#مولد_العقيلة_زينب

هالليلة يا ناس طاب النه السهر
شعت بالانوار زينب عالبشر
علكنه كل زينه.. من هلت علينه
شعت بالانوار زينب عالبشر
1**********
مبروك مبروك يا ناس الفخر
مستبشرة الحور زفت هالخبر
بميلاد زينب رحل عنه الكدر
هاي العقيلة و بت سيد البشر
ازدهرت ليالينه.. من هلت علينه
شعت بالانوار زينب عالبشر
2**********
كل الملايك اصطفت بالسمه
نزلت بالافراح تهني فاطمة
وتهني حيدر حماي الحمة
تبشر المختار بفرح متبسمة
و تهني هادينه.. من هلت علينه
شعت بالانوار زينب عالبشر
3**********
نور الحوراء عالكونين لاح
نثرت الورود العطر الفواح
جبريل للهادي بالفرحة صاح
بهاي الولادة الحزن انزاح
ابشر يهادينه.. من هلت علينه
شعت بالانوار زينب عالبشر
4**********
كلبي بشباجج مولاتي يطوف
ينشد الالحان و يصيغ الحروف
نزلت الاملاك تهني بالالوف
خلي العاذل فرحتنه يشوف
احنه اللي والينه.. من هلت علينه
شعت بالانوار زينب عالبشر
5**********
نرفع هالاصوات لعد مهدينه
بافراح و اعياد نعلك الزينه
ننتظره هالليلة يهل علينه
نطلب من الباري يرأف بينه
نريده يجي لينه..من هلت علينه
شعت بالانوار زينب عالبشر
.....
✍ ذكرى الخفاف
2/2/2017


قناة للقصائد النسائيه لجميع مناسبات العتره

👇👇👇
https://tttttt.me/joinchat/AAAAAELdvGssZMurwfLsJA


كروب قصائد والحان منبريه
👇👇👇👇

https://tttttt.me/joinchat/AAAAAD7f0FNmkN2JjlNIBw