#الطميه_بديوان_بحر_الولاء_الجزء_١٠_.


لطميه للعباس عليه السلام


على الجفين اريد الطم لطم زين
اشلون اليوم كطعوهه الملاعين
❥━──➸➽❥💔❥━──➸➽❥💔
على الجفين اريدن حيل اجر ونه
اجفوفك كطعوهه ليش يمجنه
اضل عطشانه خويه بس تكوم النه
اريد اليوم اونن واهمل العين
❥━──➸➽❥💔❥━──➸➽❥💔
اريد الطم يخويه الكطعت اجفوفك
واحط شوفي اونظر عيني على شوفك
اشلون اعله التراب اموسد اجتوفك
بيش اتناوشيت الكاع والطين
❥━──➸➽❥💔❥━──➸➽❥💔
اريد الطم على الخوه او معانيهه
غيرك منهو بجفوفه يوافيهه
نايم علنهر واتراب سافيهه
تستاهل لطم والنوح يحنين
❥━──➸➽❥💔❥━──➸➽❥💔
يبو اجفوف الصخيه اشلون كطعوهه
بطراف الشريعه اشلون شمروهه
واختك يلحنين اليوم فجعوهه
بسيوف الغدر كطعو الزندين
❥━──➸➽❥💔❥━──➸➽❥💔
اريد الطم وادك علراس بيديه
واضل طول العمر واحزن حداديه
عكب اجفوفك اتعيل العده بيه
واحير ابهل حرم وانطي الوجه وين
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نعي للعباس( عليه السلام)

✦❥※❥※✿✿※❥※❥※✿✿※❥※❥✦

عباس خويه اگعد النه
لديارنه ساير ضعنه
غريبات ما واحد النه
مو لايگه نرجع وحدنه

✦❥※❥※✿✿※❥※❥※✿✿※❥※❥✦

عباس يا زاچي حليبك
رحت مني بعد ياهو يجيبك
مالگه بحنانك ولا بطيبك
للموت ما عوفن نحيبك

✦❥※❥※✿✿※❥※❥※✿✿※❥※❥✦

عباس ياريحة الطيبين
يومك صعب وعماهه العين
وني ياروحي ولا تهيدين
وعني غصب فرگنه البين

✦❥※❥※✿✿※❥※❥※✿✿※❥※❥✦

وني عله الخوته حلوه
ينراحله كل عمري فدوه
بعباس چان العزم يگوه
بلاني الدهر اعليه بلوه

✦❥※❥※✿✿※❥※❥※✿✿※❥※❥✦

يوم البطل ياناس هدني
وفيض الدمع قرحه لجفني
عالمشرعه طاح وتركني
وبونته حسين المردني

✦❥※❥※✿✿※❥※❥※✿✿※❥※❥✦

يجري الدمع عالفرگاني
وياه لارض الطف خذاني
نام الحنين وضيعاني
وفگد العزاز العماني

✦❥※❥※✿✿※❥※❥※✿✿※❥※❥✦

ابمعصبي راسي ارد اشده
واگصد الحومه بدمعي انشده
وانده اخيي وبلچي اگعده
ليش الغريب اتعوفه وحده

✦❥※❥※✿✿※❥※❥※✿✿※❥※❥✦

غايب اخيي الچنت عيناه
لازم يميني وجيت وياه
مرمي عالثره الوكت خلاه
ولا شافني واتوادع اوياه

✦❥※❥※✿✿※❥※❥※✿✿※❥※❥✦

تمت والحمدلله ✍ خادمة أم أبيها الشاعرة أم علي الحلفي لا أجيز شرعاً حذف الأسم اوتغير الكلمات

                نسألكم الدعاء

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لشجاعة اباالفضل العباس عليه السلام

⊱━━⊰✾━✾━✾⊱━━⊰

لمن برز عباسها

هز الشريعه وناسها

عباس عباس

⊱━━⊰✾━✾━✾⊱━━⊰

كال اكلبها كلب

الماي اوصله وطب

عيونه تتجادح غضب

للموت دك اجراسها

عباس عباس

⊱━━⊰✾━✾━✾⊱━━⊰

هز الجيش وركانه

محد بقه بميدانه

ترجف رجف عدوانه

ضيك عليها انفاسها

عباس عباس

⊱━━⊰✾━✾━✾⊱━━⊰

رفت الرايه بيمنته

ترهب عليهم صولته

خالس اعداه بخزرته

بجه اميه وناسها

عباس عباس

⊱━━⊰✾━✾━✾⊱━━⊰

ضهب ابو راس الحار

سوه الكتايب طشار

صارم وسيفه بتار

داس وسحك اشراسها

عباس عباس

⊱━━⊰✾━✾━✾⊱━━⊰

نخطفت وجوه الزلم

الكابله منه ماسلم

ساكهم مثل الغنم

بيه اخته رفعت راسها

عباس عباس

⊱━━⊰✾━✾━✾⊱━━⊰

✍#
تــمت بعــون اللــہ
تعالى بقلمي المتواضع خادمة
اهل البيت ام صادق ونسالكم
الدعاء❌غیرمبری الذمه الیحذف الاسم او یغیره❌

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*((القصيدة من ديوان📚 مسير الفواطم لإرض المظالم جزء٢))*
*قصيده للقاسم عليه السلام(يبني جسام)*
❥━──➸➽❥❂❥━──➸➽❥❂
     شلون اودعك للحرب
     يمه  يا  بعد  الگلب
يبني جسام      يبني جسام
❥━──➸➽❥❂❥━──➸➽❥❂
يمه يا بعد الگلب يا گرة العين
عليك حاربني زماني ودهري والبين
شلون بيه لو رحت انطي الوجه وين
وين اروح ليا مكان ... عگبك اذاني الزمان
يبني جسام       يبني جسام
❥━──➸➽❥❂❥━──➸➽❥❂
عگبك اذاني زماني ودهري ذبني
والله يخنگني النفس لو صحت يبني
عليك اون ويفت حته الصخر وني
ليلي ونهاري اون ... روحي غاطيهه الحزن
يبني جسام      يبني جسام
❥━──➸➽❥❂❥━──➸➽❥❂
عليك انوحن يالولد صبح ومسيه
ردت ازفك للعرس بثنين اديه
تالي ازفك بالچفن للغاضريه
وعرسك دموم ودمع    بيك دلالي انفجع
يبني جسام       يبني جسام
❥━──➸➽❥❂❥━──➸➽❥❂
عرسك آهات ومناحه وحزن ودموع
وبيك عمك يالولد دلاله مفجوع
وبدمع عيني يغالي طفت الشموع
طفت يمه شمعتك ... صار عرسك موتتك
يبني جسام    يبني جسام
❥━──➸➽❥❂❥━──➸➽❥❂
الموت يبني والعرس صارن سويه
انتحب واعليك اون ونه شجيه
ليش حاچيني اگطعت هالگطعه بيه
راح حيلي من رحت … يالولد يبني صحت
يبني جسام            يبني جسام
❥━──➸➽❥❂❥━──➸➽❥❂
*بقلم ✍🏻خادمة اهل البيت*
*الشاعرة العلوية مريم النور نسألكم الدعاء الفاتحه الى روح اختي ولإمواتكم:*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعية للقاسم (ع)( اندهولي الولد) 

✦❥※❥※✿✿※❥※❥※✿✿※❥※❥✦

اندهولي الولد لاموش اله النومه

نايم عالتراب امغيره ارسومه

✦❥※❥※✿✿※❥※❥※✿✿※❥※❥✦

نايم عالتراب امسلهم عيونه
عاف امه عليه اليوم محزونه
وحنات العرس بدماه معجونه

ويهفي عليه الذاري وسمومه

✦❥※❥※✿✿※❥※❥※✿✿※❥※❥✦

من ذاري التراب الحوف المچنه
تمنيت الولد بيديه ازفنه
خذاه الموت مني وايست منه

عمت عيني عليه من جابوا  علومه

✦❥※❥※✿✿※❥※❥※✿✿※❥※❥✦

عليه اعيوني تعمه الميت امحسر
بسيوف الاعادي اوليدي اموذر
نايم يالشباب وحالك امغير

ما ردت الوداع ولا ردت يومه

✦❥※❥※✿✿※❥※❥※✿✿※❥※❥✦

ما ردت الوداع اوياك يا مدلل
لو غمضت اعيونك بعد ماتسأل
راح الفكر مني ودربي ما اندل

من شفت الولد غرگان بدمومه

✦❥※❥※✿✿※❥※❥※✿✿※❥※❥✦

غرگان الولد بدمومه من شفته
لو ينسام ابني بروحي چا سمته
تعب عمري ورباتي لكربله شلته

يا جيت الگشره اعلينه ميشومه

✦❥※❥※✿✿※❥※❥※✿✿※❥※❥✦

تمت والحمدلله ✍ خادمة أم أبيها الشاعرة أم علي الحلفي (من ديوان مصارع الكرام الجزء الأول) لا أجيز شرعاً حذف الأسم اوتغير الكلمات


                      نسألكم الدعاء

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده فزاعيه  للقاسم «ع»

على العريس     خل ننصب تعازينه

شباب اعله الرمل وسفه غفت عينه


خـل ننصب عـزانه الليلـه للقاسم
يا شبل الحسن  اعله الرمل نـايم
گلب امه عليه ياويلي  ضل هايم

نواسيهـه //     بمصابـه  الليل

رمله تنتحب ياشيعه واسوهه
طفوا شمعة  العريس طفوهـه
والحنه بدموع العين عجنوهه

عريس بدمه    //    محنينـه

نـايـم عـالثره عـريس  يمحسر
مخظب بالدمه والجسم متوذر
يالچـنك ورد  بـالگـاع  مـطـشر

مطروح  القاسم  //  بالحومه

سكنه تنتحب وتصيح  يا يابه
القاسم اتحنه  من دمه خضابه
نـاره  بـالگـلب تستـعر  الهابـه

يانـار  القاسم   //  تجـويهـه   

ياشبل الحسن ويلي على مصابه
الله يعين گلب حسين من جـابـه
شالـه  للخـيم  والدمعه  سجابـه 

يـون حسـين  //  اعـله مصـابـه

الطمي  عـالصدر والونـه عليهه
عالقاسم  الليله  رملـه  عازيهـه
واسيهه على العريس واسيهـه

الحزنانـه  //     واسيهه اليـله

تمـت بـعـون الله تعالـى
بـ✍️خادمـة الحسين "عليه السلام"
الملـه أم مـجتبـى 
نسالكـم الدعـاء بتعجيل الفـرج لصاحـب الزمـان( عـج)

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة لفقد الشباب
—————————————————

وين الفاگده الشبان خل تهل مدامعهه
بيوم القاسم المحزون هموم الوالده تفلهه

😢😢😢😢😢😢😢😢😢😢

وين الراح منهه الزين شال وخله بس ونه .
يالوحيّد ييمه تصيح رمله من مشت عنه.
وابدال الفرح يبني حبيبي بدمه امحنه
يا فتشه ظوه اعيوني .... تهد امك مواجعهة..

يافتشة ضوة العينين امك لا تخليهة
حدر ضلوعها ونات تكتل لو تناعيهة
تكلة يلعزيز اكعد امك من يباريهة
ياسلوة حياتي كوم .... تهد امك مواجعهة

ياسلوة وبعد عمري أنشدك ليش تثكلني
انة امك واون ضليت من يوم الغبت عني
ردتك للوكت يلشاب ماحسبت تهجرني
اشوفك عَل رمل مطروح .... تهد امك مواجعهة

تشوف ابنالحسن هالشاب عريس بخضب دمه.
شنهو انطيك ياجمال بس خليني اضل يمه .
لو راح الولي ياناس منهو ايباري الحرمه.
تضل تنعاك حد الموت .... تهد امك مواجعهة

الك حسرة بوسط ضلعي ماتكعد يلوليد
وناري بلكلب تسعر و ماضن يومهة تهيد
اون اعليك يوليدي وتدري النوح ميفيد
ماصدك تفاركني .... تهد امك مواجعهة

ارثي ابن الحسن وانحب اله وهليوم ممنونة
اجت هاي الخدم تنخاك يامولاي محزونة
عليك الغربن للشام والضامي البقة بكونة
تحفظ كل ولدنة نريد ... تهد امك مواجعهة


—————————————————

بقلم الشاعرة والملا رغد البهادلي
ذمة عدم حذف الاسم وغير مبرئ الذمة كل من ياخذ من الكلام وينسبه له

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نزله للقاسم عليها السلام على لحن 👇

هاي الخيل شد واشتد يميمرها


لحومة الميدان جسام اعتنه
الحومة الميدان جسام اعتنه

من الخيم لن صوت يسمع جاي من عمه الحبيب
ايصيح يا فرسان هاشم ماكو من عدكم مجيب
هزته الغيرة اعله عمه وطلع غضبان و رهيب
صاح عمي حسين ابشر هاذ أنه
الحومة الميدان جسام اعتنه

من اخذ رخصه ترجل للحرب ذاك النفل
ابد ميهاب المنايه اسيوف لاكاها ونبل
ال اميه و كل حشدها عنده جن شِسع نعل
لوصل لحدوده شبل حيدر فنه
الحومة الميدان جسام اعتنه

كلهم اهنا يا الاميه انتم انتم و انه هاذ
اليوم اطوقها عليكم للشرد مامن فاذ
ارتعبت الفرسان منه كل شخص بحصانه لاذ
خوفاهم صاحو العباس ضنه
الحومة الميدان جاسم اعتنه

من حمل ضنوة الهادي و كام باحومه يصيح
من الوجل روس الاعادي ابلا ضرب كامت تطيح
اتنشرت بذيج البوادي وضيك اعليها الفسيح
مثل عمه الگمر مادنگ الراس وحنه
الحومة الميدان جسام اعتنه

رمله خاطرهه تهنه يوم شد عالغانمه
اتكله للحومه تعنه وسوي بالطف ملحمه
خلي راسي ارفعه ابحظرت امك فاطمه
رفعي راسج يارمله بالمجنه
الحومة الميدان جسام اعتنه



تم قلم الشاعرة #رهف الكعبي

الشاعر سيد ناصر الموسوي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

جلوه للقاسم عليه السلام( يا رمله عجني حنته )


بلخيمه صاحت بت علي يا رمله عجني حنته
طشي لملبس والورد هالليله جاسم زفته
❥━──➸➽❥💔❥━──➸➽❥💔
الليله عمامه أجمعو والساده أضن عدهم عرس
هذا الكفو وشبل الحسن اليضوي والچنه شمس
تاليهه بلحومه وگع ويدوسه يا حيف الفرس
والحنه تالي أتحولت نوح أو مصاب أبخيمته
❥━──➸➽❥💔❥━──➸➽❥💔
برموش عينه حته أله ثوب العرس يابت علي
هذا الأعز من الهوى واليسوه كل ناسي وهلي
أحسب ليالي حنته بلفرح گلبي ممتلي
يا زينب أنه أنطر متى تگرب ليالي فرحته
❥━──➸➽❥💔❥━──➸➽❥💔
ساهرت أيام أشكثر وأشبر أبطولك يلولد
من أيدي لا ما حسبت تمشي يبعد أمك أبد
مو تعرف أمصابك تره بلحيل يا يمه يهد
زينب تره ما تنحمل شيبت أنه أبطيحته
❥━──➸➽❥💔❥━──➸➽❥💔
شاب أشحلاته أبن الحسن دنياه شو توهه حلت
كلش ترف مو للگبر وبطيحته أمه شيبت
لوليد رمله يا زمن ليش المنيه گربت
من حضن أمه أستعجلت ليش المنيه أخذته
❥━──➸➽❥💔❥━──➸➽❥💔
حگهه تنوح أعله الولد تلطم وتبقه أمحزمه
الرادت أتحني بالأمس اليوم يتحنه أبدمه
ما تنحمل تكسر ظهر طيحت الغالي مؤلمه
أمه تون تبقه الدهر وأتنوح ضلت عمته
❥━──➸➽❥💔❥━──➸➽❥💔
《 طفوهه طفوهه أشموع العرس طفوهه 》
《 عينوهه عينوهه وأم الولد عينوهه 》
《 فلشوهه فلشوهه والخيمته فلشوهه 》
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الثلاثاء / ٢٨ من شهر شوال
الموافق / ٢٠٢٤/٥/٧


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

هوسة مع فزاعية ختامية مجلس للقاسم بن الحسن عليهما السلام والشهداء والشبان ( ناموا بالتراب )


صدگ ماتنحمل يافرگة الشبان
تعمي العين وتخلي الگلب تعبان
ضل امچانهم ماينچهب حزنان
چا ليش الورد يندفن بتربان



    ( نزلة الفزاعية )


وناموا بالتراب ... الچنهم اورود
شعدهم حملوا ماردوا اردود
     وناموا بالتراب
اشماله الموت بيهم صاح فرهود
     وناموا بالتراب
ندگ ياباب شو كل باب مسدود
     وناموا بالتراب
گلب الفارگاهم صار ممرود
     وناموا بالتراب
نحچي بزودهم وانريدهم زود
     وناموا بالتراب
شو كلمن نوده اليوم مفگود
      وناموا بالتراب
(( احا يفراگ الشالوا     مر مانهواه ))



✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#من_ديوان_قربان_الطف_ج٩
قصيدة للقاسم(ونن يعماته)

❥━──➸➽❥❂❥━──➸➽❥❂

تقرأ فزاعية بهوسات وألحان أخرى

عله امصاب الولد ونن يعماته
اجروحه امكشفه وشم الهوه فاته
❥━──➸➽❥❂❥━──➸➽❥❂
لطمن عالولد والدمعه هلنهه
ورمله بالعزيز اليوم عازنهه
مهضوم عليه ما بطلت ونهه
توجع بالگلب ياناس طعناته
(صوابه مچيد واذانه)
❥━──➸➽❥❂❥━──➸➽❥❂
يصوابه كلف والروح صابهه
وامه محزنه وتنوح خلاهه
دهرهه بالولد ياناس اذاهه
حنت حته الضلع جسام وناته
(من ون ياناس انهد حيلي)
❥━──➸➽❥❂❥━──➸➽❥❂
دگن حيل يازينب وچلثومه
يا غصن الورد هل طاح بالحومه
ويا ذاري التراب مغير ارسومه
من شفته الگلب‌‌ ظل يجر حسراته
(متغير لونه يوليدي)
❥━──➸➽❥❂❥━──➸➽❥❂
يا لونه تغير والوجه اصفر
ويا حالي عليه اليوم متگدر
يناس بفرگته شحمل وشتصبر
مخضب يالولد ودماه حناته
(من دم الهامه محنينه)
❥━──➸➽❥❂❥━──➸➽❥❂
ردت بهدوم عرسه انظره اگبالي
ولا اشوفه امدد والدمع هالي
محتاجته حيل بعازة الوالي
عليه الگلب ظل مالوم باهاته
(اعليه اتفطر دلالي)
❥━──➸➽❥❂❥━──➸➽❥
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قناة قمر الحسين ج ١١
لطميه للحسين ع
يالنايم بحر الشمس
الراس جاوين
جيت اسال حماي الظعن
مظروب بالعين
*
ميسره رحت وي الظعن انا سبيه
عفت نومه عالثرى واصفك بديه
فوك الهظم فوك القهر ماتت رقيه
غريبه مابين الغرب وادير بالعين
***
طافو براسه البلدان سوده عليه
ياحسين ياتالي هلي يابن الزجيه
بقيت وحيد بكربلاء مامن تجيه
بس الجسد ابلا راس يجهر بالونين
*
ياريت عميه ولاشفت راسك مطروح
امر الله هذا مكتوب و باللوح
نجي خطار لكربلاءوانت مذبوح
بدمك استقام الدين ياخويه ياحسين
****
وين الكفلني بالظعن وينه عباس
حرمه وغريبه ميسره مابين هالناس
ظلام مابيهم رحم قوم الارجاس
خل تنغر عليه اليوم اخواني الشياهين
*
حر وشمس علاجساد مغيره المعاني
وين الدلال وهيبتي ظايع زماني
مدري اضل يم الجسد ظلت اعاني
روس وياي معلكه للشام ماشين ام محمد الهاشميه لايجوز حذف الاسم ذمه رجاء


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه لعلي الأكبر عليه السلام( وسفه الشباب )


وسفه الشباب ... هدمو صيوانه
عيني أبلطمتچ زينب الحزنانه
❥━──➸➽❥💔❥━──➸➽❥💔
عيني أبلطمتچ زينب المهيوبه
عالأكبر أتون أبروح متعوبه
آه يلشباب أو جبهته مخضوبه
وأتگابلو يبچون كل خوانه
❥━──➸➽❥💔❥━──➸➽❥💔
وسفه الشباب اليوم عاف الوالده
تعبهه كله أو كل شگاهه رايده
ليله الحزينه يا بچرهه فاگده
وتلطم الليله بالخيم دوهانه
❥━──➸➽❥💔❥━──➸➽❥💔
تلطم الليله وتصرخ أبني وينه
چا ليش عافاني أو غمض عينه
الأكبر علي بين أخوته أمضيعينه
تصرخ عليه آه يبني أو حيرانه
❥━──➸➽❥💔❥━──➸➽❥💔
تصرخ عليه وأتگول شو عافاني
أبتعب الربه طلبيته يرجع ثاني
ما نصف وياي الدهر صاباني
وأبنينوى متوسد أبميدانه
❥━──➸➽❥💔❥━──➸➽❥💔
رجعو عمامه أو خيمته شالوهه
وجثمانه ليه أمن الحرب جابوهه
مدمومه جدامي أجو خلوهه
ويا دمعتي أبونه تهل غدرانه
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الأربعاء / ٢٩ من شهر شوال
الموافق / ٢٠٢٤/٥/٨

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الفزاعيه_بديوان_أقل_الوفاء_في_رثاء_علي_الأكبر_عليه_السلام_الجزء_٢٥_.


فزاعيه لعلي الأكبر عليه السلام


ميدان الحرب يا صوب
بي طايح علي الأكبر
❥━──➸➽❥💔❥━──➸➽❥💔
طايح بيه شبل حسين
منه امعفره الخدين
ضل حسين ماكو معين
بين اعداه يتفكر
❥━──➸➽❥💔❥━──➸➽❥💔
طاح اعله التراب اليوم
واموذر يحلو السوم
وامه حيلهه مهدوم
واتناديه يمحسر
❥━──➸➽❥💔❥━──➸➽❥💔
يلاكبر يبعد اجلاي
يامحروم شرب الماي
عفت امك يبعد اجلاي
مابين الغرب بلبر
❥━──➸➽❥💔❥━──➸➽❥💔
امك شايطه واتنوح
واتدور عزيز الروح
ياصوب الولد مطروح
علتربان متكنطر
❥━──➸➽❥💔❥━──➸➽❥💔
متكنطر امنحصانه
وامه اتنوح حزنانه
عليك الروح حيرانه
يالب الكلب واكثر
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعية لعلي الأكبر (ع)( شلك بالموت)

✦❥※❥※✿✿※❥※❥※✿✿※❥※❥✦

شلك بالموت يالبعدك شبابات

من هرفي ووكت نمت ابترابات

✦❥※❥※✿✿※❥※❥※✿✿※❥※❥✦

من هرفي مشيت وفارگتني
للويلات يايمه اتركتني
كون اوياك يا گليبي خذتني

ولا خليتني عايشه ابحسرات

✦❥※❥※✿✿※❥※❥※✿✿※❥※❥✦

اظلن عايشه ابحسرة رجعتك
هيچ اتعوفني يمه اعلى بختك
عگازه الزماني يمه ردتك

وسنين العمر بعدك مغبرات

✦❥※❥※✿✿※❥※❥※✿✿※❥※❥✦

ما اريد العمر لا عشته ساعه
سلاني الولد ساعة وداعه
خبر موتك ولاريدن سماعه

وحدك بالترابه يمه اتبات

✦❥※❥※✿✿※❥※❥※✿✿※❥※❥✦

وحدك حملت ما خذت امك
ومن الموت گلي وين اضمك
تعال ارجع الي يمه ارد اشمك

الك جوه الضلع يايمه جمرات

✦❥※❥※✿✿※❥※❥※✿✿※❥※❥✦

جمراتك چوتني ولا جزتني
الدنيه ليش من ابني حرمتني
راح ابعيد عني وكدرتني

وبنص الچبد لوليدي طعنات

✦❥※❥※✿✿※❥※❥※✿✿※❥※❥✦

طعنات الدهر توجع يا يمه
دوم ادعي يالاهي الغالي سلمه
يمن فدوه ونذر اندار لاسمه

ياهرش الگلب بس خضر ومات

✦❥※❥※✿✿※❥※❥※✿✿※❥※❥✦

تمت والحمدلله ✍ خادمة أم أبيها الشاعرة أم علي الحلفي ( من ديوان مصارع الكرام الجزء الأول) لا أجيز شرعاً حذف الأسم اوتغير الكلمات

                   نسألكم الدعاء

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

هوسة مع فزاعية ختامية مجلس لعلي الاكبر عليه السلام ( اگعد شوف حالي )


جرح يلچم جرح واشلون گلبي يطيب
للعازات ردتك ياعلي وللشيب
گلت ماغيب عنچ ليش عني اتغيب
عذبني الزمان بطيحتك تعذيب


     ( نزلة الفزاعية )


اگعد شوف حالي ... يالولد يبني
كلساع وندهتك ماتجاوبني
    اگعد شوف حالي
شفت اصواب راسك وانگطع ضني
     اگعد شوف حالي
عفتني بكربله واتعذرت مني
     اگعد شوف حالي
اون اعليك مابطل بعد وني
     اگعد شوف حالي
اوياك اوياك كون الموت ياخذني
     اگعد شوف حالي
(( الموت اشوالي     ولاضل مهضومه ))



✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة لعلي الاكبر عن لسان امه ليلى ( طور مايحاجيها حجت وي نحر ابنها )

❥ــــــــــــ🕊️ـ❁❁🕊️ــــــــــــــ❥

صاحت والگلب يرگع يالحسين
شلون تجيب الاكبر للصوواين
جبته شلون ومسبلها الايدين
احجي وياه ولايفتحلي العين

مايصد ليها // فتحت عين ابنها


❥ــــــــــــ🕊️ـ❁❁🕊️ــــــــــــــ❥

جبته شلون گلي شگال كلبك
شلته ومنگطع من فگده ضهرك
بالاكبر ضرب ضرباته دهرك
وطگني بنص دليلي ارد اخبرك

تگدر تشيله// موذر وسفه وابنك


❥ــــــــــــ🕊️ـ❁❁🕊️ــــــــــــــ❥

يالمشيول فوك اجتاف الارجال
شفتك بالدمة ومني الدمع سال
يبني الخيبت بگليبي الامال
انة الريتني بتابوت انشال

خل يشيلوني // كون بدال طولك

❥ــــــــــــ🕊️ـ❁❁🕊️ــــــــــــــ❥


سمعن صوت ليلى وطلعن بساع
شافنه يون ونات الانزاع
طبراته جبيرة مكسرة الاضلاع
وزينب نادته والگلب مرتاع
والبدر غايب // الاكبر يابدرنه

❥ــــــــــــ🕊️ـ❁❁🕊️ــــــــــــــ❥

للخيمة سوه شالوه ودخلوه
ومابين الجثث بالگاع مدوه
صاح حسين عن عيوني غطوه
كل عضامة متهشمه شوفوه
وانطفت عيني // حيلي وياه تهدم

❥ــــــــــــ🕊️ـ❁❁🕊️ــــــــــــــ❥
تمت

خادمه أهل البيت العلويه فضيله هاشم الموسوي

ماذكرناه في عشره أيام.  رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#من_ديوان_قربان_الطف_ج٩
قصيدة للرضيع(يوليدي دللول)
❥━──➸➽❥❂❥━──➸➽❥❂
في ليالي الفراق المؤلمه تجلس الرباب امام مهد ابنها عبد الله الرضيع فتنظر إلى المهد خالي وتذكر كيف كان ينام في المهد ويغفوا في احضانها فظلت تبكي وتنادي:

بعد ما اگول يوليدي دللول
لان حضني فرغ منك يمدلول
حضني اليوم خالي ... ظل مشدوه بالي
بعد ما اگول يوليدي دللول
❥━──➸➽❥❂❥━──➸➽❥❂
بعد ماتمر هالچلمه بلساني
برباك شكثر ظليت اعاني
خذاك بساع من ايدي زماني
چنت تغفه عله اچتافي وحناني
راح ارباي ذاك وتعب الأيام
المن روحي طلع مفطوم بسهام
عانيت الليالي ... ظل مشدوه بالي
بعد ما اگول يوليدي دللول
❥━──➸➽❥❂❥━──➸➽❥❂
الليل مساهره ودموعي بالعين
ردت تكبر واشوفك ذخر ومعين
اجتك بالنحر ياسطرة البين
ودلالي انفطر يوليدي نصين
اباوع للمهد واتخيل الگاك
واشبگك يالولد واسمع مناغاك
يجرحني خيالي ... ظل مشدوه بالي
بعد ما اگول يوليدي دللول
❥━──➸➽❥❂❥━──➸➽❥❂
چنت انظر لوجهك لمن تنام
اسولفلك هواي آمال وأحلام
ماحسبت دهري هيچ الي ظام
من بين ايدي ترحل بيد ظلام
ماظنيت يبني مايشربوك
تفرفح بيد ابوك حسين خلوك
وانه الهم صفالي ... ظل مشدوه بالي
بعد ما اگول يوليدي دللول
❥━──➸➽❥❂❥━──➸➽❥❂
بگيت بحسرتي ما انام بليل
صوتك اذكره وادموعي تسيل
ليش امك عفتهه بحسره وبويل
أمن اسمع طفل ناغه ينهد الحيل
للموت ابقه بدموعي وحنيني
ادري ماترد ليه وتجيني
بس الون حلالي ... ظل مشدوه بالي
بعد ما اگول يوليدي دللول
❥━──➸➽❥❂❥━──➸➽❥❂
يالنحرك ترف وزغير عالموت
ادك عالراس وابچي بعالي الصوت
ورد عمري انفگد من ايدي بسكوت
الولي بدمع عيني وگلبي مفتوت
تبچي الناس ظلت ويه مبچاي
ابن روحي فگدته وثمر دنياي
عزيز وعلي غالي ... ظل مشدوه بالي
بعد ما اگول يوليدي دللول
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعية ليوم العاشر
اليوم زينب فاتحة بصيوانها
من مصايب كربله واحزانها
✍✍
اليوم كومن خليّ نعزيها
اليوم رايح للجتل وإليها
وصَرخت المظلوم خنعليها
والاخوان مذبحه بميدانها
✍✍
اليوم نلطم عالصدر وياها
اليوم راح الكافل وخلاها
يامصايب هالزمن راواها
مذبحة فوك الرمل وليانها
✍✍
كومن نعزي الزجيه فاطمة
حضرت بكربله ويلي لاطمة
شافت أعلى الترب كلها مخذمة
اليوم وحشه كربله اوّديانها
✍✍
بقلمي المتواضع خادمة الامام الحسين ع المله ام علي الحسناوي ✍✍✍
الفاتحه إلى شرف النبي وعترته الاطهار عليهم السلام وإلى أرواح المؤمنين جميعاً وإلى روح والدي وإلى روح أستاذتي المرحومة العلوية ام حسام 🙏

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه لعبد الله الرضيع عليه السلام( آه يلرضيع )


آه يلرضيع           فگدك أيبچيني
معقوله يبني تمشي وأتخليني
❥━──➸➽❥💔❥━──➸➽❥💔
معقوله تمشي وأنه أضل حزنانه
والخيمه منك يلطفل خلوانه
مهدك أصدله ودمعتي غدرانه
وأتذكرك يوليدي أتناغيني
❥━──➸➽❥💔❥━──➸➽❥💔
مشتاگه يمه الصوتك أو حنيته
چا ليش حسره بلگلب خليته
بعدك أزغير والگبر طبيته
يا شمعتي الچانت تضوي أسنيني
❥━──➸➽❥💔❥━──➸➽❥💔
در صدري هذا اليوم يبني يلولد
ناديت يا عبدالله وينك ما ترد
وأشلون خالي صار يا يمه المهد
هزيته والدمعه تهل من عيني
❥━──➸➽❥💔❥━──➸➽❥💔
آه يلرضيع أشلون حالي بدونك
سوربت يا زهرة حياتي أعيونك
شمسوي وعدوانك أيذبحونك
سهم المثلث بالنحر عاميني
❥━──➸➽❥💔❥━──➸➽❥💔
يلمنحرم من الفرات أو مايه
مصيوب أشوف الرگبه أمدمايه
بلحزن والهم عگبك أمغطايه
وياك يبني للموت وديني
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الجمعة / ١ من شهر ذي القعدة
الموافق / ٢٠٢٤/٥/١٠

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك