.
مـوال مـيـلاد الـمـهـدي (عـج)


طلگت نرجـس وجابـت إمــام الـنـور
        المهـدي ابن الحسـن يامحلـه انـواره

حـور الـعـيـن نـزلــن هــزن الـكــاروك
        وشافـن نــوره غطـه البيت واكتاره

صوت امن السمه فزتم يشيعه اليوم
        الله ابـمـولـــده صـاغـلـكـم ابـشـاره

عدل يملـي الأرض وايغير الأموازيـن
      حجه اعله الخلگ ماتنحصي اسراره

ينشـر رايــة الحـق والسـلام ايـسـود
       وكل أهـل الأرض واحـبابـه نـطـاره

لو رايــد تصـيـر ابــدولـتـه وتـرتــاح
       احـسب للـفــرج واتـنـطـر اخـبــاره 


مـحـبــتـكـم نـهـــر منـهـا         وردنـــــه
ونـزف لـلــوادم الـفـرحـه    وردنـــــه
سـاعـة مـولـــدك جـبـنــه    وردنـــــه 
نطـشـه اعـلــه الـخـلــگ هـاي الـمـسـيـه


كلمات الشاعـر
علي ابوسما الديواني
.

الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

هوسات


خبر عاجل أجانه واجمل ابشاره
علي الاكبر يشيعه انتشرت انواره
شمس الله بجماله اليوم محتاره

شّعت بنواره المعموره
🌷÷÷÷÷÷÷÷÷÷🌷÷÷÷÷÷÷÷÷🌷

شبيه المصطفى هالليله ميلاده
الكمر خجلان منه وبده استعداده
فرحانه العوام بجيته والساده

وتهني حسين بميلاده
🌷÷÷÷÷÷÷÷÷÷🌷÷÷÷÷÷÷÷÷÷🌷

نزف اجمل تهاني اليوم بالميلاد
ونقدم ورد لحسين ابو السجاد
رغم انف اليضدنه وكثرت الحِساد

بالمولد فرحانه الشيعه
🌷÷÷÷÷÷÷÷÷÷÷🌷÷÷÷÷÷÷÷÷🌷


✍بقلم خادم الحسين ع
الشاعر رعد الجريخي



الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

لعلي الاكبر

جمال الله نــــزل..ماشاء الله
على عيونه زعل..ماشاء الله
من جمال اعيونه..خوفي ليحسدونه

حسين ايزف غلامه..للحــــومه بحسامه
بعيونه الوســــــيعه..يگــــطعهم گــطيعه
اتغازل چفه السيوف..يلمع بين الطفوف
ماخذ عالرجـــــــوله..شاب شمحله طوله
ابو الغيره عــلي.. ماشاء الله
يطگ طگ اولي.. ماشاء الله
شعره فوگ امتونه
خوفي ليحسدونه

عطره امن الخيم هب..كل خطواته ترهب
من يزعل دخـــــــــيله..دم يترس شلــــيله
شما تكــــــــتل يالاكبر..بعين حســين تكبر
فرسان ومــــــــــيادين..مطلوبه العلي دين
لبس لامت حرب.. ماشاء الله
ابن شيخ العـرب.. ماشاء الله
فنهم ايلاگـــــــونه
خوفي ليحسدونه

رايح يالشــــــــــفيه..ذب روحــــــك عليه
حضن اموادعك حار..خاف اتحسدك النار
كبّـــــــــــــــرتك بديه..عشگگ يمـشي بيه
ماتستاهل الگـــــــاع..مثلك تدفـن اسباع
يماشي بس زلم.. ماشاء الله
مثل راعي العلم.. ماشاء الله
اخذ منه افــــنونه
خوفي ليحسدونه

بويه اتسامر اوياك..باچر ميت الكاگ
الليله اوياك لحضه..جــفنك لاتغمضه
تسرحلك نواضـــر..يارب المــــشاعر
روحك توهه خضره..لاتفجع الزهره
يكشخت فاطــــمه.. ماشاء الله
يچف حامي الحمه.. ماشاء الله
الخيل تعشگ لونه
خوفي ليحسدونه

ياحلو المعــــــــــاني..چــــنك علي ثاني
تارس عين الخيام..غيابك عن الف عام
يمدلل خـــــــواتك..تفـــــتقدك صلاتك
شمس الله بجبينك..ملـتمه اعله عينك
ينوماس الــــخدر.. ماشاء الله
يبو عيون الخضر.. ماشاء الله
محمد ايســــــمونه
خوفي ليحسدونه

الشاعر شاكر الصيمري



الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

ميلاد الامام الحجه عج
.
.
.

والـيـنه .. مهدينه .. تـدريـنه
مشتاگين

___

يشـهد الليـل ونـهـاره .. صرنه من شوگك حياره
المنتظر ماتطـفي ناره
يابو صالح
الجَيتك نحسب ثواني .. احنه من شوگك نعاني
ايساعـده الله اليــتاني
يابو صالح
وينك .. الشامت اهوايه سئل
وينك .. مــابقــه عــدنــه امل
وينك .. يـامـه ناديـنه العـجل
وينك
حاچينه .. مهدينه .. تـدريـنه
مشتاكين

___

أذنت بيـنه الضماير .. وحـَركت كل المشاعر
احنه كل جمعه نناطر
ترجع النه
يامه الك ندبه قرينه .. وگالو ادعو وندعينه
اشوكت بالله ياولينه
ترجع النه
غايب .. انــته يـــامــاي الــسمه
غايب .. الوجهك انحس بالضمه
غايب .. ليـش يــوسـف فــاطمه
غايب
اتروينه .. مهدينه .. تـدريـنه
مشتاكين

___

اشگد الك احنه انتظرنه .. منتـظــرنه منـتظــرنه
ياهو اليطفي جمرنه
وانته غايب
گلنه بعد العسري يسري .. بشوگنه بس الله يدري
بينه نار الشوگ تسري
وانته غايب
صحنه .. يمـته تـرجـع يالمحب
صحنه .. اعليك ذايب چم گلب
صحنه .. الهجر يالغايـب صعب
صحنه
تحيينه .. مهدينه .. تـدريـنه

___

يلي ذكرك عاش بينه .. امروتك بس مر علينه
سيدي يمته تجينه
يا املنه
ابجيتك يابو المحنه .. الدنيه كلها اتصير جنه
الگمـر ويـانـه تمـنه
يا املنه
ترجع .. كلــشي ينــتظـرك تره
ترجع .. للــگلـــوب الحـــايــره
ترجع .. انحلفك ابحق حيدره
ترجع
مر بينه .. مهدينه .. تـدريـنه
مشتاكين

___

رددت هــاي الحناجـر .. يمتـه تجــبر هالخـواطر
ابدربك ازرعنه النواظر
وانته ماجيت
ودي ويه الغيمه صوره .. وجهك احتاجينه نوره
كل محب يهتف شعوره
وانته ماجيت
يمته .. بوجهك انكحل النظر
يمته .. ترجع النه امن السفر
يمته .. يمتــه هــايـالمنــتطر
يمته
اتمنينه .. مهدينه .. تـدريـنه
مشتاكين

___

نذر النه لمن اتعود .. دربك انفرشه بالورود
انته بس جرب يموعود
هاي الاحباب
مابقه عدنه عـلامه .. ردنـه ياروح الامامه
ابوجهك اتشوف ابتسامه
هاي الاحباب
فرحه .. انته يـوم الي نجي
فرحه .. تحت ضلك نلتجي
فرحه .. اتصيح هذا مهجي
فرحه
امتانينه .. مهدينه .. تدرينه
مشتاگين
_____
تمت والحمد لله في ٢٤ / ٤ / ٢٠١٨
حيدر تركي الكربلائي



الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

أبوذيات..ولادة بدر البدور المنتظر عج الشريف

الولي هالكون من ألله.... يديره
وعن ال يطلب فلا وجهه.. يديره
أسأل هم أكو يشبهه...يديره

(((يجدي الجود من خيره عطيه)))



كريم اتعرفه كلهه.... گاصي داني
اذا احتاج حاجه...گاصده اني
بحروفي منهو تعرف...گاصد اني

((أكيد المنتظر روح الزچيه))


چـبـير وألك عـند الله....وجاها
العاشگ للحـفل گـاصد... وجاها
موش اشموع اصابيعه..وجاها

(((تصفگ روحه ويدينه سويه)))

گراب انجوم ياشخصك...ملح بي
لغيرك من أريد اكتب.. ملح بي
بس وياك احس شعري.. ملح بي

((وغيرك ماصخ وطعمه الرديه)))


✍️ياسر الزيادي

الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

وحق الطاهره الطيبه امامه
كل صاحب عمل يلگاه امامه
يخيعون الحضر مولد امامه
وشارك بالفرح حامي الحميه
--------------------------------
ابيوت الينزل اعليها وحيها
اضل للموت اقدسها وحيها
دوم افخر ابميتها وحيها
وبيهم معتصم من كل اذيه
-------------------------------
وحگ زينب وصف زينب علمها
فقيها وعالمه ومحد علمها
البني هاشم عقيلتها علمها
الخفگ بالشام وارض الغاضريه
---------------------------------
المصايب ها يبو سكينه بعدهاي
شيضل بالحال متگلي بعدهاي
بيوم الشمر ناداهم بعدهاي
زينب عالهزل ركبوها ليه
-----------------------------------
آنه التگصد العالم بلاداي
انا الضحيت يوم الطف بلاداي
يريت الموت ما خذني بلاداي
ولا شفت الشمر حداي بيه
---------------------------------
بضريحك ياعلي العشاگ هامات
لجل هامك تضحي بشوگ هامات
تيتمت من اجاها الخبر هامات
علي ونصبت على فراگك عزيه
--------------------------------




سيد.
كريم دانه الاعرجي

--------------------------------

الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

حل شعبان بأعياده
والموعود ميلاده
يابوصالح مولدك رحمه وسعاده
*************************
كل محب حضر بسمته تتغازل الحور
ميلاد ابوصالح فرح والشيعي مسرور
والجنه نزلت عايدت مكتوبه السطور
من مولدك شع الكمر من اجمل النور

بالافراح....دنيانه
مسرورين مولانه
يابوصالح مولدك رحمه وسعاده
*************************
بالجمع نحسب لو تجي الطلعه الرشيده
چا يمتى اكحل ناظري الغره الحميده
يالمهدي وياك أصبحت تحچي القصيده
لحظه ظهورك ننتظر يبن الصميده

بالاشواك....نتلاكه
والانظار.. مشتاكه
يابوصالح مولدك رحمه وسعاده
*************************
انهار حبك نرتوي بهجرك عطاشه
امنت والله برحمتك تنسانه حاشه
هلهلت بغصان الفرح حتى الفراشه
وچم هبل عدنه انتهه بيومك تلاشه

يالموعود.. نادينه
حبيناك ....والينه
يابوصالح مولدك رحمه وسعاده
*************************
تنجينه والله امحبتك يوم القيامه
تتحول عليه بالحشر برد وسلامه
والشيعه تدري بوجنتك معروفه شامه
تتميز بكلشي اصبحت صارت علامه

هاي الناس ملهوفه
والدمعات مذروفه
يابوصالح مولدك رحمه وسعاده
*************************
اتحيرت....بيك الدنيا كلها بمعجزاتك
يالمهدي من جدك علي وارث صفاتك
ندعي الظهورك سيدي انعيش امنياتك
والكون يسجدلك يجي بساعة صلاتك

جاء النور بالفرحه
غايبنه هل صبحه
يابوصالح مولدك رحمه وسعاده
************************
تمت بعون الله
خادمكم ......يوسف الفتلاوي


الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

مولد
لذكرى ولادة قائم آل بيت محمد
الأمام الحجة أبن الحسن
عجل الله فرجه الشريف
...................
الفرح توه حلا
يواهس كربله
ييفياف العفاف
يشيخ المرجله
...................
حليم أمنالمهد
زكي أبخلق أوجسد
أبعلم أهله أنفرد
على غيره أجتهد

ورث من فاطمه
أوعلي حامي الحمه
علم أرض أو سمه
أله القاصي شهد

أبصدر كل معضله
تناظر مسأله
ييفياف العفاف
يشيخ المرجله
. ...................
يسلطان الشجن
يمن وكت المحن
جواز الممتحن
أذا دار الزمن

فرحنه أبمولدك
أجينه أنواعدك
عهد و نجددك
يحجه أبن الحسن

أبصلاة أنهلهله
ابدعاء أنكمله
ييفياف العفاف
يشيخ المرجله
..................
يخل الماله خل
نداوم نبتهل
أبوجودك نحتفل
لجل دولة عدل

العجل ثم العجل
دعاء أوما خمل
يبن خير العمل
أشوكت نورك يهل

الظهور أستعجله
نظرنه كحله
ييفياف العفاف
يشيخ المرجله
..................
محال أمنالبشر
كمر شنهو الكمر
ترس أرض أوبحر
جمال المنتظر

أبيقينه اليثربي
الهمام الطالبي
ورث جده النبي
علم غيب الدهر
 
سليل العايله
أشحلات أشمايله
ييفياف العفاف
يشيخ المرجله
...................
أباليالي أولادته
نراقب رايته
ترف أبيسرته
أوحسامه أبيمنته

ألف حمد أوشكر
أبن فارس بدر
أجه أبراية نصر
وجينه النصرته

جبينه أنقبله
هلا أومية هلا
ييفياف العفاف
يشيخ المرجله
....................
الحبيب الأزلي
الولي وبن الولي
فخر شيعة علي
أمل كل مبتلي

أذا باجر هتف
منادي أمنالنجف
عن المهدي أنكشف
غيابه المعتلي

طلب ثارات أله
دهر مستفحله
ييفياف العفاف
يشيخ المرجله
.....................
خادم أهل البيت
الشاعر : أسماعيل الجوراني
الأحد : 28/3/2021
14/شعبان/1442ه


الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

ولادة رقيه
-------------

الليله دمعه وابتسامه
والگلب يفضح غرامه
ياگلب هون عـلـيـه
الليله مولدها رقيه
والگلب يفضح غرامه

-----------------

خل نسولـــف وبهمس
الليله نور من الشمس
صار مولدها
كـل اصـابـعـنـه شمـع
نعـلگ وكلنــه بــدمع
انهني والدها
نطـلـب ابـدمـع اليهـل
كـــون تقبـل بـالحفــل
انريد من عدها
نـورهـا الماينـوصف
والجمال اشگـد ترف
والضوه بخدها
خصهـا باريـنه بكماله
انطاها من نوره وجماله
للحسين اعظم هديه
الليله مولدهـا رقيه
والگلب يفضح غرامه

-------------------

الـهــا بــرقـيـــة وفــه
نكـتـب بكل عــاطفــه
الليه نرفعها
بيها وقـعـنـه العهـــد
وياهــا نبقه للابـــــد
هذا واقعها
شنهدي الها ونرتجي
انجيب ترچيه ونجي
يلا تنفعها
خـفـنـه يمكن تنغـــدر
وخاف بالحفله الشمر
يجي ويگطعها
اشتحمل الطفله العجيبه
ازغيره شافت جم مصيبه
وي الحزن شبت سويه
الليله مولدها رقـيــه
والگلب يفضح غرامه

-------------------

اشگد تـرف خـد الضوه
ايذوب مـن لمسة هـوه
لحظه لو مسها
نور من نــور الــوحي
الگمره گامت تستحي
تجي اتلامسها
بخـــد رقيه الي يشع
نور يــزهي وينجمع
بأمل واهسها
نــزلـت بهيئــة ورد
ابـد لا مـا تنـحـسد
الله حارسها
الله حارسها من العيون
بيها سر الباري مكنون
طفله ما تحمل اذيــه
الليله مولدهــا رقيه
والگلب يفضح غرامه

-------------

بلوعة الحب نعـتنـي
والعـزم مــايـنـثـنـي
للحفل جينه
نحمل ادموع الــوفه
وبينه شوگ الماطفه
من تعـنـينه
الـچ يـانبــع الطهــر
شمي نحمل ياعطـر
ورد بـيـدينه
للحضر والمـاحضر
انحلـفـچ بدم النحر
كلنه سجلينه
جينه يدفعنه هوانه
نظره منج يا رجانه
وذوله خدام الـزجيه
الليله مولدهــا رقيه
والگلب يفضح غرامه

------------------

الشاعر السيد رياض الرسل الجابري




الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

هله بجية حبيبتنه
حبيبتنه واميرتنه
شمس ونولدت ابيتي
بعد روحي اويه عافيتي
روحي بحبها مفتونه
حسينج كرة عيونه
هله بنبضات دلالي
الزهراء الزغيرونه
ترفه شلون اشيلنهه
يتبده الحسن منهه
الفراشات أنزلن يمهه
يخدمنهه ويلولنهه
أخاف اعليهه من كلشي
أغطيهه بشعر رمشي
ألمنهه بدفو اضلوعي
وبلل خدهه بدموعي
وحاجيهه بنبض كلبي
جبير أوياج موضوعي
يبدي بخدج الاحمر
اليتبده اعله جف اسمر
يبدي امن الجمر والشوك
لحد الطشت والمنحر
أتأمل بذنج شويه
ترافة ورده جوريه
يعتوها ويجروها
إذا أحط بيهه ترجيه
أديج الناعمه الحلوه
عليهه الحبل يتطوه
أرق امن الكطن جدمج
شلون بجمر يتجوه

رقيه اعله الرقي كله رقيتي
امن الله مو من الوادم رقيتي
أعز من روحي عد روحي رقيتي
الرقيقه الراقيه الأرقى رقيه


حسين باهض الحلفي


الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

حصريا الناشر عباس التميمي

عامر مضيفه. والد شريفه.
الحسن يامحلاه. ما يرد الينخاه.
والد شريفه.
------------------------------------
البقيع ابعيد عني/ تگول ما اگدر اصل
بحسرة ازيارة الوالي/ طول عمري راح اضل
تره الحله مو بعيده/ اربط احبال الوصل
اگصد البنته شريفه/ وعلى المطلوب اتحصل
بنت الاكارم. يمها الغنايم.
روح يمها تلگاه. ما يرد الينخاه.
والد شريفه. . ------------------------------------
الحسن تگدر تزوره/ ومنه تطلب حاجتك
قطعه منه بارض بابل / هيه تگضي طلبتك
المضيف العدها راهي/ وبيه تاخذ راحتك
چفها يتلگاك ملگه/ وبي تنشف دمعتك
روح بسلامه. الأم الكرامه
هالضوه من اضواه. ما يرد الينخاه.
والد شريفه
-------------------------------------
وبصحنها اوگف يزاير/ ونوي اتزور الحسن
للبقيع ايروح گلبك/ وطلب الحاجه بشجن
ونته واگف عد شريفه/ تشوف نيرانك طفن
والمشاكل مهما چانن/ بالصحن كلهن گضن
روحوا اعتنوها باب الابوها.
باب والله علاه. مايرد الينخاه.
والد شريفه.
---------------------------------------
الحسن يوم الولاده/ روح وعلگ شمعته
منتضر واگف يتاني/ شوكت توصل شيعته
واگفه العلويه يمه/ اورد جنه حملته
اليجيها بيده شمعه/ منها ياخذ وردته
الجنه الرحيبه. يم الطبيبه
للضريح اتعناه مايرد الينخاه.
والد شريفه.
----------------------------------
تطلع ابميلاد ابوها/ وتترس الدنيه بعطر
لا تفوتك يالموالي/ هاي فرصه امن العمر
روح شاركها بفرحه/ روح يله شتنتضر
الگعده يمها وبصحنها/ تسوه ميت الف قصر
جيتك تسرها وتشم عطرها
الحسن لاتنساه. مايرد الينخاه.
والد شريفه.
-----------------------------------
السيد.
كريم دانه الاعرجي.

الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

هوسات لولادة الامام الحسن ع

🌿🌿🌿🌿🌿🌿🌿🌿🌿🌿🌿
من صار الحسن محلاه امه تگول يشبهني
وحيدر مبتسم گلهه طالع عليّ هــاذ ابني
وطــه احــتار بين اثنين گلهم ربي بلغني
يشبهكم كلكم خليته
ــــــــــــــــــــــــــــــ
يشبه طــه بالاخــلاق كريم وحــّير الوادم
وشجاعت حيدر اوصبره شايلهن ابو جاسم
اوكل هاي المحنه البيه متغذي ابلبن فاطم
سبحانك ربي وسويته
ــــــــــــــــــــــــــــــ
نشــمك يالحــسن وانتــه هوانه
هــويناك وصــرت غــايت هوانه
اگول اسعد شخص يمكن هوه آنه
فرحت وفرّحت گلب الزچيه
ــــــــــــــــــــــــــــــ
ابوياسر المياحي



الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

القصيدة الثانية لميلاد سيدي ومولاي الامام الحسن المجتبى صلوات ربي عليه



للمجتبى .... يا محله الافراح
للمجتبى .... نهديله الارواح
للمجتبى .... طشينه قداح
باعياده باعياده
___________________

يا محله هالعيد .. الشيخ الاجاويد .. احله الاناشيد
نقراها اله ابهليله
اضوه امن البدور .. ازكه امن العطور .. وجهه يشع نور
الحسن فدوه اغديله

يا جماله وخصاله او حلات اعيونه
شمعة الآل والآمال هله ايسمونه
ابمولده الگاع بالازهار غدت مزيونه

أول گمر .... للزهره مولود
اول گمر .... ما مثله موجود
اول گمر .... تفرحله الورود
باعياده باعياده
___________________

چنه غصن بان .. نور الحسن بان .. نورها الاكوان
چنه الگمر بسمانه

صورة بدر تام .. ابُحسنه الفِكر هام .. لا ماهي اوهام
ارض وسمه فرحانه

بالسماوات محافل اله ايعقدوها
واجمل اورود الاملاك اله ايقدموها
والتهاني بالدموع فرح كتبوها

من كل ملك ...وصلت تهاني
من كل ملك ... اجمل اماني
مم كل ملك ... اشموع او صواني
باعياده باعياده
___________________.

الباري علاه .. ومن اسمه اسماه .. وللزهرا وداه
صوغه او هديه امن ايده

اول نبع صار .. في بيت الاطهار .. بي سر الاسرار
عيد الهواشم عيده

بيه الگلوب والعقول غدت ولهانه
والورد جاي يهني ابجميع الوانه
ضاويه اليوم اليوم يمولاي غدت دنيانه

يا مرحبا .. يا ضي العيون
يا مرحبا .. يا محور الكون
يا مرحبا ...الكل يهتفون
باعياده باعياده
___________________

يل كلّك الطاف .. يل فوگ الاوصاف .. مثل منو الشاف
يل ماكو واحد مثلك

هنيالي اعليك ... گلبي امتحن بيك ... مدري اهنيك
لو هني روحي ابوصلك

يا امامي وملاذي يعشگي الدايم
امنياتي ابحياتي اعيشن خادم
بالمحافل اخدمك يمهجة فاطم

وأبمحفلك .... ما اعلگ اشموع
وأبمحفلك .... اعلگلك اضلوع
وأبمحفلك ..... يضل صوتي مرفوع
باعياده باعياده
___________________

في محفلك جيت .. ما دوّر الصيت .. والله تمنيت
ابدربك اطشن روحي

يا نبض الگلوب .. يا اغله محبوب .. بي عقلي مسلوب
نساني حتى اجروحي

يا عباره التكفّي واسولف بيها
ويا قصيده التنومس ولك القيها
يامن اسمك للكوان غده يضويها

ليك اعتذر .. ماتكفي الحروف
ليك اعتذر .. يا ابهى موصوف
ليك اعتذر .. دلالي ملهوف
باعياده باعياده
___________________

يا شاده البال .. من گلبي مرسال .. يحچيلك الحال
يعتذر عن تقصيره

اكتبلك اشعار . لو انثر ازهار .. شوكلهن ازغار
يالشانك انت اچبيره

تالي ضليت اهوس وانادي الليله
امبارك اعليك والعيون دمعها اتسيله
يامن الروح والعيون فِده تغديله

يابو الكرم ... تقصيري اهواي
يابو الكرم .. وليك ابفرح جاي
يابو الكرم .. اقبلني مولاي
باعياده باعياده

___________________

ابو فاطمة الطائي



الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

مولد
لذكرى ولادة كريم آل بيت محمد الأمام الحسن المجتبى عليه السلام
.....................
سيد شباب الجنه ميلاده
عاود علينه وحنه بيعاده
نرسل تهاني أبمولد الغالي
الطاها أو عترته سادة الساده
...................
1
بسم الحسن هاليله سمينه
أو ياس أو شمع و بخور خلينه
محفل ولائي الشخصه سوينه
وحنه السعاده أمخيمه أعلينه

دكينه بابه أو نطلب أمراده
أو جف الحسن بالجود جواده
نرسل تهاني أبمولد الغالي
الطاها أو عترته سادة الساده
..................
2
ب 15 رمضان موعوده
شيعة علي والعوده محموده
من الحسن هاليوم مريوده
عدها حوايج بسمه معكوده

شيخ أو شباب أو بالمهد ناده
يبن الزجيه أو غاض حساده
نرسل تهاني أبمولد الغالي
الطاها أو عترته سادة الساده
...................
3
شيخ الشيوخ الشيخه تفصاله
سفرة مضيفه أتسولف أفعاله
سر العوافي أبكهوة أدلاله
محد وصله أو لا وصف حاله

شيخ الشيوخ التشهد أمجاده
الوجه الله يطعم لو طعم زاده
نرسل تهاني أبمولد الغالي
الطاها أو عترته سادة الساده
...................
4
حكها المحافل بسمه تتغنه
أو من الحسن ما تكطع الظنه
الشيعه كلها أبالهفه تتمنه
تحظى أبشفاعه سيد الجنه

الشاعر كتبله أحروف بوداده
الرادود يصدح صوته بنشاده
نرسل تهاني أبمولد الغالي
الطاها أو عترته سادة الساده
....................
5
جده محمد شاله بحضانه
أو فرحانه هاي الليله فرحانه
أمه الزجيه أو علي مولانه
من فرحته وجناته ريانه

بوليده طار أمنالسعد ناده
هذا الكريم التهنه وفاده
نرسل تهاني أبمولد الغالي
الطاها أو عترته سادة الساده
....................
6
الطاها أو عترته أبالهفه شيعيه
برقيه نرسل وحلا برقيه
محفلنه هذا اليوم راعيه
صاحب الغيبه أبحكمه أللاهيه

يبقه عهدنه الرقبه سداده
بالدم نوقع نمشي برشاده
نرسل تهاني أبمولد الغالي
الطاها أو عترته سادة الساده
....................
7
شدو المحافل يلا شدوها
هلهلوله حلوه الئذني وصلوها
أبيت الدعاء الحاجه طلبوها
مكظيه والله الحاجه تلكوها

ياربي دعوه اتعود هالعاده
أبخير أو سلامه أو فرحه بزياده
نرسل تهاني أبمولد الغالي
الطاها أو عترته سادة الساده
....................
خادم أهل البيت
الشاعر : أسماعيل الجوراني
السبت : 24/4/2021
11/رمضان/1442ه



الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

مـولـد سـبـط يـاسيـن مـولـد حـسنّـه
هل وأنـتشـر بـالكـون لجلـه أنـجمعنـه
ــــ ــــ ــــ ــــ ــــ ــــ ــــ ــــ ــــ ــــ

بــ 15 رمـضــان فـرحـــه وأمـانـــي
مـولـد شـبل ضـرغـام فـقـه ومـعـانـي
لـطـه وعـلـي الـكـرار زفّـو الـتـهـانـي
لـجـل الـسبـط هـلّيـوم سايـل دمـعـنـه

ــــ ــــ ــــ ــــ ــــ ــــ ــــ ــــ ــــ ــــ

هـذا الـسـراط الـبيـه جـنّـه وسـلامــه
يـتبـاهـه بـيـه الـكـون حـتـى الإمـامـه
يـوم الـهـتـف يـاسـيـن واضـح كـلامـه
گـال الـحسـن إمـام نـهجـه أنـتـهجـنـه

ــــ ــــ ــــ ــــ ــــ ــــ ــــ ــــ ــــ ــــ

عـدل وكـرم وأحـسـان هـايـه صـفـاتـه
والـعصّمـه ربـه أنـطـاه حـلمـه وأنـاتـه
وأللـي نكـر هـاللـيـث شـلّـه بـصـلاتـه
يـوم الـحشـر والـضـيـج يـتـبـرّه مـنّـه

ــــ ــــ ــــ ــــ ــــ ــــ ــــ ــــ ــــ ــــ

حـبـك طـبـع بـالـروح يـا سـلـوة الـروح
عـنـي تـزيـل أهـمـوم تـتـنـاثـر أتـروح
حمـل الـمحـب ويّـاك ما يـبقـه مـطروح
بحر الـشفـاعـه هنـاك منّـه أغـتـرفـنـه

ــــ ــــ ــــ ــــ ــــ ــــ ــــ ــــ ــــ ــــ

شُـبّـر نـزل جـبريل بـيـه بـشّـر الـديـن
أسـمك حـسن للـنـاس رددّهـه يـاسـيـن
يبن الـكـرم والـطيـب يـبـن الـميـامـيـن
بـسمـك عـلى الـظـلام رفـرف عـلمـّنـه

ــــ ــــ ــــ ــــ ــــ ــــ ــــ ــــ ــــ ــــ

شـيعـة علي الـكـرار عـلـّگـت شـمعهـه
فـرحـانــه بـالـمـيـلاد هـلـّت دمـعـهــه
تـاج الـشهـامـه الـيـوم هـو الـجـمعـّنـه
سـبـط الـنبـي الـمختـار لـجلـه كـتبّـنـه

ــــ ــــ ــــ ــــ ــــ ــــ ــــ ــــ ــــ ـــ

يـوم الـقيـامـه تـصيـر يـذنـوبك أجـبـال
لا تــنـفـــع الأولاد لا يـنـفــع الـمــال
حـب الحسـن موصوف بس تـنخـه بالحال
يـحـضـر يـزيـل الـنـار لـن حُـبّـه جـنّـه

ــــ ــــ ــــ ــــ ــــ ــــ ــــ ــــ ــــ ـــ ـــ
الـشـاعـر
سـيــد عــلاء الـحـيّــدري




الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

ابو ذيات لميلاد سيدي ومولاي الامام الحسن المجتبى صلوات الله عليه .

ليالي البيض من عندك ....... يلالن
الحسن من مثلك ابوجهه ... يلالن ( جلالا )
النسه لطفالهن بسمك ........ يلالن
وتنام ازغارها ابذكرك زهيه ....

وحگ عباس وچفوفه .... وجوده
الله اختارك اتنور ..... وجوده
يمن احسانه واكرامه .... وجوده
شهدتله الانس والجن سويه .....

الحسن شع نوره ع الدنيا .... ولاله
خصال الشينه مو عنده ...... ولا له
دليلي ابمولده ايجدد ..... ولا له
ويعلن فرحته اويه ابن الزچيه ....

فرح ميلاد عم الكل ........ وزاره
اليشد هنياله بالمحفل ..... وزاره
كلمن يفرح انغفرن ... وزاره
وكل ذنبه انمسح بيد الزچيه ....

شهر رمضان بخمسطعش .... منّه
علينه امن الله اتنزلت ........ منّه
الما يفرح تراهو موش ....... منه (( مو من عدنا ))
ولا محسوب من الرافضيه ......

ابو فاطمة الطائي



الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

هوسات للحسن كريم اهل البيت عليهم السلام
_______________

جبريل عله مهدك يالحسن ناده
فرحانه الملايك كلها والساده
مولود الحسن يا محلى ميلاده

وبأسمك فرحانه الشيعه
********************
شبحت بالبقيع الفرحه والانظار
نبنيلك صحن رغما عالاشرار
مضيفك ماطبكته تحيي بالخطار

ومعزب للكاصد بيته
*******************
لكيتك يالحسن باب الكرم مفتوح
اسمك من لفظه يداوي كل مجروح
الغيرك بالكرم لا والله ما مسموح

ومعزب جبريل ابابه
********************
الشاعر يوسف الفتلاوي



الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

هوسات مولد الحسن (ع)
* * *

بميلاد الحسن فرحانه هاي الناس
تطش بكل محافلهه ورود وياس
تهني حسين هاي الليلة والعباس
وإتهني الخـــوّة ... بــهالـلـيـــلة
* * *
الحسن بحر الكرم إيـــده الشريفه
هدْمو كَبره بس عامر مضيفه
رغم اهل الحقد وأهل السقيفه
والجود اتنومس ... بجفوفه
* * *
الحشد فرحان والساتر يطش بسمات
نور المجتبى شافوه بالصولات
ينطيهم عزيمه و زود بالشــدّات
يكرم بالحيل ... يـكَـــوّيـــهه

* * *
الفخر بس للشهيد بهاي الافراح
رفع راس العراق بدمّه من راح
طاح اعله السمه مـوعـالأرض طاح
و أمــلاك الـشـالـت .. جـثـمـــانه
* * ***
ونسألكم الدعاء

الشاعر حسام الناصري



الناشر عباس التميمي
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

ابيات في ولادة السيدة فاطمة المعصومة ( بنت الامام الكاظم ع)

موسى ابن جعفرِ يا إشراقةَ الكرمِ
وسابقُ الناسِ بالإحسانِ والهممِ

على بساطكَ أورادٌ سننثرها
ومن حناجرنا خذ أجملَ النَّغَمِ

أولَدتَ للدينِ بنتاً صَرحُ عِفَّتِها
مِنْ بعدِ جدتها في الشأنِ والقيَمِ

حكيمةٌ هيَ والنسوانُ تقصدها
تنيرُ ما حلَكَتْ فيهِنَّ مِن ظُلَمِ

أُختُ الرضّا الطُّهرِ لا تخفى كرامتها
تدرُّ بالخيرِ درَّ المُزنِ للدِيَمِ

مباركٌ سيدي في فاطمٍ صدحت
بِجَوِّ يثربَ أفراحا ذوي الشِيَمِ

أهلا بمن ورثت أمجاد جدتها
و عزَّ عمتها والذكرَ من قِدَمِ

واليوم في ( قُمِّ ) كم تُقنا لمرقدِها
توقَ الحمائم لو تهفو الى الحرَمِ

لا قدرَّ الله بعدا عن زيارتها
فهذه نعمة من أفضل النِّعَمِ

****
ناظم الفضلي الكربلائي
٢٠٢١

https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

لذكرى مولد السيدة الجليلة العظيمه فاطمة المعصومه صلوات ربي عليها
اقدم بعض ابيات الابو ذيه واسال الله واسالها القبول ..

معصومه اعله بابچ يطخ .... كل هام
واسمچ يجلي عنّ الگلب .... كل هام
ابميلادچ اهني الآل ........... كلهم
اثنعش معصوم والزهره الزچيه .....

يمن سمّوچ معصومه .... من الزّل
اگص اجدامي عن دربچ ... من ازّل
افرح والفرح واجب ........... مُنزّل
ابميلادچ يبت خير البريه ......

( قُم ) الكل جراحي اصبحت ... مرهم
بلا امودتها لا هيهات ......... ... مرهم
اشكثر يخت الرضا ابدنياي ...... مرهم
لچن ابمولدچ صارت زهيه .......

اقدّس اسمچ او غيره ....... مَ قدّس
واحسب اتراب ال بنعلچ ..... مقدّس
الما قدّس بنت موسى ..... ما قدس
كتابه او قبلته او رب البريه ....

جليله او من نسل فاطم ...... نسلها
وابد ما يوم دلالي .......... نسه الها
عن المعصومه لو كل قم ..... نسلها
چا گالو هبه امن الله او نبيه
_______________________

ابو فاطمة الطائي



https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw