هوسات لـ ابي الفضل ع
.
.
.


يالمــچنه يالــمعدل يـساس الساس
يالمتروس غيره امـن الجدم للراس
ياعــباس ماكــو اليـشبــه العـــباس
ها   الطين المنه امسوه
خلص يـوم الله السواك
------

السبعين الـف بالطـف انته من طبيت
يتلــولحــن والله ارگــابـــهم خـــليت
عــد عيــناچ زيــنب انـته مـن نـاديت
ها    وروس العسكر وصلت
نص للكــوفـه ونـص للشام
 
حيدر تركي الكربلائي


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

#مولد رقم ١
——————
شعبان شعبان
يا محله ايامه
شعبان شعبان
بالفرحه انغامه
....
عيد يليلي ومحله ايامك  .. شعبان شعبان
وافرح ينجم بطافي احلامك .. شعبان شعبان

يا محله هالليله .. ومحله العشگ بيها
بيها السبط نوره .. نور لياليها

شعبان شعبان
يابسمة عيوني
شعبان شعبان
اعيادك يفرحوني
شعبان شعبان
الفرحه باحلامه
......
عباس اجه ونار السمه باسمه .. شعبان شعبان
غطه النجوم من الحسن رسمه .. شعبان شعبان
صار الكمر للناس .. نور السمه شكله
بأسمه الاخوه احساس .. اتلوگ اله وتحله

شعبان شعبان
تسحرني لحضاته
شعبان شعبان
تاخذني ساعاته
شعبان شعبان
من جدمي للهامه
.....
سجاد اجه منه ابتدي الفرحه .. شعبان شعبان
ياخذني ليله وطلته بصبحه..  شعبان شعبان
من يصبح بصبحه .. طيف الغزل لونه
اجمل بشر بالكون .. يسحرني بعيون

شعبان شعبان
جن ينطق اياته
شعبان شعبان
حيرني نضراته
شعبان شعبان
للعاشگ اكرامه
....
كل عاشگ بروحه نولد مولد .. شعبان شعبان
يحسبله ساعات السنه ويعد .. شعبان شعبان
ايامه كلها افراح .. ننطرها بالضحكات
كل رمشه بي ياناس .. من اجمل اللحضات

شعبان شعبان
بسماته نعشكها
شعبان شعبان
اعياده نودها
شعبان شعبان
العشگ ما نامه
....
حيدر عيسى البديري

https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

هوسات
اول منولدعباس     يتلفت يمين ايسار
امه احتارت ابأمره     ماتدري الجره والصار
صاحت وينه ابوالحسنين مدري اشصابه هل المغوار
لمن عاينه اتبسم وگاللها علي الكرار
عل الرايه يدور راعيها
***
جاب الرايه ابو الحسنين   اگبال الگمر خلاها
هودوستقرعباس    حين بعينه شافاها
راد يجربه داحي الباب  اجه وگباله نواها
ابو فاضل بلهفه وشوگ  مدچفه وتلگاها
وگال الها افديچ بچفيني
***
اذا زينب تمرا عليه    وين اتروح راسه يدير
يفرح لو اجت يمه      من مهده يريد اطير
اخته وصاحب الغيره  كفلها وهوه جان ازغير
واليومك متكفل بيها

#الشاعر سعدالعبوي

https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

هوسات لابي الفضل العباس

……………………………………………………… .

حسين ايناغي وسط المهد عباسه
وزينب فرشت الشيله حدر راسه
حتى ايفوت عطر الخدر بنفاسه
ويظل عهد الكفاله ايعيش بحساسه
وبجفه اظل زينب رايه

…………………………………………………..

ابظهر حسين جانت سكنه و ارقيه
الهن عين لم الكافل اربيه
منتظرات عمهن ينولد ضيه
ويشربن من زمزم جوده
…………………………………………………

بـطلب مـتقدم العـباس للـمعبود
واردلك هالعطيه بعين وي الجود
وي حـسين اريد بهـالشهر مـولود
ينثرلي الورد و انثرله عليه زنود
وياه بالموت و ميلاده
………………………………………….
✍️ ( سيد خضر الزاملي )

https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

ميـت هلا بشعبان وانوار
     للزهره جاي وجايب ابشاره

شهر الـكرم والمكرمه ماتنتهي اعياده
وچم بشره بيه الفاطمه والسيد الساده
هاليوم نفرح والفرح لا مو على العاده
سبط النبي وروح النبي هاليوم ميلاده
   وحسين ذاعوا بالسمه اخباره
    للزهره جاي وجايب ابشاره

غطى الگمر وجها بخجل من شاهد عيونه
والشمس صفنت والنظر لحسين هيعونه
غنى الورد لن الورد كـل لـونه مـن لـونه
وكـل الـفراشات اعتنت فاطم يزورونه
       سبحان رب الخالق ازهاره
      للزهره جاي وجايب ابشاره

جـابوه الجـده للاسم گبـل الاسـم باسه
وحـسيـن هـذا اول بـشـر يتنفس انفاسه
احساس عاش ابنظرته مايشبه احساسه
وبحضنه خله المصطفى روحه وهله وناسه
          گـلـهم محمد نورت داره
        للزهره جاي وجايب ابشاره

  مـبـروك ياحـيـدر عـلي مـو انا سميته
من العرش ياابو الحسن يامحله تسميته
والمصفطى مـن هـالسبط ولده وذريته
وحـسين كـل ال النبي يانـاس من بيته
      سر ومحمد يعرف اسراره
      للزهره جاي وجايب ابشاره


           نسألكم الدعاء
      هاني ناصر السعيدي


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

هوسات :
لذكرى ولادة  سيد الشهداء
الأمام الحسين عليه السلام
..........
أذا عندك مرض لو عوز لا تحتار
ظيف حسين كله أبسفرتك خطار
حاشا ما يقصر  دوم أبو الأحرار

ها ها
أبميلاده ظيفه أنته أو شوفه
.........
أبكل عام اليهل شعبان وعياده
عزيز الزهره عند الشيعه ميلاده
عيد أو عسى الشيعه أمنهل عواده

ها ها
والمهدي أمعيد وياها
........
أبثالث أبشعبان صار حسين أبن عقد الوله
أو كله أبو القاسم محمد ياهله أبسبطي هله
باسه من نحره الشريف أو دمعه عالخد سايله
هذا فخر الشيعه كلها أبيوم عملة كربله

ها ها
أبتضحيته يخلد دين الله
..........
خادم أهل البيت
الشاعر : أسماعيل الجوراني
الخميس 23/2/2023


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

هوسات للعباس ع


بالجود الگمر گالو يگمطونه
انولد عباس والماي انخطف لونه
ظل يحسب اثاري الخزرة عيونه

طگ روحه الماي اعله جروفه
***
فتح عينه ولگاها الرايه جدامه
مد ايده ويأشر ظل عله حزامه
گام وهزها گاعه بدوسة اجدامه

وهتزت وياها اطفوفه
****
اجت ام النين الكافل اتحمله
رفضها وگال إله ام الخدر إله
اشردت مني العقيله ظلت اتگله

راواها العباس چفوفه
****
رغم ما يوم عمره بس جبل چنه
الهوه فنه يعاين للاخت فنه
فرحة والعقيله يمه تتدنه

وتگله الجيتك ملهوفه
****

الشاعر اياد الديراوي


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

ابوذيات لولادة الأمام الحسين (ع)

١

بشهر شعبان خله يومه لحسين
وما ننقبل كلنه يومه لحسين
اذا بالحشر بصبع يومه لحسين
نطب للجنه وي ابن الزچيه

٢

چثير اگلوب حبه مارد حسين
اشتغل جبريل عنده مارد حسين
الباري اشطلب منه مارد حسين
فتح باب السمه لبن الزچيه

٣

السماحه الكرم طيبه شع بالحسين
كل نور الولاده شع بالحسين
شرف يكفينه احنه شع بالحسين
انخلقناله خدم لبن الزجيه




١ - يوم ٣ شعبان
٢ - لو لا الحسين
٣ - يومي يأشر

١ - ساحر القلوب
٢ - المارد السحري
٣ - لم يرد له طلب

١ - شاع بالحسين
٢ - الشعاع
٣ - شعب الحسين





لاتنسون والدي وأبني عباس من الرحمه والغفران

خادمكم رياض الرسل الجابري

https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

هوسات الولادات شعبانية

الإمام الحسين (ع)
أنولد والنِدَه ضل بِذْن الوَرِد يهمِس
إجه و يم عطره ضاعت وَردَة النرجس
الوحيد حسين صار وبي فُرَح فِطرس

( فطرس فرحان إبميلاده )

الإمام السجاد (ع)
صار إبن الحسين ويا عظُم شانه
بي فرحت أرضنه وفرحت إسمانه
الدعاء شگد حلو السجّاد بلسانه
(يا هيبه وصاير من هيبه )

الإمام العباس (ع)
انولد عباس بس شلون إجه جَيّه
گطَع حتِه الگماط وصاح  ها هيّه
شغلة ضعن زينـب بعد مگضيّه

( ومن زغره الجود إعله إمتونه  )

مهدي التقي


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

هوسات لولادة الامام المهدي عجل الله فرج

١

الماوالاك بالميلاد ضل طول العمر خسران
ليلة قدر عدنه اليوم تشبه ليله بالقران
بأواخر ذيچه من رمضان هاي اخمصطعش شعبان
(هنياله كلمن يحييها)
٢

بنصف شعبان نرجس تنتظر مولود
وهاي الليله تعرف ليله الموعود
مثل هذا الحدث بالكون ماموجود
(والمهدي ايهل هاي الليله)

رياض الرسل الجابري


https://tttttt.me/joinchat/AAAAAEFVSMd2pvMFlLPXYg

اشمن ريح يوسف گالهم يعكوب
واحنه الليله نشتم ريحة المحبوب
مانشعل شمع نشعله كون اگلوب
(وانهز الدنيه ابميلاده)
٦

فتح باب الامل من فتح اعيونه
الامامه ابجبهته والختم بمتونه
سجد لله تعظيماً يشوفونه
(وبالخضره امعصب مهدينه)

الشاعر محمد الجماسي

https://tttttt.me/joinchat/AAAAAEFVSMd2pvMFlLPXYg

من يوم المهد لليوم عنده السيف والرايه
سرّ المرتضى الكرار عنده ويعرف الآيه
انّطه حچايه مهدي الآل يظهر گد لحچايه
(يظهر شايل سيف ورايه)
٢٠

وينه الگال ما يظهر خل يتراجع احسلّه
من يظهر بعد ميفيد توبه ومغفره گلّه
لو يشرد لراضي الصين سيف المهدي يوصلّه
(يحكمها الدنيا بچفّينه)

الشاعر سيد زيد الفحام


https://tttttt.me/joinchat/AAAAAEFVSMd2pvMFlLPXYg

قريبه طلعتي جداً وريد الشيعه تتحضر
حتى نصول عالكفار صولة حيدره وجعفر
اريد اللي يضدنه يشوف   صوره المعركة خيبر
(ويشوف الراية بچفيني)
٣٧

عد عيناك يالمهدي نصيح الليله يالقائم
نعيد الطف على العدوان منرجّع فرد سالم
مثل حر وزهير أنصير وحبيب وعابس وقاسم
(وحسين تصير أنت علينه)

الشاعر قاسم حتروش البلداوي 


https://tttttt.me/joinchat/AAAAAEFVSMd2pvMFlLPXYg

مربع موشح لولادة الامام الحسن (ع)



هله بنور الحسن لمن بزغ بدره

1
هله وميت هله من البدر شافه
ظل محتار لمن شاهد اوصافه
البدر يمه نزل حتى السمه عافه
مذهول البدر ظل حاير بأمره

2

هالليله علينه الحسن هل نوره
سبحانه الجليل الصوره بصوره
درر چنه الحسن والدرر منثوره
من حيدر جماله وفاطمه الزهره
3

هالليله جماله ايشع ضوه واحساس
الملائك تحسده وشحال گلي الناس
من كل شر اعوذ الليله والوسواس
من عين الحسد من عين كل نظره
4

من بيت الوحي نور الحسن طالع
وبگلب الموالي نوره ظل طابع
نظره الهل حفل من الحسن طامع
بي ادري كريم وينطي للفقره

5

طماعين احنه الليله منعوفه
وكل مخلص حضر متأكد ايشوفه
حلفه بضلع امه ويكرم ضيوفه
واتصوره الحسن من يكرم اتصوره
6

اختم بالتهاني والگلب هايم
واتمنه يربي هالحفل دايم
هنيالك الزهره اتسجلك خادم
بميلاد الحسن واتوقع العتره




لاتنسون والدي وأبني عباس من الرحمه والغفران
خادمكم رياض الرسل الجابري


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

ابوذيات وهوسات
#مولود_الحسن_المجتبى_ع

يهلهه
اجه ابنوره يزيح الكل يهلهه
الحسن مولود لايتامه يهلهه
كريم ودمعته اعليهم يهلهه
انولد يمسح دمعهم كل مسيه
.........
يرا الما
تحت جفه الكرم يجري يرا الما
وكبل مايكَصد السائل يرا الما
جره ابمولوده ماكَبله يرا الما
النبي وحيدر علي حظرو سويه
..........
هوسات
الهوسه اعله الحسن جن هوسه عالعباس
حماسيه واشوفن بيهه رفعة راس
كرم عنده ابقدر ماسيفه  ماينقاس
ها..
واثنين ايعلن من زوده
......
اذا عن الحسن نحجي
نحط عالجلمه كون اوزان
وبالرباط كون اجتاف
توكَع ساعة الميدان
غالي وصيته يملي الكون
واصبح للكرم عنوان
ها..
واجفوف العوز املاويهه
......
شايل خبزه للجوعان         مره ابليل من مرهم
سمع ينشتم حيدر جان         بس الحسن ماغثهم
ابكثر مايشتمونه الحيد        هوه ابخبزته اشبهم
ها...
والخبزه اتسولف تاريخه
...
لو بيده الحسن ينولد اول يوم
بس حكمة الباري ابنص حياة الصوم
كفتين الشهر وانولد زاح اهموم
ها.. ميزان اتوسط رمضانه

الشاعر
ياسر العارضي


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

🌹هوسات لمولد الامام الحسن ع🌹

صفنت وفكرت ليش بشهر رمضان
صاير مولدك يمشبّع الجـــــــوعان
اثاري ثنينكم نفس الصفه تحملون
كريمين وصبحتو للـــــــكرم عنوان

ولطير ايحط اعله اشكاله
👏👏👏👏👏👏👏👏👏
شوصفك يالحسن بيك الوصف محتار
يالفارش سفرتك طيب للــــــــخطار
غيره ومرجله واعظم نسب بالكون
رب العزّه خلّه شكثر بيك اســـــرار

شنوصف بيك احتارينه
👏👏👏👏👏👏👏👏👏
حاير يالحسن بيش أوّصفِك للناس
يا بحر الكرم بيك الكــــــرم ينقاس
يمدلـِلِ الضيف وتطي للــــــمحتاج
العزوبيه انته الداگلــها الســـــــاس

يا ساس الطيب وعنوانه
👏👏👏👏👏👏👏👏👏
شوصفك يالحسن يا هيبت المختار
يالــــوارث شجاعة حيدر الـــــــكرار
يبو محمد الك  تشهد حرب صــفين
حصد روس الكفر ياسيفك البـــــتار

يا شمرة حيدر وفعاله
👏👏👏👏👏👏👏👏👏
يا بن فاطمه هاليله اريد انــخاك
غرگان واريد اتمدلي جف يمناك
غارگ بالذنب واتوســــلك مـولاي
شفيع تصير اليه وكون اضل بحماك

وبجاهك كون تنجيّني


علي كاظم المنصوري


https://tttttt.me/joinchat/AAAAAEFVSMd2pvMFlLPXYg

مولد
لذكرى ميلاد كريم آل محمد
الأمام الحسن المجتبى عليه السلام
.......
أبميلاد الحسن سبط النبي طه
فرحت فاطمه و الشيعه وياها
........
1
فرحت فاطمه يا محلا فرحتها
هذا اليوم سر فحوى ولادتها
عميد الساده روس الساده رفعتها
حكها أعله النساء الزهراء تتباها
........
2
أبرمضان الكريم الله أكرم الزهره
يوم 15 رمضان نص عمره
ها يم الحسن هاج الحسن بشره
الله أشكد يحب الزهره ونطاها
........
3
أبميلاد الكريم السبط أبو محمد
بوسات التهاني تنطبع عالخد
شيعي أيهني شيعي وينرسم مشهد
شيعه والفرح تارس ثنياها
........
4
يا بحر العلم يالما يجف نبعه
جينه المحفلك و ندور الرفعه
ورده أنشيلك بيد أو نشب شمعه
جددنه العهد وياك معناها
.......
5
أبو الفقره الدلال أمشبع الفقره
مضيفه بالمدينه واسع أشكبره
الكهوه أمهدره ومن دلته الصفره
لو صب كهوته ريحتها مزكاها
........
6
الليله الليله أجينه أنريد عيديه
من صرة الزهره الخير ممليه
كلمن طلب حاجه الحاجه مكظيه
تنطينه الأجر واللمه محلاها
.........
7
أبشهر الله الكريم أو لذة أصيامه
أصحاب العوايد كلها محتامه
ميلاد الحسن ها كربت أيامه
ملهوفه العوايد تحيي ذكراها
.........
8
حضر حاجتك يا طالب الحاجه
لا واحد يظل مكسوف بحراجه
راعي الغانمه هالليله منهاجه
كل أهل الحوايج يوفي رجواها
.........
9
سله أمنالتهاني الحاره أهوايه
لبو اليمه علي نوماس الولايه
عهد الشيعه ثابت ما يزل رايه
يعبرها الصراط أتريد مولاها
.........
خادم أهل البيت
الشاعر : أسماعيل الجوراني
الجمعه : 31/3/2023


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

حسن يل تارس الدنيه ..... براهين
جميع اجروحي ميلادك .... براهين
دهري اشما سچاچينه ..... براهن
اذكره والصعاب اتلين اليه .........

ربنا الحيدره ابهل شهر ... اكرم
نطاه الحسن من الكرم ..... اكرم
يمر اسمه وأگفله اجلال ... واكرام
واصلي اعله النبي او آخذ تحيه ..

ابزغر سنه لچنّ اچبير .... شانه
طاهر من طهر مارجس ... شانه
گلبي بي عشگ مايوم .. .. شنّه
صافي ابلا دغش لبن الزچيه ...

نبارك لكم ذكرى ميلاد سيدي ومولاي الامام الحسن المجتبى عليه السلام ..
ابو فاطمة الطائي


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

قصيدة غديريه لتنصيب الامام علي (ع)



أعلنها جبريل     بارينه أمر
حيدر أتنصب      أمير أعله البشر
جبريل ناده    علي
والباري راده    علي
حيدر أتنصب     أمير أعله البشر


أعلنها جبريل وصدح بين المله
هاليوم يتنصب علي عقد الوله
ياهله بهذا الخبر ياميت هله
من الباري هالبيعه بشرف صارت اله
لجل السياده     علي
والباري ناده     علي
حيدر أتنصب      أمير أعله البشر

هاليوم عيد اليوم تنصيب الولي
بيوم الغدير الخبر شع واضح جلي
خلي العواذل خلي كلها تسطلي
بنار الحقد ويفوز مـولانه علي
بسمه القياده     علي
والباري نــاده     علي
حيدر أتنصب      أمير اعله البشر


شع الخبر والناس ملهـوفه أجت
للبيعه بحزامين كلها أتحزمت
أنظر وشوف الفرق للي عاهدت
والفرق بين الما أجت واتخلفت
أصل السعاده     علي
والباري ناده     علي
حيدر أتنصب     أمير اعله البشر

القاصي والداني عرف هذا الخبر
هنياله كلمن شارك وكلمن حضر
كلمن يحبه أتصير اله الجنه مقر
واللي يبغضه بنار ويعيش بسقر
بلله اعتماده     علي
والباري ناده      علي
حيدر أتنصب     أمير اعله البشر

عيد الغدير الليله يجمعنا سوه
وبنور ابو الحسنين شع بينه ضوه
حيدر هوانه ومانعـيش ابلا هوه
بعناد الي يبغضوه صار النه الدوه
حقق مـراده     علي
والباري ناده     علي
حيدر أتنصب    أمير اعله البشر




لاتنسون والدي وأبني عباس من الرحمه والغفران
خادمكم رياض الرسل الجابري


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

مولد للغدير /٢


.

ياعلي المابايعك عاش بألم
وبالقيامه اصبعه ايعضّه بندم
.....
ياعلي انت الاصل للمعتقد
والوجود بأكمله ليك انوجد
انت سر البسمله وسر الاحد
اللوح انت ياعلي وانت القلم
.......
كلشي ابلياك صفر وعليسار
واليضدك ياعلي ماله اعتبار
منهو مثلك عشگ منشقله الجدار
ومنو مثلك كلمن يضدك صنم
......
انبايعك ونجدد البيعه الك
يمن صح لولاك مادار الفلك
شرف ليه يسجد أبابك كل مَلَك
نورك اعله الجبل خلوه وانهدم
......
البيعه من الذر الك لاخر زمن
الشيعي نبضه يندبك يابالحسن
بكيفك الله امخلّي صك جنة عدن
وفاز كلمن بيك يالوالي اعتصم
........
انت كلشي وكلشي منك منخلق
انت بيدك كل امرنه والرزق
انت نورك لاح يسطع بالافق
وعلى متن الهادي الك موضع قدم
......
يا لسان الله النطق وكت العروج
انت سر ابحارها وسر البروج
الارض لو ما يمنتك ضلت تموج
الرفض هاي اسرارك يعيش ابوهم
......
الشاعر محمد حسن ضيغم


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة