موشح لمصرع الامام الحسين عليه السلام (اليوم زينب)


اليوم زينب حيل ماضل بيهه
والسيوف اتناوشن واليهه


السيوف اتناوشنه والسهام
صارت الدنيه حزن كلهه وظلام
نار لهابه تشب بين الخيام
اشلون تطفه ومحد يطفيهه
اليوم زينب حيل ماضل بيهه


تسعر النار وتشب وماطفت
لاكفيل ولاخيم زينب صفت
عين ابو السجاد بالحومه غفت
عالتراب اجنازته اموزعيهه
اليوم زينب حيل ماضل بيهه


الجنازه اعله التراب اموزعه
ايعينهه الله اليوم زينب ضايعه
تسحگ النار وتجر الفاجعه
وين ماتمشي العدو ايلاگيهه
اليوم زينب حيل ماضل بيهه


وين ماتمشي تلاگيهه العده
زينب وشافت مصاب الماسده
حسين مسلوب العمامه والرده
وانذبح مايگدر يحاچيهه
اليوم زينب حيل ماضل بيهه


انذبح واشلون يحچي الينذبح
طاح بين انذال وخيول وسلح
وانوخذ راسه وتعلگ عالرمح
يعاين اطفاله ويون اعليهه
اليوم زينب حيل ماضل بيهه


ايعاين اطفاله سبايه اميسره
ينلچم گلبه الحنين ومنحره
وزينب تگله عفتني امحيره
گوم خويه العيلتك حاميهه
اليوم زينب حيل ماضل بيهه


گوم يبن امي لبناتك شوفهه
الحبل والسوط لاح اچفوفهه
اشلون مابين الشماته تعوفهه
ياحسافه اتنام وتخليهه
اليوم زينب حيل ماضل بيهه


من ديوان مسلوب العمامة الجزء الثامن

لشاعرة اهل البيت
ام هجران العمارچية
غير مبري الذمه من يمسح اسم الشاعره او ينسب الرثاء لشخص اخر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

.......... ٥٩٦ .........

حماسية للعباس عليه السلام

يعباس وين الكفالة والوعد
يعباس جنك عفتني او ماترد
يعباس يعباس

انته مو بيدك جبتني الكربلة
مو كلت انه كفيل العايلة
تالي تتركني دمعتي سايلة
عالوجن وايتام تترك معولة
يعباس مكدر اعوفك وابتعد
يعباس جنك عفتني او ماترد

سكنه عطشانه او تنادي عمي
ارجع او طيب يغالي همي
الماي ماريدة ردتكم يمي
لحظه مايهدة عليكم وني
يعباس والله ابرجعتك انسعد
يعباس جنك عفتني او ماترد

يابعد روحي وكعت ابحيرة
لا ولي لا ضل الية اعشيرة
اشلون تقبلهة اروح ايسيرة
وانته طبعك اايخوية الغيرة
يعباس اكعد اجيتك ارتعد
يعباس جنك عفتني او ماترد

يبو فاضل اكعد او حاجيني
خوية من البجي راحت عيني
انه ماحمل البعد تدريني
كلي يايمته ترد وتجيني
يعباس يابطل انته ياسد
يعباس جنك عفتني او ماترد

كلي ياخوية اشطفاهة عينك
او كلي ليش اتكطعن جفينك
بعد ماخلصت يغالي اسنينك
لية ماتفزع يروحي وينك
يعباس قلبي ميتحمل بعد
يعباس جنك عفتني او ماترد

تمت الحمد لله //بقلم
خادمه الحسين عليه السلام ام غيث الذبحاوي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

: فزاعيه للنزول



دگ الثايه ابو السجــــاد

وگال الخيم نصبــــــوها

✭┈✺✺---- ‌✭◌‌*

صاح بصوت يالشجعــان

وينك ياگمر عدنــــــــــان

ابني الخيمه يالريســـــان

والنسوان نزلـــــــــــــوها

✭┈✺✺---- ‌✭◌‌*

بهيده نزل العــــــيله

بهيمه تبات هاللـــيله

حرم ورواحه نحــيله

وبكربله خلـــــــــــوها

✭┈✺✺---- ‌✭◌‌*

اجت الكربله هـــاليوم

زينب والگلب مــــالوم

تنادي خويه يالمظلوم

هاي الگاع عوفـــــوها

✭┈✺✺---- ‌✭◌‌*

هاي الگاع خــــــــوانه

بينه ارجع يرجــــوانه

احجي وروحي حـزنانه

خويه الحــرم رجعوها

✭┈✺✺---- ✭◌‌*
نادت  والدمــع بـالعـين

وگلبهه منجسم  نصين

رجعوا اعيالكم يحسين

وتون ام عون شافـوها


✭┈✺✺----✭◌‌*
تــــمت بعون الله تعالى
بقــــ✍🏻لم خـادمة السيده رقيه عليها  السلام
*الشـــاعره سهام علـــــــي المـــالكــي*
لاأجيز حذف الأسم
نسالكم الدعاء بتعجيل الفرج لصاحب الزمان ((عج )

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الفزاعيه_بديوان_أقل_الوفاء_في_رثاء_علي_الأكبر_عليه_السلام_الجزء_٢٥_.


فزاعيه لعلي الأكبر عليه السلام


سهرانه وافز الليل
حس اوليدي اسمعنه
❥━──➸➽❥💔❥━──➸➽❥💔
افزن واسمع اونينه
علرمله غفت عينه
اوليدي اصيح جاوينه
جنه يجذب الونه
❥━──➸➽❥💔❥━──➸➽❥💔
اسمعه ايصيحلي يمه
خلاني ابغرب حرمه
احا ياگلبي اوهظمه
شال امدللي عنه
❥━──➸➽❥💔❥━──➸➽❥💔
افز بالليل مهضومه
احا يلأكبر اويومه
محله امدللي ارسومه
منه گاطعه الضنه
❥━──➸➽❥💔❥━──➸➽❥💔
جنه جايني بلطيف
برگبته يحز السيف
ون او ونته علكيف
يلأكبر بدر جنه
❥━──➸➽❥💔❥━──➸➽❥💔
افز بالليل يلوالي
حال الهظم ياحالي
گعداته اتراوالي
اوليدي منين اجيبنه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعية للحسين ع

الك بيرغ براس الحد ينصبوا
يبو السجاد گلبي اعليك مردوا

يهذا الجابته كحيله كفو منه
يستاهل تراهو الطم والونه
لطمچن عالحياده اليوم عدلنه
أخوي حسين هذا ربات نشميه


زينب نادتك أرجع يغاليها
تراهي أختك عزيزة وعالوا أعليها
يبو السجاد وسفه الشمر صد ليها
كلساعه ..... ويعيل بزينب


ابو السجاد محد يگرب حدوده
هداتك يخويه اليوم مريوده
هذا مصلصل وطالع على عوده
شمراته ..... ماخذ من حيدر


أبو السجاد حيد وكله نوماس
ثلث تنعام من عندك يفراس
مصابك يوجع الدلال لو جاس
ياذيني ...... يمصابك خويه


حلوه چلمه الخويه أمن اگولنها
تزيح هموم گلبي لو الفضنها
الطمه اليوم يا نسوان عدلنها
من جده وخاله مصلصل هذا


تمت بقلم الشاعرة والملاية نور الهدى المياح


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#مسلم_بن_عقيل

▪️بديار الغرب▪️



عازيها حميده الليله عازيها
بديار الغرب منذبح واليها
__
عارنها المسيه وعلّن الونه
وابلطمه قلبها الليله واسنّه
يا دمع الحزن وياها سيلنه
تنعاه بألم والدمعه تجريها
———
كانت ياوسف تتْنَطّر الجيه
ولدروب الحوادي عيونَها اربيه
ماتدري بابوها جثه مرميه
لديار الغرب ياهو إليوديها
———
عازنها المسيه واجرن العبره
والدها مهجته ويلي متفطره
فارگها الولي وعنها طفى بدره
وهالليله تعليها بواجيها
——

ميت ياوسف والمهجه عطشانه
والجثه ياويلي ابدمها رويانه
اوحيّد ياحميده وسط عدوانه
وني عالولي والونه علّيها
———
وني ياحميده جثْتَه لوْعوها
ومن فوگ القصر ياويلي ذبوها
بالكوفه وطرقها ابحبل جروها
بديار الغرب شايل يا غاليها
———
#بنت_الشمري


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

ضعون أهل المحنة شالوا اليوم
گلبي عالمشوا ياناس مالوم
توحشني المباني
اضل اصبر واتاني
حزن گلبي عليهم يضل للدوم
اضعون أهل المحنة شالوا اليوم
✍️✍️✍️
شالوا وابعدوا والعين تربي
عليهم بالدمع ياعين صبي
عگب عيونهم مااشوف دربي
اريد اكعد واسولف ضيم گلبي
من راحوا سوية
وحش بيتي علية
حزن گلبي عليهم يضل للدوم
اضعون أهل المحنة شالوا اليوم
✍️✍️✍️
توحش داركم بالمغربية
اصيح بصوت يهلي تعالوا لية
ردوا الداركم يهل الحمية
عافوني ومشوا كلهم سوية
بنيتكم عليلة
همي من يشيلة
حزن گلبي عليهم يضل للدوم
اضعون أهل المحنة شالوا اليوم
✍️✍️✍️
اصيحن بأهلي وماردوا اجواب
يايمة الگلب بفراگهم ذاب
گلبي عالمشوا امصوب اصواب
بعد هيهات ماترجع الغياب
راحوا هلي الطيبين
عليهم تعمة هالعين
حزن گلبي عليهم يضل للدوم
اضعون أهل المحنة شالوا اليوم
✍️✍️✍️
عليلة ابداركم وتدير العيون
بسفرتكم يبوية موش تبطون
ادري بالمشوا مااظن يردون
اهلي اللي مشوا لا مايرجعون
ماردوا علية
وين اهل الحمية
حزن گلبي عليهم يضل للدوم
اضعون أهل المحنة شالوا اليوم
✍️✍️✍️
بقلمي المتواضع العلوية والشاعرة ام حسام الغرابية الفاتحة لشرف النبي ولال بيته والى رؤح ابنتي الشابة سلوى بنت علي
ذمة عدم مسح الاسم


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

هوسات للقاسم بن الحسن عليهما السلام


لبس ثوب الشهاده وشال بيده السيف
ايريد الموت جاسم مايريد الكيف
يطلب ثار بالميدان يطلب حيف
(( جسام ايگول اخذ حيفي ))


اخذ حيفي گال ومااعوف الثار
كلشي ولايضل عمي السبط محتار
اطب للجيش اسوي اصفوفهم طشار
(( ويموت اليوگف گدامي ))


سالم مايرد كلمن يبارزني
ماهمني العدو والجيش ماهزني
بس صوت الغريب حسين فززني
(( من ضل يعاتب بنصاره ))


وگف بيناتهم عمي ويعاتبهم
واهل المرجله اهتزت شواربهم
اجيت اليوم للعدوان احاربهم
(( والعمي حسين افدي عيوني ))


شنهي العين ياهو الگال اهم بيهه
احطهه اعله العمر والعمي انطيهه
صحت حناي يمه لاتعجنيهه
(( خليني اتحنه بدم راسي ))


من دم هامتي خليني اتحنه
تهلهل گامت امه وگطعت الونه
عفيه ابني تصيح الهاي اريدنه
(( ضميته الهاي وجازاني ))



لشاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه الشجاعه ابا الفضل


ابو فاضل شهم
ساحك الخياله

➖➖➖➖➖➖
لاوه الكوم بجفوفه
يالصولاته معروفه
ما شايف ابد خوفه
امبجيهم العياله
➖➖➖➖➖➖

يبجي الكوم طاريه
هذا ابن الكباريه
والجابته بدويه
حته الموت حياله

➖➖➖➖➖➖
شهم والجابته كحيله
ابد ماسكت عالعيله
كافل يعدل الميله
وسفه الدنيا مياله

➖➖➖➖➖➖
شجاع يعدل العوجه
جنه البحر والموجه
شجاعه تنكط عروجه
يالراهب الخياله

➖➖➖➖➖➖➖

راهب جيش وي قاده
يطشر روس كالعاده
حيدر ذوله اولاده
محد كدر يدناله

➖➖➖➖➖➖➖

تمت بقلم خادمة اهل البيت
الشاعره
هيلين ام علي الدر الساعدي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعية للأمام الحسين ( ع)

✦❥※❥※✿✿※❥※❥※✿✿※❥※❥✦

يانار گلب أم الحسن
مـن داسـتـه الخياله

✦❥※❥※✿✿※❥※❥※✿✿※❥※❥✦

يـا نـار گـلـب الطاهره
اضلوع الولد متكسره
لا مـا كـفـاهـم منحره

ويـاهـو الـذي فـيـالـه

✦❥※❥※✿✿※❥※❥※✿✿※❥※❥✦

مـن فيه لـحسين ونعه
يـاظـيـم هـاي الفاجعه
وامـه عـلـيـه امـلـوعه

ظل بالشمس من شاله

✦❥※❥※✿✿※❥※❥※✿✿※❥※❥✦

لا واحـد الـعنده حضر
لـمـن شـمـر حـز النحر
اوحـيـد مـابـيـن الكفر

گطعوا بالسيف اوصاله
✦❥※❥※✿✿※❥※❥※✿✿※❥※❥✦

اوصالـه ليش امگطعه
واعليه الگوم امجمعه
وعـليهـم ايهل مدمعه

ولامسـتـهـم الـحـالـه

✦❥※❥※✿✿※❥※❥※✿✿※❥※❥✦

يـا حاله ايصدع الگلب
ظامي غريب ومنسلب
يـاكربـلـه بـيچ العجب

جـرحـتـي النبي وآلـه

✦❥※❥※✿✿※❥※❥※✿✿※❥※❥✦

آل الــنــبـي وعــتـرتــه
حسـيـن الـمـنيـه جابته
بـالـغـاضريـه وغــدرتـه

وشاف الحقد و اشكاله

✦❥※❥※✿✿※❥※❥※✿✿※❥※❥✦

تمت والحمدلله ✍🏻 خادمة أم أبيها الشاعرة أم علي الحلفي(  من ديوان مصارع الكرام الجزء الأول)  لاأجيز شرعاً حذف الأسم أوتغير الكلمات الفاتحة لأرواح المؤمنين والمؤمنات وإلى روح المرحوم ( والدي رحمهُ الله)


                   نسألكم الدعاء


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه مع هوسات لمسلم(اعله ابن عمها)
من ديوان📚مسير الفواطم لأرض المظالم ج ٦
❥━──➸➽❥❂❥━──➸➽❥❂
لطمي اويه العقيلة اليوم
عازيها اعله ابن عمها
❥━──➸➽❥❂❥━──➸➽❥❂
عازي زينب الحره
مهظومه وتجر حسره
عالمشمور بالحفره
(عازيها عالمات بغربه)
❥━──➸➽❥❂❥━──➸➽❥❂
مالومه وتصيح بصوت
مسلم يا حسافه يموت
ونت والگلب مفتوت
(عينيها مهظومه وتنحب)
❥━──➸➽❥❂❥━──➸➽❥❂
مهظومه وتجر ونه
مسلم ايست منه
وحسين انگطع ضنه
(مفجوع ودمعاته بعينه)
❥━──➸➽❥❂❥━──➸➽❥❂
مفجوع بأبن عمه
خله بالگلب لچمه
ظل ينوح ابو اليمه
(مالوم مصوب دلاله)
❥━──➸➽❥❂❥━──➸➽❥❂
مالوم ويهل العين
وزينب تلطم الخدين
تگله ضيعاه البين
(غدرته الكوفه الخوانه)
❥━──➸➽❥❂❥━──➸➽❥❂
وسفه غدرته الكوفه
احظر يا علي وشوفه
روحه عليك ملهوفه
(اگعد شوف الصار بحاله)
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه نصف للاولاد مسلم
عليهما السلام

ركضن كل خوات حسين
والضايع يدورنه
🏴🏴💔🏴🏴
ركضن بين هالنيران
وأيدورن على الصبيان
عثرن بالوكع عطشان
ينخنه أو يحاجنه
🏴🏴💔🏴🏴
ينخنه أبدموع العين
تاهوا كالن الطفلين
رجعهم يخونه حسين
محتارات لتخلنه
🏴🏴💔🏴🏴
جينه يالولي يمك
وأنحلفك أبروح أمك
النه ردهم أنحشمك
ونحاجيك جاوبنه
🏴🏴💔🏴🏴
ليل ومحد ويانه
شاف أشفافي ذبلانه
طك جفه أعله صيوانه
نبجي أعليهم وخفنه
🏴🏴💔🏴🏴
أعياه النزف ياناس
طاح أوحاطته الأرجاس
كوه يجذب الأنفاس
والحارث أجه أيسجنه
🏴🏴💔🏴🏴

*تـــــمت والـــــ🤲ـــــحمد الله تعالى*
*بقلم✍خادمه آهل البيت عليهم السلام*
*الشاعره العلويه أيه البياتيه*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه لم البنين  ع عندما ودعت ضعن الحسين ع

انطر الكلب نصين  من ودعتهم
لاني عميت العين لاني اتبعتهم
...............
من حملو ماشوف راحت عيوني
ضليت اهل العين من ماخذوني
شلي بعد  بالدار   لو    تيهوني
كليلي يم عباس وشكلتي عنهم
.............
اباب النزل ضليت اومي بديه
شفت الضعن من راح وابعد عليه
كتله يماي العين  ريض شويه
شلي بعد بالبيت  مابيه ذكرهم
............
لاولد ضل بالدار ويرد وحشتي
والضعن يوم الشال صبت دمعتي
تسعر بنص احشاي ضلت جمرتي
احباب الكلب غياب شلي بنزلهم
..........
ياكلبي ون عالراح هوه وحريمه
مااطب بيت حسين واسكن الهيمه
لعمي  العيون عليك والنوح اجيمه
لمن عليه اتعود  لمت   شملهم
...........
منين الدرب ياناس وامشي وراهم
لوطالت  الايام  واكطع رجاهم
يعزازي لوحنيت الريحت هواهم
اعتب واكولن ليش كطعو وصلهم

✍️ ام زينب كربلاء غير مبرئ الذمه من يأخذ الكلام وينسبه له او حذف الاسم
من كتاب المآسي الفاطميه الجزء الحادي عشر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة حول الامام الحسين ع


حسين  من الذبح  راحت  روحه
شلون حيره شلون اشد اجروحه


ماعرفت حسين صاهرته الشمس
اليوم  كله  وهو  بالحر من  امس
يا بعد   النفاس   مكطوع  النفس
جامد  الدم  اعله  وجناته  ويبس
متونه  من   اسهامهم    مجروحه


الخيل     حافرها    ثجيل    وعوراك
كون     موجود    السبع   جا  دوراك
تدري  غدروه   جان   هوه   يهد وراك
طاح   بالحومه   الكبل   حامل   لواك
يكسر      الخاطر    يكلبي      بنوحه



حسين خويه شلون محتركه الخيم
اليوم  مفكودين   كل   اهل   الشيم
والله   يا خال   الولد   كلبي   انثلم
حسين اصيحآ  حيل  يا راعي العلم
وين    اخوتي    عالترب   مطروحه



شلون  يالعطشان ماي  منين اجيب
خويه  هايه   الناس  غربه يالغريب
منين  اجيب منين لجروحك  طبيب
ذاك   خدك    يابعد    روحي   تريب
وباقيه    عيونك    علي     مشبوحه




شلون      يالمذبوح    يا   بعد  العمر
وين   اروحن     ياسند    انت  وذخر
منين  اجيبه   منين  يبن  امي الصبر
وانه   اشوفنك  تحت   شمس الظهر
وجرح    ايلجمه    الصباخ   ملوحه



💫قناة 💫خطيبة المنبر الحسيني🎤
✍ الشاعرة الحسينية ام كرار الساعدي



https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه جنوبيه للعباس ع
*
عله العباس حكج لو تنوحين
شجابج للشريعه يخت الحسين
***
تكله يابو فاضل خويه وينك
طاحن عالنهر يسراك ويمينك
لكيتك بالسهم مطفيه عينك
حكي من البجي أعميهه للعين
***
يكلهه للخيم يم عون ردي
اعذريني يزينب هاذه حدي
اتحضري للسبي والنوح بعدي
يازينب شجاج إوين تردين
***
تكله ياكمر هاشم يوفاي
ياحامي الشريعه ونور عيناي
يخويه مو وكتهه طيحتك هاي
دكوم وياي سبوني الملاعين
***
يكلهه يهون كلشي ولاتهوني
متهمني الجفوف ولا عيوني
خدرج خل يظل ويموتوني
اموت ولا اشوفج يمي تبجين
***
يبو الغيره تكله ماني إختك
عمت عيني عليك شلون شفتك
يجروني غصب عالشاطي عفتك
راسك بالعمد مكسوم نصين
**
يازينب يكلهه شلون انساج
راسي عالرمح وديته وياج
وبطول الدرب ياخويه يرعاج
اخاف اعليج زينب لاتموتين
**
أم علي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

شده لعبد الله الرضيع ع
***
دللول الولد عبد الله اناغيه
لكيته بالخيم مامش نفس بيه
***
ترف خد الطفل بالعاده ينباس
مو مالت سهم بالركبه ياناس
اجيته ابلا وعي واصرخ يعباس
اكعد يابو فاضل لأبني اسكيه
***
يفرفح بالعطش مارحمو احواله
ست شهور عمره وذاب دلاله
شلون انطاك كلبك آ يجتاله
رميته بالسهم و بدمه ترويه
***
ضمه بالعبايه حسين لوليده
كطرة ماي راد يشربه بيده
لاحوه بالسهم واتكطع وريده
اكماطه من الرفس فلاه بيديه
***
عذبني مصابه ولوعتي لوعه
اون اعله الولد ونات موجوعه
ابوه حسين يمي محني بضلوعه
مذبوح الطفل وابيش اداويه
***
مصابك ماجره بس يوم عاشور
بنبلة حرمله يالغالي منحور
ازغير عالذبح ولنوم الكبور
تابوت اعله كدك وين ألكيه
***
جنت يوميه اناغيك وتناغيني
ساكت ليش ياعبد الله حاجيني
كبلك ريت يمه الموت يلفيني
ولافوك الرمل مطروح اخليه
***
أم علي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

الئ طفل الحسين «عبدالله الرضيع»


عبد الله انذبح يا خوية عطشان
شگل للرباب ابدمــــــــــه غرگـان

••••••••••••••💔💔💔••••••••••

يا خوية الطفل خمد ونينه
صاح بصوت نبراته حزينة
ومن ادماه اتخضب جبينه
وگلبي اعليه والله حيل وجعان

•••••••••••••••••••~
يَأمه اهنا فزعيله وتلگيه
واخذي للخيم وبمهده خلي
وبالج ع النحر بيدج تلجمي
مذبوح الولد وبدمه سبحان
🖤🖤🖤🖤🖤🖤🖤
ريت الصاب نحرك صوباني
يعمه اصواب عمرك شوغاني
وما أدري بعد شنهي بزماني
وديتك لأبوك بأمره حيران

🖤🖤🖤🖤🖤🖤🖤🖤
خوية حسين بيدك الطفل مات
شفته طير طار ويه الحمامات
الله يعين گلبك عل مخفيات
يومي كون كبله من اجه وحان
🖤🖤🖤🖤🖤🖤🖤
نوحي وياي يأم عبدالله نوحي
صوته الغاب عني اخذ روحي
اهزن بلمهد وتـــون جروحي
وجسمي من الطم متعوب هلكان
🖤🖤🖤🖤🖤🖤🖤🖤
شالة حسين المثلث تلگاه
ولتف السهم بوريده خلاه
وروه جبدته من وشلت ادماه
لوليده الابو هل صار دفان 
🖤🖤🖤🖤🖤🖤🖤🖤
طفلك ليش ما ظاگ العذب ليش
خفيفة الروح عنده بخفة الريش
شتطلب هل طفل يا حرملة ابيش
حوبت هل الطفل عد رب الاكوان
🖤🖤🖤🖤🖤🖤🖤🖤
لطمن ياخواته وطرن اخدود
شمحلاته اخيجن هسه موجود
عَله نحره الترف اكليبي ممرود
ياربي تقبل هـــــــذا قربــــــان

🔸🔸🔸🔸🔸🔸🔸

كلمات الشاعرة أم الحسن الزيدي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة للقاسم ع طور (يخيمات)


يجسام ...ماعندي ولد غيرك يجسام
ليش اعلة التراب اليچوي اتنام
غدرت بية يايمه هالايام

يمة صحت/ يا كسرتي/ مني رحت /هظيمة
ياهو الي/ آ يالولد /ومصيبتي/ عظيمة
وحيد وفگـــ/ــدتك من وكت/ ياقصتي/ الاليمة
وسط الگلب /انصب الك/ چادر حزن/ اقيمة
اويلاه... دهري مارحم بية اويلاه
ابني عالتراب وغسله ادماه
ريت انة اموتن كون وياه

بعدك انا /شلي بعد/ يوليدي ابحياتي
هالساعة اريــ/ــدن لو يصح/ يگرب وكت/ مماتي
يافرحتي/ ياضحكتي/ ياسلوتي/ وغلاتي
ابطيحتك/ كلشي انتهة /او راحت امنياتي
تمنيت.... تبقالي سند يمة تمنيت
واشوفن زفتك ياشمعة البيت
منك ماشبعت ابسرعة وامشيت


الزفة يــ/ــبني والعرس/ والحنة ما / شفتهة
ابنفسي ظــ/ــلت امنية/ يا وسفة ما / عشتهة
بس جثتك/ فوگ الثرة/ ياويلي عا/ ينتهة
سهام ونبال /ابكل كتر/ يايمة تا /رستهة
التراب... حار ويچوي اجروحك التراب
روحي فدوة الك يااغلة الاحباب
شيب گلبي ايالقاسم وذاب

گلبي انكسر/ ظليت اون/ وونتي / ثگيلة
حيلي ثگل/ وادّوهنت/ وجدمي ما / اشيلة
هنانة اگعدت /ابخيمتك/ دمع النظر/ اسيلة
لوبيدي افــ/ــديك العمر/ لو بس ترد / لي ليلة
ذكرتك.... اجيت لخيمتك يبني وذكرتك
چانت تارسة ايامي ضحكتك
المنية ابساع من عندي خذتك

اتذكر ايـ/ـام المضت /يمة ويفز/ حنيني
مشتاگة الك/ ياضنوتي/ مابطلت/ ونيني
صوتك اسمـ/ـعة وابتشر/ وبشوفك امــ/ـلي عيني
شنهي العمر/ مايسوة لا/ لو مابعد/ تجيني
يالحنين....اگطع ظنتي منك يالحنين
ماترجع الي وتعود الاسنين
عالعريس كون اعميچ ياعين

*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه او مربوعه لاولاد مسلم ع

ضعيت الولد واهل الشيم نومه
الكافر عالنهر وحسين بالحومه
............
ضيعت الولد وينه اليدليني
نحيله والنوايب روحت عيني
يافركه الاهل بالكلب جاويني
اونن ياهلي ونت المهظومه
...........
اونن عالولد واروح خلصانه
والاوالي تعنه وادور ويانه
مايدري الحنين بضيم بلوانه
اخته من مرار الضيم مهدومه
...........
هدمني الزمان وضيع اولادي
من هم العليه انمردت افادي
مايدري الحنين عله اخته اسادي
فر مني الولد والروح مندومه
.........
مندومه عله ابني الراح ماجاني
يايوم المدلل غير اللواني
انخه وحشمت كومو يخواني
اخاف اليل طاهر غير رسومه
..........
جاوين الولي وجاوين هداته
مايدري الحنين بضيم اخياته
ميت مادرن بيه المضيعاته
طاهر بالمسيب سالت دمومه
............
✍️ ام زينب كربلاء غير مبرئ الذمه من يأخذ الكلام وينسبه له او يحذف الاسم

من كتاب المآسي الفاطميه الجزء الحادي عشر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك