نعم نعم ياعلي
كلمه ناداهـــــا محمد
بيها نبض الكلب ردد
بالشدد للمحب مكصد ... علي حيدر
علي سيف الباري سيفه
خلي تسمعنه السقــــيفه
للعباد اول خليفــــــــــه ... علي حيدر
علي سر هذا الوجود وسر الاسرار
علي رايه وللهدايـــــة تسطع انوار
علي حبه يظل قسيم الجــــنه والنار
علي الماعنده بصيره غيــره يختار
نعم نعم ياعلي


اية التبليغ بســــــــمه
رتلت جوهر العصمه
نصبت قائد الامــــــه ...... علي حيدر
بالغدير اعظــم روايه
بيها للمؤمن هدايـــــة
اتقلد اوســــام الولاية ...... علي حيدر
بالــغدير البــــــاري اعلن لينا سره
الليـــــل من يشتد ظلامه يذل فجره
والشمس ما ضم ضواها الغيم مره
ونور حيدر عالعــوالم واضح امره
نعم نعم ياعلي


اله والينـــه بعقـــــيده
غير حـــــبه ما نريده
احنه عشاك الصميده .....علي حيدر
حبه كعبتنا ونطوفــه
عالمذابح مانعوفـــــه
ساقي عالكوثر نشوفه ..... علي حيدر
علي صاغه الباري من نور الجلاله
علي وبس هو علي وماكـــــو مثاله
علي بس حيدر يخـــــــــلونه ابداله
علي من دونــــــه الاذان بلا كماله
نعم نعم ياعلي

الشاعر موفق الموسوي


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

#عيد_الغدير
#ابوذيات
.
.

اعذره العقل لو هالشوگ
بي يَن
علي وهامت بحبك انس
بيَن 
من گـد مـا بچفـك رُفَــع 
بيّن

بياض ابطه النبي ورادك وصيّه


****


النَعَــم بس العَـلي تنگــال
مو لاه
و إله وصّه النبي وحاشاه
مو لاه
الچنت مـولاه گال اليــوم
مولاه

علي وتمت النعمه بهالقضيه


***

سعد هادي الشمري


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

نحرگ گلوبهم
من وزن الموشح
شعر . دكتور كاظم المعقلي النعامي
***
ضاگت ابأهل السقيفه ادروبهم
الا نحرگ بالغدير گلوبهم
*
والله نعلگها ونجفّلهم جفل
غصبن اعلى اخشومهم بي نحتفل
بيعه نعلنها الجبير اويه الطفل
عدنا حسبه وبيها نعرج صوبهم
الا نحرگ بالغدير گلوبهم
****
ولد ابن تيميه هاليوم بحزن
وثگل فوگ گلوبهم ماينوزن
لازم نبچّيهم ابدمع المزن
علوجوه الغَم لزوم ايشوبهم
الا نحرگ بالغدير گلوبهم
****
ندري من انصلي كلنا اعلى النبي
وعلى الآل البيها كل طيب ابي
نحرگ بهايه گلب كل ناصبي
ومر يصبّح بالطعم مشروبهم
الا نحرگ بالغدير اگلوبهم
*
والله نحرگ زمرة اوهيّب حرگ
ونطرگ ابطون الوهابيه طرگ
لزگ عالگصه الحچي اوياهم لزگ
واللحايه انعتها ويه اعطوبهم
الا نحرگ بالغدير اگلوبهم
*
عدنا صوت ايدوّي يمهم يعتلي
بالاذان انذكره ونصيح الولي
غصبن اعلى اخشومهم نهتف علي
هذا ثوب امن الشرف مو ثوبهم
الا نحرگ بالغدير گلوبهم
*
ويلي من نذكر فضايل حيدره
تصبح اوجوه النفاق امكدره
على البگ يرجع جمعهم ليوره
وتذل هامات الربع لچعوبهم
الا نحرگ بالغدير گلوبهم
*
اسمه حيدر كل يضد منه ارتهب
بسمه بيهم للابد نشعل لهب
تبقى گبته البالنجف گبة ذهب
ووينه گبره المحترگ مندوبهم
الا نحرگ بالغدير گلوبهم
*
كاظم المعقلي


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

رفعة الجف الألك مقصوده
مــن الله يابالحسن معهوده
ســر الغدير بجفك الطاهر
ولي يبـــــايع طهر مولوده

طُهـرَ الكون بهِ
فغدا حلــوًٌ بهي
لا ولــي الا هــوَ
انه المولى علـيّ

جُعلَ الغديـر
يـومَ المصير
واللهُ قــــرر
ان الاميــــر
بعــد البشير
مولانا حيـدر

يامولاي ياعلي يامولاي
يامولاي ياعلي يامولاي

ـــــــــــــــــــ

رفعة الايد البـــاري شرعها
ايّذكر النــــاس نوب يقنعها
خافن نســوها الله ما ينسه
من گله خيبـر ياعلي اقلعها

طــه مُبلغــــاً
قْمْ يا ابا الحسن
كــانت كنت لها
سِر وفــي العلن

أُمــــرةَ العبــاد
جــــــائت تُقاد
وبـــــهِ تـــزينت
فـألى الـمِعـــاد
طَلبُ الـــــرشاد
مِن هنا قد اعلنت

يامولاي ياعلي يامولاي
يامولاي ياعلي يامولاي

ـــــــــــــــــــ

تنــرفع هالجف حان موعدها
غيــر الصميده الوادم اشعدها
اول امــــس مـن عُبر للخندق
ياهو الي جـاوب عَمّر ابن ودها

فلــهُ اذ انبـــرى
حيدرٌ من حيدرا
اســــدُ اللهِ نعم
هادياً الـى الـورى

شرطَ القبول
وبهِ الوصـول
لله يبقــــى
علةَ الوجـود
فيضُ الخلـود
من جاء يرقى

يامولاي ياعلي يامولاي
يامولاي ياعلي يامولاي


ـــــــــــــــــــ

جف العـــــزيز ورفع جف غالي
هذا الاميــــــــــر الاولي التالي
الاعلى شـــق الاســـم من اسمه
حته يضل فــــــوگ الخلگ عالي

عالياً منـذُ الازل
حُبُهُ خيرِ العمل
نعمـــةُ اللهِ اتم
بـهِ والدينُ كَمَل

عيدُ الــــــوِلاء
والـــــــربُ شاء
تُعلن المبـايعه
كــــــان النداء
ارضٌ سمـــــاء
نّتَهَتِ المرافعه

يامولاي ياعلي يامولاي
يامولاي ياعلي يامولاي
ـــــــــــــــــــ


عيد الله الاكبر
ميثاق المالكي


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

قصيدة في يوم الغدير الاغر

علي علي اغله كل ناسي
علي علي تاج البراسي
اغله البشر وانه حبـيـتك
عشت بشرف صيتي من صيتك

حبيتك
يل سكنت بروحي وبوجداني
حبيتك
بهاي كل الدنيه مالك ثاني
حبيتك
اني مجنونك يحـيدر انـي
حبيتك
لان انـتـه منـهـجي وقرآني
علي علي ساكـن انـفاسي
علي علي شاغل احساسي
من المهد علي واليتك
عشت بشرف صيتي من صيتك

مجنونك
اني من حقي وصرت مجنونك
مجنونك
لان شايل جنه بين عيونك
مجنونك
الدنيه ماتسوه حبيبي ابدونك
مجنونك
عهد وي گلبي اكتبت ماخونك
علي علي خل يسمعوني
علي علي ساكن عيوني
جبت العمر كله وافيتك
عشت بشرف صيتي من صيتك

حاچيتك
فدوه لو حتى بهمس حاچيني
حاچيتك
خطوه مابيـنك احس وبيني
حاچيتك
ياحبيبي امروتك خلينـي
حاچيتك
شوف واقره اسمك بنص عـيني
علي علي عايش ابالي
علي علي سلوة آمالي
بعت العمر انه وشريتك
عشت بشرف صيتي من صيتك

ماعوفك
ابقه عاشگ الك ميمنعوني
ماعوفك
بيك هـايم ياعـلـي يدروني
ماعوفك
خل اصيح وخلهم يسمعـوني
ماعوفك
وارد اگلهم ساكن انت عيوني
علي علي اغله كل غالي
علي علي بوسط دلالي
عن الحسد بگلبي ضميتك
عشت بشرف صيتي من صيتك

بتنصيبك
اليوم بيه انه احتفل يالغالي
بتنصيبك
رايد احرگ كل گلب عذالي
بتنصيبك
بالغدير اتحقـقت آمالي
بتنصيبك
بأمر من رب الجلاله العالي
علي علي اسكنت وجداني
علي علي وصرت عنواني
بدمع الفرح انه هـنـيـتك
عشت بشرف صيتي من صيتك

شاعر اهل البيت (ع)
رياض الرسل الجابري


https://tttttt.me/joinchat/AAAAAEFVSMd2pvMFlLPXYg

قصيدة غديريه لتنصيب الامام علي (ع)

أعلنها جبريل بارينه أمر
حيدر أتنصب أمير أعله البشر
جبريل ناده علي
والباري راده علي
حيدر أتنصب أمير أعله البشر

أعلنها جبريل وصدح بين المله
هاليوم يتنصب علي عقد الوله
ياهله بهذا الخبر ياميت هله
من الباري هالبيعه بشرف صارت اله
لجل السياده علي
والباري ناده علي
حيدر أتنصب أمير أعله البشر

هاليوم عيد اليوم تنصيب الولي
بيوم الغدير الخبر شع واضح جلي
خلي العواذل خلي كلها تسطلي
بنار الحقد ويفوز مـولانه علي
بسمه القياده علي
والباري نــاده علي
حيدر أتنصب أمير اعله البشر

شع الخبر والناس ملهـوفه أجت
للبيعه بحزامين كلها أتحزمت
أنظر وشوف الفرق للي عاهدت
والفرق بين الما أجت واتخلفت
أصل السعاده علي
والباري ناده علي
حيدر أتنصب أمير اعله البشر

القاصي والداني عرف هذا الخبر
هنياله كلمن شارك وكلمن حضر
كلمن يحبه أتصير اله الجنه مقر
واللي يبغضه بنار ويعيش بسقر
بلله اعتماده علي
والباري ناده علي
حيدر أتنصب أمير اعله البشر

عيد الغدير الليله يجمعنا سوه
وبنور ابو الحسنين شع بينه ضوه
حيدر هوانه ومانعـيش ابلا هوه
بعناد الي يبغضوه صار النه الدوه
حقق مـراده علي
والباري ناده علي
حيدر أتنصب أمير اعله البشر

لا تنسون والدي بالدعاء
رياض الرسل الجابري


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

الى أمير المؤمنين (ع)

دعـيـتـك يـا أمــيــر الـنــحــل .. يراد
الـشـمـس.. وادري عـلـي للشدد.. يراد
الـوكـت حـتـى ثــيّــاب الـعـَلـي.. يراد

ولـبـسـت اجـروح گلـبي اثـيـاب الـيـه

****

يـطـوف الـکـلـب بـالـحـضـره.. ولايــــة
وعـلـي مــــن الله مـتـنـصـب.. ولايــــة
الــصــلاتــه أتــنــزلـت آيـــــة.. وإله أية

تـبــيـن فــضــل حـــيـدر عــالـبــريـــــه

*-------------------*---------------------*

✍بقلم خادم الحسين ع
🌹الشاعر رعد الجريخي🌹


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

هوسات جنوبيه
لذكرى بيعة
عيد الغدير الأغر عيد الله الأكبر
........
من بعد حج الوداع وبأرض خم الغدير
الله شاء أو الله قدر علي يتنصب أمير
ورسل الوحي أبرساله للنبي الهادي البشير

ها ها
يابو القاسم هالساعه
حيدر وجبتله الطاعه
بذراعك شيل أذراعه

ها ها ( خليها )
حجه أعله الوادم خليها
...........
البايعك يا علي فاز  والمشى ضدك خسر
أو هوه  لو حظ بيه أصلآ لحظه حقك ما نكر
اليعجبه الحجي أيعجبه الما يعجبه أمنالبحر

ها ها
يشرب خله أشما يكدر
كل شيعي اليوم أستبشر
من الله أمنصب حيدر

ها ها ( ناكص غيره )
و الما يقبل ناكص غيره
..........
خادم أهل البيت
الشاعر : أسماعيل الجوراني
الخميس : 14/7/2022


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

#هوسات عيد الغدير


الناس ملتمة ونبينا حاچه حماي الحمه
گله تنصيب الإمامة أمر جاي من السمه
بس الك ترهم وغيرك ماهو گد الموزمه

*تفصال لطولك وداها

بالغدير الهادي أعلن بيعة جدام المله
گلهم بجاله الامامة أتعيش حرة أمدلله
وارتجز من شال چفه ماتصير الا اله

*حط چفه بچف حيدر راية


ذاك موقف كلها فرحت حتى جبريل أبتشر
بس بعض من الصحابه ما عجبهم هالخبر
دنگوا من خوف سكتوا بعد ما منها مفر

*يدرون الحگ رايه وسيفه


سودة نيتهم لحيدر چي فرش حدره الحصير
من كلوا حگ اليتامه اتحالفو ضد الأمير
بس بعد عيني خلسهم لا چبير ولا زغير

*هالعاشو مثل النعامة

صدام آل جريو



https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

هوسات الى عيد الغدير

دوم اكتب وسولف وحجي مرات
ومن احجي العلي تصعب عليه

هوه الرد شمسنه وكت الغروب
تريد انوصفه بحجايه وبذيه

لا يابو لحسن ما تنوصف هيج
ورجو المعذره صعبه القظيه

لون يكفي الشعر بسمك يا مولاي
عشره قلام اكظهن وسط اديه
===================
وكتب عن حيدر وولاده
وكتب عن حيدر وولاده
===================
بس الله ليعرفك ونبي يكول
اليعرفك يختلف عن البريه

علي ذكرك عباده شلون ننسه
نرتل بيك كل صبح ومسيه

نحتاجك علي وكفاتك هواي
ونعرفك يا علي ذاتك وفيه

من كولن يا علي تسهل علي عام
وتسهل من يجي منكر عليه
===================
وبكبري هناك اتحاميلي
وبكبري هناك اتحاميلي
====================
الك وكقات ما تنعد يمولاي
فزعتك تختلف عن اليفزعون

ما خاب ليندبك بل مهمات
ولتكلف عليه ويندبك اتهون


ابكل شده علي نلكاك موجود
تحظر يا علي وتكحل العيون


وي كل البشر وكفاتك هواي
فزعه للحشد مولاي يردون
==================
علساتر تحظر مولانا
علساتر تحظر مولانا
===================

كظيت ليل افكرلك وصفين
وجن ولتمن ابياتي وصفين
ذكرت الخندق ومرحب وصفين
وذكرت الباب بس تقصير بيه

ابو هاجر المجراوي


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

(هوسات غديريه)

هله أبعيد الولايه الخصصه الجبار
صَـدر بيه كتاب أوخاتمه المختار
عليه مكتوب الف مبروك يالكرار
تنجي الناس بـاچر من لهيب النار
ها ها
تمحيهه وذنوب انصارك
:::::::::::::::::::::::::::::::::::::
محمد شال چفك ياعلي أبيمناه
يندب يالاهي والـي مـن الــوالاه
ثبته اعله الولايه أوعادي من عاداه
مامثله بشر شايل شجاعه اوجاه
هاها
بس حيدر مانقبل غيره
:::::::::::::::::::::::::::::::::

مُحمد گال راح احچيهه بالساني
يجي يوم الغدير أوعلن أعلاني
تدري الناس كله القاصي والداني
بس انتـه علـي مـاكـو عـلي ثاني
ها ها
ما واحد يوصل لفعاله
:::::::::::::::::::::::::::::::::

فاخر علي الشبيبي


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

هاليوم هالــــــيوم تنصيب الولي
للــــــدوم للــــدوم والينه علــــي
*
بحـــج الوداع ينـادي هاليوم هاليوم تنصيب الولي
أبحر الهجير الهـادي هاليوم هاليوم تنصيب الولي
خسران مــن يعادي هاليوم هاليوم تنصيب الولي
وربحان مـــن ينادي هاليوم هاليوم تنصيب الولي
للناس أمره أصبح جلي
**
نعلنهه هـــــــاي البيعه هاليوم هاليوم تنصيب الوالي
للموت شخصه انطيعه هاليوم هاليوم تنصيب الولي
حبه أبـــــــــــد منبيعه هاليوم قاليوم تنصيب الولي
بحبه أنتسمه الشيعـه هاليوم هاليوم تنصيب الولي
عالعالم أفخر بالولي
***
الباري ربنـه أختاره هاليوم هاليوم تنصيب الوالي
للدين تزهي أنــواره هاليوم هاليوم تنصيب الوالي
هــــــــز الكفر بتاره هاليوم هاليوم تنصيب الوالي
للوالي نبقه أنصاره هاليوم هاليوم تنصيب الوالي
غذوني بمحبته هلي
**
بارينـــه نصب حيدر هاليوم هاليوم تنصيب الوالي
والهادي كــال وحذر هاليوم هاليوم تنصيب الوالي
العاداك حيدر يخسر هاليوم هاليوم تنصيب الوالي
الوالاك باجر يفخــر هاليوم هاليوم تنصيب الوالي
من ينظر لوجهك علي
*
أنواره عالامه تشـــــع هاليوم هاليوم تنصيب الوالي
أختاره ربنه من الجمع هاليوم هاليوم تنصيب الوالي
نعلگ لهل فرحه شمـع هاليوم هاليوم تنصيب الوالي
خل النواصب تستمـــع هاليوم هاليوم تنصيب الوالي
حيدر شمس ما تنجلي
*
الشاعر موسى البديري


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

موال لعيد الغدير
....
المايبايع علي
ايمانه شيكمله
وتطلع صلاته نقص
لو ماقره البسمله
تايه يضل العمل
لله شيوصله
اله ابولاية علي
اولاية علي البوصله
وهالليله لارض النجف
ماتوكف القافله
لازم نبايع علي
والموقف انسجله
كالو محرم قرب
صحنه ابمحرم هله
بس الاصل عد علي
وتتفرع المسأله
ولو ما ولاية علي
مانفتهم كربله...

كلمات محمد الجماسي


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

أبو ذيات
ـــــــــــــــــــ
وحك ال عالخلك فضّل و مَن بيه
وجعل بيته ملاذ الحج و امن بيه
شرف هاليوم عيد النه و من بيه
امام اصبح ولي لكل البرية
***
ابليس اليوم جر حسره وصفنه
وعدونه بناس مجنونه وصفنه
انجمعنه لبيعتك حيدر وصفنه
عشكنه للولاية الحيدرية
***
يحيدر بالولا ممدود كفنه
ونهجك عن ضياع الدين كفنه
يبو الحسنين بالاهوال كفنه
نلوذ بشاربك يابو الحمية
***
ناظم الفضلي الكربلائي

https://tttttt.me/joinchat/AAAAAEFVSMd2pvMFlLPXYg

بحق ولادة الامام علي (ع)
-----------------------

نـاده جـبـــريـل     ----      والمله يسمعونه
الواله ابو حسين    ----        جنته مضمونه

------------------------------

الـيـوم حـيــدر مولــده والجــدار اتفـطـــر
كعـبــة الله رادتــه يجي يمهــا ويحــظــــر
يسأل السائل اذن ياهـــو اشرف واطهـــر
صوت ناده من السمه منها اشرف حـيدر
يعني مــفــروض   ----     انقدسه وانصونه
الواله ابو حسين     ----    جنته مضمونـــه

----------------------------

شلون مولد حـيـدره معـجــزه من الباري
الفاطمه خصهـا بشرف ناده ادخلي داري
اليحب حــيـــدر بـالحشــر مـاتمسه ناري
وانـه جاعـل حــيـــدره سره من اسراري
وشــرف للـنــاس     ----     لمن يحــبــونـه
الواله ابو حسين       ----    جنته مضمونه

------------------------------

بنوره ازهـر عالمله والــوصـف ربــانـي
محــد بكـل البـشـر يشبـهـه لـــو ثــــانـي
بالاصلاب وبالنـطـف يسري وبشريـانــي
ما اعــوفـــه للابــــد عــايـش بوجــدانـي
المثـلـي بالشوك       ----     عاشك يسمونه
الواله ابو حسين      ----    جنته مضمونـه

----------------------------------

ملـك وجــداني احس شلـتـه بيـن عـيـوني
انهض اگـعـــد يـاعـلي اصرخ يسمعــوني
شلت نور محـبتـه بخـاطــري وضـنـــوني
عـالــولايـــه والعشگ خـلـهـم يـعــادوني
الــبـس الــتـاج      ----    لــو صرت مجنونه
الواله ابو حسين    ----     جنته مضمونــــه

---------------------------------

عـهــــد كلنه انـوقـعه الحيدره بــدمــانــه
طه عن رب العــرش شكـثــر بـي وصانه
واحنه حبينه علي على عـنـاد اعــدانــــه
وعلي مــــابـيــن البشر نــرتـفـع خـلانــه
انريد  بس كــون   ----     هالحجي يفهمونه
الواله ابو حسين    ----    جـنـته مضمونــه

------------------------------

هاك اسمع هالخـبــر اخــذه مـنـي وفسره
كلمن الـوالـه عــلي واليحب عـالفـطـــره
من يموت وبالگبر تدري ياهـو ايحـضره
تحضر بهيئة ملك تجي اتـزوره الـزهــره
التحـضـر ويـاه    -----    بالكـبــر خي عـونه
الواله ابو حسين   ----    جنته مضمونــــه

--------------------------------------


لاتنسون والدي وأبني عباس من الرحمه والغفران
خادمكم رياض الرسل الجابري

https://tttttt.me/joinchat/AAAAAEFVSMd2pvMFlLPXYg

🌹🌹هوسات للامام علي عليه السلام 🌹🌹
ــــــــــــــــــــــــــــــــــــــــــــــــــــــــــ
الليله بيت الله فتح جدرانه
بأمر من رب العرش سبحانه
استقبل وضيّف علي مولانه

(بس حيدر مولود ابيته)
ــــــــــــــــــــــــــــــــــــــــــــــــــــــــــ
حب علي جامعنه هاي اللـيله
واجب اجمل محفل انسويله
واحلا باقات الــورد نـــهديله

(ونزف الفرحه بكل ديره)
ــــــــــــــــــــــــــــــــــــــــــــــــــــــــــ
نصّبه الباري ولي وخــــــتاره
معجزه وبس الله يدري اسراره
الدين قام بهيبته وفـــــــــقاره

(ثبت دين الله بفقاره)
ــــــــــــــــــــــــــــــــــــــــــــــــــ
حيدر الحق حيدر الحُب ولجمال
حيدر القران وايات الـــــــــكمال
وصار حيدر بالشجاعه اعظم مثال

(معروف ويشهد تاريخه)
ــــــــــــــــــــــــــــــــــــــــــــــــــــــــــ
هذا ابو الحمله علي والينه
بالشدد يحضرنه ويحامــينه
من جهنم باجر ينـــــــجّينه

(بالمحشر حيدر يحمينه)
ــــــــــــــــــــــــــــــــــــــــــــــــــ
علي كاظم المنصوري

https://tttttt.me/joinchat/AAAAAEFVSMd2pvMFlLPXYg

الى أمير المؤمنين (ع)

دعـيـتـك يـا أمــيــر الـنــحــل .. يراد
الـشـمـس.. وادري عـلـي للشدد.. يراد
الـوكـت حـتـى ثــيّــاب الـعـَلـي.. يراد

ولـبـسـت اجـروح گلـبي اثـيـاب الـيـه

****

يـطـوف الـکـلـب بـالـحـضـره.. ولايــــة
وعـلـي مــــن الله مـتـنـصـب.. ولايــــة
الــصــلاتــه أتــنــزلـت آيـــــة.. وإله أية

تـبــيـن فــضــل حـــيـدر عــالـبــريـــــه

*-------------------*---------------------*

✍بقلم خادم الحسين ع
🌹الشاعر رعد الجريخي🌹


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

حيـدر علـي والينـه يمولاي يمولاي
مـولـدك هَـل اعلينه يمولاي يمولاي
انزعنه المهوم وجينه يمولاي يمولاي
بـالمحفــل التمينـه يمولاي يمولاي
يالبسمك اتسمينـه يمولاي يمولاي
للسمه بيك إعلينـه يمولاي يمولاي
هوسه
يا عالي انت و بيك اعلينه


بهالليله خل نتبارك يمولاي يمولاي
امبارك علينه امبارك يمولاي يمولاي
يا علي حامي جارك يمولاي يمولاي
ذَل العـــده فقـــارك يمولاي يمولاي
بس الله وي مُختارك يمولاي يمولاي
عرفوا فضل اسرارك يمولاي يمولاي
هوسه
يا سر الله و سر هادينه


سر الرسول و دينـه يمولاي يمولاي
يا علي تعـرف بينـه يمولاي يمولاي
مـن حبــك اتغذينـه يمولاي يمولاي
و بشوگـك اتربينــه يمولاي يمولاي
نقسم وحگ هادينه يمولاي يمولاي
شالك الشيعي ابعينه يمولاي يمولاي
هوسه
يا گلب الشيعي و ضَي عينه


مـولاي حُبك جُنَّــه يمولاي يمولاي
يا علي سيد الجَنَّـه يمولاي يمولاي
شافع مُشَفَّـع النـــه يمولاي يمولاي
تعشگك شيعه وسنه يمولاي يمولاي
بيـك الشعـر يتغنـه يمولاي يمولاي
وي القوافي و لحنّه يمولاي يمولاي
هوسه
و حروف اسمك حرز الشيعه


مراوي العده اهوالك يمولاي يمولاي
غصبن على عُـذّالك يمولاي يمولاي
يا علي كلنه اعيالك يمولاي يمولاي
بخيرك نعيش وجالك يمولاي يمولاي
يالغَـرِگَتْنـه أفضالـك يمولاي يمولاي
الهوسه بس تحلالك يمولاي يمولاي
مراوي العده اهوالك يمولاي يمولاي
و بس ليك انت اتلوگ الهوسه


كريم الحاج فليح
ـ 30/1/2023

https://tttttt.me/joinchat/AAAAAEFVSMd2pvMFlLPXYg

ابوذيات في محبة امير المؤمنين علي بن أبي طالب عليه السلام

مثل شمعون انته ومثل يوشع
يلنورك غلب كل نور يوشع
جنوني خبر بين الناس يوشع
جنوني بحيدره حامي الحميه

★★★★★★★★

بعالي الحس انادي گمت وصيت
انته الجاه يابوالحسن وصيت
يامن باليتامه علي وصيت
توصي بالقيامه كون بيه

★★★★★★★★

بوديان العده واحنه علينه
خله البلحقد ينظر علينه
منين ألهم علي يشبه علينه
عدهم بس ثرى وعدنه الثريه

الشاعر حسن لعيبي الحريشاوي


https://tttttt.me/joinchat/AAAAAEFVSMd2pvMFlLPXYg

مولد الامام العباس ع🌹🌹

اليوم زينب ضاحكه ومستبشره
بمولد العبـاس ســــبع الگنطــره
ــــــــــــــــــ✮✩✮ــــــــــــــــــ

منـــــولد كافلهه ــ الباچر ايدللهه
حظرت محفلهه ــ بالولاده……….
ألگـــمر ضـــوانه ــ وزهرت دنيانه
اتهلهل وفرحـانه ــ بالولاده……...
استبشــــرت هليله ــ اتلعبه وتناغيله
وبين اديهه اتشيله ــ بالولاده………

اتصيح سبحان الألآه الصوره
بمولد العباس ســـبع الگنطره
ــــــــــــــــــ✮✩✮ــــــــــــــــــ

ابرايته امگمطـــينه ــ الكافل امسمينه
احزام ظهر احسينه ــ ابوفاظل........
هـوه مرجـــع غيـــره ــ سر صعب تفسيره
ابوصفه اضل ابحيره ــ ابوفاظل……..
سور زينب هوه ــ هوه رمز الخوه
نوره شع وضوه ــ  ابوفاظل……..

استبشرو طه الرسول وحيدره
بمولد العبــاس ســـبع الگنطره
ــــــــــــــــــ✮✩✮ــــــــــــــــــ

للمحـافل رحنه ــ بصوت واحد صحنه
مولده ايفرحنه ــ هذا عيده……..
زينــب انهنيــــهه ــ بالگمـــر واليهه
اشگد ورد نهديهه ــ هذا عيده……..
بالفـرح مــن نقــــره ــ نشم ريحة عطره
انحبه حب عالفطره ــ هذا عيده……..

الشعر وهل العقول امحيره
بمولد العباس سبع الگنطره
ــــــــــــــــــ✮✩✮ــــــــــــــــــ

اسمه بالدم يجري ــ هوه روحي وعمري
المـادره خل يدري ــ بيه هايم………
افـرح ابطـــاريه ــ حبه عايش بيه
انفاسي عباسيه ــ  بيه هايم…….
دار حيدر داره ــ مولده احلى ابشاره
اتبركت بنواره ــ بيه هايم……..

لغز حبه ابگلي محد فسـره
بمولد العباس سبع الگنطره
ــــــــــــــــــ✮✩✮ــــــــــــــــــ

           الخادم
✍ كامل السعيدي


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة