#هوسات_المولود_النبوي_الشريف

فرحت الاكوان الك سيد البرية
ايات التهاني تبعث هالجعفرية
صلاة انرددها ونبارك هالمسية
[ *هالليلة/شعت انواره* ]
▁▁▁🌹🍃🌹▁▁▁🌹🍃🌹▁▁▁
بميلاد النبي انهني علي الكرار
نحيي له الحفل وانشع الانوار
هليت بربيع وفرحت كل دار
[ *بالهادي/اتنورت دنيانة* ]
▁▁▁🌹🍃🌹▁▁▁🌹🍃🌹▁▁▁
#ابوذيات

ميـلاده فـرح واعلينـة..هل هل
فرحان الگمر من شافه..هل هل
هالليلة المحب بالمولد ايـ..هل هل
*🌸نردد بأسمه وانهني البرية🌸*


نبينة الهادي يالبيك استقام..الدين
فرحانة هاية الخلگ تصفگ..الدين
شيعة احنة ونعاهد هالعهد..دين
*🌸لنبينة وآله تبصم هالجعفرية🌸*
▁▁▁🌹🍃🌹▁▁▁🌹🍃🌹▁▁▁
*لفاطمة الزهرة*
نهنيها الزجية وحسن وحسين
بابوها تبتشر وتقرله كل عين
تسجل كل موالي اليرفع الايدين
[ *واتشارك/هالفرحة ويانة* ]
▁▁▁🌹🍃🌹▁▁▁🌹🍃🌹▁▁▁
نرفعها الايادي وانطش الورود
يالهادي نردد جينة للمولود
ندعي هالفرح للأمة دوم يعود

هاا وهاا وهاا وهاا
اليوم انوارك شعينة
جينة المولد هنينة
كلنا لمكة اشتاگينة
[ *اشملنة/بعطفك ياطه* ]
▁▁▁🌹🍃🌹▁▁▁🌹🍃🌹▁▁▁
انولد خير البرايا وخير للأمه
منقذ للبشر ويزيل كل غمه
بيه استبشرت من ولدته امه
[ *بميلاده/هبت رحمات* ]
▁▁▁🌹🍃🌹▁▁▁🌹🍃🌹▁▁▁
ظلمة الدنيا وبنورك تشعشع
طيبة اتنورت ياأنقى منبع
بكلمتك اترده للجاهل وتقنع
[ *يااطهر/خلق الله وآله* ]
▁▁▁🌹🍃🌹▁▁▁🌹🍃🌹▁▁▁
محمد عايش بفكري وخيالي
حبك بالگلب ينبض يغالي
يفخر بيك كل شيعي موالي
[ *وبحبك/هايم دلالي* ]
▁▁▁🌹🍃🌹▁▁▁🌹🍃🌹▁▁▁
تـــمــت بــعــون اللــہ
2/12/2017
✍🏻 #ولائــية_وافتــخر (دعـاء العامـري)
🚫غير مبرئ الذمة امام اللـہ والزهراء من يحذف اسم الشاعرة🚫
🔴اجيز شرعاً للأخوة الرواديد لعدم ذكر اسمي لمن يصعب عليهم بالمجلس وكذلك يحق لهم التصحيح عند الوقوف في بعض الكلمات🔴
نسـألكم الـدعـاء....
▃▃▃▃▃▃▃▃▃▃▃▃▃▃▃▃▃▃▃▃
قصائد حسينيه مكتوبه لمجموعة من الشعراء اضغط هنا 👇👇👇👇👇
https://telegram.me/aabas78
تريد كروب للقصائد الحسينيه وألحان منبريه مختلط اضغط هنا 👇👇👇
https://tttttt.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇
@Abas747