هوسات معصومه

1
اذا تشعر بضيج وروح مالومه
بس ارفع ايديك وصيح معصومه
يگضيلك الحاجه بساعته ويومه
بارينه ميأخر الحاجه
2

بت الكاظم المهيوبه تدريها
هاي اخت الرضا الحاجات تگضيها
معصومه بديك الحاجه تنطيها
حلفها بچفوف الكافل
3

للحاجات باب والله اوجدها
متأخر الحاجه وابد متردها
معصومه بخيته ومثل والدها
والدها علمها الشمره
4

اگصدها بطلب والعين خل تدمع
لتگلي بعيده وخاف ماتسمع
اطلبها للحاجه وتاخذ مربع
تگضيها للحاجه وتفرح


ابوذيتان
1

بخت عالي اكو يوجد بخت هم
الكاظم واهله بالقمه بختهم
احلف الرضا والقاسم بختهم
الشفاعه وعالسراط انمر سويه


الف هنياله ليعمق صلاته
بآل النبي ومايترك صلاته
الشفاعه اينول من عله صلاته
على المختار وبهاي المسيه


شاعر اهل البيت (ع)
رياض الرسل الجابري


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

أبيات أبو ذيه
في مديح السيده
فاطمه المعصومه عليها السلام
................
يد لها
هاي الجعفر الصادق يد لها
وبوها موسى عالزينه يد لها
أذا عندك طلب أبسط يد لها
ترى المعصومه بالعازه تجيه
................
قم قم
سويه أنروح للميلاد قم قم
شمس علويه ضوت أرض قم قم
أو تره أثخان الدلال أبدون قم قم
الجهب فنجانها أيجامل خويه
..............
خادم أهل البيت
الشاعر أسماعيل الجوراني
السبت : 12/6/2021
.................
1. يد لها : جدها
2. يد لها : يرشدها
3. يد لها : كف اليد
................
1. قم قم : أنهض
2. قم قم : قم المقدسه
3. قم قم : الكم كم الدله الكبيره بين دلال القهوه


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

ولادة السيده فاطمه المعصومه (ع)


معصومه
هالليله سجليها الاسامي

1
معصومه لحظة مولدج
اتنظرين جان ومقصدج
يعني تعال الوالدج
خليني بحضانك

يابويه خل اشتم عطر
صدرك وخليني ابتشر
احضني ماضلي صبر
معصومه قربانك

بميلادي واعيادي خليني اضمك
يالغالي وآمالي من صدرك اضمك

انظرلك
هم والد انته وهم امامي
معصومه
هالليله سجليها الاسامي
2

باب الحوايج صرت الي
معصومه ياجنة هلي
ارد انه احلفج بعلي
كل حاجه تگضيها

يالحبج احله من الشهد
معصومه كاتبلج عهد
ماعوفج انه وللابد
والخدمه قبليها

معصومه مرسومه هالفرحه علينه
هالليله حاجتنه ناخذها بدينه

ابعثلج
يالغاليه شوگي وسلامي
معصومه
هالليله سجليها الاسامي

3

باب الحوايج للبشر
معصومه صرتي بكل فخر
واليوم من عندج اثر
نطلب يمعصومه

ترضين عن هاي الخدم
أنحلفج ابراعي العلم
عباس وبذيج الخيم
والمشت مظلومه

عباسج انفاسج بجفوفه نحلفج
معصومه للحاجه تگضيها نعرفج

والمثلي
متأكد وتسمع كلامي
معصومه
هالليله سجليها الاسامي

4

معصومه مولدها انتشر
عالعالم وطش الخبر
مولدج سر المنتظر
والفرحه بشفافه

ياربي عجل للولي
بجاهك يحيدر يا علي
ياريت انه وكل هلي
يشملنه بلطافه

بشفافه والطافه يشملنه بحنانه
والفرحه من يظهر ويرفرف لوانه

للمولى
ارد ارسل اشواگي وهيامي
معصومه
هالليله سجليها الاسامي



شاعر اهل البيت (ع)
رياض الرسل الجابري



https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

هوسات جنوبيه
لذكرى ولادة الأمام الضامن
علي أبن موسى الرضا عليه السلام
................
الليله مشهد بحلا مشهد والمشاهد شاهده
الشيعه فرحانه أبرضاها أو بالولاده أتعاهده
نقسم أبجدك محمد والحسين أو مرقده

ها ها
يبن الزهره أم الساده
أبذكرى المولد وعياده
كالعاده أنعود العاده
كالعاده أنعود العاده

ها ها ( أنعليها )
ها ها ( أنعليها )
ها ها ( أنعليها )
رايات المهدي أنعليها
...................
دكيت باب الرضا الما يرد خادمه
يا حاضر النايبه يا بن علي أو فاطمه
بهوال يوم الحشر لو طالت القائمه
من شاربك أرتجي فزعه أبحسن خاتمه

ها ها
أندب بسمه أو أتكنه
كونه الظامن للجنه
لو صارت حنه أو رنه

ها ها ( أينجيني )
من سوء أفعالي أينجيني
..................
خادم أهل البيت
الشاعر : أسماعيل الجوراني
السبت : 19/6/2021

https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

هوسات مولد الرضا (ع)
~
يعاذل روح عني وخلّـك ابعيد
أنا الليلة بسرور و روحي ابعيد
الكَلب ينبض تهاني بفرحه ايعيد
و لموسى يقدّم ... افراحه
* * *
المدينة الليلة شعّـت تزهي أنوار
بـمـيــــــلاد الرضا طشّـتله ازهار
انولد معصوم من معصوم وأطهار
و طشّـت افراح ...بميلاده
* * *
اذا مهموم كَـلبك و أبد مامرتاح
والاحزان متفصله عليك وشاح
ما مسدوده بابـك بيدك المفتاح
بس اكَصد ... سلطان الشيعة
* * ****
سلطان النفوس الليله ميلاده
و كل كَلوبنه للحضرة كَصّاده
كل جف الـنِـمِدّه رايد مراده
كل حاجة ... الضامن يكَـضيهه
* * ***
لخادمكم / حسام الناصري
ونسألكم الدعاء


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

هوسات جنوبيه
في ذكرى ولادة وحب ومديح
الأمام موسى أبن جعفر عليه السلام
.................
أجيتك باسط أيدي أو دمعتي أبخدي
أو حيلي الباجي بيه مني متبدي
نخر عظمي المرض والهم مرد جبدي
أو يا موسى أبن جعفر غيرك أشعندي

ها ها
يا بحر أو محد فاجك
صاحب عله أو محتاجك
رايد ذره أمن أعلاجك
رايد ذره أمن أعلاجك

ها ها ( خاجيته )
وبابك فارش خاجيته


....................
ياباب الحوايج موسى أبن جعفر
واجب كل هنيه منك أتشكر
ما ضاكت علي أله أو ألي تحضر

ها ها
كل ما يدوهن ظرفي
مولاي أتهد وتوفي
وبجفوفك تاخذ جفي
وبجفوفك تاخذ جفي

ها ها ( تحضرني )
بالمحشر  رايد تحضرني
.................
يوم 17 ذو القعده من كل عام
بولادة الكاظم من قلب محتام
أهني أبوجه الأبيض معشر الخدام

ها ها
يهل النيه المشكوره
أبكل أرجاء المعموره
دعوات أبصوت أو صوره
دعوات أبصوت أو صوره

ها ها ( مقبوله )
وبجاه الكاظم مقبوله
.................
خادم أهل البيت
الشاعر : أسماعيل الجوراني
الأحد : 27/6/2021


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

#تاج_الولايه_يوم_الغدير

استمع هاي الروايه  ـــــ علي تاج الكل ولايه
نصبه الباري اميــر  ـــــ علي فرحة كل فقير
علي تاج الكل ولايه ـــــ  علي تاج الكل ولايه
ــــــــــــــــــــــــــــــــــــــــــــــــــــــــــــــــــــــــــــــ
الف مبروك يشيعه   اليوم نرفعها التهاني
نثرو اورد المحبه      تحققت كل الاماني
الباري اختاره خليفه  وغيره لا ماحصل ثاني

العلي نزلـهـا ايه ــــــ حيدر اول كل بدايه
هوه للدين المصير ـــ علي فرحة كل فقير
عــلــي تـــاج الــــــكــــــل ولايـــــــــه
    ــــــــــــــــــ ❃ ❃ ❃ ــــــــــــــــ
نصبه الطه ابئيده    وكال حيدركم  ولي
والعلي اختاره الكم   يصـبح لديـنه عـلي
يالله افرح ياموالي  اليوم ديـنك يعـتلي

اليوم تم الكم الدين ــــ بيد حيدر ابو حسين
مايصح غيــره يصير ـــ علي فرحة كل فقير
عــلـــي تـــاج الـــــكـــــل ولايـــــــــه
    ــــــــــــــــــ ❃ ❃ ❃ ــــــــــــــــ
علي سـر اسـرار ربـك    علـي لا ماينوصف
احتار كلمن راد وصفه  حير اكباله الوصف
علي سوره وعلي ايه   يذكر بكـل الصحف

علي ابواب الجنان ـــ شيعته كلها بامان
علي الاول والاخير ـــ علي فرحة كل فقير
عــلـــي تـــــاج الـــكــــل ولايـــــــه
   ــــــــــــــــــ ❃ ❃ ❃ ــــــــــــــــ
المايحبك هايـحـدر    هاذ شـله بدنـيته
بكل يقين المايحبك  انطرد من رحمته
المايذكرك بالولايه   بعيده تصبح جنته

حيدر يختمه الجواز ــ واليحبه هاذه فاز
واليـحبه لا يحيــر ـــ علي فرحة كل فقير
عــــلــــي تـــــاج الـــــــكـــــل ولايــــــه
   ــــــــــــــــــ ❃ ❃ ❃ ــــــــــــــــ
اسم حيدر بيه صفات  يخوف الما يهتدي
وسيفه للسلام صاير   شطر كلمن معتدي
وهدم الاصنام بيده    بسمه دينك يبتدي

بير زمزم ياعلي ــــــ يمك الهم ينجلي
ملك كاعد عالحصير ــــ علي فرحة كل فقير
عـــلــــي تـــــاج الــــــكــــل ولايـــــه
ــــــــــــــــــــــــــــــــــــــــــــــــــــــــــــــــــــــــــــــ
      الخادم الحسيني
 (محمد رحيم المشعلاوي)


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

بسم الله الرحمن الرحيم

قصيده افراح عن عيد الغدير

🌷🌷🌷🌷🌷🌷🌷🌷🌷🌷🌷🌷
اليوم بامر الله علي اصبح امير
وبلغ المختار في يوم الغدير

كلهه فرحانه كلهه فرحانه كلهه فرحانه
علي مولانه علي مولانه علي مولانه

🌷🌷🌷🌷🌷🌷🌷🌷🌷🌷🌷🌷
ردنه يمك ياعلي بعيد الغدير
نرفع الرايات ويصيح الضمير
نجدد البيعه اجينه يالامير
احبابك احنه وهذا عيد الله الجبير

ارض وسمه فرحانه
يابا الحسن ويانه

انته رجوانه انته رجوانه انته رجوانه
علي مولانه علي مولانه علي مولانه

🌷🌷🌷🌷🌷🌷🌷🌷🌷🌷🌷🌷
اليوم بامر الله علي اصبح امير
وبلغ المختار في يوم الغدير
🌷🌷🌷🌷🌷🌷🌷🌷🌷🌷🌷🌷

يا ابو الحسنين ياحامي الحمه
بيك تتباهه ملائكة السمه
خلافك الدنيه يحيدر مظلمه
انته نورك ياعلي اعظم مكرمة

انته نور العين
يا ابو السبطين

نجلت احزانه نجلت حزانه نجلت احزانه
علي مولانه علي مولانه علي مولانه

🌷🌷🌷🌷🌷🌷🌷🌷🌷🌷🌷🌷
اليوم بامر الله علي اصبح امير
وبلغ المختار في يوم الغدير
🌷🌷🌷🌷🌷🌷🌷🌷🌷🌷🌷🌷

يا ابا الحسنين يا حيدر علي
يا ولي الله يا نعم الولي
اليوم فرحانين كل ربعي وهلي
والهموم اليوم كلها تنحلي

يا ابو الحسنين
بيك متباهين

حلت دنيانه حلت دنيانه حلت دنيانه
علي مولانه علي مولانه علي مولانه

🌷🌷🌷🌷🌷🌷🌷🌷🌷🌷🌷🌷
اليوم بامر الله علي اصبح امير
وبلغ المختار في يوم الغدير
🌷🌷🌷🌷🌷🌷🌷🌷🌷🌷🌷🌷

تكمل الإفراح ويه ابن البتول
القائم المهدي ابن فحل الفحول
خاتم اهل البيت من ال الرسول
بيوم تنصيب الولي كل هم يزول

ليش غايب يا حريمه
انته فوك الشيعه خيمه

انته عنوانه انته عنوانه انته عنوانه
عاي مولانه علي مولانه علي مولانه

🌷🌷🌷🌷🌷🌷🌷🌷🌷🌷🌷🌷
اليوم بامر الله علي اصبح امير
وبلغ المختار في يوم الغدير
🌷🌷🌷🌷🌷🌷🌷🌷🌷🌷🌷🌷

خادم صاحب الزمان 🌷محمود المرشدي

https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

هوسات جنوبيه
لذكرى بيعة عيد الغدير الأغر وتنصيب أمير المؤمنين علي عليه السلام خليفة للمسلمين
....................
رجع عيد الغدير أو أحنه عالعاده
رجعنه أنعايدك يا والد الساده
كلمن باسط أيده أو يطلب أمراده
ها ها
يا حيدر يا والينه
أبيوم البيعه أتعنينه
كلمن باسط جفينه
كلمن باسط جفينه

ها ها ( فد  جف خالي )
حاشاك أترد فد جف خالي
..................
رغم داء الكرونا أو شدة أللامه
أبفجر عيد الغدير أو لذة أيامه
أجينه أنبايعك برواح محتامه
ها ها
نصدح بالصوت العالي
يا بو الحسنين الغالي
منبايع غيرك  والي

ها ها ( طك أبطك )
للكل نحجيها طك أبطك
....................
يوم أبو القاسم محمد
شال جفه جف علي
رتلت كل الخلايك
أكرم أو نعمه الولي
مدد يا صاحب البيعه
البي الشده تنجلي
ها ها
وحنه اليوم أبتنصيبه
نتذكر فضله أو طيبه
أنهني الطول بالغيبه

ها ها ( و نعليها )
صفكات الفرحه أنعليها
....................
أحجايه طك أبطك أطكها
وحجي بالخط العريض
يالتضد حيدر أمامي
أنته من ساسك مريض
بالوراثه الحقد عندك
والعكس هوه النقيض
ها ها
الفارق بينك ما بيني
حيدر أدب تلقيني
أو تلقينك أنته أشطيني

ها ها ( واليحكم )
كلمن ناموسه واليحكم
....................
خادم أهل البيت
الشاعر : أسماعيل الجوراني
الأربعاء : 5/8/2020


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

عاهدناك/علي علي
بايعناك/ علي  علي
★★★★★★★★★★★
شيعه وأنحبك/وبدربك/نمشي ياعلي
أي وحگ  ربك/ننتخبك/يانعم  الولي
نبصم بدمنه/وميهمنه/حچي العاذلي
فايزين  أحنه/ والضدنه/باچر  يبتلي
أحنه وياك/علي علي
بايعناك /  علي  علي
★★★★
احنه والينه/وأنطينيه/الحيدرنه عهد
وما  يكفينه / شنطينه /ونهديله  بعد
للنجف نگصد / ونعّيد /  ونقدم  ورد
يمك أنردد/  بالمرقد /  ياحيدر   مدد
وإندبناك/علي علي
بايعناك /علي  علي
★★★★
تحلى هالبيعه/ياشيعه/بس الحيدره
أمرك أنطيعه/منضيعه/هاي  المفخره
البايعك  حيدر/ مايخسر/دنيا وآخره
وبعلي  نفخر /بالمحشر /مانلزم سره
عايدناك/علي علي
بايعناك/علي  علي
★★★★
والرفع   چفك / إيعرفك  /گدها   يابطل
شاهده بطرفك/ظل خلفك/ذاكه الماقبل
أنته  مو  رابع  /  يا قالع / خيبر  يافحل
وأنته  يالسامع/شتبايع /گول أبلا خجل
ناديناك/علي علي
بايعناك/علي علي
★★★★
كل  غديريه/ ثوريه /عند  الرافضه
ثوره شيعيه/قدسيه/بسم للمرتضه
أحنه نحييها/نخليها/بعين اليبغضه
واليشك  بيها/وينفيها /هذا نرفضه
ضد أعداك/علي علي
بايعناك /  علي  علي
★★★★
ياعلي أحبابك/وأصحابك/أحنه للحشر
فدوه   لترابك / وأبابك /رخصنه العمر
ياعلي  عبدك/ وآنِشدك / عندي هالخبر
أندفن  عندك / وبسدك / يصبح لي گبر
آنه أنخاك/علي علي
بايعناك / علي  علي
★★★★★★★★★★★★
الشاعر(أسعد قاسم الكريعاوي)


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

(فليشهد الغرام...ياسادة الكلام)
(بايعتُ خيرَ الناسِ في الغَديري)
(أشْـــــــــــــهَدُ أنَّ حَيـدراً أميري)
........
يا طريق الشـــــوگ بي دايم مسيري
اليوم تعلگ روحي بي شمعة غديري
اليوم اسجل مـوقفي بدفتر مصيري
أشـــــــــهد أن عـــــــلي دوما أميري

(رَدَدتُ مايلي...خَليفَتي علي)
(أَمَنْتُ فيها أيةُ المصيري)
(أشـــهدُ أنَّ حَيدراً أميري)
...........
أليوم هايج عشگي مابين الخلاية
وياكم أعـلن فرحتي لموله البراية
الحمد لله والشـــكر عالنعمة هاية
حيدري كتبوني بكـــــتاب الولاية

(وَصيّةُ الأصول...قدْ قالَها الرسول)
(هذا عليٌ بينكم وزيري)
( أشهد أن حيدرا أميري)
......
قلبي بحروف الولاية بنغمة رتل
يعتبر هاليوم بأحساسة المفضل
اليـــوم عذالي بولاية علي تنذل
ابقه انادي علي أول يـبقه الاول

(يُحِبهُ الكريم...عَلِيُنا عَظيم)
(وما لهُ في الخَلقِ من نَظيري)
(أشــــــــــهدُ أنَّ حَيدراً أميري)
......
بالولاية الكــــتب تشهد والمراجع
وأليــــــــخالف للغدير ألدينه بايع
علي أول بالخــــلافه ابلايه رادع
هذه بطران الحسب حيدرنه رابع

(بِحِكمَة القَدير....حَـيدرةٌ أمير)
(بخ بخ قد قالها ضميري)
(أشـــهدُ أنَّ حَيدراً أميري)


كلمات حاتم صبري الكاظمي



https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

هوسات بحق أمير المؤمنين علي أبن أبي طالب عليه السلام في ذكري عيد الغدير الأغر

 
علي امنصّب أمير مــــــــن الله عالكون
ومخزن علمه هـــوّ وعنده كل مضمون
يعني العلم عنده وعنده كــــــــل مكنون
ومزوده الباري بأسراره

 
تعاهـــــــــدنه وبصمنـــــه للوصي بالذر
وإجينــــــــــــــــه هالمسيه نبصم الحيدر
وأكيده الما بصم مـــــــــــن البشر يخسر
حاير يبقه أبحشره هناكه

 
الحاضر بالحفـــــــــــــــل وبيوم تنصيبه
ميمسه الحــــــــــــــزن أي سوء ميصيبه
لأن صك الشفاعــــــــــــــه شايله ابجيبه
موقع من حيدر وبأسمه

 
الحاضر بالحفل لا مـــــــــــا تمسه النار
لأن بچفوف أيــــــــــــــده أمبايع الكرار
وحتى أبوسط گبره أبـــــــــــد ما يحتار
ليوقع يبصم بالعشره
 
 
أكيــــده الما حضر والما بصم خسران
ويبقه الحد مماتــــــــــــه حاير وندمان
وأكيده يفـــــــوز لبصمله وإجه فرحان
وحاضر بالدم أيوقعله

 
علي باب العلم واليگصده مـــــــا خاب
علي بأيده جعــــــل بارينه كل الأسباب
علي المعروف صيته گبل دحــر الباب
وتهاب العدوان وجوده


الشاعر
قاسم حتروش البلداوي
خادمكم
أسألكم الدعاء🤲🤲🤲🤲🤲

https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

مواليد وأفراح اهل البيت:
ابو ذيات للغديريه المباركه

بعت ديني العلي ومامش .... ورا بيع
أنه بولايتك فالح ................ ورابع
انت الصورت آدم ................ ورابع ؟؟
يحسبوك !! البهايم وآل اميه ......

ابعلي نبدي لون نحسب ..... بدينه
نبايعله ابمناحرنه ............ بدينه
علي ابشرع الله بحكامه .... بدينه
علي ميزان لحساب البريه .....

الفرح هالليله كل ربعك .... عم الهم
يمن بچفوفك اتوقع ........... عملهم
ناس الخانت البيعه ......... عمه الهم
من امة لوط اضن همه البقيه .....

ربك بالغدير انعم ......... علينه
او زين تاج الولايه ........ علينه
علي بسمه على الوادم ... علينه
وصرنه الغير حيدر رافضيه ....

عند الله عزيز انت .... واعزهم
امير المؤمنين اسمك ... وعزهم
اود كل عترة الهادي .... واعزهم
لچن ضعفين اعزك مو بديه ......

الله امنصبك عل خلگ ...... شيخن ( شيخاََ )
وإن الربع شي باعوك ..... شي خان
غشيم الگال گبلك كون ..... شيخان
اضن ما دره امهم شنهي هيه ......

ابو فاطمة الطائي


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

مولد
لذكرى عيد الغدير الأغر
عيد الله الأكبر
ومديح أمير المؤمنين علي عليه السلام
................
 أبعدد عمر الثواني .. يظل يلهج لساني
علي بس الخليفه .. شني أول شنهي ثاني
................
علي أبشرع الوصيه .. خليفه أختاره أليه
حبيب الله أو نبيه .. أبو الزهره الزجيه

الوحي سامي المكانه .. نزل بيده آمانه
أبأمر رب الجلاله .. محمد جيتك أنه

غدير الخم تراني .. جعلته شاهد أني
علي بس الخليفه  .. شني أول شنهي ثاني
................
غديره عيدي الأكبر .. مثل مالك الأشتر 
أذا نور الشمس طر .. يعايد بيه قنبر

يطر فجره أبسلامه .. على فقره أو يتامه
نسيم أعذيبي نسم .. عطر مولى الأمامه

شذى عطره شجاني .. الغدير الخم خذاني
علي بس الخليفه  .. شني أول شنهي ثاني
..................
علي الذاته عفيفه .. علي اليطعم رغيفه
علي المحد رديفه .. ألي أتنصب خليفه

وليد الكعبه أمامي .. يظل حبه وسامي
أذا هلت دمعتي .. يمد جفه أعله هامي

أحس هسه دراني .. أطش أحلى التهاني
علي بس الخليفه .. شني أول شنهي ثاني
..................
الى ساعة منيتي .. علي يبقه هويتي
وظل أمتاز صيتي .. علي بس مرجعيتي

رضعت أمنمي حبه .. أذا حبيته قربه
علي باب الحوايج .. أندبه أو كلشي أطلبه

طلبته أو ما نساني .. أبجميله غركاني
علي بس الخليفه  .. شني أول شنهي ثاني
..................
وحق عيد الولايه .. عهد حد النهايه
وقت سيل الرزايه .. شضحي مو كفايه

أذا طحت أبشديده .. علي أيعديني بيده
شفيعي أبيوم الحساب .. أبكثر ماحبه أريده

أذا ذنبي خزاني .. يجي ينقذ بناني
علي بس الخليفه  .. شني أول شنهي ثاني
..................

علي المعروف صيته .. فلا ينسى رعيته
أبجواز الخدمه أجيته .. أمد جفي العطيته

علي التارس خيالي .. حشاه أيردني خالي
إنه أدريبه حبيبي .. عشم للماله والي

المرض مره أحتواني .. ندبته أبساع أجاني
علي بس الخليفه  .. شني أول شنهي ثاني
..................
خادم أهل البيت
الشاعر : أسماعيل الجوراني
الثلاثاء : 27/7/2021


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

هوسات بحق امير المؤمنين (ع)


علي عــصّاة موسى الغرّگت فــرعــون
وعلي قطب الرحه اليفتر عليهه الكون
عـلــي اول خليفه وخــلــهــم ايلومون

🌹وبس حيدر ابيض تاريخه🌹

*--------------------*-------------------*

رابــع خــلــوا الكــرار ومصدگين
عافوا زمــزم الله وچلبوا بالطين
بلول بالأخير بكلهه ابو الحسنين

🌹والكــون ايــســولــف بفعالــه🌹

*--------------------*-------------------*

خـــلاس الـــزلـــم ياهو الگبل حيدر
وياهو السمّته العدوان مـــوت احمر
علي الدر وعلي العالي وعلي الجوهر

🌹وشـــلـــون الـــنـــور ايضمـــونــه🌹

*--------------------*-------------------*

لتلوم المحب من يـــفــرح الليله
الوصي مولود وام العُلى اتلوليله
علي هـــذا علي الماخيب ادخيله

🌹 مـــاخـــاب اليوكف يــم بابه🌹

*--------------------*-------------------*

✍بقلم خادم الحسين ع✍
الشاعر رعد الجريخي


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

هوسات جنوبيه
لذكرى بيعة عيد الغدير
وتنصيب أمير المؤمنين
علي عليه السلام خليفه للمسلمين
..................
 أفرح أفرح يالموالي
أو عيد أبعيد الغدير
البيه جف والد الزهره
أو جف علي أبوقت الهجير
أرتفعن أبحج الوداع
أو نصبن حيدر أمير

ها ها
عيد الله الأكبر جالك
عايد ناسك وعيالك
كل شي أبالك يجرالك
كل شي أبالك يجرالك

ها ها  ( وخذ العيديه )
مد جفك وخذ العيديه
.................
جيت أبارك بالغدير
أو صوتي بالحب ينتلي
بالثبات أعله الولايه
أدعي ألك ودعي ألي
أنشا الله كل لحظه أنته
وانه خدام العلي

ها ها
حيدر وبصفه الكوثر
بالمحشر فتحو دفتر
خادم مخلص للمنبر
خادم مخلص للمنبر

ها ها  ( أيزكونه )
عد رب السبعه أيزكونه
..................
خادم أهل البيت
الشاعر : أسماعيل الجوراني
الأربعاء : 28/7/2021

https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

هوسات جنوبيه
لفرحت الزهراء ومديح الصحابي الجليل
أبو لؤلؤه رضوان الله عليه
................
(أن يكن ) تاكل أبكلبي أي وحق ركن الحطيم
هاك مني الضربه هايه النابعه من الصميم
حتى أرسلك يابو حفصه الجهنم مستقيم

ها ها
يالحق الزهره أتغصبه
من جف الخايف ربه
تستاهل هاي الضربه
تستاهل هاي الضربه

ها ها  ( أو تاريخه )
يا عار الدين أو تاريخه
..................
أبفرحت الزهره فرحنه والفرح بينه كبر
بيد أبو لؤلؤه النشمي هلك الطاغي عمر
أو هسه مدري أشلون حاله وبسقر المستقر

ها ها
كاسر ضلعين الزهره
محروك أبقبره أو حشره
واجبنه الباري أنشكره

ها ها  ( أنهنيها )
أو واجبنه الزهره أنهنيها
...............
خادم أهل البيت
الشاعر : أسماعيل الجوراني
الجمعه : 15/10/2021

https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

ليله مهدويه للتتويج



الليله ليله مهدويه
انهني بيها الجعفريه

١

الليله بيها المهدي سلطان الزمان
عمره خمس اسنين واصبح عالجنان
ملك ربك جاعله وانطاه ضمان
ايدير هذا الكون ويعم الامان

فرحه واتعم عالبريه
انهني بيها الجعفريه
٢

الليله هايه البيها فرحانه السمه
وكل موالي الليله روحه هايمه
اتنصب ابهل ليله يوسف فاطمه
وقاعده الأملاك كلها وقائمه

ليله الحق الزهيه
انهني بيها الجعفريه
٣

ليله من اعظم ليالي المسلمين
هاي ليلتنه ونهني المؤمنين
الباري هو اختار آله العالمين
اينصب ابن العسكري الحق المبين

ليله تجمعنه سويه
انهني بيها الجعفريه
٤

قلده الباري مفاتيح العطاء
بليلة الحق وجعل بيها الولاء
للأمام المهدي نعلن هالوفاء
وليلة التتويج تشهد بالسماء

ليله تبقه حيدريه
انهني بيها الجعفريه


شاعر اهل البيت (ع)
رياض الرسل الجابري


https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

الـفـرح گـرّب عـليـنـه حـيـل ودنه
ويَطير السعد فـوگ الـجنـح ودنه
نـزور المـصـطـفى الـمـخـتـار ودنه

ونـسـّوي افـراح يـم سـيـد الـبـريـه

*---------------------*----------------*

الـمُـحـمـد هـل كـلام ويـاك وصله
بــوجـوده شـرّف ألأكــوان وصله
سلامي اعـليـه ماينـگـطـع وصله

يـضـل دايـم لـحـد يــوم الـمـنيـه

*--------------------*-----------------*

بـدربـه مـازلف جـدمـي ولا مال
وعـليه امـعلگه اضنوني ولا مال
ابــدونــه لا ولــد يـنـفـع ولا مال

النـفـع بس بالشـفـاعـه الاحـمـديـه

*---------------------*----------------*
✍بقلم خادم رسول لله
الشاعر رعـد الـجـريخـي

https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

حبيناك من البدايه
حبيناك للانهايه
يامحمد يامحمد يامحمد
...............

أشرق النور وجماله بطلعتك
الله خالق هل بشر لمحبتك
الليله من مرت يهادي فرحتك
الدنيه والاملاك كلهه بخدمتك

ناديناك اهلا نببنه
ناديناك خيمه علينه
يامحمد يامحمد يامحمد
...............

طاحت الأصنام يالهادي الك
انته بيدك كله يندار الفلك
المايحبك من صدك ضاع وهلك
رحمة الله وللبريه نزلك

هذا اليوم خير وسعاده
هذا اليوم يوم الولاده
يامحمد يامحمد يامحمد
................

أجمل أعياد الزمن وهل الزمن
يانبي الرحمه يطه المؤتمن
بدين الإسلام انته خمدت الفتن
وطن صرت الامتك وجمل وطن

يابو الخير يابو المحنه
يابو الخير حبك جمعنه
يامحمد يامحمد يامحمد
..................

الليله جبرائيل من كد الفرح
يهتف بسابع سمه وصوته صدح
اسمك بكاع وسمه نوره وضح
كل صدر يالمصطفى الليله انشرح

نور العين انته وضواهه
نور العين يالغالي طه
يامحمد يامحمد يامحمد
..............

نزلت أملاك العرش يم المهد
الفرحه عدهم الك احله امن الشهد
احله مولود انته هليله انولد
مااجه كبلك ولا بعدك ابد

هايم بيك كلمن يشوفك
هايم بيك لامايعوفك
يامحمد يامحمد يامحمد

محمد هادي العقابي

https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة