ولادة الرسول الاكرم محمد (ص)



يانبي أخر زمان
بمولدك حل الأمان
يانبي نبي نبي

١

ناس بجهل گبلك يسيد البشر
چانت تعيش واشرقت يا گمر
ولجلك نزل جبريل طش هالخبر

انته يانبع الحنان
بمولدك حل الأمان
يانبي نبي نبي
٢

من مولدك هل وبزغ يا أمل
لا لات ظلت سيدي ولا هبل
يعني بوجودك مايظل كل جهل

صرت سيد عالجنان
بمولدك حل الأمان
يانبي نبي نبي
٣

صوت الولاء ايردد بعاطفه
هالليله نبصم احنه للمصطفه
وانقدم الطاعه اله بكل وفه

حب محمدنا الضمان
بمولدك حل الأمان
يانبي نبي نبي
٤

هالليله نور وشعشع بكل سمه
وافلاك ربك بالعرش قائمه
وگلوب كل هاي البشر هايمه

نحتفل آن الآوان
بمولدك حل الأمان
يانبي نبي نبي
٥

ليله سعاده وخير ليلة هنه
نور العرش المن نزل واعتنه
الخاطر محمد جاعله بأمنه

نور ضوه بكل مكان
بمولدك حل الأمان
يانبي نبي نبي
٦

هاي الولاده بالبشر خالده
خصها المحمد والعرش سدده
أيده بكلشي للنبي أيده

ربنه هوه المستعان
بمولدك حل الأمان
يانبي نبي نبي


شاعر اهل البيت (ع)
رياض الرسل الجابري


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

مولد
لذكرى ولادة الأمام
جعفر الصادق عليه السلام
.................
أمبارك أمبارك
للي أجه أو شارك
يا جعفر الصادق
سجلنه زوارك
.................
1
في محفل الميلاد
جينه نريد أمراد
منك يبو الكاظم
الساكن أبغداد

يا سادس الأقمار
يا راعي الأستبصار
شيعة علي الكرار
عندك أجت خطار

كل تها تتبارك
من هلت أنوارك
يا جعفر الصادق
سجلنه زوارك
.................
2
كلمن حضر مسرور
هلت بشاير نور
مدرسه لهل البيت
عنده العلوم أبحور

وارث علم زاخر
لمحمد الباقر
يشهدله كل ناكر
غايب وذا حاضر

من حقها أنصارك
تتباها بخبارك
يا جعفر الصادق
سجلنه زوارك
.................
3
شيخ أو حفيد أشيوخ
ألها المعالي أتنوخ
العاملك بالضد
أصله أصل مشروخ

يا تاج فوك الراس
حكمه أو كرم وحساس
من شابهك بالناس
عمه البطل عباس

يالراهي مقدارك
والغانمه الجارك
يا جعفر الصادق
سجلنه زوارك
................
4
نتمنه تطوى الكاع
أوبرض المدينه الساع
نتواجد أحنه أوياك
و نبايعك أتباع

بيعة عهد بالروح
لو مهما بينه أيلوح
ظلم السقيفه أجروح
ما عنك أحنه أنروح

فرحتنه بصيارك
فرحة أهل دارك
يا جعفر الصادق
سجلنه زوارك
.................
5
يا شلوة أهل البيت
ب 17 هليت
وي والد الزهراء
أبهالمولد أتساميت

الأول أبو الزهره
نتبارك أبعطره
يا نسل هالشجره
يا لعمرك أبعمره

أشملنه بنظارك
شفعنه بوقارك
يا جعفر الصادق
سجلنه زوارك
.................
6
للفرحه ظل نيشان
زينه على الحيطان
ياس أو شمع وبخو
بيها الحفل يزدان

شيب أو شباب أطفال
كلها أبجهد فعال
هالخدمه راحت بال
هنياله كلمن كال

بيمينك أيسارك
تطعمها  أثمارك
يا جعفر الصادق
سجلنه زوارك
...............
خادم أهل البيت
الشاعر : أسماعيل الجوراني
الثلاثاء : 19/10/2021


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

مولد الرسول ص

صلوا على محمد
وآل بيت احمد

شكرا يرب العطائك
اشرقت ارض وسمائك
من نورك النه خلقته
ومن رضا احمد رضائك

وخيره تمدد
صلوا علئ محمد
وآل بيت احمد
++++++++
مولودك النه احله ذكرى
لازم حديثك نذكرى
الصلى علي مره وحده
آني اصليله عشره

في جنتي تخلد
صلوا على على محمد
وال بيت احمد
+++++++++
حس گلبي واني بمكاني
فرحان صاحب زماني
البسمه تلوگ السماره
فدوه الهذيج المعاني

مع الامام اسعد
صلوا على محمد
وأل بيت احمد
++++++++
محلاها هاي المسيه
فرحان گلب الزچيه
ذكرى ولادة ابوها
البسمه اعله وجه الرضيه

وقولها تردد
صلوا على محمد
وال بيت احمد
+++++++
ياطير صل للمدينه
خبر الهادي نبينه
مشتاگ اطوف بضريحه
وافتحله گلبي وحنينه

شوقي له تمرد
صلوا على محمد
وآل بيت احمد

ثائر الربيعي


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

زينب
عله النسوان زينب مَـنْـتَـبـاها ( تتباها )
الزجيّه امها يحيدر مَـنْـتَـبـاها ( ابوها )
صارت بسملة عِـزْ مَـنْـتَـبـاها ( الباء )
ومثلك بس قراها الله ونَـبـيّــه
~.~.~.~.~.~.~.~.~.~.~.
يَـلايم كَـلـبي بالحُـب خَـلّـه ودّه ( اتركه )
الخليل اليوفي ينطي خـلّـه ودّه ( خِل )
وأنــا لمولاتي زينب خَـلْ اودّه ( ارسله)
الكَـلـب مو نبضه تستاهل هديّه
~.~.~.~.~.~.~.~.~.~.~.
يِـرِك بالروح وكـتي وَرْدَليها ( ارداها )
وأحس لزينب إتـفُـر وَرْدَليها ( اروح وراها )
أنا بـمـيـلادها أبعـث وَرْدَليها ( وردة )
ذِكِـر زيـنـب يِـرِد الروح بـيّه
~.~.~.~.~.~.~.~.~.~.
لخادم زينب (ع)
الشاعر حسام الناصري

https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

هوسات بحق مولاتنا زينب عليها السلام

مو من تالي زينب هاي هيبتهه
سلطانه وأميره من ولادتهه
وابيوت الشرف والعِزَّه ربَّتهه
( شتصير الحيدر ربَّاهه )

للباري العقيله انطت اشما عِدهه
لذلك شوف ربنه اشلون خَلَّدهه
وحگنه نفتخر نفرح ابمولدهه
( والكون ابزينب يتباهه )

رغم اجروحنه ولوعة مآسينه
الزينب وابولادتهه تعنِّينه
نِهنِّي اگلوبنه وانهنِّي مهدينه
( وانهنِّي حسين وعباسه )

نفرح يالعقيله ابهايه أيَّامچ
وانعاهِد يزينب نِضل خِدَّامِچ
خَدَم وابكل وكت تلگينه گِدَّامِچ
( وانموت اعليكم تدرينه )

سيد علي الموسوي

ــــــــــــــــــــــــــــــــــــــ

علينه ابحب ولايتكم مَنَّ الله
وين ايروح مُبغظكم مِنَ الله
يزينب رزق خدمتكم مِنَ الله
خدمتكم فخر واشرف هويه

سيد علي الموسوي


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

خبر طش بالسمه الليله وفرحت أملاك السمه
وعالارض كل آل هاشم بالفرح متحزمه
ونزل جبرائيل جايب اسم بت حامي الحمه
هذا اسم زينب هديه الله دزه الفاطمه
يالهادي زينب سميهه
....................

هلليله الفرح مضمون أجره وباين احسانه
ميضيع التعب هيهات لئن الزهره فرحانه
هنياله الذكر زينب واسمها ايضل عله السانه
وحك الله ورسول الله تجلي همومه واحزانه
بت حيدر هاي المهيوبه


محمد هادي العقابي

https://tttttt.me/joinchat/AAAAAEFVSMd2pvMFlLPXYg

مجلس اليوم فرح ومرتب ابمولد النور ولادة زينب
بنت حامي جارها شعشعت انوارها
ابمولد النور ولادة زينب
**
الزينب اليــــــــــــــــوم يشيعه المحفل
وبالمحافـــــــــــــــــــــل أسمها اترتل
انصح الجاي وگلّه أتـــــــــــــــــــأمّل
وبذكرهــــــــــــــــــــــا وأسمها اتبتّل
اسم مبروك اسمها الزينب وبصبرها فلا تتعجّب
تموج في اسرارها شعشعت انوارها
ابمولد النور ولادة زينب
*
ابفــــــــــــرح وسرور حضرنه وجينه
وشلنه باقــــــــــــــــــــــات ورد بيدينه
عطر فــــــــــــــــــــــوّاح مسك شمينه
بيوم ميــــــــــــــــــلاد بنــــــت هادينه
أخت عبـــــــــاس هله بمقدمها انهني حيدر أبوها وامها
الفرحه داخل دارها شعشعت انوارها
ابمولد النور ولادة زينب
*****
جينه بشواگ حلـــــــــــــــــــــت لمتنه
وبتراتيل بــــــــــــــــــــــــــدت حفلتنه
بأسم زينب علـــــــــــــــــــــت فرحتنه
بالولاده وحلــــــــــــــــــــــــت جمعتنه
بصافي الگلوب حضرنه المولد وبســــــــم زينب بدينه انردد
ونجني من أثمارها شعشعت انوارها
ابمولد النور ولادة زينب
****
الفرحـــــــــــــــه هاليوم علت بالمولد
وأحله الاشعــــــــــــــــار إجينه انردد
هله بميلاد عزيـــــــــــــــــــــزة أحمد
ومخزن أسرار ابــــــــــــــوها الأمجد
رحمة الله تجلّـــــــــــت بيها ولــــــون سألت امم تنطيها
وبالخصوص انصارها شعشعت انوارها
ابمولد النور ولادة زينب
**
بلسم جــــــــــــــــــــروح شفه ذكراها
واني للمــــــــــــــــــــــوت فلا انساها
شعنــــــــــــدي حاجات اصيح انخاها
وما تردني ابــــــــــــــــــــــد حاشاها
لو صحت صوت جرت دمعاتي تطفي جمرات والم لوعاتي
هاي بعض اخبارها شعشعت أنوارها
ابمولد النور ولادة زينب
**
الحاضر وجـــــــــــــاي حضر محفلها
يلّه ويّــــــــــــــــــــــــاي يغالي اسألها
الگبتچ انريـــــــــــــــد نجي ونوصلها
بدعـــــــــــــــــــــوه منّچ يخت كافلها
مو چبيره عليچ الشاره ومنچ اليوم نريد بشاره
وننحسب خطارها شعشعت انوارها
ابمولد النور ولادة زينب
******
يلّه ويّـــــــــــــــــــــــاي يشيعي الليله
بصوتك وصيـــــــــــــح يرب ودعيله
يرجـــــــــــع ايعــــــــود علينه بحيله
وكــــــــــــــــــل المنه وهضمنه يزيله
بينه اشواگ إله اشتاگينه ربي عجّــــــــل فرج مهدينه
انريده يطلب ثارها شعشعت انوارها
ابمولد النور ولادة زينب

الشاعر
قاسم حتروش البلداوي
خادمكم
أسألكم الدعاء🤲🤲🤲🤲🤲


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

هوسات جنوبيه
لذكرى ولادة
بطلة كربلاء ورمز الأباء
السيده زينب الحوراء عليها السلام
.................
أبميلاد العقيله زينب الكبرى
نهديها التهاني الفاطمه الزهره
أو كلمن عنده حاجه و نبشره

ها ها
أبجاه الربك سماها
زينب محبوبة طه
كل حاجه التتمناها

ها ها  ( وبصاية زينب )
مكضيه وبصاية زينب
................
عقيلة آل هاشم أنعم أو أكرم
ما تنسى الحضر  هاليله واليخدم
جف الجود جفها الدومه ما يحجم

ها ها
أبهاي الليله الموعوده
فزعة زينب مشهوده
جفها الما يحجم جوده

ها ها ( عيديه )
ينطي الكل حاضر عيديه
................
خادم أهل البيت
الشاعر : أسماعيل الجوراني
الجمعه : 10/12/2021

https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

ولادة مولاتي فاطمة الزهراء عليها السلام

تفاحة الجنه. فاطمه فاطمه فاطمه
إلها نتعنه. فاطمه فاطمه فاطمه
==========
هاليله قنديل الفرح يرسملي جم صوره
صوره وحي اوصوره نبي وگلوب مسروره
هاليله عاجز كل شعر وابياته وابحوره
وجه الكمر ضي الكمر متحير بنوره
بالياس والحنه. فاطمه فاطمه فاطمه
إلها نتعنه. فاطمه فاطمه فاطمه
==========
عطر الورد إلها مشه وشايل عطر كاسه
يم فاطمه حته الورد شفته حِنَهْ براسه
كاس الفرح ليها ركض يتغنه بحساسه
هاليله طابت بالسهر بورود وبياسه
يهجرها هالوَنّهْ فاطمه فاطمه فاطمه
إلها نتعنه. فاطمه فاطمه فاطمه
==========
طير السعد شايل خبر واخبار بجناحه
للزهره كاصد بالفرح ناشرها افراحه
صوته الصدح غرد درر يامحله صداحه
بالبسمه مبتشره الارض بوجوه وضاحه
وبصوته يتغنه. فاطمه فاطمه فاطمه
إلها نتعنه. فاطمه فاطمه فاطمه
==========
ماظل بشر إلا وفرح والفرحه مطلوبه
اباب الطُهر كلمن كصد مقبوله هالتوبه
وجه الشرق نوره بعد مايعرف اغروبه
عيد وفرح كلشي ابتهج الافراح مكتوبه
هاليله نتهنّه فاطمه فاطمه فاطمه
إلها نتعنه. فاطمه فاطمه فاطمه
==========
كلمن حظر شايل ورد والناس فرحانه
لازم يجدد بيعته للزهره ويانه
باجر ذخر يوم الحشر والبسمه عنوانه
صورها باريها العلي بالقدره سبحانه
نخدمها نتمنه. فاطمه فاطمه فاطمه
إلها نتعنه. فاطمه فاطمه فاطمه
==========
تمت ولله الحمد/ المقصر مع الحسين
✍ علي النائلي

https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

مولد الزهراء ع

صلوات صلوات .. علينه هلت فاطمه
صلوات صلوات .. علينه هلت فاطمه
@@@
هلا بالشمس المضيه .. ريحة الجنه العليه
هلا بالبضعه الزچيه .. نور انوار العلا
عيد بالامه تجدد .. والفرح بيها تخلد
كوثر الهادي محمد .. بضعته لمدلله
…
بلمهاد بلمهاد .. جنة وتگمطها السمه
صلوات صلوات .. علينه هلت فاطمه
@@@
نور من الله لعباده .. نزلت وجات السعاده
امباركه هاي الولاده .. ابطيبها طاب الهوه جات مشكاة الموده .. والحزن راح وتبده
بنور ريحان المفدّه .. فتح اعيونه الضوه
…
بلايات بلايات .. الحور نزلت باسمه
صلوات صلوات .. علينه هلت فاطمه
@@@
بيها تتغنه الجلاله .. ريحة الهادي وجماله
تشبه حتى بخصاله .. باب ابواب الفرج
سيدت كل البريه .. مهجة الباري ونبيه
والوديعه والوصيه .. وحجة الله عالحجج
…
رضا الله رضا الله .. ونجدتنه منّ الحاطمه
صلوات صلوات .. علينه هلت فاطمه
@@@
دوحة الهادي فرعها .. الله باجلاله رفعها
فاز من حَبها وتبعها .. وبالحشر اعظم امل
ابصدر طه گمرها .. لله هادينه نذرها
والايمه من ثمرها .. حي على خير العمل
…
للطهار للطهار .. أم الزچيه العالمه
صلوات صلوات .. علينه هلت فاطمه
@@@
علي احمد الحمود
٢٠-١-٢٠٢٢


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

هوسات جنوبيه
لذكرى ولادة
السيده فاطمة الزهراء
سيدة نساء العالمين عليها السلام
.................
أستبشرت دار النبوه
أبمولد الزهره البتول
دمعه نزلت من خديجه
أو دمعه من عين الرسول
وحنه هاي الليله أجينه
أنعاود العاده أو نكول

ها ها
يا بو القاسم والزهره
منك نطلبها البشره
كل صاحب شده أتحضره

ها ها ( و تزكينه )
بالمحشر كون أتزكينه
................

أبيوم ميلاد الزجيه
أم أبيها فاطمه
الشيعه حلال المشاكل
طشت أو بالغانمه
كامت أتمني نفسها
أو ترجه حسن الخاتمه

ها ها
أبهاي الليله الميمونه
الخلاكم نصب أعيونه
يهل البيت أتحضرونه

ها ها ( أتبشرونه )
وبصك الجنه أتبشرونه
..............
خادم أهل البيت
الشاعر : أسماعيل الجوراني
السبت : 22/1/2022


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

ابوذيات مولد الزهراء

ربنه الكون باياته يزهره
وجميل الدوح من دوحه يزهره
اجينالچ على المولد يزهره
نهني انريد من چفچ هديه
@@@
علت لجنان من فاطم سلّمها
يزاير يثرب الفاطم سلمها
انا معادي اليعاديها وسلمها
التسالم بضعة الهادي الزچيه
@@@
يناوي الطيب للزهره ورمها
جروح الشوگ بلسمها ورمها
دعوف الحاقده يكبر ورمها
وقيم افراح ميلاد الزچيه
@@@
حمام الدوح لو ونّت وانا ونته
نعيش احباب بالمولد وانا ونته
نوالي ابفرحة الزهره وانا ونته
نوايه الطيب بالفرحه المسيه
@@@
يحنانة حزن سمعي چفي حنچ
بعجينة حنة المولد چفي حنچ
بحنانچ فاطمه الزهره چفي حنچ
تگضي حاجتي وتلطف عليه
@@@
قلوب الشوق هالتعبت فرحها
يسعد الهلهل ابفاطم فرحها
يشيعي المحفل الليله فرحها
ولولش بالفرح لجل بالزچيه
@@@
خذيت ورود تزهي منجنانك
وشفت شعرك عذوبه منجنانك
تسودنت ابمحبتك من جنانك
يمن جنيت في حب الزچيه
@@@

علي الحمود
مولد الزهراء

https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

مولد
لذكرى ولادة
الصديقة الطاهره مولاتنا
فاطمة الزهراء البتول عليها السلام
..............
آيات السعاده  الليله محلاها
أبمولد فاطمه روح النبي طه
..............
1
با آيات السعاده أنهلي بالجانه
يا مية هلا به أبمحفل أخوانه
واحدنه يكوم أيكعده بمجانه
والثاني أعله راسه بوسه خلاها
..............
2
يا محلا السعاده أبمولد الزهره
كل خطوه أبهلا والمهجه مبتشره
ببخور المحافل كلها متبخره
وبعطر الولاده تزهي دنياها
..............
3
فرحتها جبيره أبجدة الساده
أو كالعاده تعود أتعاود العاده
20 أبجمادي الأخرى بزياده
للزهره تجدد بيعه فحواها
..............
4

أبمولد فاطمه تفاحة الجنه
أرباب المحافل كلها تتمنه
مولاها أبو صالح مبتشر سنه
وبصدر المحافل كاعد وياها
.............
5
أبهاليله العظيمه أنولدت الكوثر
وبدار النبي نور الولاده أزهر
أفرح يا محمد شانئك أبتر
من رب الجلاله رحمه معناها
.............
6
هاليله خديجه تحتضن بتها
أو مرسومه أبتسامه أبمحيا  شفتها
باستها أعله خدها أبالهفه حضنتها
وبحب الأمومه تسند أكفاها
.............
7
من ساق العرش راضيه مرضيه
حوريه أم حسن وبهيئة أنسيه
من يوم الولاده أو هيه شيعيه
باريها أجتباها أو رحمه خلاها
..............
8
الله أنطاها ميزه الأولى خلتها
متعلمه أو عليمه من ولادتها
العفه و الشرف جلاب شيلتها
أو تسبيحة ذكرها بيها زكاها
.............
9
حجه فاطمه والحجه مذخوره
ولهذا السبب بالصوت والصوره
هاليله المحافل كلها معموره
أبمولد فاطمه أو تترجه مرضاها
..............
خادم أهل البيت
الشاعر : أسماعيل الجوراني
الأحد : 23/1/2022

https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

صلوات الله على الكوثر
صلوات الله على الكوثر
___

زهراءُ بِها اللهُ تَباها
مِن ثمرِ الجنّةِ فَحواها
لِمُحمّدِهِ قَد اعطاها
فَهوى يسجُدُ شُكرا طٓه

فرِحا مَسرورا واستبشر
صلوات الله على الكوثر
____

مِشكاةُ النورِ بِوجنتِها
هيبةُ قُدًوسٍ هيبتُها
تُفاحةُ عدنٍ مَنبتُها
آياتُ الحُسنِ بِصورتِها

الأرضُ بِها حقٌ تَفخر
صلوات الله على الكوثر
____

وُلِدت علياءُ العلياءُ
فاقَت شمسُ اللهِ ضياءُ
بَسمتِها للهادي دَواءُ
فاطِمُ والقرآن سَواءُ

جاحِدُها مَنبوذٌ احقر
صلوات الله على الكوثر
____

وُلِدتٰ صلى اللهُ عليها
هَوتِ الاملاكُ تُناغيها
افواجٌ مِنها وَ أليها
تَسجُدُ تَركُعُ بينَ يديها

قُربانٌ للخدِّ الازهر
صلوات الله على الكوثر
____

في حِجرِ خَديجةُ تتلالا
إشراقَةُ عِزٌّ وَجلالا
عِطرَُ فوّاحٌ . وَزُلالا
فيها قالَ اللهُ تعالى

انا اعطيناك الكوثر
صلوات الله على الكوثر
____

يَحمِلها الهادي مَسرورا
نورَُ بينَ يديهِ نورا
قَبّلها . والقُبلةُ طَورا
يَحسِبها حجَُ مَبرورا

وَيشِمُّ المِسكَ مِن المنحر
صلوات الله على الكوثر
____

يَنظُرُها وَالبَهجةُ تعلو
فيها قالَ . وقولاََ فصلُ
إن شِئتُم للهِ تَصِلو
لاسمِ الزهراءِ اذنٰ صلّو

تُنجيكُم في يومِ المحشر
صلوات الله على الكوثر
____

صلّو في ميلادِ الزهرا
ذِكراها فَرحتُنا الكبرى
ننثِر وردا نُنُشِدُ شِعرا
علناََ نُحييها لا سرّا

رَغما عن شانِئِها الابتر
صلوات الله على الكوثر
____

ابو فاطمة الطائي


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

للزهراء (ع)
خَـبَـر مولـدها مُـفـرِح شاعلينه ( شياع )
و نِـحِـس النــور منها شاعلينه ( شع )
انجـمعـنه وشمع ليـها شاعلينه ( شعلة )
وكَـلـب وعيون نهديها الزجـيّـه
* * ***
بــزغ نـــــــور الـزجـيّـه بانَـلـيـنه ( بان )
و وحي الاحساس بـشّـر بانَـلـينه ( بأن لينه )
اقـصــــور ابـجَـنّـتـه الله بانـلـينه ( باني )
لأن اكَـلوبـنه تـدكَـ فاطـمـيّــــــــه
* * ***
حُـبْ الـزهـره بالفـطـره هَـيَـمـنَه ( هيام)
نطيح بـضـيـج نلـكَـاها هـيَـمـنه ( يمنه )
حـنـيـنه وأم أئـمـتـــنه هـيـمـنه ( أمنه)
رضاها انريده وهيّه الرضيّـه
* * ***
لخادم خدام الزهراء
حسام الناصري


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

هوسات لميلاد الزهراء سلام الله عليها

🌷🌷🌷🌷🌷🌷🌷🌷🌷🌷🌷

هلا ابميلاد زهرتنه هلا بالنور المعدل
هلا يل گلبي غيرچ دوم لا يعرف ولا يندل
الچ فرحان هالليله يهوس راد بالمحفل

امبارك والف امبارك عيدچ يم احسين

🌷🌷🌷🌷🌷🌷🌷🌷🌷🌷🌷

ابتر شانئك مولاي موش انته الذي ابتر
الله اشلون صوغه انطاك خله اعداك تتحسر
كوثر الله سماها بعد شتريد منه اكثر

انيالك بيها انياك .. هاي الزهره اعليك اتلوگ

🌷🌷🌷🌷🌷🌷🌷🌷🌷🌷🌷

لا گمره المثل خدها ولا شمس السمه التضوي
على الفطره عشگناها والها اگلوبنه تهوي
انعيد يوم مولدها وهلاهلنه غدت تدوي

هيبه احروفج هيبه . يامن وجهج جنه العيد

🌷🌷🌷🌷🌷🌷🌷🌷🌷🌷🌷

فَرحت شيعتچ هليوم تسوه الدنيه والبيها
يمن كل الخلگ يرحون فدوات المعانيها
اميره انتي على النسوان اولها او تواليها

مريم وامها المريم صارن عندج خدامات

🌷🌷🌷🌷🌷🌷🌷🌷🌷🌷🌷

الله ابليلة الاسراء خطار اعتبر طاها
قدمله هديه ايريد بيها الضيف يتباها
تفاحه اصلها ايكون مو من طين سواها

فاطم صارت فاطم .. جنه او نزلت عل تربان

🌷🌷🌷🌷🌷🌷🌷🌷🌷🌷

الليله ابمولد الزهراء مامش نفس مهمومه
اليفرح ليها هاذه اليوم كل اذنوبه مهدومه
باچر بالحشر يوگف بيضه او ترصع اهدومه

ايفاخر حگه ايفاخر چي محسوب اعله الزهراء

🌷🌷🌷🌷🌷🌷🌷🌷🌷🌷🌷

ابو فاطمة الطائي


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

للهادي والباقر فرحه زهيه
بالمولد الميمون عيد المسيه
@@@
هالليله عدنه عيد والكون مسرور
ومحفلنه بالافراح ماسده ناطور
يستاهل التبريك وانصفله طابور
وعالباب مزحومين نطلب هديه
@@@
بالباقر وهادي عترة نبينه
لبسنه اللباس اجديد لمن اجينه
وينشد حلو الرادود يقره علينه
وانصفگ بأبيات شعره القويه
@@@
موعد حفل اسياد بالروح مكتوب
وملبسنه صار اجديد ومعطر الثوب
هذا الحفل يا ناس بالجنه محسوب
وبيه الأجر ينطون الله ونبيه
@@@
الهادي والباقر نجمين وانوار
وبيهم حفلنه ايصير متروس بابرار
يحضروا بني الزهرا هالساده لطهار
وطه بعد موجود ويه وصيه
@@@
نتبارك ابكلشي ينطونه بالذات
واتشافي كل معلول حتى الحلاوات
ينثروها فوگ الروس ويه الصلاوات
حلاوه والمشموم نثروا سويه
@@@
محله الحفل فقرات كل فقره فرحه
والي حضر مجروح مسعوف جرحه
بس شارك ويالناس لاتنام وصحه
هذا الحفل منظور من الزچيه
@@@
علي احمد الحمود
٣١-١-٢٠٢٢
مولد الهادي والباقر ع


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

ولادة السيده فاطمة الزهراء ع



نور الهدايه...ضوّه البرايه
هاي الشفيعه فاطمه الحبيتهه
...........

ياروحي فرحانه.... وهلليله سهرانه
بمولد الزهره ام الحسن محله التهاني
شايل ورد بيدي...ولاغي مواعيدي
وللمحفل اليوم الكلب هوه الخذاني
بالفرحه اتشارك...خادم واتبارك
ملينه من كد الحزن بس يازماني
كوثرنه شع نوره...ونور المعموره
كل الهله بهل جيه بيهه الخير اجاني

خير وسعاده...بهاي الولاده
روحي ونجاتي ودنيتي سميتهه
هاي الشفيعه فاطمه الحبيتهه
...............

بشواكي متعني..هل فرح شاغلني
والناس حولي تجمعت مسروره الكلوب
واصوات تتعاله...تهني النبي واله
اشرق علينه نور فاطم ضوه الدروب
بشفافهم بسمه..ورددو هل كلمه
يافاطمه اسمج تره من الله مهيوب
والخلك منتضره ..يامحله هل بشره
هلليله بسمج تنمحي يالزهره الذنوب

بشوكي وغرامه... ابعث سلامي
لم الحسن وسط الگلب خليتهه
هاي الشفيعه فاطمه الحبيتهه
...................

اليله لمّتنه...الفرحه جمعتنه
بالدنيه كلشي مبتشر بس اليضدنه
مايفرح ويانه...بلا سبب عادانه
خلي بغيظه شما يسوي مايهمنه
امثال ضربوها...والناس كالوها
الما يريدك لاتريده ابتعد عنه
المايعرف الكوثر...مايوصل الحيدر
بيده ولينه الماي ويشربنه منه

بيها السلامه..هاي الامامه
من زغري هل خدمه انه تمنيته
هاي الشفيعه فاطمه الحبيتهه
...................

ونصيح كل مره ...يافاطمه الزهره
يارحمة الله الواسعه يمنه الحنينه
انتي الأمل انتي.. وبالروح هل عشتي
خيمه جبيره وكل وكت فيج علينه
نقسم وحك حيدر... وهل قسم يتكرر
الحد الممات بخدمتج هذا سعينه
يافاطمه الزهره.. حبج عله الفطره
ونبصملج الهذا العشك بثنين ادينه

يم المحنه.. خدامج احنه
تقبلني كل خادم يكول وريتهه
هاي الشفيعه فاطمه الحبيتهه


محمد هادي العقابي



https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

مولد
لمديح وموالاة سيد الوصيين أمير المؤمنين علي أبن أبي طالب عليه السلام
........................
شيعي أو موالي .. طول الليالي
بس حب علي علي .. تارس خيالي
 .......................
حبه شِجَاني .. شاغل كياني
أبداعي الأماني .. ألهج تراني
لو خيروني .. لو هددوني
ينكص لساني .. أوتعمه عيوني
أخصم جدالي ..طول الليالي
بس حب علي علي .. تارس خيالي
 .......................
الما يدري خَله .. يسمعني اكله
حيدر أجله .. وبـغيره خِله
حبه جنوني .. هيج شجوني
يعني غزاني .. أوبدد ظنوني
هدالي بالي .. طول الليالي
بس حب علي علي .. تارس خيالي
 ......................
داعي السلامه .. روح الأمامه
مولا اليتامه .. شدني غرامه
حد المنوني .. ياروحي هوني
شمع الصواني ..أبميلاده كوني
خليني أعالي .. طول الليالي
بس حب علي علي .. تارس خيالي
 ......................
أنشر صحيفه .. أبنيه شريفه
حيدر خليفه .. الله حليفه
والصنفوني .. حاقد دروني
أبعمر الثواني .. دم أبسنوني
ذولي السحالي .. طول الليالي
بس حب علي علي .. تارس خيالي
 ....................
ياروحي طيبي .. ربي رقيبي
أفخر حبيبي .. شيعي نصيبي
والخاصموني ..  والكفوروني
منهم شعاني .. ماغيروني
ماغيره غالي .. طول الليالي
بس حب علي علي .. تارس خيالي
 ......................
مولى البرايه .. راعي الوصايه
أبهايه أويه هايه .. أرفعله رايه
والضيعوني .. أبذروة سكوني
واضح مكاني .. أبحيدر لكوني
سامي المعالي .. طول الليالي
بس حب علي علي .. تارس خيالي
 ......................
خادم أهل البيت
الشاعر : أسماعيل الجوراني
السبت: 25/4/2015


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

هالليلة ميلادك يوالينه
يانعمة الله وتمت إعلينه
ياوالد السبطين/ياأبالحسن وحسين
يانعمة الله وتمت إعلينه
☆☆☆☆☆☆☆☆☆☆☆☆☆
الثالث عشر نورك سطع مولانه
نتغازل بحبك علي خلانه
كل شيعتك ياأبالحسن فرحانه
وبسمك نصيح ونقهر العادانه

عالي أنته من الباري ياحيدر
در وذهب سواك ياجوهر
كل البشر من طين/ياأبالحسن وحسين
يانعمة الله وتمت إعلينه
☆☆☆☆☆
هالليلة بسمك ياعلي محلاها
يل صورتك سبحان من سواها
بيك السفينه ياعلي مجراها
من كل سفن أسرعهن أبممشاها

نتمنى باچر ياعلي نشوفك
يوم القيامه ونلمس چفوفك
وأنقبل الخدين/ياأبالحسن وحسين
يانعمة الله وتمت إعلينه
☆☆☆☆☆
بميلادك الكعبة الشريفه أنشقت
وأتزلزلت ياأبالحسن وأهتزت
وأمك يحيدر عالنساء أفتخرت
موحگها يل مثلك فحل ماولدت

موجود ليهسه الأثر بعده
شوكه وبقه بعيون إلي ضده
غصبن على الباغين/ياأبالحسن وحسين
يانعمة الله وتمت إعلينه
☆☆☆☆☆
ياواحد وماگدروا أيحسبونك
مابي طعم صوت الآذان بدونك
لا ماأظنهم ياعلي يعرفونك
لو يعرفونك والله مينكرونك

وإلي ينكرك خل يرد لأمه
وخلي يددق بالسجل أسمه
أنته أصول الدين/ياأبالحسن وحسين
يانعمة الله وتمت إعلينه
☆☆☆☆☆
بگد العّلي نحبك علي تدرينه
والما يحبك أحنه بي شعلينه
تتشابگ إيدك باچر إبأيدينه
وأعله السراط أنته الذي تمشينه

نرفع الهامه بزودك ونمشي
ياأبالحسن منخاف من كلشي
وبالجنه ألك نهرين/ياأبالحسن وحسين
يانعمة الله وتمت إعلينه
☆☆☆☆☆
أحنه يحيدر حظنه بيك أشكبره
هنيال من يمك يحصّل متره
يختلف كلمن نام عندك عطره
چي لنك بوكت المنية تحضره

والعنده صك أمن الوصي حيدر
گولوله مايگرب إله منكر
ويفوز بالدارين/ياأبالحسن وحسين
يانعمة الله وتمت إعلينه
☆☆☆☆☆☆☆☆☆☆☆☆☆
الشاعر ( أسعد قاسم الكريعاوي )


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة