#الطميه_بديوان_أقل_الوفاء_في_رثاء_علي_الأكبر_عليه_السلام_الجزء_٢٥_.


لطميه للرضيع عليه السلام


ويه ام الرضيع اليوم وني وزيدي الونه
عينيهه اعله ابنهه الراح والماي انحرم منه
❥━──➸➽❥💔❥━──➸➽❥💔
ويه ام الرضيع اليوم ونتج حيل عليهه
هاي الفكدت المدلول ماسكتت بواجيهه
تكله يلولد يبني روحي البين كاظيهه
مالي روح عبدالله مهدك خالي اشوفنه
❥━──➸➽❥💔❥━──➸➽❥💔
عيني ام الرضيع اليوم تنظر للمهد خالي
تكله يلولد يبني اتناغيلي اتراوالي
اكماطك يارضيعي اليوم ضل عندي اوشده بالي
عطشان اوتريد الماي يمه منين اجيبنه
❥━──➸➽❥💔❥━──➸➽❥💔
عطشان اوتريد الماي وادري يابسه شفافك
حتى البلمهد مطلوب يمه البين ماعافك
اشلون اهجع يبعدالله وانامن ليلي اخلافك
عذبني زماني بيك ليلي ما انامنه
❥━──➸➽❥💔❥━──➸➽❥💔
قصت الماسدت ياناس الامكمط يذبحونه
على جتف الحنين حسين عبدالله يجتلونه
صابه حرمله ابنيشان كفره او ما يرحمونه
ماينطوك شربت ماي ما راعو زغر سنه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

ختاميه العزاء للأمام الحسين عليه السلام( أبو أسكينه )


ها يا خيل هذا حسين أبو أسكينه
وعنه أتبعدي لالا تدوسينه
هذا حسين چنچ ما تعرفينه
وصدره بلحوافر لا تكسرينه
طايح عالأرض والعده أمذبحينه
هذا أبن الزچيه البارعه عينه
وسفه أيضل رميه أو ما مدفنينه
وچا ياهو الحضر غسله أو تچفينه
وصيوان الحرم ويلي أمحرگينه
ليزيد الشمر عگبه يودينه
خالي أبني الزمن بعده يأذينه
والسجاد بالسلسله أمچتفينه
عليل أو علهزل ويلي أمصعدينه
وأحنه نصرخ أو نندب بوالينه
ها يا خيل خال أبني أمضيعينه
《 ضيعناه أچبير أخواني 》
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الثلاثاء / ٩ من شهر محرم الحرام
الموافق / ٢٠٢٤/٧/١٦


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

هوسات للوداع
.........................

لــعد صيوان واليها اجت زينب المهضومه
تودع حسين ابو اليمه وعليه الروح مالومه
تگله ابداعت الــخوه يبن امــي الــمظلومه
تباصرني ينور العين اشوف اعداك ملمومه

(( ادخيلك خويه ادخيلك ))
(( شنهي النيه وشنهي الراي ))

.........................

يگلها ادخيل يا زينب خويه لاتنشديني
بس الليله انــه وياچ باچر ما تشوفيني
يحرگون الخيام ابنار خويه لوغفت عيني
ونتي بالأسر تمشين بالمصرع تخليني

(( العاشر يوم العاشر ))
(( تحرگ خيمتنه العدوان ))

.........................

خل يسبونه العدوان خل اخيامنه ايحرگون
كل مصاب احملنه بس امصيبتك متهون
اشلون اصبر يبعد الروح اشوف ابنحرك ايحزون
ابخيل الاعوجيه اضلاع منك يالولي ايكسرون


(( ضلوعك خويه ضلوعك ))
(( ليش ابخيل ايسحگوها ))

.........................

تـــمـ بعون الله تعالى ـــت
بقـــ✍ـــلم خادمة اهل البيت ع
ام سـ✍️ـجـاد العسكري
لانجيز حذف الاسم ونسالكم الدعاء🙏🏻

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للوداع( ودعت ولياهه )


اليوم زينب بالمخيم
ودعت ولياهه
❥━──➸➽❥💔❥━──➸➽❥💔
وهاي أخر ليله چنهه
وباچر أيشيلون عنهه
وبلغرب يصبح ضعنهه
وي شمر عگب البطل ممشاهه
❥━──➸➽❥💔❥━──➸➽❥💔
الليله گعدت يم أهلهه
والمدامع دم تهلهه
أتوادعت وي الكفلهه
وأبو أسكينه علحرم وصاهه
❥━──➸➽❥💔❥━──➸➽❥💔
حسين وصاهه المسيه
وكلهه يا بنت الزچيه
لو لفت ليه المنيه
عينچ أعله أعيالي يابت طه
❥━──➸➽❥💔❥━──➸➽❥💔
ليلة العاشر عضيمه
أوداع بيهه ويه أبو الشيمه
أو يبچن الليله حريمه
أم عون باچر تبگه وي أعداهه
❥━──➸➽❥💔❥━──➸➽❥💔
بلخيم زايد بچيهه
وأبو فاضل گام ليهه
گعد يمهه يا وليهه
وبيده يمسح يا دمع عيناهه
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الجمعة / ١ من شهر ذي القعدة
الموافق / ٢٠٢٤/٥/١٠


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

موشح للوداع (( اتگول زينب ))


اتگول زينب ... كون ميته اشوالي
هدم افادي وداع الوالي


اتگول زينب كون ميته من زمان
اشلون اضل بدون والي ولامچان
والعده يخوفون مابيهم امان
باچر يلوعون گلبي وحالي
اتگول زينب ... كون ميته اشوالي


باچر العدوان گلبي اتلوعه
اشلون اودي حسين بيدي المصرعه
سكنه مهضومه ورقيه اتوادعه
واليسر والضيم يتراوالي
اتگول زينب ... كون ميته اشوالي


اليسر والضيم اجني والعذاب
كون ميته ولاشفت سيد الشباب
ايودع اعياله ويفكر بالمصاب
وانشده ياناس عگلي وبالي
اتگول زينب ... كون ميته اشوالي


ينشده عگلي ودمع عيني يصب
لو شفت حاله صعب فوگ الصعب
گام من خيمه لعد خيمه يطب
وصاح عينچ عالحرم واطفالي
اتگول زينب ... كون ميته اشوالي


عالخيم يفتر وطب الخيمتي
عندچ يگلي امانه عيلتي
باچر العدوان تگطع رگبتي
هالوصيه الصوبت دلالي
اتگول زينب ... كون ميته اشوالي


هيست حيلي تضعضع وانهدم
راح ابو السجاد ينخه اهل الشيم
كلهم امنومين ماواحد سلم
ايس المظلوم منهم تالي
اتگول زينب ... كون ميته اشوالي


ايس امن اهل الشيم والمرجله
بالحرب كلهه ضحايه امچتله
وللوداع حسين لم العايله
خاب رجواي وگضيت امالي
اتگول زينب ... كون ميته اشوالي



✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه او مربوعه بدايتها نعي  ليلة  الوداع

هاليلة ياروحي شتودعين
كلهم  عزاز   وعلي غالين
سهري يعيني ولا  تنامين
من واحد لعد واحد تروحين

نزلت الفزاعيه

اليلة ام عون تفتر بين الاخيام
جفن  العين لاطبك  ولانام
..........
تفتر  والدمع بالعين سجاب
تكول شلون اودعكم يالاحباب
ياخويه الكلب من الحزن ذاب
خويه منين اجني ذني الايام

.............
تلطم عالوجه وتصيح يخوان
اليلة شلون  اودعكم  يوليان
صاحت يخوتي والحيل ركدان
زينب للمصايب شدت احزام
...........
تفتر بالخيم  وادك عله الراس
تكول شلون  بيه هنا يعباس
مر وداعكم  كطع   بالانفاس
صاحت ياابن امي والعكل هام
............
كعدي وخل نسولف بعد العيون
باجر  يوم  واشيب   اليرضعون
تشوفين العده  بنحري يحزون  
انوب الون  حله ودكي عله الهام
...........
لوطر  الصبح تحله   المناحه
يوم اضلم عله اعيالج صباحه
ابن  امج عالثره وتنزف  جراحه
مايكدر  يون  من  كثر   الاسهام

✍️ ام زينب كربلاء غير مبرئ الذمه من يأخذ الكلام وينسبه له او حذف الاسم  من كتاب المآسي  الزينبيه الجزء الخامس


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

موشح لوداع الامام الحسين عليه السلام (ودعت واليهه)


اشلون زينب ... ودعت واليهه
تدري يطلع مايرد اعليهه


تدري يطلع مايرد العيلته
هلن ادموع الغريبه ودمعته
يفجع الدلال حاله وغربته
بالحرم محتار ويوصيهه
اشلون زينب ... ودعت واليهه


بالحرم محتار وعيونه تدير
ضل وحيد ولامعين ولانصير
والشمر ملعون ماعنده ضمير
باچر اعيال النبي يسبيهه
اشلون زينب ... ودعت واليهه


باچر اعيال الرساله تنسبي
يزمخ اعليهه اللعين الاجنبي
زينب تنادي يستري ومعصبي
هاك روحي للحرب وديهه
اشلون زينب ... ودعت واليهه


هاك روحي اوياك اخذهه لو رحت
خويه خلهه اتطيح يمك لو طحت
ياعجيد الراي چا وينك صحت
وعالشريعه هامته امطشريهه
اشلون زينب ... ودعت واليهه


هامته بحد الشريعه امطشره
والچفوف امگطعه وامشمره
چا اشلون ايگوم سبع الگنطره
بالسهم عينه العده امصوبيهه
اشلون زينب ... ودعت واليهه


صوبو عينه الوسيعه بالسهم
وطاح چفه وطاح سيفه والعلم
باچر الذباح يهجم عالخيم
يشتم النسوان ويبچيهه
اشلون زينب ... ودعت واليهه


يشتم النسوان لخيمنه يطب
اهلچ يگلي ضحايه بالحرب
حالنه وحالك يبو اليمه صعب
وروحي نار امصيبتك تچويهه
اشلون زينب ... ودعت واليهه



✍شاعرة اهل البيت
ام ريام دخيل الركابي
غير مبري الذمه من يمسح اسم الشاعرة او ينسب الرثاء لشخص اخر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعي حصريا
للوداع،،،، نصاري 😔👇
〰️〰️〰️〰️〰️〰️〰️〰️〰️

اليله اوداع ويه الهاشمیــــــــات
ولتمن علی احسین العزیـــــزات

اليله وداع زينب والعزيزيـــــــــن
تگول امودع العباس وحسـيــــن
وبس اليله وباجر مرحليــــــــــن

ومن حکی علیکم اجر ونــــــات
〰️〰️〰️〰️〰️〰️〰️〰️〰️
خویه افراکم یرید عــــــــــــــوان
حکی اعلیکم من ابچی یالاخـوان
صدک باجر اضل بغير وليـــــــان

ولوصار العصر جا عدمن انبـــات
〰️〰️〰️〰️〰️〰️〰️〰️〰️
لو صار العصر وجلجل الــــــــيـل
وانتم عالترب كلکم مجاتيــــــــل
من هسه يخويه راكد الحيــــــــل
ـ
ویاکم کضینه ایام حلـــــــــــوات
〰️〰️〰️〰️〰️〰️〰️〰️〰️
بس اليله وياكم يالاحنــــــــــــان
يهد اوداعكم يكتل يخــــــــــوان
صدك باجر عرايه على الـــــتربان

وعنكم نمشي لديار البعـــــيدات
〰️〰️〰️〰️〰️〰️〰️〰️〰️
خويه اوداعكم هدالي المتـــــون
لليله لصبح ماتغفه العـيــــــــون
ولو طر الفجر خافن تروحـــــون

وحرايمكم تضل باجر يتيمـــات
〰️〰️〰️〰️〰️〰️〰️〰️〰️

بقلمي عاشقة العباس الشاعرة والملا ام عراق الشمري البصره صاحبة ديوان الرايه الخضراء ولايجوز حذف الاسم شرعا وغير مبري الذمه لكل من ينسب الكلام لنفسه

صاحبة الحسچه الجنوبيه
ام عراق الشمري البصره

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

هوسات للوداع


الله يساعدچ من ودعاچ حسين
ضل حاير وحيد يدير عين بعين
باچر لو وگع چم فاجعه اتحملين
(( ياضيم اخلافه تحملينه ))


باچر چم مصيبه اتشوفهه عيونچ
وبسياط الشمر تتهشم امتونچ
يازينب يذبحونه ويفجعونچ
(( من هسه ادموعچ هماله ))


من هسه يزينب تمطر ادموعچ
باچر چم هضيمه تبات بضلوعچ
گوه اتوادعين حسين مو طوعچ
(( للحومه اشلون تودينه ))


اگول اشلون جبتيله المهر بيدچ
يزينب لو مشه اتضلين لوحيدچ
مو بدموع دم تبچين لعضيدچ
(( خال ابنچ وين اتضمينه ))


لو ينضم تضمينه ابصط روحچ
وصاچ اعله بته وچمل اجروحچ
ماواحد يلومچ لو كثر نوحچ
(( بس يگضي الليل اتضيعينه ))


بس يخلص سواد الليل اخوچ يموت
يضل اعله الرمل لاچفن لاتابوت
العين امساهره وگلبچ يون بسكوت
(( عباس الليله تريدينه ))



✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطمية فزاعية الى الامام الحسين عليه السلام يوم العاشر من محرم
===================
اضلوعة مكسرة والخيل داسنة
وراسة اكبال زينب يجهر الونة
===
ابا عبد الله حسين ابا عبدالله حسين
===
راسة اعلى الرمح والجثة مطروحة
وزينب صارخة والعين مشبوحة
من الدوس اخيي فرفحت روحة
وعضام الصدر بدوس طحننة
هوسة
هذا ابن النبي ومكسرة اضلوعة
===
فرت للمعارة تصيح مرعوبة
يمة حسين اخيي سلبو ثوبة
من شدة مصابي روحي منيوبة
ماعندة معين إلي يرد عنة
هوسة
راسة علرمح والعين مشبوحة
===

راحت للشريعة تريد كافلهة
ومن هول المصيبة اهواي نحلهة
تكلة اختك غريبة ما تكوم الها
اخيتك يلولي بس تجهر الونة
هوسة
عدوانك ولتنة كوم حامينة
===
نايم بشمس ومسلبة اهدمومة
وزينب بلمعارة تصيح مهضومة
وينك يا علي حيدر الجيدومة
هوسة
احضر ياعلي العدوان حاطتنة
===
اصد راس الولي جنة يحاجيني
ويكلي يزينب لا تعتبني
عينج على عيالي وانتي عذريني
من ترحين لرض الشام ممتحنة
هوسة
ترة اعتابج كتلني لأ تعبيني
===
خوية اشلون بينة من يمشوني
حرمة ميسرة ويهلن اعيوني
من ابجي يخال ابني يضربوني
عفتة اعلى الثرى وامشي بيسر عنة
هوسة
عناكة رحت والعين مشبوحة
===
تمت بحمد الله تعالى
بقلم خادمة اهل البيت عليهم السلام
ملة زينب الطويرجاوية


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نزلة للوداع
****
صعبه هالليله تنحب العيله
بالخيام
اموادع الخوه واهل المروه
بالخيام
***
زينب تودع اخوهه واحله السنين
تكله هاي الليله آخر ليله يحسين
كلهه لاتبجين زينب صبري العين
كلبي مايحمل دمعتج وانتي تدرين
دمعج الغالي يبدل احوالي
بالخيام
روحي الج فدوه واهل المروه
بالخيام
***
راحت لكافل خدرهه تودعه تريد
تكله راح امشي يخويه عنك بعيد
ويه جتالك سبيه وحبل بالأيد
واوكف بديوان أميه بمجلس يزيد
أحسب حسابي افكد احبابي
بالخيام
بناري اتجوه واهل المروه
بالخيام
***
ليله للأكبر تكله شلون انساك
ياشبيه الهادي يبني صعب فركاك
واحد امك ياحبيبي وكلبي ناداك
لاتعوف امك غريبه بولية اعداك
تبجي تتحسر اتقبل المنحر
بالخيام
عالصبر كوه واهل المروه
بالخيام
***
رمله صاحت ياعمود الخيمه جسام
يمه مااصبر بدونك كلبي ينضام
شلون اعيش العمر بعدك واكضي الايام
والعرس والزفه باجر نبله وسهام
شبكته وصاحت ونت وناحت
بالخيام
بلوتي بلوه واهل المروه
بالخيام
**
والرباب تشوف ابنهه اتودعه تكوم
عالمهد نامت تحضنه اتشم الهدوم
يبني ياعبد الله اشبع منك اليوم
باجر تروح من اديه بسهم مفطوم
تسبح بدمك يابعد امك
بالخيام
ضامي تتلوه واهل المروه
بالخيام
**
أم علي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

للوحشه. زينب ع عندما نظرت جف العباس ع وراية  باارض كربلاء وهو نائما عالتراب  والعدوان اخذت سيف ابا الفضل ع وتهوس بيه أمامها





اشلون تنام وانت امزلزل الكون
بسيفك ياسبع كاموا يهوسون



اشلون تنام يعباس حاجيني
سيفك عالترب وسفه ياذيني
ياخال الولد شمات سابيني
((بالهيمه//ادلال الخدر))


بالهيمه دلال هالخدر الليله
هذا السيف يتناك وي الكحيله
المهره تريد خيال التثنيله
((ريضوها// الخيل الهاجت))


هاجت خيلهم والترب هيجانه
وانه امحيره وعيني اعالوليانه
كلبي ينوح ويدور عله اخوانه
((اعله خوانه//الگلب ينوح))


من مثلي اصبرت ياناس حاجوني
انا الودعت وين اليحبوني
وحشه اليوم چاوين اليعازوني

((چاوين اليوم //اللطامه))


حلوه لطمة الخوان عدليها
وني اليوم ولزينب تعازيها
اريد ازنود هالليله تگطعيها
((وطوليها //الونه لزينب))


تمت بعون الله وتوفيقه

بقلم خادمة  أهل البيت ع
🚩أم ذو الفقار أسراء اللامي 🚩

غير مبري الذمه من يحذف الأسم او يتلاعب في الكلمات او ينسبها لغير شاعرة مشكول الذمه
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده حماسيه ليوم عاشر عند مقتل الحسين ع القصيده من
#ديوان_ضمأ_الطف

المستهل 👇👇

ياشمر لدوس صدر الوالي
ومن تدوسه ينمرد دلالي

•───✧◐🕊🌻🕊◐✧───•

ياشمر لدوس صدره صدره اتروعه
ولاتكص بالسيف جفه وأصبعه
مصيبه العطشان اگبر فاجعه
شيل رجلك عنه وارحم حالي

•───✧◐🕊🌻🕊◐✧───•

ليش ياملعون تذبح رگبته
وليش من دمه تعفر جبهته
من السمه الزهراء نزلت شافته
وآنه اون يمه وأهي تنعالي

•───✧◐🕊🌻🕊◐✧───•

ليش ذبحيت الولي حاجيني
من القفى مذبوح راس حسيني
وبيه أمي جانت اتوصيني
بعد من عگبه منو يبرالي

•───✧◐🕊🌻🕊◐✧───•

من صحت لدوس يضربني النذل
يكول سكتي وخله دمعاتي تهل
شافني وحدي غريبه بلا اهل
وگام يتجرء وشاف اخيالي

•───✧◐🕊🌻🕊◐✧───•

شافني وحدي غريبه بكربله
بس حرم وايتام عندي معوله
والعليل امكيدينه بسنسله
وصاح باسمي ياوسف صاحالي

•───✧◐🕊🌻🕊◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطمية لليلة الوحشة (زينب هالمسيه)


زينب هالمسيه ... اخيام ماعدهه
بويه اتصيح وتحشم بوالدهه


صدت للنجف ياوالدي اتنادي
شنهو العطلك ماجيت للوادي
راحو كل اخوتي وراحو اولادي
واخيامي الشمر فرهود فرهدهه
زينب هالمسيه ... اخيام ماعدهه


مابين الخيم صاح الشمر فرهود
چا ياهو اليرده حسين ماموجود
وعباس البطل راسه بعمد ممرود
ياروحي الهضم والضيم ضاهدهه
زينب هالمسيه ... اخيام ماعدهه


ياروحي الهضم والضيم گاضيهه
تزامط بيش بويه المات واليهه
محتاره برقيه وين اوديهه
تون واهموم البگلبي تزودهه
زينب هالمسيه ... اخيام ماعدهه


تون واهموم البگلبي تچملهه
رقيه ويادلال حسين دللهه
اشلون ينام هالنومه ويزعلهه
كون يشوفهه وعالحال ينشدهه
زينب هالمسيه ... اخيام ماعدهه


كون يشوفهه تركض ومسبيه
ومن بته العده سلبو الترچيه
ليش حسين حيرني بغواليه
للطف جابهه وللدار ماردهه
زينب هالمسيه ... اخيام كاعدهه


للطف جابهه وضيع مداليله
بيهن حايره ياوالدي الليله
رحت لحسين اگله شصار واشچيله
لگيت اجروح چتاله شيضمدهه
زينب هالمسيه ... اخيام ماعدهه


لگيت اجروح تتنازف وچتاله
وفوگ حسين تتراكض الخياله
ضل مطروح محد ياعلي شاله
رميه اجنازته وياهو اليوسدهه
زينب هالمسيه ... اخيام ماعدهه



✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للدفنه

حسين ابلا دفن مطروح
وين اليفزع. اعلينه
.........................
انريد اليوم نغاره
وانه دمعي يجاره
يالسجاد والچاره
گلبي زايد ونينه
ل++++++++++
لا تچفين لا مغسول
عمه والعگل مذهول
حاچيني البصر شتكول
ضل مطروح والينه
+++++++++++
والسجاد حاچاها
يوم الشاف مبچاها
والكربله اتعناها
يگلها امن الدفن جينه
+++++++++
دفنت الوالي بدمه
گلبي زاد. من همه
من النحر اشتمه
لصدره اموسد اجنينه
+++++++++++
عمه النحر حاچاني
هالكلمات بچاني
حط الصدري رضعاني
عالمفطوم ونينه
+++++++++

الشاعرة الحاجه ام حسين العسكري:

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للأمام الحسين ؏ ( وآ أيمامي وآ حسين )


ذبحو الحسين من قفاه     وآ أيمامي وآ حسين
❥━──➸➽❥💔❥━──➸➽❥💔
حسين علتربان نام     وآ أيمامي وآ حسين
نابته أبجسمه السهام     وآ أيمامي وآ حسين
والشمر هد عالخيام     وآ أيمامي وآ حسين
وين أمير المؤمنين     وآ أيمامي وآ حسين
❥━──➸➽❥💔❥━──➸➽❥💔
طاح بلحومه ذبيح     وآ أيمامي وآ حسين
والجسد دامي وجريح     وآ أيمامي وآ حسين
زينب الحره تصيح     وآ أيمامي وآ حسين
ما بگه لينه معين      وآ أيمامي وآ حسين
❥━──➸➽❥💔❥━──➸➽❥💔
راسه عن جسمه أعزلوه     وآ أيمامي وآ حسين
بحافر الخيل أسحگوه     وآ أيمامي وآ حسين
خنصر أيده أمن أگطعوه     وآ أيمامي وآ حسين
ويلي مخضوب الجبين     وآ أيمامي وآ حسين
❥━──➸➽❥💔❥━──➸➽❥💔
ما بگه الزينب عضيد     وآ أيمامي وآ حسين
عگبه ممشاهه اليزيد     وآ أيمامي وآ حسين
تبچي وأتون ما تهيد     وآ أيمامي وآ حسين
يضربوهه الظالمين     وآ أيمامي وآ حسين
❥━──➸➽❥💔❥━──➸➽❥💔
حسين يبگه أعله التراب     وآ أيمامي وآ حسين
ويلي مسلوب الثياب     وآ أيمامي وآ حسين
حسين يا سيد الشباب     وآ أيمامي وآ حسين
طاح محزوز الوتين     وآ أيمامي وآ حسين
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الأربعاء / ١٠ من شهر محرم الحرام
الموافق / ٢٠٢٤/٧/١٧

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه حول دفن الامام الحسين



اليحدي اظعونه. . موش من اهالينه


بدينه احبال حط. .  وما يبارينه



مشينه ومن مشينه عرفه ما النه
واليحدي بظعنه موش من عدنه
كل ساعه يجي وبل صوط يضربنه
وتعبنه من الدرب والخوف ياذينه



خذانه وعن اهلنه بعيد مشانه
وعله اجساد الاهل من عمده مرانه
ودعنهم يكول وحيل هظمانه
وتمنيته عدل ذاك اليحامينه



اليحدي اضعونه كل رحم ماعده
ضرب جف البنيه وبل حبل شده
بس راس الكفيل ولايذه بسده
يا عمي تكله تلحك علينه



ماهو من الاهل حداي بظعوني
ومن كد البواجي راحت اعيوني
مكسوره واظلن ما يخلوني
يم كبره الولي وانده يوالينه



اليحدي بل ظعن زينب ماذيهه
بطريج اظلم يمررها ويمشيهه
هاي امدلله وانفكد واليهه
وكافلها حسافه غمضت عينه


لخادمة الزهراء العلويه ام جعفر غير مبري الذمه من يحذف الاسم ويأخذ الكلام وينسبه له

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطمية فزاعية للدفن اعتذار السيدة زينب عليها السلام من اخوتهاوذهابها اسيرة
===================
ضل علثرى المضلوم عفتة وغربت عنة
===
شال وكطع حادينة
وعلى الجثث مرينة
صحنة وحيل ونينة
على المكطوع راسة وخيل داسنة
===
ضل مطروح عل غبرة
وعيالة مشت يسرة
تون وتنوح متحيرة
وزينب تنتحب وتكول اريدنة
===
مشينة وعينة عليهم
نحشمهم وننخيهم
هضمونة ونحاجيهم
ماسمعو عتبنة ونجذب الونة
===
مشيت وحايرة بعيال
ومنهو للحمل لو مال
نار وتحرك الدلال
ياوسفة الشمر يبرة المحاملنة
===
يخوية الشام بيها الضيم
وكلبي عليك شاف الهم
كلبي عليكم معلم
اشلون انروح خوية انريد كافلنة
===
نودي اعتابنة العباس والينة
مابين الغرب وسفة يخلينة
اكلة اخلاف عينك خوية ذلينة
نام على الشريعه وغمضت عينة
هوسه ورباط
سارو بينة عباس اكعد
===
عليك النوح خوية ما ابطلنة
وحزني طول عمري ما افلنة
يضل مجروح كلبي وبيش اصبرنة
حنين الجابته امي منين اجيبنه
هوسه ورباط
يحسين انهض شنهي النومة
===
اصدن الضلوع وعيني عميانة
وراسك يبرة الختك من مشة ويانة
ذلينة يخوية وين ملفانة
ميسورة يخويه واجذب الونه
هوسه ورباط
من احجي بصوت يطكوني
===
تمت بحمد الله تعالى بقلم خادمة اهل البيت عليهم السلام ملة زينب الطويرجاوية

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نعي للدفنه



يدفان سلملي عليهم
وماصح بديه جا نجيهم
ايعذرونه ردنه بحجيهم



سلم عله الغالي وكله
ويا نوحهم لا ما امله
هم يمر بخته شويه خله


يمرني الولي وكله عليه
ما حاضره سوده عليه
ابيوم الدفن هاي المسيه



غالين بس ماصح بدينه
وعله أكبرهم ما سلمينه
ولا رحنه يمهم هم نعينه


كون بيدي اروح ليهم
وفوك الكبر انعه عليهم
وما امل ابد انه بجيهم


اشلون البجي يجفه بعيوني
وعزاز كلبي فاركوني
بفراكهم والله عموني
وياكم ردت خويه اخذوني


خذوني وياكم ظاله المن
وعليكم تره يعوني يعمن
بناتكم يخويه يبجن


يدفانهم ودلي رساله
وكلب الفكد كلهم شحاله
بل دنيه غير الحزن ماله



سلم عله البيهم محنه
وكلهم تره غرب ظعنه
تردون لو نمتو يا اهلنه



بيدك ردت تاخذ اميه
وترش الكبر بيدك شويه
كلهم يعودن النوب اليه
لو اكطع الظنه وهاي هيه



تمنيت انام انه ابلحدهم
واجاور اعزازي وبكبرهم
رفيجة  عمر شو ضيعتهم
وبيوم الدفن هم ما شفتهم



يدفانهم تدفن ابهيده
خال الولد كله نريده
لو جيته صارت ابعيده


تمنيت تدفني اوياهم
ويا موتهم مني خذاهم
وسد لختهم عمه احذاهم


خلي كبري يمهم عمه خله
وحته الولي يمي واكله
يعوف الاخت بالنوم شله


اعاتبه لو اضل يمه
وكل ساعه اخيي انه اشمه
حملي التطشر بيش المه



يا كسرت الوليان كسره
والمكسور بيهه جا شجبره
اكله المجابر ظل عل الله


مكسور خاطرهه ياخيتك
وكت الدفن من ما اجتك
بنفسهه بعد خويه تشمك


ابنفسي يبعد اختك اعيونك
وخلهم عليه ايسولفولك
وعتاب مني يوصلولك


مشتاكه خويه ما تجيني
وبلكي يبطل كل ونيني
من زغر جنتو امرافكيني


يكون الكبر يبدل ابروحي
روحي ادفنتهه وخلص نوحي
بيمن بعد تشفه اجروحي



يكبر الولي حط عينك اعليه
خال الولد بالك تاذيه
تعبان اخيي وحيل مابيه


عينك عله الطيب ابحجيه
يدور الموت كون حسين ليه
ويضل وتاخذني المنيه


*لخادمة الزهراء   العلويه أم جعفر*
غير مبري الذمه من يحذف الاسم وياخذ الكلام وينسبه له

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للدفنه


عمه وين حسين ياريحت هلي
وين اخوي الگلي خويه دللي

ــــــــــــــــــــــــــــ

وين مدفون الحنين بياكتر
تدري ماشوفن تره عميه النظر
ومن كثر نوحي ياعمه عالگمر
ظل ثلث تيام مطروح الولي
ــــــــــــــــــــــــــــــــــــ

حچي يادفان سولفلي بعد
شلون شلته شلون حطيته بالحد
تدري گلب حسين خلصان نمرد
خلاف عينه واليش تالي انولي
ــــــــــــــــــــــــــــــــــــــ

تدري يالسجاد موقفهم صعب
ناموا الاخوان نومه وبالترب
ذبحته الظلام متعمده الغرب
وين مدفون الگمر عمه علي
ــــــــــــــــــــــــــــــــــ

صعب حالك يبو الباقر منفجع
هيچ اليش لياسبب ولياوضع
مثل عمتك عمه حملك هم وگع
امشي خليني اروح الكافلي

ــــــــــــــــــــــــــــــــــــ
وين گبر حسين وديني اله
وچني اسمع صوت بالنوح عتله
وعمه يالسجاد ذيجه العايله
والبو سكينه بالبچي حيل اعتلي
ــــــــــــــــــــــــــــــــــــــــــــــــ

خادمة الزهراء والسيده رقيه ع
ام زهراءالفاطميه لايجوزحذف
الاسم أسم الكتاب لبيك يازهراء
نسالكم الدعاءلي ولوالدي🙏🙏
اللهم عجل لوليك الفرج

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك