قصيده ثكيل لمسلم ابن عقيل
عله مسلم لنوحن دوم والونات اجربيها
شالو وطول الغيبات مايرجع بعدليها
💦💦💦💦💦
شال وطول الغيبات مايرجع بعدلينه
غريب وماله كل خوان يالفركاك ياذينه
مسلم. ياسفيرحسين عليه اليوم ونينه
هذا قاظي الحاجات والشدات يكضيها
➖➖➖➖➖
حاير واكف عله الباب مابطل من الونه
عمت عيني عله المظلوم ايس ونكطع ظنه
لمن شافته طوعه صاحت جرت الونه
انه مسلم غريب الدار ياطوعه ويحاجيه
➖➖➖➖➖
كالتله يبعد الروح روح الهلك يعيوني
اشرب لاتضل عالباب
والعدوان يولوني
مابيهم رحم وسلام
نيتهم يغدروني
عطشان ويريد الماي
غدروبيه تاليها
➖➖➖➖➖
غدروبيه عدوانه يويلي وطاح بالحفره
عليه ودارت العدوان وحده ومحد ينصره
منهو يخبر المظلوم يجيه اليوم ويحضره
صعدوللقصر يحسين والونه يعليها
➖➖➖➖➖
مارحمو هالكفار لمن عالقصرصعدوه
يجري بس دموع العين.
من عالي القصر ذبوه
مسلم. من تدناله
وعن الكاع ماشالوه
طاح وغارك بدمه والدمعات يجريها
بقلمي ام هاجر الشريفي غير مبري الذمه من يحذف اسمي والتلاعب بكلماتي واسالكم الدعاء من كتاب دمعت زينب الجزء الاول

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للامام الباقر عليه السلام
=======


اعمامه اعلى النعش

مسموم راعيها

ابچي يلموالي ولطم عليها

=======

عمامه على النعش گالولي للباقر

مسموم الامام وابنه بي حاير

والشيعي الموالي من الحزن فاير

عازو ابنيته مفگود واليها

➖➖➖

مطروحه بحزن يعمامته الخضره

ياهو يروح ل ابنه الصادق يخبره

گلب ام الحسن مكسور شيجبره

مكسورة ظلع كل حيل مابيها

➖➖➖

ابو الصادق يون سمته عدوانه

الف ياحيف منه الدار خلوانه

لطمي وعازي الزهره اعلى مولانه

دگي علوجه والزهره عازيها

➖➖➖

عمامه علنعش والشيعه حيرانه

ويگولون ياهو اليخلف امچانه

ابنه الصادق ومعروف برهانه

العتره الطاهره دايم نواليها

➖➖➖

اليوم نعازي الزهره على ابنها

ابچي وانتحب والدمعه اهلنها

لطمن حيل شيعيات عازنها

نهل الدمع وياها ونواسيها

=======
خادمة ال البيت وخادمتكم الحجيه ام علي البصره نسألكم الدعاء

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الفزاعيه_بديوان_أقل_الوفاء_في_مصائب_كربلاء_الجزء_٥_.


فزاعيه للباقر { ع }


اليوم اهل العلم يبجون
للباقر ويردونه
🔹🔹🔹🔷🔹🔹🔹
يا باب العلم والدين
علمك راج الكونين
ابو الصادق عمود الدين
مات وسلهم اعيونه
🔹🔹🔹🔷🔹🔹🔹
والباقر مسه مسموم
حزنان العلم هليوم
ابو الصادق يبحر علوم
والسم غير اللونه
🔹🔹🔹🔷🔹🔹🔹
ابو الصادق يبحر الجود
وشال وللعلم ميعود
واصبح بابهم مسدود
يوم الغمض عيونه
🔹🔹🔹🔷🔹🔹🔹
كل شيعي علي حزنان
كلبه امنل الم خلصان
يا وسفه عظيم الشان
امنلسم انخطف لونه
🔹🔹🔹🔷🔹🔹🔹
الباقر شال من داره
دموع العين تتجاره
يا وسفه طفه انواره
واهله اعليه محزونه
🔹🔹🔹🔷🔹🔹🔹

*تـــمت والـــــفضـــ🤲ـــل لله تعالى*
*بقلم✍المله القديره أميره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#حـصـريـاً
#الشاعرة_نورس_الحلفي
#قصيده_لاستشهاد_الامام_الباقر

هوسه

ايام السبي الگضاها وي عمته
طفل جان الامام وهيه حاضنته
خبروها تجي وتنحب بفاتحته
مات الباقر وخلصت بعد قصته

نزلة الفزاعيه

وين زينب ــ مآتم تسويله
الچان مسبي وياها مات الليله

خبرو زينب خل تجي عزايه
بداره تنصب فاتحه واقرايه
علم ماعدها وخبر عن هايه
[خبروها// الباقر ميت]
ــ❁ــ❁ــ❁ــ

خبرو زينب خل تدگ اعزاها
واحنه نتگابل ننوح وياها
عله الباقر مايهيد ابچاها
[مبچيها // مصاب الحيد ]
ــ❁ــ❁ــ❁ــ

ريت زينب حاضره وتنعاله
وصلت الباقر الليله اجاله
مغرب وتنحب عليه اعياله
[حضريله// زينب للباقر]
ــ❁ــ❁ــ❁ــ

مات واحد من سبايه كربله
اليوم بالسم روحه ضلت ناحله
ام عون للباقر دموعج هامله
[يا محزونه// اعلي ونتچ]
ــ❁ــ❁ــ❁ــ

ونتج اعله الباقر ولمصابه
شال هاليله وغلگها ابوابه
وياج يازينب تنوح احبابه
[ونينه // لونينج زينب ]
ــ❁ــ❁ــ❁ــ

بقلم خادمة اهل البيت ـ ع ـ
#الشاعرة_نورس_الحلفي
اسألكم قراءة سورة الفاتحه الى روح والدتي ولأمواتكم
غير مبري الذمه اليحذف الاسم وينسب الكلام له

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للباقر ع


ابوصالح نصب ماتم عله اجداده
كظو سم وذبج ياونت الساده
.....
مصيبه وهيجت نيران دلاله
من شافه يلوج وتصرخ اعياله
ذكر سكنه ورقيه بعين هماله
تسيل دموع عينه والحزن زاده
......
بيه هاج الحزن والدمع بعيونه
سمع ونات جده من يكبلونه
وبجه عالحسين من رادو يذبحونه
مايمه هله وفوك الثره اولاده
......
عله الباقر اليوم تسيل دمعاته
وهاج الحزن بيه وزادت اهاته
ذكر يوم المشه ويضعون عماته
هذا اليوم سله ومرد افاده
......

نصب ماتم المهدي وبالكلب ونه
واصوابات بيه وحيل ياذنه
ياونت الباقر هيجت حزنه
مردو جبدته ولاج عله الوساده
.......

نصب ماتم المهدي وكثرت الامه
عله الباقر حزين وذب العمامه
ينادي شيعته تلطم عله الهامه
صار السم عله اهلي والكتل عاده
.......

✍إم زينب كربلاء

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

💔 اصدار حصري وجديد لطميه ثكيله للامام الباقر عليه السلام 💔


مأسي كربله بعيني شفتها
مصيبه وي مصيبه شاهدتها
شفت هموم والام... من هجمت الظلام
مصيبه وي مصيبه شاهدتها

💔💔💔💔💔💔

مصايب كربله مرت عليه
شفت اجساد عا الغبره رميه
بعيني شاهدتها الغاضريه
جم لوعه ومصيبه... مرت عا الغريبه

مصيبه وي مصيبه شاهدتها

💔💔💔💔💔💔💔

شفت الام وهموم ومصايب
شفت عزاز كلبي بالحرايب
ضل كلبي على اهلي حيل ذايب
ظل مرسوم بالبال... لوعت ذيج العيال

مصيبه وي مصيبه شاهدتها

💔💔💔💔💔💔

مصيبه كربله ظلت على البال
مصيبتنه ثكيله تهد الجبال
ظل صبح ومسيه دمعي همال
ما بطلت نوحي.... ولا طابت جروحي

مصيبه وي مصيبه شاهدتها

💔💔💔💔💔💔

والشده ومصيبتنه الجبيره
زينب هايمه بذيج الضهيره
تحشم وين يابدر العشيره
وخيمنه حركوها ... وعيال السبوها

مصيبه وي مصيبه شاهدتها

💔💔💔💔💔💔

من بعد الخيم والذبح والنار
مجتوفين ادينه زغار وكبار
الصار علينه ماصاير ولاصار
بس نسوان وأيتام ... مشينه بيسر للشام

مصيبه وي مصيبه شاهدتها
💔💔💔💔💔💔

عشت عمري مأسي وشايل هموم
يهل دمعي وحالي دوم مالوم
واخر يوم هذا وچبدي مسموم
چبدي تفطر وذاب ... بحياتي آخر مصاب
مصيبه وي مصيبه شاهدتها

💔💔💔💔💔💔

تمت بأقلام خادمات اهل البيت عليهم السلام

غير مبري الذمه من يحذف اويغير اويتلاعب بالكلمات او يحذف اسماء الشاعرات وينسب الكلام له

والعمل مهداة الى روح الامام المهدي المنتظر عجل الله فرجه ونجعلها صدقه جاريه على ارواح اموتنا


✍️ ام حسين العامري

✍️ ام علي الموسوي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه لمسلم أبن عقيل عليهم السلام( ببن عمچ )


ببن عمچ يلعقيله حسين ماجوره يصيح
طاح من سطح الأماره مسلم الغالي جريح
❥━──➸➽❥💔❥━──➸➽❥💔
طاح من قصر الأماره اليوم يا ضنوة عقيل
والدمه أعله الگاع منه طوعه شافته يسيل
وين عمه الدحى خيبر علي حماي الدخيل
ما دره أبمسلم يويلي بيد عدوانه ذبيح
❥━──➸➽❥💔❥━──➸➽❥💔
فوگ من قصر الأماره وگلبه طار أويه الحمام
لبو اليمه أيريد أيوصل السيده هذا الأمام
شايل أبنبضه رساله أيبلغه بيهه السلام
چن يگله الناس چذبه وأنته بس دربك صحيح
❥━──➸➽❥💔❥━──➸➽❥💔
چن يگله حسين خويه لا تجي لأرض الطفوف
خوفي لا كلهم عليك الگوم تتجمع صفوف
تنغدر يحسين بيهه أو جسمك أتلوحه السيوف
ذوله أتباع آل أميه والوفه عدهم شحيح
❥━──➸➽❥💔❥━──➸➽❥💔
أتوارد أويه حسين مسلم بقه مذبوح أوحيد
والعطش يبس لهاته أو شربت أميه يريد
قله أنصاره حسافه أو هوه عن أهله بعيد
أمن القصر مرمري وسافه أو علثره باقي طريح
❥━──➸➽❥💔❥━──➸➽❥💔
باچر أعليك الرسايل كلهه تتحول سيوف
تنذبح يا بعد روحي وسيدي بارض الطفوف
باچر أعيالك سبايه تمشي يلغالي تشوف
بلجره أعليكم يغالي الصبه ما ترضه أو مسيح
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

السبت / ٢٥ من شهر شوال
الموافق / ٢٠٢٤/٥/٤

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه لمسلم أبن عقيل ؏ ( شال الحيد واليهه )


بلخيمه حميده أتنوح
شال الحيد واليهه
❥━──➸➽❥💔❥━──➸➽❥💔
تبچي اليوم بلخيمه
شال أو صارت أيتيمه
شيزيح الگلب ضيمه
وناره من يطفيهه
❥━──➸➽❥💔❥━──➸➽❥💔
أتنوح أتريد والدهه
الأغله أمن الهوه عدهه
مدمعهه عله خدهه
يا حيف أو يجافيهه
❥━──➸➽❥💔❥━──➸➽❥💔
حميده أتنوح علغالي
أتصيح السكن دلالي
أفراگه الليله چتالي
غرب منهه غاليهه
❥━──➸➽❥💔❥━──➸➽❥💔
بلخيمه أو تون ضلت
الذيچ أيامه هل حنت
من فرگاه بعد ملت
يا كون ويرد ليهه
❥━──➸➽❥💔❥━──➸➽❥💔
غصن وبفرگته تذبل
والدهه والمعدل
عليه بيمن بعد تسئل
وبلغالي يدليهه
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

السبت / ٢٥ من شهر شوال
الموافق / ٢٠٢٤/٥/٤


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

هوسات للعليلة بنت الحسين ((ع ))

تكول
من شالو اهلي بالدار ظليت
صار اليل وبروحي احتاريت
وحشه الدار اليه بعيني صديت
نهلني المرض وبصوت ناديت
((ردولي يالشلتو عني))


غبتو يا هلي كلكم فرد غيبه
او ما ضل اليداوي المرض ويطيبه
ابوي العاف بيته بعد شيجيبه
شيردهم بعد يلبيهم الهيبه
((شيردكم يهلي النسيتوني))



شيردكم بعد و اسامر اوياكم
هدم ثلثين من الحيل فركاكم
تدرون المريضه تريد ملكاكم
بعد ماحيل بيه خلاف عيناكم
((العفتوه تون بالدار))


عفتوه العليله وشلتو الضعون
لوجتهه المنيه بالله شلون
يهلهه تريدكم يمهه تحضرون
وعمتهه تجيهه رادت ام عون
((رادت عمتهه وياهه ))

اريد اعتب على الحملو عني
بعدني بشوكهم والله بعدني
شلون حسين ابوي تبره مني
شد حمولهم  وانه  عزلني
((تبرو ليش اهل الغيره))


تبرو  ليش  مني  وانه  تعبانه
وروحي من المرض يدرون نهلانه
حسافه بدارهم عزلوني بس انه
بعتبت بابهم ضليت  حيرانه
((بس انه مارجبو حملي ))


لخادمة الحسين ع العلويه ام اياد لايجوز حذف الاسم اهدي ثولبها الى شرف النبي محمد وال بيته والى روح والدي سيد قاسم ابن سيد عطوان قربة الى الله تعالى
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الفزاعيه_بديوان_أقل_الوفاء_في_رثاء_علي_الأكبر_عليه_السلام_الجزء_٢٥_.


فزاعيه للرضيع عليه السلام


عطشان اويريد الماي
عبدالله يبس كلبه
❥━──➸➽❥💔❥━──➸➽❥💔
عطشان اوجرت عينه
يمي واسمع ونينه
والكفره امحوطينه
يون وايريدله شربه
❥━──➸➽❥💔❥━──➸➽❥💔
جابته الرباب تنوح
عطشان اوضعيفه الروح
كلب امه عليه مجروح
ليه العين تتربه
❥━──➸➽❥💔❥━──➸➽❥💔
جابته لعد حسين
عطشان اويجر ونين
وداه صوب الاملاعين
مايندل بعد دربه
❥━──➸➽❥💔❥━──➸➽❥💔
كلهم يابني سفيان
واشذنبه الطفل عطشان
كلبه امنلعطش خلصان
ايون اويشكي الربه
❥━──➸➽❥💔❥━──➸➽❥💔
ضل محتار ابو اليمه
شاف عداه ملتمه
نيشن حرمله ابسهمه
من دمه سكا شربه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الطميه_بديوان_أقل_الوفاء_في_مصائب_الحوراء_الجزء_٧_.


لطميه للأمام الحسين عليه السلام


احاه من نار الولي لهابه
ابن امي فوك الكاع ماضي اصوابه
❥━──➸➽❥💔❥━──➸➽❥💔
احاه من نارك بكت تجويني
عفتك اعله الكاع يا ضي عيني
راسك اعله الرمح وايحاجيني
والجسد عفته يون بترابه
❥━──➸➽❥💔❥━──➸➽❥💔
عفتك اعله الكاع خويه يلولي
ولا الي والي وبعيده عن هلي
حركو اخيامي وضاع امدللي
وانه اون ودمعتي سجابه
❥━──➸➽❥💔❥━──➸➽❥💔
وين اخوي الجان عزي وهيبتي
ضيعوني وآنه حرمه ابغربتي
يكلف الممشه وصعبه امصيبتي
اليوم كلبي ايون يريد احبابه
❥━──➸➽❥💔❥━──➸➽❥💔
ضيعيتوني براضي كربله
وانه حرمه ابغير والي امحيره
رخصتوني وآنه جنت امدلله
والولي يصعب عليه اغيابه
❥━──➸➽❥💔❥━──➸➽❥💔
وين شلتو يا هلي وعفتوني
حرمه وبنسوان كلفتوني
اويه الغرب ترضون تمشي ضعوني
ارحلت عنكم والدمع سجابه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده لمسلم ابن عقيل ع( مسلم المغدور)


مسلم المغدور .... من القصر مشمور
ياهو يمشي للوطن .... ويخبر حسين
@@@@@@@@@@@@
يا سفير الاه ..
مكطعين اعضاه
نهرِ تجري دماه
يتموا بنته حميده وهملت العين.....
ياهو يمشي للوطن ويخبر حسين
@@@@@@@@@@@
جسمه صار أوصال
. وذره وذره انشال
باقي ثلث ليال
جسمه طايح علثره ويزيد الونين ...
ياهو يمشي للوطن ويخبر حسين
@@@@@@@@@@@@@
بلحبل  جتفو ..
  بلدرب سحلو
ومن القصر شمرو..
. منهو يخبر ابو اليمه بهضمه البين...
ياهو يمشي للوطن  ويخبر حسين
@@@@@@@@@@@
يا هبوب الريح
اخذ صوتي وصيح
لا تجي يذبيح ... 
غدرت الكوفه بسفيرك وين ماشين
ياهو يمشي للوطن ويخبر حسين
@@@@@@@@@@@@
ياهوى العالي
.اخذ مرسالي
وصله للوالي..
كله كلهم على الغدر يحسين ناوين ..
.ياهو يمشي للوطن ويخبر حسين
@@@@@@@@@@@@@@@
سيدي يغدروك .
من الكفه يذبحوك
جذب ما والوك ...
يحركون الخيم كالو عالنساوين ....
ياهو يمشي للوطن ويخبر حسين
@@@@@@@@@@@
ياهوى اتعجل
كبل لا يوصل
كبل لا تندل
زينب وتمشي سبيه ويه الملاعين 
ياهو يمشي للوطن ويخبر حسين

الشاعره رسل الابراهيمي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطمية لأولاد مسلم عليهم السلام
يهد الحيل فركاكم يالزغار
على غيابك ييمه بالكلب نار
ا=================
يطاهر من رحت ما جتني اخبارك
مشتعله ييمه وما طفت نارك
وانت غريب يبني وقلت انصارك
شماله الدهر بيه بساع يندار
ا=================
ييمه ما بقت وليان ويدورون
ما تحمل تعب يالبعدك صغيرون
من طبع الكفر ياطهر ميرحمون
وانا ضعني ييمه ويه الكفر سار
ا=================
عفتكم ياطهر ومشيت مغصوبه
والوادي غريب يمه وما اندل دروبه
وعليه ياطهر عدوان مكلوبه
ما احمل فراكك كلبي محتار
ا=================
النهار عليك. ظلمه صار يوليدي
كون وياك قربانه مواعيدي
مجبوره رحت ياطاهر شبيدي
طفيتو لو بعدكم يبني اقمار
ا=================
يقمار المزهره ليش عفتوني
جنتو بالظلام انتو تنوروني
بس ظلمه بفكدكم تنظر عيوني
تشتت شملنه وصرنه طشار
ا=================
ام تبارك الخفاجي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة فزاعيه حول الامام العباس ع



والله معدل العباس
شال  الراس  بفعاله



وحده والزلم صوبين
واحد  مايصير  ثنين
ضحه جفوف وي العين
وطشرهم       الخياله



كفو من الكفل  الضعون
بيه شالت الراس ام عون
خلاهم    بجي    يبجون
الشط  بجفه  جا  شاله



ماهاب   الزلم      وبزود
والشافاه    يرد    اردود
راعي الرايه راعي الجود
قائد      كلشي     يحلاله


قائد    يا    سبع     تنعام
يحجي  بزود  شال  الهام
معلي      رأية      الإسلام
يهد        والهده       جتاله



يهد   وما   يهاب     الموت
وسفه     يشيله     التابوت
هذا      البلكلافه      يفوت
اليوم       الدنيا       تنعاله



💫قناة 💫خطيبة المنبر الحسيني🎤
✍ الشاعرة الحسينية ام كرار الساعدي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاغيه اومربوعه  بدايتها نعي للعليلة ع

اصيحن ودمعي تارس العين
ويه  الضعن حملني  يحسين
عدكم  ضلت  بنينه  يماشين 
جزاني الضعن  ماكال ترحين

نزلت الفزاعيه

يوم الحملو    ماكالو مشينه
خلونه ومشو بدار  اهالينه
.............
ماكالو   يبويه  تعاي  ويانه
ويه ضعونه ركبي يوجعانه
تكتل علتج  والدار  خليانه
مر فراك  ابوج  اوماتحملينه
.............
مالج حيل  ماكالو  العافوني
اعاين  لضعن ويهلن عيوني 
اصيح  ياهلي وياكم خذوني
يحسين الكلب شيهود ونينه
............
حداي الضعن ماريض شويه
ماهزه  ونيني  والتفت ليه
وانه جويعده والعين مجريه
ماكالو عليله  وتعتب علينه
...........
اعتب والمدامع روحت عيني
اصيح هنا يزينب ماخذتيني
مريضه بالمنازل ليش عفتيني
وصلج   يالحنينه  لاتكطعينه
.........
مشو وضعونهم بليل شدوها
وروحي الناحله بدار  خلوها
تصيح هنا يهلنه ومايسمعوها
عليكم  ياهلي ياهو  اليودينه
..............

✍️ ام زينب كربلاء غير مبرئ الذمه من يأخذ الكلام وينسبه له او حذف الاسم
من كتاب المآسي الزينبيه جزء الأول 


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#من_ديوان_قربان_الطف_ج٥
لطمية ثگيله لمسلم(الك اشتاگ)
❥━──➸➽❥❂❥━──➸➽❥❂
الك اشتاگ ... صعب الفراگ//يبوية ومانمت ليلي
❥━──➸➽❥❂❥━──➸➽❥❂
الك گلبي يحن هواي يالغالي
خبر منك يضي العين ماجالي
حال الضيم من بعدك صبح حالي
لشوفة وجهك اشتاگيت يالوالي
رحت عني ...وكثر حزني // حزينة وباد كل حيلي
❥━──➸➽❥❂❥━──➸➽❥❂
المضيعة ابوهة شلون تتهنة
وايغمّض جفنهة وتگطع الونة
تعال اصرخ يمسلم بوية رد النة
شبيهة الدنيا غدرتنة وتفارگنة
اهل العين ...واحاچي حسين//وذبلت كل تفاصيلي
❥━──➸➽❥❂❥━──➸➽❥❂
احاچي حسين عنك والدموع اتهل
اسولفلة عليك اشگد علي تسأل
عجيبة اشلون هسة اغيابك ايطوّل
يبوية من البچي دمع الجفن وشل
ردت منك ...خبر عنك //ولو طارش توديلي
❥━──➸➽❥❂❥━──➸➽❥❂
مسح راسي ابو اليمة ونزل دمعة
ودنگ چن يبوية منحني ضلعة
اگلچ عن ابوچ وحالتة ووضعة
يعمي انحز وريدة وماالة رجعة
بعد هيهات ... يرد المات // ابفگده اتصوب ادليلي
❥━──➸➽❥❂❥━──➸➽❥❂
رحل لبعيد ما يرجع عزيز الروح
بأرض الكوفة يا ويلي بقه مطروح
ودمه ع الارض يبنيتي ظل مسفوح
وجثته موذره ومن كل كتر مجروح
تصب ادماه ... الف ويلاه // بعده من يتچيلي
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه لعلي الاكبر عليه السلام


بالكلفات اهل زينب يثنون
واحدهم شجاع ويملي العيون


واحدهم شجاع وتعجب افعاله
علي الاكبر هجم طشر الخياله
ويله البارزه وفنه التدناله
ايگول الجيش اطشره واگلب الكون


ايگول الجيش اطشره وماأهابنه
علي الاكبر شفيه والنعم منه
ويله الگابله والبارزه فنه
اشما لمو جمعهم مايگدرون


ماگدرو للاكبر صولته امخيفه
يحصد روسهم يتمرجل بكيفه
شال السيف بيده ومانزل سيفه
مثل عمه الولد طالع يگولون


مثل عمه البطل والنعم من عمه
رفع راس العشيره وراس ابو اليمه
ليله اتگول ياربي الولد سلمه
طبت واندعتله بدمع العيون


للصيوان طبت تهمل الدمعه
الآهي تگول سالم للخيم رجعه
ابجاه حسين وامه الطاهره البضعه
اريده يضل تچيه وللسبط عون


اريده يضل تچيه وعون بالشده
رد الها علي وماطول الرده
ذبلت مهجته وفت العطش چبده
من ثگل الحديد امغير اللون


من ثگل الحديد امغير وتعبان
طاح اعله التراب وحاطته العدوان
راح حسين يركض واعتنه الميدان
ايگله اشلون اشوفك عالثره اشلون


الشاعره المله
ام هجران العمارچيه
ديوان صبر العقيله
الجزء الثاني والعشرون

وتم بتوفيق الله اصدار الجزء الثالث والعشرون يتضمن لطميات بمختلف الاطور اضافه الى الاحاديث والنعي يتضمن من ليلة الحادي عشر والدفن والسبي والاربعين ورجوع السبايا الى المدينه ووفاة الرسول الاعظم صلى الله عليه واله وسلم


غير مبري الذمه من يمحي اسم الشاعره او ينسب الرثاء لشخص اخر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

6 محرم - حماسية للأنصار ع


طگت طبول الحرب واتزلزلت ميدانها
ووين أنصار العقيده تحمي عن قرآنها

گوموا يا فرسانها * گوموا يا فرسانها
&&
كل بغي وابن البغي شَمَّر ذراعه للحرب
رايد بخسّه ودناءه من خيمنه يقترب
وبمكر وبحيله يرجف وابتدى بأول ضرب
عالأسود المرجله اتجرأت جرذانها

گوموا يا فرسانها * گوموا يا فرسانها
&&
رامي سهمه للخيم وينادي شهدوا بن سعد
والجيوش اتبعه ترمي وكل فرد منها ارتعد
خايفين امن الضياغم لا يكون أحد گعد
شال سيفه ابن مظاهر يگطع بذرعانها

گوموا يا فرسانها * گوموا يا فرسانها
&&
گاموا أبطال الصفا اصفطوا بكل مرجله
ومن وقع أجدامهم چن زلزلوها كربله
عابس وجون وزهير اشسووا بذيچ فله
صبغوا اتراب الأرض من دم نحر ذؤبانها

گوموا يا فرسانها * گوموا يا فرسانها
&&
من بعد ما طاح كل ناصر ابدمه يعتفر
ظل أبواليمه غريب وللمناصر ينتظر
يدري چم ساعه بعد اعظامه كلها تنكسر
آه ينصار السبط لا يبقى عالتربانها

گوموا يا فرسانها * گوموا يا فرسانها
&&
من بعد أهل الوفه طاح الگمر ويه العلم
بت علي صارت تدور وين عنها أهل الشيم
حرمله وشمر وخوِّله كلها هجمت عالخيم
والجمر والنار تلهب تحرگ اببيبانها

گوموا يا فرسانها * گوموا يا فرسانها
&&
📝 #الشاعرة_الملاية_زينب_المؤيد

تمت بحمد الله تعالى
*ونسألكم الدعاء لتعجيل الظهور*
ــــ
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

‏السلام عليكم ورحمة الله وبركاته

أهنئكم بعيد الاضحى المبارك..أسأل الله أن يبارك لكم في حياتكم ويكتب لكم الخير ويوسع ارزاقكم ويهبكم الصحة والعافية ويجعل لكم في كل أمر يسرا وفي كل رزق بركة ويصلح شأنكم كله ويرزقكم نعيمي الدنيا والآخرة ويرحم امواتكم برحمته الواسعة
.
اسعد الله ايامكم بكل خير
وكل عام وانتم بالف خير وبركة وصحة وعافية