصر الأيماره
وحده يا حسافه أو قلت أنصاره
صوب حسين راحت مسلم أخباره
《 شيل الهيبه يحسين أحضر 》
❥━──➸➽❥💔❥━──➸➽❥💔
هاي أول مصيبه من بي هاشم
مسلم طايح أو ما بي عضم سالم
ولا خيّر فزع للهيبه يا وادم
《 أيدوسونه مسلم بالخيل 》
❥━──➸➽❥💔❥━──➸➽❥💔
طگ أعضام صدره وطوعه تسمعهه
على الهامه تدگ وأيسيل مدمعهه
يا ضنوة عقيل ويومه يفجعهه
《 مفجوعه بمصاب الوالي 》
❥━──➸➽❥💔❥━──➸➽❥💔
جابو جثته أو بالسوگ خلوهه
من الحر حسافه ما يغطوهه
تون طوعه الشريفه وحيل فجعوهه
《 أمصوبينه مسلم عدوانه 》
❥━──➸➽❥💔❥━──➸➽❥💔
وينك يا علي يا حاضر الشده
شوف الحيد مسلم بالغرب وحده
بس طوعه التنصره أو ضلت أبسده
《 أتون اليوم الحزنانه 》
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الجمعة / ٩ من شهر ذي الحجة
الموافق / ٢٠٢٥/٦/٦

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*هوسات لمسلم (عليه السلام)*
*من ديوان📚عبرات وأنين في رثاء الطاهرين ج٢*
❥━──➸➽❥❂❥━──➸➽❥❂
مسلم بالحفيره شمرته الكفار
مايدرون بيه اهله اشسده وشصار
بالكوفه وحيد ومااله انصار
*((وين اهله اليوم//يحضرونه))*
❥━──➸➽❥❂❥━──➸➽❥❂
وين اهله وعمامه خل يحضرونه
ليش من القصر عالي يشمرونه
الله يساعدچ زينب يمحزونه
*((ونعاون زينب//بمصابه))*
❥━──➸➽❥❂❥━──➸➽❥❂
لمصابه نون ونعازي الحره
عله ابن عمها تنوح وتجذب الحسره
علم مسلم وصلها وسچبت العبره
*((واتگل لحسين//انهد حيلي))*
❥━──➸➽❥❂❥━──➸➽❥❂
انهد حيل العقيله يوم سمعت بيه
غدرت بي الكوفه ومن قصر راميه
وين اهله وعمامه ينشدون عليه
*((چاوين اعمامه// يشيلونه))*
❥━──➸➽❥❂❥━──➸➽❥❂
ظلت جثته بالگاع ممدوده
وچبده من العطش ياويلي ممروده
يالنال الشهاده بقوته وزوده
*((لحسين الروح//امضحيها))*
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

من ديوان(( دماء الغاضريه)) 🔥الجزء الأول

لطميه فزاعي سريع
~~~~

اجينه بليلة العباس... لام طاهر نعزيها
طاح عله الشريعه ومادره بيها

❥━➸➽❥💔❥━➸➽❥💔

نعزي الفكدت الخوه
أخوها الخوته حلوه
بنار فراگه تتچوه
تنحب بت علي والضيم عاليها

❥━➸➽❥💔❥━➸➽❥💔

ويلي عليج هليله
لحسينچ تتجيله
شفتي مات كل حيله
هدي خيمتج مايرجع عليها

❥━➸➽❥💔❥━➸➽❥💔

گطعي لامل والرجوه
راح لبيه المروه
اخوج اليسمع النخوه
يمج مايرد العين أعميها

❥━➸➽❥💔❥━➸➽❥💔

تعمي العين للخوان
وخصوص لگمر عدنان
گلب أم الحزن حيران
بلوه البين عالوليان باليها

❥─➸➽❥💔❥━➸➽❥💔

ونت بت علي بسكته
خويه حسين حيرته
من يسمع تون اخته
مايحمل دمعها يلوج واليها

❥➸➽❥💔❥━─➸➽❥💔

كلنه بالونين اليوم
نواسي حسينه المظلوم
ظهره للاخوه مجسوم
يدري يطيح واخته لگوم تسبيها
❥➸➽❥💔❥━─➸➽❥💔

*لخادمة الأمام الحسين 《ع》*
*الشاعرة العلويه ✍ أم علي الموسوي
*غير مبري الذمه من يحذف الاسم أو ينسبها له

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نعي مجرد لمسلم بن عقيل (عليه السلام)

لا يمه هله ولا يمه خوان
غريب وصفى بالكوفه حيران
وكلها امسدده بوجهه البيبان

•———•———•———•
ولا واحد يحن اعله حاله
مشدوه مسلم حيل باله
على حسين ابو اليمه و عياله
•———•———•———•
مسلم يويلي امگيدينه
لصوب الغواضر تربي عينه
خايف على ظعن ابو سكينه
•———•———•———•
حاله كسير وذبل لونه
ومن الحزن غايره عيونه
من قصر عالي و يشمرونه
•———•———•———•
من فوگ القصر مولاي طايح
ولا من وراه ناعي و صايح
ودمه علكاع اليوم سايح
•———•———•———•

بقلم خادمات العليلة وأبيها
-ضحى سالم
-زينب الفياض

#حصرياً
#مسلم_بن_عقيل
#زينب_الفياض
#عاشوراء

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك