*قصيدة ثقيلة للزهراء(ع) من ديوان 📚 عبرات وانين الجزء 1(خاص بالزهراء ع)*
❥━──➸➽❥❂❥━──➸➽❥❂
باب ام الحسن ياناس     وسفه بنار حرگوها
عصرو فاطمه بالباب      منها العين سطروها
❥━──➸➽❥❂❥━──➸➽❥❂
ريحانه رسول الله     هاي وزوجة الكرار
گوم الظالمه وسفه    تحرگ بابها بالنار
ماهابو ابوها ولا        خافو ربهم الجبار
بين الباب والحايط    حيل الگوم عصروها
❥━──➸➽❥❂❥━──➸➽❥❂
حيل الزهره عصروها    وكسروه الضلع منها
والمحسن سگط عالگاع وبحسره اجذبت ونها
ولاكفاهم الظلام          ماراحو بعد عنها
عالعين الزچيه حيل     هالظلام لطموها
❥━──➸➽❥❂❥━──➸➽❥❂
ظلت تهمل العينين     والعبره باثر عبره
ماتگدر تجر انفاس      اذاها الضلع كسره
بياحال ام حسن وبسوط ضربوها العده الكفره
مارحمو ابد بيها         هواي الزهره عذبوها
❥━──➸➽❥❂❥━──➸➽❥❂
فوگ العصره والسطره وضلع اللي انكسر ياناس
سطرو عينها وبالسوط ضربوها العده الارجاس
مصاب ام الحسن هيهات  مامثله ولا ينقاس
ياهي انسطرت اعله العين ياهي هيچ اذوها
❥━──➸➽❥❂❥━──➸➽❥❂
اذوها الزچيه اهواي    مارحمو ابد بيها
خلوها تجر ونات        دم الدمعه تجريها
ياريته الرسول يشوف بته شسادي عليها
من بعد غدت بالظيم   هاي الگوم ظلموها
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

شده للزهراء س
*
سولف يادمع وكت المغربيه
عافتني الحنينه واكطعت بيه
**
يهزني الشوك كل مغرب احن إلهه
واتذكر حجينه الدمعه اهملهه
لطولج يم حسن مشتاكه اكللهه
من نومي افز وانعاهه ليليه
***
سولف يادمع بهداي واحجيلي
عله افراك الزجيه منهدم حيلي
وياباب الأصد إلهه تراويلي
ضلع مكسور بالبسمار يوميه
***
يبست عيني من كد البجي اعليهه
ام روح الحنينه وين الاكيهه
بتراب اللحد نامت  معانيهه
اناديهه شعجب ماتفزع اعليه
***
بعدني مشبعت من جلمة اليمه
حرمني البين منهه وماتت الجلمه
من زغري يتيمه واجرع الهضمه
كسر كلبي المصاب وامشي محنيه
***
اذكر كعدتي ويه امي واتحسر
ومن جانت تنام الليل ماتكدر
تون من الضلع اسمعهه واتصبر
تضم العين حمره وماتصد ليه
***
تمنيت الزمان الراح بينه يعود
ولو ساعات اشم عطر الزجيه اردود
بعد هيهات نتلاكه الكبر مسدود
ولك ياموت ارحم حالتي شويه
***
بنص الليل امي من نعشهه شال
جرح عيني الدمع من دم عليهه سال
افراك الوالده يا هالخلك جتال
شمعة بيتنه شيعوهه مطفيه
****
أم علي


https://tttttt.me/joinchat/AAAAAELdvGssZMurwfLsJA

نعي للزهراء عليها السلام


أمي مشت لاوين عنه
وأفراگهه الليله هضمنه
وياهه وسفه ماخذتنه
❥━──➸➽❥💔❥━──➸➽❥💔
ردي ييمه ولا ترحلين
ما نگدر أبلياچ تدرين
يا بعد گلبي وساهي العين
❥━──➸➽❥💔❥━──➸➽❥💔
يا بعد گلبي يالحنينه
بلعجل ردي يمه لينه
البيتچ يالأحبيبه أجينه
❥━──➸➽❥💔❥━──➸➽❥💔
گومي تلگينه أجيناچ
أشتاگينه يا زهره لحچاياچ
أشمحله العصر گعدتنه وياچ
❥━──➸➽❥💔❥━──➸➽❥💔
أشمحلاهه گعدتنه سويه
وياچ يم روح الأبيه
تعمينه أديارچ خليه
❥━──➸➽❥💔❥━──➸➽❥💔
يا يمه يرويحت الجنه
وياچ شالت هلمحنه
عگبچ ينبض الگلب ضعنه
❥━──➸➽❥💔❥━──➸➽❥💔
يزهره يمه وين رحتي
وكلنه يتامه اليوم عفتي
بالمگبره گالوا سكنتي
❥━──➸➽❥💔❥━──➸➽❥💔
گالوا سكنتي أبگبر ضلمه
منه عليچ أسم الله يمه
لان الضلع بجفاچ عضمه
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الأربعاء / ٢ من شهر ربيع الثاني
الموافق / ٢٠٢٣/١٠/١٨

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للزهراء ع
.........

ابهيده ويه ام حسن يامن تشيلوهه

مكسور الضلع بي لا تلجموهه
.......

ابهيده ويه الزجيه من تشيعها

لاتلجم ضلعها الحيل يوجعها

مالومه يويلي ولا تلوعها


ابهيده بل الكبر لمن تنزلوها
.........

ابراضه من توسدها يشايلها

حط ايدك حدرها من تنزلها

ترفه ونومت التربان موش الها

ومن زهرت عمرها ليش حرموها
...........

اه اعله ام حسن وحسين ياويلاه

نعشها للكبر حامي الحمه شالاه

وياويلي كبرها منخفي خلاه

ابليل ام الحسن وبخفيه دفنوها
.......

ياوحشة نزلها والحزن غاطيه

راحت يل الزجيه وماترد اعليه

والايتام تبجي والدمع تجريه

والدمعات وسط الدار يجروها
.........

راحت عنهم وخلتهم ابحسره

نامت بل الكبر ماترجع الزهره

الحسن يبجي عليها ودمعته حمره

وحسين ابونينه ايصيح ردوها
........

وياحال العقيله اخلافها ضلت

طفله ومن حضنها ليش ماشبعت

من الوالده ياويلي انحرمت


من حضن الحنينه الحره حرموها
...........




ام عمار العيساويه


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الطميه_بديوان_بحر_الولاء_الجزء_١٩_.


لطميه للزهراء عليها السلام


اكعدي يم هلا بسج امنلنومه
تره اخلافج ييمه الروح مهضومه
❥━──➸➽❥💔❥━──➸➽❥💔
اكعدي يم هله جيناج بدايه
تلكينه ييمه ابحلو الاحجايه
تعنيناج واحنه اهمومنه اهوايه
بتج من عكب عيناج مهضومه
❥━──➸➽❥💔❥━──➸➽❥💔
اخلافج يلحنينه البيت ماريده
حملتي او مشيتي الدار الابعيده
عليج الكلب شيصبره وشيهيده
وجهج عن عليه ابشوفة ارسومه
❥━──➸➽❥💔❥━──➸➽❥💔
شلج بلكبر يم حلو الاحجايه
مشتاكه الج يلوالده اهوايه
جنتي سور لينه او دوم تجايه
يفراكج ييمه اشكد صعب يومه
❥━──➸➽❥💔❥━──➸➽❥💔
ردّي يلحنينه اوياج دخذيني
علي عنيتي يلرحتي او نسيتيني
شكول عليج يامن دلليتيني
شلج بلكبر يحبيبه واعلومه
❥━──➸➽❥💔❥━──➸➽❥💔
بيتج مظلم اخلافج يلحنينه
شلون الحسن يمه تيتمينه
يذكر كعدتج واتظل تهل عينه
يبات الليل وهوه ايناطر انجومه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للزهراء ع
........

شايله ام حسين واضلم دارها

وتنتحب بل بيت ويلي ازغارها
........

شايله ام حسين والبيت ابحزن

واليتامه اخلافها اتنوح وتون

يبجي ضل حسين ويصبره الحسن

وزينب الحره الحزن بكتارها

شايله ام حسين واضلم دارها
.........

شايله ام البيت ياوسفه ومشت

وهدت اركانه ومبانيه اضلمت

شمعت الجانت تضويه انطفت

ومنكسر ضهره يحامي جارها
.......

اه واويلاه يفراك ام حسن

خله حامي الجار مكسور ويحن

خيم اعله البيت ياويلي الحزن


طفت شمعتهم وذيج انوارها
..........


طفت شمعتهم ونامت بل الترب

منكسر منها الضلع ويلي غصب

ماتت وزركه المتون من الضرب


وعينها حمره طفتها اشرارها
........

اه يم حسين يانارج تشب

رحتي مهضومه ودمع عينج يصب

شفتي من الكوم يازهره العجب

خانتج لمن رحل مختارها

.......

مارعو بيج الوصيه من النبي

كسر اضلوعج يزهره الناصبي

يدري بل المختار وصه الطالبي

وهل الوصيه النبي عنده اسرارها

.......

ام عمار العيساويه

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه مربعه الزهراء عليها السلام

المستهل 👇👇

اليله الدار.خلوانه وتبجيني
عنها شايله امي يانضر عيني

🩸🩸🩸🩸🩸🩸🩸🩸

عنه غربت والدار مزدوده
اوراح العز بعد وتعدت احدوده
نريد الوالده ويانه موجوده
اشلون اتشيل ام البيت تاذيني

🩸🩸🩸🩸🩸🩸🩸🩸

تاذيني ابسفرها مالها جيه
اشلون اتروح مني ابهاي المسيه
وين.الكه مثلها امي العلويه
يحلالي السمر وياها تدريني

🩸🩸🩸🩸🩸🩸🩸🩸

شسوي ولوكت غدار بيامه
عني شالت امي اوروحي محتامه
يا ليل الهجر كاتلني بحلامه
عافتني اومشت والفركه تعبتني

🩸🩸🩸🩸🩸🩸🩸🩸

انفاركها بعد وطول فركتنه
عنه ابعيدراحت مامخبرتنه
يايوم الحنينه حيل موتنه
طويل اغيابها والهظم عاليني

🩸🩸🩸🩸🩸🩸🩸🩸

تمنيت الوكت وياي ساعدني
وسفه شالت امي وانه خلتني
دمعاتي جرن ولدنيه اذتني
عني غربت مابعد تلفيني

🩸🩸🩸🩸🩸🩸🩸🩸

اشلون اروح للمحراب ونطبه
امي شايله وسفه عليه صعبه
تلوج اليل كله اوصارت ابريبه
مغصوبه مشت امي وخلتني

🩸🩸🩸🩸🩸🩸🩸🩸


تمت بعون الله
بقلم ✍🏻الشاعره ام تحسين البصره
غير مبري الذمه اليحذف اسم الشاعره وينسب الكلام له

اهدي ثواب القصيده الى روح ام تحسين

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه لزهراء ع

شويه  اتريضي يالشايله بليل
خن نشبع موادع كبل الارحيل
.......
ييمه تعطلي خن احجي وياج
اريد اعاتبج  واسمع حجياج
بعدني مشبعت من لذت ارباج
حبيبه اويوم  فكدج نزل الحيل
.......
راح الحيل من كمتي تودعين
شديتي الضعون اوين   تردين
ها  يالوالده يم كلب   الحنين
ودعت النعش  والمدمع ايسيل
.........
من شال النعش روحي خذاها
وضل البيت خالي من  ضواها
روحي بفركت الزهره اشكواها
عمتها عيونه من رادت اتشيل
.......
يمه الخاطري ردي عله الدار
لاتبطين  عنهم  عندج ازغار
صحنه هنا ييمه وبالكلب نار
يوم  الشال بيها حامي الادخيل
.......
يمه تريضي يابعد   الاعيون
واسمعي ونت اولادج يونون
ازغار وعله افراكج مايصبرون
يزهره عليج بتج صاحت الويل

✍ام زينب كربلاء غير مبري الذمه من يأخذ الكلام وينسبه له اويحذف الإسم 


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للزهراء ع {العبايه وشيله امي} كملتها حسب طلبكم اسئلكم الدعاء


العبايه وشيلة امي هدمن حيلي
اشم بيهن وون وذايـــب ادليلي
❥❥❥❥ـــــــــــــ❁❁ـــــــــــــ❥❥❥❥
اشم بيهن وون وانحب واناديها
بنيتج بالنـــــزل سكتي بواجيها
هــان عليــج يايــــــمه تخــليها

انه تمنيت يگرب موعد ارحيلي
❥❥❥❥ـــــــــــــ❁❁ـــــــــــــ❥❥❥❥
انه تمنيت اموت ولا اضل بعدج
خذيتي العافيه يالساكنه بلحدج
روحي يالعزيزه هل بكت عندج

وحگج مانمت بجفاج كل ليلي
❥❥❥❥ـــــــــــــ❁❁ـــــــــــــ❥❥❥❥
وحگج مانــمت واليل ساهرته
دلالج يمـــه ليـه الليله فاكدته
بمجانج بجيت وحيل عاتبته

بجيت وماسمعتي يمه اعويلي
❥❥❥❥ـــــــــــــ❁❁ـــــــــــــ❥❥❥❥
مو مـن عادتج ميجيبج اونيني
يمه احذاي ردي يابعد عيني
ثجيل افراگ وجهج يمه ماذيني

بعشرتنه ارد احلفج يمه رديلي
❥❥❥❥ـــــــــــــ❁❁ـــــــــــــ❥❥❥❥
بعشرتنه ارد احلفج ردي لدارج
شكله لو يـــمر يازهره خطارج
ضلوا بالهضم بجــفاج يزغارج

بعازاتج تراني حبيبه مريلي
❥❥❥❥ـــــــــــــ❁❁ـــــــــــــ❥❥❥❥
للشاعرة غدير الحساني


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة ثكيله حول الزهراء ع وكل من فقد الوالده



امي    هيه   مرايتي
وياها راحت راحتي

امي....امي......امي.....امي



يا ضواي وذاك وكتي وراحت البال
يوم شالت يالعزيزه  وكلشي انشال
ذبلت  الدنيا  بفكدها  والوكت  مال
شيحمل فراك الحنينه البعد لو طال
امي كل ولايتي.....امي هيه مرايتي  
امي .........امي........امي ........امي




امي  يا ذيجه  الحنينه  الفاركتني
حملت  بس  هيه ليش  وماخذتني
شلون  مااشوفن شخصها  حيرتني
غربت سكته  شعجب  ما  ودعتني
هاي دوم حجايتي..امي هيه مرايتي
امي ......امي........امي.........امي



حيل   يلجمني   فكدها  شلون  بيه
الدار  ما   تنجهب  صارت   بالمسيه
ما  ابطل    نوح    يمه    ولا    عزيه
وتبقى  دمعاتي  تهل   دوم   وجريه
امي يا تجايتي      امي هيه مرايتي
امي.......امي...........امي.............امي





امي  من  اكعد  اوياها   انسه   همي
هاي  هيه   اللي   اودها  الغاليه امي
اشكي كل همومي الها وشكي هضمي
ذبل عودي من جفتني ونحل عضمي
الجوره جانت رادتي...امي هي مرايتي




فدوه  يم روح الحنينه  مكدر انساج
يمه  والغيبه  ثجيله  وصعب  فركاج
بعده   بالساني   ييمه   طعمه   ارباج
وياج   حمليني   يعمري   يمه   وياج
العشره جانت غايتي..امي هيه مرايتي
امي............امي............امي...........امي


✍ الشاعرة الحسينية ام كرار الساعدي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الليالي_الفاطمية

أرتــج الكـــون بمصابج ياعلوية••
مسطـورة جفن وضلوع مـحنية••
• ━━━━━━❪❆❫━━━━━━ •
أرتج الكون والأفلاك حــزنانة
وأبو الحسنين حيل مغيره ألوانه
ويا ظهره أنكسر والنوح عنوانه
تهد الحيل يا ونت نواعييــه..
• ━━━━━━❪❆❫━━━━━━ •
تهد الحيل وناته الفگد روحه
تضل حد المنيه أموجره جروحه
وصل يم الكبر والروح مذبوحه
تنزفلـج دمــه والعين معميــه..
• ━━━━━━❪❆❫━━━━━━ •
تنزفلج دمه بالحسرة واللوعة
بمصابج يزهره الروح مفجوعة
عليج حسين مابطلهن أدموعه
وحسن صاح بحزن بلجي وترد ليه..
• ━━━━━━❪❆❫━━━━━━ •
يصيح من الهضم حيل أنهدم حيله
شيشيله ينعشج يمة شيشيله
مو بس أنتي متنه وياج هالليله
يا ســور الحــنان النكعد بفييه..
• ━━━━━━❪❆❫━━━━━━ •
العمر لو طال بغيابج يأذيني
صدك شلتي ومشيتي ياضوة سنيني
عكبج يم حسن ماغمضت عيني
عفتيلــج يتيمــة تنــوح ليليه..
• ━━━━━━❪❆❫━━━━━━ •

تمــت بعون اللــه..

✍🏻#آلّشآعرهً آلــــّعــلّويِـــه آلّمٌوسويِــــۿ
❌لاإجيــــز حذف الأسم❌

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للزهراء -ع-((وگت الفرأگ))


حط عينك بعيني وگلي مشتاگ
تره الساطرني أعلن وگت الفراگ
،،،،،،،،،،،،،،،،،،،،،،،،،،،،،،،
حط عينك بعيني فرأگنه الجاي
خلك يابو زينب ساعه وياي
ماريدن من ايدك زاد لو ماي

قران أقره ليه اگعد اعله الراگ
حط عينك بعيني وگلي مشتاگ
،،،،،،،،،،،،،،،،،،،،،،،،،،،،،،،،،،،
بحجي الله اگعد يحيدر سولف هنا
اريد ارتاح من الوجعه والاه
عله مصابي تكول احا اويلاه

ومصاب العزيزه اعليك خناگ
حط عينك بعيني وگلي مشتاگ
،،،،،،،،،،،،،،،،،،،،،،،،،،،،،،،،،،،
بعد ماشوفك أنه وعيني اسدهه
وسنينك الحلوة اتطب لحدهه
يحامل خيبر تحمله بعدهه

من اول ونه اطيحن والصدر ضأگ
حط عينك بعيني وگلي مشتاگ
،،،،،،،،،،،،،،،،،،،،،،،،،،،،،،،،،،،،،،
گلي فركتج تاگل بالعظام
يمي انتي يزهره وأنه محتام
عليج من الحزن لتلثم الثام

واون وأصرخ بموتج حيلي انباگ
حط عينك بعيني وگلي مشتاگ
،،،،،،،،،،،،،،،،،،،،،،،،،،،،،،،،،،،،،
گلي للگبر يوميه امر بيج
واكعد يالحنينه بكتر رجليج
اصليلج وأقره الفاتحه اعليج

گلي مااعوفج حد الملأگ
حط عينك بعيني وگلي مشتاگ


#الشاعره رسل الابراهيمي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نعي للسيده فاطمه الزهراء ع

❥❥ـــــــــــــ❁❂❁ـــــــــــــ❥❥

جــبـت الدوه وجبـت العبايه
اليــوم الكلـــب مفكود رايــه
اعليــج الحزن دكـالـه ثـايـــه
صـايـر تـره نـــومــج اهـوايـه

❥❥ـــــــــــــ❁❂❁ـــــــــــــ❥❥

كعـدي ييمـــه صـار الغـروب
مصـلاج افرشه وروحي تلــوب
صبح دليلي وحـيـلي مـتعـوب
تكتلني كـلش سـدت الـبــوب

❥❥ـــــــــــــ❁❂❁ـــــــــــــ❥❥

اليوم ام حسن ماصــح دواهه
زينب حافـيه وتــركـض وراهه
صاحــت علــى رايــح خذاهه
عزيزه الوالده وامشـي ويـاهه

❥❥ـــــــــــــ❁❂❁ـــــــــــــ❥❥

يـمـه البـنـات بـعـازه امـهــن
من جلمـه اليـمـه حـرمـهــن
وجلاي مــن الـــون مردههـن
كل ساع اطلع اهدومج وحبهن

❥❥ـــــــــــــ❁❂❁ـــــــــــــ❥❥

شيسوي الكلب لو ماتت امــه
طــول العـمـر شـيـبع مـغمـه
بعـيـوني الدنييـه حـيل ضلمه
حنينه الوالده وعازتـــها عــازه

❥❥ـــــــــــــ❁❂❁ـــــــــــــ❥❥

تــــمت بقــــ✍🏻لم خادمه أهل البيت عليهم السلام

✍🏻الشـــاعره الكبيره العلويه ام كنـــان الهاشمــي صاحبه دواوين أسيره الطفوف


لا أجيز من يحذف اسم الشاعره أو من ينسب القصيده له غير مبرئ الذمه أمام
الله وأمام الزهراء عليها السلام ✍🏻🧿

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#من_ديوان_سيدات_العفاف_ج١
قصيدة للزهراء(كون الچ حضره)
❥━──➸➽❥❂❥━──➸➽❥❂
كون الچ حضره ونجي مشايه
نسوي يم الحسن ليچ قرايه
كون الچ حضره وصحن ... وشيعتچ تگعد تون
نسوي يم الحسن ليچ قرايه
❥━──➸➽❥❂❥━──➸➽❥❂
كون الچ شباچ يالزهرة وضريح
نگعد بنصه يمولاتي ونصيح
آه واويلاه يا أم الذبيح
كون وي طيحتچ كل احنه نطيح
آه من كسر الضلع ... منه كل شيعي انفجع
نگصدچ بنت النبي عنايه
كون الچ حضره ونجي مشايه
❥━──➸➽❥❂❥━──➸➽❥❂
كل رواية تمر نظل نبچي بحزن
وبضريح حسين كل مره نون
بس نريد نشوف صحن ام الحسن
وندري بالفردوس الچ مبني صحن
وبيه تصيح ام البنين ... نور عيني يا حسين
وزينب وياها تجي نعايه
كون الچ حضره ونجي مشايه
❥━──➸➽❥❂❥━──➸➽❥❂
كل موالي يصيح آيا فاطمة
شيعيتچ يم الحسن متألمة
مخفي گبرچ من عيون الظالمة
وانتي بت خير الرسل يا عالمة
يمته يا مهدي العصر ... بيدك تشيد الگبر
وترفع اعله الگبه انته الرايه
كون الچ حضره ونجي مشايه
❥━──➸➽❥❂❥━──➸➽❥❂
عجل دخيلك آيا مهدي العصر
شيعتك والله لظهورك تنتظر
بيدك تدلينه انته اعله الگبر
گلب كل شيعي احر من الجمر
انتي للشيعه أمان ... فاطمة ام الحنان
يلتجي ليچ اليحير برايه
كون الچ حضره ونجي مشايه
❥━──➸➽❥❂❥━──➸➽❥❂
زيارتچ يا ريت مثل الأربعين
نرفع الرايات ونعلي الونين
ونتجه ليچ بگلب كله حنين
شما نون اعليچ احنه مقصرين
يالبتول اناشدچ ... وبالدموع انعاهدچ
خدمتچ هي الأمل والغايه
كون الچ حضره ونجي مشايه
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه  لزهراء ع عن لسان حال زينب ع


انه وانتي  من الدهر  ونينه
اثنينه  جار  الزمان  علينه

جارت  علينه  اليالي
والجره  بحالج جرالي
ثنينه  جار  الزمان  علينه

..........

انتي  جفنتي  النبي  بس دموعج جاريه
وانه  خليت  الحسين  واجفنوه بالباريه
يمه  هظم  المر  عليه  بيه انتي الباديه

انتي  متي  من المصايب
وانه  كتلتني   الخرايب

والدهر  مارحم بيج وبينه
ثنينه  جار  الزمان  علينه
..........

انتي بسوط انظربتي وانكسر ضلعج يزهره
انه عاينت الحسين وشفته من كسرو صدره
انتي  بليل  اندفنتي ومهجتج برماح  نحره

انتي  دمعاتج  جريه
وانه  جم صواب بيه

خن نسولف يم حسن خلينه
ثنينه   جار  الزمان  علينه
.................
انتي سطروج عله عينج والضلع يمه انكسر
وانه  مجتوفه عالناكه ومتني طكاه  الشمر
يمه  يازهره  هظمنه  ايفتت  اجبال  الصخر

انتي  وناتج  شجيه
وانه  وناتي  خفيه

يمه من جور الدهر سلينه
ثنينه  جار  الزمان  علينه
.............
انتي منعوج البجه وبالجفن  حبسو  دمعتج
لوتشوفين الجرالي والسده  يمه عله   بتج
ضلت  ابصدري عبرتي مثل ماحبسو  عبرتج

ثنينه  حبسو  دمعنه
ومارحم  بينه    وكتنه

والجروح  البالكلب تاذينه
ثنينه  جار الزمان  علينه
................
نار  شعلوها عله بابج ونار شعلوها بنزلنه
بس فرق بيني  وبينج  احنه عالغبره زلمنه
انتي  داحي الباب يمج  واحنه عالشاطي الكفلنه

هاي قصتنه  الحزينه
يالتحب ابجي علينه

اذكر مصاب الجره اواسينه
ثنينه  جار  الزمان  علينه

✍أم زينب كربلاء غير مبري الذمه من ياخذ الكلام وينسبه له او يحذف الاسم القصيده  من كتاب الماسي العلويه الجزء الاول

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه لام البنين

___
شالت شمعة البدار.
ولليله فكدناهه.

هايادار لاتونين.
ونج مايرد غالين .
راحت سلوت الطيبين.
وبالدمعه دفناهه/

شالت ياوسف عنه.
خلت بالكلب ونه.
ياعنوان للمحنه
كلنه شيعيناهه/

يالربيتي الويلاد.
بت الساده والامجاد
نارج وجرت لفاد .
روحي حيل اذاهه/


ها ياخيرة النسوان.
اسمج ندبت الفرسان.
وانتي للفخر عنوان.
ايامج ماننساهه/


ياباب الكرم والجود.
جبتي للحروب فهود.
هيبه وللخيم عامود
وياويله التدناهه/


كلها بشدد تنخاج.
ماخاب الذي ترجاح.
ماننسه دمع عيناج.
انتي العفه معناهه/

*ناعية خيام الطف*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*قصيدة لام البنين ع (اقري الفاتحه)*
*من ديوان 📚 عبرات وانين في رثاء ام البنين الجزء6(خاص بأم البنين وسفرتها)*
❥━──➸➽❥❂❥━──➸➽❥❂
اقري الفاتحة والحرة ذكريها
تجبر خاطرچ والحاجة تگضيها
❥━──➸➽❥❂❥━──➸➽❥❂
اقري الفاتحة وناديها يالحرة
وبمجلسها خلي دمعتچ تجرة
بالعطشان حلفيها وگطع نحرة
بكل شدة وحق عباس تلگيها
❥━──➸➽❥❂❥━──➸➽❥❂
توگف بالشدايد محلة وگفتها
حاشاها الكريمة اتعوف شيعتها
سألي اللي اعتنت ليها وتنختها
بالتردينة هاي ايديچ تمليها
❥━──➸➽❥❂❥━──➸➽❥❂
لوجتها مريضة وكلش نحيلة
ونادت يالحنينة ومدمع تسيلة
يام عباس عندچ انه ادخيلة
تحضر ليها وامن العلة تشفيها
❥━──➸➽❥❂❥━──➸➽❥❂
عزيزة فاطمة وباب الكرم هية
عد ام البنين الحاجة مگضية
متخسرين ندبيها يشيعية
تسمعچ ماتتركچ لو ندبتيها
❥━──➸➽❥❂❥━──➸➽❥❂
هاي ام البنين وبالشدد تحضر
تنطي امراد لاهيهات متقصر
وگفتها نريد بساعة المحشر
من النار تحمي كل محبيها
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة لكل خادمة (ملا) مخلصة قد وافاها الاجل

اعليها اتحزمي ..واللطمة عدليها
چانت خادمة لزينب واهاليها
❥❥❥❥ـــــــــــــ❁❁ـــــــــــــ❥❥❥
چانت خادمة لزينب المهظومه
بكل مجلس تطب دمعتها مسجومه
اتصيح ادخيل زينب حيل مالومه

((المالومه // خل ننعه اعليها))
❥❥❥❥ـــــــــــــ❁❁ـــــــــــــ❥❥❥
خل ننعه علئ زينب العلويه
ماتو كل اهلها وهيه مسبيه
شبعت من دهرها بس مهظميه

((ومهظومه// بالمجلس تنعه))
❥❥❥❥ـــــــــــــ❁❁ـــــــــــــ❥❥❥
عراضه اعليها خل ننصب الملايه
نامت بالترب واهجرت القرايه
يحضرها ابو اليمه وصاحب الرايه

((يحضروها // بالمحشر همه))
❥❥❥❥ـــــــــــــ❁❁ـــــــــــــ❥❥❥
يحضروها وعليهم تنعه بالمحشر
تجيها ام الحسن من عدها تتشكر
دمعتها تهل لحسين ماااااا تصبر

((حزنانه // للموت اعليهم ))
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك