*فزاعيه للرسول (ص)*
*((من ديوان📚 مسير الفواطم لارض المظالم الجزء الرابع))*
❥━──➸➽❥❂❥━──➸➽❥❂
*الزهرة تنوح هذا اليوم*
*حزنانه   اعله و اليهه*
❥━──➸➽❥❂❥━──➸➽❥❂
حزنانة وتجر ونه
تگول الوالي اريدنه
ومنه انگطعت الضنه
عليه العين لعميهه
❥━──➸➽❥❂❥━──➸➽❥❂
لعمي العين لغيابه
يفجع كلش مصابه
كلف ومچيد يصوابه
واعليه دمعتي اجريهه
❥━──➸➽❥❂❥━──➸➽❥❂
دمعاتي بگت تجري
و الله بحالتي يدري
قاسي شكثر يا دهري
قاسي وخذه اليحميهه
❥━──➸➽❥❂❥━──➸➽❥❂
يا وسفه خذاه البين
وانه بس اجر الونين
وما رحمته الملاعين
راح الچان يفنيهه
❥━──➸➽❥❂❥━──➸➽❥❂
راح وما اله رجعه
صوتي الوالي ميسمعه
بيه ضاگت الوسعه
العيله من يباريهه
❥━──➸➽❥❂❥━──➸➽❥❂
*بقلم 📝 شاعرة اهل البيت*
*العلوية مريم النور نسألكم الدعاء الفاتحه إلى روح اختي ولامواتكم:🍃*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

موشح للرسول (ص)


اليوم خاتم الرسل والانبياء
شال من الدار والدنيا فناء
//////////

شال من الدار والد فاطمه
ومحزن الكرار حماي الحمه
عليه حزنانه الارض وي السمه
وتلطم عله العين ياخير النساء
//////////

وتلطم عل راس بنت المصطفه
خلاف ابوي تكول ع دنيه العفه
ضلمه دارك يلنبي ونورك طفه
يارسول الله جنت نور وبهاء
//////////

جنت نور بدنيتي بويه وضوه
ماتعود ايامنه الجانت سوه
ليش تهجر يلأعز من الهوه
وانه بعدك بلهضم بويه وعناء
/////////

حسين يبجي يكول ياهدينه
صدك كالو يمه مشيعينه
ميهيد ينوح ويهل عينه
مانريد فراك ونريد البقاء
//////////

انه اريد وياي يحضر غربتي
يشوف جدي شلون ضلت جثتي
ولليسر والشام تمشي عيلتي
وخل يشوف اليصير بكربلاء
//////////

تمتتتتتتتت والحمد الله 🤲
كلمات الشاعرة اسيل الزينبية ✍️
ممنوع حذف الاسم ✋

خادمة اهل البيت عليهم السلام
الشاعره ام عون الحلاوية


قاسي ويهد الروح ندري العطش زين
يامن شربت الماي لاتنسى الحسين


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

القصيدة ' بدار ام الحسن
الشاعرة 'فاطمة هاشم الحسيني
ـــــــــــــــــــــــــــــــــــــــــــــــــ

بدار ام الحسن نقرة تعازينة
شايل هل مسة ياناس هادينة

⊱━━⊰✾ياصاحب الزمان✾⊱━━⊰

بدار ام الحسن لطمتنه والونة
شايل ياحبيب الباري ودعنة
جد حسين هذا الماكو ابد منة

مودعينة //ياجد حسين


⊱━━⊰✾ياصاحب الزمان✾⊱━━⊰

بيجن حيل مابيجن الطملة
مثل يوم العزيز حسين سولة
ترة ابنيته حزينة المدمع اتهلة

مالومة //من شال الوالد

⊱━━⊰✾ياصاحب الزمان✾⊱━━⊰

مالومة ويكون اوياها نتألم
نصرخ ياحسافة ونعدل الملطم
عله واليها ريت العين هلت دم

نبجيلة //من دم يستاهل

⊱━━⊰✾ياصاحب الزمان✾⊱━━⊰

عزيز ابنيته هذا الشال لترابة
واسي ام الحسن مو هين امصابة
وصيحي اوياها من تصيح يايابة

الهادينة //رخصيه الحيل

⊱━━⊰✾ياصاحب الزمان✾⊱━━⊰

ارخصي الحيل لتبخلين بالدمعة
عمت عيني يتيمة صارت البضعة
سندها الشال منها وراح شيرجعة

ماجورة //هليها ادموعج

#الشاعرة_فاطمة_هاشم_الحسيني


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة ليلة استشهاد النبي الاكرم محمد (ص)


يا محمد   ليله صعـبه اليله
يا محمد   علي اتهدم حيله
صعبه ساعات المصاب
فرگتك حسره وعـذاب
              علي اتهدم حيله

¢¢¢¢¢¢¢¢¢

يا رســول الله غيـــابك جمـره تســـعر للابـد
عـذبت گلــب الصميـــــــده وألك دلاله انمـرد
بيمن ايعوضــك يطــه المـات ما يرجـع بعــد
الدنيه ماتحلى ابغيابك يلي احلى امن الشهد

اشلون ليله   بيه مخسوف الگمر
اشلون ليله   ليلة احـزان وقــهر
نور وجهـك بيهه غاب
فرگتك حسره وعذاب
              علي اتهدم حيله     

¢¢¢¢¢¢¢¢¢

غسلك بدمـوعه حيـــــدر چفنك بثيـابه
وشيـعك بجروح گلـبه ودمعته السچابه
وفاطمه خلفه تنــادي ابسفـرتك يا يـابه
سهم هجرك صوباني ومايطيب اصوابه


دمع هجرك    راح يعمي اعيونهه
دمع هجرك    أيفرح اليبغضونهه
انفتــح لمصايبهه باب
فرگتك حسره وعذاب
            علي اتهدم حيله   

¢¢¢¢¢¢¢¢¢

دمعة امصـــابك يطه عل بشر مكتـــوبه
والسمه  والارض لجلك بالحزن مصيوبه
ظهر ابوالحسنين حـدب صاير الهم ثوبه
يدري هـــذا آخــر لقاء اويـاك يا محبوبه

وحشه دارك     والحزن غاطيـهه
وحشه دارك      يالچنت ضاويهه
يلــي غطـــــاك التراب
فرگتك حسره وعذاب
                 علي اتهدم حيله

¢¢¢¢¢¢¢¢¢

اتيـــــتم العالم بأسره وعلي زادت محنته
اتحزم ابصبره ومحنته بهيده يجذب ونته
گلبه ضل ينزف مشــاعر والمشــاعر بچته
ناظـــره ينزف مــــدامع اثـر خله ابوجنته

بحزن وبهم    ضل يودعك حيدره
بحزن وبهم    وســـدك حـدر الثره
طـــول وياك العتـــاب
فرگتك حسره وعذاب
                 علي اتهدم حيله  

¢¢¢¢¢¢¢¢¢

ماتت بگلبه السوالف بعد ماعنده صبر
عمره بعدك مايريده ودفن ويـاك العمر
آخ يا فــگد العزيز وآخ يا جـرح الهجر
لوسمع آذان يبچي ذكـر أسمك بي يمر

يزيد نوحه    لونظـر لـم الحســـن
يزيد نوحه    وتثگل اعليه المحن
عگبك اتشوف الصعاب
فرگتك حسره وعذاب
                   علي اتهدم حيله

¢¢¢¢¢¢¢¢¢


تم بعون الله تعالي
بقلم ام زين العابدين اللامي
من يود يقرا القصيده يذكر هذا الاسم (زين العابدين الزبيدي)
والله ولي التوفيق
اسـالـكم الـدعاء لي والـدي،
الفاتحه الى روح والدي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطمية للنبي محمد صلى الله عليه واله وسلم (ابن عمك يحيدر)


ابن عمك يحيدر ... شال عن داره
لايرجع بعد لاتسمع اخباره


مايرجع بعد حمل الجيدومه
نام اعله التراب وطول النومه
خله ام الحسن تلطم ومهضومه
تگول افراگ ابوي ولاطفت ناره
ابن عمك يحيدر ... شال عن داره


تگول افراگ ابوي المارحم حالي
خله النار تتفاور بدلالي
للمحراب اصد امكدر وخالي
ومفگود الحنين وغايبه انواره
ابن عمك يحيدر ...  شال عن داره


غايب نور ابوي الچان يتلاله
وادموع الحسن وحسين هماله
والديوان ضل فال الحزن فاله
وعن المصطفى ينشدون خطاره
ابن عمك يحيدر ...  شال عن داره


تنشد عالنبي ياحيدر اضيوفه
وين الچان ينطي الزاد بچفوفه
مايرجع بعد واشلون ماشوفه
احن الشوفته وضليت محتاره
ابن عمك يحيدر ... شال عن داره


احن الشوفته الحلوه ومحاچيه
مايرجع بعد لاينشد اعليه
سور الدين مات وشيعو فيه
راح اليگعد المسكين بكتاره
ابن عمك يحيدر ... شال عن داره


كلهه بعازته المسكين والسايل
ياوسفه الحنين امحمل وشايل
باچر يهجم اعله الدار چم عايل
والحگ ينوخذ بچفوف غداره
ابن عمك يحيدر ... شال عن داره


الحگ ينوخذ بچفوف سلابه
ادري اهل السقيفه تعيل بغيابه
اصيح بصوت وينك ماتجي يابه
الكسر البالضلع ماترهم اجباره
ابن عمك يحيدر ... شال عن داره



✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الطميه_بديوان_أئمة_الهدى_الجزء_١_.


لطميه للأمام العسكري عليه السلام


اليوم العسكري متغيره الوانه
سامره عليه اتنوح حزنانه
❥━──➸➽❥💔❥━──➸➽❥💔
سامره عليه اتنوح هليله
مسموم الحسن والسم هدم حيله
ملتمه عليه اتودعه العيله
وسامره صفت من شخصه خلوانه
❥━──➸➽❥💔❥━──➸➽❥💔
المهدي حزين وعينه سجابه
بيده غسلاه وصاح يا يابه
شلون ايشيل عنه راعي الاهيابه
هليوم الحزن والهظم غطانه
❥━──➸➽❥💔❥━──➸➽❥💔
اليوم العسكري مسموم جر ونه
يريد ايشيل هليله الولي عنه
الف وسفه النوايب ليش صابنه
مسموم ويون ممدود جثمانه
❥━──➸➽❥💔❥━──➸➽❥💔
اليوم العسكري ناوي عله افراكه
والمهدي يكله شوكت نتلاكه
احا يا فركتك يابويه حراكه
يا جمر الأفراك شلونه جوّانه
❥━──➸➽❥💔❥━──➸➽❥💔
سامره تون من شال واليهه
الليله امكدره وتريد راعيهه
شال اليوم من عدهه امخليهه
يا يومك ثجيل اشكثر بجانه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للأمام الحسن العسكري عليه السلام


اليوم العسكري شايل أو شيعوده
والمهدي حزين وروحه ممروده
❥━──➸➽❥💔❥━──➸➽❥💔
حزنان أبو صالح شال أبو عنه
أمگابل جثته أو بس يجهر الونه
صاح أشلون أبوي الگبره أشيلنه
بيت العز وگع يا ناس عاموده
❥━──➸➽❥💔❥━──➸➽❥💔
لاوين الحسن شايل أبهالليله
نرجس تنتحب لمصابه وأنحيله
والمهدي يون وضل يتچيله
صورة والده أمن البيت مفگوده
❥━──➸➽❥💔❥━──➸➽❥💔
أبسامره الحسن مسموم وأتراده
گعدو بلحزن يم راسه الساده
ويلي السم ثجيل وهدم أفاده
الليله جثته أعلى القبله ممدوده
❥━──➸➽❥💔❥━──➸➽❥💔
عرگان الجبين أو ضل يون وحده
والمهدي حزين أو گاعد أبسده
الدمعه ضلت أتلالي على خده
صاح أبصوت بويه العشره مريوده
❥━──➸➽❥💔❥━──➸➽❥💔
عشرتنه عمر مريوده يالغالي
وياك الأمسامر بويه يحلالي
بيتك يالأبو صبح صدگ خالي
وهسه المدرسه والدار مسدوده
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الثلاثاء / ٦ من شهر ربيع الأول
الموافق / ٢٠٢٤/٩/١٠


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة لمولاتنا الزهراء "عليها السلام"

حنينة وغالية والگلب يهواچ
رافگنه الحزن من ودعيناچ

واعلينه الهوه ضاگ
يتعب اهواي الفراگ

ندور غرفتج بس ما لگيناچ
رافگنه الحزن من ودعيناچ
ــــــــــــــــــــــــــــــــــــــــــــــــــ
رافگنه الحزن من رحتي عنّه
شمحله الموت والله وياج يمنه
يموت الولد گبل امه ايتمنه
خيمة وطحتي واتطشر شملنه

ينعمة ومني تنباگ
يتعب اهواي الفراگ

صعبة فرگتج ويانه ردناچ
رافگنه الحزن من ودعيناچ
ــــــــــــــــــــــــــــــــــــــــــــــــــ
صعبة ايفگدچ المتعود اعليچ
أصَبْر اشلون روحي معلگه بيچ
تأمن الروح لو بس يمر طاريچ
دعيت الموت ياخذني ويخليچ

اعليه اليتم ما لاگ
يتعب اهواي الفراگ

كسر البالضلع للموت وداچ
رافگنه الحزن من ودعيناچ

✍🏻زينب الواسطي
ــــــــــــــــــــــــــــــــــــــــــــــــــ
كـسـر الـبـلـضلـع يا ريـت بـيـه
ناديــت ابــهــضـم آآيالـزچــيـه
بحسره اتعيش دون امها لبنيه
لـمـصـلاچ اصـد كـل مـغـربـيه

الچ كل لحضه اشتاگ
يتعب اهواي الفراگ

ريـت انموت كلنه كـون وياچ
رافگنه الحزن من ودعيناچ
ــــــــــــــــــــــــــــــــــــــــــــــــــ
ريـت الـموت ياخذنه ويـخليچ
ما احمل جـفاچ امعلمه عـليچ
يمن فدوه رحت يمه المعانيچ
ذاري الـمگـبـره خـافـنه ياذيچ

وينشف ذيچ الرياگ
يتعب اهواي الفراگ

يمن عاب الگلب لويوم ينساچ
رافگنه الـحزن مـن ودعيناچ

✍🏻خادمة آل البيت
ــــــــــــــــــــــــــــــــــــــــــــــــــ
نستني العافيه بس لونسيتج
يلعشتي بوريدي مـــــو ابّيتج
صارت غفل يــحبيبه مشيتچ
لو بس ساعه   وتردين ريتـچ

الج حيل الگلب طاگ
يتعب اهواي الفراگ

يهد الحيل يم حسين طرواچ
رافگنه الحزن من ودعيناچ
ــــــــــــــــــــــــــــــــــــــــــــــــــ
احس حتى الهوه يخنگني يمه
وهذا الكون عگبج صــار ظلمه
ومن اشتاگلـــج  ثوبچ اشـمه
الفاگد زهرته   يريد اليضمه

دمعه يكت  حراگ
يتعب اهواي الفراگ

تنعينه ردت لا موش ننعاج
رافگنه الحزن من ودعيناچ

ام عــــ✍🏼ــــــلي البابلي
ــــــــــــــــــــــــــــــــــــــــــــــــــ
تمت بعون الله تعالى بأقلام

✍🏻ام علي البابلي
✍🏻خادمة آل البيت
✍🏻زينب الواسطي

لانجيز حذف الأسماء
نسألكم الدعاء


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#جديد_وحصرياً_.
#الطميه_بديوان_خير_النساء_الجزء_١_.


لطميه للزهراء عليها السلام( يمه لفيني ابعباتچ )


يمه لفيني ابعباتچ خل اشمن ريحتّچ
ماهو وكت اوداع يمه اتيتمين ابنيتّچ
طفله وبعازت حنان ... چان الي اوجودچ امان
گلبي وشلون ابغيابچ يمه يحمل وحشتچ
❥━──➸➽❥💔❥━──➸➽❥💔
يمه يوم الرحتي عني خيم ابگلبي الحزن
يمه جدامي مشيتي للمگابر والدفن
ليش ذبيتي العبايه ولابسه الأبيض چفن
غاليه أو كلچ محنه يا بعد روحي ام حسن
دونچ اشيسوه العمر ... فرگتچ تحني الضهر
گلبي وشلون ابغيابچ يمه يحمل وحشتچ
❥━──➸➽❥💔❥━──➸➽❥💔
يمه كل ليليه افزن واصرخ اعليچ ابهظم
والله فرگاچ اشمصعبه مني سل حتى العظم
بس اليفارگ عزيزه يشعر بمعنى الألم
ادخل الغرفت منامچ ريحتچ فواحه اشم
احضن اهدومچ واون ... والدموع اتسايلن
گلبي وشلون ابغيابچ يمه يحمل وحشتچ
❥━──➸➽❥💔❥━──➸➽❥💔
احضن اهدومچ ييمه وابچي ابحرگة گلب
چنتي امس يا زهره يمي وهسه بحضان الترب
ضايعه اخلافچ وعيني ادموعهه من دم تصب
ضلمه بيتچ يلحنينه گمت اشوفه بس اطب
همي يكثر والدمع ... خالي اشوفه وانفجع
گلبي وشلون ابغيابچ يمه يحمل وحشتچ
❥━──➸➽❥💔❥━──➸➽❥💔
ثاري كلمن فارگ امه ايعيش عيشه باهته
واعلى خده ابحزن تجري كل مسيه دمعته
من عمت عين المگابر يمه وجهچ ضمته
گلبي مكسور ابرحيّلچ والله توجع كسرته
ها يروحي او دنيتي ... صار موتچ غصتي
گلبي وشلون ابغيابچ يمه يحمل وحشتچ
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أميره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطمية لأم البنين عليها السلام (( مايضل عندك گلب ))


مايضل عندك گلب
من تشوف ام البنين
گاعده بدارك تنادي
ياحبيبي ياحسين


امگابله امچانك الخالي
وحالهه اخلافك صعب
لو شفتهه اشلون تنعه
مايضل عندك گلب
عبره مخنوگه بصدرها
والدمع عالخد يصب
اتگول وديتك بديه
للمنايه وللحرب
وللسيوف والرماح
وللظلم والظالمين


اشلون وديتك بديه
للسيوف وللرماح
لاتضن گلبي بغيابك
يستقر لو يستراح
من شفت ضعنك جزاني
حيلي وي الضعن راح
عيني مشبوحه اعله دربك
كل مسيه وكل صباح
بلكت يردك زماني
وجرحي يضمد يالحنين


بلكت يردك زماني
من ترد جرحي يطيب
ودعتني ومن وداعك
يبني صار بگلبي شيب
انته بس انته حبيبي
ولابعد غيرك حبيب
بيك افكر خاف بالطف
باچر اتصبح غريب
من عگب ذيچ النشامه
لانصير ولامعين


اشلون لو ضليت وحدك
لامعين ولانصير
چني يامظلوم اشوفك
عينك الزينب تدير
ايعينهه الله من تگلهه
گومي لوداعي الاخير
الدهر لارحمه عنده
ولامروه ولاضمير
للهضم خلاني بعدك
والمناحه والونين


للمناحه والونين
والمصايب والقهر
ماانام الليل كله
هيچ خلاني الدهر
من سمعت الناعي ينعه
هيست ضهري انكسر
صحت وين حسين گلي
وگال ماعنده نحر
وهاي زينب وابن اخوها
امس سووله اربعين


هاي زينب وابن اخوها
چانوا ابين اللحود
من السلاسل والسياط
امتونهه وامتونه سود
حسين بالحومه توذر
لاتنطرينه يعود
والبطل عباس عالشط
راسه مطبور بعمود
لاعلم لاعين عنده
لايسار ولايمين


لشاعرة اهل البيت
ام هجران العمارچيه

غير مبري الذمه من يمحي الاسم اويغيره ويتلاعب بالقصيده وينسبها لشخص اخر


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه لاام البنين ع
جنوبيه رباط هوسه



لطمن حيل لم الكطعوا اجفوفه
ام عباس بالكلفات معروفه
💔💔💔▪️💔💔💔
عازنها الزجيه اليوم عازنها
دكن عالصدر واللطمه عدلنها
ولم الاربعه الدمعات هلنها

المهيوبه//غمضتها العين
💔💔💔▪️💔💔💔
عيون ام البنين اليوم غمضتها
لا ويلادها الحضرت جنازتها
لحد الموت ماهودت ونتها

مامرتاحه //من يوم الطف
💔💔💔▪️💔💔💔
ثفطر اجبال ونتها تون لحسين
فدت اولادها وجفوف ابنها اثنين
مو دمع التهله دم تهل بالعين

مهضومه//ماشافت راحه
💔💔💔▪️💔💔💔
واعزاز الكلب هليوم رادتهم
معتازه البنين تريد فزعتهم
وبكسره كلب يولادي ندبتهم

يحضروها/بهذا اليوم
💔💔💔▪️💔💔💔
وسفه ام البنين الغربه شيعتها
لا والي الحضرها بيوم دفنتها
هاي ام الوفه دم جرت دمعتها

للداست صدره//الخياله
💔💔💔▪️💔💔💔

تــــمت بعون الله تعالى
بقــــ✍🏻لم خـادمة االزهراء  عليها  السلام
الشـــاعره أم حسين الفريداوي
لاأجيز حذف الأسم
نسالكم الدعاء بتعجيل الفرج لصاحب الزمان ((عج))


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة لأم البنين ع {حشمت ام البنين}

بالعباس ...حشمت ام البنين
صاحت يمه جيب اوياك الحسين
❥❥❥❥ـــــــــــــ❁❁ـــــــــــــ❥❥❥
بالعباس حشمت ام المحنه
صاحت جيب ابو اسكينه اريدنه
قبل لا اموت اريد الليله اشمنه

الليله رايدتكم تهمل العين
❥❥❥❥ـــــــــــــ❁❁ـــــــــــــ❥❥❥
اريدنكم تجوني لا تعوفوني
لصوب المكبره يمه تزتوني
من الشوگ تهمل من دمه اعيوني

عذبني بجفاكم يمه الونين
❥❥❥❥ـــــــــــــ❁❁ـــــــــــــ❥❥❥
عذبني بجفاكم وني يحبابي
عيني امناطره هالليله لبابي
اريد اجفوفكم اتهيل بترابي

حشمتك تجي يبني يالحنين
❥❥❥❥ـــــــــــــ❁❁ـــــــــــــ❥❥❥
حشمتك تجي وتجيب ابو اليمه
لا تعتذر مني ادخيل يايمه
مابيه بعد واتحمل الهظمه

تعبتني وحگك يبني السنين
❥❥❥❥ـــــــــــــ❁❁ـــــــــــــ❥❥❥
تعبتني السنين وليلي مرضني
وجفاكم يبو النوماس شيبني
ليلي وي هجركم يمه تعبني

وخذت حيلي مصيبة ذبح الحسين
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه الزينب ع

ودو طروش للعباس لايتعطل عليها
تريده  للكبر  بيده  يوديها
..........
ودو  طروش   للمهيوب
ماتت  يم كلب مصيوب
واليها  وعليه   معتوب
زينب بين  غربه  لايخليها
..........
خله يكوم  ابوالهدات
زينب تجذب الونات
فزعو  الشايل  الكلفات
هاي  ام الخدر جاوين اهاليها
..........
خل يفزع كمر   عدنان
تريده ايرافك  الدفان
اليوم بعازة  الاخوان
شيال الجنازه تريد  واليها
...........
تعتب عمت ابنه اليوم
تريده  للجنازه  ايكوم
اكعد  ياعجيد  الكوم 
شيل  اختك  وامش بيها
.........
يكوم   بغيرته  العباس
واخته يشيلها عالراس
يهيبه وراعي النوماس
هاي الي تزامط  بيك تدريها

✍️ ام زينب كربلاء غير مبرئ الذمه من يأخذ الكلام وينسبه له او حذف الاسم 


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#من_ديوان_قربان_الطف_ج12
قصيدة للسيدة زينب(يالتغسلين العقيلة)
❥━──➸➽❥❂❥━──➸➽❥❂
يالتغسلين العقيلة اوياها بهداي
خاف يوجعها المتن من صبة الماي
ماتت ام عون / زرگه المتون
آيزينب ... آيزينب
❥━──➸➽❥❂❥━──➸➽❥❂
يالأثر بمتونها ليهسه ماطاب
شبعت اهموم وضرب من عگب الأحباب
بسوط ضربوها العده والأهل غياب
الغسلتهه بگت تبچي بدمع سچاب
وگالت شبيهه مريضه الحره اظنهه
مادرت من الضرب ازرگ متنهه
اتهل العيون / زرگه المتون
آيزينب ... آيزينب
❥━──➸➽❥❂❥━──➸➽❥❂
بهيده خل بالچ عليهه يالتغسلين
عله همهه والحزن واجب تونين
خلصته كل عمرها تبچي لحسين
هاي بت الزاچيه السطروها عالعين
حيف بارض الشام خلاها دهرها
تموت بس من الأهل محد حضرها
اويه اليغسلون / زرگه المتون
آيزينب ... آيزينب
❥━──➸➽❥❂❥━──➸➽❥❂
أثر باقي اعله المتن للموت نيشان
أمن امها ياهالناس ورثت كل الاحزان
وحيده ماتت بالغرب ما يمها خوان
بهون وياها لون لفيتوا الاچفان
عاشت امن الزغر لوعات ومصيبه
وهسه بأرض الشام هل ماتت غريبه
بگلب محزون / زرگه المتون
آيزينب ... آيزينب
❥━──➸➽❥❂❥━──➸➽❥❂
شويه يمغلسه ارد اسولفلچ عليهه
روحها ميته امن اهد ذبحة وليهه
شافت اخوتهه ضحايا امگطعيهه
ونار بارض المعرگه چلبت بيديهه
شحچي عنهه هواي قصتهه طويله
هاي بت حيدر علي الحره العقيله
بيهه يحچون / زرگه المتون
آيزينب ... آيزينب
❥━──➸➽❥❂❥━──➸➽❥❂
بت علي خير العمل ماكو مثلها
مسجل التاريخ صولات الكفلها
من وصلها الموت گطعت كل أملها
ما اجاها الحيد الاجنازة حملها
لو عدل عباس ماچان اعتذرهه
عمت ابنه يشيلهه ويحفر گبرهه
ويگلب الكون / زركه المتون
آيزينب ... آيزينب
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للسيده زينب عليها السلام( بزينب كون )


بزينب كون يمشي حسين واليهه
أيسد باب الچفن بيده ويغطيهه
❥━──➸➽❥💔❥━──➸➽❥💔
ماتت بالحزن هاليوم من بعده
لزينب ما أضن خال الولد رده
نايم باللحد والنام شيگعده
چنه الدللاهه ما سمع بيهه
❥━──➸➽❥💔❥━──➸➽❥💔
چنه ما سمع حضرت منيتهه
وأعلى الخد عزيزة گلبه دمعتهه
وللخوان هاي الليله عازتهه
والسجاد حزنان ويون ليهه
❥━──➸➽❥💔❥━──➸➽❥💔
أتصيح حسين أريده تنحب وتنعه
وأعليهه أبن أخوهه يسچب الدمعه
ما منه عليهه حسين كل رجعه
ويا سوط الرجس لليوم ماذيهه
❥━──➸➽❥💔❥━──➸➽❥💔
ذكرت من مشت مسبيه مچتوفه
وينزف ضل جرحهه الليله شيروفه
ما حضراهه ليش الضحه بچفوفه
وعرش الله تقشعر من بواچيهه
❥━──➸➽❥💔❥━──➸➽❥💔
زينب عگب أهلهه الغرب شيعوهه
وبالشام الحزينه أهناك دفنوهه
چا وين العزيه أعليهه نصبوهه
ولا حضرت الزهره ولطمت أعليهه
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الثلاثاء / ١٣ من شهر رجب
الموافق / ٢٠٢٥/١/١٤

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده المولاتي زينب ع
طور/(تعبانات,))

يامايله،،،،،،،
الدنيا أويه زينب مايله

والأدموع،،،،،،،
ويلي تجري و سايله

يازينب ،،،،،يازينب
ااااااااااااااااااااااا
ويلي أعليج زينب غريبه
بت فاطمه الزهره النجيبه
عجيبه   قصتج  عجيبه
أميره وصرتي  سليبه

يازينب،،،،،،،يازينب
ااااااااااااااااااااااا
أمس جان بو فاظل كفيلج
كمر جان ويضوي  ليلج
يسيره ماينكطع ونينج
من الأحزان ذايب دليلج
يازينب ،،،،،،يازينب
ااااااااااااااااااااااا
أصواب الشام يجرح بالأحساس
وين حسين وين عنج عباس
هالأنوار حجه على الناس
وأبوهم حيدر ينبراس

يازينب ،،،،،،يازينب
ااااااااااااااااااااااا
بين أجناب والغربه صعبه
وراس حسين اكبالج يكلبه
هالملعون  عمدا  يضربه
والأعليل يشكي  لربه
يازينب ،،،،،،يازينب
ااااااااااااااااااااااا
وحيده بهاي الرزيه
متلوعين أولاد الزجيه
تبجي أدموم عالخد جريه
عالمذبوح  عافته رميه

يازينب ،،،،،،،يازينب

✍️بقلم الخادمه أم محمد السعيدي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه لسيده زينب عليها السلام
🎤🎤🎤🎤🎤
ونت بت علي شو محد وياها
وتتمنه الحبايب گاعده حذاها
🎤🎤🎤🎤🎤
ونت بت علي وتريد عوانه
وتريد ابوفاضل يمشي دفانه
عمت عين الدنيه شكثر خوانه
خوانه مارحمت زينب
🎤🎤🎤🎤🎤
مارحمت وخلت زينب بحيره
مشت لشام مهضومه ويسيره
ودولبهه الوكت من ديره الديره
خلاها مكسوره خاطر
🎤🎤🎤🎤🎤
مكسوره وتريد اليوم الإخوان
حسين وابوفاظل يمشي دفان
هذه اليوم عازتكم يالاحنان
احا يبن امي وعازته
🎤🎤🎤🎤🎤
عازات الاخو لليوم ردته
شحلاته لويشيع نعش اخته
عمت عيني عله زينب ماحوته
عافوهه ياوسفه الحره
🎤🎤🎤🎤🎤
عافوهه النشامه وحملو عنهه
شو حته الحبايب بعد مااجنهه
ياوسفه الغرايب غسلنهه
الوهامه ام عون تريد
🎤🎤🎤🎤🎤
✍️ام حيدر الحلفي هديه لمولاتي السيده زينب عليها السلام لطلب الشفاء العاجل لئبنتي 🤲🏻

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للسيده زينب عليها السلام
===========

تهد  الحيل

ياونت  العلويه

عينني  عليها  حيل  مابيه

تهدم الروح يادمعت المسبيه

بلشامات  ونتها  بمهظميه

ومهظومه  .. احا يلونت

===========

تهد الحيل مهظومه على ولياها

وكت الموت محد حاضر وياها

تنوح على المشه وبلشام خلاها

وخلاها  ... بلشام تنوح

💔💔😭💔💔

ماتت والنفس للگمر مشتاكه

ماحملت افراگ الفرگه حراگه

تون تگول ماضن بعد نتلاگه

ونتلاگه  ... ماضن يلوالي

💔💔😭💔💔

تعالج بلمنيه وعينها تصدها

على العباس وعلى حسين هيبتها

وتريد الجنازه تشيلها اخوتها

وجنّازه  .. يمشون وياها

💔💔😭💔💔

تعتب على اخوتها تگول خلوني

اختهم  بلمنازع  مايحضروني

اريدنهم اهل گلبي يشيعوني

ويشيعوني .. جا وين اخواني

💔💔😭💔💔

ياونت العلويه على اخوها

رادتهم بلمنازع يحضروها

اخوتها للگبر رادت يزتوها

ويزتوها ... ابهيبه ونوح

💔💔😭💔💔

زينب تلتفت محد حضر ليها

محد من اخوتها  يمد رجليها

يحضر للعقيله يسبل ايديها

اعلى الوالي ... اتون وتنوح

💔💔😭💔💔

تهد الحيل ونت عمت سكينه

ونت موت ونت والاخو وينه

راح بعيد اخيچ ماتشوفينه

مضيعينه ... يهلال الدنيه

💔💔😭💔💔

لطمن حيل علحره وعلى اخوتها

وعازن فاطمه الزهره على بتها

تراهي الدمعه واللطمه مسجلتها

وسجليها .. والدمعه التنزل

===========
خادمة ال البيت الحجيه ام علي البصره نسألكم الدعاء
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة للسيدة زينب عليها السلام



خل ننصب عزة @@@ للماتت الليله

وين حسين نعش الغاليه يشيله

🔥🔥🔥
عاشت كل مصايب كربلاء وياها

طاح حسين علغبرة وخلاها

ترس جفونها الدموع مجراها

لحد ما ماتت ///// محزونه

🔥🔥🔥🔥🔥🔥🔥🔥🔥🔥

كلنه انوح يازينب على همج

لحد هسه الخيم نيرانها بكلبج

بعينج شفتي داسوا صدر أبن امج

يازينب همچ ///// شيشيلة

🔥🔥🔥🔥🔥🔥🔥🔥🔥

نصبو للعقيلة اليوم جادر

وخل يحضر اخوها ويه الاكبر

والعباس وينه اليوم يحضر

الليله الزهره //////// نعازيها


🔥🔥🔥🔥🔥🔥🔥🔥🔥🔥

الليله مكدره الساده عليها

هاي الشدو احبال بأديها

الليله الزهره محنيه وتجيها

ماتت باحزان////// المظلومه


🔥🔥🔥🔥🔥🔥🔥🔥🔥🔥

غريبة يا خلك ماتت ومحرومة

وما ننسه سبي زينب ومظلومة

من سوط الشمر علمتن مالومه


يا سوط الظالم ///////// أذاها



جا ليش الوالي /////////// مخليني



احا يالنامو /////////// بالحومه






انت المعزى مولاي يا صاحب الزمان
بقلم خادمه الخدم ام يحيى الخزعلي
لا اجيز حذف الاسم

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#من_ديوان_قربان_الطف_ج12

قصيدة للسيدة زينب تخاطب امها الزهراء(انه وانتِ)
❥━──➸➽❥❂❥━──➸➽❥❂
انه وانتِ شفنه آهات ومحن
انه وانتِ حيل تعبنه الزمن
قصتي تشبه قصتچ ... آييمه ولوعتچ
انه وانتِ ... انه وانتِ
❥━──➸➽❥❂❥━──➸➽❥❂
عشنه يا يمه شكثر حزن ومصايب
وضيعينه اعزازنه وكل الحبايب
بهالحياة التمت اعلينه النوايب
شوفتنه اه يا يمه العجايب
شاهديتي الهادي بيوم المنية
وانه شفت اخواني بارض الغاضرية
ودمعتي وي دمعتچ ... آييمه ولوعتچ
انه وانتِ ... انه وانتِ
❥━──➸➽❥❂❥━──➸➽❥❂
عشتي يا زهرة حسافه اثمنطعش عام
بحرگه الباب وبقينه بعدچ ايتام
وصارت بعيني يييمه سوده الأيام
وعلي بأرض الغاضريه احرگوا الخيام
لملمت الأطفال يا يمه بعباتي
وبالمعاره يبچن بحرگه خواتي
وحيرتي يا حيرتچ ... آييمه ولوعتچ
انه وانتِ ... انه وانتِ
❥━──➸➽❥❂❥━──➸➽❥❂
متي بحسره ييمه ومحسنچ راح
وانه بالطف احمي الأطفال امن الرماح
هناك صار اسمي السبيه والعلم طاح
روس اخوتي معلگه واشلون ارتاح
القافلة بيد الشمر يمه مشت
تذكريت الباب وبعبره صحت
بوسط گلبي كسرتچ ... آييمه ولوعتچ
انه وانتِ ... انه وانتِ
❥━──➸➽❥❂❥━──➸➽❥❂
ساعة المنچ دنت يمه  المنيه
اسمعتچ توصين ودموعچ جريه
لكن انه المن ييمه انطي الوصيه
لا بقه عندي حبايب لا بنيه
بس أثر سوط الشمر بيدي طبع
وانتِ دفونچ ويصب دم الضلع
وتهد حيلي ونتچ ... آييمه ولوعتچ
انه وانتِ ... انه وانتِ
❥━──➸➽❥❂❥━──➸➽❥
يمه من بعد العذاب و وذاك حزنچ
انتي بطيبه اندفتي وطه يمچ
وانه بالشام وغريبه بعيده عنچ
غمضت عيني وجرح متني يلچمچ
من بعد خمسين عام من المحن
اجه موتي وانتهه بيه الزمن
تلگي گومي بنيتچ ... ... آييمه ولوعتچ
انه وانتِ ... انه وانتِ
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك