قصيده مولوديه للامام الحسين (ع) وممكن تقرأ على شكل (مربع)




اجه شعبان هل وهلت البشره
١

شع نور الحسين اتلاثه من شعبان
من نور الجلاله وهل على الاكوان
سبحان الآله الصوره سبحان
اتمعن بي اهوايه صاحب القدره
اجه شعبان هل وهلت البشره
٢

من عطر الجنان العطر رباني
عطر بضعت الزهره الما اله ثاني
خلي انهني احنه العالم بأسره
وانهني علي هالليله والزهره
اجه شعبان هل وهلت البشره
٣

عطر ثالث امام اعله البشر انفاس
عطر بي رقه كلش عاليه واحساس
من تشتمه چنه ريحة العباس
مدري اشبيك هيج اتذوب عالفطره
اجه شعبان هل وهلت البشره
٤

الله اختار النه الثالث بشعبان
للغيره مثال وللشرف عنوان
حسين وصار سيد عالانس والجان
كلها اتطيعه كلها وتلتزم بأمره
اجه شعبان هل وهلت البشره
٥

بشعبان الولاده نحتفل بيها
ورايات الفرح بسمه نعليها
حسين الجنه هوه وكل معانيها
وللخدام هاي الجنه تاليها
اجه شعبان هل وهلت البشره
٦

اختملك الليله بهل خبر اسمع
بسم حسين ادعي بعينك التدمع
تاخذ حاجتك بالحفل من تطلع
هنيالك وحضك صاير اشكبره
اجه شعبان هل وهلت البشره




لاتنسون والدي ووالدتي وأبني عباس من الرحمه والمغفره خادمكم رياض الرسل الجابري


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

مواويل وهوسات للشعبانيه
*
بطاقه للعباس ع
***
انه يا عباس احبك من زمان
وكلبي بمحبتك يبو الغيره ارتوه
والهوه الما جاب ريحه أمن الضريح
هذا يا عباس ما سمي هوه
ومن كثر ما شايل امروه وثكيل
يابو فاضل عالجرح تنحط دوه

هوسات للعباس ع
*
اريد افرح وعيد طش بيدي الياس
واقره أجمل قصيده بمولد العباس
هذا الهد رسنها وطكها رأس براس
ودخيلك صاحتله الحومه
**
نزل ليها أبو فاضل والحرب صفنت
وسره اعله الموت خلالها الزلم لزمت
ويله النيته صاح بكربله اختلفت
واليحجي اليوم اسحك راسه
**
بطاقه للحسين ع
*
انه عاشك والعشك خلاني اهيم
وبالغرام المركز الأول خذت
حسين مدرسه الوفه وسر الحياة
وأنه من عنده الأصول اتعلمت
امي صاحت يا علي بوكت الطلوك
ويا حسين انه بعلو صوتي صحت


هوسات للحسين ع
*
يحسين الملائك كلهم اتعنوك
وضل حته الفراش امكابل الكاروك
وسليمان كلالك الف مبروك
وامعيد جبريل الليله
****
يحسين انته غالي واغله من غالي
وبسمك ضل يدك كل ساعه دلالي
ويحلالي السهر هليله يحلالي
والدنيه اليوم امضويها
****
بطاقه للاكبر ع
**
بمولد الأكبر سرح تدري الخيال
وكام يخفك عالمهد طير السعد
زينب اتكمطه وتصلي اعله الرسول
وكل وكت تقره الفلق عن الحسد
والله لو نسوت مصر موجوده جان
ينغمي اعليها وتطيح اعله المهد

هوسات الأكبر ع
***
بوصافك يالاكبر حارت الأفكار
ومن شدت جمالك حته يوسف غار
الليله بمولدك تتغازل الأقمار
والحور بحبك ولهانه
*
شع نور الهداية والنجم أزهر
ومثل هيبة محمد هيبه الأكبر
الورد من شاف حسنه صفن وتحير
ومن نوره شمس الله انخلقت
***
بطاقه للسجاد ع
***
كلبي يالسجاد ضل ينشد عليك
وروحي من كثر العلل متمرمره
انه شايلك عشك فاق الخيال
والحنان البي ما تتصوره
انته كبرك جنه وايشافي العليل
والمريض ايطيب لو شافك تره


هوسات للسجاد ع
****
شهر شعبان اجانه وهلت الأعياد
وغمرتنه السعاده بمولد السجاد
اجت حته الطير اتريد منه امراد
ولو ضاكت بيك اتعناله
****
بده عكلي يعالم بالعشك يسرح
وللسجاد كلبي اشلون ما يفرح
الكمر بثياب عيده ايريد يتوشح
وتغازل بالكمره عيونه
****
انته نور الله الذي بي يستضاء
وانته يالمهدي الوتر والبسمله
بيك شمرت حيدر وزعل الكفيل
وبيك يالموعود كل المرجله
اتكطع اكماطك جنت لو كمطوك
يمكن اشتميت ريحه كربله

هوسات للمهدي ع
***
هليله الفرح لهل المكارم حان
والكون ابتهج بخمس طعش شعبان
انولد هليله راعي الغيره والايمان
والناس امعيده ووفرحانه
***
انه خيري جثير وتدري متبدي
وضل طول العمر متمسك بعهدي
افدي منحري وما عوفن المهدي
واليته وجددت البيعه
****
تمت
تحسين الخفاجي


https://tttttt.me/joinchat/AAAAAEFVSMd2pvMFlLPXYg

🌷هوسات

جـاب الـغـيـره كلـهـه بـيـوم مـيـلاده
حگـهه بزوده تحچي وتفخر الـسـاده
عـمـهـم هاذ اسـمـه الخورس الـقـاده

      (بـس هـوه الـقـائـد لـلـقـاده)

*--------------------*-------------------*

حلات الهوسه بأسمه اتصير منظومه
بس عـبـاس وحده اتـشـيّـم اعلومـه
روح الـكـربـلـه واسـأل عـلـه الحومه

      (تحچيلك عـن زود افـعـالـه)

*-------------------*------------------*

مو كـلـمـن بـرز يـسـتـاهـل الـهـوسـه
ولا كـل يمنـه دوم اتصير جـايـوسـه
ابو فاضل يـمنـتـه امـوقـعـه ابـوسـه

    (مـن حـيـدر سـاعـت ميلاده)

*----------------------*-------------------*

✍خادم العباس ع
الشاعر رعد الجريخي


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

صلاوات صلاوات السجاد هل اهلاله
صلاوات صلاوات السجاد هل اهلاله
__

صلاوات علو الصوت على الجمال الباهر
على الكون بزغ نور ابن الحُسين الطاهر
وجه خير والرسوم تِسحر اعيون الناظر
بديع السماوات عل خلگ بسمه ايفاخر

تحيات تحيات من العرش ودّاله
صلاوات صلاوات السجاد هل اهلاله
__

بل اِجنان بل اكوان افراح بسمه الليله
والاملاك مع الحور سهرانه واتغنيله
الف راح الف جاي لحسين وايهنيله
ابهل اوليد يهنّون افواجا اتصليله

مراسيم مراسيم كل مرسل ايسويله
صلاوات صلاوات السجاد هل اهلاله
__

مراسيم يسوون يم مهده وايناغونه
يأشرون . يهمسون من ينظرون اعيونه
اشحلاهن يهل ناس ياربي لا ايحسدونه
جميلاََ . بهيّاََ . هنيال الي ايشوفونه

سحر بي سحر بي مثل الذهب يتلاله
صلاوات صلاوات السجاد هل اهلاله
__

للحسين نهنّيه او نقرا القصيد اللامع
والاصوات والافراح حد السماء السابع
صلاوات صلاوات محد مثلهن سامع
يمولاي يل احسين هل ولد مثلك طالع

قبس نور قبس نور محتار شرد اقراله
صلاوات صلاوات السجاد هل اهلاله
__

على الخير على الخير وجهه بدر متكامل
الارواح والعيون نفديها أله او يستاهل
أله الليل سهرناه والفرح ضل متواصل
يسجاد يسجاد دمع الفرح متهامل

عله الخير عله الخير يامن فرحنه ابجاله
صلاوات صلاوات السجاد هل اهلاله
__
يبو الطيب يبو الزود هنيال بيك الوادم
ينبعة محمد يفرحة امك فاطم
شرف للموالين انت او منار الهاشم
يزين السماوات مولدك هز العالم

يمهيوب يمهيوب للگلب انت آماله
صلاوات صلاوات السجاد هل اهلاله
__

ابو فاطمة الطائي


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

لمناسبة مولد الامام المنتظر ( ع)
………………… .


بمولدك نادينه ..هلا بيك مهدينه
.............

نور طش بالديره .. انولد راعي الغيره
ما نضل ابحيره… ياهلا بقائدنه

الزهره بيه فرحانه… وازهرت دنيانه
ياهلا بمولانه…  نهوس لسيدنه

الهوسه الك محلاها… بيك سولف طه
الگاع الك سواها… نورك يوحدنه

الله خلاك ذخر يل الوالي  ..
وبيك يلهج يضل دلالي
شيعي انه الف هنيالي

انته منه وبينه .. هلا بيك مهدينه
…………… .

يا حلات ارسومه .. گمر وسط الحومه
ويانه حاضرنه دومه .. ابو ابين اولاده

مايتيه ولده .. الخير بس من عنده
ابو حچايه الوحده… .حيو فخر الساده

انت نور الباري .. ضوه وطب الداري
تعرف باسراري .. گلبي باسمك ناده

خير وتبده علينه الليله
اجه المعدل يعدل الميله
اكحيل راچب للثگال اكحيله

بطلعته امتانينه..  هلا بيك مهدينه
……………………
الله لينه اختار .. وحفظ بيه اسراره
لو نشر فقاره .. ينشر بيه العدل

العدل سناه سيفه .. الدنيه تمشي بكيفه
الما عرف تعريفه .. الدين هو و الاصل

ابو چفوف البيضه .. عايشين بفيضه
الحيد منهو يغيضه .. وحده يشد ويحل

المالك الحصري لكنوز الكوكب
هاي گاعه وعليها اتنصب
وغير مذهب بعد لا مذهب

بخيرك امغطينه .. هلا بيك مهدينه

…………………… .

بالنهر ودينه .. شمع يحچي البينه
نبقى منتظرينه .. لحد اخير انفاسنه

يا امل هالدنيا .. ياهوى لكل ريا
الناس تمشي بضيه .. انته رفعة راسنه

انت خطي الاحمر .. ولاجلك اني اتوذر
خادمك واتنطر .. يا امام احساسنه

اقبلنه مولاي خدمك وانصارك
من الاهوال تضمنه بدارك
يلي يومك علينه امبارك

نور الله ودينه .. هلا بيك مهدينه
………………
ايوب يوسف الطوگي


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

  كل عام وانت بخير يامهدينه
                      ————
             بالولايه مولدك طش هيله
             والفرح فرحان هاي الليله
          اليوم ضهر حسين ينشد حيله
       
            بجيتك يالمهدي كرت عينه
                     —————
             وياك نفرح حلم يامحبوبنه
             لجيتك جوري فرشنه دروبنه
             كافي من تمطر تحن گلوبنه
            لشوفتك يبن الضوه حنينه
                     ——————
            جم بحر ياموسى راد يشوفك
           جم نذر يحلم يحني جفوفك
           هواي ناس تريد بس نعوفك
            ومانعوفك كل وكت نادينه
                       —-———-
             غايب ومحد يلاوي ذراعك
              مر يملاچ الهَوه بصناعك
          جم بحر يحلم يشوف شراعك
            نصلي يمته وأنته التئم بينه
                     ____
             اليوم مفتوحه الفرح بيبانه
             وشعيتك من الكلب فرحانه
             السهره تحله لو جنت ويانه
              ضل مكانك خالي ياوالينه
                      —————
             البعيد اعله النضر ينسونه
             جذبه هاي ، اليبعد يتانونه
              بمولدك يم الكمر يلگونه
           ليوم جيتك جم علك شدينه
                      ————-
              سيد معتز الحسيني


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

(ميمر) لولادة الامام المهدي المنتظر عج




للمهدي نوره اتحسه يزهي و يسطع
بهاي القصيده الميمر و بالمطلع



بهاي القصيده اتحس ولادة نوره
بأبياتها ومابين صوره و صوره
تقره القصيده شيعته ومسروره
للمستهل من تقره حتماً ترجع


ماجنست ابياتها المكتوبه
والمثلي هم تشفع اله بذنوبه
اكتب واصيحن وارجه اني التوبه
يالمهدي والمهدي يقيناً يسمع



نور القصيده بكل حرف من عدها
تسمعها واملاك السمه ترددها
اقره الحروف وبوسها من خدها
واحضنها لنها بكل گلب تتربع



مقتنع اني بهل قصيده العندي
مايمي واحد گاعد اكتب وحدي
بس اشعر اني وياي يقره المهدي
لن سهله مو صعبه كتابه التطلع



هاي القصيده ابياتهـا نوراني
نزلت عليه وحركت وجداني
معقوله للمهدي اكتبتها اني
وبالحشر تنفعني اليه وتشفع



متأكد اني بالحشر تنفعني
ومتأكد اني المهدي هم يسمعني
بهاي القصيده للولاده اعني
وبالحشر باچر هي بس التنفع




لاتنسون والدي ووالدتي وأبني عباس من الرحمه والغفران
خادمكم رياض الرسل الجابري


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

هوسه الى الامام الحجة ابن الحسن عليهما السلام



باچــر رايــــة العبـــاس چــف المهــدي يــرفعــها
وجذور أهــل الكفر والجــور مــن الأرض يشلعها
الصفعها الحمزه اي والله يرد المهدي يصفعها

( ويذلها المهدي بچف ايده )

**
***

هوسه الى المولد المنتظر الحجة ابن الحسن عليهما السلام


انولــد هليله اخــــر نــور  للعتــره
مــو بس احنه كل الكــون ينتظره
بظهور المهدي تكمل فرحة الزهره

( ويفرح الزهره بصولاته )


الشاعر
موسى البديري


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

﴿والمهدي شع بنواره ﴾

صلوات...صلوات   والمهدي شـع بـنواره
صلوات...صلوات    يامحله هـيج أبشاره
__؟
فطرس نزل.  بيه نـــذهل    واليـلة مـحلاها
وبكــل كتر   سار الضوءه    والضلمه ضواها


فطرس نزل يسأل   هذا الضوءه منـين
يامحـله هل طله.    كحل ضوءه العين
خــلونه هـل اليلة   ونـعـــوفه الـونيــن
خــلونه نتــبارك.     بالـينــصـر الــديــن

أجن ليه   أجن ليه.   هاجر أجت وي ساره
صلوات     صلوات.   والمهدي شـع بـنواره
___؟
ساره أجـت.    يمة نثنت.    تـــتـبارك بنـــوره
هاجر قرءت.   يمه حجت   يامحله هل صوره

وســاره أجـت يمه     صــاحـت صلوات
هاجر قرءت أجمل   أجـمـــل عــبــارات
يانــرجس أمبارك.    رســمــن عــلامــات
حورالسـمه نزلت     تــحمــل  هــدايــات


حورالعين.   حورالعين.   نــزلـن أله يــم داره
صلـــوات.    صــلــوات  والمهدي شـع بـنواره
_؟
نشوف السمه.   مومضلمه.   بيها ضوءه ساطع
وطي الأرض.   طول بعرض  بيـها الفرح شاسع

نهتـف كلب واحـد.    حـــي الله مــــولاي
هل اليلة هل اليـلة.   نـفرح تـره هـووواي
نشعل شمع نشغـل.   ونــغــــنـي باالــنــاي
جيب الورد جـيبه    وهــتـف تـــره ويـاي

هل مـولود.  هــل مـولود  .  هــوه اليــبـرد ثـاره
صلـــوات.    صــلــوات    .والمهدي شـع بـنواره
__؟
عند البشر.     لا منـتشر.    خبــر هـايه الولاده
ربنه العلي.   اخفه الحمل.   طبــعن إلــه أراده

هـاي البشــر هــايه.    ماتــدري باالـصـار
أخفى الحـمل ربــنه   مـن كيـد الاشــرار
ربنـه الـعلي اخـتاره   يــعـرف با القــدار
باجر يـجـي باجــر.     طــبعــن  إلـه ثــار

يسرج خيل  يسرج خيل  برايـه ورفــع فـقاره
صلـــوات.    صــلـوات   والمهدي شـع بـنواره
__؟

﴿تمـََْٖت بـحٌُٕـمـََِد الله تَـعالى ﴾ٌَٕ
   ..👇
     كلمات
.   خــادمــكم
﴿مرتــضـى مـكـطـوف الموالي


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

بخٍ بخٍ لك ياعلي 
بخٍ بخنٍ انت الولي 
@@@
من الله ورسوله 
يازوج البتوله 
من تاجك يطوله ؟!
علي علي علي
…
وحي الله ابكلامه 
خصك بالزعامه
يانور الامامه 
علي علي علي 
…
ايديك يراعي المرجله بإيد طه 
وبس انته مولاها بأمر من سماها 
@@@
طه بالمسيره 
گال الحگ مصيره 
من اصبح أميره 
علي علي علي 
…

امر الله وتأكد
يخلف للمأيد   
نفس الهادي احمد
علي علي علي 
…
طه لزم ايد الوصي تالي علاه    
وگلهم انه المولى إله هذا مولاه 
@@@
ليث الله الغضنفر 
بأمر الله تقرر 
من گدك يحيدر 
علي علي علي 
…
انت اول خليفه 
للامه الشريفه 
وابرغم السقيفه 
علي علي علي 
…
ياگلبي انبض بوالحسن بين لضلوع 
واكتب عشگ غيره ابد عندي ممنوع
@@@
صديق الشريعه 
بس زوج الوديعه 
هنياله اليطيعه 
علي علي علي 
…
الفاروق ابحشرنه 
وغيره ماله معنى 
واصبح من طبعنه 
علي علي علي 
…
ابنص الولايه امنزله باسمه آيات 
حيدر وصي بعد النبي وغيره هيهات 
@@@
حيدر بوالشهامه 
ومن يمه الزعامه 
حازت كل كرامه 
 علي علي علي 
…
وجه الله ولينه 
زين وكله زينه 
بس بسمه اقتدينه 
علي علي علي 
…
حامي النبي فارس بدر بيده صمصام 
لوما علي چان اندثر دين لسلام 
@@@
علي أحمد الحمود 
٨-٥-٢٠٢٥
الغدير 

https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

قصيدة للغديرية.


ياحيدر. بس انته. عشك روحي الاولي.
حبيتك. وبكلبي. لافتى الا علي
صرخات شيعيه. بيوم الغديريه
..........................

من عالم الذر ياعلي. شفناك قائدنه
وبالدنيا نقسملك قسم. غيرك فلا عدنه
بيوم الغدير انبايعك. بالعهد جددنه
يارحمة الله الواسعه ياعلي ومنقذنه


ياعشك الملايين. عد عينك يبو حسين. نبصم بالدمه
ياعالي المقامات. يا اصل الديانات. ياحامي الحمه

يا اول. يا اخر. انته يا اعظم ولي
حبيتك. وبكلبي. لافتى الا علي
صرخات شيعيه. بيوم الغديريه

...........................

اية التبليغ لعلي. بيهه الوحي نازل
وهذا الامر لايك الك. بس انته تستاهل
لبسك تاج المصطفى. والبايعك عاقل
والبايعو بس باللسن. چان العقل جاهل

فرحانه السماوات. سمعونه الصلوات. صلو اعله النبي
اكبر كل الاعياد. كون الفرحه تزداد. توصل يم علي

عيد الله . الاكبر. من الغدير وما يلي.
حبيتك. وبكلبي. لافتى الا علي
صرخات شيعيه. بيوم الغديريه

………

فرحان كلبي وبالنبض . كاتبهن احروفك
وطاهر ولاده ياعلي. الما نكر معروفك
تمت النعمه عالبشر. من رفعة چفوفك
وياك دنيا واخره. وللموت ما اعوفك

ياحيدر ياكرار. بين الجنه والنار. بالمحشر حكم
جفك قالع الباب. بوجودك يبو تراب. تمت هالنِعم

يالعايش. بانفاسي. بيك همي ينجلي
حبيتك. وبكلبي. لافتى الا علي
صرخات شيعيه. بيوم الغديريه
...........................

لو جدل احنه نفترض. رابع يخلونك
ولا بالسقيفه تآمرو. غاد اليعادونك
چا ليش وبكل معضله. همه يكصدونك
ايضيعون والله ياعلي. بلا نضرة عيونك

كل الشيعه وياك. علاك الله علاك. ياسيد البشر
يانبضات الگلوب. غالي واغله محبوب. ياطعم النهر

اسم الله. واسراره. واضح بكلبك جلي
حبيتك. وبكلبي. لافتى الا علي
صرخات شيعيه. بيوم الغديريه
.........................

يالصورك رب العرش. من اعظم اسراره
مخلوق من كبل الخلق. في عالم انواره
وبيتك صبح يابالحسن. جبريل خطاره
وجفك لهسه ياعلي هذا الفلك داره

صوت بكل الاعوام. لبيك احنه خدام. ياسر الحمد
والبيعه الك دين. تبقه بكل السنين. من ولد لولد

من نهتف. قائدنه. الصوت بسمك يعتلي
حبيتك. وبكلبي. لافتى الا علي
صرخات شيعيه. بيوم الغديريه


………..

نسألكم الدعاء
حسين صادق العقابي

https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

بمناسبة عيد الغدير

افضل الاعياد ياعيد الغدير
اصبح الكرار للهادي وزير
★★★★★
آية التبليغ نزلت حاسمه
أمر فوري چان من رب السمه
يامحمد هذا حماي الحمه
ولي بعدك علخلگ هوه امير
★★★★★
يگول بلغ لاتهاب من الخطر
ايعصمك الرحمان من شر البشر
بآية التنصيب بلغ هلخبر
ولي بعدك غير حيدر مايصيير
★★★★★
رغم كل أهل الضلاله والعده
نزلت الآيه الشريفه الخالده
سبعه وستين من المائده
آية التبليغ من ربنا القدير
★★★★★
هذا افضل يوم بأيام السنه
انرفع شان الخير والشر انحنه
هذا يوم الغانمه ويوم الهنه
وهذا يوم الخير عيد الله الچبير
★★★★★
بالسعاده اليوم عشناه وفرح
فرح بيه طير السعد غنه وصدح
كل موالي انسعد گلبه وانشرح
وراح عقل الناصبي يجن ويطيير

الشاعر حسن لعيبي الحريشاوي


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

ياعلي
💐هوسات💐

ياهو البيه كل مؤمن كمل دينـه
وتـنـصّـب امـيـر ابـأمـر بـاريـنـه
مـو تـزويـر بـالأول امـخـلـيـنــه

مـاخـذهـه ابـزوده امنـل الـبـاري

*------------------*--------------*

ياهو الرافـع الأيده نبي الرحمه
وبنص الحجيج ايصرّح ابأسمه
الماشافه أكـيـداً لـلـبـصـر اعـمـه

عـمـيـانــه اعـيـونـه الـمـاشـافـه

*----------------*--------------*

ياهو الهد حصنهه وياهو سَوّاهـه
والـبـاب ابيمنته ابـسـاع شـلاهـه
حـگـنـه بـحيـدر الـكـرار نـتـبـاهـه

يـتـبـاهـه الـكـون ابـتـنـصـيـبــه

*---------------*-------------*

خادم أمير المؤمنين ع
✍الشاعر رعد الجريخي


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

الغدير
.
.
.

يرب اشهد الي .. اموت اعله علي
امير المؤمنين
__
اميري . ومصيري . ومجيري .. علي العاش بضميري
لگــاني . اعـــاني . احتـواني .. علي بعطفه اشتراني
علــي أشــر عـليــه وگــال اريده
فتحلي ايده واحس الجنه بيده
صرت حــر يـوم ضماني العبيده
العيشه وي علــي عيـشه رغيده
 
اويه الانفاس الولي .. امــوت اعله علي
امير المؤمنين

---------------------

امامـي . وغـــرامي . وهــيامي .. بعلي يعجز كلامي
شوصفه . وشنصفحه . واعرفه ..  جهنم بسمه تطفه
بالــذر وقعـتــله بذنـــي اديه
وعلي  وقعلـي رائـسا بالهويه
گتله احسبني اعمه وگود بيه
المهم ياعلي بس ترضه عليه
 
الحــبيب الاولي .. اموت اعله علي
امير المؤمنين

__

يجنه . ومحنه .  الحملنه .. قليل وشحجي عنه
يماجد . يواحـد . يخــالد .. يمــن بالگلـــب گاعد
ترسني حب علي من جدمي للراس
وگـمت اشتـــم عبــيره ويه الانفاس
المــاهام بعلــي خــــسران يانــــاس
نعــم واستـــاذي ابهالعـــشگ عباس
 
العلي فدوه هلي ..  اموت اعله علي
امير المؤمنين

------------------

صلاتي . ونجثاتي  . بحياتي .. علي مولاي اغاتي
بدمــائي . انتــمائي . ولائـــي .. ومن اعدائه برائي
الماعنده علي ماحسـبه صاحب
الصحبه مستحب اوعلي واجب
وابوس ايـده البأيده علي كاتب
انياله الربعه مـــن اهل المواكب
 
نعـــم ياسائلي .. اموت اعله علي
امير المؤمنين

____

بكياني . مــعاني . وحياني .. علي المامثله ثاني
يشدني . ويمدي  . ويودني .. ومثل ولده يعدني
بعـيونه علـــي الوادم سويه
ماعنــده فرق حامي الحميه
احــمد الله كل صبح ومسيه
الجعلني واحد امن الرافضيه
 
الگلب بيه ممتلي .. اموت اعله علي
امير المؤمنين

_

مجيبي . وطبيبي . ونصيبي .. وضوه عيوني وحبيبي
هـــوائي . ودوائي . ورجائي .. ويـضل بســـمه نـــدائي
علي باب الله بــابه ومايـــسده
اليتعـــنـــاه خايــــب مايــــرده
اجيت ابابك اطلب طلبه وحده
الوبا عن شيـعتك ياعــلي ابعده
كوورونه يبو الحسنين ابعده
 
ونــدائي يعــتلي .. اموت اعله علي
امير المومنين
---------------------
حيدر تركي الكربلائي
 
 https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

اهواك اهواك يا علي يا علي
اهواك اهواك يا علي يا علي
****
من ثلاثه حروف مكنون ال گلب
صح زغير اسمه لچن يعرف يحب
باللفظ اسمك يحيدر مو صعب
اوسع بمعناه والله امن السحُب

انته حيدر .. انته مصدر ..
انته محور .. انته جوهر .. للبريه
انته آيه .. انته رايه..
انته غايه .. امن البدايه .. للبريه

اهواك اهواك يا علي يا علي
****
مو فقط لگلوب جننت الدهر
كلشي بيك انته يبو الحمله انبهر
اتوجهت بيك امك البيت الحجر
شافك الحايط يحيدر وانفطر

هذا مهدك .. انته وحدك ..
ما يردك .. شاف مجدك .. ياولينه
للسعاده .. والقياده ..
للولاده .. والشهاده .. ياولينه

اهواك اهواك يا علي يا علي
****
ما نعيّد من يمر عيد الفطر
احنه مولودك يحيدر ننتظر
من تحل اعياد حبك ننكسر
يا علي لولاك ما يسوه العمر

لولا حبك .. تاه دربك ..
شاء ربك .. بينه صبك .. للهدايه
الكل تريدك .. وإلعبيدك ..
مدها ايدك .. هذا عيدك .. للهدايه

اهواك اهواك يا علي يا علي
****
الما يحبك يا علي عاش بوهم
الزوّر التاريخ تاليته ندم
اختارك الله هيه مو شغلة قلم
شلون يدخل جنته وانته الحكم

إلينكرك .. واليبترك ..
ما يضرك .. عالي قدرك .. يا امامي
من تحظره .. بتالي عمره ..
يموت حسره .. ما تنصره .. يا امامي

اهواك اهواك يا علي يا علي
****
بالربيع اتزهّر اوراق الورد
بوقته كلشي يبو الحمله ينولد
فقط موسم حبك الما ينحصد
امن الولاده بينه عشگك منوجد

انته صيفي .. يا خريفي ..
انته طيفي .. تبقى ضيفي .. للنهايه
كل حروفك .. بيها اشوفك ..
بيها اطوفك .. ما اعوفك .. للنهايه

اهواك اهواك يا علي يا علي
****


الشاعر اياد الديراوي


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

هاليوم هالـــيوم تنصيب الولي
للــــدوم للـدوم والينه علــــي

*
بحـــج الوداع ينـادي هاليوم هاليوم تنصيب الولي
أبحر الهجير الهـادي هاليوم هاليوم تنصيب الولي
خسران مــن يعادي هاليوم هاليوم تنصيب الولي
وربحان من ينادي هاليوم هاليوم تنصيب الولي

للناس أمره أصبح جلي

**

نعلنهه هـــاي البيــعه هاليوم هاليوم تنصيب الوالي
للموت شخصه انطيعه هاليوم هاليوم تنصيب الولي
حبه أبـــــــــد منبيعه هاليوم قاليوم تنصيب الولي
بحبه أنتسمه الشيعـه هاليوم هاليوم تنصيب الولي

عالعالم أفخر بالولي

***

الباري ربنـه أختاره هاليوم هاليوم تنصيب الوالي
للدين تزهي أنــواره هاليوم هاليوم تنصيب الوالي
هــــــــز الكفر بتاره هاليوم هاليوم تنصيب الوالي
للوالي نبقه أنصاره هاليوم هاليوم تنصيب الوالي

غذوني بمحبته هلي

**

بارينـــه نصب حيدر هاليوم هاليوم تنصيب الوالي
والهادي كــال وحذر هاليوم هاليوم تنصيب الوالي
العاداك حيدر يخسر هاليوم هاليوم تنصيب الوالي
الوالاك باجر يفخــر هاليوم هاليوم تنصيب الوالي

من ينظر لوجهك علي

*

أنواره عالامه تشـــــع هاليوم هاليوم تنصيب الوالي
أختاره ربنه من الجمع هاليوم هاليوم تنصيب الوالي
نعلگ لهل فرحه شمـع هاليوم هاليوم تنصيب الوالي
خل النواصب تستمع هاليوم هاليوم تنصيب الوالي

حيدر شمس ما تنجلي

***

الشاعر
موسى البديري


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

الغدير

نزلت ايه... وانت الغايه....ياحماي الجار
نتبع دربك.....، يأمر ربك..... بلغ ياالمختار

عيدك.........ينعد عيد الله الاكبر
ايه.............نزلت لجلك ياحيدر
بلغ.............. بيها المختار وبشر
والي........... والخالق هوه القرر
انت الوالي... وچفك عالي... هذااجمل احساس
الف أمبارك... الله اختارك.... مولى الكل الناس
**
خيبر...... شاهد عن عزمك شاهد
بابه......... من اقلعته بچف واحد
بحبك..........هليوم الشيعه تعايد
خله.....يموت من الحرگه الحاقد
نتبادلها.....  ونتناقلها..... هاي التبريكات
ونرددهه.   ونعددهه......  مرات ومرات
**
حبك...... لا مانتنازل عنه
انت........ باالذر وبيك امنه
قاسم......بين النار وياالجنه
الله...... عن هذا الحب يسئنه
عن هذا الحب... مدري شنكتب... نشعر محتارين
وبها الذكرى.... وبها البشرى.......... كلش فرحانين

**
انت......... القرأن تثبت عدلك
انت.....الوحدك شمس الله تردلك
انت......... مايوجد فارس مثلك
انت..........كل افضالك تسجدلك
حبك غايه..... وبيدك رايه........رفة للأسلام
يصعب وصفك...وانت بچفك...كسرت الاصنام
**
اسمك........ يامحله ثلاثه احروفه
قبرك............ ميت والحي يطوفه
انت...............ياالصولاتك معروفه
ذكرك............اعظم واجمل سالوفه
انت الاول.... ما تتبدل...... مو رابع حاشاك
انت الرحمه...وغيرك زحمه....  ينعدون وياك

سعد العبودي


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

نحرگ گلوبهم
من وزن الموشح
شعر . دكتور كاظم المعقلي النعامي
***
ضاگت ابأهل السقيفه ادروبهم
الا نحرگ بالغدير گلوبهم
*
والله نعلگها ونجفّلهم جفل
غصبن اعلى اخشومهم بي نحتفل
بيعه نعلنها الجبير اويه الطفل
عدنا حسبه وبيها نعرج صوبهم
الا نحرگ بالغدير گلوبهم
****
ولد ابن تيميه هاليوم بحزن
وثگل فوگ گلوبهم ماينوزن
لازم نبچّيهم ابدمع المزن
علوجوه الغَم لزوم ايشوبهم
الا نحرگ بالغدير گلوبهم
****
ندري من انصلي كلنا اعلى النبي
وعلى الآل البيها كل طيب ابي
نحرگ بهايه گلب كل ناصبي
ومر يصبّح بالطعم مشروبهم
الا نحرگ بالغدير اگلوبهم
*
والله نحرگ زمرة اوهيّب حرگ
ونطرگ ابطون الوهابيه طرگ
لزگ عالگصه الحچي اوياهم لزگ
واللحايه انعتها ويه اعطوبهم
الا نحرگ بالغدير اگلوبهم
*
عدنا صوت ايدوّي يمهم يعتلي
بالاذان انذكره ونصيح الولي
غصبن اعلى اخشومهم نهتف علي
هذا ثوب امن الشرف مو ثوبهم
الا نحرگ بالغدير گلوبهم
*
ويلي من نذكر فضايل حيدره
تصبح اوجوه النفاق امكدره
على البگ يرجع جمعهم ليوره
وتذل هامات الربع لچعوبهم
الا نحرگ بالغدير گلوبهم
*
اسمه حيدر كل يضد منه ارتهب
بسمه بيهم للابد نشعل لهب
تبقى گبته البالنجف گبة ذهب
ووينه گبره المحترگ مندوبهم
الا نحرگ بالغدير گلوبهم
*
الشاعر كاظم المعقلي


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

بيعة الغدير 

هلت انواره علينه       هلت انوار الغدير
المرتضى بعدي خليفه  اعلن الهادي البشير
★★★★★
صوت من جبريل اكد  بهذا بلغ يامحمد
غير حيدر ماكو احد   علبشر يصبح امير
★★★★★
لكل موالي عيد الاكبر  من السمه واجب تقرر
وصي للمختار حيدر  غيره حيدر مايصير
★★★★★
بهلخلايق منهو غيره   من نبع طه  وعبيره
نصبه الهادي وزيره         حيدر ال (طه)  وزير
★★★★★
المصطفى من البدايه  اختاره عن فكر ودرايه
لحيدر تلوگ  الولايه       قرر الباري القدير
★★★★★
ماكو من بين البريه        غير حماي الحميه
للنبي يصبح وصيه         بهلامر هوه جدير
★★★★★
فرحة الگاع وسماها   من رفع چفينه طه
صار عيد وبيه تباهه   هوه عيد الله الچبير
★★★★★
للامامه هوه مصدر   المايسير بنهجه يخسر
المايوالي بيوم حيدر   حظه نيران وسعير

الشاعر حسن لعيبي الحريشاوي


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

معروف معروف ،، علي شيخ الساده
معروف معروف ،، كص لحايه القاده

1-
علي شيخ وتجوه ديوان وصـدر
علي سيف الله الكطع راس الكفر
علي ثــوره ولابسه اثياب النصر
علي بـــاء البسمله وتـشـهـد بدر

يـا ناس يـا ناس ،، علي هاي امجاده
معروف معروف ،، كص لحايه القاده

2-
سـيـفه ذو الفقار يــوجــع بالحرب
يــم علي ادنك تـــره فحول العرب
كلها سهله وبس علي الرقم الصعب
الموت خايف مـن علي وما يقترب

مهيـوب مهيوب ،، مــن هله وجداده
معروف معروف ،، كص لحايه القاده

3-
الما يحبك هـــــذا لازم ينقرض
انته تكدر يا علي تطوي الأرض
باجـــر الأعمال يــمــك تنعرض
الرافض الاذان باجــــر ينرفض

مرفوض مرفوض ،، كل شخص يتماده
معـروف معـروف ،، كـص لحايه القاده

4-
هذا ابو الحسنين شيخ اعله الزلم
الـيـسـمع التاريخ طـبـعـن ينصدم
الجان مـنـه مـــــــا يلـحـك ينهزم
هسه ع النسوان صـايـرلـي شهم

طـوفـان طوفان ،، لــو بـــــرز بعناده
معروف معروف ،، كص لحايه القاده

5-
بــــاجــر التاريخ يوكف يم علي
هــذا ابــو تراب وعشكنه الأولي
يسوه هـــذا الكون كله وي هلي
من علي مذلول خصمي وعاذلي

تــدرون تــدرون ،، القتل عدهم عاده
معروف معروف ،، كص لحايه القاده

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
حسين عبد الجليل المالكي


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة