قصيده للأمام الحسين عليه السلام( عشگته أبجنون )


عشگته أبجنون ... حبيبي حسين
❥━──➸➽❥💔❥━──➸➽❥💔
ما أريدن روحي ... لون تعشگ غيرك
إنه يكبر عمري ... منك ومن خيرك
يا لغز وأبعيني ... دمعتي تفسيرك
يلي رافع صيتي ... لاچن إنه أزغيرك
يدمع العيون ... حبيبي حسين
❥━──➸➽❥💔❥━──➸➽❥💔
يا حزن أيامي ... يا لحن آهاتي
يا كلام أجروحي ... يا ألم وناتي
عايش أنته أبعيني ... عايش أنته أبذاتي
يا حسين بأسمك ... تعتلي صيحاتي
يا أول حنون ... حبيبي حسين
❥━──➸➽❥💔❥━──➸➽❥💔
خاسر الي عافك ... فايز الي حبك
شكو خير ورحمه ... كل هذن أبدربك
دومك أتمد أيدك ... رغم أنه متعبك
موطن الكل خادم ... أحله موطن گلبك
أمير الشجون ... حبيبي حسين
❥━──➸➽❥💔❥━──➸➽❥💔
غالي حبك غالي ... يا أمير أسنيني
من كرم ماعونك ... أشبع أمخليني
ياهو مثلك مالك ... عبدك أمعليني
سد عيوني الغيرك ... لجلك أفتح عيني
بس ألك أكون ... حبيبي حسين
❥━──➸➽❥💔❥━──➸➽❥💔
يالمحبتك جنه ... سيدي يلغالي
وأبخدمتك شامخ ... يبگه راسي عالي
سيدي ما عوفك ... أنته كل أمالي
بالأدروب الضلمه ... نورك الضوالي
يالگلبك حنون ... حبيبي حسين
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الأربعاء / ٢٦ من شهر ذو الحجة
الموافق / ٢٠٢٤/٧/٣

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه العلي الاكبر (ع)(اليوم منك أيست)

ياعلي الاكبر يماي عيونـي
ليش منك يالولد حرموني

الــيوم مـنـك أيست
ريت وي موتك متت
ياعلي الاكبر يماي اعيوني
ــــــــــــــــــــــــــــــــــــ
اليوم حرموني العده من شوفتك
ريـــــت يبني رحـــت ويه روحتك
ولا اشـــوفنها السهام الــــصابتك

بحسره يايمه صحت
ريت وي موتك متت
ياعلي الاكبر يماي عيوني
ــــــــــــــــــــــــــــــــــــ
بحسره انـوح اعليك يبني ياعلي
بعد عينك يالولد منـهـو الـــــي
بطيحتك هل طاح يمه محملي

ضيم من بعدك شفت
ريت وي موتك متت
ياعلي الاكبر يماي عيوني
ــــــــــــــــــــــــــــــــــــ
شفت من بعدك ييمه النايبه
اعليك هاي الروح ظلت ذايبه
والنوايب بالگلب هل صايبه

اوياك يالغالــي ردت
ريت وي موتك متت

ياعلي الاكبر يماي عيوني
ــــــــــــــــــــــــــــــــــــ

اتمنى كون اوياك موتتنه سوه
ولا اعيش ولا اشـم عذب الهوه
گلبي بجمر الحزن يمه انچوه

مـنــي يوليدي رحت
ريت وي موتك متت

ياعلي الاكبر يماي عيوني
ــــــــــــــــــــــــــــــــــــــــ
رحت مني وگلبي يوليدي انشلع
ودمعي علوجنات يـــايمه انطبع
حين راسك علرمح يبني انرفع

حيـل يمه اتکـدرت
ريـت وي موتك متت
ياعلي الاكبر يماي عيوني
ــــــــــــــــــــــــــــــــــــــــ
تــــمت بعون الله تعالى
بقــــ✍🏻لم خـادمة السيده رقيه عليها السلام
*الشـــاعره سهام علــــــي المـــالكــي*
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

موشح لعلي الاكبر عليه السلام (( وين ينباع الصبر ))


وين ينباع الصبر دلوني
گلبي مهضوم وتهل عيوني


ماتنام العين وادموعي تهل
ردت الاكبر للخيم يرجع عدل
ياحسافه ايطيح ضامي وينچنل
خاب رجواي وگطعت ضنوني
وين ينباع الصبر دلوني


خاب رجواي وگطع ضني بعد
من شفت راسه تهشم وانمرد
لاضخر هاليوم عندي ولاسند
فجعوا حسين العده وفجعوني
وين ينباع الصبر دلوني


فجعوا العدوان گلبي وگلب ابوه
هشموا راس العزيز وطبروه
راد شربت ماي لاچن ماسگوه
كون لاحوا هامتي وصابوني
وين ينباع الصبر دلوني


كون صابوني ولاصابوا علي
يفجع الدلال صيوانه خلي
بالعمر والروح والدنيه شلي
ومااواطن فرگته اتعرفوني
وين ينباع الصبر دلوني


مااواطن غيبته ولافرگته
امطبر ومچتول جابوه اخوته
زينب تنوح وتون اتلگته
هاي هيه اتصيح ضيعتوني
وين ينباع الصبر دلوني


هاي هيه انصيح يهل المرجله
گلبي ياضيم وقهر يتحمله
باچر اعليه ايتهدد حرمله
بين خولي والشمر عفتوني
وين ينباع الصبر دلوني


لاصبر باچر يضل ولا دلال
ليش نايم ياعلي الاكبر تعال
تقبل يچتفون زينب بالحبال
بالسياط وبالعصي يضربوني
وين ينباع الصبر دلوني



✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#حـصـريـاً
#الشاعرة_نورس_الحلفي
#قصيده للعباس ع
ــ❁ــ❁ــ❁ــ

محد زامط العباس... من صالت الحربيه
رج ميدانها كافل العلويه

ــ❁ــ❁ــ❁ــ

محد زامطه بساعات الملاگه
اله خزرات مثل النار حراگه
من طب للشريعه يابسه رياگه
[رواها ــ بالدم گاع الطف]
ــ❁ــ❁ــ❁ــ

محد گابله ومحد وگف دونه
شحده اليصد لحضه بخزرة عيونه
شيخ المرجله والكل يعرفونه
[يرج صيته ــ بركان الماو]
ــ❁ــ❁ــ❁ــ

بيوم الماو چن زلزال طب ليها
ياشيخ الحرب عباس راعيها
گص اركابها وكسّر مواضيها
[والطف حياله ــ اهلا يالكافل]
ــ❁ــ❁ــ❁ــ

معروف البطل عباس بالشده
علگ خيته العقيله شدت بزنده
الوصل يم ابوالغيره الكافل شحده
[شحده اليگرب ــ عباس الهيبه]
ــ❁ــ❁ــ❁ــ

ياهيبة علي والزود يحلاله
من طب مغضب الميدان حياله
طشرها الاعادي راعي الاكفاله
[معروفه افعاله ــ الكله مروه]
ــ❁ــ❁ــ❁ــ
بقلم خادمة اهل البيت ـ ع ـ
الشاعره المله نورس الحلفي
اسألكم قراءة سورة الفاتحه الى روح والدتي ولأمواتكم
غير مبري الذمه اليحذف الاسم وينسب الكلام له

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

من ديوان عبرات وأنين ج٨ خاص بالعباس ع
*فزاعيه للعباس عليه السلام (للكافل بهالليله)*
❥━──➸➽❥❂❥━──➸➽❥❂
يحله النوح والميدان
للكافل بهالليله
❥━──➸➽❥❂❥━──➸➽❥❂
يحلالة اللطم والنوح
ظل اعلة النهر مطروح
مخضب بالدمه ومجروح
وحسين انهدم حيله
❥━──➸➽❥❂❥━──➸➽❥❂
تهدم حيله عالريسان
مرمي بساحة الميدان
يدير عيونه وحيران
طاح اليكفل العيله
❥━──➸➽❥❂❥━──➸➽❥❂
طاح وطاحت اچفوفه
وابسهم انطفه شوفه
ويمه الرايه ملفوفه
واختة المدمع اسيله
❥━──➸➽❥❂❥━──➸➽❥❂
حزنانه وتهل العين
وتنادي يخويه حسين
الكافل صوبو بالعين
ويريدك تتچيله
❥━──➸➽❥❂❥━──➸➽❥❂
يريدك تنظر لحاله
ضربته حيل چتاله
جيبه بساع لعياله
يردونة مداليله
❥━──➸➽❥❂❥━──➸➽❥❂
ماتدري ام طهر وسفه
الكافل حالتة كلفه
ماينفع دوة ويشفه
راح اليعدل الميله
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:

🍃*https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعية للهلال ( يلچم اضلوعي اهلاله )


الله يساعد امك من يهل عاشور
تذكر هامتك لو نحرك المنحور
نار امصيبتك صاحت بگلبي تفور
ثلث تيام نعشك بالحرب مشمور


   ( نزلة الفزاعية )

هاذه الشهر كلما يهل
يلچم اضلوعي اهلاله


كلما يهل يعميني
ويفجعني ويبچيني
والكربله يوديني
واذكر حسين وحاله


اگعد بنص الحومه
ومصوبه ومهضومه
اذكر حسين ويومه
من داسته الخياله


ركضت الخيل وداسته
ولچمن اصوابه وطبرته
انوب اروح الخيمته
واذكر ونين اعياله


ضلت اعياله امطشره
والنار شبت مسعره
واگصد لسبع الگنطره
بدموعي الهماله


انوب اروحن للنهر
اشبع مصايب هالشهر
عباس عالهامه انطبر
وحسين محد شاله


وحسين ضل بمصرعه
الطم اگبال المشرعه
امتون الحنين امگطعه
وهد عالحرم چتاله


كساع چتاله ويهد
مابيه حيل الطم جهد
عاشور اگله لاترد
ويرد عليه اشماله



✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#حصرياً_من_ديوان_قربان_الطف_ج١٥
قصيدة للإمام الحُسين(مشتاك ليك)
❥━──➸➽❥❂❥━──➸➽❥❂
انه المشتاك ليك ورايد اتعنه
يالريحت ضريحك ريحة الجنه
❥━──➸➽❥❂❥━──➸➽❥❂
طك گلبي عليك وارد ازورنك
الك حنيت يل ما ينشبع منك
حنين اهواي يامولاي اعرفنك
مثل حضن امي دافي هيچ اوصفنه
❥━──➸➽❥❂❥━──➸➽❥❂
تمنيت انه طير واوصل الحضره
وابث شكواي يمك واسچب العبره
بالفرگه حياتي صبحت مره
انوح اعليك ابد ما ابطل الونه
❥━──➸➽❥❂❥━──➸➽❥❂
مختنگه شكثر روحي يبو اليمه
وگلبي لغير شخصك مايبث همه
الدنيه بلا زيارة موحشة وظلمه
اريد بصحنك اگعد يالامان النه
❥━──➸➽❥❂❥━──➸➽❥❂
تعبني زماني والصبر چتال
يمولاي بضريحك يبرد الدلال
بأمان أشعر واحس يرتاح حيل البال
لون بيدي يگبرك ما اعوفنه
❥━──➸➽❥❂❥━──➸➽❥❂
بلا شوفة ضريحك شلي ابعيني
يروح الزهرة الك ناذرهن اسنيني
لغيرك ما امدهه بيوم چفيني
بداعة زينبك لا لا تضيعنه
❥━──➸➽❥❂❥━──➸➽❥❂
شيصبرها روحي الماتزور حسين
احتار بزماني وين اروحن وين
امن ابعيد الزيارة اقره بدموع العين
اريد الروح والدلال اصبرنه
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للهلال [جريمة قتل]

عاشور لمن تهل **تراويني جرح وطفل
يامعظم امصيبتك **بيها جريمة قتل
❥❥❥❥ـــــــــــــ❁❁ـــــــــــــ❥❥❥❥
ماينسكت هاي الجريمه اعليها
يهلال شهرك بالحزن چاويها
گدام زينب ينذبح واليها

وتشوف نحر ودمه **وضلوعك متهشمه
يسحگ اعليها النذل**بيها جريمة قتل
❥❥❥❥ـــــــــــــ❁❁ـــــــــــــ❥❥❥❥
عاشور من تهل أظل محزونه
وشيخ الهواشم غمضاها عيونه
رحت النهر خاطر اطلبه بعونه

واخجلت شفت السهم **ومغطي عينه بعلم
ميت ومني خجل**بيها جريمة قتل
❥❥❥❥ـــــــــــــ❁❁ـــــــــــــ❥❥❥❥
وحسين اشوف مسلبات هدومه
وتمارس الحومه من وگع بدمومه
من طاح رأسه تيهيت ارسومه

اركض واصيحن عليه **بلكي يأشر بديه
يتضيع المنچتل** بيها جريمة قتل
❥❥❥❥ـــــــــــــ❁❁ـــــــــــــ❥❥❥❥
يهلال كل هذا وبعد فجعونه
شنو ذنب عبدالله ويجتلونه
وبحضن الحسين بسهم يرمونه

وامه تشوفه برمح** ومتنام ليل وصبح
شيشيل عني الحمل**بيها جريمة قتل
❥❥❥❥ـــــــــــــ❁❁ـــــــــــــ❥❥❥❥
وتبدي المصايب من حرگ هالخيمات
ولليسر ينگادن تره العلويات
وبقصر ابن مرجانه طبن وسفات

خبرو عباس النشم **زينب أبين الزلم
لكل فعل ردة فعل **بيها جريمة قتل


الشاعره رسل الابراهيمي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه عاشوريه مربعه
ــــــــــــــــــــــــــ
جيت الكربلاه بس تدمع العين
العباس انوحن لو الحسين
ــــــــــــــــــــــــــ
جيت الكربلاه وضيعت اخوتي
وياهم يربي طلبت موتي
عليهم صارخه ومرفوع صوتي حكها من البجه لو تعمه هل عين
ــــــــــــــــــــــــــ
هل عاشور يا يمه شجرالي
المن التفت ما ضلي والي
يا حال الهضم يا يمه حالي
راحو كل هلي وكلبي نارين
ــــــــــــــــــــــــــ
خوان الدهر فرك بل احباب
وينك يا علي تحضر هل امصاب
اولادك غدو نومه بل اتراب
ومنين الصبر يا يمه امنين
ــــــــــــــــــــــــــ
ابجي عله اهل لو حرك الخيام
اطفالي اصبحو يا ناس ايتام
ابو فاضل يا يمه النه ما دام
نايم عل نهر لا يسره او يمين
ــــــــــــــــــــــــــ
لشبان كلبي بس يودهم
ما كملو عمر نومه كبرهم
يا شده ورد يا ناس جنهم
ما شافو عرس ويلا امضلمين
ــــــــــــــــــــــــــ
ريت امي تجي لهاي المصايب بكيت امحيره ومالي حبايب
ما بين الضلم وكليبي ذايب
عني اهل الوفه صارو بعيدين
ــــــــــــــــــــــــــ
يم زينب الحره اشكي حالي
سلام ابعث اله ودمعي هالي
بحق عباس انخه عل جرالي
تكتب ام علي يا طول السنين
ــــــــــــــــــــــــــ

المله ام علي السعدي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة للمسير {اخوانك الاربعة}

يمه اسلـــــملك اخوانك الاربعة
بسيف كون انحورهم متگطـعة

موتو لعيون الحسين
عفيه بيكم يالبنين

انه اودعكم وحيل اموجعه
❥❥❥❥ـــــــــــــ❁❁ـــــــــــــ❥❥❥❥
يمه اسلملك اخوتك هالمسيه
كلهم يموتون برض الغاضريه
مذبحين الخاطر اوليد الزجيه

موتو لعيون الحسين
عفيه بيكم يالبنين

وانته كون تموت يم المشرعه
❥❥❥❥ـــــــــــــ❁❁ـــــــــــــ❥❥❥❥
فدوة للعطشان طيحو عالثره
ماتعوضني حرگتي بمنحره
من تموتون أمشي أصيح المعذره

موتو لعيون الحسين
عفيه بيكم يالبنين

المعذره من حسين جثته امكطعه
❥❥❥❥ـــــــــــــ❁❁ـــــــــــــ❥❥❥❥
احزام صيروا للاخو اه يالولد
انتوا ليه اليوم يا اجمل سند
سوئ اريدنكم ولا اوصي بعد

موتو لعيون الحسين
عفيه بيكم يالبنين

انه اودعكم ييمه اموجعه
❥❥❥❥ـــــــــــــ❁❁ـــــــــــــ❥❥❥❥
اموجع ادليلي ييمه من الجفه
نوركم من بيتي هالليله طفه
جرحي بجفاكم ولا هاد و شفه

موتو لعيون الحسين
عفيه بيكم يالبنين

اه ياناري بدليلي املسعه
❥❥❥❥ـــــــــــــ❁❁ـــــــــــــ❥❥❥❥
اخر وصيتي عله زينب بت علي
ابد مااااااريدنها تبقئ بلا ولي
يمها ضلوا يمها ها ياكل هلي

موتو لعيون الحسين
عفيه بيكم يالبنين

بسيف اريد اركابكم متگطعه
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني
من ديوان نحر الرسالة ج4
نشر القصيدة بثواب المرحوم خادم الحسين ع
محمد ابن سالم رحم الله من قرأ سورة الفاتحة لروحه 🙏

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#قصيده_للانصار


شيخ الانصار حبيب ابن مظاهر
حيهم يصيح اميري حسين حاير


حيهم يصيح يزلم المرجله
حسين سيدنه غريب بكربله
يشوف دمعات اخيته هامله
ليله مانام ابواليمه يساهر
شيخ الانصار حبيب ابن مظاهر



ليله مانام وعيونه مساهره
يفكر بزينب التبگه حايره
بيش ابن ضاهر يجبر خاطره
گله يوم الزلم يامولاي باجر
شيخ الانصار حبيب ابن مضاهر



هله بشيخ المرجله وشيخ الزلم
جهز جيوشه وشد بيهم عزم
وكال للحومه تعنو بالهمم
اليوم اجاكم يابطال العدو غادر
شيخ الأنصار حبيب ابن مظاهر



ياحبيب الزود من افعالك
صحبتك وانت الفخر يحلالك
ارجال حربيه ونعم يرجالك
اجو للميدان ماكسرولي خاطر
شيخ الأنصار حبيب ابن مظاهر



هله بيكم ياانصار ابو علي
حيهم يصيح بالحومه هلي
الليوم بالميدان هالحق يعتلي
والنعم صاحو وهذا السيف قاهر
شيخ الأنصار حبيب ابن مظاهر

#بقلم_الشاعرات

#الشاعرة_نورس_الحلفي

#الشاعرة_ام_علي_الأماره

غير مبري الذمه اليخذف اسم الشاعرات وينسب الكلام له

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطمية لهلال محرم الحرام (حزن بالگلب خيم)

✦❥※❥※✿✿※❥※❥※✿✿※❥※❥✦

حزن بالگلب خيم
اجه هلالك محرم

منك لوني مخطوف
بيك مصايب انشوف

نبدي ادموع وانلم
حزن بالگلب خيم

   ✦❥※❥※✿✿※❥※❥※✿✿※❥※❥✦

تسيل ادموم اهلنه عالوطيه

وتتفرهد خيمنه بلا جنيه

عطاشه بكربله ماكو آميه

نترك ذيچ الحيود
نمشي بگلب ممرود

صدر حسين بحوافر تهشم

✦❥※❥※✿✿※❥※❥※✿✿※❥※❥✦

بحوافر خيل صدره يرضرضونه

وخنصر ايده اخيي يگطعونه

يذبحون الولي ويشتمونه

ابد ما عدهم احسان
طحنه ابين عدوان

من اشوفن حالته اگليبي ايتألم

✦❥※❥※✿✿※❥※❥※✿✿※❥※❥✦

يتألم اگليبي اعليه وينوح

مالي حيل اشوفنه المذبوح

دمه ابلا سبب عالگاع مسفوح

اعليه ادموعي اسيل
عفته بغير تغسيل

ومن ضرب العده متني توسم

✦❥※❥※✿✿※❥※❥※✿✿※❥※❥✦

ضهدني فراگك وضربات المتون

واطفالك ياخويه لمن يبچون

بحرور وشمس گلي شيحملون

بطل حيلي عليهم
الزمن ما رحم بيهم

وليش رقيه ازغيره وتيتم

✦❥※❥※✿✿※❥※❥※✿✿※❥※❥✦

زغيرات البنات يظلن اشلون

عگب عين الابو مدميه العيون

مذبوح وتشوفه شلون مطعون

تون وتهدم الحيل
تفز مانامت الليل

وعاشر يوم نهاره صبح اظلم

✦❥※❥※✿✿※❥※❥※✿✿※❥※❥✦

تمت والحمدلله ✍ خادمة أم أبيها الشاعرة أم علي الحلفي لاأجيز شرعاً حذف الأسم اوتغير الكلمات
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للهلال
*

هل الاهلال  يزينب هل الاهلال
والدمع سال يزينب والدمع سال

وياج هلينه الدموع
يخت مكسور الضلوع

هل الاهلال  يزينب هل الاهلال
***
الج رايات الحزن شالتها الاحباب
اه ياجرح الحسين البينه ماطاب
وحك جفين الكفيل وداحي الباب

وياج يازينب نصيح
اه يمصاب الذبيح

دمعي همال يزينب دمعي همال
هل الاهلال  يزينب  هل الاهلال
***
نار دلالي اسعرت من عاينيته
هلت دموعي عليج  وعاتبيته
كتله ليش حسين بالطف حيريته

يوم شفته بالسمه
اسمعت ونت فاطمه

تفجع الحال يزينب تفجع الحال
هل الاهلال  يزينب  هل الاهلال
****  
فجع كلبج وانفجع كلب الزجيه
وانرسمت بعيني صور للغاضريه
شفت بيه زينب تصيح اشهالرزيه

الدنيا صارت مظلمه
ولون يشبه للدمه

صرخت عيال يزينب صرخت عيال
هل  الاهلال  يزينب هل الاهلال
**
جني اسمع صرخه وبصف النهر
بعيني اشوف عالنهر طاح الكمر
وانتي اتصيحين ياغدر الدهر

واكفه عله المشرعه
اه ياذيج الفاجعه

تشده البال يزينب تشده البال
هل الاهلال  يزينب هل الاهلال
*
نصبت الاحباب ماتم يالحزينه
كل محب لمصيبتج جر بونينه
نبجي لجساد البكت بطف رهينه

يااهلال  الفاجعه
حسين ضل بمصرعه

فوك الارمال يزينب فوك الارمال
هل الاهلال  يزينب  هل الاهلال
***
ام زينب كربلاء غير مبري الذمه من ياخذ الكلام وينسبه له اويحذف الإسم


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للوصول لكربلاء

وصلو كربلا. والخيم نصبوها
وخيمة زينب المهظومه يبنوها

وصلو كربلا واتعثر حصانه
كال حسين هاي الارض منوانه
نزلو يالهواشم  ابنو صيوانه
ابنوها الخيم. والحره نزلوها

وصلو كربلا والحره نادتهم
يخواني وهلي وبهظم ندبتهم
ردونه لاهلنه بساع طلبتهم
هاي ارض الغدر والشوم تدروها

لاتبنون هاي الخيم يبن امي
بيها يزيد نوحي يالولي وهمي
انه خايفه عليكم يبعد اسمي
وهاي العايله خاف تطشروها

هاي العايله خافن تضيع النوب
خويه حسين يلي بالشدد مندوب
ادري بالزمان يدورلي مكلوب
روحي خافت  عليكم  دطمنوها


هايه كربلا المعروف غدرتها
وهاي عثرتك بانت علامتها
لايحسين لاتبقه بثنيتها
ردوها الضعون ارجاك ردوها


يالبيك الحميه انخاك ياعباس
انه خايفه من جمع.هاي الناس
ردنه للوطن صاحت يبو النوماس
هاي العده ماترحم تعرفوها

ام زينب السعداوي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده فزاعيه لانصار الحسين عليه السلام


نگلب كونها من اتصير
زينب والله حزنانه
..................................

نصار حسين احنه انصار
نفدي ارواح. للاطهار
لو زينب  تمسها  النار

نغطي الارض بدمانه
..................................

مذعورة العقيلة بخوف
مابين الخيام اتطوف
لرماح الاعادي تشوف

اسهام  تصيب عطشانه
..................................

لم عون احنه فزاعه
الخوف نلاوي اذراعه
الجيش نشيله من گاعه

ونحط خيم بمجانه
..................................

يا درة علي الكرار
جينه لكربلاء احرار
نهز الرمح والبتار

فنه اليطلع اللسانه
..................................

حبيب انه مثل عمج
همي اهون ولا همج
يا هو اللي كرب يمج

وانه واكف اهنانه
..................................
شنهي زينب شتردين
نفدي اروح لجل حسين
كلنه وياج لاتهمين

نور لباري ويانه
..................................

لعيونج نضحي اعيون
برير وعباس احنه وجون
حبكم بالكلب مدفون

دم وعايش اويانه
..................................

تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطمية للنزله ( وصلوا كربله )


وصلوا كربله ... ودگوا خيم بيهه
هله وكل الهله بزينب واهاليهه


هله وكل الهله بزينب وخوتهه
وصلوا كربله وطبوا ثنيتهه
وابو السجاد شمهه وعرف تربتهه
( عطشانه وبالدم يرويهه )


شم اترابهه ويگول عطشانه
باچر ترتوي من تشرب ادمانه
زينب سمعته ولطمت الحزنانه
( صاحت ماضل بواديهه )


صاحت لاتدگ صيوان بالوادي
اظلم يخمش الدلال وافادي
عن هاي الارض حدثكم الهادي
( لو عجت يخنگ ذاريهه )


تعج اهموم سوده وماتعج ذاري
بيهه تموت ضامي والنهر جاري
گلبي ينخمش لو جبت هالطاري
( ماريد الحومه وطاريهه )


اسم الله اعليك منهه ومن مصايبه
اذا تدري الذبح خويه بحرايبهه
المن هالحرم وياك جايبهه
( عدوانك باچر تسبيهه )


باچر ننسبي وراسك يگطعونه
عدوانك يبو السجاد ملعونه
يسحكون اليطيح ومايرحمونه
( وعيوني امصابك يعميهه )


امصابك مايخلي عيون يتلفهه
من هسه النوايب حضرت چفهه
عوف الگاع هاي ولاتوالفهه
( غداره اولهه وتاليهه )


اولهه الحزن وشلون بالتالي
باچر ينفجع حالي ودلالي
وين انروح من اتطيح يالوالي
( ماخيمه اتضل ونطب ليهه )


✍لشاعرة اهل البيت
ام غصون العمارچية
غير مبري الذمه من يمسح اسم الشاعرة او ينسب الرثاء لشخص اخر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

تم نشر 400 قصيده لكل ايام محرم بالترتيب لكل يوم من ايام محرم الحرام وسوف يتم نشر اجمل القصائد اشترك بالقناة ليصلك كل ما جديد وحصري 👇👇👇👇👇
https://telegram.me/aabas78

لطمية للوداع (( هاذه حسين ))


هاذه حسين روحي امعلگه بروحه
خافن من اودعه يفزن اجروحه


روحي بروح اخوي حسين مشدوده
ياليلة وداعه امكدره وسوده
بالسبعين الف وگفوا عله احدوده
وعينه امساهره وللحرم مشبوحه
هاذه حسين روحي امعلگه بروحه


عين اعله الحرم والثانيه اعليه
يودعني ويوصيني بغواليه
خاف يروح ويعيل الشمر بيه
احلف دين مابطل بعد نوحه
هاذه حسين روحي امعلگه بروحه


انوحن طول عمري النوح ماعوفه
وحق چف الكفيل وغاليه چفوفه
ودعت الحنين اوداع ملهوفه
بعتاب وهضم وادموع مسفوحه
هاذه حسين روحي امعلگه بروحه


بدموع وهضم ضليت اودعنه
اشمن منحره وبشوگ احبنه
عن سيف الشمر چا وين اضمنه
ونبلة حرمله بالخاصره اتلوحه
هاذه حسين روحي امعلگه بروحه


باچر ينطعن بالخاصره وگلبه
وذيچ الگوم كلهه امحزمه الحربه
مصيبه امصيبته وياغربته غربه
وكل انصار ابو السجاد مذبوحه
هاذه حسين روحي امعلگه بروحه


ماكو انصار ضلت عد ابو اليمه
بس هاي المسيه ايبات بخيمه
باچر بالحوافر ينسحگ جسمه
واشوف اجنازته امگطعه ومطروحه
هاذه حسين روحي امعلگه بروحه


اعوف اجنازته مطروحه اخليهه
والعدوان مايرضون اغطيهه
اگله اشلون تنسه اختك يواليهه
وانت الخوتك بالطيب مملوحه
هاذه حسين روحي امعلگه بروحه


✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نزال للعباس ع
............

يوم ابو فاضل دخلها والحرب داراها

والاعادي ابحيره ضلت والدرب سداها

..........

طبها مثل الليث غاضب والعده كراها كر

يحصد ابروس الاعادي ولايصح الهم مفر

شبل حيدر بل المعارك لا يطخ ولا خسر


ابصولت الكرار عوده بل الحرب يتباها

............

شالها ابسيفه ويكرها والاعادي اتحيرت

مايصح المفر منه والشرد عنده بخت

ابوفاضل غضب نازل بيه زينب حشمت


حيهم اتنادي العقيله والكمر حياها

.......

ركب فوك الخيل مهره وسيفه يكطع بل الركاب

الخيل فوك الخيل حطها والزلم فوك التراب

غيرت العباس هايه من سمع صوت الرباب


اتصبر ابعبدالله ابنها والكمر سمعاها

.......
غار والغيره ابوريده وطك عرك هاشم يفور

وللشريعه كصد غاضب سيفه يلعب بل النحور

صارت الجيمان كلها جل الرحه و بيده تدور

ماتشوف الدرب صارت صارمه غطاها

............

اتمركز ابشاطي الشريعه وشال بجفوفه العذب

اتحسر وهلت دمعته ولابرد منه الكلب


يانفس هوني ينادي ولا دنه ليه وشرب


وابواليمه كلبه ضامي ودمعته صباها
..........

هوني يانفسي يكلها دون ابواليمه الغريب

اشلون اضوك الماي كبله والجبد منه لهيب

لواوصل الماي ليهم لو اطيح اهناخضيب


وشال بيمينه قربته وعل المتن خلاها
........

حاوطوه الكوم ويلي وصارت اسهام ومطر

والعساكر كلها فزعت حاوطت صوب النهر

بل الغدر كطعو يمينه ولاح ياويلي القدر


ويسرته كطعوها منه وجربته بداها
....

اه لوما الغدر والله مايطيح وينثني

بلعمد صابو جبينه المايطخ وينحني

طاح ويصيح اعله اخيه ايريده يمه يعتني


ادركني خويه حسين روحي والاجل يدناها

........

اجه ليه حسين حاير والمدامع هامله

شاف اخيه امكطعينه الكله غيره ومرجله

رحت يحزامي وعضيدي الموت بعيونك حله

منكسر ضهره اعله اخيه وخيمته هداها

.............
ام عمار العيساويه


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

((فزاعيه مع هوسه لمولاتي العليله))
..........................................
ظلمه الدار ضلت عگب اهالیهه
بس فاطم توّن اوحيل مابيهه
..........................

ظلمه دورهم من ابعدوا عنهه
شالوا كل اهلهه وضلت ابونهه
عافوها العليله والبچي فنهه
(وابنيه الكم يلعفتوها)
ظلمه الدار ضلت عگب اهالیهه
................
تهد الحيل بتهم يوم عافوها
ركبوا بلضعن والكبرى خلوها
گوه اعلی الاهل یوم الی ودعوها
(و حسین اعلیهه اتهل عینه)
.......................
ودعوها الاهل والضعن عنها سار
عافوها العليله والگلب محتار
دخلت دورهم ظلمه ومچدره الدار
(عميه ولاشوفن ديرانه)
................

راحوا كل هلي وبلدار عافوني
ابچّي الوحدّي مرعوبه خلوني
مريضه انه وعليله ماتباروني
(ياريت اوياكم شلتوني)
...........................
رحتوا ياهلي ريت الله يرعاكم
ماادري مشيتوا اووين منواكم
حتى الطفل يهلي راح وياكم
(بس آنه الوحدي امخليني)

........................................
تمت بعون الله //
✍الشاعره صديقه الهلالي//
الشفاعة مولاتي يافاطمه//
..........................................

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك