فزاعيه للدفنه( صدر الحيد داسنه )


عشر أخيول يالسجاد
صدر الحيد داسنه
❥━──➸➽❥💔❥━──➸➽❥💔
ما ضل بي عظم صاحي
طاح أو زود أجراحي
وزاد البچي وأنياحي
للمظلوم الأمچنه
❥━──➸➽❥💔❥━──➸➽❥💔
يالسجاد من أتروح
بالله أعليك شد الأجروح
وعالج منحره المذبوح
شموس الضهر لچمنه
❥━──➸➽❥💔❥━──➸➽❥💔
جسمه الشمس صاهرته
وأسهام المشابگته
منه الحيل هدته
جرهن يا علي منه
❥━──➸➽❥💔❥━──➸➽❥💔
طايح والي العيله
ومطحونه مفاصيله
عمه من تجي أتشيله
أبهيده بالگبر دفنه
❥━──➸➽❥💔❥━──➸➽❥💔
صدره ويه الضهر صاير
وآه يا لچمة العاشر
خيل أو چم أثر حافر
حيف أبن أمي وذرنه
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الخميس / ٢١ من شهر ذي القعدة
الموافق / ٢٠٢٤/٥/٣٠

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه  لدفن

يادفان    حط عينك عالصوابه
بهيده من تهيل عله الولي ترابه
...........

براظه وعالكيفك شيل خال ابني
تره  صوابه البكلبه حيل عذبني
جني اسمع ايكول الجرح يلجمني

بهيده اوياه  يادفانه


براضه وعله كيفك ها يدفانه
لاتلجم اخيي ضلوعه وجعانه
ضلوعه مكسره  وبكلبه الزانه

وبهونك جر سهم افاده


ياسهم المثلث كطع دلاله
طريح وكسرت صدره الخياله
وخليت  ورحت نايم عالرماله

براظ براظ ويضلوعه
........
يادفان خال ابني شده بالي
بهيده من تحرك منحر الوالي
هذا الراس ويه اخته برمح عالي

والمثله  اشلون ايوسدونه
........
لاتلجم عزيز الروح وبهيده
صوابات البجسمه كلش مجيده
دور  خنصره وخليه بجف ايده

الخنصر  رده  عالجفوفه

...............

✍أم زينب كربلاء غير مبري الذمه من ياخذ الكلام وينسبه له او يحذف الاسم من كتاب الجزء الحادي عشر الماسي العلويه 

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطمية للدفنة ( چم حافر لگيت )


چم حافر لگيت ... بصدر ابو اليمه
بدمعك من غسلته ياعلي عمه


چم حافر لگيت امكسر بصدره
بيمن وسديته وعالرمح نحره
احچي اوياي عمه وبسك العبره
اشلونه اصواب گلبه الغارگ بدمه
چم حافر لگيت ... بصدر ابو اليمه


اشلونه اصواب گلبك ياعلي اشلونه
بالتابوت كل ميت يشيلونه
وابوك حسين عدوانه شيطلبونه
خذوني ابساع ماخلوني اشد عزمه
چم حافر لگيت ... بصدر ابو اليمه


خذوني بساع للكوفه ورحت عنه
لاخلوني اودعه ولاادفننه
چم طبره شفت بحسين چم طعنه
اجروحه اهواي لو هب الهوه يلچمه
چم حافر ... لگيت بصدر ابو اليمه


تربان وسموم يلچمن اجروحه
هاذا حسين فدوه ارواحنه الروحه
ليش اجنازته لليوم مطروحه
ماكو احباب بس عدوان ملتمه
چم حافر لگيت ... بصدر ابو اليمه


ماكو احباب عند حسين وتشيله
عشر اخيول اجن رضن مفاصيله
هم نشداك عني وعن مداليله
مايدري الحنين اچتافنه امورمه
چم حافر لگيت ... بصدر ابو اليمه


مايدري الحنين اچتافنه شبيهه
واسياط الشمر يتلون اعليهه
رقيه تصيح يابويه وشحاچيهه
مشتاگه الوليهه ورايده اتشمه
چم حافر لگيت ... بصدر ابو اليمه


تعذبني وتدولبني وتشيبني
بت حسين عن حسين تنشدني
شحاچيهه وشگلهه وانگطع ضني
راسه اوياي جبته وبالحرب جسمه
چم حافر لگيت ... بصدر ابو اليمه



✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

ما كان لله ينمو. ( 100K)
بفضل الله واهل البيت اكبر قناة على التلكرام لنشر قصائد حسينه ومظلومية اهل البيت  اشترك بالقناة يصلك كل ماهو جديد وحصري تم نشر تقريبا800 قصيدة لكل ايام محرم بالترتيب  👇👇👇👇
https://telegram.me/aabas78

#النعي_بديوان_بحر_الولاء_الجزء_١٢_.


نعي للدفنه


يامن دفنت احبابي اليوم
هم غسلتهم من الادموم
ردت اضل ما خلوني الكوم
❥━──➸➽❥💔❥━──➸➽❥💔
يامن دفنت اعزاز الاكلوب
لميتهم يا كتر يا صوب
كل للولي من صوبي متعوب
❥━──➸➽❥💔❥━──➸➽❥💔
اوصيك بحبابي يدفان
بلحودهم عدّل التربان
لا حصلو كافور لا اجفان
❥━──➸➽❥💔❥━──➸➽❥💔
يامن دفنت اليوم ولياي
هم شربتهم بلدفن ماي
نامو ضمايه كلهم اعضاي
❥━──➸➽❥💔❥━──➸➽❥💔
لو خلصت من دفنت حسين
درب الشريعه عاينه وين
شوف البطل مكطوع الايدين
❥━──➸➽❥💔❥━──➸➽❥💔
يدفان عاتبلي العباس
تلكاه لا جفين لا راس
ادفن اوياه الدرع والطاس
❥━──➸➽❥💔❥━──➸➽❥💔
كله يشيل السيف وايكوم
ايعوف الشريعه ايتيه النوم
يسيره ترانه او حيلي مهدوم
انه ابعازته خل يكعد اليوم
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للدفنه{زينب بالعبايه}تقرأ مربعه وتقرأ جنوبيه بهوسه

زينب بالعبايه حلفت الوالي
وره الدفنه انسبي ترضاها يالغالي
❥❥❥❥ـــــــــــــ❁❁ـــــــــــــ❥❥❥❥
وره الدفنه انسبي ترضاها حاجيني
تذكرني بعد لو صرت ناسيني
بعازه يالرحت لا لا تخليني

يهضم بالگلب اه يالاخو حالي
{تخليني // معقوله وتمشي}
❥❥❥❥ـــــــــــــ❁❁ـــــــــــــ❥❥❥❥
شكد اعتازلك بالدنيه يالغافي
ضوه دنياي احسه بدفنتك طافي
مابياش احمل بعد يالجافي

دمعي عالوجن من فركتك هالي
{مهمومه // روحي وجفينك}
❥❥❥❥ـــــــــــــ❁❁ـــــــــــــ❥❥❥❥
روحي يالحنين اعليك مهمومه
وعله الضل ثلث تيام بالحومه
زينب بت ابوك الليله مهضومه

مجانك ليش بعدك يالرحت خالي
{رد ليها // مهضومه اختك}
❥❥❥❥ـــــــــــــ❁❁ـــــــــــــ❥❥❥❥
رد ليها العقيله ابعازتك تدري
لو يسبوني اموتن يابعد عمري
المن اشكي ياعباس كل قهري

تدري انه بعد لا غيركم مالي
{تعوفوني // يابعد اعيوني}
❥❥❥❥ـــــــــــــ❁❁ـــــــــــــ❥❥❥❥
يبعد اعيون زينب كوم ويايه
مشتاگه لعيونك كلش اهوايه
ابد عباس ابد مو وكت المنايه

تذبح عازتي بلياك يالوالي
{ذبحوني // من گالوا عافج}
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني
من ديوان نحر الرسالة ج7

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للحسين يوم الدفنه
=========

يادفان  اهلنه

بهيده  وياهم

تره حلوين لتخرب لحياهم

حلوين الوجوه الدهر طماهم

فلت ونتهت عشرتنه وياهم

وماترهم تره العشره بلياهم

وين اللگاه // العاف العشره

♠️♠️♠️♠️

يادفان اهلنه رش الترابه

تراهو حسين اخيي چايد مصابه

گلبه من العطش والينه عطابه

بهيده نزله لاينزف اصوابه

من اصوابه // والينه ينوح

♠️♠️♠️♠️

امشي وياك  يادفان اتچيله

تراهو مرضرضه حيله ومفاصيله

انه وياك  نتعاون  سوه  نشيله

من اصوابه يون ياونته ثگيله

يهد حيلي // من اسمع ونته

♠️♠️♠️♠️

اختك بلحزن اگعد يواليها

چا وصيتمن  ياوالي اعليها

ماتحمل هظم ياخوها تدريها

تره فراگك صعب يحسين ياذيها

وشيشيله // وفراگك خويه

♠️♠️♠️♠️

وينه التبچي عينه ويدك علهامه

يساعدني على اهلي الوهامه

ضلت بس رسوم وضلت اعمامه

من يوم المشو ياليلي مانامه

ومانامه // والليل عليهم


=========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الطميه_بديوان_بحر_الولاء_الجزء_١٧_.


لطميه للدفنه


يدفان الجسد والراس جاوينه
لاحصل اجفان أو لا امغسلينه
🔹🔹🔹🔷🔹🔹🔹
يدفان الجسد بالله انتبه ليه
هم حصل جفن غسلته بميه
تره اجروح الابجسمه ألف اوتسع ميه
الراس وياي واعليه شبح عينه
🔹🔹🔹🔷🔹🔹🔹
كلي وين راسه راح عن جسمه
هم حصلت ماي اتغسله من دمه
امنتنزل الجسد بهداي الي شمه
كله تعاتبك زينب ياوالينه
🔹🔹🔹🔷🔹🔹🔹
ماشفنه اليموت بلا جفن دفنه
كلي بيش لفيته او شنو جفنه
يشيعونه اليموت عشيرته شفنه
ووالينه برمح راسه امعلكينه
🔹🔹🔹🔷🔹🔹🔹
يدفان الجسد لو شلته بهدايه
راسه على الرمح ومغرب اويايه
ما وصه عليه ولا حجه حجايه
عفته بلا دفن واحنه مشو بينه
🔹🔹🔹🔷🔹🔹🔹
يدفان الولي ادري العتب جاسه
لاتدفن اخيي خل يرد راسه
بلكت من أرد ترجعله انفاسه
للديران يكعدلي ويودينه
🔹🔹🔹🔷🔹🔹🔹

*تـــمت والـــــفضـــ🤲ـــل لله تعالى*
*بقلم✍الشاعره أميره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه  جنوبيه  لدفن

بدفن حسين  ماطلعت عراضات
لاتجفين   لا بيرغ    اوهوسات
..........
ياشيخ  العشيره وسيد الكون
غير  عليك  بالبيرغ  يهوسون
وين اسباع هاشم خل يفزعون
يشيلون  النعش وعليك ونات
.........
العابد  وحده ويسجب بالادموع
يصيح  احاه  يامكسور  الاضلوع
ليش  بدفنتك  ماطلعت  جموع 
يبن  المرتضى   وسيد   السادات
........
ياهيبة  الساده  وكرة  العين
لاتابوت  لاتشيع    يحسين 
يالبدمك حييه الاسلام وادين
عليك اليوم  ماشالو  الرايات 
..........
يشيعه اليوم  سووله  عراضه
هذا  ابن النبي وابن  الفراضه
وشيلو نعش ابواليمه عالراضه
مصوب والجسد متروس طعنات
.........
نعش المنذبح  هاليوم  شيلوه
عزيز ام الحسن عالراس خلوه
وميدان العراضه عليه عدلوه
يسو   النوح    عز    الهاشميات

هوسه
(اليوم بهيبه انشيعك / ياشيخ الساده )

✍️ ام زينب كربلاء غير مبرئ الذمه من يأخذ الكلام وينسبه له او حذف الاسم  من كتاب المآسي  الزينبيه الجزء الخامس


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*قصيده للسبي (يا جرح گلبي)*
*((من ديوان📚 مسير الفواطم لإرض المظالم الجزء ٣))*
❥━──➸➽❥❂❥━──➸➽❥❂
ياجرح گلبي ولامثله جرح
شفت بس احزان مامرني الفرح
❥━──➸➽❥❂❥━──➸➽❥❂
ياجرح گلبي ولامثله چبير
رافگيت اجناب ماعدهم ضمير
وبس علي الوجعان وياي واسير
والغريب حسين بالحومه انذبح
❥━──➸➽❥❂❥━──➸➽❥❂
ذبحو حسين وبگيت بلا حسين
وابو فاضل گطعو منه الادين
ماشفت غير المناحه والانين
وراس ابو اليمه على راس الرمح
❥━──➸➽❥❂❥━──➸➽❥❂
راس ابو السجاد شفته اعله الرماح
انشلع سباح گلبي و حيلي طاح
صرت مثل الطير مكسور الجناح
بالحرايب نايمن اهل السلح
❥━──➸➽❥❂❥━──➸➽❥❂
بالحرايب نايمين اعله الثره
ورحت للكوفه غريبه اميسره
وين عني البطل سبع الگنطره
مادره للجلسه طبيت الصبح
❥━──➸➽❥❂❥━──➸➽❥❂
ما دره طبيت ما بين العده
عالنهر خليت جثته امدده
من يخبره ومن يگله اعله السده
والدمع بالعين ضل ماينمسح
❥━──➸➽❥❂❥━──➸➽❥❂
*بقلم✍🏻 خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

امشي للسبي... والسوط عالراسي
وشفت اعله الرمح... يبچيلي عباسي


كل لحظه التمر اتفاجئ ببلوه
وعالناگه الهزيله اركبت گوه
وعيني عالرماح اتدوَّر الخوه
واخذت كربله مني اغلى كل ناسي


لمن طلعوني بحزني مسبيه
شفت اعله الرمح خويه التفت ليه
وادموعه شفتها جاريه اعليه
ما يرضى الكفلني بجرحة احساسي


مالومه اطلعت من كربله أبچي
ولا هودج الي ولا كافل ايتچي
ومنعوني اون لو فد حچي أحچي
مخنوگه و أحس ما تصعد أنفاسي


ولمن المحت رمح السبط عالي
من حرگت دليلي صحته يالغالي
چتاله ضربني وما رحم حالي
والكافل وگع من ايد الارجاسي


راس العل رمح چاويني بمصابه
لا أگدر أحضنه وامسح اخضابه
ولا أگدر أدفنه وسفه بترابه
ويسبني الدهر وي خصمي القاسي


#الشاعرة_الملاية_زينب_المؤيد


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

ديوان،، أيات الشهادة جزء 23


لادفنتك لانصبت الفاتحه 
لليسر يحسين عنك رايحه
ـــــــــــــــــــــــــــــــــــــــــــــ 
لليسر يحسين مچتوفه رحت
انهدم حيلي ودليلي وفرفحت
لادفنتك لاقريت ولا صحت
والجنازه تريد ونه وصايحه
ـــــــــــــــــــــــــــــــــــــــــــــ 
الجنازه اتريد تغسيل ولطم
لا ضلع بيها ولا راس وعظم
من امس لليوم شبعانه هظم
اركض ولا گاعده من البارحه
ـــــــــــــــــــــــــــــــــــــــــــــ 
اركض ولا گاعده ولا هايده
روحي خمس اخوان بالطف فاگده
محد ايگول العزيزة اشرايده
وين ابات وكل خيمهم طايحه
ـــــــــــــــــــــــــــــــــــــــــــــ 
وين ابات وكل خيمنه امهدمه
الزم اسكينه واضيع فاطمه 
حسين ميت والضلوع امهشمه
وللنهر عيني تصد وشابحه
ـــــــــــــــــــــــــــــــــــــــــــــ 
للشريعه وللنهر عيني تصد 
حشمت عباس مكطوع الزند
كوم شيل حسين وحفرله لحد
وشوف زينب عالهزايل نايحه
ـــــــــــــــــــــــــــــــــــــــــــــ 
شوف زينب والفواطم عالهزل
اليسر لا ينقبل لا ينحمل
ليش خلاني الدهر بيد النذل
الله لايطي الدهر ماسامحه
ـــــــــــــــــــــــــــــــــــــــــــــ 
مارحمني وبيش يطلبني الدهر 
فرهد اخواني وشبع گلبي قهر
واحد بميدان واحد عـــالنهر
گطعوهم بالسهام الجارحه
ـــــــــــــــــــــــــــــــــــــــــــــ

بقلم الشاعرة ام غصون العمارچية


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

🎤📚🏴قصیده {{ نصبت فاتحه}}



نصبت فاتحه زینب لهالیها
علی الاخوان لطمتها ونعاویها
*........〰️〰️〰️📚🎤📓〰️〰️
نصبت فاتحه زینب المهضومه
عله حسین الذبیح السلبوا اهدومه
مطرور الگلب للماسده یومه
متعوبه تراهي ام عون مابیها
*........〰️〰️〰️📚🎤📓〰️〰️
مابیها وتون والونه مخنوگه
وطرف الذیالها یاناس محروگه
خشنه احبالهم بیدهه مشبوگه
ستر الله العقیله شلون سابیها
*........〰️〰️〰️📚🎤📓〰️〰️
ستر الله  ودلاله وهیبة الخوه
ترکض حافیه وبنار تتچوه
گوه الله یزینب حیلچ اتگوه
بعد اخلافهم یاهو الیباریها
*........〰️〰️〰️📚🎤📓〰️〰️
تعبانه وتون والونه چتاله
عفرین ابصبرهه تشوف خیاله
تسحگ بالصدر وطشر اوصاله
ایشیب الراس زینب والسده اعلیها
*........〰️〰️〰️📚🎤📓〰️〰️
عفرین ابصبرهه امچتفه تمشي
اتگول حسین گلبي ویابعد هرشي
الصایر بیک شیب جفني مو رمشي
ما تبطل تره زینب بواچیها
*........〰️〰️〰️📚🎤📓〰️〰️
تمت بعون الله تعالی

کلمات یاسمین الشموسي

نسالکم الدعاء للفرج عن اخي🏴أنت المعزى سيدي يا صاحب الزمان ... عظم الله اجوركم
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده/ بقفلت الهوسه
وي ام عون يحله لطم المتون
نعازيها ونهل دموع العيون
🏵️🏵️🏵️🏵️🏵️

وي ام عون لطمتنه اشتراكيه
نون ونوح ونعازي المسبيه.
هدتني المصايب حيل مابيه
( مذبوح وضل بميدانه)
🏵️🏵️🏵️🏵️🏵️
اجينه وياج كلنه. اليوم عوانه
نون. وياج للمذبوح بمجانه
الدنيه عذبته وحيل خوانه
(خوانه مارحمت زينب)
🌼🌼🌼🌼🌼🌼

وي ام عون يحله لطم الصدور
حسين بيوم عاشر نحره منحور
راسه عله الرمح وي العده يدور
( معلكينه راسه عله رماح)
🌼🌼🌼🌼🌼🌼
نهل العين ونعازي الزجيه
عله العطشان برض الغاظريه
كونج حاظره بهاي المسيه
(يسحكونه بالخيل حسين)
🌼🌼🌼🌼🌼🌼
مايكدر يكوم مكسره ظلوعه.
ملتمه عليه الكوم مجموعه
بمصابه يزينب ظكتي لوعه
(نعازيها زينب وزهره)
وي ام عون يحله لطم المتون
نعازيها ونهل دموع العيون
بقلمي ام هاجر الشريفي غير مبري الذمه من يحذف اسمي والتلاعب بكلماتي واسالكم الدعاء من كتاب دمعت زينب الجزء 9

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

ثكيله للسبي نفس طور شو متغير حيل للرادود عمار الكناني
***
ها ياراس حسين دمعك عالخدين
دمعك عالخدين ها ياراس حسين
من شفت السوط اعله امتوني
تبجي عيونك ويه عيوني
ها ياراس حسين
***
يامذبوح راسه اللي إرتفع بالزان
يامذبوح واحاجيه بعتب الاخوان
يامذبوح بكلب زينب توج نيران
يامذبوح يتفرج عليه خويه ياهو الجان
فرجه ابين الناس وآنه اخت العباس
وآنه اخت العباس فرجه ابين الناس
ياخويه إعداكم شتموني
تبجي عيونك ويه عيوني
ها ياراس حسين
****
يبن امي نحرك البي ريحة هلي
يبن امي حرموني اشمن بي علي
يبن امي شحال الغريبه ابلا ولي
يبن امي عفتوني انته وكافلي
عفتونه بياحال حادينه الجتال
حادينه الجتال عفتونه بياحال
ترضوهه الغربه يهضموني
تبجي عيونك ويه عيوني
ها ياراس حسين
****
تصد ليه واعاين دمعتك حمره
تصد ليه يخويه وكلبي شيصبره
تصد ليه وتشاهد عالوجه سطره
تصد ليه صدك ذبحوهه للعشره
بس الراس إهنا وجسمك فاركناه
وجسمك فاركناه بس الراس إهنا
اكعد يمك ماخلوني
تبجي عيونك ويه عيوني
ها ياراس حسين
****
يراس حسين وين ايامنه الحلوه
يراس حسين يمن عمري إلك فدوه
يراس حسين فلت كعدة الخوه
يراس حسين بقيت وياي إلي سلوه
ضميت الدمعات من عين الشمات
من عين الشمات ضميت الدمعات
عالناكه الهزله يركبوني
تبجي عيونك ويه عيوني
ها ياراس حسين
*
يخو زينب خذوني امكيده للشام
يخو زينب بحبال السبي جروهن الايتام
يخو زينب إجروحي بياصبر تلتام
يخو زينب تنام عيونك وعيني ابد متنام
احرسهن الزغار من سوط الاشرار
من سوط الاشرار احرسهن الزغار
اشكف السياط وضربوني
تبجي عيونك ويه عيوني
ها ياراس حسين
*
أم علي الكاظمي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*قصيدة للسبي (يبن امي)*
*من ديوان 📚  عبرات وأنين في رثاء الطاهرين ج٤*
❥━──➸➽❥❂❥━──➸➽❥❂
يبن امي نايم ليش فوگ الوطيه
تقبلها وي اعداك ارحل سبيه
❥━──➸➽❥❂❥━──➸➽❥❂
عالغبره نايم ليش يانور العيون
يمشوني خويه اعداك مسبيه يردون
ماظن يبعد الروح بيها تقبلون
اگعد يبو السجاد مترد عليه
❥━──➸➽❥❂❥━──➸➽❥❂
ردلي يخويه اجواب لوكلمه وحدة
هذا سكوتك هاذ گلبي يمردة
اشلون البطل عباس يحديني بعدة
ظالم يجي وبحبال يربط ادية
❥━──➸➽❥❂❥━──➸➽❥❂
ياخوية گوم بساع انة العقيلة
لية الشمر يحسين جاب الهزيلة
وجاب الحبل ويا وگلي ذليلة
ياهو البقة ويحميچ يالهاشمية
❥━──➸➽❥❂❥━──➸➽❥❂
يگلي الشمر يحسين ياهو اليحاميچ
ظلو علة التربان كل اخوتچ ذيچ
مسبية لارض الشام زينب نوديچ
نقدمچ لعند ايزيد زينب هدية
❥━──➸➽❥❂❥━──➸➽❥❂
يهدوني خوية اعداك معقولة تقبل
اگعد يضي عيناي شاهد اليحصل
چتفتني هاي الگوم وادموعي اتهل
امودع الله وياك يبن الزچية
❥━──➸➽❥❂❥━──➸➽❥❂
امودع الله وياك عنك خذوني
ومن متني للجدمين خوية اربطوني
ظليت انوح عليك واتهل عيوني
لله اشتكي الاحوال واليجري بية
❥━──➸➽❥❂❥━──➸➽❥❂
*بقلم ✍🏻 شاعرة اهل البيت ع*
*العلوية مريم النور نسألكم الدعاء الفاتحة الى روح اختي ولأمواتكم:🍃*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#من_ديوان_عبرات_و_أنين_ج_٤
    *قصيدة لسبي السيدة زينب (ع)*
❥━──➸➽❥❂❥━──➸➽❥❂
*حال الضيم زينب صارت اليوم*
*تطيح امن الهزل ماتگدر اتگوم*
❥━──➸➽❥❂❥━──➸➽❥❂
حال الضيم صارت من يساعدها
عله احدود النهر نام ابن والدها
هوه الجابها خل يگعد يردها
عجيبه شلون يرضه اترافگ الگوم
❥━──➸➽❥❂❥━──➸➽❥❂
عجيبه شلون يرضه الكفر يسبوهه
بضرب اسياطهم زينب يأذوهه
والأطفال تاهت ما يرحموهه
انهض يالولي من نومتك گوم
❥━──➸➽❥❂❥━──➸➽❥❂
انهض شوف حالي والجره عليه
من بعد الخدر صبحت مسبيه
احشم يا هلي محد نهض ليه
يا عباس حاچيني يجيدوم
❥━──➸➽❥❂❥━──➸➽❥❂
يا عباس خويه اگعد وحاچيني
ترضاها يخويه عداك تسبيني
من كثر البچي صبت دمه عيني
أظل انحب عليك بگلب مالوم
❥━──➸➽❥❂❥━──➸➽❥❂
عليك النوح خويه ما ابطلنه
أظل مساهره اونه تجر ونه
اصيحن يالولي يالكلك محنه
لهفانه عليكم روحي تحوم
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للسبي ألى الشام( ما يدرون خواني )


بلسوط طگاني الشمر
ما يدرون خواني
❥━──➸➽❥💔❥━──➸➽❥💔
بلسوط هد أمتوني
وأدموعي بين أعيوني
وبحبال وأيجروني
والخارجيه أبن سعد سماني
❥━──➸➽❥💔❥━──➸➽❥💔
للشام صارت رحلتي
وتخنگ أبصدري عبرتي
وأسكينه صاحت عمتي
هذا الدرب كلش بعيد أذاني
❥━──➸➽❥💔❥━──➸➽❥💔
هذا الدرب ماذيهه
وأتبيدت رجليهه
يلعب السوط أعليهه
من النوايب يبس حته اللساني
❥━──➸➽❥💔❥━──➸➽❥💔
للشام باچر من أطب
وأگبال هلناس أنضرب
شفت الأذيه والتعب
والشمر يم أيزيد لو جاباني
❥━──➸➽❥💔❥━──➸➽❥💔
لو دخلاني للقصر
وأيزيد أشوفه مبتشر
يشتمني وأنه أم الخدر
عگب الكفيل أتمرجلت عدواني
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الأثنين / ١٥ من شهر محرم الحرام
الموافق / ٢٠٢٤/٧/٢٢

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

حصريا موشح 👇
لسان حال مولاتي زينب عليها السلام
〰️〰️〰️〰️〰️〰️〰️〰️〰️

البين ماخلالي من اهلي زلـــــــم
حسين راح وراح شيال العلــــــم
〰️〰️〰️〰️〰️〰️〰️〰️〰️
احسين راح وراح سبع الكنطــره
كضو كلهم ولد قالع خيبــــــــــره
وانه بطفال ونسه متحيــــــــــره

والعدو اعله اخيامنه بناره هجم
〰️〰️〰️〰️〰️〰️〰️〰️〰️
بيوم طاحو عالثرى كل اخوتـــــي
العدو بنار وجهه خيمتـــــــــــــــي
هايعالم والله حیره حیرتــــــــــــي

من هلي ياحيف ماواحد سلــــــم
〰️〰️〰️〰️〰️〰️〰️〰️〰️
بعد ماكو ازلام المن اشتچـــــــــي
وبعد ماكو واحد اعليه انتچــــــي
راحو اشيوخ الفراضه والحچـــــي

وانه وين امشي عکب اهل الشيـم
〰️〰️〰️〰️〰️〰️〰️〰️〰️
والله لو حاضرني كفال الضعـــــن
عيون زينب ابد جا مادمعـــــــــن
بس عمت عينه غدر بيه الزمـــــن

تمنیت اخواني موتتهم حلـــــــــم

〰️〰️〰️〰️〰️〰️〰️〰️〰️
ورغم کل هذا وحق جدي النبــــي
احتركنه ومانزعناها العبـــــــــــــي
وحته لو باجر خذونه للسبــــــــــي

راح اكابر وابد ماهم بالخصــــــــم
〰️〰️〰️〰️〰️〰️〰️〰️〰️
بقلمي عاشقة العباس الشاعرة والملا ام عراق الشمري البصره صاحبة ديوان الرايه الخضراء ولايجوز حذف الاسم شرعا وغير مبري الذمه لكل من ينسب الكلام لنفسه

صاحبة الحسچه الجنوبيه
ام عراق الشمري البصره


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة للسبي

شدوها بحبل. // بت السلاطين
يطكها علمتن لو دمعت العين

اوجدها الحاكم // تدرونه

يلجتها محمد يحكم الكون
والله نصبه فوك اليحكمون
وامها سيده بالجنه تدرون
شلون مكيدة بت الميامين

🏴🏴🏴🏴.
يا بت الحكم ارض وسماوات
وترضوها العزيزه بهيمه وتبات
يحاجيها العدو بكلمات شمات

شلون عداكم // يسبوها
🏴🏴🏴🏴
اميره ومحد من الديره شايفها
والنسوان تتوسل تعايدها
بت سلطان ليش العدو كايدها

راس الوالي // وياها
🏴🏴🏴🏴

ابوها الجان يحكم بيج يا الكوفه
علمنبر تحب الوادم اجفوفه
يل جانت اميره وبيها معروفه

اهلها كلها حكام وسلاطين

احا يا مصاب // المهضومه
🏴🏴🏴🏴

هاي ام الصبر خنوح وياها
راحت لليسر علغبره ولياها
روس اعله الرماح ويكطر ادماها

زينب بخوتها // نعازيها



انت المعزى مولاي يا صاحب الزمان
بقلم خادمه الخدم ام يحيى الخزعلي
لا اجيز حذف الاسم

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك